Mangalore

ಜುಲೈ ಡ್ ಕಾಲೇಜ್ದ ಜೋಕ್ಲೆಗ್ ಕೋವಿಡ್ ಲಸಿಕೆ : ಡಿಸಿಎಂ ಡಾ.ಅಶ್ವಥ್ ನಾರಾಯಣ್

ಬೆಂಗ್ಳೂರು, ಜೂನ್ 24: ಆದ್ಯತೆದ ಮಿತ್ತ್ ಕಾಲೇಜ್ ಜೋಕ್ಲೆಗ್ ಜುಲೈ ಸುರುತ್ತ ವಾರ ಅತ್ತುಂಡ 2ನೇ ವಾರಡ್ ಕೊವಿಡ್ ಲಸಿಕೆ ಕೊರ್ಪ ಪಂದ್ ವಿಧಾನಸೌಧಡ್ ಉಪ ಮುಖ್ಯಮಂತ್ರಿ ಬೊಕ್ಕ ರಾಜ್ಯ ಕೊವಿಡ್ ಕಾರ್ಯಪಡೆದ ಗುರ್ಕಾರ್ಲಾಯಿನ ಆಯಿನ ಡಾ. ಅಶ್ವತ್ಥ್ ನಾರಾಯಣ ಪಂಡೆರ್ . ಕಾಲೇಜು ಸುರು ಆಯಿ ಬೊಕ್ಕ ಕುಡ ಕಾಲೇಜ್ ಸುರು ಆಯಿಬೊಕ್ಕ ಪನ್ಪಿನ ವಿನೂತನ ಲೇಸ್ ಅಟ್ಟನೆ ಮಲ್ಪುನ ಬಗ್ಗೆ ಚರ್ಚೆ ನಡಪಾಯೆರ್.

ಒಡಿಪು ಜೂನ್ 24 ಬೊಕ್ಕ 25ಕ್ಕ್ ಗ್ರಾಮ ಪಂಚಾಯತ್ ಮಟ್ಟಡ್ ವಿಮಾ ಶಿಬಿರ

ಒಡಿಪು , ಜೂ.23: ಸರಕಾರದ ನಿರ್ದೇಶನದ ಪ್ರಕಾರ ಜೂ.20 ತಾರೀಖ್ ರ್ದ್ 30 ಮುಟ ವಿಮಾ ಸಪ್ತಾಹನ್ ನಡಪಾವೊಂದು ಉಲ್ಲೆರ್ . ನೆಟ್ಟ್ ಪ್ರಧಾನ ಮಂತ್ರಿ ಸುರಕ್ಷಾ ವಿಮಾ ಯೋಜನೆ ಬೊಕ್ಕ ಪ್ರಧಾನ ಮಂತ್ರಿ ಜೀವನಜ್ಯೋತಿ ವಿಮಾ ಯೋಜನೆನ್ ಸಂಜೀವಿನಿ ಬೊಕ್ಕ ಮಾತಾ ಸ್ವಸಹಾಯ ಕೂಟದ ಸದಸ್ಯೆರೆಗ್ , ಉದ್ಯೋಗ ಖಾತರಿ ಯೋಜನೆ ಕೂಲಿಕಾರೆರೆಗ್ ಸ್ವಚ್ಛತಾ ಕಾರ್ಯಂತೆರೆಗ್ ಬೊಕ್ಕ ಫಲಾನುಭವಿಲೆಗ್ ವಿಮೆ ಮಲ್ಪರೆ ತೀರ್ಮಾನ ಮಲ್ದೆರ್ .

ಈ ಸಪ್ತಾಹದ ಪರವಾದ್ ಇಂದುವೆ ಜೂ.24 ಬೊಕ್ಕ 25ಕ್ಕ್ ಜಿಲ್ಲೆದ ಗ್ರಾಪಂದ ವ್ಯಾಪ್ತಿಡ್ ಗ್ರಾಮಪಂಚಾಯತ್ ಬೊಕ್ಕ ಬ್ಯಾಂಕ್‌ದ ಒಟ್ಟು ಸೇರಿಗೆಡ್ ಕೈತಲ್ ಡೇ ವಿಮೆ ಮಲ್ಪುನ ಶಿಬಿರನ್ ಅಟ್ಟನೆ ಮಲ್ಪರೆ ತೆರಿಪಾದೆರ್ .

ಕುಡ್ಲಡ್ ಎಲ್ಲೆರ್ದ್ ಮಾತಾ ಅಂಗಡಿಡ್ ಬೇರ ಮಲ್ಪರೆ ಅವಕಾಶ – ಕೋಟ ಶ್ರೀನಿವಾಸ್ ಪೂಜಾರಿ

ಕುಡ್ಲ , ಜೂ.22 : “ದ.ಕ. ಜಿಲ್ಲೆಡ್ ಜೂನ್.23ರ್ದ್ ಮಾತಾ ಅಂಗಡಿಲೆನ್ ಸುರು ಮಲ್ಪರೆ ಅವಕಾಶ ಕೊರ್ತ ” ಪಂದ್ ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ್ ಪೂಜಾರಿ ತೆರಿಪಾದೆರ್ .

ಈ ಬಗ್ಗೆ ಮಾಹಿತಿ ಕೊರಿನ ಆರ್ , “ಸಂಸದ ನಳಿನ್ ಕುಮಾರ್ ಕಟೀಲ್ ಬೊಕ್ಕ ಮಾತಾ ಶಾಸಕೆರ್ ಮುಖ್ಯಮಂತ್ರಿಲೆಗ್ ಮನವಿ ಮಲ್ತಿನ ನೆಲೆಟ್ಟ್ ಕುಡ್ಲಡ್ ಎಲ್ಲೆರ್ದ್ ಮಾತಾ ಅಂಗಡಿನ್ ಕಾಂಡೆ 6 ಗಂಟೆರ್ದ್ ಮಧ್ಯಾಹ್ನ 2 ಗಂಟೆ ಮುಟ ಬೇರ ಮಲ್ಪರೆ ಅವಕಾಶ ಕೊರ್ತ ಪಂದ್ ” ಪಂಡೆರ್ .