Dakshina Kannada

ಕಲಾನಿಧಿ ಸೂಪರ್ ಸಿಂಗರ್ ಪದ ಪನ್ಪಿನ ಪಂಥೋ

Aug 4, 2021

ಕಾರ್ಲ, ಆಗಸ್ಟ್ 4 : ಕಲಾನಿಧಿ ಕಾರ್ಲ ವತಿರ್ದ್ ನ್ಯೂಸ್ ಕಾರ್ಕಳ ನೆತ್ತ ಒಟ್ಟು ಸೇರಿಗೆಡ್ ಆ. 15 ಕ್ಕ್ ಕಾರ್ಕಳ ನಾರಾಯಣ ಗುರು ಸಭಾಭವನದಡ್ ಸೂಪರ್ ಸಿಂಗರ್ (ಕರೋಕೆ ಗಾಯನ) ಪಂಥೋ ನಡಪರೆ . ಆನಿ ಕಾಂಡೆ 10 ಗಂಟೆರ್ದ್ ಬೈಯ್ಯಗ್ 6 ಗಂಟೆ ಮುಟ ಪಂಥ ನಡಪರೆ ಉಂಡು , 16 ವರ್ಷ ಮಿತ್ತ್ ದಕುಲು ಪಾಲ್ ಪಡೆಯೋಲಿ.ಪದ ಪನ್ಪಿನಕುಲು ಕರೋಕೆ ಟ್ರ್ಯಾಕ್ ನ್ ಕನವೊಡು . ಮೂಜಿ ಪದ ಪನಿಯರೇ ಅವಕಾಶ ಉಂಡು , ಪ್ರತಿ ಪದತ ಕಾಲಮಿತಿ ಮೂಜಿ ನಿಮಿಷ ಆದುಂಡು ಪಂದ್ ಕಲಾನಿಧಿ ಸಂಸ್ಥೆ ಗುರ್ಕಾರ್ಲಾಯಿನ ರಾಜೇಂದ್ರ ಕಲ್ಲೊಟ್ಟೆ ತೆರಿಪಾಯೆರ್ .ನೋಂದಣಿಗ್ ಆ. 13 ಕಡೆತ ತಾರೀಖ್ ಪಂದ್ ಪ್ರಕಟಣೆಗ್ ತೆರಿಪಾಯೆರ್.

ಸಾಣೂರುದ ಡಾ. ಹರ್ಷಿತಾ ಶೈಲೇಶ್ ಮೆರೆಗ್ ಡಾಕ್ಟರೇಟ್

Aug 4, 2021

ಕಾರ್ಲ, ಆಗಸ್ಟ್ 4: ಸಾಣೂರು ಗ್ರಾಮದ ಡಾ. ಹರ್ಷಿತಾ ಶೈಲೇಶ್ ಮೆರೆಗ್ ಕತಾರ್ ಯುನಿವರ್ಸಿಟಿ ಡಾಕ್ಟರೇಟ್ ಪದವಿ ಕೊರ್ತುಂಡು . ಸೆಲ್ ಆಂಡ್ ಮೊಲಿಕ್ಯುಲಾರ್ ಬಯೋಲಜಿ ಕ್ಷೇತ್ರಡ್ ಪ್ರೊ. ಸೈದ್ ಸಿತ್ ಮೆರ್ನ ಮಾರ್ಗದರ್ಶನದಡ್ ಕೊರಿನoಚಿನ ” ದಿ ರೋಲ್ ಆಫ್ ಪ್ರೋಟಿನ್ ಆರ್ಜಿನಿಂಗ್ ಮಿಥೈಲ್ ಟ್ರಾನ್ಸ್ ಫರೇಸ್ 5 ಇನ್ ವಿಂಟ್/ ಬೀಟ್ ಕೆಟನಿನ್ ಪ್ರೊಲಿಫರೇಟಿವ್ ಸಿಗ್ನಲಿಂಗ್ ಇನ್ ಬ್ರೆಸ್ಟ್ ಕ್ಯಾನ್ಸರ್” ಪ್ರಬಂಧಗ್ ಕತಾರ್ ಯುನಿವರ್ಸಿಟಿ ಡಾಕ್ಟರೇಟ್ ಪದವಿ ಕೊರ್ದು ಮಾನಾದಿಗೆ ಮಲ್ದುಂಡು .

ಡಾ. ಹರ್ಷಿತಾ ಶೈಲೇಶ್ ಮೇರ್ ಕರಿನ 11 ವರ್ಷರ್ದ್ ಕತಾರ್‌ಡ್ ಇತ್ತಿನಾರ್ . ಮೇರ್ ಕಾರ್ಕಳ ಹರ್ಷಿತಾ ಟೈಮ್ಸ್ ಗುರ್ಕಾರ್ಲಾಯಿನ ಟಿ.ಕೆ. ರಘುವೀರ್ ಬೊಕ್ಕ ನಿವೃತ್ತ ಮುಖ್ಯಶಿಕ್ಷಕಿ ಪ್ರಮೀಳಾ ದಂಪಲೆನ ಮಗಲ್.

ಮಂಗಳ ಶೆಟ್ಟಿಗ್ ಪಿಎಚ್ ಡಿ

Aug 3, 2021

ಕಾರ್ಕಳ, ಆಗಸ್ಟ್ 3 : ಎನ್ಎಂಎಎಂಐಟಿ ನಿಟ್ಟೆ ಕಾಲೇಜ್ದ ಎಂಸಿಎ ಉಪನ್ಯಾಸಕಿ ಮಂಗಳ ಶೆಟ್ಟಿ ಮೇರ್ ಮಂಡಣೆ ಮಲ್ತಿನ ಸ್ಟಡಿ ಆನ್ ಅಟೂಮೆಟೆಡ್ ಮೆಥಡ್ ಆಫ್ ಬ್ಯಾಕ್ಟಿರಿಯಾ ಇಮೇಜ್ ಐಡೆಂಟಿಫಿಕೇಶನ್ ಆಂಡ್ ಕ್ಲಾಸಿಫಿಕೇಶನ್ ಯುಸಿಂಗ್ ಐಮೇಜ್ ಅನಾಲಿಸಿಸ್ ಪನ್ಪಿನ ಮಹಾಪ್ರಬಂಧಗ್ ಬೆಳಗಾಂ ವಿಶ್ವೇಶ್ವರಯ್ಯ ಟೆಕ್ನಾಲಾಜಿಕಲ್ ಯುನಿರ್ವಸಿಟಿ ಪಿಎಚ್. ಡಿ ಪದವಿ ಕೊರ್ತುಂಡು . ಮೇರ್ ಎನ್ಎಂಎಎಂಐಟಿ ನಿಟ್ಟೆ ಕಾಲೇಜ್ ದ ಡಾ| ಬಾಲಸುಬ್ರಮಣಿ ಆರ್. ಮಾರ್ಗದರ್ಶಡ್ ಪ್ರಬಂಧ ಮಂಡಣೆ ಮಲ್ದೆರ್ .

ನಲ್ಲೂರು : ಮಗ್ಗಿ ಬೂಕು ಬುಡುಗಡೆ

Aug 3, 2021

ಕಾರ್ಕಳ, ಆಗಸ್ಟ್ 3 : ಆನ್‌ಲೈನ್ ಶಿಕ್ಷಣದ ಪ್ರಭಾವಗ್ ಜೋಕ್ಲೆಗ್ ಕೊರೊಂದು ಇತ್ತಿನ ಇಲ್ಲದ ಪಾಠ ಮರಪರೆ ಬಲ್ಲಿ . ಈ ನೆಲೆಟ್ಟ್ ಪೋಷಕೆರ್ ವಿಶೇಷ ಮುತುವರ್ಜಿ ವಹಿಸಾವುನ ಅಗತ್ಯ ಪಂದ್ ಶಾಸಕ ವಿ. ಸುನಿಲ್ ಕುಮಾರ್ ಪಂಡೆರ್ . ಮೇರ್ ಆ. 1ಕ್ಕ್ ನಲ್ಲೂರು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಡ್ ಮನೆಯೇ ಮೊದಲ ಪಾಠಶಾಲೆ ಮಗ್ಗಿ ಪುಸ್ತಕ ಬುಡುಗಡೆ ಮಲ್ತ್ ಬೊಕ್ಕ ಪಾತೆರಿಯೆರ್.

ಕರ್ನಾಟಕ ಗೇರು ನಿಗಮದ ಗುರ್ಕಾರ್ಲಾಯಿನ ಮಣಿರಾಜ ಶೆಟ್ಟಿ ಲೇಸ್ ಉದಿಪನ ಮಲ್ತೆರ್ . ಕಾರ್ಕಳದ ನಿಕಟಪೂರ್ವ ಬಿಇಒ ಶಶಿಧರ ಜಿ.ಎಸ್., ಬಿಇಒ ವೆಂಕಟೇಶ್ ನಾಯಕ್, ಅಕ್ಷರ ದಾಸೋಹ ಅಧಿಕಾರಿ ಭಾಸ್ಕರ್, ಸಿಡಿಪಿಒ ಉಮೇಶ್, ನಲ್ಲೂರು ಗ್ರಾ.ಪಂ. ಪ್ರಭಾರ ಗುರ್ಕಾರ್ಲಾಯಿನ ಜಯಕೀರ್ತಿ ಜೈನ್, ಸಂಯೋಜಕಕೆರಾಯಿನ ಉದ್ಯಮಿ ಅನಂತಕೃಷ್ಣ ಶೆಣೈ ರೆಂಜಾಳ, ಜಿ.ಪಂ. ನಿಕಟಪೂರ್ವ ಸದಸ್ಯೆಯೆರಾಯಿನ ದಿವ್ಯಶ್ರೀ ಅಮೀನ್, ತಾ.ಪಂ. ಮಾಜಿ ಗುರ್ಕಾರ್ಲಾಯಿನ ಮಾಲಿನಿ ಜೆ. ಶೆಟ್ಟಿ, ರಮಾನಂದ ಶೆಟ್ಟಿ, ಗೋಪಶೆಟ್ಟಿ, ಮಹಾಬಲ ಶೆಟ್ಟಿ ನಲ್ಲೂರು ಪಾಲ್ ಪಡೆದಿತ್ತೆರ್.

ಸಚಿವೆ ಶೋಭಾ ಕರಂದ್ಲಾಜೆ ನ್ ಭೇಟಿ ಆಯಿನ ಸುಮಿತ್

Aug 3, 2021

ಕಾರ್ಕಳ, ಆಗಸ್ಟ್ 3 : ಜಿ.ಪಂ. ಕೃಷಿ ಬೊಕ್ಕ ಕೈಗಾರಿಕಾ ಸ್ಥಾಯಿ ಸಮಿತಿ ಗುರ್ಕಾರ್ಲಾಯಿನ , ಬೈಲೂರು ಕ್ಷೇತ್ರದ ನಿಕಟಪೂರ್ವ ಜಿ.ಪಂ. ಸದಸ್ಯ ಸುಮಿತ್ ಶೆಟ್ಟಿ ಕೌಡೂರು ಮೇರ್ ಕೇಂದ್ರ ಕೃಷಿ ಬೊಕ್ಕ ರೈತರ ಕಲ್ಯಾಣ ಇಲಾಖೆ ರಾಜ್ಯ ಸಚಿವೆಯಾದ್ ಆಯ್ಕೆಯಾಯಿನ ಶೋಭಾ ಕರಂದ್ಲಾಜೆ ಮೆರೆನ್ ದೆಹಲಿದ ಕಚೇರಿಡ್ ಕೋಡೆ ಭೇಟಿ ಮಲ್ತ್ ಎಡ್ಡೆಪ್ಪು ಬಯಕಿಯೆರ್ . ಈ ಪೊರ್ತುಡು ಕೈತಲ್ದ ಬೇಡಿಕೆದ ಬಗ್ಗೆ ಅರಿಕೆ ಮಲ್ತೆರ್.

ಸಂಪುಟ ರಚನೆದ ನಿರೀಕ್ಷೆಡ್ ಉಪ್ಪುನ ಸಿಎಂ ಬೊಮ್ಮಾಯಿ

Aug 2, 2021

ಬೆಂಗ್ಳೂರು: ಇನಿ ಅತ್ತುಂಡ ಎಲ್ಲೆ ಸಂಪುಟ ರಚನೆ ಮಲ್ಪುವೆರ್ . ಹೈಕಮಾಂಡ್ ಸಂದೇಶದ ನಿರೀಕ್ಷೆಡ್ ಉಲ್ಲ ಪಂದ್ ಸಿಎಂ ಬಸವರಾಜ ಬೊಮ್ಮಾಯಿ ಪಂಡೆರ್ .

ಮಾಧ್ಯಮದ ಒಟ್ಟುಗು ಪಾತೆರಿನ ಮುಖ್ಯಮಂತ್ರಿಲು , ಪ್ರವಾಹ ಸ್ಥಿತಿ, ಪರಿಹಾರ ಕಾರ್ಯದ ಬಗ್ಗೆ ಸಿಎಸ್ ಸೇರಿನಂಚ ಪೆರಿಯ ಅಧಿಕಾರಿಲೆನ ಒಟ್ಟುಗು ಸಭೆ ನಡಪಾವೇ . ಮಾತಾ ಡಿಸಿಲೆರ್ದ್ ವರದಿ ಕನಪಾವೊಂದು ಉಲ್ಲೆ . ಹಣಕಾಸು ಇಲಾಖೆ ಅಧಿಕಾರಿಲೆನ ಒಟ್ಟುಗು ಸಭೆ ನಡಪಾದ್ ಅಗತ್ಯ ಹಣಕಾಸು ಬುಡುಗಡೆ ಮಲ್ಪುನ ಬಗ್ಗೆ ಸಭೆಟ್ ಪಾತೆರ ಕತೆ ನಡಪಾವೇ ಪಂದ್ ಪಂಡೆರ್
.

ಭಜನಾ ಮಂದಿರಗ್ ಮೂಲ ಸೌಕರ್ಯ ಕೊರೊಡು : ಹರೀಶ್ ಪೂಂಜಾ

Aug 2, 2021

ಬೊಲ್ತೆರ್, ಆಗಸ್ಟ್ 2: ‘ಹಿಂದೂ ಸಮಾಜಗ್ ಶಕ್ತಿ ಕೊರ್ಪಿನ ಕಾರ್ಯ ಭಜನಾ ಮಂಡಳಿರ್ದ್ ಆವೊಂದು ಉಂಡು . ಭಜನಾ ಮಂದಿರದ ಅಸ್ತಿತ್ವ ಒರಿಪಾವುನ ನೆಲೆಟ್ಟ್ ಸರ್ಕಾರಿ ದಾಖಲೆನ್ ಸರಿ ಮಲ್ಪುನೆತ್ತ ಒಟ್ಟುಗು ಮೂಲ ಸೌಕರ್ಯ ಅಭಿವೃದ್ಧಿಗ್ ಕಂದಾಯ ಸಚಿವೇರಾಯಿನ ಆರ್. ಅಶೋಕ್ ಮೆರ್ನೊಟ್ಟುಗು ಪಾತೆರ ಕಥೆ ನಡಪಾದ ಪಂದ್ ‘ ಶಾಸಕ ಹರೀಶ್ ಪೂಂಜ ಪಂಡೆರ್ .

ಐತಾರ ಪೇಂಟೆದ ಭಜನಾ ಮಂದಿರದ ಮೂಲ ಸೌಕರ್ಯದ ಬಗ್ಗೆ ಮಂದಿರದ ಗುರ್ಕಾರ್ಲು ಬೊಕ್ಕ ಕಾರ್ಯದರ್ಶಿಲೆನ ಒಟ್ಟುಗು ಬೊಲ್ತೆರ್ ಮಂಜುನಾಥ ಸ್ವಾಮಿ ಸಭಾಭವನಡ್ ನಡಪಾಯಿನ ಸಭೆಟ್ ಆರ್ ಪಾತೆರಿಯೆರ್.

ವಿಶ್ವ ಹಿಂದೂ ಪರಿಷತ್ ತಾಲ್ಲೂಕು ಮಾಜಿ ಗುರ್ಕಾರ್ಲಾಯಿನ ಸುಬ್ರಹ್ಮಣ್ಯ ಕುಮಾರ್ ಅಗರ್ತ, ಬಿಜೆಪಿ ಮಂಡಲ ಗುರ್ಕಾರ್ಲಾಯಿನ ಜಯಂತ್ ಕೋಟ್ಯಾನ್, ಪ್ರಧಾನ ಕಾರ್ಯದರ್ಶಿ ಗಣೇಶ್ ಗೌಡ ನಾವೂರು, ಕಾರ್ಯದರ್ಶಿ ಪ್ರಶಾಂತ್ ಪಾರೆಂಕಿ, ಧರ್ಮಸ್ಥಳ ಮಂಜುನಾಥೇಶ್ವರ ಭಜನಾ ಪರಿಷತ್ ಜಿಲ್ಲಾ ಉಪಾಧ್ಯಕ್ಷ ಮಂಜು ನಾಥ ಶೆಟ್ಟಿ, ಭಜನಾ ಪರಿಷತ್ ತಾಲ್ಲೂಕು ಕಾರ್ಯದರ್ಶಿ ಜನಾರ್ದನ ಪಾಲ್ ಪಡೆದಿತ್ತೆರ್ .

ಮರವೂರು ಸಂಕಡ್ ಗಾಡಿಗ್ ಕುಡ ಚಾಲನೆ

Jul 31, 2021

ಕುಡ್ಲ, ಜುಲೈ 31: ಕುಡ್ಲ -ಅತ್ರಾಡಿ ರಾಜ್ಯ ಹೆದ್ದಾರಿದ ಫಲ್ಗುಣಿ ನದಿಕ್ ಅಡ್ಡಲಾದ್ ಕಟ್ಟಿನ ಮರವೂರು ಸಂಕಡ್ ಶುಕ್ರವಾರ ಮಧ್ಯಾಹ್ನದ ಪೊರ್ತುಡು ವಾಹನದ ಸಂಚಾರ ಕುಡ ಶುರು ಆತುಂಡು .

ಮುಲ್ಕಿ-ಮೂಡುಬಿದಿರೆ ಶಾಸಕ ಉಮನಾಥ ಕೋಟ್ಯಾನ್ ವಾಹನ ಬೊಕ್ಕ ಜನಸಂಚಾರಗ್ ಚಾಲನೆ ಕೊರ್ತೆರ್ .ಜೂ.14 ಕ್ಕ್ ಮಧ್ಯ ರಾತ್ರಿ ಪೊರ್ತುಡು ಈ ಸಂಕಡ್ ಬಿರುಕು ಮುಡ್ದು ಇತ್ತುಂಡು . ಆತೆ ಅತ್ತoದೆ ಪಿಲ್ಲರ್ ಜರಿದ್ ಇತ್ತುಂಡು . ಉಂದೆನ್ ತೂಯಿನ ನೆರೆಕರೆದಕುಲು ಸಂಬಂಧಪಟ್ಟಿ ನಕ್ಲೆನ ಗಮನ ಕಂತೆರ್ . ಇತ್ತೆ ಈ ಮಾರ್ಗಡ್ ಕುಡ ಸಂಚಾರ ಸುರು ಆತುಂಡು.

ಪತ್ರಿಕಾ ಭವನ ಟ್ರಸ್ಟ್ ” ಪದಾಧಿಕಾರಿಲೆನ ಆಯ್ಕೆ

Jul 31, 2021

ಕುಡ್ಲ, ಜುಲೈ 31: ಪತ್ರಿಕಾ ಭವನ ಟ್ರಸ್ಟ್ ಕುಡ್ಲ ನೆತ್ತ ಪೊಸ ಗುರ್ಕಾರ್ಲಾದ್ ರಾಮಕೃಷ್ಣ ಆರ್. (ಸಂಯುಕ್ತ ಕರ್ನಾಟಕ) ನನ ದುಂಬುದ ಮೂಜಿ ವರ್ಷದ ಪೊರ್ತುಗು ಆಯ್ಕೆಯಾತೆರ್ .

ಪ್ರಧಾನ ಕಾರ್ಯದರ್ಶಿಯಾದ್ ವೇಣು ವಿನೋದ್ (ವಿಜಯವಾಣಿ) ಬೊಕ್ಕ ಕೋಶಾಧಿಕಾರಿಯಾದ್ ಹರ್ಷ (ಡೆಕ್ಕನ್ ಹೆರಾಲ್ಡ್) ಆಯ್ಕೆಯಾತೆರ್ . ಪೇಂಟೆದ ಪತ್ರಿಕಾಭವನಡ್ ಟ್ರಸ್ಟ್ನ ಗುರ್ಕಾರ್ಲಾಯಿನ ಆನಂದ ಶೆಟ್ಟಿ ಮೆರ್ನ ಗುರ್ಕಾರ್ಮೆಡ್ ಬುಧವಾರ ನಡತಿನ ಸಭೆಟ್ ಪೊಸ ಪದಾಧಿಕಾರಿಲೆನ ಆಯ್ಕೆ ನಡತುಂಡು .

ಡಾ. ಉಷಾ ಪ್ರಭಾಗ್ ಸೇವಾ ರತ್ನ ಪ್ರಶಸ್ತಿ

Jul 31, 2021

ಕುಡ್ಲ, ಜುಲೈ 31: ಎಕ್ಸ್‌ಪರ್ಟ್ ಸಮೂಹ ಶಿಕ್ಷಣ ಸಂಸ್ಥೆದ ಸಹ ಸಂಸ್ಥಾಪಕಿ ಬೊಕ್ಕ ಉಪಾಧ್ಯಕ್ಷೆ ಡಾ. ಉಷಾಪ್ರಭಾ ಎನ್. ನಾಯಕ್ ಮೇರ್ ಮ್ಯಾಕ್ಸ್‌ಲೈಫ್ ಇನ್ಶೂರೆನ್ಸ್ ಕೊರ್ಪಿನ ‘ಸೇವಾ ರತ್ನ ಪುರಸ್ಕಾರ’ಗ್ ಭಾಜನರಾತೆರ್ , ಇಂಚೋಗು ಮಾನದಿಗೆ ಮಲ್ತೆರ್.

ಕೋವಿಡ್-19ರ ಸಂದಿಗ್ಧ ಪರಿಸ್ಥಿತಿಡ್ ಕೊರೊನಾ ವಾರಿಯರ್ಸ್, ಪ್ರಮುಖವಾದ್ ಮಹಿಳಾ ಉದ್ಯಮಿಲು ಮಲ್ದಿನ ಪರೋಕ್ಷ ಸೇವೆನ್ ಗುರ್ತಿಸಾದ್ ಕೊರ್ಪಿನ ಪುರಸ್ಕಾರ ಇಂದು ಆತುಂಡು , ಮ್ಯಾಕ್ಸ್ ಲೈಫ್ ಇನ್ಶೂರೆನ್ಸ್ ಕಂಪನಿದ ಕುಡ್ಲದ ಕಚೇರಿಡ್ ನಡತಿನ ಲೇಸ್ ಡ್ ಪ್ರಶಸ್ತಿ ಪ್ರದಾನ ಮಲ್ತೆರ್ .

ಡಾ. ಉಷಾಪ್ರಭಾ ಮೇರ್ ಶಿಕ್ಷಣ ಕ್ಷೇತ್ರಗ್ ಕೊರಿನ ಮಾನವೀಯ ಸೇವೆ, ಕೋವಿಡ್ ಪೊರ್ತುಡು ಜೋಕ್ಲೆಗ್ ಮಾನಸಿಕವಾದ್ ಧೈರ್ಯ ಕೊರ್ದು , ಜೋಕ್ಲೆನ ಜ್ಞಾನಾರ್ಜನೆಗಾದ್ ಕೊರಿನ ವ್ಯವಸ್ಥೆನ್ ಗುರ್ತಿಸಾದ್ ಮಾನದಿಗೆ ಮಲ್ತೆರ್.

M	T	W	T	F	S	S
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

Dakshina Kannada

ಕಲಾನಿಧಿ ಸೂಪರ್ ಸಿಂಗರ್ ಪದ ಪನ್ಪಿನ ಪಂಥೋ

ಸಾಣೂರುದ ಡಾ. ಹರ್ಷಿತಾ ಶೈಲೇಶ್ ಮೆರೆಗ್ ಡಾಕ್ಟರೇಟ್

ಮಂಗಳ ಶೆಟ್ಟಿಗ್ ಪಿಎಚ್ ಡಿ

ನಲ್ಲೂರು : ಮಗ್ಗಿ ಬೂಕು ಬುಡುಗಡೆ

ಸಚಿವೆ ಶೋಭಾ ಕರಂದ್ಲಾಜೆ ನ್ ಭೇಟಿ ಆಯಿನ ಸುಮಿತ್

ಸಂಪುಟ ರಚನೆದ ನಿರೀಕ್ಷೆಡ್ ಉಪ್ಪುನ ಸಿಎಂ ಬೊಮ್ಮಾಯಿ

ಭಜನಾ ಮಂದಿರಗ್ ಮೂಲ ಸೌಕರ್ಯ ಕೊರೊಡು : ಹರೀಶ್ ಪೂಂಜಾ

ಮರವೂರು ಸಂಕಡ್ ಗಾಡಿಗ್ ಕುಡ ಚಾಲನೆ

ಪತ್ರಿಕಾ ಭವನ ಟ್ರಸ್ಟ್ ” ಪದಾಧಿಕಾರಿಲೆನ ಆಯ್ಕೆ

ಡಾ. ಉಷಾ ಪ್ರಭಾಗ್ ಸೇವಾ ರತ್ನ ಪ್ರಶಸ್ತಿ

You Missed

ತುಳುಕೂಟದ ಕೋಟಾದಡಿ ಮೆಡಿಕಲ್ ಸೀಟ್ ಪಡೆಯಿನ ನಿಕ್ಷೇಪ್ ಸುವರ್ಣ

ಚಾರ್ ಧಾಮ್ ಯಾತ್ರೆಗ್ ಪೋದಿತ್ತಿನ ಕುಂಪಲ ನಿವಾಸಿ ತಿಗಲೆ ಬೇನೆಡ್ ಮರಣ

ಸೆ.25-27: ಸುರತ್ಕಲ್‌ ಬಂಟರ ಭವನಡ್ ಕೃಷಿ ಮೇಳ, ಆಹಾರ ಮೇಳ, ಹೋಳಿಗೆ ಪರ್ಬ ಬೊಕ್ಕ ಸಸ್ಯೋತ್ಸವ

“ತುಳು ಲಿಪಿ ಯುನಿಕೋಡ್‌ಗ್ ಸೇರ್ಸಾವರೆ ಬೆರಿಬಲ ಕೊರ್ತಿನಾರ್ ಮಾಜಿ ಸಚಿವೆರ್ ಅರವಿಂದ ಲಿಂಬಾವಳಿ”