Sat. Nov 21st, 2026

Kambula news

ಕಂಬುಲದ ಸೀಸನ್ ಸುರು; ಈ ವರ್ಷದ ಪಟ್ಟಿ ರಿಲೀಸ್

ಕುಡ್ಲ : ತುಳುನಾಡ್‌ಡ್ ಕಂಬುಲದ ಸೀಸನ್ ಸುರು ಆವೊಂದುಂಡು. ಸಾಂಪ್ರದಾಯಿಕ ಕಂಬುಲದ ಪೊಸ ಸೀಸನ್‌ಗ್ ಅಭಿಮಾನಿಲು ಭಾರಿ ನಿರೀಕ್ಷೆಡ್ ಉಲ್ಲೆರ್. ಈ ಹಿನ್ನೆಲೆಡ್ 2026-27ನೇ ಸಾಲ್‌ದ ಕಂಬುಲದ ಟೈಮ್ ಟೇಬಲ್ ಪ್ರಕಟ ಆತ್ಂಡ್.

ಈ ಸೀಸನ್‌ಡ್ 26 ಕಂಬುಲ ನಡಪರೆ ಉಂಡು. ಸುರುತ್ತ ಕಂಬುಲ ನ.14 ಕ್ಕ್ ಸಾಣೂರುಡು ನಡಪರೆ ಉಂಡು. 2027 ಮೇ 1 ಕ್ಕ್ ಕಡಂದಲೆಡ್ ಅಕೇರಿದ ಕಂಬುಲ ನಡಪರೆ ಉಂಡು.

ದಕ್ಷಿಣ ಕನ್ನಡ ಜಿಲ್ಲಾ ಕಂಬಳ ಅಸೋಸಿಯೇಷನ್ ಬೊಕ್ಕ ಜಿಲ್ಲಾ ಕಂಬಳ ಸಮಿತಿದ ಒಟ್ಟು ಸೇರಿಗೆಡ್ ಕಂಬುಲದ ದಿನ ಪಟ್ಟಿ ತಯಾರಾತ್ಂಡ್. ಕೊಳಚೂರು ಕೊಂಡೆಟ್ಟು ಸುಕುಮಾರ ಶೆಟ್ಟಿ ಬೊಕ್ಕ ಕೊಳಕೆ ಇರ್ವತ್ತೂರು ಭಾಸ್ಕರ ಕೋಟ್ಯಾನ್ ಮೊಕ್ಲೆನ ಮುತಾಲಿಕೆಡ್ ಬೇತೆ ಬೇತೆ ಕಂಬುಲದ ಅಧ್ಯಕ್ಷೆರ್‌ನಕಲ್ನ ಸಹಕಾರೊಡು ವೇಳಾ ಪಟ್ಟಿ ರಚನೆ ಆತ್ಂಡ್.

2026-27ನೇ ವರ್ಷದ ಕಂಬುಲ ಟೈಮ್ ಟೇಬಲ್

ನವೆಂಬರ್ 14 – ಸಾಣೂರು , ನವೆಂಬರ್ 21 – ಕೊಡಂಗೆ, ನವೆಂಬರ್ 28 – ಕಕ್ಕೆಪದವು, ಡಿಸೆಂಬರ್ 5 – ಹೊಕ್ಕಾಡಿಗೋಳಿ, ಡಿಸೆಂಬರ್ 12 – ಬಾರಾಡಿ ಬೂಡು, ಡಿಸೆಂಬರ್ 19 – ವೇಣೂರು, ಡಿಸೆಂಬರ್ 26 – ಮೂಲ್ಕಿ, ಡಿಸೆಂಬರ್ 27 – ಬಳ್ಳಮಂಜ, ಜನವರಿ 2 – ಮಂಗಳೂರು, ಜನವರಿ 9 – ಮಿಯ್ಯಾರು, ಜನವರಿ 16 – ನರಿಂಗಾನ, ಜನವರಿ 23 – ಬೆದ್ರ, ಜನವರಿ 30 – ಪುತ್ತೂರು, ಫೆಬ್ರವರಿ 6 – ಐಕಳ, ಫೆಬ್ರವರಿ 13 – ಜಪ್ಪಿನಮೊಗೆರ್, ಫೆಬ್ರವರಿ 20 – ಅಡ್ವೆ, ಫೆಬ್ರವರಿ 27 – ವಾಮಂಜೂರು, ಮಾರ್ಚ್ 6 – ಎರ್ಮಾಳ್, ಮಾರ್ಚ್ 13 – ಬಂಟ್ವಾಳ, ಮಾರ್ಚ್ 20 – ಬಂಗಾಡಿ, ಮಾರ್ಚ್ 27 – ಉಪ್ಪಿನಂಗಡಿ, ಏಪ್ರಿಲ್ 3 – ಗುರುಪುರ, ಏಪ್ರಿಲ್ 10 – ಬಳ್ಕುಂಜೆ, ಏಪ್ರಿಲ್ 17 – ಹರೇಕಳ, ಏಪ್ರಿಲ್ 24 – 80 ಬಡಗಬೆಟ್ಟು ಬೊಕ್ಕ ಮೇ 1 – ಕಡಂದಲೆ.

ಮಾತಾ ಕಂಬುಲ ಸಮಿತಿಲೆನ ಆಯೋಜಕೆರ್ ಬೊಕ್ಕ ಎರ್ಲೆನ ಯಜಮಾನೆರ್‌ನಕುಲು ಸಹಕಾರ ಮಲ್ಪೊಡು ಪಂಡ್‌ದ್ ರಾಜ್ಯ ಕಂಬುಳ ಅಸೋಸಿಯೇಷನ್ ಅಧ್ಯಕ್ಷೆರ್ ದೇವಿ ಪ್ರಸಾದ್ ಶೆಟ್ಟಿ ಬೊಕ್ಕ ಜಿಲ್ಲಾ ಕಂಬುಲ ಸಮಿತಿ ಅಧ್ಯಕ್ಷೆರ್ ಚಂದ್ರಹಾಸ ಸಾಧು ಸನಿಲ್ ಪ್ರಕಟಣೆಡ್ ತೆರಿಪಾದೆರ್.

“ನಮ್ಮ ಕುಡ್ಲ”ದ ಲೀಲಾಕ್ಷ ಬಿ. ಕರ್ಕೇರ ಮೆರೆಗ್ ಕಂಬುಲ ಅಕಾಡೆಮಿ ಪ್ರಶಸ್ತಿ

ಬೆದ್ರ : ಕಂಬುಲ ಸಂರಕ್ಷಣೆ, ನಿರ್ವಹಣೆ ಬೊಕ್ಕ ತರಬೇತಿ ಅಕಾಡೆಮಿದ ನಿಲೆಟ್ ಕೊರ್ಪಿನ ಕಂಬುಲ ಅಕಾಡೆಮಿ ಪ್ರಶಸ್ತಿಗ್ ನಮ್ಮ ಕುಡ್ಲ ಚಾನಲ್ ದ ನಿರ್ದೇಶಕೆರ್ ಲೀಲಾಕ್ಷ ಬಿ. ಕರ್ಕೇರ ಅಜತ್ ಬೈದೆರ್.
ಅ. 8 ಗುರುವಾರ ಬೆದ್ರದ ಒಂಟಿಕಟ್ಟೆಡ್ ನಡಪುನ ಕಾರ್ಯಕ್ರಮೊಟು ಈ ಪ್ರಶಸ್ತಿ ಕೊರ್ದು ಮರ್ಯಾದಿ ಸಂದೈತ ಮಲ್ಪುವೆರ್.
ಲೀಲಾಕ್ಷ ಬಿ. ಕರ್ಕೇರ ಮೇರ್ ಕಂಬುಲ ಕ್ಷೇತ್ರೊಗು ಕೊರ್ನ ಕೊಡುಗೆಲೆನ್ ಲೆಕ್ಕೊಗು ದೆತೊಂದು ಈ ಪ್ರಶಸ್ತಿ ಸಂದ್ ದ್oಡ್. ನಮ್ಮ ಕುಡ್ಲ ಚಾನಲ್ ಕರಿನ ಪಾಕ ವರ್ಸೊಲೆಡ್ ಒಡಿಪು ಸೇರ್ದ್ ದಕ್ಷಿಣ ಕನ್ನಡ ಜಿಲ್ಲೆಡ್ ನಡಪುನ ಕಂಬುಲದ ಸೀದಾ ಪ್ರಸಾರ ಮಲ್ತೊಂದು, ಅಯಿತ ಒಟ್ಟುಗು ಕಂಬುಲ ಕ್ಷೇತ್ರೊಗು ಇಸೇಸ ಕೊಡಿಗೆ ಕೊರ್ನ ಎರುಕ್ಲೆನ ಯಜಮಾನೆರ್, ಎರುಕ್ಲೆನ ಇಸೇಸತೆ, ಎರು ಗಿಡಪುನಕ್ಲು ಇಂಚ ಇಡೀ ವರದಿ ಕೊರೊಂದು ಬೈದ್oಡ್. ವರ್ಸಲ ಕಂಬುಲ ಕ್ಷೇತ್ರದ ಸಾಧಕೆರೆನ್ ಗುರ್ತು ಮಲ್ತ್ ದ್ ಮರ್ಯಾದಿ ಮಲ್ತೊಂದುoಡು.

ಸೆ.8 : ಕಂಬುಲ ಸಮಾಲೋಚನೆ ಸಭೆ

ಬೆದ್ರ : ರಾಜ್ಯ ಕಂಬುಲ ಅಸೋಸಿಯೇಷನ್ ಬೊಕ್ಕ ಜಿಲ್ಲಾ ಕಂಬುಲ ಸಮಿತಿದ ಜಂಟಿ ಸಮಾಲೋಚನೆ ಸಭೆ ಸೆ.8 ಅಂಗಾರೆ ಬೆದ್ರದ ಸೃಷ್ಟಿ ಗಾರ್ಡನ್‌ಡ್ ನಡಪರೆ ಉಂಡು.
ಅಸೋಸಿಯೇಷನ್ ‌ದ ಅಧ್ಯಕ್ಷೆರ್ ಬೆಳಪು ದೇವಿ ಪ್ರಸಾದ್ ಶೆಟ್ಟಿ ಬೊಕ್ಕ ಜಿಲ್ಲಾ ಕಂಬುಲ ಸಮಿತಿದ ಅಧ್ಯಕ್ಷೆರ್ ಚಂದ್ರಹಾಸ ಸನಿಲ್ ಮೊಕ್ಲೆನ ಉಪಸ್ಥಿತಿಟ್ಟ್ ಸೆ.8 ಮದ್ಯಾನ 3 ಗಂಟೆಗ್ ಸಭೆ ಲೆತ್ತ್‌ದೆರ್. ಈ ಸಭೆಟ್ಟ್ ಪೊಸ ಸೀಸನ್‌ದ ಕಂಬುಲ ವಿಚಾರೊಡು ಸಮಾಲೋಚನೆ ನಡಪರೆ ಉಂಡು.
ಕಂಬುಲದ ಆಯೋಜಕೆರ್, ಎರ್ಲೆನ ಯಜಮಾನೆರ್,ತೀರ್ಪುಗಾರೆರ್, ಕಂಬುಲ, ಸಮಿತಿದ ಪದುಕೆರ್, ಎರು ಬುಡ್ಪಿನಕುಲು, ಎರು ಗಿಡಪುನಕುಲು ಬೊಕ್ಕ ಪರಿಚಾರಕ ವರ್ಗದಕುಲು ಈ ಸಭೆಟ್ಟ್ ಪಾಲ್ ಪಡೆದ್ ಸಲಹೆ ಸೂಚನೆನ್ ಪಟ್ಟೊನೊಡು ಪಂದ್ ಕಂಬುಲ ಅಸೋಸಿಯೇಷನ್ ಪ್ರಧಾನ ಕಾರ್ಯದರ್ಶಿ ವಿಜಯಕುಮಾರ್ ಕಂಗಿನಮನೆ ಬೊಕ್ಕ ಕೋಶಾಧಿಕಾರಿ ಲೋಕೇಶ್ ಶೆಟ್ಟಿ ಮುಚ್ಚೂರು ಕಲ್ಕುಡೆ ಪತ್ರಿಕಾ ಹೇಳಿಕೆಡ್ ಬಿನ್ನಾಪು ಮಲ್ದೆರ್.

 

ಬೆಂಗಳೂರು ಕಂಬುಲಡ್ ಗೆಂದಿನಕುಲು ಮೊಕುಲು

ಬೆಂಗಳೂರುಡ್ ನ.25 ಕ್ಕ್ ನಡತಿನ “ರಾಜ- ಮಹಾರಾಜ” ಜೋಡುಕರೆ ಕಂಬುಲ ಕೂಟದ ರಿಸಲ್ಟ್ ಇಂಚ ಉಂಡು.

ಕನೆಪಲಯಿ: 7 ಜತೆ

ಅಡ್ಡಪಲಯಿ: 6 ಜತೆ

ಬಲ್ಲ್ ದ ಮಲ್ಲ: 21 ಜತೆ
ನಾಯೆರ್ ಮಲ್ಲ: 32 ಜತೆ
ಬಲ್ಲ್ ಎಲ್ಯ: 31 ಜತೆ
ನಾಯೆರ್ ಎಲ್ಯ: 62 ಜತೆ
ಒಟ್ಟು ಎರ್ಲೆನ ಸಂಖ್ಯೆ: 159 ಜತೆ

ಕನೆಪಲಯಿ: ಬೋಳಂಬಳ್ಳಿ ಚೈತ್ರಾ ಪರಮೇಶ್ವರ ಭಟ್ ಮೇರ್ನ “ಬಿ” ಎರ್ಲು 6.5 ಕೋಲ್ ನಿಶಾನೆಗ್ ನೀರ್ ರಾಪಾದ್ಂಡ್.
ಪಲಯಿ ಮುಟ್ಟಿನಾರ್: ಉಲ್ಲೂರು ಕಂದಾವರ ಗಣೇಶ್

ಅಡ್ಡ ಪಲಯಿ:
ಸುರುತ್ತ ಇನಾಮು: ಎಸ್. ಎಮ್. ಎಸ್ ಫ್ಯಾಮಿಲಿ ಬೆಂಗಳೂರು
ಪಲಯಿ ಮುಟ್ಟಿನಾರ್: ಭಟ್ಕಳ ಹರೀಶ್

ರಡ್ಡನೇ ಇನಾಮು: ಬೋಳಾರ ತ್ರಿಶಾಲ್ ಕೆ ಪೂಜಾರಿ
ಪಲಯಿ ಮುಟ್ಟಿನಾರ್: ಸಾವ್ಯ ಗಂಗಯ್ಯ ಪೂಜಾರಿ

ಬಲ್ಲ್ ಮಲ್ಲ:
ಸುರುತ್ತ ಇನಾಮು: ನಂದಳಿಕೆ ಶ್ರೀಕಾಂತ್ ಭಟ್ “ಸಿ”
ಗಿಡತಿನಾರ್: ಬಂಬ್ರಾಣಬೈಲು ವಂದಿತ್ ಶೆಟ್ಟಿ

ರಡ್ಡನೇ ಇನಾಮು: ಮಾಳ ಆನಂದ ನಿಲಯ ಶೇಖರ ಎ ಶೆಟ್ಟಿ
ಗಿಡತಿನಾರ್: ಭಟ್ಕಳ ಶಂಕರ್ ನಾಯ್ಕ್

ಬಲ್ಲ್ ಎಲ್ಯ:
ಸುರುತ್ತ ಇನಾಮು: ಸುರತ್ಕಲ್ ಪಾಂಚಜನ್ಯ ಯೋಗೀಶ್ ಕರಿಯ ಪೂಜಾರಿ
ಗಿಡತಿನಾರ್: ಮಾಸ್ತಿ ಕಟ್ಟೆ ಸ್ವರೂಪ್

ರಡ್ಡನೇ ಇನಾಮು: ನಿಟ್ಟೆ ಪರಪ್ಪಾಡಿ ಸುರೇಶ್ ಕೋಟ್ಯಾನ್ “ಎ”
ಗಿಡತಿನಾರ್: ಅತ್ತೂರು ಕೋಡಂಗೆ ಸುಧೀರ್ ಸಾಲ್ಯಾನ್

ನಾಯೆರ್ ಮಲ್ಲ:
ಸುರುತ್ತ ಇನಾಮು: ಬಂಗಾಡಿ ಪರಂಬೇಲು ನಾರಾಯಣ ಮಲೆ ಕುಡಿಯ
ಗಿಡತಿನಾರ್: ಸರಪಾಡಿ ಧನಂಜಯ ಗೌಡ

ರಡ್ಡನೇ ಇನಾಮು: ಮಾಳ ಆನಂದ ನಿಲಯ ಶೇಖರ ಎ ಶೆಟ್ಟಿ
ಗಿಡತಿನಾರ್: ಪಟ್ಟೆ ಗುರು ಚರಣ್

ನಾಯೆರ್ ಎಲ್ಯ:
ಸುರುತ್ತ ಇನಾಮು: ಜೈ ತುಳುನಾಡು ಪುತ್ತೂರು ಬೊಟ್ಯಾಡಿ ಕಿಶೋರ್ ಭಂಡಾರಿ
ಗಿಡತಿನಾರ್: ಪೆಂರ್ಗಾಲು ಕೃತಿಕ್ ಗೌಡ

ರಡ್ಡನೇ ಇನಾಮು: ಎರ್ಮಾಳ್ ಪುಚ್ಚೊಟ್ಟುಬೀಡು ಬಾಲಚಂದ್ರ ಶೆಟ್ಟಿ
ಗಿಡತಿನಾರ್: ಬೈಂದೂರು ವಿವೇಕ್ ಪೂಜಾರಿ.

You Missed