ಪಾಕ್ ಆಕ್ರಮಿತ ಕಾಶ್ಮೀರ ನನ ಭಾರತಗ್ ಸೇರುಂಡುಗೆ..!
ಪಾಕ್ ಉಲಾಯಿ ಪಾಡ್ದಿನ ಕಾಶ್ಮೀರ (POK)ನ್ ಭಾರತಗ್ ಸೇರ್ಪಾವೊಡು ಪನ್ಪುನ ಭಾರತೀಯರ್ನ ಬಾರಿ ವರ್ಷದ ಕನ ಇತ್ತೆ ನೆರವೇರುನ ಕಾಲ ಮುಟ್ಟ ಬೈದ್ಂಡ್. ನೆತ್ತ ಬಗೆಟ್ ಕೇಂದ್ರ ಸಚಿವೆರ್ ಬೊಕ್ಕ ನಿವೃತ್ತ ಜನರಲ್ ವಿ.ಕೆ ಸಿಂಗ್ ಖುಷಿತ ಸುದ್ದಿ ಒಂಜಿ ಕೊರ್ತೆರ್.
ಪಾಕ್ ಆಕ್ರಮಿತ ಕಾಶ್ಮೀರ (ಪಿಒಕೆ) ಒಂತೆ ದಿನ ಬುಡ್ದು ಭಾರತದ ಒಟ್ಟಿಗೆ ಸೇರಿಯರೆ ಉಂಡು ಪಂದ್ ಕೇಂದ್ರ ಸಚಿವೆರ್ ಬೊಕ್ಕ ಮಾಜಿ ಸೇನಾ ಮುಖ್ಯಸ್ಥೆರ್ ಜನರಲ್ ವಿ.ಕೆ.ಸಿಂಗ್ (ನಿವೃತ್ತ) ಪಂತೆರ್.
ರಾಜಸ್ಥಾನದ ದೌಸಾ ಡ್ ನಡತ್ತಿನ ಸುದ್ದಿಗೋಷ್ಠಿ ಡ್ ಪಾತೆರ್ನ ಕೇಂದ್ರ ರಸ್ತೆ ಸಾರಿಗೆ ಬೊಕ್ಕ ಹೆದ್ದಾರಿದ ರಾಜ್ಯ ಸಚಿವೆರ್ ನಿವೃತ್ತ ಜನರಲ್ ವಿ.ಕೆ ಸಿಂಗ್ ಭಾರತಗ್ ರೋಡ್ ನ್ ಓಪನ್ ಮಲ್ಪೆರೆ ಪಿಒಕೆದ ಶಿಯಾ ಮುಸ್ಲಿಮೆರ್ನ ಬೇಡಿಕೆದ ಬಗ್ಗೆ ಕೇನ್ನ ಪ್ರಶ್ನೆಗ್ ಉತ್ತರ ಕೊರ್ನ ಆರ್ ಒಂತೆ ದಿನ ಕಾಪುಲೆ ಪಿಒಕೆ ಸ್ವಯಂಚಾಲಿತವಾದ್ ಭಾರತದೊಟ್ಟಿಗೆ ವಿಲೀನ ಆವರೆ ಉಂಡು ಪಂದ್ ಪಂಡೆರ್.
