Dakshina Kannada

ಪಚ್ಚನಾಡಿದ ಎಸ್.ಟಿ.ಪಿ ಗ್ ಭೇಟಿ ಕೊರಿನ ಮೇಯರ್ ಪ್ರೇಮಾ ನಂದ ಶೆಟ್ಟಿ

ಕುಡ್ಲ , ಜು. 8: ಕುಡ್ಲ ಮಹಾನಗರಪಾಲಿಕೆದ ಪಚ್ಚನಾಡಿಡ್ ಉಪ್ಪುನ ಸೆಕೆಂಡರಿ ಟ್ರೀಟ್ ಮೆಂಟ್ ಪ್ಲಾಂಟ್(ಎಸ್.ಟಿ.ಪಿ.) ಬೊಕ್ಕ ಪಿಲಿಕುಳಡ್ ಉಪ್ಪುನ ಟರ್ಶರಿ ಟ್ರೀಟ್ ಮೆಂಟ್ ಪ್ಲಾಂಟ್ (ಟಿ.ಟಿ.ಪಿ.) ಗ್ ಬುಧವಾರ ಮೇಯರ್ ಪ್ರೇಮಾನಂದ ಶೆಟ್ಟಿ ಭೇಟಿ ಕೊರ್ದು ಪರಿಶೀಲಿಸನೆ ಮಲ್ತೆರ್ .

ಒಳಚರಂಡಿ ನೀರ್ ನ್ ಎಸ್.ಟಿ.ಪಿ. ಡ್ ಶುದ್ಧೀಕರಣ ಮಲ್ತೊಂದು ಉಲ್ಲೆರ್ ಈ ಶುದ್ಧ ಮಲ್ತಿನ ನೀರ್ ನ್ ಪಿಲಿಕುಳಡ್ ಉಪ್ಪುನ ಟಿ.ಟಿ.ಪಿ. ಗ್ ಬುಡ್ಪೆರ್ . ಐರ್ದಾವರ ಶುದ್ಧೀಕರಣ ಮಲ್ತಿನ ನೀರ್ ನ್ ಸ್ವಚ್ಚ ನೀರಾದ್ ಪರಿವರ್ತನೆ ಮಲ್ತ್ ಪಿಲಿಕುಳ ನಿಸರ್ಗಧಾಮದ ಉಪಯೋಗಗಾದ್ ಕೊರ್ಪೆರ್, ಈ ವ್ಯವಸ್ಥೆನ್ ಪರಿಶೀಲನೆ ನಡಪಾಯೆರ್.

ಈ ಪೊರ್ತುಡು ಮನಪಾ ಸದಸ್ಯೆರಾಯಿನ ಸಂಗೀತ ನಾಯಕ್ ಬೊಕ್ಕ ಕಾರ್ಯಪಾಲಕ ಅಭಿಯಂತರೆರಾಯಿನ ಗುರುಪ್ರಸಾದ್ ಪಾಲ್ ಪಡೆದಿತ್ತೆರ್ .

ವಿದ್ಯುನ್ಮಾನ ಮತಯಂತ್ರದ ಉಗ್ರಾಣ ಕಟ್ಟಡ ಉದಿಪನ

ಒಡಿಪು , ಜುಲೈ 8: ಮಣಿಪಾಲಡ್ ಉಪ್ಪುನ ಜಿಲ್ಲಾಧಿಕಾರಿ ಕಚೇರಿ ಸಂಕೀರ್ಣದುಲಯಿ ನಿರ್ಮಾಣ ಆಯಿನ ವಿದ್ಯುನ್ಮಾನ ಮತಯಂತ್ರದ ಉಗ್ರಾಣ ಕಟ್ಟಡನ್ ರಾಜ್ಯಪಾಲ ವಜುಬಾಯಿ ವಾಲ ಮೇರ್ ಕೋಡೆ ಬೈಯ್ಯ ಬೆಂಗ್ಳೂರುದ ರಾಜಭವನಡ್ ಉಪ್ಪುನ ವಿವೇಕಾನಂದ ಸಮ್ಮೇಳನ ಸಭಾಂಗಣಡ್ ವರ್ಚುವಲ್ ಮಾದರಿದ ಮುಖೇನ ಉದಿಪನ ಮಲ್ತೆರ್.

ಭಾರತ ಚುನಾವಣಾ ಆಯೋರ್ದ್ ಅಟ್ಟನೆ ಮಲ್ತಿನ ಈ ಲೇಸ್ ಡ್ ಒಡಿಪು ಮಾತ್ರ ಅತ್ತoದೆ ಬೆಂಗ್ಳೂರು ಗ್ರಾಮಾಂತರ ಬೊಕ್ಕ ಉತ್ತರ ಕನ್ನಡ ಜಿಲ್ಲೆದ ಕಾರವಾರಡ್ ಲಾ ಪೊಸತಾದ್ ನಿರ್ಮಾಣ ಆಯಿನ ವಿದ್ಯುನ್ಮಾನ ಮತಯಂತ್ರದ ಉಗ್ರಾಣ ಕಟ್ಟಡನ್ ರಾಜ್ಯಪಾಲೆರ್ ಉದಿಪನ ಮಲ್ತೆರ್ .