Bangalore

ಪಚ್ಚನಾಡಿ ಪರಿಹಾರಗ್ ₹14.8 ಕೋಟಿ ಬುಡುಗಡೆ

Jul 31, 2021

ಕುಡ್ಲ : ವೈಜ್ಞಾನಿಕ ರೀತಿದ ಕಜವು ವಿಲೇವಾರಿಗ್ ಆದ್ಯತೆ ಕೊರ್ತೆರ್ , ಇತ್ತೆ ಶೇ.65 ರ್ದ್ 70ದಾತ್ ಕಜವು ಮೂಲರ್ದೇ ಬೇತೆ ಆದ್ ಬರೊಂದು ಉಂಡು ಪಂದ್ ಮೇಯರ್‌ ಪ್ರೇಮಾನಂದ ಶೆಟ್ಟಿ ಪಂಡೆರ್ .

ನಗರದ ಪಾಲಿಕೆದ ಮಂಗಳಾ ಸಭಾಂಗಣಡ್ ಗುರುವಾರ ನಡತಿನ ಪಾಲಿಕೆ ಸಾಮಾನ್ಯ ಸಭೆತ ಗುರ್ಕಾರ್ಮೆ ವಹಿಸ್ ದ್ ಪಾತೆರಿನ ಆರ್ ಆಯಂಟನಿ ಸಂಸ್ಥೆದ ಗುತ್ತಿಗೆ ಅವಧಿ ಆಜಿ ತಿಂಗೊಲ್ ಡು ಮುಗಿಯರೇ ಉಂಡು, ದುಂಬುಗೂ ಪಾರಂಪರಿಕ ತ್ಯಾಜ್ಯ ಸಂಸ್ಕರಣೆಗ್ ಟೆಂಡರ್ ಆತುಂಡು . ಸರ್ಕಾರ ಅನುಮೋದನೆ ಕೊರ್ಪಿನ ಭರವಸೆ ಉಂಡು ಪಂದ್ ಪಂಡೆರ್.

ಕಲ್ಯಾಣಪುರ ರೋಟರಿ ಕ್ಲಬ್ ವತಿರ್ದ್ ಕೋವಿಡ್ ಕಿಟ್

Jul 31, 2021

ಕಲ್ಯಾಣಪುರ, ಜುಲೈ 31: ಕಲ್ಯಾಣಪುರ ರೋಟರಿ ಕ್ಲಬ್ ವತಿರ್ದ್ ಕೊರೋನಾ ಜಾಗೃತಿ ಬೊಕ್ಕ ರೋಗ ನಿರ್ಮೂಲನಾ ಕಾರ್ಯಕ್ರಮದ ಪರವಾದ್ ಉಳ್ಳೂರು ಸಾಲ್ಮರ ಕೈತಲ್ ದ ಸ್ಪಂದನ ವಿಶೇಷ ಮಕ್ಕಳ ವಸತಿ ನಿಲಯಗ್ ದಿನ ಬಳಕೆಗ್ ಬೋಡಾಪಿನ ಸ್ವಚ್ಚತಾ ಸಾಮಾಗ್ರಿಲು , ಮಾಸ್ಕ್ ಸ್ಯಾನಿಟೈಸರ್ ಅಂಚನೇ ವಸ್ತುದ ಕಿಟ್ ಪಟ್ಟಿಯೆರ್ .

ರೋಟರಿ ವಲಯ 3ರ ಸಹಾಯಕ ಗವರ್ನರ್ ರೋ. ಪದ್ಮನಾಭ ಕಾಂಚನ್ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆದ್ ಕಲ್ಯಾಣಪುರ ರೋಟರಿ ಕ್ಲಬ್ ದ ಸೇವಾ ಚಟುವಟಿಕೆಲೆನ್ ಪುಗರಿಯೆರ್. ವಲಯ ಸೇನಾನಿ ರೋ. ಬ್ರಾಯನ್ ಡಿಸೋಜ, ಗುರ್ಕಾರ್ಲಾಯಿನ ರೋ. ಶಂಭು ಶಂಕರ್, ಕಾರ್ಯದರ್ಶಿ ಪ್ರಕಾಶ್, ಜಿಲ್ಲಾ ಯೋಜನಾ
ಗುರ್ಕಾರ್ಲಾಯಿನ ಎಮ್ ಮಹೇಶ್ ಕುಮಾರ್ ಪಾಲ್ ಪಡೆದಿತ್ತೆರ್.

499 ರೂಪಾಯಿಗ್ ಸ್ಕೂಟರ್‌

Jul 31, 2021

ಕುಡ್ಲ, ಜುಲೈ 31: ಸಾರಿಗೆ ಸೇವೆನ್ ಕೊರೊಂದು ಉಪ್ಪುನ ಓಲಾ ಕಂಪನಿ ಪೊಸತೊಂಜಿ ಯೋಜನೆನ್ ಸುರು ಮಲ್ದುಂಡು .ಓಲಾ ಕಂಪನಿಯು ಪ್ರಪಂಚದ ಬಾರಿ ಮಲ್ಲ ಎಲೆಕ್ಷ್ರಿಕ್‌ ಸ್ಕೂಟರ್‌ ಮ್ಯಾನಿಫ್ಯಾಚರಿಂಗ್‌ ಕಂಪನಿನ್ ಸುರು ಮಲ್ದುಂಡು, ಪೆಟ್ರೋಲ್‌ ಬೆಲೆ ಏರಿಕೆರ್ದ್ ಚಿಂತಿತೆರಾಯಿನ ಭಾರತೀಯೆರೆಗ್ ಸಿಹಿ ಸುದ್ಧಿನ್ ಕೊರೊಂದು ಉಂಡು.

ಕರೆಂಟ್ ಚಾರ್ಜ್ನರ್ದ್ ಪೋಪಿನ ಬಾರಿ ಕಮ್ಮಿಡ್ ಮಾರುಕಟ್ಟೆಗ್ ಬರೊಂದು ಉಪ್ಪುನ ಎಲೆಕ್ಟ್ರಿಕ್‌ ಸ್ಕೂಟರ್‌ ಉಂದು ಆತುಂಡು , ಭಾರತೀಯ ದ್ವಿಚಕ್ರ ಮಾರುಕಟ್ಟೆಡ್ ಒಂಜಿ ವಿಶೇಷ ಕ್ರಾಂತಿನ್ ಮೂಡಾಯೆರೆ ದುಂಬು ಬೈದುಂಡು ಓಲಾ ಸ್ಕೂಟರ್‌ ಕೇವಲ 18 ಮಿನಿಟ್‌ ಚಾರ್ಜ್ನರ್ದ್ 75 ಕಿ.ಮಿ ಪೋಪಿನoಚಿನ ವಿಶೇಷ ತಂತ್ರಜ್ಞಾನ ಉಂಡು . ನಿಕ್ಲೆನ ಪೆಟ್ರೋಲ್‌ ಬಳಕೆದ ಶೇ.75 ನ್ ಒರಿಪಾವೊಲಿ . ಓಲಾ ಎಲೆಕ್ಟ್ರಿಕ್‌ ಸ್ಕೂಟರ್‌ ಬೆಲೆನ್ ಕಂಪನಿ ಆಯಿನಾತ್ ಬೆಗೋಡೆ ತೆರಿಪಾಯೆರೆ ಉಂಡು . ಓಲಾ ಎಲೆಕ್ಟ್ರಿಕ್‌ ಸ್ಕೂಟರ್‌ ಬುಕ್ಕಿಂಗ್‌ ಸೇವೆನ್ ಕಂಪನಿ ಇತ್ತೆ ಸುರು ಮಲ್ದುಂಡು ಮುಂಗಡ ಬುಕ್ಕಿಂಗ್‌ ದರ ಕೇವಲ 499/- ರೂಪಾಯಿಯಾದುಂಡು . https://olaelectric.com/ ಡ್ ನಿಕ್ಲೆನ ಮುಂಗಡ ಬುಕ್ಕಿಂಗ್‌ ಮಲ್ಪೊಲಿ .

ಆನ್ಲೈನ್ / ಆಫ್ಲೈನ್ ಕಿರುಚಿತ್ರ ಪಂಥ

Jul 30, 2021

ಕುಡ್ಲ : ಪ್ರಧಾನಮಂತ್ರಿ ಆವಾಸ್ ಯೋಜನೆ ಆಜಿ ವರ್ಷ ಪೂರ್ಣ ಮಲ್ತಿನ ನೆಲೆಟ್ಟ್ ‘ಕುಶಿಯೋನ್ ಕಾ ಆಶಿಯನಾ’ ವಿಷಯಾಧಾರಿತ ಕಿರುಚಿತ್ರ ಪಂಥ ಗಾದ್ ಕಾರ್ಯಾಗಾರ ಅಟ್ಟನೆ ಮಲ್ದೆರ್ .

ಫಲಾನುಭವಿಲೇನ ಜೀವನಡ್ ಆಯಿನ ಬದಲಾವಣೆಲು ಪನ್ಪಿನ ವಿಷಯಡ್ ಕಿರುಚಿತ್ರ ಪಂಥಡ್ ಫಲಾನುಭವಿಲು , ಜೋಕುಲು , ಜವನೆರ್ , ಸಂಘ ಸಂಸ್ಥೆಲು ಪಾಲ್ ಪಡೆಯೋಲಿ .

ಅಂತರ್ಜಾಲ ತಾಣ https://pmay-urban.gov.in ಡ್ ನೋಂದಾವಣೆ ಮಲ್ತ್ ಗೂಗಲ್ ಪ್ಲೇಸ್ಟೋರ್‌ಡ್ ಉಪ್ಪುನ PMAY(U) ಆಪ್ಲಿಕೇಶನ್‌ಡ್ ಚಿತ್ರೀಕರಣ ಮಲ್ತಿನ ಕಿರುಚಿತ್ರನ್ ಸೆಪ್ಟೆಂಬರ್ 10 ತ್ತ ಉಲಯಿ ಅಪ್‌ಲೋಡ್ ಮಲ್ಪೊಲಿ .

ಭಾರತಗ್ ಒಲಂಪಿಕ್ಸ್ ಡ್ ಕುಡೊಂಜಿ ಪದಕ ಫಿಕ್ಸ್

Jul 30, 2021

ಟೋಕಿಯೋ: ಭಾರತದ ಪಾಲ್ ಗ್ ಇನಿ ಶುಭ ಶುಕ್ರವಾರ. ಮಹಿಳಾ ಬಾಕ್ಸಿಂಗ್ ಕ್ವಾರ್ಟರ್ ಫೈನಲ್‌ಡ್ ಲೊವ್ಲಿನಾ ಬೊರ್ಗೊಹೈನ್ ಚೈನೀಸ್‌ ತೈಪೆಯ ಚೆನ್‌ ನೀನ್‌-ಚಿನ್‌ ವಿರುದ್ದ 4-1 ಅಂತರಡ್ ಗೆಂದುನ ಮುಖೇನ ಸೆಮಿಫೈನಲ್‌ಗ್ ಆಯ್ಕೆ ಆತೆರ್ . ಈ ನೆಲೆಟ್ಟ್ ಭಾರತಗ್ ಕುಡೊಂಜಿ ಪದಕ ಖಚಿತ ಆತುಂಡು .

ಮಹಿಳಾ ವಾಲ್ಟರ್‌ವೇಟ್‌ ವಿಭಾಗಡ್ ಚೈನೀಸ್‌ ತೈಪೆಯ ಚೆನ್‌ ನೀನ್‌-ಚಿನ್‌ ಎದುರು ಪ್ರಾಬಲ್ಯ ಮೆರೆಯಿನ ಲೊವ್ಲಿನಾ ಬೊರ್ಗೊಹೈನ್ ಸೆಮಿಫೈನಲ್‌ ಪೊಗ್ಗುನ ಮುಖೇನ ಇಡೀ ದೇನೇ ಖುಷಿ ಆಪಿಲಕ ಮಲ್ದೆರ್

ಸಿಬಿಎಸ್ ಸಿ 12ನೇ ತರಗತಿ ಫಲಿತಾಂಶ ಇನಿ ಪ್ರಕಟ

Jul 30, 2021

ನವದೆಹಲಿ, ಜುಲೈ 30: ಸೆಂಟ್ರಲ್ ಬೋರ್ಡ್ ಆಫ್ ಸೆಕೆಂಡರಿ ಎಜುಕೇಶನ್ (ಸಿಬಿಎಸ್‌ಇ) ಇನಿ 12 ನೇ ತರಗತಿ ಫಲಿತಾಂಶನ್ ಸಿಬಿಎಸ್ಸಿಯು 2 ಗಂಟೆಗ್ ಘೋಷಣೆ ಮಲ್ಪರೆ ಉಂಡು.

ಈ ಬಗ್ಗೆ ಮಾಹಿತಿ ಕೊರಿನ CBSE ಬೋರ್ಡ್ ಇನಿ ಮಧ್ಯಾಹ್ನ 2 ಗಂಟೆಗ್ ಸಿಬಿಎಸ್ಸಿ 12ನೇ ತರಗತಿದ ಫಲಿತಾಂಶನ್ ಪ್ರಕಟ ಮಲ್ಪುನ ಬಗ್ಗೆ ತೆರಿಪಾಯೆರ್.ಜೋಕುಲು ಇನಿ ಮಧ್ಯಾಹ್ನ ಬರ್ಪಿನ ಸಿಬಿಎಸ್ಸಿ 12ನೇ ತರಗತಿದ ಫಲಿತಾಂಶನ್ ಬೋರ್ಡ್ ಅಧಿಕೃತ ಜಾಲತಾಣ cbse.nic.in ಅತ್ತುಂಡ cbseresults.nic.in ಡ್ ತೂವೊಲಿ .

ಕಿನ್ಯ ಯುವ ಕಾಂಗ್ರೆಸ್ ಸಮಿತಿ ಸಭೆ

Jul 30, 2021

ಉಳ್ಳಾಲ, ಜುಲೈ 30: ಕಿನ್ಯಾ ಗ್ರಾಮ ಯುವ ಕಾಂಗ್ರೆಸ್ ಸಮಿತಿ ಸಭೆ ಕಿನ್ಯಾ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ಹಾರಿಸ್ ಅಹ್ಮದ್ ಮೆರ್ನ ಮುತಾಲಿಕೆಡ್ ನಡತುಂಡು.

ಮಾಜಿ ಕಿನ್ಯಾ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಹಮೀದ್ ಕಿನ್ಯಾ ಪಾತೆರ್ದ್ ಪಕ್ಷದ ಕಾರ್ಯ ಚಟುವಟಿಕೆ ಬಗ್ಗೆ ಪಂಡೆರ್ . ಸಮಿತಿದ ವಿವರಣೆನ್ ಆಶಿಕ್ ಅಶ್ಫಾಕ್ ಕಿನ್ಯಾ ಕೊರಿಯೆರ್ . ಬೊಕ್ಕ ಪೊಸ ಸಮಿತಿ ರಚನೆ ಮಲ್ತೆರ್ .

ಕಿನ್ಯಾ ಗ್ರಾಮದ 3ನೇ ವಾರ್ಡ್ದ ಯುವ ಕಾಂಗ್ರೆಸ್ ಗುರ್ಕಾರ್ಲಾದ್ ಸಮೀರ್ ಮೀಂಪ್ರಿ, ಒತ್ತು ಗುರ್ಕಾರ್ಲಾದ್ ತಂಶೀರ್, ಸವಾದ್ ಪ್ರಧಾನ ಕಾರ್ಯದರ್ಶಿ ಯಾಗಿ ಬಾಶಿತ್ ಮೀಂಪ್ರಿ ,ಕಾರ್ಯದರ್ಶಿಯಾದ್ ಸುಹೈಲ್ ಮೀಂಪ್ರಿ, ಇಂತಿಶಾಮ್ ಮೀಂಪ್ರಿ, ಸಂಘಟನಾ ಕಾರ್ಯದರ್ಶಿಯಾದ್ ನಿಯಾಝ್ ಸಂಕೇಶ್ , ಮೀಡಿಯಾ ಉಸ್ತುವಾರಿಯಾದ್ ನಿಸಾರ್, ಸೋಶಿಯಲ್ ವರ್ಕ್ ಉಸ್ತುವಾರಿಯಾದ್ ಆಫ್ವನ್ ಮೀಂಪ್ರಿ ಬೊಕ್ಕ ತಾಸೀರ್ ಆಯ್ಕೆಯಾಯೆರ್ .

ಆಟೋ ರಿಕ್ಷಾ ಪಲ್ಟಿ : ಏಳ್ ಜನಕ್ ಗಾಯ

Jul 29, 2021

ಬಂಟ್ವಾಳ: 7ರ್ದ್ ಜಾಸ್ತಿ ಜನ ಪ್ರಯಾಣಿಕೆರ್ ಇತ್ತಿನ ಆಟೋ ರಿಕ್ಷಾ ಪಲ್ಟಿ ಆದ್ ಒರಿ ತೀರ್ ಪೋಯಿನ ಘಟನೆ ಮಣಿಹಳ್ಳ ಸರಪಾಡಿ ಮಾರ್ಗದ ಪೆರಿಯಪಾದೆ ಪನ್ಪಿ ಜಾಗೆಡ್ ನಡತುಂಡು.

ವಲೆಂಗೂರು ನಿವಾಸಿ ಫ್ರಾನ್ಸಿಸ್ ಸುವಾರಿಸ್ (85) ತೀರ್ ಪೋಯಿನ ದುರ್ದೈವಿ. ಘಟನೆಡ್ ರಡ್ಡ್ ಜನಕ್ ಇಬ್ಬರು ಗಂಭೀರ ಗಾಯಲ್ ಆದ್ ಕುಡ್ಲದ ಖಾಸಗಿ ಆಸ್ಪತ್ರೆ ಗ್ ದಾಖಲಾತೆರ್.

ಒಲಿಂಪಿಕ್: ಕ್ವಾರ್ಟರ್ ಫೈನಲ್ ಮುಟ್ಟಿನ ಸಿಂಧು

Jul 29, 2021

ಟೋಕಿಯೊ: ಭಾರತೀಯ ಬ್ಯಾಡ್ಮಿಂಟನ್ ತಾರೆ ಪಿ.ವಿ.ಸಿಂಧು ಟೋಕಿಯೊ ಒಲಿಂಪಿಕ್ಸ್ ದ ಕ್ವಾರ್ಟರ್ ಫೈನಲ್ ಮುಟ್ಟುದೆರ್ . ಪ್ರೀ ಕ್ವಾರ್ಟರ್ ಫೈನಲ್ ಡ್ ಡೆನ್ಮಾರ್ಕ್ ನ ಮಿಯಾ ಬ್ಲಿಕ್ ಫೆಲ್ಟ್ ಮೆರೆನ್ ಸೋಪಾಯೆರ್.

‘ಐ’ ವಿಭಾಗದ ಅಗ್ರಸ್ಥಾನಿಯಾಯಿನ ಮಿಯಾ ಬ್ಲಿಕ್ ಫೆಲ್ಟ್ ಮೆರೆನ್ 21-15, 21-13 ಸೆಟ್ ದ ಅಂತರಡ್ ಸೋಪಾಯೆರ್. ನೆತ್ತೋಟ್ಟುಗು ಥಾಯ್ಲೆಂಡ್ ಓಪನ್ ಡ್ ಬ್ಲಿಕ್ ಫೆಲ್ಟ್ ವಿರುದ್ಧದ ಸೋಲುಗು ಸಿಂಧು ಒಲಿಂಪಿಕ್ಸ್ ಡ್ ತಿರುಗೇಟು ಕೊರಿಯೆರ್ .