ಬೆದ್ರ : ರಾಜ್ಯ ಕಂಬುಲ ಅಸೋಸಿಯೇಷನ್ ಬೊಕ್ಕ ಜಿಲ್ಲಾ ಕಂಬುಲ ಸಮಿತಿದ ಜಂಟಿ ಸಮಾಲೋಚನೆ ಸಭೆ ಸೆ.8 ಅಂಗಾರೆ ಬೆದ್ರದ ಸೃಷ್ಟಿ ಗಾರ್ಡನ್ಡ್ ನಡಪರೆ ಉಂಡು.
ಅಸೋಸಿಯೇಷನ್ ದ ಅಧ್ಯಕ್ಷೆರ್ ಬೆಳಪು ದೇವಿ ಪ್ರಸಾದ್ ಶೆಟ್ಟಿ ಬೊಕ್ಕ ಜಿಲ್ಲಾ ಕಂಬುಲ ಸಮಿತಿದ ಅಧ್ಯಕ್ಷೆರ್ ಚಂದ್ರಹಾಸ ಸನಿಲ್ ಮೊಕ್ಲೆನ ಉಪಸ್ಥಿತಿಟ್ಟ್ ಸೆ.8 ಮದ್ಯಾನ 3 ಗಂಟೆಗ್ ಸಭೆ ಲೆತ್ತ್ದೆರ್. ಈ ಸಭೆಟ್ಟ್ ಪೊಸ ಸೀಸನ್ದ ಕಂಬುಲ ವಿಚಾರೊಡು ಸಮಾಲೋಚನೆ ನಡಪರೆ ಉಂಡು.
ಕಂಬುಲದ ಆಯೋಜಕೆರ್, ಎರ್ಲೆನ ಯಜಮಾನೆರ್,ತೀರ್ಪುಗಾರೆರ್, ಕಂಬುಲ, ಸಮಿತಿದ ಪದುಕೆರ್, ಎರು ಬುಡ್ಪಿನಕುಲು, ಎರು ಗಿಡಪುನಕುಲು ಬೊಕ್ಕ ಪರಿಚಾರಕ ವರ್ಗದಕುಲು ಈ ಸಭೆಟ್ಟ್ ಪಾಲ್ ಪಡೆದ್ ಸಲಹೆ ಸೂಚನೆನ್ ಪಟ್ಟೊನೊಡು ಪಂದ್ ಕಂಬುಲ ಅಸೋಸಿಯೇಷನ್ ಪ್ರಧಾನ ಕಾರ್ಯದರ್ಶಿ ವಿಜಯಕುಮಾರ್ ಕಂಗಿನಮನೆ ಬೊಕ್ಕ ಕೋಶಾಧಿಕಾರಿ ಲೋಕೇಶ್ ಶೆಟ್ಟಿ ಮುಚ್ಚೂರು ಕಲ್ಕುಡೆ ಪತ್ರಿಕಾ ಹೇಳಿಕೆಡ್ ಬಿನ್ನಾಪು ಮಲ್ದೆರ್.