Bangalore

ಕಿನ್ಯ ಯುವ ಕಾಂಗ್ರೆಸ್ ಸಮಿತಿ ಸಭೆ

Jul 30, 2021

ಉಳ್ಳಾಲ, ಜುಲೈ 30: ಕಿನ್ಯಾ ಗ್ರಾಮ ಯುವ ಕಾಂಗ್ರೆಸ್ ಸಮಿತಿ ಸಭೆ ಕಿನ್ಯಾ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ಹಾರಿಸ್ ಅಹ್ಮದ್ ಮೆರ್ನ ಮುತಾಲಿಕೆಡ್ ನಡತುಂಡು.

ಮಾಜಿ ಕಿನ್ಯಾ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಹಮೀದ್ ಕಿನ್ಯಾ ಪಾತೆರ್ದ್ ಪಕ್ಷದ ಕಾರ್ಯ ಚಟುವಟಿಕೆ ಬಗ್ಗೆ ಪಂಡೆರ್ . ಸಮಿತಿದ ವಿವರಣೆನ್ ಆಶಿಕ್ ಅಶ್ಫಾಕ್ ಕಿನ್ಯಾ ಕೊರಿಯೆರ್ . ಬೊಕ್ಕ ಪೊಸ ಸಮಿತಿ ರಚನೆ ಮಲ್ತೆರ್ .

ಕಿನ್ಯಾ ಗ್ರಾಮದ 3ನೇ ವಾರ್ಡ್ದ ಯುವ ಕಾಂಗ್ರೆಸ್ ಗುರ್ಕಾರ್ಲಾದ್ ಸಮೀರ್ ಮೀಂಪ್ರಿ, ಒತ್ತು ಗುರ್ಕಾರ್ಲಾದ್ ತಂಶೀರ್, ಸವಾದ್ ಪ್ರಧಾನ ಕಾರ್ಯದರ್ಶಿ ಯಾಗಿ ಬಾಶಿತ್ ಮೀಂಪ್ರಿ ,ಕಾರ್ಯದರ್ಶಿಯಾದ್ ಸುಹೈಲ್ ಮೀಂಪ್ರಿ, ಇಂತಿಶಾಮ್ ಮೀಂಪ್ರಿ, ಸಂಘಟನಾ ಕಾರ್ಯದರ್ಶಿಯಾದ್ ನಿಯಾಝ್ ಸಂಕೇಶ್ , ಮೀಡಿಯಾ ಉಸ್ತುವಾರಿಯಾದ್ ನಿಸಾರ್, ಸೋಶಿಯಲ್ ವರ್ಕ್ ಉಸ್ತುವಾರಿಯಾದ್ ಆಫ್ವನ್ ಮೀಂಪ್ರಿ ಬೊಕ್ಕ ತಾಸೀರ್ ಆಯ್ಕೆಯಾಯೆರ್ .

ಆಟೋ ರಿಕ್ಷಾ ಪಲ್ಟಿ : ಏಳ್ ಜನಕ್ ಗಾಯ

Jul 29, 2021

ಬಂಟ್ವಾಳ: 7ರ್ದ್ ಜಾಸ್ತಿ ಜನ ಪ್ರಯಾಣಿಕೆರ್ ಇತ್ತಿನ ಆಟೋ ರಿಕ್ಷಾ ಪಲ್ಟಿ ಆದ್ ಒರಿ ತೀರ್ ಪೋಯಿನ ಘಟನೆ ಮಣಿಹಳ್ಳ ಸರಪಾಡಿ ಮಾರ್ಗದ ಪೆರಿಯಪಾದೆ ಪನ್ಪಿ ಜಾಗೆಡ್ ನಡತುಂಡು.

ವಲೆಂಗೂರು ನಿವಾಸಿ ಫ್ರಾನ್ಸಿಸ್ ಸುವಾರಿಸ್ (85) ತೀರ್ ಪೋಯಿನ ದುರ್ದೈವಿ. ಘಟನೆಡ್ ರಡ್ಡ್ ಜನಕ್ ಇಬ್ಬರು ಗಂಭೀರ ಗಾಯಲ್ ಆದ್ ಕುಡ್ಲದ ಖಾಸಗಿ ಆಸ್ಪತ್ರೆ ಗ್ ದಾಖಲಾತೆರ್.

ಒಲಿಂಪಿಕ್: ಕ್ವಾರ್ಟರ್ ಫೈನಲ್ ಮುಟ್ಟಿನ ಸಿಂಧು

Jul 29, 2021

ಟೋಕಿಯೊ: ಭಾರತೀಯ ಬ್ಯಾಡ್ಮಿಂಟನ್ ತಾರೆ ಪಿ.ವಿ.ಸಿಂಧು ಟೋಕಿಯೊ ಒಲಿಂಪಿಕ್ಸ್ ದ ಕ್ವಾರ್ಟರ್ ಫೈನಲ್ ಮುಟ್ಟುದೆರ್ . ಪ್ರೀ ಕ್ವಾರ್ಟರ್ ಫೈನಲ್ ಡ್ ಡೆನ್ಮಾರ್ಕ್ ನ ಮಿಯಾ ಬ್ಲಿಕ್ ಫೆಲ್ಟ್ ಮೆರೆನ್ ಸೋಪಾಯೆರ್.

‘ಐ’ ವಿಭಾಗದ ಅಗ್ರಸ್ಥಾನಿಯಾಯಿನ ಮಿಯಾ ಬ್ಲಿಕ್ ಫೆಲ್ಟ್ ಮೆರೆನ್ 21-15, 21-13 ಸೆಟ್ ದ ಅಂತರಡ್ ಸೋಪಾಯೆರ್. ನೆತ್ತೋಟ್ಟುಗು ಥಾಯ್ಲೆಂಡ್ ಓಪನ್ ಡ್ ಬ್ಲಿಕ್ ಫೆಲ್ಟ್ ವಿರುದ್ಧದ ಸೋಲುಗು ಸಿಂಧು ಒಲಿಂಪಿಕ್ಸ್ ಡ್ ತಿರುಗೇಟು ಕೊರಿಯೆರ್ .

ಕಾರ್ಗಿಲ್ ವಿಜಯ್ ದಿವಸ್ : ಹುತಾತ್ಮ ಯೋದೆರೆಗ್ ಗೌರವ ಸಂದೈತ ಮಲ್ತಿನ ಯಡಿಯೂರಪ್ಪ

Jul 28, 2021

ಬೆಂಗ್ಳೂರು, ಜುಲೈ 28: ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ಮೇರ್ ಕಾರ್ಗಿಲ್ ವಿಜಯ ದಿವಸ್ ಅಂಗವಾದ್ ಹುತಾತ್ಮ ಯೋದೇರೆಗ್ ಗೌರವ ಕೊರಿಯೆರ್ .

ಈ ಪೊರ್ತುಡು ಶೌರ್ಯ ಚಕ್ರ ಪುರಸ್ಕೃತ ಲೆ. ಕರ್ನಲ್ ಅಜಿತ್ ವಿ.ಭಂಡಾರ್ಕರ್ ಅವರ ಆತ್ಮಚರಿತ್ರೆ ‘Saga of a Brave heart ‘ ಪುಸ್ತಕನ್ ಸಿಎಂ ಬುಡುಗಡೆ ಮಲ್ತೆರ್.

ಗೃಹ ಸಚಿವ ಬಸವರಾಜ ಬೊಮ್ಮಾಯಿ, ಮುಖ್ಯ ಕಾರ್ಯದರ್ಶಿ ಪಿ.ರವಿಕುಮಾರ್, ಗೃಹ ಇಲಾಖೆ ಅಪರ ಮುಖ್ಯ ಕಾರ್ಯದರ್ಶಿ ರಜನೀಶ್ ಗೋಯಲ್ ಪಾಲ್ ಪಡೆದಿತ್ತೆರ್.

ಕರ್ನಾಟಕದ ಪೊಸ ಸಿಎಂ ಆದ್ ಬಸವರಾಜ್ ಬೊಮ್ಮಾಯಿ ಆಯ್ಕೆ : ಎಲ್ಲೆ ಪ್ರಮಾಣವಚನ ಸ್ವೀಕಾರ

Jul 27, 2021

ಬೆಂಗ್ಳೂರು, ಜುಲೈ 27: : ಬಿ.ಎಸ್ ಯಡಿಯೂರಪ್ಪ ರಾಜೀನಾಮೆರ್ದ್ ಖಾಲಿ ಉಪ್ಪುನ ಮುಖ್ಯಮಂತ್ರಿ ಸ್ಥಾನಗ್ , ಪೊಸ ಸಿಎಂ ಆದ್ ಬಸವರಾಜ್ ಬೊಮ್ಮಾಯಿ ಆಯ್ಕೆಯಾತೆರ್ .

ಪೊಸ ಸಿಎಂ ಆಯ್ಕೆ ಬಗ್ಗೆ ರಾಜ್ಯಗ್ ಕೇಂದ್ರರ್ದ್ ವೀಕ್ಷಕೆರಾದ್ ಕೇಂದ್ರ ಸಚಿವೆರಾಯಿನ ಧರ್ಮೇಂದ್ರ ಪ್ರಧಾನ್, ಕಿಶನ್ ರೆಡ್ಡಿ , , ರಾಜ್ಯ ಬಿಜೆಪಿ ಉಸ್ತುವಾರಿ ಅರುಣ್ ಸಿಂಗ್ ಮುತಾಲಿಕೆಡ್ ಹಂಗಾಮಿ ಸಿಎಂ ಯಡಿಯೂರಪ್ಪ ಪೊಸ ಮುಖ್ಯಮಂತ್ರಿಲೆನ್ ಘೋಷಣೆ ಮಲ್ದೆರ್ .

ಬೆಂಗ್ಳೂರುದ ಕ್ಯಾಪಿಟಲ್ ಹೊಟೇಲ್ ಡ್ ನಡತಿನ ಶಾಸಕಾಂಗ ಸಭೆಟ್ ಪೊಸ ಸಿಎಂ ಆಯ್ಕೆದ ಬಗ್ಗೆ ಚರ್ಚೆ ನಡತುಂಡು , ಸಭೆರ್ದ್ ಬೊಕ್ಕ ಪ್ರಕಟಣೆಗ್ ತೆರಿಪಾಯೆರ್.

ಬಡವೆರೆಗ್ ನ್ಯಾಯ ಓದಗಾದ್ ಕೊರಿನ ಪ್ರವೀಣ್ ಕುಮಾರ್ ಕೃಷ್ಣಾಪುರ

Jul 27, 2021

ಕುಡ್ಲ, ಜುಲೈ 27 : ಕಾರ್ಮಿಕೆರ್ನ ಇಎಸ್ಐ ಸೌಲಭ್ಯ ಇಪ್ಪುನ ರಾಜೇಶ್ ಶೆಟ್ಟಿ ಕಾಟಿಪಳ್ಳ ಮಧ್ಯ ಮೆರ್ನ ಅಪ್ಪೆ ಹುಷಾರ್ ದಾಂತೆ ಅವ್ವೆತೋ ಸಮಯ ಆದ್ ಕುಡ್ಲದ ಎ. ಜೆ ಖಾಸಗಿ ಆಸ್ಪತ್ರೆಗ್ ದಾಖಲ್ ಆತೆರ್. ಐರ್ದ್ ಬೊಕ್ಕ 15/10/2020 ಎ. ಜೆ ಆಸ್ಪತ್ತ್ರೆ ದಕುಲು ಇಎಸ್ಐ ಸೌಲಭ್ಯನ್ ಲೆಕ್ಕೊಗು ದೆತೊನಂದೇ ರಾಜೇಶ್ ಮೆರೆರ್ದ್ ಅಪ್ಪೆನ ಆಸ್ಪತ್ರೆ ಬಿಲ್ಲ್ ಸುಮಾರ್ *36,768 ರೂಪಾಯಿನ್* ರಾಜೇಶ್ ಮೆರ್ನ ಕೈರ್ದ್ ದೆತೊನ್ದೆರ್.

ಅಪಗನೆ ಮೇರ್ ಇಂಚಿನ ಖಾಸಗಿ ಆಸ್ಪತ್ರೆಲು ಪಾಪದಕ್ಲೆನೆರ್ದ್ ಮಲ್ಪುನ ಲೂಟಿದ ವಿರುದ್ಧ ಸುಮಾರ್ 20ರ್ದ್ ಜಾಸ್ತಿ ಸಮಸ್ಯೆನ್ ಪ್ರಧಾನಮಂತ್ರಿ ಕಾರ್ಯಾಲಯ, ರಾಷ್ಟ್ರಪತಿ ಕಾರ್ಯಾಲಯಗ್ಲಾ ತನ್ನ ಪೇಪರ್ ವರ್ಕ್ ಮುಖೇನ ನ್ಯಾಯಗಾದ್ ಬಿನ್ನಾಪು ಮಲ್ದೆರ್ ಅಲ್ಪರ್ದ್ ಅವ್ವೆತೋ ಸಮಸ್ಯೆನ್ ತರೆಮರೆಟ್ ಉಂತುದು ಪರಿಹಾರ ಮಲ್ತಿನಚಿoನ MRPL ONGC ಕರ್ಮಚಾರಿ ಸಂಘದ ಗುರ್ಕಾರ್ಲು ಬೊಕ್ಕ ಕಾಟಿಪಳ್ಳ ಅಭ್ಯುದಯ ಭಾರತೀ ಸೇವಾ ಟ್ರಸ್ಟ್ ಸದಸ್ಯೆರಾಯಿನ ಪ್ರವೀಣ್ ಕುಮಾರ್ ಕೃಷ್ಣಾಪುರ ಮೆರೆಗ್ ಮಾತಾ ಸಮಸ್ಯೆನ್ ಪನ್ಪರ್.

ನೆತ್ತ ವಿರುದ್ಧ ಕರ್ನಾಟಕದ ಇಎಸ್ಐ ಆಸ್ಪತ್ರೆದ ಪ್ರಧಾನ ಕಛೇರಿಗ್ ಪ್ರವೀಣ್ ಮೇರ್ ಸತತ 8 ತಿಂಗೊಲು ರ್ದು ಪತ್ರ ಬರೆಯಿನ ಪರಿಣಾಮ ಎಜೆ ಆಸ್ಪತ್ರೆದಕುಲೆ ಲೆತ್ದ್ ರಾಜೇಶ್ ಮೆರ್ನ ಬ್ಯಾಂಕ್ ಖಾತೆಗ್ 36,768₹ ನ್ ವಾಪಸ್ ಜಮೆ ಮಲ್ದಿನ ಇಚಾರ ಶ್ಲಾಘನೀಯ .

ಕಲಂಬಾಡಿಪದವುಡು ನೆತ್ತೆರ್ ದಾನ ಶಿಬಿರ

Jul 27, 2021

ಕಾರ್ಕಳ, ಜುಲೈ 27: ಜನನಿ ಮಿತ್ರ ಮಂಡಳಿ ವಾಂಟ್ರಾಯಿಪದವು ಮುತಾಲಿಕೆಡ್ ಭಾರತೀಯ ರೆಡ್ ಕ್ರಾಸ್ ಸೊಸೈಟಿ ಕಾರ್ಕಳ, ಜೆಸಿಐ ಕಾರ್ಕಳ, ರೋಟರಿ ಕ್ಲಬ್ ಕಾರ್ಕಳ, ಹಳೆ ವಿದ್ಯಾರ್ಥಿ ಸಂಘ ಕಲಂಬಾಡಿ ಪದವು, ಬಿಜೆಪಿ ಹಿಂದುಳಿದ ವರ್ಗದ ಮೋರ್ಚಾ ಕಾರ್ಕಳ ನೆತ್ತ ಒಟ್ಟು ಸೇರಿಗೆಡ್ ಕಲಂಬಾಡಿ ಪದವು ಶಾಲೆಡ್ ನಡತುಂಡು. ರೆಡ್ ಕ್ರಾಸ್ ಕಾರ್ಕಳ ಶಾಖೆದ ಚೇರ್ಮನ್ ಡಾ. ಕೆ. ರಾಮಚಂದ್ರ ಜೋಶಿ ನೆತ್ತೆರ್ ದಾನ ಶಿಬಿರಗ್ ಚಾಲನೆ ಕೊರಿಯೆರ್.

ಜನನಿ ಮಿತ್ರ ಮಂಡಳಿ ಗುರ್ಕಾರ್ಲಾಯಿನ ಬಾಲಕೃಷ್ಣ ಮೂಲ್ಯ, ರೋಟರಿ ಕ್ಲಬ್ ಗುರ್ಕಾರ್ಲಾಯಿನ ಸುರೇಶ್ ನಾಯಕ್, ಜೆಸಿಐ ಕಾರ್ಕಳದ ಗುರ್ಕಾರ್ಲಾಯಿನ ಸಂತೋಷ್ ಕುಮಾರ್ ರೆಂಜಾಳ, ಬಿಜೆಪಿ ಹಿಂದುಳಿದ ವರ್ಗಗಳ ಮೋರ್ಚಾದ ಗುರ್ಕಾರ್ಲಾಯಿನ ರಮಾನಂದ ನಲ್ಲೂರು ಪಾಲ್ ಪಡೆದಿತ್ತೆರ್.

ತ್ಯಾಗ ಇಜ್ಜಂದಿನ ಯಾಗ ಇಜ್ಜಿ : ಪುತ್ತಿಗೆ ಶ್ರೀ

Jul 22, 2021

ಹಿರಿಯಡಕ: ‘ನಮ್ಮ ಜೀವನನೇ ಒಂಜಿ ಯಾಗ. ಯಾಗ ಪಂಡ ತ್ಯಾಗ. ತ್ಯಾಗ ಇಜ್ಜಂದೆ ಯಾಗ ಇಜ್ಜಿ. ತ್ಯಾಗಪೂರ್ವಕವಾಯಿನ ಯಾಗನೇ ಶ್ರೇಷ್ಠವಾಯಿನವು . ಅಂಚನೇ ಜೀವನ ಯಾಗಲಾ ತ್ಯಾಗಪೂರ್ವಕವಾoಡ ಅಂಚಿನ ಬದ್ ಕ್ ಸಾರ್ಥಕ’ ಪಂದ್ ಪುತ್ತಿಗೆ ಮಠದ ಸುಗುಣೇಂದ್ರ ತೀರ್ಥ ಶ್ರೀಪಾದೆರ್ ಪಂಡೆರ್ .

ಹಿರಿಯಡಕದ ಪುತ್ತಿಗೆದ ಮೂಲಮಠಟ್ 10 ದಿನರ್ದ್ ನಡತೊಂದು ಉಪ್ಪುನ ಋಕ್ ಸಂಹಿತಾ ಯಾಗದ ಪೂರ್ಣಾಹುತಿ ಬೊಕ್ಕ ಅವಭೃತ ಸ್ನಾನ ಲೇಸ್ ಡ್ ಆರ್ ಅನುಗ್ರಹ ಸಂದೇಶ ಕೊರಿಯೆರ್ .ಕಿರಿಯ ಯತಿ ಸುಶ್ರೀಂದ್ರತೀರ್ಥ ಶ್ರೀಪಾದೆರ್ ಪಾಲ್ ಪಡೆದಿತ್ತೆರ್ . ಶ್ರೀಪಾದರ ಷಷ್ಠಿಪೂರ್ತಿ ಸಂಭ್ರಮದ ಈ ಪೊರ್ತುಡು ರಾಮದಾಸ ಭಟ್ ಮುತಾಲಿಕೆಡ್ ಸಂಹಿತಾ ಯಾಗನ್ ಅಟ್ಟನೆ ಮಲ್ತಿತ್ತೆರ್. ಕೇಂಜ ಶ್ರೀಧರ ತಂತ್ರಿ, ಸಗ್ರಿ ಗೋಪಾಲಕೃಷ್ಣ ಸಾಮಗೆರ್,ವಿದ್ವಾನ್ ರಘೂತ್ತಮಾಚಾರ್ ಶ್ರೀರಂಗಂ, ಡಾ.ಎನ್. ವೆಂಕಟೇಶಾಚಾರ್ ಬೆಂಗಳೂರು, ಮಧ್ವರಮಣ ಆಚಾರ್ಯ ಮೊದಲಾದ ವಿದ್ವಾಂಸರು ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಕಾಂಚನ ಹೋಂಡಾ” ಬಿಗ್ ವಿಂಗ್” ಮೋಟರ್ ಸೈಕಲ್‌ ಬುಡುಗಡೆ

Jul 21, 2021

ಕುಡ್ಲ, ಜುಲೈ 22: ವಾಹನ ಮಾರಾಟ ಬೊಕ್ಕ ಸೇವೆಡ್ ಬಾರಿ ಅನುಭವ ಉಪ್ಪುನ ಅಂಚನೇ ಕುಡ್ಲಡ್ ಅವ್ವೆತೋ ವರ್ಷರ್ದ ಗ್ರಾಹಕೆರೆಗ್ ಕೊರೊಂದು ಉಪ್ಪುನ ಕಾಂಚನ ಮೋಟರ್ಸ್‌ದ ಅಂಗಸಂಸ್ಥೆ ಕಾಂಚನ ಹೋಂಡಾದ ಕಂಕನಾಡಿ ಬೈಪಾಸ್ ಮಾರ್ಗದ ಶೋರೂಂಡ್ ಹೋಂಡಾದ ಬಿಗ್ ವಿಂಗ್ ಮೋಟರ್ ಸೈಕಲ್ ಕುಡ್ಲದ ಮಾರುಕಟ್ಟೆಗ್ ಬುಡುಗಡೆ ಆತುಂಡು .

ಯುವ ಜನಾಂಗದ ಬಹುನಿರೀಕ್ಷಿತ ಹೋಂಡಾ ಬಿಗ್ ವಿಂಗ್ ಮೋಟರ್ ಸೈಕಲ್‌ನ್ ಅತ್ಯಾಧುನಿಕ ತಂತ್ರಜ್ಞಾನದೊಟ್ಟುಗು ತಯಾರ್ ಮಲ್ದೆರ್. ಹೋಂಡಾ ಗಾಡಿದ ಅಧಿಕೃತ ಮಾರಾಟಗಾರೆರಾಯಿನ ಕಾಂಚನ ಹೋಂಡಾ ಶೋರೂಂಡ್ ಮಾತ್ರ ಈ ಬಿಗ್ ವಿಂಗ್ ಮೋಟರ್ ಸೈಕಲ್‌ ಖರೀದಿಗ್ ಲಭ್ಯ ಉಂಡು ಪಂದ್ ಪ್ರಕಟಣೆಡ್ ತೆರಿಪಾದೆರ್ .

ಮುಕ್ತ ವಿವಿಡ್ ಎಂಬಿಯೆ ಕೋರ್ಸ್ ಸುರು

Jul 21, 2021

ಒಡಿಪು, ಜುಲೈ 21: ಕೇಂದ್ರ ಶಿಕ್ಷಣ ಸಚಿವಾಲಯದ ಶಾಸನಬದ್ಧ ಅಂಗವಾಯಿನ ನವದೆಹಲಿದ ಅಖಿಲ ಭಾರತ ತಾಂತ್ರಿಕ ಶಿಕ್ಷಣ ಪರಿಷತ್ತು, ರಾಜ್ಯ ಮುಕ್ತ ವಿಶ್ವವಿದ್ಯಾನಿಲಯಗ್ ನಿರ್ವಹಣಾ ವಿಭಾಗದಡಿ ಸ್ನಾತಕೋತ್ತರ ವ್ಯವಹಾರ ನಿರ್ವಹಣಾ ಕೋರ್ಸ್ ನಡಪಾಯೆರೆ (ಮಾಸ್ಟರ್ ಆಫ್ ಬಿಸಿನೆಸ್ ಅಡ್ಮಿನಿಟ್ರೇಷನ್- ಎಂಬಿಎ-) ಅನುಮತಿ ಕೊರ್ತುಂಡು .

ಮುಕ್ತ ಬೊಕ್ಕ ದೂರ ಶಿಕ್ಷಣ ಮಾದರಿದಡಿ ಎಂಬಿಎ ಕೋರ್ಸ್ ನಡಪಾಯೆರೆ ಮಾನ್ಯತೆ ಪಡೆಯಿನ ದೇಶದ ಏಕೈಕ ರಾಜ್ಯ ಮುಕ್ತ ವಿಶ್ವವಿದ್ಯಾನಿಲಯ ಪನ್ಪಿನ ಪುಗಾರ್ತೆ ಪಡೆತುಂಡು , ಪ್ರಸಕ್ತ ಸಾಲ್ ಡ್ ಮುಕ್ತ ಬೊಕ್ಕ ದೂರ ಶಿಕ್ಷಣ ಕಲಿಕಾ ವಿಧಾನದಡಿ ಎಂಬಿಎ ಕೋರ್ಸ್‌ಗ್ (ಜನರಲ್ ಅಡ್ಮಿನಿಸ್ಟ್ರೇಷನ್) 10,000 ಸೀಟುಗ್ ಪ್ರವೇಶ ಕಲ್ಪಿಸಾಯೆರೆ ಎಐಸಿಟಿಇ ಅನುಮತಿ ಕೊರ್ತುಂಡು .

M	T	W	T	F	S	S
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31

Bangalore

ಕಿನ್ಯ ಯುವ ಕಾಂಗ್ರೆಸ್ ಸಮಿತಿ ಸಭೆ

ಆಟೋ ರಿಕ್ಷಾ ಪಲ್ಟಿ : ಏಳ್ ಜನಕ್ ಗಾಯ

ಒಲಿಂಪಿಕ್: ಕ್ವಾರ್ಟರ್ ಫೈನಲ್ ಮುಟ್ಟಿನ ಸಿಂಧು

ಕಾರ್ಗಿಲ್ ವಿಜಯ್ ದಿವಸ್ : ಹುತಾತ್ಮ ಯೋದೆರೆಗ್ ಗೌರವ ಸಂದೈತ ಮಲ್ತಿನ ಯಡಿಯೂರಪ್ಪ

ಕರ್ನಾಟಕದ ಪೊಸ ಸಿಎಂ ಆದ್ ಬಸವರಾಜ್ ಬೊಮ್ಮಾಯಿ ಆಯ್ಕೆ : ಎಲ್ಲೆ ಪ್ರಮಾಣವಚನ ಸ್ವೀಕಾರ

ಬಡವೆರೆಗ್ ನ್ಯಾಯ ಓದಗಾದ್ ಕೊರಿನ ಪ್ರವೀಣ್ ಕುಮಾರ್ ಕೃಷ್ಣಾಪುರ

ಕಲಂಬಾಡಿಪದವುಡು ನೆತ್ತೆರ್ ದಾನ ಶಿಬಿರ

ತ್ಯಾಗ ಇಜ್ಜಂದಿನ ಯಾಗ ಇಜ್ಜಿ : ಪುತ್ತಿಗೆ ಶ್ರೀ

ಕಾಂಚನ ಹೋಂಡಾ” ಬಿಗ್ ವಿಂಗ್” ಮೋಟರ್ ಸೈಕಲ್‌ ಬುಡುಗಡೆ

ಮುಕ್ತ ವಿವಿಡ್ ಎಂಬಿಯೆ ಕೋರ್ಸ್ ಸುರು

You Missed

ಕಲ್ಪಾಯಿನ ಗುರುಕ್ಲೆನ ತ್ಯಾಗೊಗು ತರೆ ತಗ್ಗಾದ್‌, ಸಾದಗೊದಂಚಿ ಪಜ್ಜೆ ದೀಲೆ: ವಿವೇಕ್ ಆಳ್ವ

ಜೈ ತುಲುನಾಡ್ ಬೆಂಗಳೂರು (ರಿ.) ಮುತಾಲಿಕೆಡ್ ಗೌಜಿ ಗಮ್ಮತ್ತುಡು ನಡತುಂಡ್ ತುಲುನಾಡ ಆಟಿ

ಕುಡ್ಲಡ್ ಉಂಡು ತುಳುನಾಡ್‌ದ ಬಾರೀ ಎತ್ತರದ ಧ್ವಜಸ್ತಂಭ

ಕುಡ್ಲ : 9 ತಾಲೂಕು ಕಚೇರಿಲೆಗ್ ಲೋಕಾಯುಕ್ತ ರೈಡ್