ಒಡಿಪು

ಕೆ- ಸೆಟ್ ಪರೀಕ್ಷೆದ ತಾರೀಖ್ ಬದಲಿ

Jul 10, 2021

ಬೆಂಗ್ಳೂರು, ಜುಲೈ.10: ಕೊರೋನಾ ಕಾರಣರ್ದ್ ದುಂಬು ಕೊನೊಯಿನ ರಾಜ್ಯ ಸಹಾಯಕ ಪ್ರಾಧ್ಯಾಪಕರ ಅರ್ಹತಾ ಪರೀಕ್ಷೆ (ಕೆ- ಸೆಟ್)ದ ತಾರೀಖ್ ನ್ ಕುಡ ನಿಗದಿ ಮಲ್ದೆರ್ .

ಜುಲೈ 25 ಕ್ಕ್ ಪರೀಕ್ಷೆ ನಡಪರೇ ಉಂಡು ಪಂದ್ ಪರೀಕ್ಷೆನ್ ಅಟ್ಟನೆ ಮಲ್ದಿನ ಮೈಸೂರು ವಿಶ್ವವಿದ್ಯಾಲಯ ಪ್ರಕಟಣೆಡ್ ತೆರಿಪಾದುಂಡು .

ಈ ದುಂಬು ಏಪ್ರಿಲ್ 11ಕ್ಕ್ ಕೆ- ಸೆಟ್ ಪರೀಕ್ಷೆನ್ ಅಟ್ಟನೆ ಮಲ್ತಿತ್ತೆರ್. ದೇಶಡ್ ಕರೊನಾ ಸೋಂಕು ಜಾಸ್ತಿ ಆಯಿನ ಕಾರಣ ರಡ್ಡನೆ ಹಂತದ ಲಾಕ್ಡೌನ್ ಪಾಡಿಯೆರ್ .

ಈ ನೆಲೆಟ್ಟ್ ಪರೀಕ್ಷೆನ್ ದುಂಬು ಕೊನೊದು ವಿಶ್ವವಿದ್ಯಾಲಯ ಆದೇಶ ಕೊರ್ತುಂಡು . ಇತ್ತೇ ಕುಡೋರ ತಾರೀಖ್ ನ್ ನಿಗದಿ ಮಲ್ತ್ ಮೈಸೂರು ವಿವಿ ಪ್ರಕಟಣೆ ಕೊರ್ತುಂಡು .

ಇನಿ ಕುಡ್ಲದ ಬೇತೆ ಬೇತೆ ಕಾಲೇಜ್ ಡ್ ಲಸಿಕಾ ಶಿಬಿರ

Jul 10, 2021

ಕುಡ್ಲ, ಜುಲೈ 10: ಕುಡ್ಲಡ್ ಜು.10ಕ್ಕ್ ಬೇತೆ ಬೇತೆ ಕಾಲೇಜ್ ಡ್ ನೋಂದಾವಣೆ ಮಲ್ತಿನ ಪದವಿ ಜೋಕುಲು /ಬೋಧಕ ಬೊಕ್ಕ ಬೊಧಕೇತರ ಸಿಬ್ಬಂದಿಲೆಗ್ ಕೋವಿಡ್ ಪ್ರತಿರೋಧ ಲಸಿಕಾ ಶಿಬಿರ ನಡಪರೇ ಉಂಡು .

ಫಲಾನುಭವಿಲು ಕಾಲೇಜ್ ದ ಗುರುತಿನ ಚೀಟಿ ಬೊಕ್ಕ ಆಧಾರ್ ಕಾರ್ಡ್ ಅತ್ತುಂಡ ಸರಕಾರ ನಿಗದಿ ಮಲ್ತಿನ ಬೇತೆ ಬೇತೆ ಗುರುತಿನ ಚೀಟಿದೊಟ್ಟುಗು ಬರೊಡು ಪಂದ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿಲೆನ ಪ್ರಕಟನೆಡ್ ತೆರಿಪಾದೆರ್ .

ಕುಡ್ಲದ ಶ್ರೀದೇವಿ ಕಾಲೇಜು ಕೆಂಜಾರ್, ಎಂ.ಆರ್. ಪೂಂಜಾ ಐಟಿಐ ತಪೋವನ ಎಸ್ಟೋಡಿ ಕೆಮ್ರಾಲ್. ಸಹ್ಯಾದ್ರಿ ಕಾಲೇಜು ಅಡ್ಯಾರ್, ಬದ್ರಿಯಾ ಕಾಲೇಜು ಬಂದರು, ಸಂತ ಆಯಗ್ನೆಸ್ ಕಾಲೇಜು ಬೆಂದೂರು, ಶ್ರೀನಿವಾಸ್ ಕಾಲೇಜು ಮುಕ್ಕ, ಸಂತ ಆಯನ್ಸ್ ಆಯನ್ಸ್ ಕಾಲೇಜು ಮಂಗಳೂರು, ಬಲ್ಮಠ ಮಹಿಳಾ ಕಾಲೇಜು, ಗೋವಿಂದದಾಸ್ ಕಾಲೇಜು ಸುರತ್ಕಲ್, ಎ.ಜೆ. ಡ್ ಲಸಿಕಾ ಶಿಬಿರ ನಡಪರೇ ಉಂಡು.

ಕುಡ್ಲಡ್ ನನ ರಡ್ಡ್ ದಿನ ರೆಡ್ ಅಲರ್ಟ್

Jul 10, 2021

ಕುಡ್ಲ, ಜುಲೈ 10: ದ.ಕ. ಜಿಲ್ಲೆಡ್ ಶುಕ್ರವಾರ ಬರ್ಸ ಕುಡ ಜೋರಾಯೀನೇರ್ದಾವರ . ಗುರುವಾರ ತಡರಾತ್ರಿರ್ದ್ ಕುಡ್ಲಡ್ ಬತ್ತಿನ ಬರ್ಸ ಶುಕ್ರವಾರ ಮಧ್ಯಾಹ್ನ ಮುಟ ಬರೊಂದೇ ಇತ್ತ್oಡ್.

ಕರಿನ ರಡ್ಡ್ ವಾರರ್ದ್ ಬರ್ಸ ಇಜ್ಜಂದೆ ಮೋಡ ಕವಿಯಿನ ವಾತಾವರಣದ ನಡುಟುಲಾ ಒಂಜಾತ್ ದೊಂಬುದ ಪೆಟ್ಟ್ ಗ್ ಕಂಗೆಟ್ಟಿನ ಜನಕ್ಲೆಗ್ ಶುಕ್ರವಾರದ ಬರ್ಸ ತಂಪುದ ಅನುಭವ ಕೊರ್ತುಂಡು .

ಉರ್ವ ಮಾರುಕಟ್ಟೆ ಬಗ್ಗೆ ಸಭೆ ನಡಪಾಯಿನ ಮೇಯರ್

Jul 10, 2021

ಕುಡ್ಲ, ಜುಲೈ 10: ಕುಡ್ಲ ಮಹಾನಗರಪಾಲಿಕೆ ವ್ಯಾಪ್ತಿದ ಉರ್ವ ಮಾರುಕಟ್ಟೆನ್ ಮುಡಾರ್ದ್ ಪಾಲಿಕೆಗ್ ಹಸ್ತಾಂತರ ಮಲ್ಪುನ ಬಗ್ಗೆ ಮೇಯರ್ ಪ್ರೇಮಾನಂದ ಶೆಟ್ಟಿ ಮೆರ್ನ ಗುರ್ಕಾರ್ಮೆ ಡ್ ನಡತಿನ ಪಾಲಿಕೆದ ಸಮಿತಿ ಸಭಾಂಗಣಡ್ ಶುಕ್ರವಾರ ಸಭೆ ನಡತುಂಡು .

ಮುಡಾ ಕಚೇರಿರ್ದ್ ಇತ್ತೇ ಉರ್ವ ಮಾರುಕಟ್ಟೆದ ಮಿತ್ತ್ ದ ಮಹಡಿಡ್ ಉಪ್ಪುನ ಕೆಲವು ಅಂಗಡಿಲೆಗ್ ಸಂಬಂಧಿ ಹರಾಜು ಪ್ರಕ್ರಿಯೆ ಸುರು ಮಲ್ದೆರ್ . ಈ ದುಂಬು ಪರ ಮಾರುಕಟ್ಟೆಡ್ ಬೇರ ಮಲ್ತೊಂದು ಇತ್ತಿನಕ್ಲೆನ್ ಪೊಸ ಮಾರುಕಟ್ಟೆಗ್ ಸ್ಥಳಾಂತರ ಮಲ್ಪರೆ ಬೊಕ್ಕ ಸರಕಾರದ ನಿಯಮಾವಳಿದ ಪ್ರಕಾರ ಹರಾಜು ಹಾಮಲ್ಪುನ ಸಲುವಾದ್ ವ್ಯಾಪಾರಿಲೆನ ಸಭೆ ಲಿಪ್ಪರೆ ನಿರ್ಣಯ ಮಲ್ತೆರ್ .

ಸಭೆಟ್ ಮುಡಾ ಗುರ್ಕಾರ್ಲಾಯಿನ ರವಿಶಂಕರ್ ಮಿಜಾರು, ಪಾಲಿಕೆದ ಆಯುಕ್ತ ಅಕ್ಷಯ್ ಶ್ರೀಧರ್, ಪಾಲಿಕೆದ ಸದಸ್ಯೆರಾಯಿನ ಸಂಧ್ಯಾ ಮೋಹನ್ ಆಚಾರ್ಯ, ರಾಧಾಕೃಷ್ಣ ಪಾಲ್ ಪಡೆದಿತ್ತೆರ್.

ಪಿಲಿಕುಳದ ಅಭಿವೃದ್ಧಿಗ್ ಅಗತ್ಯ ಕ್ರಮ : ಸಚಿವ ಲಿಂಬಾವಳಿ

Jul 10, 2021

ಕುಡ್ಲ, ಜುಲೈ 10: ಪಿಲಿಕುಳ ನಿಸರ್ಗಧಾಮದ ಸುಧಾರಣೆಗ್ ಕೇಂದ್ರ ಸಚಿವೇರ್ ಬೊಕ್ಕ ರಾಜ್ಯದ ಅಧಿಕಾರಿನಕ್ಲೆನೊಟ್ಟಿಗೆ ಚರ್ಚೆ ಮಲ್ತ್ , ಅಗತ್ಯ ಉಪ್ಪುನ ಮಾತಾ ಕ್ರಮಕ್ಲೆನ್ ದೆತೊನೊಡು ಪಂದ್ ಅರಣ್ಯ ಬೊಕ್ಕ ಕನ್ನಡ ಬೊಕ್ಕ ಸಂಸ್ಕೃತಿ ಸಚಿವ ಅರವಿಂದ ಲಿಂಬಾವಳಿ ಪಂಡೆರ್ .

ಶುಕ್ರವಾರ ಮುಲ್ತ ಡಾ.ಶಿವರಾಮ ಕಾರಂತ ಪಿಲಿಕುಳ ನಿಸರ್ಗಧಾಮಗ್ ಭೇಟಿ ಕೊರ್ದು , ಪಿಲಿಕುಳದ ಮೃಗಾಯಲನ್ ತೂಯಿ ಬೊಕ್ಕ ಸುದ್ದಿಗಾರೆರ್ನೊಟ್ಟಿಗೆ ಪಾತೆರಿಯೆರ್.

ಈ ಪೊರ್ತುಡು ಶಾಸಕ ಉಮಾನಾಥ್ ಕೋಟ್ಯಾನ್, ಪಿಲಿಕುಳ ಅಭಿವೃದ್ಧಿ ಪ್ರಾಧಿಕಾರದ ಆಯುಕ್ತ ವೆಂಕಟೇಶ್ ಜಿ.ಎಸ್., ನಿರ್ದೇಶಕ ಜಯಪ್ರಕಾಶ್ ಭಂಡಾರಿ, ಪಿಲಿಕುಳ ಪ್ರಾದೇಶಿಕ ವಿಜ್ಞಾನ ಕೇಂದ್ರದ ನಿರ್ದೇಶಕ ಡಾ. ಕೆ.ವಿ.ರಾವ್, ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಪ್ರಕಾಶ್ ನಟಾಲ್ಕರ್‌, ಬಿಸಿಎಫ್ ಡಾ.ಕರಿಕಾಳನ್, ಎಸಿಎಫ್ ಸುಬ್ರಹ್ಮಣ್ಯ, ವಲಯ ಅರಣ್ಯಾಧಿಕಾರಿ ಶ್ರೀಧರ್ ಪಾಲ್ ಪಡೆದಿತ್ತೆರ್.

ವಿದೇಶ ಪ್ರಯಾಣ ಮಲ್ಪುನಕ್ಲೆಗ್ ಮಾತ್ರ ಎಲ್ಲೆ ಕೋವಿಡ್ ಲಸಿಕೆ

Jul 9, 2021

ಒಡಿಪು, ಜುಲೈ 9 : ಪೇಂಟೆದ ಸರಕಾರಿ ತಾಯಿ ಬೊಕ್ಕ ಮಕ್ಕಳ (ಬಿ.ಆರ್.ಎಸ್) ಆಸ್ಪತ್ರೆಡ್ ಶನಿವಾರ ಜು.10 ತಾರೀಖ್ ಗ್ ಜು.15ತ್ತ ಉಲಯಿ ವಿದೇಶ ಪ್ರಯಾಣ ಮಲ್ಪುನಕ್ಲೆಗ್ ಕೋವಿಶೀಲ್ಡ್ ಸುರುತ ಡೋಸ್ ಲಸಿಕೆ ಪಡೆದ್ 28 ದಿನ ಆಯಿನಕ್ಲೆಗ್ ಮಾತ್ರ 2ನೇ ಡೋಸ್ ಕೋವಿಶೀಲ್ಡ್ (50ಡೋಸ್) ಲಸಿಕೆ ಲಭ್ಯ ಉಂಡು ಪಂದ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ.ನಾಗಭೂಷಣ ಉಡುಪ ಪಂಡೆರ್ .

ತಮಿಳುನಾಡು ಬಿಜೆಪಿ ಗುರ್ಕಾರ್ಲಾದ್ ನೇಮಕ ಆಯಿನ ಕೆ. ಅಣ್ಣಾಮಲೈ

Jul 9, 2021

ಚೆನ್ನೈ, ಜುಲೈ 9 : ಒಡಿಪು , ಚಿಕ್ಕಮಗಳೂರು ಸೇರಿನಂಚ ಕರ್ನಾಟಕದ ಕೆಲವು ಕಡೆಟ್ ಬೇಲೆ ಮಲ್ತಿನ ಮಾಜಿ ಐಪಿಎಸ್ ಅಧಿಕಾರಿ ಕೆ. ಅಣ್ಣಾಮಲೈ ಮೆರೆನ್ ಗುರುವಾರ ತಮಿಳುನಾಡು ಬಿಜೆಪಿ ಘಟಕದ ಗುರ್ಕಾರ್ಲಾದ್ ನೇಮಕ ಮಲ್ದೆರ್ .

ಬಿಜೆಪಿ ರಾಷ್ಟ್ರಾಧ್ಯಕ್ಷ ಜೆ.ಪಿ.ನಡ್ಡಾ ಮೇರ್ ಕೆ.ಅಣ್ಣಾ ಮಲೈ ಮೆರೆನ್ ತಮಿಳುನಾಡು ಬಿಜೆಪಿ ರಾಜ್ಯ ಘಟಕದ ಗುರ್ಕಾರ್ಲಾದ್ ನೇಮಕ ಮಲ್ದೆರ್ ಪಂದ್ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಅರುಣ್ ಸಿಂಗ್ ಹೇಳಿಕೆಡ್ ಪಂಡೆರ್ .

ಪಕ್ಷದ ಮಾಜಿ ರಾಜ್ಯಾಧ್ಯಕ್ಷ ಎಲ್.ಮುರುಗನ್ ಬುಧವಾರ ಕೇಂದ್ರ ಸಚಿವೆರಾದ್ ಪ್ರಮಾಣವಚನ ಸ್ವೀಕಾರ ಮಲ್ತಿನ ಮರುದಿನ ಈ ಆಯ್ಕೆ ನಡತುಂಡು .

ಅಣ್ಣಾಮಲೈ ತಮ್ಮ ವೃತ್ತಿಗ್ ರಾಜೀನಾಮೆ ಕೊರಿ ಬೊಕ್ಕ 2020ನೆ ಆಗಸ್ಟ್ ಡ್ ಭಾರತೀಯ ಜನತಾ ಪಕ್ಷಗ್ ಸೇರ್ಪಡೆ ಆಯೆರ್ .

ಜುಲೈ 10 ತಾರೀಖ್ ರ್ದ್ 30 ತಾರೀಖ್ ಮುಟ ಸ್ಪೈಸ್ ಜೆಟ್ ರ್ದ್ 42 ಪೊಸ ವಿಮಾನ ಸುರು

Jul 9, 2021

ಹೊಸದಿಲ್ಲಿ,ಜುಲೈ 9 : ಸ್ಪೈಸ್ ಜೆಟ್ ಜು.10 ರ್ದ್ 30 ತಾರೀಖ್ ಮುಟ 42 ಪೊಸ ದೇಶಿಯ ಬೊಕ ಅಂತರರಾಷ್ಟ್ರೀಯ ವಿಮಾನಯಾನನ್ ಸುರು ಮಲ್ದೆರ್ ಪಂದ್ ಅಧಿಕೃತ ಹೇಳಿಕೆ ಗುರುವಾರ ಕೊರ್ಯೆರ್ . ಸೂರತ್-ಜಬಲಪುರ ಬೊಕ್ಕ ಸೂರತ್-ಪುಣೆ ಮಾರ್ಗಡ್ ಯಾನ ಸುರು ಮಲ್ಪುವ ಪಂದ್ ಕಂಪನಿ ತೆರಿಪಾದುಂಡು .

‌ಸೂರತ್-ಜೈಪುರ, ಹೈದರಾಬಾದ್-ಬೆಂಗ್ಳೂರು, ಗ್ವಾಲಿಯರ್-ಅಹ್ಮದಾಬಾದ್ ಬೊಕ್ಕ ಮುಂಬೈ-ಪುಣೆ ನಡುಟುಲಾ ಯಾನನ್ ಕಂಪನಿ ಸುರು ಮಲ್ದುಂಡು.

ಡಿ. ವಿ ಸದಾನಂದ ಗೌಡ ಸೇರಿನoಚ ರಾಜೀನಾಮೆ ಕೊರಿನ ಕೇಂದ್ರ ಸಚಿವೆರ್

Jul 8, 2021

ನವದೆಹಲಿ, ಜುಲೈ 8: – ಪ್ರಧಾನಿ ನರೇಂದ್ರ ಮೋದಿ ಮೆರ್ನ ಸಂಪುಟ ಪುನಾರ್ರಚನೆಯಾಪಿನ ನೆಲೆಟ್ಟ್ ಕಾರ್ಮಿಕ ಸಚಿವೆರಾಯಿನ ಸಂತೋಷ್ ಗಂಗ್ವಾರ್, ಶಿಕ್ಷಣ ಸಚಿವ ರಮೇಶ್ ಪೊಕ್ರಿಯಾಲ್ ಬೊಕ್ಕ ಮಹಿಳಾ ಬೊಕ್ಕ ಜೋಕ್ಲೆನ ಅಭಿವೃದ್ಧಿ ಸಚಿವೆ ದಿಬೇಶ್ರೀ ಚೌದರಿ ಸೇರಿನಂಚ ಕೆಲವೆರ್ ತಮ್ಮ ಸ್ಥಾನಗ್ ರಾಜೀನಾಮೆ ಕೊರ್ತೆರ್ . ರಾಸಾಯನಿಕ ಬೊಕ್ಕ ರಸಗೊಬ್ಬರ ಸಚಿವೆರಾಯಿನ ಡಿವಿ ಸದಾನಂದ ಗೌಡ ಲಾ ತಮ್ಮ ಸ್ಥಾನಗ್ ರಾಜೀನಾಮೆ ಕೊರ್ತೆರ್ .

ಸಾಮಾಜಿಕ ನ್ಯಾಯ ಬೊಕ್ಕ ಸಬಲೀಕರಣ ಸಚಿವೆರಾಯಿನ ಥಾವರ್ ಚಂದ್ ಗೆಹ್ಲೋಟ್‍ರೆನ್ ಕೋಡೆ ಕರ್ನಾಟಕದ ರಾಜ್ಯಪಾಲರಾದ್ ನೇಮಕ ಮಲ್ಪರೆ ಆದೇಶ ಕೊರ್ದಿತ್ತೆರ್ .

ದುಂಬುದ ಸೆಮಿಸ್ಟರ್ ಪರೀಕ್ಷೆ ನಡಪಾವಂದಿಲಕ ಒತ್ತಾಯ

Jul 8, 2021

ಕುಡ್ಲ ,ಜುಲೈ 8: : ದುಂಬುದ ಸೆಮಿಸ್ಟರ್ ಪರೀಕ್ಷೆ ರದ್ದುಗೊಳಿಸಸಾವೊಡು ಪನ್ಪಿನ ಜೋಕ್ಲೆನ ಬೇಡಿಕೆದ ಮಿತ್ತ್ ಅಟ್ಟನೆ ಮಲ್ತಿನ ಸಹಿ ಸಂಗ್ರಹ ಅಭಿಯಾನಡ್ 1 ಲಕ್ಷರ್ದ್ ಜಾಸ್ತಿ ಜನ ಪಾಲ್ ಪಡೆತೆರ್ ಪಂದ್ ಆಲ್ ಇಂಡಿಯಾ ಡೆಮಾಕ್ರಟಿಕ್ ಸ್ಟೂಡೆಂಟ್ಸ್ ಆರ್ಗನೈಸೇಶನ್ (ಎಐಡಿಎಸ್‌ಒ) ಪ್ರಕಟನೆಡ್ ತೆರಿಪಾದುಂಡು.

ಕರಿನ ಮೂಜಿ ವಾರರ್ದ್ ರಾಜ್ಯದ ಪದವಿ, ಸ್ನಾತಕೋತ್ತರ ಪದವಿ, ಇಂಜಿನಿಯರಿಂಗ್ ಬೊಕ್ಕ ಡಿಪ್ಲೊಮ ಜೋಕುಲು ದುಂಬುದ ಸೆಮಿಸ್ಟರ್ ಪರೀಕ್ಷೆ ರದ್ದು ಮಲ್ಪೊಡು ಪಂದ್ ಸರಕಾರಗ್ ಅಗ್ರಹ ಮಲ್ತೊಂದು ಉಲ್ಲೆರ್.. ಆನ್‌ಲೈನ್ ಚಳವಳಿ, ಪ್ರಾತಿನಿಧಿಕವಾದ್ ಕಾಲೇಜು, ವಿವಿ ದ ದುಂಬು ಚಳವಳಿ, ಪ್ರಾಂಶುಪಾಲೆರೆಗ್ , ವಿವಿ ಕುಲಪತಿಲೆಗ್ ಪತ್ರ ಸಲ್ಲಿಕೆ, ಜನಪ್ರತಿನಿಧಿಲೆಗ್ ಮನವಿ ಸಲ್ಲಿಕೆ, ರಾಜ್ಯವ್ಯಾಪಿ ಆನ್‌ಲೈನ್ ತರಗತಿ ಬಹಿಷ್ಕಾರ ನಡಪಾಂಡಲ ಸರಕಾರರ್ದ್ ಒವ್ವೆ ಪ್ರತಿಕ್ರಿಯೆ ಇಜ್ಜಂದಿನ ಕಾರಣ ಸಹಿ ಸಂಗ್ರಹ ಅಭಿಯಾನನ್ ಎಐಡಿಎಸ್‌ಒ ವತಿರ್ದ್ ಅಟ್ಟನೆ ಮಲ್ತೆರ್ .

M	T	W	T	F	S	S
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31

ಒಡಿಪು

ಕೆ- ಸೆಟ್ ಪರೀಕ್ಷೆದ ತಾರೀಖ್ ಬದಲಿ

ಇನಿ ಕುಡ್ಲದ ಬೇತೆ ಬೇತೆ ಕಾಲೇಜ್ ಡ್ ಲಸಿಕಾ ಶಿಬಿರ

ಕುಡ್ಲಡ್ ನನ ರಡ್ಡ್ ದಿನ ರೆಡ್ ಅಲರ್ಟ್

ಉರ್ವ ಮಾರುಕಟ್ಟೆ ಬಗ್ಗೆ ಸಭೆ ನಡಪಾಯಿನ ಮೇಯರ್

ಪಿಲಿಕುಳದ ಅಭಿವೃದ್ಧಿಗ್ ಅಗತ್ಯ ಕ್ರಮ : ಸಚಿವ ಲಿಂಬಾವಳಿ

ವಿದೇಶ ಪ್ರಯಾಣ ಮಲ್ಪುನಕ್ಲೆಗ್ ಮಾತ್ರ ಎಲ್ಲೆ ಕೋವಿಡ್ ಲಸಿಕೆ

ತಮಿಳುನಾಡು ಬಿಜೆಪಿ ಗುರ್ಕಾರ್ಲಾದ್ ನೇಮಕ ಆಯಿನ ಕೆ. ಅಣ್ಣಾಮಲೈ

ಜುಲೈ 10 ತಾರೀಖ್ ರ್ದ್ 30 ತಾರೀಖ್ ಮುಟ ಸ್ಪೈಸ್ ಜೆಟ್ ರ್ದ್ 42 ಪೊಸ ವಿಮಾನ ಸುರು

ಡಿ. ವಿ ಸದಾನಂದ ಗೌಡ ಸೇರಿನoಚ ರಾಜೀನಾಮೆ ಕೊರಿನ ಕೇಂದ್ರ ಸಚಿವೆರ್

ದುಂಬುದ ಸೆಮಿಸ್ಟರ್ ಪರೀಕ್ಷೆ ನಡಪಾವಂದಿಲಕ ಒತ್ತಾಯ

You Missed

ಆ.02: ಹಳೆಯಂಗಡಿ ಬಿಲ್ಲವ ಸಂಘ, ಯುವವಾಹಿನಿ ಒಟ್ಟುಸೇರಿಗೆಡ್ “ಆಟಿದ ಗೇನ’ ಲೇಸ್

ಕೆಳೆಂಜಿರ್ದ್ ದಿಂಜಿದ್ ಪೊತ್ಂಡ್ ನೀರುಡೆ: ಕೋರಿ ಫಾರಂದ ಮಿತ್ತ್ ಬೆಚ್ಚ ಆಯಿನ ಗ್ರಾಮಸ್ಥೆರ್

ವಿಟ್ಲ ಸ್ವಸ್ತಿಕ್ ಫ್ರೆಂಡ್ಸ್ ಮೊಕ್ಲೆರ್ದ್ ಆಟಿಡೊಂಜಿ ಕೂಟ ಲೇಸ್

ಡಿ ಗ್ರೂಪು ಕೆಲಸಡ್ ಇಪ್ಪುನ ಪೊಂಜೋವುನ ಮಿತ್ತ್ ಲೈಂಗಿಕ ಕಿರುಕುಳ: ಎಪಿಎಂಸಿ ಜಂಟಿ ನಿರ್ದೇಶಕೆರ್ ಸಿ.ಎಚ್ ಮೋಹನ್ ಮಿತ್ತ್ ಕೇಸ್