Dakshina Kannada

ಜೋಕ್ಲೆಗ್ ಉಚಿತ ಸಿಇಟಿ ತರಬೇತಿ

ಬೆಂಗ್ಳೂರು, ಜುಲೈ 11 :ದಯಾನಂದಸಾಗರ್‌ ಸಂಸ್ಥೆರ್ದ್ ಸಿಇಟಿ ಜೋಕ್ಲೆಗಾದ್ ಅಟ್ಟನೆ ಮಲ್ತಿನ ಉಚಿತ ಆನ್‌ಲೈನ್‌ ತರಗತಿಗ್ ಉಪಮುಖ್ಯಮಂತ್ರಿಲಾಯಿನ ಉನ್ನತ ಶಿಕ್ಷಣ ಸಚಿವ ಡಾ.ಸಿ.ಎನ್‌.ಅಶ್ವತ್ಥನಾರಾಯಣ ಚಾಲನೆ ಕೊರಿಯೆರ್ .

ಶುಕ್ರವಾರ ಮಲ್ಲೇಶ್ವರದ 18ನೇ ಅಡ್ಡರಸ್ತೆಡ್ ಉಪ್ಪುನ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರಡ್ ನಡತಿನ ಲೇಸ್ ಡ್ ಪಾತೆರಿನ ಆರ್,ದಯಾನಂದ ಸಾಗರ್‌ ಸಂಸ್ಥೆದ ಈ ಕಾರ್ಯ ಸಿಇಟಿ ಬರೆಯರೆ ಉಪ್ಪುನ ಜೋಕ್ಲೆಗ್ ಎಚ್ಚ ಅನುಕೂಲ ಆಯೆರೆ ಉಂಡು .

ಆನ್‌ಲೈನ್‌ ಮುಖೇನ ಸೂಕ್ತ ಬೊಕ್ಕ ಸಮರ್ಥ ರೀತಿಡ್ ಕೊರಿಯರೆ ಉಂಡು ಪಂದ್ ವಿಶ್ವಾಸ ಕೊರಿಯೆರ್ .ವೃತ್ತಿಪರ ಕೋರ್ಸ್‌ದ ಪ್ರವೇಶಗ್ ಸಿಇಟಿಬರೆಯರೆ ಉಪ್ಪುನ ಜೋಕ್ಲೆಗ್ ಆನ್‌ಲೈನ್ ಮುಖೇನ ನುರಿತ ಉಪನ್ಯಾಸಕೆರ್ನ ಮುಖೇನ ಭೌತಶಾಸ್ತ್ರ, ರಸಾಯನಶಾಸ್ತ್ರ, ಗಣಿತ ಬೊಕ್ಕ ಜೀವಶಾಸ್ತ್ರವಿಷಯದ ತರಗತಿನ್ ಆನ್‌ಲೈನ್‌ ಮುಖೇನ ದಯಾನಂದ ಸಾಗರ್‌ ಸಂಸ್ಥೆ ಕೊರಿಯರೆ ಉಂಡು ಪಂದ್ ಪಂಡೆರ್.

ನನ ದುಂಬು ನಾಲ್ ವರ್ಷ ಬಿಎಸ್ಸಿ : ರತ್ನಕುಮಾರ್

ಶಿರ್ವ, ಜುಲೈ 11: ಸೋದೆ ವಾದಿರಾಜ ಮಠ ಶಿಕ್ಷಣ ಪ್ರತಿಷ್ಠಾನರ್ದ್ ಪ್ರವರ್ತಿತ ಬಂಟಕಲ್ ಮಧ್ವ ವಾದಿರಾಜ ತಾಂತ್ರಿಕ ವಿಶ್ವವಿದ್ಯಾಲಯಡ್ ದುಂಬುದ ಶೈಕ್ಷಣಿಕ ವರ್ಷರ್ದ್ 4 ವರ್ಷದ ಬಿಎಸ್‍ಸಿ ಪದವಿ ಶಿಕ್ಷಣ ಸುರು ಮಲ್ಪರೆ ತಯಾರ್ ಮಲ್ದೆರ್ ಪಂದ್ ಸೋದೆ ವಾದಿರಾಜ ಮಠ ಶಿಕ್ಷಣ ಪ್ರತಿಷ್ಠಾನದ ಕಾರ್ಯದರ್ಶಿ ರತ್ನಕುಮಾರ್ ಶುಕ್ರವಾರ ಪತ್ರಿಕಾಗೋಷ್ಠಿಡ್ ತೆರಿಪಾದೆರ್ .

ಬೆಳಗಾವಿ ವಿಶ್ವೇಶ್ವರಯ್ಯ ತಾಂತ್ರಿಕ ಮಹಾವಿದ್ಯಾಲಯ 2021-22 ರ ಸಾಲ್ರ್ದ್ ನ್ಯಾಕ್, ಎನ್.ಬಿ.ಎ. ಮಾನ್ಯತೆ ಪಡೆತಿನ ತಾಂತ್ರಿಕ ಕಾಲೇಜುಡು ಪೊಸ ರಾಷ್ಟ್ರೀಯ ಶಿಕ್ಷಣ ನೀತಿದ ಅನ್ವಯ ನಾಲ್ ವರ್ಷ ಬಿ.ಎಸ್ಸಿ. ಪದವಿ ತರಗತಿ ಸುರು ಮಲ್ಪರೆ ತೀರ್ಮಾನ ಮಲ್ದೆರ್ . ವಿದ್ಯಾಲಯ ಕೂಡ ಈ ಕೋರ್ಸ್ ನಡಪಾಯೆರೆ ಅರ್ಹತೆ ಪಡೆತುಂಡು . ಬಂಟಕಲ್ ಮಧ್ವ ವಾದಿರಾಜ ತಾಂತ್ರಿಕ ಮಹಾವಿದ್ಯಾಲಯ ಶೈಕ್ಷಣಿಕ ಸೇವೆಡ್ ಪತ್ತೊಂಜಿ ವರ್ಷನ್ ಪೂರೈಸಾವೊಂದು ಉಂಡು ಪಂದ್ ತೆರಿಪಾಯೆರ್.