ಕಳಸ : ವಿಧಾನ ಪರಿಷತ್ ಗ್ ರಡ್ಡನೇ ಅವಧಿಗ್ ಉಪ ಸಭಾಪತಿಯಾದ್ ಆಯ್ಕೆ ಆಯಿನ ವಿಧಾನ ಪರಿಷತ್ ಸದಸ್ಯೆರ್ ಎಂ.ಕೆ. ಪ್ರಾಣೇಶ್ ಗ್ ಕಳಸ ತಾಲೂಕ್ ದ ಬಿಲ್ಲವ ಸಮಾಜ ಸೇವಾ ಸಂಘದ ಪರವಾದ್ ಗೌರವ ಸಲ್ಲಿಕೆ ಮಲ್ತೆರ್.
ಈ ಪೊರ್ತುಡು ಸಂಘದ ಅಧ್ಯಕ್ಷೆರ್ ಮಂಜಪ್ಪ ಪೂಜಾರಿ, ಗೌರವಾಧ್ಯಕ್ಷೆರ್ ಎಂ.ಎ. ಶೇಷಗಿರಿ, ಚಂದ್ರಶೇಖರ್, ರಾಮಚಂದ್ರ, ರವಿ ಸುವರ್ಣ, ಬೊಕ್ಕ ಸಮಾಜದ ಮುಖಂಡೆರ್ ಇತ್ತೆರ್.
ಡೆಲ್ಲಿ: ಸಂಸತ್ತ್ ದ ಬಜೆಟ್ ಅಧಿವೇಶನ ಜ.31 ರ್ದ್ ಸುರು ಆದ್ ಏ. 6 ಕ್ ಮುಗಿಪುನ ಸಾಧ್ಯತೆ ಉಂಡು ಪಂದ್ ತೆರಿದ್ ಬೈದ್ಂಡ್.
ಸಂಸತ್ತ್ ದ ಸೆಂಟ್ರಲ್ ಹಾಲ್ಡ್ ಲೋಕಸಭೆ ಬೊಕ್ಕ ರಾಜ್ಯಸಭೆತ ಒಟ್ಟು ಸೇರಿಗೆಡ್ ನಡಪರೆ ಇಪ್ಪುನ ಅಧಿವೇಶನಡ್ ರಾಷ್ಟ್ರಪತಿ ದ್ರೌಪದಿ ಮುರ್ಮು ಮೇರ್ ಭಾಷಣ ಮಲ್ಪುನೆರ್ದ್ ಅಧಿವೇಶನ ಸುರು ಆಪುಂಡು. ಕರಿನ ವರ್ಷ ಆಗಸ್ಟ್ಡ್ ಅಧ್ಯಕ್ಷೆರ್ ಮುರ್ಮು ಮೇರ್ ರಾಷ್ಟ್ರಪತಿ ಆಯಿನ ಬೊಕ್ಕ ಸಂಸತ್ತ್ ದ ರಡ್ಡ್ ಸದನಡ್ಲಾ ಮಲ್ಪುನ ಸುರುತ ಭಾಷಣ ಉಂದು ಆಪುಂಡು. ಬಜೆಟ್ ಅಧಿವೇಶನದ ಸುರುತ ದಿನನೇ ರಡ್ಡ್ ಸದನಡ್ ಆರ್ಥಿಕ ಸಮೀಕ್ಷೆನ್ ಮಂಡನೆ ಮಲ್ಪುವೆರ್ ಪಂದ್ ತೆರಿದ್ ಬೈದ್ಂಡ್. ಪನವುದ ಸಚಿವೆರ್ ನಿರ್ಮಲಾ ಸೀತಾರಾಮನ್ ಮೇರ್ ಫೆ. 1 ಕ್ ಬಜೆಟ್ ಮಂಡನೆ ಮಲ್ಪುನ ಸಾಧ್ಯತೆ ಉಂಡು ಬೊಕ್ಕ ಅಧಿವೇಶನದ ಸುರುತ ಭಾಗ ಫೆ.10 ಮುಟ್ಟ ನಡಪುಂಡು. ರಡ್ಡನೇ ಭಾಗ ಮಾರ್ಚ್ 6 ಕ್ ಸುರು ಆದ್ ಏ.6 ಕ್ ಚರ್ಚೆಗ್ ಬರ್ಪುನ ಸಾಧ್ಯತೆ ಉಂಡು. ಕರಿನ ಅಧಿವೇಶನಡ್, 9 ಮಸೂದೆನ್ ಲೋಕಸಭೆಟ್ ಮಂಡನೆ ಮಲ್ದೆರ್. 7 ಮಸೂದೆನ್ ರಾಜ್ಯಸಭೆಟ್ ಮಂಡನೆ ಮಲ್ದೆರ್.
ಬೊಲ್ತೇರ್:ಶ್ರೀ ಗುರು ನಾರಾಯಣ ಸ್ವಾಮಿ ಸೇವಾ ಸಂಘದ ಮುತಾಲಿಕೆಡ್, ಯುವ ಬಿಲ್ಲವ ವೇದಿಕೆ, ಮಹಿಳಾ ಬಿಲ್ಲವ ವೇದಿಕೆ, ಯುವವಾಹಿನಿ ಬೊಲ್ತೇರ್ ಬೊಕ್ಕ ವೇಣೂರ್ ಘಟಕದ ಒಟ್ಟುಸೇರಿಗೆಡ್ ಜ.22 ಕ್ ಬೊಲ್ತೇರ್ ಡ್ ನಡಪರೆ ಇಪ್ಪುನ ಬಿಲ್ಲವ ಜನಪದ ಸಮ್ಮೇಳನ-2023 “ಜೀಟಿಗೆ” ಸತ್ಯೊದ ತುಡರ್ ಲೇಸ್ ದ ಲೆಪ್ಪೋಲೆ ಬುಡುಗಡೆನ್ ಜ.4 ಕ್ ಸಂಘದ ಸಭಾಭವನಡ್ ಶ್ರೀ ಗುರುದೇವ ವಿವಿದೋದ್ದೇಶ ಸಹಕಾರಿ ಸಂಘದ ಅಧ್ಯಕ್ಷೆರ್ ಎನ್. ಪದ್ಮನಾಭ ಮಾಣಿಂಜ ಮಲ್ತೆರ್.
ಈ ಪೊರ್ತುಡು ಸಂಘದ ಗೌರವಾಧ್ಯಕ್ಷೆರ್ ಕೆ.ವಸಂತ ಬಂಗೇರ, ಶ್ರೀ ಗುರುನಾರಾಯಣ ಸ್ವಾಮಿ ಸೇವಾ ಸಂಘದ ಅಧ್ಯಕ್ಷೆರ್, ಸಂಪತ್ ಬಿ. ಸುವರ್ಣ, ಶ್ರೀ ಕ್ಷೇತ್ರ ಗೆಜ್ಜೆಗಿರಿ ಕ್ಷೇತ್ರಾಡಳಿತ ಸಮಿತಿದ ಅಧ್ಯಕ್ಷೆರ್ ಪಿತಾಂಬರ ಹೆರಾಜೆ, ಸಂಘದ ಮಾಜಿ ಅಧ್ಯಕ್ಷೆರಾಯಿನ ಪಿ.ಕೆ. ರಾಜು ಪೂಜಾರಿ, ಯೋಗೀಶ್ ಕುಮಾರ್, ಜಯರಾಮ ಬಂಗೇರ ಹೆರಾಜೆ, ಉಪಾಧ್ಯಕ್ಷೆರ್ ಶೇಖರ ಬಂಗೇರ, ಕಾರ್ಯದರ್ಶಿ ಜಯವಿಕ್ರಂ ಕಲ್ಲಾಪು, ಜತೆ ಕಾರ್ಯದರ್ಶಿ ರಾಜೀವ್ ಸಾಲಿಯಾನ್, ಮಹಿಳಾ ಬಿಲ್ಲವ ವೇದಿಕೆದ ಮಾಜಿ ಅಧ್ಯಕ್ಷೆರ್ ರಾಜಶ್ರೀ ರಮಣ್, ಕಾರ್ಯದರ್ಶಿ ಶಾಂಭವಿ ಬಂಗೇರ ಬೊಕ್ಕ ಸಮಾಜ ಬಾಂಧವೆರ್ ಇತ್ತೆರ್.
ಚೆನ್ನೈ: ತೂಕ ಕಮ್ಮಿ ಮಲ್ಪುನ ಮಾತ್ರೆ ದೆತೊಂದು ಜವನೆ ಒರಿ ತೀರ್ ಪೋಯಿನ ಘಟನೆ ತಮಿಳುನಾಡ್ ದ ಚೆನ್ನೈಡ್ ನಡತ್ಂಡ್.
ಈ ಘಟನೆಡ್ ಪಿ.ಸೂರ್ಯ (21) ತೀರ್ ಪೋತೆರ್.
ಮೇರ್ ಪೇರ್ ದ ಸಂಸ್ಥೆಡ್ ವಿತರಕನಾದ್ ಬೇಲೆ ಮಲ್ತೊಂದು ಇತ್ತೆರ್ ಪಂದ್ ತೆರಿದ್ ಬೈದ್ಂಡ್.
ಮೇರ್ ಡಿ.22 ರ್ದ್ ದೋಸ್ತಿಲೆನ ಸಲಹೆದಂಚನೆ ಮಾತ್ರೆ ದೆತೊನರೆ ಸುರು ಮಲ್ತೆರ್. ಆಂಡ ಜ. 1 ಕ್ ಇಲ್ಲಡ್ ಪ್ರಜ್ಞೆ ತತ್ತ್ ದ್ ಬೂರ್ನ ಮೆರೆನ್ ಸರ್ಕಾರಿ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ಬೊಕ್ಕ ಚೆನ್ನೈದ ರಾಜೀವ್ ಗಾಂಧಿ ಸರ್ಕಾರಿ ಆಸ್ಪತ್ರೆಗ್ ದಾಖಲ್ ಮಲ್ತೆರ್. ಅಲ್ಪ ಚಿಕಿತ್ಸೆ ಫಲಕಾರಿ ಆವಂದೆ ಬುಧಾರ ತೀರ್ ಪೋತೆರ್. ಈ ಬಗೆಟ್ ಮೆರೆನ ಪೊಪ್ಪ ಪೊಲೀಸೆರೆಗ್ ದೂರು ಕೊರ್ತೆರ್. ಪೊಲೀಸೆರ್ ಕೇಸ್ ದಾಖಲ್ ಮಲ್ತ್ ದ್ ತನಿಖೆ ಮಲ್ತೊಂದು ಉಲ್ಲೆರ್. ಎಚ್ಚದ ಮಾಹಿತಿಗ್ ಮರಣೋತ್ತರ ಪರೀಕ್ಷೆದ ವರದಿನ್ ಕಾತೊಂದು ಉಲ್ಲೆರ್.
ಕುಡ್ಲ: ಬಿಜೆಪಿ ಯುವ ಮುಖಂಡೆರ್, ಬೆಳ್ಳಾರೆ ನಿವಾಸಿ ಪ್ರವೀಣ್ ನೆಟ್ಟಾರ್ (31) ಮೆರೆನ್ ಕೆರ್ತಿನ ಕೇಸ್ ಡ್ ದೆಂಗ್ ದ್ ಕುಲ್ಲುದಿನ ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ ಸಂಘಟನೆದ ನಾಲ್ ಜನ ಕಾರ್ಯಕರ್ತೆರೆನ್ ನಾಡಿಯೆರೆ ಸಕಾಯ ಮಲ್ತಿನಕ್ಲೆಗ್ ರಾಷ್ಟ್ರೀಯ ತನಿಖಾ ಏಜೆನ್ಸಿ (ಎನ್ಐಎ) ಪನವುದ ಇನಾಮು ಘೋಷಣೆ ಮಲ್ದ್ಂಡ್.
ಸುಳ್ಯ ಬುದು ಹೌಸ್ದ ಎಸ್. ಮುಹಮ್ಮದ್ ಮುಸ್ತಫ ಯಾನೆ ಮುಸ್ತಫ ಪೈಚಾರ್ ಬೊಕ್ಕ ಮಡಿಕೇರಿದ ಎಂ.ಎಚ್. ತೌಫಲ್ ಬಗೆಟ್ ಮಾಹಿತಿ ಕೊರ್ನನಕ್ಲೆಗ್ ತಲಾ 5 ಲಕ್ಷ ರೂ. ಕೊರ್ಪುಂಡು. ದಕ್ಷಿಣ ಕನ್ನಡದ ಕಲ್ಲುಮುಟ್ಟಲು ವೀಟಿಲ್ ಎಂ.ಆರ್. ಉಮ್ಮರ್ ಫಾರೂಕ್ ಯಾನೆ ಉಮ್ಮರ್, ಸಿದ್ದಿಕ್ ಯಾನೆ ಪೈಂಟರ್ ಸಿದ್ದಿಕ್ ಯಾನೆ ಗುಜರಿ ಸಿದ್ದಿಕ್ ಬಗೆಟ್ ಮಾಹಿತಿ ಕೊರ್ನನಕ್ಲೆಗ್ ತಲಾ 2 ಲಕ್ಷ ರೂ. ಇನಾಮು ಕೊರ್ಪ ಪಂದ್ ನೊಟೀಸ್ಡ್ ಎನ್ ಐಎ ತೆರಿಪಾದ್ಂಡ್. ಆರೋಪಿಲು ಕೇರಳಡ್ ದೆಂಗ್ ದ್ ಕುಲ್ಲುದೆರ್ ಪನ್ಪುನ ಸಂಶಯದ ಬಗೆಟ್ ನೊಟೀಸ್ ನ್ ಕಲ್ಲಿಕೋಟೆ ಜಿಲ್ಲೆದ ಬೇತೆ ಬೇತೆ ಪ್ರದೇಶಡ್ ಅಂಟಾದೆರ್.
ಪಡ್ಡೆದ್ರ: ಮುಲ್ಪದ ಶ್ರೀ ಖಡ್ಗೇಶ್ವರೀ ಬ್ರಹ್ಮಸ್ಥಾನಡ್ ರಡ್ಡ್ ವರ್ಷಗೊರ ನಡಪುನ ಢಕ್ಕೆಬಲಿ ಸೇವೆ ಜ. 19ರ್ದ್ ಸುರು ಆಪುಂಡು.
ಮಾರ್ಚ್ 11ಕ್ ಮಂಡಲ ವಿಸರ್ಜನೆದೊಟ್ಟಿಗೆ ಢಕ್ಕೆ ಬಲಿ ಸೇವೆ ಸಂಪನ್ನ ಆಪುಂಡು. ಈ ಸರ್ತಿ 36 ಢಕ್ಕೆಬಲಿ ಸೇವೆ ಉಂಡು. ಎಚ್ಚದ ಮಾಹಿತಿಗ್ ಸೇವಾದಾರೆರ್ ಬ್ರಹ್ಮಸ್ಥಾನದ ಕಚೇರಿನ್ ಇಜ್ಜಿಂಡ ಶ್ರೀ ಖಡ್ಗೇಶ್ವರೀ ವನದುರ್ಗಾ ಟ್ರಸ್ಟ್ದ ಕಾರ್ಯದರ್ಶಿ ವೈ.ಎನ್. ರಾಮಚಂದ್ರ ರಾವ್ ಮೆರೆನ್ ಸಂಪರ್ಕ ಮಲ್ಪೊಡು ಪಂದ್ ಬಿನ್ನಾಪು ಮಲ್ದೆರ್.
ಬೆಳಗಾವಿ: ಯಲ್ಮಮ್ಮ ದೇವಿನ ದರ್ಶನಗ್ ಪೋವೊಂದು ಇತ್ತಿನ ಗಾಡಿ ಗೋಳಿದ ಮರಕ್ ಗುದ್ದುದು ಆಜಿ ಜನ ತೀರ್ ಪೋಯಿನ ಘಟನೆ ಬೆಳಗಾವಿ ಜಿಲ್ಲೆದ ರಾಮದುರ್ಗ ತಾಲೂಕುದ ಚುಂಚನೂರುಡ್ ನಡತ್ಂಡ್.
ಈ ಘಟನೆಡ್ ಹುಲಕುಂದ ಗ್ರಾಮದ ನಿವಾಸಿಲಾಯಿನ ಹನುಮವ್ವ, ದೀಪಾ, ಸವಿತಾ, ಸುಪ್ರೀತಾ, ಮಾರುತಿ ಬೊಕ್ಕ ಇಂದ್ರವ್ವ ತೀರ್ ಪೋತೆರ್. ಈ ಬಗೆಟ್ ರಾಮದುರ್ಗ ತಾಲೂಕ್ ದ ಕಟಕೋಳ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.
ಡೆಲ್ಲಿದ GAIL ಇಂಡಿಯಾಡ್ ಖಾಲಿ ಇಪ್ಪುನ 277 ಬೇಲೆಲೆಗ್ ಆನ್ ಲೈನ್ ಮುಖೇನ ಅರ್ಜಿ ಪಾಡೊಲಿ.
ಶಾರ್ಟ್ ಲಿಸ್ಟಿಂಗ್, ಸ್ಕ್ರೀನಿಂಗ್, ಗ್ರೂಪ್ ಡಿಸ್ಕಷನ್ ಬೊಕ್ಕ ಸಂದರ್ಶನದ ಮುಖೇನ ಆಯ್ಕೆ ಮಲ್ಪುವೆರ್. ಫೆ.2 ಅರ್ಜಿ ಪಾಡಾರೆ ಅಕೇರಿದ ದಿನ. ನೆತ್ತ ವೆಬ್ ಸೈಟ್ ಇಂಚ: https://gailonline.com
ಬಿಜೆಪಿ ರಾಷ್ಟ್ರಾಧ್ಯಕ್ಷೆರ್ ಜೆ.ಪಿ ನಡ್ಡಾ ಇನಿ ರಾಜ್ಯ ಪ್ರವಾಸ ಮಲ್ಪರೆ ಉಲ್ಲೆರ್.
ಮಧ್ಯಾಹ್ನ 12 ಗಂಟೆಗ್ ತುಮಕೂರು, ಮಧುಗಿರಿ ಶಕ್ತಿ ಕೇಂದ್ರದ ಪ್ರಮುಖೆರೆನ ಸಭೆ ನಡಪಾದ್, ಸಿದ್ಧಗಂಗಾ ಮಠಟ್ ಶಿವಕುಮಾರ ಸ್ವಾಮೀಜಿನ ಗದ್ದುಗೆಗ್ ಕೈ ಮುಗಿದ್ ಬೊಕ್ಕ 3:15 ಕ್ ಚಿತ್ರದುರ್ಗಗ್ ಪೋದು ಮದಕರಿ ನಾಯಕೆ, ಒನಕೆ ಓಬವ್ವ, ಬಿ. ಆರ್ ಅಂಬೇಡ್ಕರ್ ನ ಮೂರ್ತಿಲೆಗ್ ಮಾಲೆ ಪಾಡುವೆರ್, ಎಲ್ಲೆ ದಾವಣಗೆರೆತ ಸುಮಾರ್ ಲೇಸ್ ಡ್ ಪಾಲ್ ಪಡೆಯೆರೆ ಉಲ್ಲೆರ್.
BJP national president J P Nadda to visit the state today
BJP national president J P Nadda will tour the state from today.
He will arrive at Tumkur this noon and address a meeting with Madhugiri Shakthi Kendra officials.He will pay his respects to Shivakumar Swamiji at Siddaganga mutt and to to the status of Madakara Nayaka and Onakay Obbavva and B R Ambedkar at Davangere.He is to participate in many programs at Davangere tomorrow.
ಕುಡ್ಲ: ಚಿಲಿಂಬಿಗುಡ್ಡೆ ಶ್ರೀ ರಾಮಾಂಜನೇಯ ಯುವಕ ಮಂಡಲದ 36 ನೇ ವಾರ್ಷಿಕ ಉಚ್ಚಯದ ಲೆಕ್ಕೊಡು ಪುಣ್ಯಾಹ ಪಂಚಗವ್ಯ, ಕಲಶ, ಗಣಹೋಮ ಬೊಕ್ಕ ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ ಜ.6. ಶುಕ್ರಾರ ಕೋಡಿಕಲ್ ವೇದಮೂರ್ತಿ ವಿಶ್ವಕುಮಾರ್ ಜೋಯಿಸೆರೆನ ಮುತಾಲಿಕೆಡ್ ನಡಪರೆ ಉಂಡು.
ಈ ಲೇಸ್ ಡ್ ಕುಡ್ಲ ಹೈಲ್ಯಾಂಡ್ ದ ಪುಗರ್ತೆದ ಉದ್ಯಮಿ ಸುಧಾಕರ್ ಶೆಟ್ಟಿ ಬೊಕ್ಕ ಪ್ರಶಾಂತ್ ಬಿಲ್ಡರ್ಸ್ & ಡೆವಲಪರ್ಸ್ ದ ಪ್ರವೀಣ್ ನಾಯಕ್ ತುಡರ್ ಅರ್ಲಾವೆರ್. ಬಯ್ಯಗ್ ಸಭಾ ಲೇಸ್ ನಡಪುಂಡು. ನೆತ್ತ ಗುರ್ಕಾರ್ಮೆನ್ ಶಾಸಕೆರ್ ವೇದವ್ಯಾಸ ಕಾಮತ್ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಕುಡ್ಲ ಮ.ನ ಪಾಲಿಕೆದ ಉಪಮೇಯರ್ ಪೂರ್ಣಿಮಾ, ಸದಸ್ಯೆರ್ ಎಂ.ಶಶಿಧರ್ ಹೆಗ್ಡೆ, ನಿವೃತ್ತ ಸೇನಾಧಿಕಾರಿ ಕರ್ನಲ್ ಜಯಚಂದ್ರನ್, ಉದ್ಯಮಿ ರಾಜ್ ಗೋಪಾಲ್ ರೈ, ಪತಂಜಲಿ ಯೋಗ ಶಿಕ್ಷಕಿ ಸುನಂದ ಬಿ ಬರಿಯೆರೆ ಉಲ್ಲೆರ್.
ಬೊಕ್ಕ ಮೊಕ್ಲೆನ ಸಮ್ಮುಖಡ್ ವಿದ್ಯಾಪ್ರೋತ್ಸಾಹ, ವಿಕಲಚೇತನ ಪಣವುದ ಸಕಾಯನ್ ಪಟ್ಟಿಯೆರೆ ಉಂಡು. ರಾತ್ರೆ ಕೈತಲ್ ದ ಪ್ರತಿಭೆಲೆರ್ದ್ ಸಾಂಸ್ಕೃತಿಕ ಲೇಸ್ ಆದ್, ಶ್ರೀ ಪ್ರಾಪ್ತಿ ಕಲಾವಿದೆರೆರ್ದ್ ಕುಡ್ಲ ಮೊಕ್ಲೆರ್ದ್ ಮಾಯದಪ್ಪೆ ಮಂತ್ರದೇವತೆ ತುಳು ನಾಟಕ ನಡಪರೆ ಉಂಡು. ಈ ಮಾತ ಲೇಸ್ ಗ್ ಮಾತೆರ್ಲಾ ಬರೊಡು ಪಂದ್ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
