Dakshina Kannada

ಎಸಿಬಿ ಎಸ್ಪಿಯಾದ್ ಅಧಿಕಾರ ಸ್ವೀಕಾರ ಮಲ್ತಿನ ಸೈಮನ್

Aug 4, 2021

ಕುಡ್ಲ, ಆಗಸ್ಟ್ 4: ಭ್ರಷ್ಟಾಚಾರ ನಿಗ್ರಹ ದಳದ ಪೊಸ ಪೊಲೀಸ್ ವರಿಷ್ಠಾಧಿಕಾರಿಯಾದ್ ಸೈಮನ್ ಸಿ.ಎ. ಆಯ್ಕೆ ಆತೆರ್ , ಮೇರ್ ಪೇಂಟೆಡ್ ಅಂಗಾರೆ ಅಧಿಕಾರ ಸ್ವೀಕಾರ ಮಲ್ದೆರ್ .

ಮೂಲತಃ ದಕ್ಷಿಣ ಕನ್ನಡ ಜಿಲ್ಲೆಯ ಕಡಬದಾರ್ ಆಯಿನ ಮೇರ್ , 2001ಟ್ಟ್ ರಾಜ್ಯ ಸಿಐಡಿ ವಿಭಾಗದ ಸಬ್‌ಇನ್‌ಸ್ಪೆಕ್ಟರ್‌ ಆದ್ ಪೊಲೀಸ್ ಸೇವೆ ಸುರು ಮಲ್ತೆರ್ . ಐರ್ದ್ ಬೊಕ್ಕ ಪದೋನ್ನತಿ ಆದ್ ಇನ್‌ಸ್ಪೆಕ್ಟರ್ ಆಯೆರ್ . 2011ಟ್ಟ್ ಮುಖ್ಯಮಂತ್ರಿನ ಬಂಗಾರ್ದ ಪದಕ ಪಡೆತೆರ್.

ಶಾಸಕೆರ್ನ ಕಚೇರಿ ಸೇವಕಡ್ ಸಾರ್ವಜನಿಕೆರ್ನ ಸಭೆ

Aug 4, 2021

ಕಿನ್ನಿಗೋಳಿ, ಆಗಸ್ಟ್ 4: ಕಿನ್ನಿಗೋಳಿ ಪಟ್ಟಣ ಪಂಚಾಯತಿದ ಕಿನ್ನಿಗೋಳಿ ಪೇಂಟೆಡ್ ಸುವ್ಯವಸ್ಥಿತವಾದ್ ಗಾಡಿದ ಸಂಚಾರಗ್ ಅವಕಾಶ ಬೊಕ್ಕ ಸಾರ್ವಜನಿಕರ ಸಂಚಾರಗ್ ಸೂಕ್ತ ಅವಕಾಶನ್ ದುಂಬುದ ದಿನಟ್ ಪೋಲಿಸ್ ಇಲಾಖೆ,ಲೋಕೋಪಯೋಗಿ ಇಲಾಖೆ,ಮೆಸ್ಕಾಂ ಮೆಕ್ಲೆನ್ ಪಟ್ಟಣ ಪಂಚಾಯತಿ ಅಧಿಕಾರಿಲು ಸಮನ್ವಯ ಮಲ್ತ್ ಕಾರ್ಯಗತ ಮಲ್ಪೊಡು ಪಂದ್ ಮಾನ್ಯ ಶಾಸಕೆರಾಯಿನ ಉಮಾನಾಥ್ ಕೋಟ್ಯಾನ್ ಪಂಡೆರ್.

ಕಿನ್ನಿಗೋಳಿ ಪಟ್ಟಣ ಪಂಚಾಯತಿಡ್ ಟ್ರಾಫಿಕ್ ಸಮಸ್ಯೆದ ಬಗ್ಗೆ ಟ್ರಾಫಿಕ್ ಪೊಲೀಸ್,ಮೆಸ್ಕಾಂ,ಲೋಕೊಪಯೋಗಿ ಇಲಾಖೆ,ರಿಕ್ಷಾ,ಟ್ಯಾಕ್ಸಿ ಬೊಕ್ಕ ಬಸ್ಸು ಮಾಲಕೆರ್ನ ಬೊಕ್ಕ ಚಾಲಕೆರ್ನ ಸಂಘ ಸಭೆನ್ ಉದ್ದೇಶಿಸಾದ್ ಪಾತೆರಿಯೆರ್.

ಈ ಪೊರ್ತುಡು ತಹಶಿಲ್ದಾರೆರಾಯಿನ ಕಮಲಮ್ಮ,ಟ್ರಾಫಿಕ್ ಪೋಲಿಸ್ ನಿರೀಕ್ಷಕೆರಾಯಿನ ಮಹಮ್ಮೆದ್ ಶರೀಫ಼್, ಲೋಕೋಪಯೋಗಿ ಇಲಾಖಾ ಸಹಾಯಕ ಅಭಿಯಂತೆರಾಯಿನ ಗೋಪಾಲ್,ಮೆಸ್ಕಾಂ ಶಾಖಾಧಿಕಾರಿಲು ಬೊಕ್ಕ ಬೇತೆ ಅಧಿಕಾರಿಲು ಸಭೆಟ್ ಪಾಲ್ ಪಡೆದಿತ್ತೆರ್.

ಕಲಾನಿಧಿ ಸೂಪರ್ ಸಿಂಗರ್ ಪದ ಪನ್ಪಿನ ಪಂಥೋ

Aug 4, 2021

ಕಾರ್ಲ, ಆಗಸ್ಟ್ 4 : ಕಲಾನಿಧಿ ಕಾರ್ಲ ವತಿರ್ದ್ ನ್ಯೂಸ್ ಕಾರ್ಕಳ ನೆತ್ತ ಒಟ್ಟು ಸೇರಿಗೆಡ್ ಆ. 15 ಕ್ಕ್ ಕಾರ್ಕಳ ನಾರಾಯಣ ಗುರು ಸಭಾಭವನದಡ್ ಸೂಪರ್ ಸಿಂಗರ್ (ಕರೋಕೆ ಗಾಯನ) ಪಂಥೋ ನಡಪರೆ . ಆನಿ ಕಾಂಡೆ 10 ಗಂಟೆರ್ದ್ ಬೈಯ್ಯಗ್ 6 ಗಂಟೆ ಮುಟ ಪಂಥ ನಡಪರೆ ಉಂಡು , 16 ವರ್ಷ ಮಿತ್ತ್ ದಕುಲು ಪಾಲ್ ಪಡೆಯೋಲಿ.ಪದ ಪನ್ಪಿನಕುಲು ಕರೋಕೆ ಟ್ರ್ಯಾಕ್ ನ್ ಕನವೊಡು . ಮೂಜಿ ಪದ ಪನಿಯರೇ ಅವಕಾಶ ಉಂಡು , ಪ್ರತಿ ಪದತ ಕಾಲಮಿತಿ ಮೂಜಿ ನಿಮಿಷ ಆದುಂಡು ಪಂದ್ ಕಲಾನಿಧಿ ಸಂಸ್ಥೆ ಗುರ್ಕಾರ್ಲಾಯಿನ ರಾಜೇಂದ್ರ ಕಲ್ಲೊಟ್ಟೆ ತೆರಿಪಾಯೆರ್ .ನೋಂದಣಿಗ್ ಆ. 13 ಕಡೆತ ತಾರೀಖ್ ಪಂದ್ ಪ್ರಕಟಣೆಗ್ ತೆರಿಪಾಯೆರ್.

ಸಾಣೂರುದ ಡಾ. ಹರ್ಷಿತಾ ಶೈಲೇಶ್ ಮೆರೆಗ್ ಡಾಕ್ಟರೇಟ್

Aug 4, 2021

ಕಾರ್ಲ, ಆಗಸ್ಟ್ 4: ಸಾಣೂರು ಗ್ರಾಮದ ಡಾ. ಹರ್ಷಿತಾ ಶೈಲೇಶ್ ಮೆರೆಗ್ ಕತಾರ್ ಯುನಿವರ್ಸಿಟಿ ಡಾಕ್ಟರೇಟ್ ಪದವಿ ಕೊರ್ತುಂಡು . ಸೆಲ್ ಆಂಡ್ ಮೊಲಿಕ್ಯುಲಾರ್ ಬಯೋಲಜಿ ಕ್ಷೇತ್ರಡ್ ಪ್ರೊ. ಸೈದ್ ಸಿತ್ ಮೆರ್ನ ಮಾರ್ಗದರ್ಶನದಡ್ ಕೊರಿನoಚಿನ ” ದಿ ರೋಲ್ ಆಫ್ ಪ್ರೋಟಿನ್ ಆರ್ಜಿನಿಂಗ್ ಮಿಥೈಲ್ ಟ್ರಾನ್ಸ್ ಫರೇಸ್ 5 ಇನ್ ವಿಂಟ್/ ಬೀಟ್ ಕೆಟನಿನ್ ಪ್ರೊಲಿಫರೇಟಿವ್ ಸಿಗ್ನಲಿಂಗ್ ಇನ್ ಬ್ರೆಸ್ಟ್ ಕ್ಯಾನ್ಸರ್” ಪ್ರಬಂಧಗ್ ಕತಾರ್ ಯುನಿವರ್ಸಿಟಿ ಡಾಕ್ಟರೇಟ್ ಪದವಿ ಕೊರ್ದು ಮಾನಾದಿಗೆ ಮಲ್ದುಂಡು .

ಡಾ. ಹರ್ಷಿತಾ ಶೈಲೇಶ್ ಮೇರ್ ಕರಿನ 11 ವರ್ಷರ್ದ್ ಕತಾರ್‌ಡ್ ಇತ್ತಿನಾರ್ . ಮೇರ್ ಕಾರ್ಕಳ ಹರ್ಷಿತಾ ಟೈಮ್ಸ್ ಗುರ್ಕಾರ್ಲಾಯಿನ ಟಿ.ಕೆ. ರಘುವೀರ್ ಬೊಕ್ಕ ನಿವೃತ್ತ ಮುಖ್ಯಶಿಕ್ಷಕಿ ಪ್ರಮೀಳಾ ದಂಪಲೆನ ಮಗಲ್.

ಮಂಗಳ ಶೆಟ್ಟಿಗ್ ಪಿಎಚ್ ಡಿ

Aug 3, 2021

ಕಾರ್ಕಳ, ಆಗಸ್ಟ್ 3 : ಎನ್ಎಂಎಎಂಐಟಿ ನಿಟ್ಟೆ ಕಾಲೇಜ್ದ ಎಂಸಿಎ ಉಪನ್ಯಾಸಕಿ ಮಂಗಳ ಶೆಟ್ಟಿ ಮೇರ್ ಮಂಡಣೆ ಮಲ್ತಿನ ಸ್ಟಡಿ ಆನ್ ಅಟೂಮೆಟೆಡ್ ಮೆಥಡ್ ಆಫ್ ಬ್ಯಾಕ್ಟಿರಿಯಾ ಇಮೇಜ್ ಐಡೆಂಟಿಫಿಕೇಶನ್ ಆಂಡ್ ಕ್ಲಾಸಿಫಿಕೇಶನ್ ಯುಸಿಂಗ್ ಐಮೇಜ್ ಅನಾಲಿಸಿಸ್ ಪನ್ಪಿನ ಮಹಾಪ್ರಬಂಧಗ್ ಬೆಳಗಾಂ ವಿಶ್ವೇಶ್ವರಯ್ಯ ಟೆಕ್ನಾಲಾಜಿಕಲ್ ಯುನಿರ್ವಸಿಟಿ ಪಿಎಚ್. ಡಿ ಪದವಿ ಕೊರ್ತುಂಡು . ಮೇರ್ ಎನ್ಎಂಎಎಂಐಟಿ ನಿಟ್ಟೆ ಕಾಲೇಜ್ ದ ಡಾ| ಬಾಲಸುಬ್ರಮಣಿ ಆರ್. ಮಾರ್ಗದರ್ಶಡ್ ಪ್ರಬಂಧ ಮಂಡಣೆ ಮಲ್ದೆರ್ .

ನಲ್ಲೂರು : ಮಗ್ಗಿ ಬೂಕು ಬುಡುಗಡೆ

Aug 3, 2021

ಕಾರ್ಕಳ, ಆಗಸ್ಟ್ 3 : ಆನ್‌ಲೈನ್ ಶಿಕ್ಷಣದ ಪ್ರಭಾವಗ್ ಜೋಕ್ಲೆಗ್ ಕೊರೊಂದು ಇತ್ತಿನ ಇಲ್ಲದ ಪಾಠ ಮರಪರೆ ಬಲ್ಲಿ . ಈ ನೆಲೆಟ್ಟ್ ಪೋಷಕೆರ್ ವಿಶೇಷ ಮುತುವರ್ಜಿ ವಹಿಸಾವುನ ಅಗತ್ಯ ಪಂದ್ ಶಾಸಕ ವಿ. ಸುನಿಲ್ ಕುಮಾರ್ ಪಂಡೆರ್ . ಮೇರ್ ಆ. 1ಕ್ಕ್ ನಲ್ಲೂರು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಡ್ ಮನೆಯೇ ಮೊದಲ ಪಾಠಶಾಲೆ ಮಗ್ಗಿ ಪುಸ್ತಕ ಬುಡುಗಡೆ ಮಲ್ತ್ ಬೊಕ್ಕ ಪಾತೆರಿಯೆರ್.

ಕರ್ನಾಟಕ ಗೇರು ನಿಗಮದ ಗುರ್ಕಾರ್ಲಾಯಿನ ಮಣಿರಾಜ ಶೆಟ್ಟಿ ಲೇಸ್ ಉದಿಪನ ಮಲ್ತೆರ್ . ಕಾರ್ಕಳದ ನಿಕಟಪೂರ್ವ ಬಿಇಒ ಶಶಿಧರ ಜಿ.ಎಸ್., ಬಿಇಒ ವೆಂಕಟೇಶ್ ನಾಯಕ್, ಅಕ್ಷರ ದಾಸೋಹ ಅಧಿಕಾರಿ ಭಾಸ್ಕರ್, ಸಿಡಿಪಿಒ ಉಮೇಶ್, ನಲ್ಲೂರು ಗ್ರಾ.ಪಂ. ಪ್ರಭಾರ ಗುರ್ಕಾರ್ಲಾಯಿನ ಜಯಕೀರ್ತಿ ಜೈನ್, ಸಂಯೋಜಕಕೆರಾಯಿನ ಉದ್ಯಮಿ ಅನಂತಕೃಷ್ಣ ಶೆಣೈ ರೆಂಜಾಳ, ಜಿ.ಪಂ. ನಿಕಟಪೂರ್ವ ಸದಸ್ಯೆಯೆರಾಯಿನ ದಿವ್ಯಶ್ರೀ ಅಮೀನ್, ತಾ.ಪಂ. ಮಾಜಿ ಗುರ್ಕಾರ್ಲಾಯಿನ ಮಾಲಿನಿ ಜೆ. ಶೆಟ್ಟಿ, ರಮಾನಂದ ಶೆಟ್ಟಿ, ಗೋಪಶೆಟ್ಟಿ, ಮಹಾಬಲ ಶೆಟ್ಟಿ ನಲ್ಲೂರು ಪಾಲ್ ಪಡೆದಿತ್ತೆರ್.

ಸಚಿವೆ ಶೋಭಾ ಕರಂದ್ಲಾಜೆ ನ್ ಭೇಟಿ ಆಯಿನ ಸುಮಿತ್

Aug 3, 2021

ಕಾರ್ಕಳ, ಆಗಸ್ಟ್ 3 : ಜಿ.ಪಂ. ಕೃಷಿ ಬೊಕ್ಕ ಕೈಗಾರಿಕಾ ಸ್ಥಾಯಿ ಸಮಿತಿ ಗುರ್ಕಾರ್ಲಾಯಿನ , ಬೈಲೂರು ಕ್ಷೇತ್ರದ ನಿಕಟಪೂರ್ವ ಜಿ.ಪಂ. ಸದಸ್ಯ ಸುಮಿತ್ ಶೆಟ್ಟಿ ಕೌಡೂರು ಮೇರ್ ಕೇಂದ್ರ ಕೃಷಿ ಬೊಕ್ಕ ರೈತರ ಕಲ್ಯಾಣ ಇಲಾಖೆ ರಾಜ್ಯ ಸಚಿವೆಯಾದ್ ಆಯ್ಕೆಯಾಯಿನ ಶೋಭಾ ಕರಂದ್ಲಾಜೆ ಮೆರೆನ್ ದೆಹಲಿದ ಕಚೇರಿಡ್ ಕೋಡೆ ಭೇಟಿ ಮಲ್ತ್ ಎಡ್ಡೆಪ್ಪು ಬಯಕಿಯೆರ್ . ಈ ಪೊರ್ತುಡು ಕೈತಲ್ದ ಬೇಡಿಕೆದ ಬಗ್ಗೆ ಅರಿಕೆ ಮಲ್ತೆರ್.

ಸಂಪುಟ ರಚನೆದ ನಿರೀಕ್ಷೆಡ್ ಉಪ್ಪುನ ಸಿಎಂ ಬೊಮ್ಮಾಯಿ

Aug 2, 2021

ಬೆಂಗ್ಳೂರು: ಇನಿ ಅತ್ತುಂಡ ಎಲ್ಲೆ ಸಂಪುಟ ರಚನೆ ಮಲ್ಪುವೆರ್ . ಹೈಕಮಾಂಡ್ ಸಂದೇಶದ ನಿರೀಕ್ಷೆಡ್ ಉಲ್ಲ ಪಂದ್ ಸಿಎಂ ಬಸವರಾಜ ಬೊಮ್ಮಾಯಿ ಪಂಡೆರ್ .

ಮಾಧ್ಯಮದ ಒಟ್ಟುಗು ಪಾತೆರಿನ ಮುಖ್ಯಮಂತ್ರಿಲು , ಪ್ರವಾಹ ಸ್ಥಿತಿ, ಪರಿಹಾರ ಕಾರ್ಯದ ಬಗ್ಗೆ ಸಿಎಸ್ ಸೇರಿನಂಚ ಪೆರಿಯ ಅಧಿಕಾರಿಲೆನ ಒಟ್ಟುಗು ಸಭೆ ನಡಪಾವೇ . ಮಾತಾ ಡಿಸಿಲೆರ್ದ್ ವರದಿ ಕನಪಾವೊಂದು ಉಲ್ಲೆ . ಹಣಕಾಸು ಇಲಾಖೆ ಅಧಿಕಾರಿಲೆನ ಒಟ್ಟುಗು ಸಭೆ ನಡಪಾದ್ ಅಗತ್ಯ ಹಣಕಾಸು ಬುಡುಗಡೆ ಮಲ್ಪುನ ಬಗ್ಗೆ ಸಭೆಟ್ ಪಾತೆರ ಕತೆ ನಡಪಾವೇ ಪಂದ್ ಪಂಡೆರ್
.

ಭಜನಾ ಮಂದಿರಗ್ ಮೂಲ ಸೌಕರ್ಯ ಕೊರೊಡು : ಹರೀಶ್ ಪೂಂಜಾ

Aug 2, 2021

ಬೊಲ್ತೆರ್, ಆಗಸ್ಟ್ 2: ‘ಹಿಂದೂ ಸಮಾಜಗ್ ಶಕ್ತಿ ಕೊರ್ಪಿನ ಕಾರ್ಯ ಭಜನಾ ಮಂಡಳಿರ್ದ್ ಆವೊಂದು ಉಂಡು . ಭಜನಾ ಮಂದಿರದ ಅಸ್ತಿತ್ವ ಒರಿಪಾವುನ ನೆಲೆಟ್ಟ್ ಸರ್ಕಾರಿ ದಾಖಲೆನ್ ಸರಿ ಮಲ್ಪುನೆತ್ತ ಒಟ್ಟುಗು ಮೂಲ ಸೌಕರ್ಯ ಅಭಿವೃದ್ಧಿಗ್ ಕಂದಾಯ ಸಚಿವೇರಾಯಿನ ಆರ್. ಅಶೋಕ್ ಮೆರ್ನೊಟ್ಟುಗು ಪಾತೆರ ಕಥೆ ನಡಪಾದ ಪಂದ್ ‘ ಶಾಸಕ ಹರೀಶ್ ಪೂಂಜ ಪಂಡೆರ್ .

ಐತಾರ ಪೇಂಟೆದ ಭಜನಾ ಮಂದಿರದ ಮೂಲ ಸೌಕರ್ಯದ ಬಗ್ಗೆ ಮಂದಿರದ ಗುರ್ಕಾರ್ಲು ಬೊಕ್ಕ ಕಾರ್ಯದರ್ಶಿಲೆನ ಒಟ್ಟುಗು ಬೊಲ್ತೆರ್ ಮಂಜುನಾಥ ಸ್ವಾಮಿ ಸಭಾಭವನಡ್ ನಡಪಾಯಿನ ಸಭೆಟ್ ಆರ್ ಪಾತೆರಿಯೆರ್.

ವಿಶ್ವ ಹಿಂದೂ ಪರಿಷತ್ ತಾಲ್ಲೂಕು ಮಾಜಿ ಗುರ್ಕಾರ್ಲಾಯಿನ ಸುಬ್ರಹ್ಮಣ್ಯ ಕುಮಾರ್ ಅಗರ್ತ, ಬಿಜೆಪಿ ಮಂಡಲ ಗುರ್ಕಾರ್ಲಾಯಿನ ಜಯಂತ್ ಕೋಟ್ಯಾನ್, ಪ್ರಧಾನ ಕಾರ್ಯದರ್ಶಿ ಗಣೇಶ್ ಗೌಡ ನಾವೂರು, ಕಾರ್ಯದರ್ಶಿ ಪ್ರಶಾಂತ್ ಪಾರೆಂಕಿ, ಧರ್ಮಸ್ಥಳ ಮಂಜುನಾಥೇಶ್ವರ ಭಜನಾ ಪರಿಷತ್ ಜಿಲ್ಲಾ ಉಪಾಧ್ಯಕ್ಷ ಮಂಜು ನಾಥ ಶೆಟ್ಟಿ, ಭಜನಾ ಪರಿಷತ್ ತಾಲ್ಲೂಕು ಕಾರ್ಯದರ್ಶಿ ಜನಾರ್ದನ ಪಾಲ್ ಪಡೆದಿತ್ತೆರ್ .

ಮರವೂರು ಸಂಕಡ್ ಗಾಡಿಗ್ ಕುಡ ಚಾಲನೆ

Jul 31, 2021

ಕುಡ್ಲ, ಜುಲೈ 31: ಕುಡ್ಲ -ಅತ್ರಾಡಿ ರಾಜ್ಯ ಹೆದ್ದಾರಿದ ಫಲ್ಗುಣಿ ನದಿಕ್ ಅಡ್ಡಲಾದ್ ಕಟ್ಟಿನ ಮರವೂರು ಸಂಕಡ್ ಶುಕ್ರವಾರ ಮಧ್ಯಾಹ್ನದ ಪೊರ್ತುಡು ವಾಹನದ ಸಂಚಾರ ಕುಡ ಶುರು ಆತುಂಡು .

ಮುಲ್ಕಿ-ಮೂಡುಬಿದಿರೆ ಶಾಸಕ ಉಮನಾಥ ಕೋಟ್ಯಾನ್ ವಾಹನ ಬೊಕ್ಕ ಜನಸಂಚಾರಗ್ ಚಾಲನೆ ಕೊರ್ತೆರ್ .ಜೂ.14 ಕ್ಕ್ ಮಧ್ಯ ರಾತ್ರಿ ಪೊರ್ತುಡು ಈ ಸಂಕಡ್ ಬಿರುಕು ಮುಡ್ದು ಇತ್ತುಂಡು . ಆತೆ ಅತ್ತoದೆ ಪಿಲ್ಲರ್ ಜರಿದ್ ಇತ್ತುಂಡು . ಉಂದೆನ್ ತೂಯಿನ ನೆರೆಕರೆದಕುಲು ಸಂಬಂಧಪಟ್ಟಿ ನಕ್ಲೆನ ಗಮನ ಕಂತೆರ್ . ಇತ್ತೆ ಈ ಮಾರ್ಗಡ್ ಕುಡ ಸಂಚಾರ ಸುರು ಆತುಂಡು.

M	T	W	T	F	S	S
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Dakshina Kannada

ಎಸಿಬಿ ಎಸ್ಪಿಯಾದ್ ಅಧಿಕಾರ ಸ್ವೀಕಾರ ಮಲ್ತಿನ ಸೈಮನ್

ಶಾಸಕೆರ್ನ ಕಚೇರಿ ಸೇವಕಡ್ ಸಾರ್ವಜನಿಕೆರ್ನ ಸಭೆ

ಕಲಾನಿಧಿ ಸೂಪರ್ ಸಿಂಗರ್ ಪದ ಪನ್ಪಿನ ಪಂಥೋ

ಸಾಣೂರುದ ಡಾ. ಹರ್ಷಿತಾ ಶೈಲೇಶ್ ಮೆರೆಗ್ ಡಾಕ್ಟರೇಟ್

ಮಂಗಳ ಶೆಟ್ಟಿಗ್ ಪಿಎಚ್ ಡಿ

ನಲ್ಲೂರು : ಮಗ್ಗಿ ಬೂಕು ಬುಡುಗಡೆ

ಸಚಿವೆ ಶೋಭಾ ಕರಂದ್ಲಾಜೆ ನ್ ಭೇಟಿ ಆಯಿನ ಸುಮಿತ್

ಸಂಪುಟ ರಚನೆದ ನಿರೀಕ್ಷೆಡ್ ಉಪ್ಪುನ ಸಿಎಂ ಬೊಮ್ಮಾಯಿ

ಭಜನಾ ಮಂದಿರಗ್ ಮೂಲ ಸೌಕರ್ಯ ಕೊರೊಡು : ಹರೀಶ್ ಪೂಂಜಾ

ಮರವೂರು ಸಂಕಡ್ ಗಾಡಿಗ್ ಕುಡ ಚಾಲನೆ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ