Dakshina Kannada

ಪತ್ರಿಕಾ ಭವನ ಟ್ರಸ್ಟ್ ” ಪದಾಧಿಕಾರಿಲೆನ ಆಯ್ಕೆ

Jul 31, 2021

ಕುಡ್ಲ, ಜುಲೈ 31: ಪತ್ರಿಕಾ ಭವನ ಟ್ರಸ್ಟ್ ಕುಡ್ಲ ನೆತ್ತ ಪೊಸ ಗುರ್ಕಾರ್ಲಾದ್ ರಾಮಕೃಷ್ಣ ಆರ್. (ಸಂಯುಕ್ತ ಕರ್ನಾಟಕ) ನನ ದುಂಬುದ ಮೂಜಿ ವರ್ಷದ ಪೊರ್ತುಗು ಆಯ್ಕೆಯಾತೆರ್ .

ಪ್ರಧಾನ ಕಾರ್ಯದರ್ಶಿಯಾದ್ ವೇಣು ವಿನೋದ್ (ವಿಜಯವಾಣಿ) ಬೊಕ್ಕ ಕೋಶಾಧಿಕಾರಿಯಾದ್ ಹರ್ಷ (ಡೆಕ್ಕನ್ ಹೆರಾಲ್ಡ್) ಆಯ್ಕೆಯಾತೆರ್ . ಪೇಂಟೆದ ಪತ್ರಿಕಾಭವನಡ್ ಟ್ರಸ್ಟ್ನ ಗುರ್ಕಾರ್ಲಾಯಿನ ಆನಂದ ಶೆಟ್ಟಿ ಮೆರ್ನ ಗುರ್ಕಾರ್ಮೆಡ್ ಬುಧವಾರ ನಡತಿನ ಸಭೆಟ್ ಪೊಸ ಪದಾಧಿಕಾರಿಲೆನ ಆಯ್ಕೆ ನಡತುಂಡು .

ಡಾ. ಉಷಾ ಪ್ರಭಾಗ್ ಸೇವಾ ರತ್ನ ಪ್ರಶಸ್ತಿ

Jul 31, 2021

ಕುಡ್ಲ, ಜುಲೈ 31: ಎಕ್ಸ್‌ಪರ್ಟ್ ಸಮೂಹ ಶಿಕ್ಷಣ ಸಂಸ್ಥೆದ ಸಹ ಸಂಸ್ಥಾಪಕಿ ಬೊಕ್ಕ ಉಪಾಧ್ಯಕ್ಷೆ ಡಾ. ಉಷಾಪ್ರಭಾ ಎನ್. ನಾಯಕ್ ಮೇರ್ ಮ್ಯಾಕ್ಸ್‌ಲೈಫ್ ಇನ್ಶೂರೆನ್ಸ್ ಕೊರ್ಪಿನ ‘ಸೇವಾ ರತ್ನ ಪುರಸ್ಕಾರ’ಗ್ ಭಾಜನರಾತೆರ್ , ಇಂಚೋಗು ಮಾನದಿಗೆ ಮಲ್ತೆರ್.

ಕೋವಿಡ್-19ರ ಸಂದಿಗ್ಧ ಪರಿಸ್ಥಿತಿಡ್ ಕೊರೊನಾ ವಾರಿಯರ್ಸ್, ಪ್ರಮುಖವಾದ್ ಮಹಿಳಾ ಉದ್ಯಮಿಲು ಮಲ್ದಿನ ಪರೋಕ್ಷ ಸೇವೆನ್ ಗುರ್ತಿಸಾದ್ ಕೊರ್ಪಿನ ಪುರಸ್ಕಾರ ಇಂದು ಆತುಂಡು , ಮ್ಯಾಕ್ಸ್ ಲೈಫ್ ಇನ್ಶೂರೆನ್ಸ್ ಕಂಪನಿದ ಕುಡ್ಲದ ಕಚೇರಿಡ್ ನಡತಿನ ಲೇಸ್ ಡ್ ಪ್ರಶಸ್ತಿ ಪ್ರದಾನ ಮಲ್ತೆರ್ .

ಡಾ. ಉಷಾಪ್ರಭಾ ಮೇರ್ ಶಿಕ್ಷಣ ಕ್ಷೇತ್ರಗ್ ಕೊರಿನ ಮಾನವೀಯ ಸೇವೆ, ಕೋವಿಡ್ ಪೊರ್ತುಡು ಜೋಕ್ಲೆಗ್ ಮಾನಸಿಕವಾದ್ ಧೈರ್ಯ ಕೊರ್ದು , ಜೋಕ್ಲೆನ ಜ್ಞಾನಾರ್ಜನೆಗಾದ್ ಕೊರಿನ ವ್ಯವಸ್ಥೆನ್ ಗುರ್ತಿಸಾದ್ ಮಾನದಿಗೆ ಮಲ್ತೆರ್.

ಗ್ರಾಹಕೆರ್ನ ಸೇವೆಗ್ ಬೆಗೋಡೆ ಬರಿಯರೆ ಉಂಡು ಪೊಸ ಆಪ್

Jul 31, 2021

ಕುಡ್ಲ, ಜುಲೈ 31: ಕುಡ್ಲ ಮಹಾನಗರ ಪಾಲಿಕೆ ಕಡೆಕ್ ಲಾ ಡಿಜಿಟಲ್‌ ವ್ಯವಸ್ಥೆ ದಲ್ಪ ಒಗ್ಗೊoದು ಉಂಡು , ಪಾಲಿಕೆ ಸೇವೆಲೆನ್ ಆನ್‌ಲೈನ್‌ ಮುಖೇನ ರೂಪಿಸಾಯೆರೆ ದುಂಬು ಬೈದುಂಡು.

ಪಾಲಿಕೆ ವ್ಯಾಪ್ತಿಡ್ ಇತ್ತೆ ನೀರ್ ದ ಬಿಲ್‌, ಉದ್ದಿಮೆ ಪರವಾನಿಗೆ ಆನ್‌ಲೈನ್‌ ಮುಖೇನ ಬೇಲೆ ಮಲ್ತೊಂದು ಉಂಡು , ಇತ್ತೆ ಆ ಸಾಲ್ ಗ್ ಆಸ್ತಿ ತೆರಿಗೆಲಾ ಸೇರ್ದುಂಡು. ನೆತ್ತ ಒಟ್ಟುಗು ಇತ್ತೆದ ಅಗತ್ಯಗ್ ತಕ್ಕ ಆನ್‌ಲೈನ್‌ ವ್ಯವಸ್ಥೆಗ್ ಒಗ್ಗರೆ ಮನಪಾ ನಿರ್ಧಾರ ಮಲ್ದುಂಡು . ಆಸ್ತಿ ತೆರಿಗೆ ಪಾವತಿಗ್ ಪ್ರತ್ಯೇಕ ಆಯಪ್‌ ಬಗ್ಗೆ ಕಿಯೋನಿಕ್ಸ್‌ ಸಂಸ್ಥೆದ ಒಟ್ಟುಗು ಪಾತೆರ ಕತೆಲಾ ಆತುಂಡು.

ಪಚ್ಚನಾಡಿ ಪರಿಹಾರಗ್ ₹14.8 ಕೋಟಿ ಬುಡುಗಡೆ

Jul 31, 2021

ಕುಡ್ಲ : ವೈಜ್ಞಾನಿಕ ರೀತಿದ ಕಜವು ವಿಲೇವಾರಿಗ್ ಆದ್ಯತೆ ಕೊರ್ತೆರ್ , ಇತ್ತೆ ಶೇ.65 ರ್ದ್ 70ದಾತ್ ಕಜವು ಮೂಲರ್ದೇ ಬೇತೆ ಆದ್ ಬರೊಂದು ಉಂಡು ಪಂದ್ ಮೇಯರ್‌ ಪ್ರೇಮಾನಂದ ಶೆಟ್ಟಿ ಪಂಡೆರ್ .

ನಗರದ ಪಾಲಿಕೆದ ಮಂಗಳಾ ಸಭಾಂಗಣಡ್ ಗುರುವಾರ ನಡತಿನ ಪಾಲಿಕೆ ಸಾಮಾನ್ಯ ಸಭೆತ ಗುರ್ಕಾರ್ಮೆ ವಹಿಸ್ ದ್ ಪಾತೆರಿನ ಆರ್ ಆಯಂಟನಿ ಸಂಸ್ಥೆದ ಗುತ್ತಿಗೆ ಅವಧಿ ಆಜಿ ತಿಂಗೊಲ್ ಡು ಮುಗಿಯರೇ ಉಂಡು, ದುಂಬುಗೂ ಪಾರಂಪರಿಕ ತ್ಯಾಜ್ಯ ಸಂಸ್ಕರಣೆಗ್ ಟೆಂಡರ್ ಆತುಂಡು . ಸರ್ಕಾರ ಅನುಮೋದನೆ ಕೊರ್ಪಿನ ಭರವಸೆ ಉಂಡು ಪಂದ್ ಪಂಡೆರ್.

ಕಲ್ಯಾಣಪುರ ರೋಟರಿ ಕ್ಲಬ್ ವತಿರ್ದ್ ಕೋವಿಡ್ ಕಿಟ್

Jul 31, 2021

ಕಲ್ಯಾಣಪುರ, ಜುಲೈ 31: ಕಲ್ಯಾಣಪುರ ರೋಟರಿ ಕ್ಲಬ್ ವತಿರ್ದ್ ಕೊರೋನಾ ಜಾಗೃತಿ ಬೊಕ್ಕ ರೋಗ ನಿರ್ಮೂಲನಾ ಕಾರ್ಯಕ್ರಮದ ಪರವಾದ್ ಉಳ್ಳೂರು ಸಾಲ್ಮರ ಕೈತಲ್ ದ ಸ್ಪಂದನ ವಿಶೇಷ ಮಕ್ಕಳ ವಸತಿ ನಿಲಯಗ್ ದಿನ ಬಳಕೆಗ್ ಬೋಡಾಪಿನ ಸ್ವಚ್ಚತಾ ಸಾಮಾಗ್ರಿಲು , ಮಾಸ್ಕ್ ಸ್ಯಾನಿಟೈಸರ್ ಅಂಚನೇ ವಸ್ತುದ ಕಿಟ್ ಪಟ್ಟಿಯೆರ್ .

ರೋಟರಿ ವಲಯ 3ರ ಸಹಾಯಕ ಗವರ್ನರ್ ರೋ. ಪದ್ಮನಾಭ ಕಾಂಚನ್ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆದ್ ಕಲ್ಯಾಣಪುರ ರೋಟರಿ ಕ್ಲಬ್ ದ ಸೇವಾ ಚಟುವಟಿಕೆಲೆನ್ ಪುಗರಿಯೆರ್. ವಲಯ ಸೇನಾನಿ ರೋ. ಬ್ರಾಯನ್ ಡಿಸೋಜ, ಗುರ್ಕಾರ್ಲಾಯಿನ ರೋ. ಶಂಭು ಶಂಕರ್, ಕಾರ್ಯದರ್ಶಿ ಪ್ರಕಾಶ್, ಜಿಲ್ಲಾ ಯೋಜನಾ
ಗುರ್ಕಾರ್ಲಾಯಿನ ಎಮ್ ಮಹೇಶ್ ಕುಮಾರ್ ಪಾಲ್ ಪಡೆದಿತ್ತೆರ್.

ಆನ್ಲೈನ್ / ಆಫ್ಲೈನ್ ಕಿರುಚಿತ್ರ ಪಂಥ

Jul 30, 2021

ಕುಡ್ಲ : ಪ್ರಧಾನಮಂತ್ರಿ ಆವಾಸ್ ಯೋಜನೆ ಆಜಿ ವರ್ಷ ಪೂರ್ಣ ಮಲ್ತಿನ ನೆಲೆಟ್ಟ್ ‘ಕುಶಿಯೋನ್ ಕಾ ಆಶಿಯನಾ’ ವಿಷಯಾಧಾರಿತ ಕಿರುಚಿತ್ರ ಪಂಥ ಗಾದ್ ಕಾರ್ಯಾಗಾರ ಅಟ್ಟನೆ ಮಲ್ದೆರ್ .

ಫಲಾನುಭವಿಲೇನ ಜೀವನಡ್ ಆಯಿನ ಬದಲಾವಣೆಲು ಪನ್ಪಿನ ವಿಷಯಡ್ ಕಿರುಚಿತ್ರ ಪಂಥಡ್ ಫಲಾನುಭವಿಲು , ಜೋಕುಲು , ಜವನೆರ್ , ಸಂಘ ಸಂಸ್ಥೆಲು ಪಾಲ್ ಪಡೆಯೋಲಿ .

ಅಂತರ್ಜಾಲ ತಾಣ https://pmay-urban.gov.in ಡ್ ನೋಂದಾವಣೆ ಮಲ್ತ್ ಗೂಗಲ್ ಪ್ಲೇಸ್ಟೋರ್‌ಡ್ ಉಪ್ಪುನ PMAY(U) ಆಪ್ಲಿಕೇಶನ್‌ಡ್ ಚಿತ್ರೀಕರಣ ಮಲ್ತಿನ ಕಿರುಚಿತ್ರನ್ ಸೆಪ್ಟೆಂಬರ್ 10 ತ್ತ ಉಲಯಿ ಅಪ್‌ಲೋಡ್ ಮಲ್ಪೊಲಿ .

ಭಾರತಗ್ ಒಲಂಪಿಕ್ಸ್ ಡ್ ಕುಡೊಂಜಿ ಪದಕ ಫಿಕ್ಸ್

Jul 30, 2021

ಟೋಕಿಯೋ: ಭಾರತದ ಪಾಲ್ ಗ್ ಇನಿ ಶುಭ ಶುಕ್ರವಾರ. ಮಹಿಳಾ ಬಾಕ್ಸಿಂಗ್ ಕ್ವಾರ್ಟರ್ ಫೈನಲ್‌ಡ್ ಲೊವ್ಲಿನಾ ಬೊರ್ಗೊಹೈನ್ ಚೈನೀಸ್‌ ತೈಪೆಯ ಚೆನ್‌ ನೀನ್‌-ಚಿನ್‌ ವಿರುದ್ದ 4-1 ಅಂತರಡ್ ಗೆಂದುನ ಮುಖೇನ ಸೆಮಿಫೈನಲ್‌ಗ್ ಆಯ್ಕೆ ಆತೆರ್ . ಈ ನೆಲೆಟ್ಟ್ ಭಾರತಗ್ ಕುಡೊಂಜಿ ಪದಕ ಖಚಿತ ಆತುಂಡು .

ಮಹಿಳಾ ವಾಲ್ಟರ್‌ವೇಟ್‌ ವಿಭಾಗಡ್ ಚೈನೀಸ್‌ ತೈಪೆಯ ಚೆನ್‌ ನೀನ್‌-ಚಿನ್‌ ಎದುರು ಪ್ರಾಬಲ್ಯ ಮೆರೆಯಿನ ಲೊವ್ಲಿನಾ ಬೊರ್ಗೊಹೈನ್ ಸೆಮಿಫೈನಲ್‌ ಪೊಗ್ಗುನ ಮುಖೇನ ಇಡೀ ದೇನೇ ಖುಷಿ ಆಪಿಲಕ ಮಲ್ದೆರ್

ಸಿಬಿಎಸ್ ಸಿ 12ನೇ ತರಗತಿ ಫಲಿತಾಂಶ ಇನಿ ಪ್ರಕಟ

Jul 30, 2021

ನವದೆಹಲಿ, ಜುಲೈ 30: ಸೆಂಟ್ರಲ್ ಬೋರ್ಡ್ ಆಫ್ ಸೆಕೆಂಡರಿ ಎಜುಕೇಶನ್ (ಸಿಬಿಎಸ್‌ಇ) ಇನಿ 12 ನೇ ತರಗತಿ ಫಲಿತಾಂಶನ್ ಸಿಬಿಎಸ್ಸಿಯು 2 ಗಂಟೆಗ್ ಘೋಷಣೆ ಮಲ್ಪರೆ ಉಂಡು.

ಈ ಬಗ್ಗೆ ಮಾಹಿತಿ ಕೊರಿನ CBSE ಬೋರ್ಡ್ ಇನಿ ಮಧ್ಯಾಹ್ನ 2 ಗಂಟೆಗ್ ಸಿಬಿಎಸ್ಸಿ 12ನೇ ತರಗತಿದ ಫಲಿತಾಂಶನ್ ಪ್ರಕಟ ಮಲ್ಪುನ ಬಗ್ಗೆ ತೆರಿಪಾಯೆರ್.ಜೋಕುಲು ಇನಿ ಮಧ್ಯಾಹ್ನ ಬರ್ಪಿನ ಸಿಬಿಎಸ್ಸಿ 12ನೇ ತರಗತಿದ ಫಲಿತಾಂಶನ್ ಬೋರ್ಡ್ ಅಧಿಕೃತ ಜಾಲತಾಣ cbse.nic.in ಅತ್ತುಂಡ cbseresults.nic.in ಡ್ ತೂವೊಲಿ .

ಕಿನ್ಯ ಯುವ ಕಾಂಗ್ರೆಸ್ ಸಮಿತಿ ಸಭೆ

Jul 30, 2021

ಉಳ್ಳಾಲ, ಜುಲೈ 30: ಕಿನ್ಯಾ ಗ್ರಾಮ ಯುವ ಕಾಂಗ್ರೆಸ್ ಸಮಿತಿ ಸಭೆ ಕಿನ್ಯಾ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ಹಾರಿಸ್ ಅಹ್ಮದ್ ಮೆರ್ನ ಮುತಾಲಿಕೆಡ್ ನಡತುಂಡು.

ಮಾಜಿ ಕಿನ್ಯಾ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಹಮೀದ್ ಕಿನ್ಯಾ ಪಾತೆರ್ದ್ ಪಕ್ಷದ ಕಾರ್ಯ ಚಟುವಟಿಕೆ ಬಗ್ಗೆ ಪಂಡೆರ್ . ಸಮಿತಿದ ವಿವರಣೆನ್ ಆಶಿಕ್ ಅಶ್ಫಾಕ್ ಕಿನ್ಯಾ ಕೊರಿಯೆರ್ . ಬೊಕ್ಕ ಪೊಸ ಸಮಿತಿ ರಚನೆ ಮಲ್ತೆರ್ .

ಕಿನ್ಯಾ ಗ್ರಾಮದ 3ನೇ ವಾರ್ಡ್ದ ಯುವ ಕಾಂಗ್ರೆಸ್ ಗುರ್ಕಾರ್ಲಾದ್ ಸಮೀರ್ ಮೀಂಪ್ರಿ, ಒತ್ತು ಗುರ್ಕಾರ್ಲಾದ್ ತಂಶೀರ್, ಸವಾದ್ ಪ್ರಧಾನ ಕಾರ್ಯದರ್ಶಿ ಯಾಗಿ ಬಾಶಿತ್ ಮೀಂಪ್ರಿ ,ಕಾರ್ಯದರ್ಶಿಯಾದ್ ಸುಹೈಲ್ ಮೀಂಪ್ರಿ, ಇಂತಿಶಾಮ್ ಮೀಂಪ್ರಿ, ಸಂಘಟನಾ ಕಾರ್ಯದರ್ಶಿಯಾದ್ ನಿಯಾಝ್ ಸಂಕೇಶ್ , ಮೀಡಿಯಾ ಉಸ್ತುವಾರಿಯಾದ್ ನಿಸಾರ್, ಸೋಶಿಯಲ್ ವರ್ಕ್ ಉಸ್ತುವಾರಿಯಾದ್ ಆಫ್ವನ್ ಮೀಂಪ್ರಿ ಬೊಕ್ಕ ತಾಸೀರ್ ಆಯ್ಕೆಯಾಯೆರ್ .

ಪತ್ರಕರ್ತೆರೆರ್ದ್ ಕೃಷಿ ಜಾಗೃತಿ

Jul 30, 2021

ಕುಡ್ಲ : ಅಳಿಯೊಂದು ಪೋವೊಂದು ಉಪ್ಪುನ ಬೆನ್ನಿದ ಸಂರಕ್ಷಣೆ ಬಗ್ಗೆ ಜಾಗೃತಿ ಮೂಡಾವುನ ನೆಲೆಟ್ಟ್ ಭತ್ತದ ಕೃಷಿಕೆರ್ನೊಟ್ಟಿಗೆ ಪತ್ರಕರ್ತರ ಸಾಮೂಹಿಕ ಭತ್ತದ ನಾಟಿ ಲೇಸ್ ನ್ ವಿಟ್ಲ ತಾಲೂಕುದ ಅಳಿಕೆ ಗ್ರಾಮದ ಮಿತ್ತಳಿಕೆಯ (ಚೆಂಡುಕಳ) ಕಂಡೊಡು ಜು.29 ನೆ ಗುರುವಾರ ಅಟ್ಟನೆ ಮಲ್ತಿತ್ತೆರ್ .

ವಾರ್ತಾ ಬೊಕ್ಕ ಸಾರ್ವಜನಿಕ ಸಂಪರ್ಕ ಇಲಾಖೆ, ದ.ಕ.ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ ಬೊಕ್ಕ ಬಂಟ್ವಾಳ ತಾಲೂಕು ಕಾರ್ಯನಿರತ ಪತ್ರಕರ್ತರ ಸಂಘದ ಒಟ್ಟು ಸೇರಿಗೆಡ್ ಈ ಚಟುವಟಿಕೆಡ್ ಪತ್ರಕರ್ತೆರ್ ಭತ್ತನ್ ನಾಟಿ ಮಲ್ತೆರ್ .

M	T	W	T	F	S	S
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Dakshina Kannada

ಪತ್ರಿಕಾ ಭವನ ಟ್ರಸ್ಟ್ ” ಪದಾಧಿಕಾರಿಲೆನ ಆಯ್ಕೆ

ಡಾ. ಉಷಾ ಪ್ರಭಾಗ್ ಸೇವಾ ರತ್ನ ಪ್ರಶಸ್ತಿ

ಗ್ರಾಹಕೆರ್ನ ಸೇವೆಗ್ ಬೆಗೋಡೆ ಬರಿಯರೆ ಉಂಡು ಪೊಸ ಆಪ್

ಪಚ್ಚನಾಡಿ ಪರಿಹಾರಗ್ ₹14.8 ಕೋಟಿ ಬುಡುಗಡೆ

ಕಲ್ಯಾಣಪುರ ರೋಟರಿ ಕ್ಲಬ್ ವತಿರ್ದ್ ಕೋವಿಡ್ ಕಿಟ್

ಆನ್ಲೈನ್ / ಆಫ್ಲೈನ್ ಕಿರುಚಿತ್ರ ಪಂಥ

ಭಾರತಗ್ ಒಲಂಪಿಕ್ಸ್ ಡ್ ಕುಡೊಂಜಿ ಪದಕ ಫಿಕ್ಸ್

ಸಿಬಿಎಸ್ ಸಿ 12ನೇ ತರಗತಿ ಫಲಿತಾಂಶ ಇನಿ ಪ್ರಕಟ

ಕಿನ್ಯ ಯುವ ಕಾಂಗ್ರೆಸ್ ಸಮಿತಿ ಸಭೆ

ಪತ್ರಕರ್ತೆರೆರ್ದ್ ಕೃಷಿ ಜಾಗೃತಿ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ