ಗ್ರಾಮ

ಗ್ರಾಮ ಗ್ರಾಮಡ್ ವೀರ ಸಾವರ್ಕರ್ ರಥಯಾತ್ರೆ ಆವಡ್ : ಶರಣ್ ಪಂಪುವೆಲ್

ಪುತ್ತೂರು : ಕಬಕ ಗ್ರಾಮಪಂಚಾಯತ್ ಗ್ ಸೇರಿನ ಸ್ವಾತಂತ್ರ್ಯ ರಥಟ್ ಇತ್ತಿನ ವೀರ ಸಾವರ್ಕರ್ ಚಿತ್ರಗ್ ಆಕ್ಷೇಪ ಪಾರ್ದ್ ರಥಗ್ ಎಸ್‌.ಡಿ.ಪಿ.ಐ ಕಾರ್ಯಂತೆರ್ ಬೊಕ್ಕ ಬೇತೆ ಜನಕ್ಲೆನೆರ್ದ್ ಅಡ್ಡಿ ಆಯಿನೆರ್ದಾವರ ಸ್ವಾತಂತ್ರ್ಯ ರಥಕ್ ಅಡ್ಡಿ ಪ್ರಕರಣಗ್ ಸಂಬಂಧಿ ಹಿಂದೂ ಸಂಘಟನೆರ್ದ್ ಪ್ರತಿಭಟನೆ ನಡತುಂಡು.

ಕಬಕ ಜಂಕ್ಷನ್ ಡ್ ಸೇರಿನ ಸಾರ ಸಂಖ್ಯೆದ ಹಿಂದೂ ಕಾರ್ಯಂತೆರ್ ಬೊಕ್ಕ ಹಿಂದು ಸಂಘಟನೆದ ಮುಖಂಡೆರ್ ಪ್ರತಿಭಟನೆನ್ ಪಾಲ್ ಪಡೆದಿತ್ತೆರ್.ಪ್ರತಿಭಟನೆಡ್ ಆರೋಪಿಲೆನ ವಿರುದ್ಧ ದೇಶದ್ರೋಹ ಪ್ರಕರಣ ದಾಖಲೆ ಮಲ್ಪರೆ ಒತ್ತಾಯ ಮಲ್ದೆರ್ .

ಗ್ರಾಮ ಗ್ರಾಮಡ್ ವೀರ ಸಾವರ್ಕರ್ ರಥಯಾತ್ರೆ ನಡಪಾಯೆರೆ ಹಿಂದೂ ಸಂಘಟನೆ ನಿರ್ಧಾರ ಮಲ್ದುಂಡು ಪಂದ್ ಹಿಂದೂ ಮುಖಂಡ ಶರಣ್ ಪಂಪುವೆಲ್ ಹೇಳಿಕೆ ಕೊರ್ತೆರ್ .

ಅಲೆವೂರು ಗ್ರಾಮ ಪಂಚಾಯತಿ, ಅಲೆವೂರು ನೆತ್ತ ಒಟ್ಟು ಸೇರಿಗೆಡ್ ದಿ.ಅಲೆವೂರು ಬದರೀ ನಾರಾಯಣ ಆಚಾರ್ಯ ಮೆಮೋರಿಯಲ್ ಟ್ರಸ್ಟ್ (ರಿ) ಮೆಕ್ಲೆನ ವತಿರ್ದ್ “ಬದರೀನಗರ” ನಾಮಫಲಕ ಉದಿಪನ

ಒಡಿಪು, ಜುಲೈ 19: ಅಲೆವೂರು ಗ್ರಾಮ ಪಂಚಾಯತಿ, ಅಲೆವೂರು ನೆತ್ತ ಒಟ್ಟು ಸಾಕರಡ್ ದಿ.ಅಲೆವೂರು ಬದರೀ ನಾರಾಯಣ ಆಚಾರ್ಯ ಮೆಮೋರಿಯಲ್ ಟ್ರಸ್ಟ್ (ರಿ) ಮೆಕ್ಲೆನ ವತಿರ್ದ್ ತಾರೀಖ್ 18/7/2021ಕ್ಕ್ ಮಧ್ಯಾಹ್ನ ನಡುಅಲೆವೂರಿನ ಮುಖ್ಯರಸ್ತೆಡ್ “ಶ್ರೀಬದರೀನಗರ”ನಾಮಫಲಕದ ಉದಿಪನನ್ ಅಲೆವೂರು ಗ್ರಾಮ ಪಂಚಾಯತಿದ ಗುರ್ಕಾರ್ಲಾಯಿನ ಶ್ರೀಮತಿ ಪುಷ್ಪಾ ಅಂಚನ್ ಮೇರ್ ಮಲ್ತೆರ್ .

ಈ ಪೊರ್ತುಡು ವೇದಮೂರ್ತಿ ಶ್ರೀ ಕಲ್ಮ೦ಜೆ ವೇದವ್ಯಾಸ ಉಪಾಧ್ಯ, ಅಲೆವೂರು ಗ್ರಾಮ ಪಂಚಾಯತ್ ದ ಪಂಚಾಯತ್ ಅಭಿವೃದ್ಧಿ ಅಧಿಕಾರಿಯಾಯಿನ ಶ್ರೀ ದಯಾನಂದ ಬೆಣ್ಣೂರು, ಉಪಾಧ್ಯಕ್ಷರಾಯಿನ ಶ್ರೀ ಸುಧಾಕರ ಪೂಜಾರಿ, ಒಡಿಪು ಜಿಲ್ಲಾ ಕಾಂಗ್ರೆಸ್ ಸಮಿತಿದ ಪ್ರಧಾನ ಕಾರ್ಯದರ್ಶಿಯಾಯಿನ ಶ್ರೀ ಹರೀಶ್ ಕಿಣಿ, ಅಲೆವೂರು ಗ್ರಾಮ ಪಂಚಾಯತಿದ ಮಾಜಿ ಅಧ್ಯಕ್ಷರಾದ ಶ್ರೀ ಹರೀಶ್ ಸೇರಿಗಾರ್ ಬೊಕ್ಕ ಟ್ರಸ್ಟ್ ದ ಗುರ್ಕಾರ್ಲಾಯಿನ ಶ್ರೀ ನಾಗರಾಜ್ ಕೆ.ಆರ್‌. ಪಾಲ್ ಪಡೆದಿತ್ತೆರ್.

ಹಾವಂಜೆ ಗ್ರಾಮ ವಿಕಾಸ ಸಮಿತಿ ವತಿರ್ದ್ ಬೆನ್ನಿ

ಹಾವಂಜೆ, ಜುಲೈ 19: ಹಾವಂಜೆ ಗ್ರಾಮ ವಿಕಾಸ ಸಮಿತಿ ಹಾವಂಜೆದ ಸದಸ್ಯೆರ್ ಕುಕ್ಕೆಹಳ್ಳಿ ಮಹಾಲಿಂಗೇಶ್ವರ ದೇವಸ್ಥಾನದ ಕೈತಲ್ ಉಪ್ಪುನ ಸುಮಾರ್ 20 ವರ್ಷರ್ದ್ ಪಡಿಲ್ ಬೂರ್ದಿನ 5 ಎಕರೆ ಕೃಷಿ ಭೂಮಿ ಸಾವಯವ ಭತ್ತದ ಬುಳೆ ಮಳ್ತೊಂದು ಉಲ್ಲೆರ್ ,ಕೃಷಿತ ನಾಟಿ ಬೇಲೆ ತಾರೀಖ್  18/07/2021 ನೇ ಐತಾರದಾನಿ ನಡತುಂಡು.

ಬತ್ತಿನ ಬುಳೆತ ಬೈ ನ್ ಗೋ ಶಾಲೆಗ್ ದಾನ ಮಲ್ಪುನ ಸದುದ್ದೇಶ ಉಂಡು ಪಂದ್ ಸಮಿತಿದ ಗುರ್ಕಾರ್ಲಾಯಿನ ಸತ್ಯ ನಾರಾಯಣ ಆಚಾರ್ಯ ಪಂಡೆರ್.

ಈ ಪೊರ್ತುಡು ಚೇತನ್ ಪೂಜಾರಿ ಅಂಗಡಿಬೆಟ್ಟು,
ಸಂತೋಷ್ ಜತ್ತನ್ ಬಬ್ಬುಜೆಡ್ಡು,ಕೃಷಿ ಪ್ರಮುಖ್ ಬೊಕ್ಕ ಸಹ ಪ್ರಮುಖ್ ಅಂಚನೇ ಮಾತಾ ಸದಸ್ಯೆರ್ ಪಾಲ್ ಪಡೆದಿತ್ತೆರ್.

ಬಡಾನಿಡಿಯೂರು ಗ್ರಾಮ ಪಡಿಲು ಭೂಮಿ ಕೃಷಿ ನಾಟಿಗ್ ಚಾಲನೆ

ಒಡಿಪು, ಜುಲೈ 7: “ಹಡಿಲು ಭೂಮಿ ಕೃಷಿ ಅಂದೋಲನ”ದಡಿ ಕೇದಾರೋತ್ಥಾನ ಟ್ರಸ್ಟ್ ಮುಖೇನ ಬಡಾನಿಡಿಯೂರು ಗ್ರಾಮ ಪಂಚಾಯತ್ ವ್ಯಾಪ್ತಿಡ್ 5 ಎಕರೆ ಹಡಿಲು ಭೂಮಿನ್ ಸಾವಯುವ ಕೃಷಿ ಮಲ್ತೊಂದು ಉಲ್ಲೆರ್ , ಇನಿ ತಾರೀಖ್ 07-07-2021 ಕ್ಕ್ ಆರ್ಯನ್ ಹೋಟೆಲ್ ಕೈತಲ್ ಪಡಿಲು ಭೂಮಿ ಕೃಷಿ ನಾಟಿ ಲೇಸ್ ನ್ ಉದಿಪನ ಮಲ್ತೆರ್ .

ಶ್ರೀ ಆನಂದ್ ಪಿ. ಸುವರ್ಣ ಮತ್ಸ್ಯೋದ್ಯಮಿ ಬೊಕ್ಕ ಶ್ರೀ ಟಿ. ರಫೀಕ್ ಸಾಹೇಬ್ ಗುರ್ಕಾರ್ಲು ಓ.ಪಿ.ಎಫ್ ಗುಜ್ಜರಬೆಟ್ಟು ಮೆಕ್ಲೆನೊಟ್ಟುಗು ಶಾಸಕ ಶ್ರೀ ಕೆ. ರಘುಪತಿ ಭಟ್ ಮೇರ್ ಭೂಮಿಯಪ್ಪೆಗ್ ಪೇರ್ ಪಾರ್ದ್ ನೇಜಿ ನಡ್ಪಿನ ಮುಖೆನ ಕೈ ನಾಟಿಗ್ ಚಾಲನೆ ಕೊರಿಯೆರ್.

ಈ ಭಾಗಡ್ ಪಡಿಲು ಭೂಮಿ ಆಂದೋಲನಗ್ ಸಾಕಾರ ಕೊರಿನ ಸಂಘ – ಸಂಸ್ಥೆದಕ್ಲೆಗ್ , ಭೂ ಮಾಲಕೆರೆಗ್ , ಕೈತಲ್ ದ ಶಾಸಕೆರಾಯಿನ ಶ್ರೀ ಕೆ. ರಘುಪತಿ ಭಟ್ ಮೇರ್ ಸೊಲ್ಮೆ ಸಂದೈತ ಮಲ್ತೆರ್.

ಈ ಪೊರ್ತುಡು ಬಡಾನಿಡಿಯೂರು ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಪ್ರಭಾಕರ್ ತಿಂಗಳಾಯ, ಒತ್ತು ಗುರ್ಕಾರ್ಲಾಯಿನ ಶೀಲಾ, ಪೆರಿಯ ಕೃಷಿಕೆರಾಯಿನ ಬಿ.ಪಿ ರಮೇಶ್ ಪೂಜಾರಿ, ಬಡಾನಿಡಿಯೂರು ಗ್ರಾಮ ಪಂಚಾಯತ್ ಮಾಜಿ ಗುರ್ಕಾರ್ಲಾಯಿನ ಉಮೇಶ್ ಪೂಜಾರಿ, ಕೈತಲ್ ದಕುಲಾಯಿನ ದಿನಕರ್ ಮಾಸ್ಟರ್, ಸಂಜೀವಿನಿ ತಂಡದ ಗುರ್ಕಾರ್ಲಾಯಿನ ಲತಾ, ಕೇದಾರೋತ್ಥಾನ ಟ್ರಸ್ಟ್ ದ ಪ್ರಧಾನ ಕಾಯಂತೆರಾಯಿನ ಮುರಳಿ ಕಡೆಕಾರ್, ಕೋಶಾಧಿಕಾರಿಲಾಯಿನ ರಾಘವೇಂದ್ರ ಕಿಣಿ, ಸದಸ್ಯೆರಾಯಿನ ದಿನಕರ್ ಬಾಬು, ಬಡಾನಿಡಿಯೂರು ಗ್ರಾಮ ಪಂಚಾಯತ್ ಸದಸ್ಯೆರ್ , ಸಂಜೀವಿನಿ ತಂಡದ ಸದಸ್ಯೆರ್ , ಸ್ಥಳೀಯ ಕೃಷಿಕೆರ್ , ಪ್ರಮುಖೆರ್ , ಪಕ್ಷದ ಕಾರ್ಯಂತೆರ್ ಪಾಲ್ ಪಡೆದಿತ್ತೆರ್.ಬಡಾನಿಡಿಯೂರು ಸಂಜೀವಿನಿ ತಂಡದ ಸದಸ್ಯೆರ್ 3 ಕೊಯ್ಲು ಕಂಡೊಡ್ ನಟ್ಟಿ ನಡಿಯೆರ್.

ಮಲಬಾರ್‌ ಗೋಲ್ಡ್ ಆಂಡ್ ಡೈಮಂಡ್ಸ್ ಉಡುಪಿ ವತಿಡ್ದ್ ಬಡಾನಿಡಿಯೂರು ಗ್ರಾಮದ ಕೊರೊನಾ ವಾರಿಯರ್ಸ್ ಗ್ ಫುಡ್ ಕಿಟ್

ಒಡಿಪು, ಜೂನ್ 25: ಕೊರೊನಾ ಲಾಕ್ ಡೌನ್ ದ ಪೊರ್ತುಡ್ ನಿರಂತರ ಬಡ ನಿರಾಶ್ರಿತೆರೆಗ್, ಕೊರೊನಾ ವಾರಿಯರ್ಸ್‌ ಗ್ ಬಂಜಿದ ಬಡಾವ್ ತೆಕ್ಕಾವುನ ಕೆಲಸ ಉಡುಪಿ ಮಲಬಾರ್ ಗೋಲ್ಡ್ ಆಂಡ್ ಡೈಮಂಡ್ಸ್ ಉಡುಪಿ ಮಲ್ತೊಂದುಂಡ್..ಉಡುಪಿ ಶಾಖೆದ ಮುಖ್ಯಸ್ಥೆರಾಯಿನ ಹಫೀಜ್ ರೆಹಮಾನ್ ತಾನೇ ಸ್ವತಃ ಬಂಗೊಡ್‌ ಉಪ್ಪುನಕ್ಲೆನ ಇಲ್ಲಗ್ ಅತ್ತುಂಡ ಗ್ರಾಮದ ಸಂಘ ಸಂಸ್ಥೆದ ಮುಖೇನ ಫುಡ್ ಕಿಟ್ ನ್ ಕೊರ್ಪಿನ ಬೇಲೆ ಮಲ್ತೊಂದುಲ್ಲೆರ್.

ಈ ಬೇಲೆಡ್ ಮೆರೆಗ್ ಸಾಥ್ ಕೊರ್ಪಿನಕುಲು ಶಾಖೆದ ಸ್ಟೋರ್ ಮೆನೇಜರ್ ರಾಘವೇಂದ್ರ ನಾಯಕ್ ಬೊಕ್ಕ ತನ್ಸೀಮ್ ಶಿರ್ವ ಮೊಕುಲು.ಇದಮುಟ್ಟ ಸುಮಾರ್ ಉಡುಪಿ ಜಿಲ್ಲೆಡ್ 6000 ಡ್ದ್ ಲಾ ಜಾಸ್ತಿ ಕಿಟ್ ಲೆನ್ ಬಡ ಜನಕ್ಲೆಗ್ ಹಸ್ತಾಂತರ ಮಲ್ತುದೆರ್..ಮೊಕಲೆನ್ ಕಾರ್ಯೊನ್ ಇಡೀ ಉಡುಪಿದ ಜನತೆ ಮೆಚ್ಚಿದ್‌ ಕೊಂಡಾಡುಂಡ್.

ಶುಕ್ರವಾರದಾನಿ ಬಡಾನಿಡಿಯೂರು ಗ್ರಾಮದ 6‌ ಜನ ಕೊರೊನಾ ವಾರಿಯರ್ಸ್ ಗ್ ಫುಡ್ ಕಿಟ್ ಕೊರಿಯೆರ್..ಈ ಪೊರ್ತುಡ್ ಉಡುಪಿ ಮಲಬಾರ್ ಗೋಲ್ಡ್ ಆಂಡ್ ಡೈಮಂಡ್ಸ್ ದ ಮುಖ್ಯಸ್ಥೆರಾಯಿನ ಹಫೀಜ್ ರೆಹಮಾನ್,ಸ್ಟೋರ್ ಮೆನೇಜರ್ ರಾಘವೇಂದ್ರ ನಾಯಕ್,ಚಾರಿಟಿ ಮೆನೇಜರ್ ತನ್ಸೀಮ್ ಶಿರ್ವ ಬಡಾನಿಡಿಯೂರು ಗ್ರಾಮ ಪಂಚಾಯತ್ ದ ಪಿಡಿಓ ಶ್ರೀಮತಿ ಮಾಲತಿ, ಪಂಚಾಯತ್ ಉಪಾಧ್ಯಕ್ಷೆರಾಯಿನ ಶೀಲಾ ಸುಧಾಕರ್, ನವಶಕ್ತಿ ಸಂಜೀವಿನಿ ಒಕ್ಕೂಟದ ಅಧ್ಯಕ್ಷೆರಾಯಿನ ಲತಾ ಅಶೋಕ್, ಉಪಾಧ್ಯಕ್ಷೆ ತಾರಾ ಪ್ರಭಾಕರ್, ಕಾರ್ಯಂತೆರಾಯಿನ ವತ್ಸಲಾ ಉಪಸ್ಥಿತರಿತ್ತೆರ್..ಸಂಜೀವಿನಿ ಒಕ್ಕೂಟದ ವತಿಡ್ದ್ ಕೊರೊನಾ ವಾರಿಯರ್ಸ್ ಗ್ ರೈನ್ ಕೋಟ್ ಕೊರಿಯೆರ್.

ಬಡಾನಿಡಿಯೂರು ಗ್ರಾಮ ಪಂಚಾಯತ್ ಡ್ ವಿಮಾ ಸಪ್ತಾಹಗ್ ಚಾಲನೆ

ಒಡಿಪು, ಜೂನ್ 25:ವಿಮಾ ಸಪ್ತಾಹದ ಅಂಗವಾದ್‌ ಜಿಲ್ಲಾ ಪಂಚಾಯತ್ ರಾಷ್ಟ್ರೀಯ ಗ್ರಾಮೀಣ ಜೀವನೋಪಾಯ ಸಂಜೀವಿನಿದ ಸದಸ್ಯೆರೆಗ್ ‌ಬಡಾನಿಡಿಯೂರು ಗ್ರಾಮ ಪಂಚಾಯತ್ ದ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಆಯಿನ ಶ್ರೀಮತಿ ಮಾಲತಿ ಮೇರ್ ಪ್ರಧಾನಮಂತ್ರಿ ಜೀವನ ಜ್ಯೋತಿ ಬೊಕ್ಕ ಸುರಕ್ಷಾ ವಿಮಾ ಯೋಜನೆದ ಸದುಪಯೋಗ ಮಲ್ತೊನರೆಗ್ ಮಾಹಿತಿ ಕೊರಿಯೆರ್.

ನವಶಕ್ತಿ ಸಂಜೀವಿನಿ ಬಡಾನಿಡಿಯೂರುದ ಮಾತಾ ಪದಾಧಿಕಾರಿಲು ಈ ಯೋಜನೆಗ್ ಅರ್ಜಿ ಪಾಡಿಯೆರ್..ಪಂಚಾಯತ್ ದ ಸದಸ್ಯೆರಾಯಿನ ಶ್ರೀ ಮತಿ ಯಶೋದ ಆಚಾರ್ಯ ವಿಮಾ ಯೋಜನೆ ದ ಅರ್ಜಿನ್‌ ಸಂಜೀವಿನಿದ ಪದಾಧಿಕಾರಿಲೆಗ್ ಹಸ್ತಾಂತರ ಮಲ್ತೆರ್.

ಈ ಪೊರ್ತುಡ್ ನವಶಕ್ತಿ ಸಂಜೀವಿನಿ ಸಂಘದ ಗ್ರಾಮ ಒಕ್ಕೂಟದ ಅಧ್ಯಕ್ಷೆರಾಯಿನ ಶ್ರೀ ಮತಿ ಲತಾ ಅಶೋಕ್, ಉಪಾಧ್ಯಕ್ಷೆರಾಯಿನ ಶ್ರೀ ಮತಿ ತಾರಾ ಪ್ರಭಾಕರ್, ಕಾರ್ಂತೆರಾಯಿನ ಶ್ರೀ ಮತಿ ವತ್ಸಲಾ, ಅಂಚೆನೆ ಬಾಕಿದ ಪದಾಧಿಕಾರಿಲು ಉಪಸ್ಥಿತರಿತ್ತೆರ್..ನವಶಕ್ತಿ ಸಂಜೀವಿನಿ ಬಡಾನಿಡಿಯೂರು ಗ್ರಾಮೊಡ್ ಒಟ್ಟುಗ್ 60 ಸಂಘೊಲೆಡ್ 600 ಜನ ಪೊಂಜೊವುನಕುಲು ಸದಸ್ಯೆರಾದುಲ್ಲೆರ್.ಮಾತಾ ಸದಸ್ಯೆರ್ ಲಾ ಸರಕಾರದ ಯೋಜನೆಲೆನ ಸದುಪಯೋಗ ಪಡೆತೊನೊಡ್ ,ಪೊಂಜೊವುನಕುಲು ಎರೆನಲಾ ಹಂಗ್ ದಾಂತೆ ಸ್ವಾಭಿಮಾನಿಯಾದ್ ಬದುಕೊಡ್ ಪಂಡುದ್ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಶ್ರೀಮತಿ ಮಾಲತಿ ಈ ಪೊರ್ತುಡ್ ತೆರಿಪಾಯೆರ್..