Mangalore

ಎಸ್ಎಸ್ಎಲ್ ಸಿ : ಅಧಿಕಾರಿಲೆಗ್ ಮಾರ್ಗಸೂಚಿ

ಬೆಂಗ್ಳೂರು, ಜೂನ್ 25: ಜುಲೈಡ್ ನಡಪರೇ ಉಪ್ಪುನ ಎಸೆಸೆಲ್ಸಿ ಪರೀಕ್ಷೆಗ್ ಸಂಬಂಧಿಸಾದ್ ಇಲಾಖೆದ ಬೇತೆ ಬೇತೆ ಹಂತದ ಅಧಿಕಾರಿಲು ಬೊಕ್ಕ ಸಿಬಂದಿ ವರ್ಗದಕುಲು ಮಲ್ಪೋಡಾಯಿನ ಕರ್ತವ್ಯ ಬೊಕ್ಕ ಜವಾಬ್ದಾರಿದ ಬಗ್ಗೆ ಗುರುವಾರ ಸುತ್ತೋಲೆ ಕೊರ್ತೇರ್ .

ಖಾಸಗಿ ಪರೀಕ್ಷಾ ಕೇಂದ್ರಗ್ ಸರಕಾರಿ ಪ್ರೌಢಶಾಲಾ ಮುಖ್ಯ ಶಿಕ್ಷಕೆರೆನ್ ಪರೀಕ್ಷಾ ಮುಖ್ಯ ಅಧೀಕ್ಷಕೆರಾದ್ ನೇಮಕ ಮಲ್ಪುನ ಕಡ್ಡಾಯ. ಪರೀಕ್ಷಾ ಕೊಠಡಿಡ್ ಪರೀಕ್ಷಾರ್ಥಿಲೆಗ್ ಅನ್‌ಲಾಗ್‌/ಮೆಕ್ಯಾನಿಕ್‌ ಕೈಗಡಿಯಾರ ಬಳಕೆ ಮಲ್ಪರೆ ಅವಕಾಶಲ್ ಉಂಡು . ಆಂಡ ಡಿಜಿಟಲ್‌ ಬೊಕ್ಕ ಸ್ಮಾರ್ಟ್‌ ವಾಚ್‌ ಬಳಕೆ ಮಲ್ಪರೆ ಇಜ್ಜಿ . ಕನಿಷ್ಠ ಒಂಜಿ ಡೋಸ್‌ ಕೋವಿಡ್‌ ಲಸಿಕೆ ಪಡೆಯಿನ ಅಧಿಕಾರಿ ಬೊಕ್ಕ ಸಿಬಂದಿಲೆನ್ ಪರೀಕ್ಷಾ ಕಾರ್ಯಗ್ ನಿಯೋಜನೆ ಮಲ್ಪರೆ ಸೂಚನೆ ಕೊರ್ತೆರ್.

ಬಿರುವೆರ್ ಕುಡ್ಲ ಬಂಟ್ವಾಳ ಘಟಕರ್ದ್ ಆಸರೆ ಕಿಟ್

ಕುಡ್ಲ, ಜೂನ್ 24: ಪಾಪದಕ್ಲೆನ ಕಾಮಧೇನು, ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ, SNDPS ಪ್ರಶಸ್ತಿ ಪುರಸ್ಕೃತ, ಬೊಕ್ಕ ಕನ್ನಡ ಬೊಕ್ಕ ಸಂಸ್ಕೃತಿ ಸಮ್ಮೇಳನದ ಮಾನದಿಗೆ ಪಡೆಯಿನ, ಬ್ರಹ್ಮಶ್ರೀ ನಾರಾಯಣಗುರುಸ್ವಾಮಿಲೆನ ತತ್ವ, ಆದರ್ಶದ ಪ್ರಕಾರ ಒಂಜೆ ಜಾತಿ, ಒಂಜೇ ಮತ, ಒಂಜೇ ದೇವೆರ್ ” ಪನ್ಪಿನ ತತ್ವದೊಟ್ಟುಗು , ‘ಸ್ವಂತಗ್ ಒಂತೆ , ಸಮಾಜಗ್ ಸರ್ವಸ್ವ ಪನ್ಪಿನ ನೆಲೆಟ್ಟ್ ನಿರಂತರ ಸಮಾಜಸೇವೆ ಮಲ್ತೊಂದು ಉಪ್ಪುನ ಪೆರ್ಮೆದ ಬಿರುವೆರ್ ಕುಡ್ಲ ಸಂಘಟನೆದ ಅಂಗ ಸಂಸ್ಥೆಯಾಯಿನ ಬಿರುವೆರ್ ಕುಡ್ಲ ಬಂಟ್ವಾಳ ಘಟಕದ ವಿಶೇಷ ಸೇವಾ ಯೋಜನೆಯಾಯಿನ ಆಸರೆ ಕಿಟ್ ವಿತರಣಾ ಲೇಸ್ ಫ್ರೆಂಡ್ಸ್ ಬಳ್ಳಾಲ್ ಭಾಗ್ ಬಿರುವೆರ್ ಕುಡ್ಲ , ಬಂಟ್ವಾಳ ಘಟಕ ನೆತ್ತ ವತಿರ್ದ್ ಕೊರೋನ ಮಹಾಮಾರಿದ ಈ ಕಷ್ಟಕಾಲಡ್ ಅಶಕ್ತ ಪಾಪದ ಕುಟುಂಬಲೆಗ್ ಸಾಕಾರ ಕೊರಿಯೆರ್.