ಉದಿಪನ ಲೇಸ್

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ ಜೈ ತುಲುನಾಡ್ ( ರಿ. ) ಕುಡ್ಲ ಎಗ್ಗೆ ಒಟ್ಟು ಸೇರಿಗೆಡ್ ಧರ್ಮಾರ್ಥ ” ಬಲೆ ತುಲು ಲಿಪಿ ಕಲ್ಪುಗ” ಕಜ್ಜ ಕೊಟ್ಯದ ಉದಿಪನ ಲೇಸ್

Feb 17, 2022

ಕುಡ್ಲ: ಬಂಗ್ರ ಕೂಳೂರ್ 16ನೇ ವಾರ್ಡ್ ಮೊಕ್ಲೆನ ಮುತಾಲಿಕೆಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ ಜೈ ತುಲುನಾಡ್ ( ರಿ. ) ಕುಡ್ಲ ಎಗ್ಗೆ ಒಟ್ಟು ಸೇರಿಗೆಡ್ ಧರ್ಮಾರ್ಥ ” ಬಲೆ ತುಲು ಲಿಪಿ ಕಲ್ಪುಗ” ಕಜ್ಜ ಕೊಟ್ಯದ ಉದಿಪನ ಲೇಸ್ ಕೋಡಿಕಲ್‌ದ SNDP ಮಂದಿರಡ್ 13/2/22ನೇ ಐತಾರದಾನಿ ನಡತ್ಂಡ್.

ಬಂಗ್ರ ಕೂಳೂರ್ 16ನೇ ವಾರ್ಡ್‌ದ ಕಾರ್ಪೊರೇಟರ್ ಬೊಕ್ಕ ಮ. ನ. ಪಾ ಸದಸ್ಯೆರ್ ಆಯಿನ ಶ್ರೀ ಕಿರಣ್ ಕುಮಾರ್ ಕೋಡಿಕಲ್ ಮೆರೆನ ಗುರ್ಕಾರ್ಮೆಡ್ ನಡತಿನ ಈ ಲೇಸ್‌ನ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾಲಾಯಿನ ದಯಾನಂದ ಜಿ ಕತ್ತಲ್‌ಸಾರ್ ತುಡರ್ ಅರ್ಲಾದ್ ಉದಿಪನ ಮಲ್ತ್‌ದ್, ತುಲು ಲಿಪಿಟ್ ಬರೆಪಿನ ಮುಕೇನ ಕಜ್ಯ ಕೊಟ್ಯಗ್ ಚಾಲನೆ ಕೊರ್ಯೆರ್.

ಲೇಸ್‌ದ ಬಗೆಟ್ ಪಾತೆರ್‌ನ ದಯಾನಂದ್ ಜಿ ಕತ್ತಲ್‌ಸಾರ್ ಶ್ರೇಷ್ಠ ಸಮಾಜ ಸುಧಾರಕೆರ್ ಮಾರ್ಗದರ್ಶಿಲು ಪೂಜ್ಯೆರ್ ಆಯಿನ ನಾರಾಯಣ ಗುರುಕುಲೆನ ಮಟ್ಟೆಲ್ಡ್ ಅವುಲಾ ಈತ್ ನೊಟ್ಟ ತುಲುನಾಡ್ದ ಒವ್ವೆ ಜನಪ್ರತಿನಿಧಿನಕುಲು ಮಲ್ಪಂದಿನ ಬೇಲೆನ್ 16ನೇ ವಾರ್ಡ್ದ್ ಪ್ರತಿನಿಧಿ ಮಲ್ತೊಂದುಪ್ಪುನ ಬಾರಿ ವಿಶೇಷ ಪಂದ್ ಕುಸಿನ್ ಪಟ್ಟಿಯೆರ್. ಅಂಚೆನೇ ನಮ್ಮ ತುಲುನಾಡ್ದ ಸಂಸ್ಕೃತಿ ಒರಿಯೊಡಾಂಡ ಬಾಸೆ ಬುಲೆಯೊಡು ಐತ ಒಟ್ಟುಗು ಲಿಪಿನ್‌ಲಾ ಮಾತೆರ್ಲಾ ಕಲ್ಪೊಡು ಪಂಡೆರ್. ಆಯಿನಾತ್ ಮಾತೆರ್ಲಾ ಇಲ್ಲದ ಬೊಕ ಕಛೇರಿದ ವಿಳಾಸ ಬರೆನಗ ಅಕೇರಿಡ್ ತುಲುನಾಡ್ ಸೇರಿಸಾಲೆ ಪಂದು ಲೆಪ್ಪು ಕೊರಿಯೆರ್.

ಬಾರಿ ಪುಗಾರ್ತೆದ ನಿರೂಪಕೆರಾಯಿನ ನವೀನ್ ಶೆಟ್ಟಿ ಎಡ್ಮೆಮಾರ್ ಪಾತೆರ್ದ್ ನಮ ಅವೆತೋ ತುಲು ಶಬ್ದೊಲೆನ್ ಮದತ್‌ದ್ ಬುಡ್‌ತ ಅವೆನ್ ಪೂರ ಕುಡೊರ ಕಲ್ತ್‌ದ್ ಗಲಸ್‌ಗ ಪಂಡೆರ್.

ಜೈ ತುಲುನಾಡ್‌‌ ಸಂಘಟನೆದ ದುಂಬುದ ಗುರ್ಕಾಲಾಯಿನ ಸುದರ್ಶನ್ ಸುರತ್ಕಲ್ ಪಾತೆರ್ದ್ ನಮ್ಮ ಅಪ್ಪೆ ಬಾಸೆ ಒರಿಯೊಡಾಂಡ ಐಕ್ ನನೊರಿ ದಾದ ಮಲ್ಪುವೆ ಪಂದ್ ಕಾಪುನು ಆತ್ತ್ ನಮಡ್ದ್ ದಾದ ಮಲ್ಪರೆ ಆಪುಂಡು ಅವೆನ್ ನಮ ಮಲ್ಪುಗ ಪಂದ್ ಲೆಪ್ಪು ಕೊರಿಯೆರ್.

ಕಿರಣ್ ಕುಮಾರ್ ಕೋಡಿಕಲ್ ಮೇರ್ ಪಾತೆರ್ದ್ ಸಮಾಜ ಸೇವೆ ಮಲ್ಪುನ ಎಂಕ್ಲೆಗ್ ಇಲ್ಲಡ್ದೇ ಬೈದಿನ ಪಾಠ, ತುಲು ಬಾಸೆ ಲಿಪಿ ಸಂಸ್ಕೃತಿದ ಬುಲೆಚ್ಚಿಲ್ ಗ್ ಎನಡ್ದ್ ಆಪಿನ ಪೂರ ಸಕಾಯನ್ ಕೊರ್ಪೆ ಪಂಡೆರ್.ಲೇಸ್‌ಡ್ ಮಾನಾದಿಗೆದ ಬಿನ್ನೆರಾದ್ ಸುಧೀಕ್ಷಾ ಕಿರಣ್ MA (ತುಳು) ಕೋಶಾಧಿಕಾರಿ ಅಖಿಲ ಭಾರತೀಯ ಸಾಹಿತ್ಯ ಪರಿಷತ್ ಕುಡ್ಲ ಮೇರ್ ಪಾಲ್ ಪಡೆದಿತ್ತೆರ್. ಅಶ್ವಥ್ ತುಲುವೆ (ಜೈ ತುಲುನಾಡ್ ಸಂಘಟನೆದ ದುಂಬುದ ಗುರ್ಕಾಲು) ಬೊಕ್ಕ SNDP ಮಂದಿರದ ಗುರ್ಕಾರೆ ಆಯಿನ ಪುರುಷೋತ್ತಮ ಪೂಜಾರಿ ಮಾನಾದಿಗೆದ ಒತ್ತು ಪಾಲ್ ಬಿನ್ನೆರಾದ್ ಪಾಲ್ ಪಡೆದಿತ್ತೆರ್.

ಬಂಗ್ರ ಕೂಳೂರ್ 16ನೇ ವಾರ್ಡ್ ದ ಸರ್ವ ಕಾರ್ಯಕರ್ತೆರ್, ಜೈ ತುಲುನಾಡ್ (ರಿ.) ಪದುಕೆರ್ ,ತುಲು ಲಿಪಿ ಕಲ್ಪಾದಿ ಗೀತಾ ಲಕ್ಷ್ಮೀಶ್ ಲೇಸ್ಡ್ ಪಾಲ್ ಪಡೆದಿತ್ತೆರ್. ಜೈ ತುಲುನಾಡ್ ಸಂಘಟನೆದ ಸ್ಥಾಪಕ ಸದಸ್ಯೆ ಆಯಿನ ಅವಿನಾಶ್ ಮುಕ್ಕ ಲೇಸ್ ಸುದಾರಿಕೆ ಮಲ್ತ್‌ದ್ ಕೊರಿಯೆರ್.ನನ ಐನ್ ಐತಾರ ಕಾಂಡೆ10 ರ್ದ್ 12 ಗಂಟೆ ಮುಟ ತುಲು ಲಿಪಿ ಕಲ್ಪಾವುನ ಕಜ್ಜ ನಡಪರೆ ಉಂಡು ಮಾತೆರ್ಲಾ ಆಯಿನಾತ್ ಸಂಕ್ಯೆಡ್ ಪಾಲ್ ಪಡೆಯೊಡು ಪಂದು ಪತ್ರಿಕಾ ಪ್ರಕಟನೆಡ್ ತೆರಿಪಾದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಜಮೀಯತುಲ್ ಫಲಾಹ್ ರ್ದ್ ಜೋಕ್ಲೆಗ್ ಪುಸ್ತಕ ಪಟ್ಟುನ ಲೇಸ್

Jul 8, 2021

ಕಾರ್ಕಳ, ಜುಲೈ 8: ಜಮೀಯತುಲ್ ಫಲಾಹ್ ಕಾರ್ಕಳ ತಾಲೂಕು ಘಟಕದ ವತಿರ್ದ್ ಕಾರ್ಕಳ ಸರಕಾರಿ ಉರ್ದು ಹಿರಿಯ ಪ್ರಾಥಮಿಕ ಶಾಲೆದ ಜೋಕ್ಲೆಗ್ ಉಚಿತ ನೋಟ್ ಪುಸ್ತಕ ಬೊಕ್ಕ ಲೇಖನಿ ಸಾಮಗ್ರಿ ಪಟ್ಟುನ ಲೇಸ್ ಉರ್ದು ಶಾಲಾ ಸಭಾಂಗಣಡ್ ಬುಧವಾರ ನಡತುಂಡು.

ಸಮಾರಂಭದ ಗುರ್ಕಾರ್ಮೆ ವಹಿಸೊಂಡಿನ ದಾನಿ, ಒಡಿಪು ಜಿಲ್ಲಾ ಮುಸ್ಲಿಮ್ ಒಕ್ಕೂಟದ ಒತ್ತು ಗುರ್ಕಾರ್ಲಾಯಿನ ಉದ್ಯಮಿ ಮುಹಮ್ಮದ್ ಗೌಸ್ ಪುಸ್ತಕನ್ ಕೊರಿಯೆರ್.

ಈ ಲೇಸ್ ಡ್ ಜಮೀಯತುಲ್ ಫಲಾಹ್ ಗುರ್ಕಾರ್ಲಾಯಿನ ಮುಹಮ್ಮದ್ ಯಾಕೂಬ್, ಅವಿಭಜಿತ ದ.ಕ. ಗುರ್ಕಾರ್ಲಾಯಿನ ಸೈಯದ್ ಹಸನ್, ಒಡಿಪು ಜಿಲ್ಲಾ ಮುಸ್ಲಿಮ್ ಒಕ್ಕೂಟದ ಕಾರ್ಕಳ ತಾಲೂಕು ಗುರ್ಕಾರ್ಲಾಯಿನ, ಕಾರ್ಕಳ ತಾಲೂಕು ಕಾರ್ಯನಿರತ ಪತ್ರಕರ್ತರ ಸಂಘದ ಗುರ್ಕಾರ್ಲಾಯಿನ ಮುಹಮ್ಮದ್ ಶರೀಫ್, ಕಾರ್ಕಳ ಮುಸ್ಲಿಂ ಜಮಾಅತ್ ಗುರ್ಕಾರ್ಲಾಯಿನ ಪುರಸಭಾ ಸದಸ್ಯ ಅಶ್ಫಾಕ್ ಅಹ್ಮದ್, ಹಳೆ ವಿದ್ಯಾರ್ಥಿ ಸಂಘದ ಗುರ್ಕಾರ್ಲಾಯಿನ ಇಜಾಝ್ ಶರೀಫ್, ಒಡಿಪು ಜಿಲ್ಲಾ ಮುಸ್ಲಿಮ್ ಒಕ್ಕೂಟದ ಕಾರ್ಕಳ ತಾಲೂಕು ಪ್ರಧಾನ ಕಾರ್ಯದರ್ಶಿ ಅಬ್ದುಲ್ ರಶೀದ್, ಒಡಿಪು ಜಿಲ್ಲಾ ವಕ್ಫ್ ಸಲಹಾ ಸಮಿತಿಯ ಸದಸ್ಯೆರಾಯಿನ ನಾಸಿರ್ ಶೇಖ್, ಆಯೇಷಾ ಮಸೀದಿ ಹಂಚಿಕಟ್ಟೆ ಇದರ ಗುರ್ಕಾರ್ಲಾಯಿನ ಕೆ.ಎಂ.ಖಲೀಲ್, ಸಮಾಜ ಸೇವಕ ಅಮೀರ್ ಕರಿಯಕಲ್ಲು ಪಾಲ್ ಪಡೆದಿತ್ತೆರ್.

” ಕೊಪ್ಪರಿಗೆ ” ತುಲು ಡಿಕ್ಷನರಿ ಬುಡುಗಡೆ ಲೇಸ್

Jul 1, 2021

ಕುಡ್ಲ : ಜುಲೈ 1:ತುಲು ಭಾಷೆ, ಲಿಪಿ ಬೊಕ್ಕ ಸಂಸ್ಕೃತಿದ ಬುಲೆಚ್ಚಿಲ್ಗಾದ್ ಬೆನ್ನಿ ಬೆನೊಂದು ಉಪ್ಪುನ ಜೈ ತುಲುನಾಡ್ (ರಿ.) ಪನ್ಪಿ ಸಂಘಟನೆ ತುಲು ಭಾಷೆಡ್ ಮಾಜೊಂದು ಉಪ್ಪುನ ಪದತ ಪೊಲಬು ಅಂಚನೇ ಪುನರ್ ಬಳಕೆಗಾದ್ ಕೊಪ್ಪರಿಗೆ ಪನ್ಪಿನ ಆನ್ಲೈನ್ ತುಳು ಶಬ್ದಕೋಶನ್ ಜುಲೈ 2 ತಾರೀಖ್ ಗ್ ಕಾಂಡೆ 10:30 ಕ್ ಬುಡುಗಡೆ ಮಲ್ಪರೆ ತಯಾರ್ ಮಲ್ದೆರ್ .

ಈ ತುಲು ಡಿಕ್ಷನರಿ ಮುಖೇನ ಜಗತ್ತ್ ಡ್ ಉಪ್ಪುನ ತುಲುವೆರ್ ಅಂಚನೇ ತುಳುವೇತರೆರ್ ತುಳು ಪದಕ್ಲೆನ್ ಸುಲಭವಾದ್ ನಾಡೋಲಿ . ಈ ಶಬ್ದಕೋಶ ತುಲು ಭಾಷೆದ ತುಳು ಲಿಪಿ ಬೊಕ್ಕ ಕನ್ನಡಲಿಪಿಟ್ ಲಭ್ಯ ಉಂಡು. ಇಂಗ್ಲಿಷ್ಹಿಂದಿ ಕನ್ನಡ, ತಮಿಳು, ತೆಲುಗು, ಮಲಯಾಳಂ ಭಾಷೆಡ್ ಅರ್ಥವಿವರಣೆನ್ ಚಿತ್ರಸಹಿತ ಪಡೆಯೋಲಿ . ತುಳು ಭಾಷೆದ ಪದ ಉಚ್ಚಾರಣೆಲಾ ನೆಟ್ಟ್ ಉಂಡು.ಈ ಮಹತ್ವಾಕಾಂಕ್ಷಿ ಯೋಜನೆದ ಮುತಾಲಿಕೆನ್ ಡಿಕ್ಷನರಿ ಡೆವೆಲಪರ್ ಬೊಕ್ಕ ಜೈ ತುಲುನಾಡ್ (ರಿ.) ಬೆಂಗ್ಳೂರು ಘಟಕದ ಉಪಾಧ್ಯಕ್ಷೆರ್ ಆಯಿನ ಶ್ರೀ ಸುಮಂತ್ ಪೂಜಾರಿ ಹೆಬ್ರಿ ಮೇರ್ ವಹಿಸೊಂದೆರ್.

ದಕ್ಷಿಣ ಕನ್ನಡ ಜಿಲ್ಲೆಡ್ ಸುರುತ್ತ ಆಕ್ಸಿಜನ್ ಉತ್ಪಾದನಾ ಘಟಕದ ಉದಿಪನ

Jun 4, 2021

ಬಂಟ್ವಾಳ, ಜೂನ್ 4: ದಕ್ಷಿಣ ಕನ್ನಡ ಜಿಲ್ಲೆಡ್ ಸುರುತ್ತ ಆಕ್ಸಿಜನ್ ಉತ್ಪಾದನಾ ಘಟಕ ವಾಮದಪದವುದ ಅಮೇರಿಕೇರ್ಸ್ ಇಂಡಿಯಾ ಸಂಸ್ಥೆ ಮುಂಬೈ ನೆತ್ತ ಸಿಎಸ್ಆರ್ ನಿಧಿ ಬೊಕ್ಕ ಬಂಟ್ವಾಳ ಶಾಸಕೆರಾಯಿನ ರಾಜೇಶ್ ನಾಯ್ಕ್ ಉಳಿಪ್ಪಾಡಿ ಮೆರ್ನ ಪ್ರದೇಶಾಭಿವೃದ್ಧಿದ ಅನುದಾನ ಒಟ್ಟು ರೂ 1 ಕೋಟಿ ವೆಚ್ಚಡ್ ವಾಮದಪದವು ಸಮುದಾಯ ಆರೋಗ್ಯ ಕೇಂದ್ರಡ್ ಸ್ಥಾಪನೆ ಆಯಿನ ಆಕ್ಸಿಜನ್ ಉತ್ಪಾದನಾ ಘಟಕದ ಉದಿಪನ ಲೇಸ್ ತಾರೀಖ್ 5/6/2021 ಶನಿವಾರ ಕಾಂಡೆ 10 ಗಂಟೆಗ್ ಶ್ರೀ ನಳಿನ್ ಕುಮಾರ್ ಕಟೀಲ್ ಬೊಕ್ಕ ಜಿಲ್ಲಾ ಉಸ್ತುವಾರಿ ಸಚಿವೆರಾಯಿನ ಶ್ರೀ ಕೋಟ ಶ್ರೀನಿವಾಸ ಪೂಜಾರಿ ಮೆರೆರ್ದ್ ನಡಪರೇ ಉಂಡು.

ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೆದ್ರದ ಸುದ್ದಿ | Moodbidri News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ದ.ಕ. ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್‍ ಆದ್ಯಲಕ್ಷ್ಮೀ ಕಾಂಪ್ಲೆಕ್ಸ್ ದ ಉದಿಪನ ಲೇಸ್

Mar 9, 2021

ಮೂಡುಬಿದಿರೆ : ಎಸ್‍ಸಿಡಿಸಿಸಿ ಬ್ಯಾಂಕ್ ಕೃಷಿ ಸಾಲನ್ ಶೇ.100 ದಾತ್ ಮರು ಪಾವತಿ ಮಲ್ಪುನ ಮುಖೇನ ರಾಜ್ಯಡೆ ದುಂಬು ಉಂಡು. ಪ್ರಧಾನಿ ನರೇಂದ್ರ ಮೋದಿ ಜನಸಾಮಾನ್ಯೆರೆಗ್ ಕಮ್ಮಿ ಕಾಸ್ ಡ್ ಮರ್ದ್ ತಿಕ್ಕೊಡು ಪನ್ಪಿನ ಉದ್ದೇಶಡ್ ಜನರಿಕ್ ಔಷಧ ಒದಗಾದೆರ್ ಎಸ್‍ಸಿಡಿಸಿಸಿ ಬ್ಯಾಂಕ್ ವತಿರ್ದ್ ಲಾ ಜನರಿಕ್ ಔಷಧ ಕೇಂದ್ರ ನ್ ಸುರು ಮಲ್ಪುವ. ಪಂದ್ ದ.ಕ. ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್‍ದ ಗುರ್ಕಾರ್ಲಾಯಿನ ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಪಂಡೆರ್ .

ದ.ಕ. ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್‍ದ ಬೆಳುವಾಯಿ ಶಾಖೆ ಆದ್ಯಲಕ್ಷ್ಮೀ ಕಾಂಪ್ಲೆಕ್ಸ್ ಗ್ ಸೋಮವಾರ ಸ್ಥಳಾಂತರ ಆತುಂಡು ನೆತ್ತ ಉದಿಪನ ಲೇಸ್ ದ ಗುರ್ಕಾರ್ಮೆ ವಯಿಸ್ ದ್ ಆರ್ ಪಾತೆರಿಯೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಕಬಿತೆ | Tulu Poetry ತುಳು ಸುದ್ದಿ ರಪಕ್ಕ ಸುದ್ದಿ Flash News

ತುಲು ಲಿಪಿ ಪುದರ್ ಪಲವೆ ಉದಿಪನ ಲೇಸ್

Feb 11, 2021

ಉಂದೇ ಪೊನ್ನಿ 28 ಪೋಪುನಾನಿ ತೇದಿ 11/2/2021 ಗುರುವಾರದಾನಿ ಬೈಯ್ಯ ನಾಲ್ ಗಂಟೆಗ್ ಸುಳ್ಯ ತಾಲೂಕುದ ಪಾಜಪಳ್ಳದ ಕಾಂಜೋಡು ಶ್ರೀ ಮಂಜುನಾಥೇಶ್ವರ ದೇವಸ್ಥಾನಡ್ ತುಲು ಲಿಪಿ ಪುದರ್ ಪಲವೆ ಉದಿಪನ ಲೇಸ್ ನಡಪರೆ ಉಂಡು ಪಂದ್ ಪತ್ರಿಕಾ ಪ್ರಕಟಣೆ ಗ್ ತೆರಿಪಾದೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ವಿವೇಕ ಸ್ಪರ್ಧೆ 2021 ಉದಿಪನ ಲೇಸ್

Jan 14, 2021

ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಕುಡ್ಲ ಮಹಾನಗರ ಅಟ್ಟನೆ ಮಲ್ದಿನ ವಿವೇಕ ಸ್ಪರ್ಧೆ -2021 ಬೊಕ್ಕ ರಕ್ತದಾನ ಶಿಬಿರನ್ ಕುಡ್ಲದ ಪುಗರ್ತೆದ ಉದ್ಯಮಿಯಾಯಿನ ಶ್ರೀಯುತ ಪುಷ್ಪರಾಜ್ ಜೈನ್ ಮೇರ್ ಉದಿಪನ ಮಲ್ತ್ ದ್ , ವಿವೇಕಾನಂದೆರ್ನ ಆದರ್ಶದೊಟ್ಟುಗು ನಡತೊಂದು ಉಪ್ಪುನ ಈ ವಿದ್ಯಾರ್ಥಿ ಸಂಘಟನೆ ಸಮಾಜಗ್ ಉತ್ತಮ ವ್ಯಕ್ತಿತ್ವ ಉಪ್ಪುನ ನಾಗರಿಕೆರೆನ್ ಕೊರೊಂದು ಉಂಡು . ಇಂಚಿನ ಸಂಘಟನೆದ ಸಂಪರ್ಕಡ್ ಉಪ್ಪರೆ ಎಂಕ್ಲಾ ಮನಸ್ ಉಂಡು ಪಂದ್ ಉಡಿಪನದ ನುಡಿ ಪಂಡೆರ್.

ಮಲ್ಲ ಬಿನ್ನೆರ್ ಆದ್ ಕುಡ್ಲ ವಿಶ್ವವಿದ್ಯಾನಿಲಯದ ಸಿಂಡಿಕೇಟ್ ಸದಸ್ಯರಾಯಿನ ಶ್ರೀ ರವೀಂದ್ರನಾಥ ರೈ ಮೇರ್ ಪಾಲ್ ಪಡೆದಿತ್ತೆರ್. ರಾಷ್ಟ್ರೀಯ ಕಾರ್ಯಕಾರಿಣಿ ಸದಸ್ಯೆ ದೀಪ್ತಿ , ನಗರ ಗುರ್ಕಾರ್ದಿ ಭಾರತಿ ಪ್ರಭು , ಕಾರ್ಯದರ್ಶಿ ಶ್ರೇಯಸ್ ಶೆಟ್ಟಿ ಮೆಕುಲು ಉದಿಪನ ಲೇಸ್ ಡ್ ಪಾಲ್ ಪಡೆದಿತ್ತೆರ್ . ಮುಗಿತಲ ಲೇಸ್ ದ ಮಲ್ಲ ಬಿನ್ನೆರ್ ಆದ್ ಬರ್ಕೆ ಪೊಲೀಸ್ ಠಾಣೆಯ ವೃತ್ತ ನಿರೀಕ್ಷಕರಾಯಿನ ಶ್ರೀಯುತ ಜ್ಯೋತಿರ್ಲಿಂಗ ಮೇರ್ ಪಾತೆರ್ದ್ ನಮ್ಮ ಸಂಸ್ಕೃತಿದ ಪುಗಾರ್ತೆ ನ್ ಲೋಕೊರ್ಮೆ ಪಸರಾಯಿನ ಸಂತನ ಜಯಂತಿನ್ ಮಲ್ಪುನೆತ್ತ ಒಟ್ಟುಗು ನಮ ಮಾತಾ ಈ ಸಂಸ್ಕೃತಿನ್ ಸಂಸ್ಕಾರದೊಟ್ಟುಗು ದುಂಬುದ ಪೀಳಿಗೆಗ್ ಕೊನೊವೊಡು ಪಂದ್ ಜಾನಪದ ಪದ ಪಂದ್ ನಂಕ್ ಬೋಡಾಯಿನ ಸಂಸ್ಕೃತಿ ದ ಬಗ್ಗೆ ಪಾತೆರಿಯೆರ್.

ನೆತ್ತೆರ್ ದಾನ ಶಿಬಿರಡ್ ನಲ್ಪತ್ತೈನ್ ಯೂನಿಟ್ ನೆತ್ತೆರ್ ನ್ ಜೋಕುಲು ಕೊರಿಯೆರ್. ಪಂಥೋ ಡು 80 ರ್ದ್ ಲಾ ಜಾಸ್ತಿ ಜೋಕುಲು ಪಾಲ್ ಪಡೆದಿತ್ತೆರ್. ಗೆಂದಿನಕ್ಲೆಗ್ ಪನವು, ಪುಸ್ತಕ ಬೊಕ್ಕ ಟ್ರೋಫಿನ್ ಕೊರ್ತೆರ್.ಮುಗಿತಲದ ಲೇಸ್ ಡ್ ವಿಭಾಗ ಪ್ರಮುಖರಾಯಿನ ಶ್ರೀಯುತ ಕೇಶವ ಬಂಗೇರ , ಪ್ರಾಂತ ಕಾರ್ಯ ಸಮಿತಿ ಸದಸ್ಯೆರಯಿನ ಮಣಿಕಂಠ ಕಳಸ, ತಾಲ್ಲೂಕು ಸಂಚಾಲಕ ನಿಶಾನ್ ಆಳ್ವ ಪಾಲ್ ಪಡೆದಿತ್ತೆರ್ .