ಸಂಘ

ಹೆಜಮಾಡಿ ಬಿರುವೆರೆ ಸಂಘದ ಗುರ್ಕಾರ್ಲಾದ್ ಮೀನಾಕ್ಷಿ ದೇವದಾಸ್

ಹೆಜಮಾಡಿ : ಹೆಜಮಾಡಿ ಬಿರುವೆರೆ ಸಂಘ ಮಹಿಳಾ ಮಂಡಳಿದ ಪೊಸ ಕಾರ್ಯಕಾರಿ ಸಮಿತಿನ್ ಕೋಡೆ ನಡತಿನ ಹೆಜಮಾಡಿ ಬಿರುವೆರೆ ಸಂಘದ ಕಾರ್ಯಕಾರಿ ಸಮಿತಿ ಬೊಕ್ಕ ಮಹಿಳಾ ಮಂಡಳಿದ ಜಂಟಿ ಸಭೆಟ್ ಅವಿರೋಧವಾದ್ ಆಯ್ಕೆ ಮಲ್ತೆರ್.

ಪೊಸ ಗುರ್ಕಾರ್ಲಾದ್ : ಮೀನಾಕ್ಷಿ ದೇವದಾಸ್
ಒತ್ತು ಗುರ್ಕಾರ್ಲಾದ್ : ಆಶಾ ಪ್ರಾಣೇಶ್
ಕಾರ್ಯಂತೆರ್ : ವಿಜಯ ಅನಿಲ್
ಒತ್ತು ಕಾರ್ಯಂತೆರ್ : ಚಂದ್ರಾವತಿ ದಾಮೋದರ್
ಕೋಶಾಧಿಕಾರಿ : ಅಮಿತ ಚಂದ್ರಶೇಖರ್
ಜೊತೆ ಕಾರ್ಯದರ್ಶಿ : ಶೋಭಾ ಸಂತೋಷ್
ಮೆಕುಲು ಅವಿರೋಧವಾದ್ ಆಯ್ಕೆಯಾತೆರ್ .

ಪೊಸ ಪದಾಧಿಕಾರಿಲೆಗ್ ಹೆಜಮಾಡಿ ಬಿರುವೆರೆ ಸಂಘದ ಪರವಾದ್ ಎಡ್ಡೆಪ್ಪುಲು .

ಕರ್ನಾಟಕ ಪತ್ರಕರ್ತೆರ್ನ ಸಂಘ ಪುತ್ತೂರು ಘಟಕರ್ದ್ ಆಟಿದ ಲೇಸ್

ಪುತ್ತೂರು, ಆಗಸ್ಟ್ 3 : ಕರ್ನಾಟಕ ಪತ್ರಕರ್ತರ ಸಂಘ ಪುತ್ತೂರು ತಾಲೂಕು ಘಟಕದ ವತಿರ್ದ್ ಪತ್ರಿಕಾ ಲೇಸ್ ಬೊಕ್ಕ ಆಟಿ ಲೇಸ್ ಸೋಮಾರ ದಾನಿ ಕಾಂಡೆ ಪುತ್ತೂರು ಮಾತೃಛಾಯಾ ಸಭಾಭವನಡ್ ನಡತುಂಡು.

ಈ ಪೊರ್ತುಡು ಕರ್ನಾಟಕ ಪತ್ರಕರ್ತರ ಸಂಘ ಪುತ್ತೂರು ತಾಲೂಕು ಘಟಕದ ಗುರ್ಕಾರ್ಲಾಯಿನ ಯೂಸುಫ್ ರೆಂಜಲಾಡಿ ಗುರ್ಕಾರ್ಮೆ ವಹಿಸಿಯೆರ್.

ಸಂಘದ ಉಪಾಧ್ಯಕ್ಷೆ ಶೈಲಜಾ ಸುದೇಶ್ ಬತ್ತಿ ಬಿನ್ನೆರೆನ್ ಎದುಕೊಂಡೆರ್ . ಕಾರ್ಯದರ್ಶಿ ಲಕ್ಷ್ಮಿಕಾಂತ್ ರೈ ಅನಿಕೂಟೇಲು ಲೇಸ್ ನಡಪಾದ್ ಕೊರಿಯೆರ್. ಸದಸ್ಯ ತಿಲಕ್ ರೈ ಕುತ್ಯಾಡಿ ಸೊಲ್ಮೆ ಸಂದೈತ ಮಲ್ತೆರ್ . ಐರ್ದ್ ಬೊಕ್ಕ ಆಟಿದ ತೆನಸ್ ದ ಅಟ್ಟನೆ ಮಲ್ತಿತ್ತೆರ್.

ಗ್ರಾಮಾಭಿವೃದ್ಧಿ ಯೋಜನೆ ಒಕ್ಕೂಟದ ಪ್ರಗತಿಬಂಧು ಸ್ವಸಹಾಯ ಸಂಘದ ಸದಸ್ಯೆರೆಗ್ ಲಾಭಾಂಶ ವಿತರಣೆ ಪಟ್ಟುನ ಲೇಸ್

ಕಲ್ಲಡ್ಕ ಜುಲೈ 17, ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಸದಸ್ಯೆರೆಗ್ ಕೋರೋನ ಸಂಕಷ್ಟದ ಪೊರ್ತುಡು ಲಾಭಾಂಶ ವಿತರಣೆ ಮಲ್ದಿನವು ಬಾರಿ ಕೃತಜ್ಞತಾಪೂರ್ವಕ ವಾತುಂಡು . ಪಂದ್ ಗ್ರಾಮಾಭಿವೃದ್ಧಿ ಯೋಜನೆದ ಕಲ್ಲಡ್ಕ ವಲಯದ ಒಕ್ಕೂಟ ಗುರ್ಕಾರ್ಲಾಯಿನ ಶ್ರೀಯುತ ಈಶ್ವರ ನಾಯ್ಕೆರ್ ಕಲ್ಲಡ್ಕದ ಪೂರ್ಲಿಪ್ಪಾಡಿ ಮರಾಠಿ ಸಮಾಜ ಸೇವಾ ಭವನಡ್ ನಡತಿನ ಗ್ರಾಮಾಭಿವೃದ್ಧಿ ಯೋಜನೆದ ಒಕ್ಕೂಟದ ಪ್ರಗತಿಬಂಧು ಸ್ವಸಹಾಯ ಸಂಘದ ಸದಸ್ಯೆರೆಗ್ ಲಾಭಾಂಶ ವಿತರಣೆ ಸಂಘದ ಸುರಕ್ಷಾ ವಿಮಾ ಮೊತ್ತ ಬೊಕ್ಕ ಪ್ರಕೃತಿ ವಿಕೋಪ ಇತ್ತಿನ ಕುಟುಂಬಗ್ ಪರಿಹಾರ ನಿಧಿ ವಿತರಣಾ ಕಾರ್ಯಕ್ರಮನ್ ತುಡರ್ ಅರ್ಲಾದ್ ಉದಿಪನ ಮಲ್ತ್ ಪಾತೆರಿಯೆರ್ .

ಮಲ್ಲ ಬಿನ್ನೆರ್ ಆಯಿನ ಗ್ರಾಮಾಭಿವೃದ್ಧಿ ಯೋಜನೆ ಬಿ ಸಿ ಟ್ರಸ್ಟ್( ರಿ) ವಿಟ್ಲ ನೆತ್ತ ಯೋಜನಾಧಿಕಾರಿ ಶ್ರೀಯುತ ಚನ್ನಪ್ಪಗೌಡ ಮೇರ್ ಶ್ರೀಯುತ ಕಾವಂದೆರ್ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಮುಖೇನ ಸದಸ್ಯೆರೆಗ್ ಅವ್ವೆತೋ ಲೇಸ್ ಅಟ್ಟನೆ ಮಲ್ದೆರ್ ಆನಿ ನಡಿನ ದೈ ಇನಿ ಫಲ ಕೊರ್ಪಿಲಕ ಬುಳೆತುಂಡು , ಇತ್ತೆದ ಕಷ್ಟದ ಪರಿಸ್ಥಿತಿಗ್ ಸಾಕಾರ ಕೊರ್ಪಿಲಕ ಪ್ರಸಾದ ರೂಪಡ್ ಸದಸ್ಯೆರೆಗ್ ಲಾಭಾಂಶನ್ ವಿತರಣೆ ಮಲ್ತೆರ್ ,ನಮ್ಮ ಕಲ್ಲಡ್ಕ ವಲಯದ 27 ಸಂಘದ ಗುಣಮಟ್ಟದ ವ್ಯವಹಾರಗ್ 5 ಲಕ್ಷದ 50 ಸಾವಿರ ಲಾಭಾಂಶ ಬೈದುಂಡು ಪಂದ್ ಮಾಹಿತಿ ಕೊರಿಯೆರ್.

ಲೇಸ್ ದ ಗುರ್ಕಾರ್ಮೆ ವಹಿಸಿನ ಗೋಳ್ತಮಜಲು ಗ್ರಾಮ ಪಂಚಾಯತ್ ದ ಗುರ್ಕಾರ್ಲಾಯಿನ ಶ್ರೀಯುತ ಅಭಿಷೇಕ್ ಶೆಟ್ಟಿ ಗ್ರಾಮದ ಅಭಿವೃದ್ಧಿ ದೃಷ್ಟಿರ್ದ್ ಯೋಜನೆ ಮಲ್ಪುನ ಮಾತಾ ಕಾರ್ಯಕ್ರಮಗ್ ಲಾ ಪಂಚಾಯತಿರ್ದ್ ಪೂರ್ಣ ಸಾಕಾರ ಕೊರ್ಪ ಪಂದ್ ಪಂಡೆರ್.

ಈ ಲೇಸ್ ಡ್ ಕಲ್ಲಡ್ಕ ಹಾಲು ಉತ್ಪಾದಕರ ಸಂಘದ ಕಾರ್ಯನಿರ್ವಹಣಾಧಿಕಾರಿ ಶ್ರೀಯುತ ರಾಜೇಶ್ ಕೊಟ್ಟಾರಿ ,ಕಲ್ಲಡ್ಕ ಮರಾಠಿ ಸಮಾಜಸೇವಾ ಸಂಘದ ಕಾರ್ಯದರ್ಶಿ ನಾರಾಯಣ ನಾಯ್ಕ, ಗೋಳ್ತಮಜಲು ಬಿ ಒಕ್ಕೂಟದ ಅಧ್ಯಕ್ಷೆ ಶಿವಪ್ಪಗೌಡ, ಕಲ್ಲಡ್ಕ ಒಕ್ಕೂಟ ಅಧ್ಯಕ್ಶೆರಾಯಿನ ಶ್ರೀಮತಿ ತುಳಸಿ, ಜ್ಞಾನವಿಕಾಸ ಸಮನ್ವಯಾಧಿಕಾರಿ ಸವಿತಾ, ವಲಯ ಸೇವಾ ಪ್ರತಿನಿಧಿಲಾಯಿನ ವಿದ್ಯಾ, ಗಿರಿಜಾ, ಕೌಶಿತ, ಉಷಾ ಬೊಕ್ಕ ಸ್ವಸಹಾಯ ಸಂಘದ ಸದಸ್ಯೆರ್ ಪಾಲ್ ಪಡೆದಿತ್ತೆರ್ .

ವಲಯ ಮೇಲ್ವಿಚಾರಕಿ ಶ್ರೀಮತಿ ಸವಿತಾ ನಾರಾಯಣ ಎದುಕೊಂಡೆರ್ ,ಸೇವಾ ಪ್ರತಿನಿಧಿ ಶ್ರೀಮತಿ ಮಾಲತಿ ಸೊಲ್ಮೆ ಸಂದೈತ ಮಲ್ತೆರ್ . ಲೆಕ್ಕ ಪರಿಶೋಧಕ ಶ್ರೀಯುತ ಶಿವಪ್ರಸಾದ್ ಲೇಸ್ ನಡಪಾದ್ ಕೊರಿಯೆರ್ .

ಒಡಿಪು ವಕೀಲೆರ್ನ ಸಂಘರ್ದ್ ವನಮಹೋತ್ಸವ

ಒಡಿಪು, ಜುಲೈ 15: ಜಿಲ್ಲಾ ಕಾನೂನು ಸೇವೆದ ಪ್ರಾಧಿಕಾರ, ಅರಣ್ಯ ಇಲಾಖೆ ಒಡಿಪು ವಲಯ ಬೊಕ್ಕ ವಕೀಲೆರ್ನ ಸಂಘ ಒಡಿಪು ನೆತ್ತ ಸಂಯುಕ್ತ ಆಶ್ರಯಡ್ ಅಂಗಾರೆ ಜಿಲ್ಲಾ ನ್ಯಾಯಾಲಯದ ಆವರಣಡ್ ವನ ಮಹೋತ್ಸವದ ಪರವಾದ್ ನಡತಿನ ದೈ ನಡ್ಪಿನ ಲೇಸ್ ಗ್ ಜಿಲ್ಲಾ ಬೊಕ್ಕ ಸತ್ರ ನ್ಯಾಯಾಧೀಶ ಸುಬ್ರಹ್ಮಣ್ಯ ಜೆ.ಎನ್ ಚಾಲನೆ ಕೊರಿಯೆರ್ .

ಈ ಪೊರ್ತುಡು ಜಿಲ್ಲಾ ಕಾನೂನು ಸೇವೆದ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿ ಶರ್ಮಿಳಾ ಎಸ್., ವಕೀಲರ ಸಂಘದ ಜಿಲ್ಲಾ ಗುರ್ಕಾರ್ಲಾಯಿನ ದಿವಾಕರ ಎಂ. ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ರೊನಾಲ್ಡ್ ಪ್ರವೀಣ್ ಕುಮಾರ್, ಒಡಿಪು ವಲಯದ ಉಪವಲಯ ಅರಣ್ಯಾಧಿಕಾರಿ ಗುರುರಾಜ ಕಾವ್ರಾಡಿ ಪಾಲ್ ಪಡೆದಿತ್ತೆರ್.

ಮುಂಬಯಿ ಬಂಟರ ಸಂಘದ ವತಿರ್ದ್ ಯೋಗ ವೆಬಿನಾರ್

ಮುಂಬಯಿ, ಜೂನ್ 21: ಬಂಟರ ಸಂಘ ಮುಂಬಯಿ ನೆತ್ತ ವಸಾಯಿ-ಡಹಾಣೂ ಪ್ರಾದೇಶಿಕ ಸಮಿತಿರ್ದ್ ಮಹಿಳಾ ವಿಭಾಗದ ಒಟ್ಟು ಸೇರಿಗೆಡ್ ಯೋಗ ದಿನಾಚರಣೆ ಪರವಾದ್ ಜೂ. 21ಕ್ಕ್ ಬೈಯ್ಯ 5 ಗಂಟೆಗ್ ಯೋಗ ತರಬೇತಿನ್ ಅಟ್ಟನೆ ಮಲ್ದೆರ್.

ಎಚ್ಚದ ಮಾಹಿತಿಗಾದ್ https://chat.whatsapp.com/GgZtfDV4lHm8NLtK8RqRDq ವಾಟ್ಸ್‌ಆಯಪ್‌ ಗ್ರೂಪ್‌ ಅನ್ನು ಸೇರರೇ ಬಿನ್ನಾಪು ಮಲ್ದೆರ್.ವೆಬಿನಾರ್‌ ಮುಖೇನ ನಡಪರೇ ಉಪ್ಪುನ ಈ ಲೇಸ್ ಡ್ ಆರ್ಟ್‌ ಆಫ್‌ ಲಿವಿಂಗ್‌ ಬಗ್ಗೆ ಅರುಣ್‌ ಶೆಣೈ ಪಾತೆರೆರೆ ಉಲ್ಲೆರ್ .ರವಿಶಂಕರ್‌ ಗುರೂಜಿನ ಆಶೀರ್ವಾದಡ್ ಬಂಟರ ಸಂಘ ಮುಂಬಯಿ ಗುರ್ಕಾರ್ಲಾಯಿನ ಚಂದ್ರಹಾಸ ಕೆ. ಶೆಟ್ಟಿ ಮೆರ್ನ ಗುರ್ಕಾರ್ಮೆಡ್ ನಡಪರೇ ಉಪ್ಪುನ ಈ ಲೇಸ್ ಡ್ ಮಾತೆರ್ಲ ಪಾಲ್ ಪಡೆಯೋಡು ಪಂದ್ ವಸಾಯಿ-ಡಹಾಣೂ ಪ್ರಾದೇಶಿಕ ಸಮಿತಿದ ಪರವಾದ್ ಕಾರ್ಯಾಧ್ಯಕ್ಷ ಹರೀಶ್‌ ಪಾಂಡು ಶೆಟ್ಟಿ, ಸಂಘದ ಪ್ರಾದೇಶಿಕ ಸಮಿತಿದ ಪಶ್ಚಿಮ ವಲಯದ ಸಮನ್ವಯಕರೆರಾಯಿನ ಶಶಿಧರ ಕೆ. ಶೆಟ್ಟಿ ಇನ್ನಂಜೆ, ಸಮಿತಿದ ಸಂಚಾಲಕೆರಾಯಿನ ಜಯಂತ ಆರ್‌. ಪಕ್ಕಳ, ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆ ಉಷಾ ಎಸ್‌. ಶೆಟ್ಟಿ, ಯುವ ವಿಭಾಗದ ಕಾರ್ಯಾಧ್ಯಕ್ಷ ಪ್ರಖ್ಯಾತ್‌ ಶೆಟ್ಟಿ ಬೊಕ್ಕ ಸಮಿತಿದ ಮತ್ತು ಮಾತಾ ಉಪಸಮಿತಿದ ಸದಸ್ಯೆರ್ ಪ್ರಕಟಣೆಡ್ ತೆರಿಪಾದೆರ್.