ಹರಿಯಾಣದ ಪಾಣಿಪತ್ ಜಿಲ್ಲೆದ ಬಿಚ್ಪಾಡಿದ ಇಲ್ಲಡ್ ಒಂಜಿ ಸಿಲಿಂಡರ್ ಪುಡಾದ್ ಒಂಜೇ ಇಲ್ಲದ ಆಜಿ ಜನ ತೀರ್ ಪೋಯಿನ ಘಟನೆ ನಡತ್ಂಡ್.
ಪೊಪ್ಪ ಅಮ್ಮ ಸೇರ್ದ್ ನಾಲ್ ಜೋಕುಲು ತೀರ್ ಪೋತೆರ್. ಜಾಗೆಗ್ ಅಗ್ನಿಶಾಮಕ ಸಿಬ್ಬಂದಿ ಬತ್ತ್ ದ್ ತೂ ತೆಕ್ಕಾದೆರ್. ಪೊಲೀಸೆರ್ ತನಿಖೆ ಮಲ್ತೊಂದು ಉಲ್ಲೆರ್.
ದಿಲ್ಲಿ: ಭಾರತದ ಔಷಧೀಯ ಸಂಸ್ಥೆ ಮರಿಯನ್ ಬಯೋಟೆಕ್ ತಯಾರ್ ಮಲ್ತಿನ ರಡ್ಡ್ ತರತ್ತ ತೆಮ್ಮದ ಸಿರಪ್ನ್ ಗಲಸರೆ ಬಲ್ಲಿ ಪಂದ್ ವಿಶ್ವ ಆರೋಗ್ಯ ಸಂಸ್ಥೆ ಸೂಚನೆ ಕೊರ್ತ್ಂಡ್.
ಇಂಚಿಪ್ಪಗ್ ಮರಿಯನ್ ಬಯೋಟೆಕ್ ತಯಾರ್ ಮಲ್ತಿನ ಅಬ್ರೊನಾಲ್ ಬೊಕ್ಕ ಡಾಕ್-1 ಮ್ಯಾಕ್ಸ್ ತೆಮ್ಮದ ಸಿರಪ್ ದೆತೊಂದು ಉಜ್ಬೇಕಿಸ್ತಾನಡ್ 18 ಜೋಕುಲು ತೀರ್ ಪೋತೆರ್. ಈ ಸಿರಪ್ಡ್ ಎಥಿಲೀನ್ ಗ್ಲೈಕೋಲ್ ವಿಷಕಾರಿ ರಾಸಾಯನಿಕ ಪತ್ತೆಯಾತ್ಂಡ್.
WHO bans cold and cough syrup manufactured by Indian company
Delhi: Cold and cough syrup manufactured by the Indian pharmaceutical company Marian Biotech has been banned by WHO.
18 children have died in Uzbekistan after consuming Abronal and Daak-1 manufactured by Marian Biotech. A toxic substance Ethiline Glycol has been found in these syrup.
ಜಗತ್ತ್ ಡೇ ಎಚ್ಚ ಉದ್ದದ ಪ್ರವಾಸಿ ಕಪ್ಪಲ್ “ಎಂವಿ ಗಂಗಾ ವಿಲಾಸ್” ಗ್ ಪ್ರಧಾನಿ ನರೇಂದ್ರ ಮೋದಿ ಜ.13 ಕ್ಕ್ ಚಾಲನೆ ಕೊರಿಯರೆ ಉಲ್ಲೆರ್.
ವಾರಾಣಸಿರ್ದ್ ತನ್ನ ಯಾತ್ರೆನ್ ಸುರು ಮಲ್ಪುನ “ಎಂವಿ ಗಂಗಾ ವಿಲಾಸ್” , ಬಾಂಗ್ಲಾದೇಶ ಆದ್ 51 ದಿನಟ್ಟ್ ಅಂದಾಜಿ 3,200 ಕಿ.ಮೀ ಪೋದು, ಅಸ್ಸಾಂದ ದಿಬ್ರೂಗಢಗ್ ಪೋಯರೆ ಉಂಡು. ಮೂಜಿ ಮಾಳಿಗೆದ ಈ ಕಪ್ಪಲ್ ಡ್ ಸುರುತ್ತ ಸರ್ತಿ ಸ್ವಿಟ್ಜರ್ಲೆಂಡ್ದ 32 ಪ್ರವಾಸಿಗೆರ್ ಪ್ರಯಾಣ ಮಲ್ಪರೆ ಉಲ್ಲೆರ್.
ಜೆಡಿಎಸ್ ಗುಬ್ಬಿ ಶಾಸಕೆರ್ ಎಸ್.ಆರ್. ಶ್ರೀನಿವಾಸ್ ಬೊಕ್ಕ ಮೂಲ ಜೆಡಿಎಸ್ ಕಾರ್ಯಕರ್ತೆರೆನ ನಡುಟ್ ಸಾಮಾಜಿಕ ಜಾಲತಾಣಡ್ ಗಲಾಟೆ ನಡತ್ ದ್ಂಡ್.
ಈ ಬಗೆಟ್ 10 ಜನತ ಮಿತ್ತ್ ಗುಬ್ಬಿ ಪೊಲೀಸ್ ಠಾಣೆಡ್ ಎಫ್ ಐಆರ್ ದಾಖಲ್ ಆತ್ಂಡ್. ಮೊಕುಲು ಸೋಶಿಯಲ್ ಮೀಡಿಯಾಡ್ ಪರಸ್ಪರ ನಿಂದನೆ ಮಲ್ತೊಂದೆರ್ ಪಂದ್ ತೆರಿದ್ ಬೈದ್ಂಡ್.
ಹುಬ್ಬಳ್ಳಿದ ಯುವಜನ ಉಚ್ಚಯಗ್ ಇನಿ ಬರಿಯರೆ ಇಪ್ಪುನ ಪ್ರಧಾನಿ ಮೋದಿ ಮೆರೆಗ್ ಜಿಲ್ಲಾಡಳಿತರ್ದ್ ವಿಶೇಷವಾಯಿನ ಉಡುಗಿರೆ ಕೊರಿಯರೆ ಉಂಡು.
ಹಾವೇರಿದ “ಏಲಕ್ಕಿ ಮಾಲೆ” ಬೊಕ್ಕ “ಏಲಕ್ಕಿ ಪೇಟ”, ಕೈ ಮಗ್ಗದ ಶಾಲ್ ಪಾಡ್ದ್, ಬೀದರ್ದ ಬಿದರಿ ಕಲೆತ್ತ ಸ್ವಾಮಿ ವಿವೇಕಾನಂದ ಮೆರೆನ ಮೂರ್ತಿ ಅಂಚನೆ ಧಾರವಾಡ ಜಿಲ್ಲೆದ ಗರಗ ಬೊಕ್ಕ ಬೆಂಗೇರಿಡ್ ತಯಾರ್ ಆಯಿನ ರಾಷ್ಟ್ರಧ್ವಜನ್ ಪ್ರಧಾನಿಗ್ ಕೊರ್ದು ಮಾನಾದಿಗೆ ಮಲ್ಪರೆ ಉಲ್ಲೆರ್.
ಆರ್ ಆರ್ ಆರ್ ಪಿಕ್ಚರ್ ದ ನಾಟು ನಾಟು ಪಂದ್ಯಗ್ ಗೋಲ್ಡನ್ ಗ್ಲೋಬ್ ಪ್ರಶಸ್ತಿ ಬೈದಿನವು ಕುಸಿತ ಇಚಾರ ಪಂದ್ ನಿರ್ಮಾಪಕೆರ್ ಡಿವಿವಿ ದಾನಯ್ಯ ಪಂಡೆರ್.
ಈ ಪಂದ್ಯಡ್ ರಡ್ಡ್ ಹೀರೋನಕುಲು 30 ದಿನ ಪ್ರಾಕ್ಟೀಸ್ ಮಲ್ದೆರ್. ಆಯಿಟ್ 20 ದಿನ ಉಕ್ರೇನ್ ಡ್ ಮಲ್ದೆರ್. ಅತ್ತಂದೆ ಈ ಪಂದ್ಯಗ್ 20 ಕೋಟಿ ರೂ. ಖರ್ಚಾತ್ಂಡ್. ಹೀರೋನಕ್ಲೆನೊಟ್ಟಿಗೆ 2 ಸಾರ ಜನ ಬೇಲೆ ಮಲ್ದೆರ್ ಪಂದ್ ಪಂಡೆರ್.
Natu Natu ….wins Golden Globe Award
Natu Natu song from the movie RRR has won the Golden Globe Awards.The producer DVV Daniah has conveyed his pleasure at the honours.
The two heros had practiced for a month for the song and 20 crores was spent on the picturization of the song and two thousand supporting cast were also involved in the picturising this song.
ರಾಜ್ಯ ಸರ್ಕಾರ ಸುರೂತ್ತ ಬೊಕ್ಕ ರಡ್ಡನೇ ವರ್ಷದ ಪಿಯುಸಿ ಪ್ರಶ್ನೆಪತ್ರಿಕೆದ ಮಾದರಿಡ್ ಮಹತ್ವವಾಯಿನ ಬದಲಾವಣೆ ಮಲ್ತ್ದ್ಂಡ್.
ಮಾತ ವಿಷಯಡ್ ಲ ಒಂಜಿ ಮಾರ್ಕ್ ದ ಪ್ರಶ್ನೆಗ್ ಎಚ್ಚದ ಆದ್ಯತೆ ಕೊರ್ತೆರ್. ಈ ಮಾದರಿದ ಪ್ರಶ್ನೆಪತ್ರಿಕೆನ್ ಪರೀಕ್ಷಾ ಮಂಡಳಿದ ವೆಬ್ಸೈಟ್ಡ್ ಪ್ರಕಟಣೆ ಮಲ್ತ್ದೆರ್. ಎಡ್ಡೆ ರೀತಿದ ರಿಸಲ್ಟ್ ಬರಡ್ ಪಂದ್ ಇಂಚಿನ ನಿರ್ಧಾರನ್ ಮಂಡಳಿ ಮಲ್ತ್ದ್ಂಡ್.
15 ನೇ ಹಾಕಿ ವಿಶ್ವಕಪ್ ಎಲ್ಲೆರ್ದ್ ಭುವನೇಶ್ವರ-ರೂರ್ಕೆಲಾಡ್ ಸುರು ಆವರೆ ಉಂಡು.
16 ಕೂಟದಕುಲು ಪಾಲ್ ಪಡೆಯೆರೆ ಉಲ್ಲೆರ್. ಭಾರತ ಡಿ ಗುಂಪುಡ್ ತಾನ ಪಡೆತ್ಂಡ್. ಲೀಗ್ ಪಂತೊಲೆಡ್ ಹರ್ಮನ್ ಪ್ರೀತ್ ಬಳಗ ಇಂಗ್ಲೆಂಡ್, ಸ್ಪೇನ್, ವೇಲ್ಸ್ ತಂಡದೊಟ್ಟಿಗೆ ಗೊಬ್ಬರೆ ಉಂಡು. ಟೋಕಿಯೋ ಒಲಿಂಪಿಕ್ಸ್ ಡ್ ಕಂಚಿದ ಪದಕ ಗೆಂದಿನ ಭಾರತ ವಿಶ್ವಕಪ್ ಗೆಂದುನ ವಿಶ್ವಾಸಡ್ ಉಂಡು. 2018 ಟ್ ಭಾರತ ಕ್ವಾರ್ಟರ್ ಫೈನಲ್ ಗ್ ಎಂಟ್ರಿ ಕೊರ್ದು ಇತ್ಂಡ್. 1975ತ ವಿಶ್ವಕಪ್ ಡ್ ಚಾಂಪಿಯನ್ ಆತ್ಂಡ್.
ಏಲಕ್ಕಿಡ್ ಕ್ರಿಮಿನಾಶಕ ಇಪ್ಪುನವು ಪತ್ತೆ ಆಯಿನೆಡ್ದಾವರ 6.5 ಕೋಟಿ ರೂ. ಬಿಲೆತ್ತ ಅಯ್ಯಪ್ಪ ಸ್ವಾಮಿನ ಪ್ರಸಾದ ಆಯಿನ “ಅರವಣಂ” ಪಾಯಸ ನಷ್ಟ ಆತ್ಂಡ್.
ಅರವಣಂ ಪಟ್ಟುನೆಕ್ಕ್ ಕೋಡೆ ಬಯ್ಯಗ್ ಕೇರಳ ಹೈಕೋರ್ಟ್ ತಡೆ ಪಾಡ್ದ್ಂಡ್. ಏಲಕ್ಕಿ ಪಾಡಂದೆ ಅರವಣಂ ತಯಾರ್ ಮಲ್ಪುನ ಬೇಲೆ ಕೋಡೆ ರಾತ್ರೆರ್ದ್ ಸುರು ಆತ್ಂಡ್.
ಅಶೋಕನಗರದ ಶ್ರೀನಿಕೇತನಡ್ ಅಯ್ಯಪ್ಪ ಸ್ವಾಮಿ ರಜತ ಮಹೋಚ್ಚಯ ಲೇಸ್ ಜ.7 ಕ್ಕ್ ಶನಿವಾರ ನಡತ್ಂಡ್.
ಮಲ್ಲ ಬಿನ್ನೆರಾದ್ ಪಾಲ್ ಪಡೆಯಿನ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ದ ಸ್ಥಾಪಕಾಧ್ಯಕ್ಷೆರ್, ಭಾಗವತೆರ್ ಪಟ್ಲ ಸತೀಶ್ ಶೆಟ್ಟಿ ಪಾತೆರ್ದ್, ಪರಿಸರದ ಅಶಕ್ತರೆಗ್ ಸಕಾಯ ಮಲ್ಪುನ ರವಿ ಶೆಟ್ಟಿ ಅಶೋಕನಗರ ಮುತಾಲಿಕೆದ ಸೇವಾ ಕಾರ್ಯ ಮಾತೆರೆಗ್ಲಾ ಮಾದರಿ ಪಂದ್ ಪಂಡೆರ್.
ಈ ಪೊರ್ತುಡು ಬೊಂಬಾಯಿದ ಗುರುಸ್ವಾಮಿ ಜಯಶೀಲ ತಿಂಗಳಾಯ ಮೆರೆಗ್ ಮಾನಾದಿಗೆ ಮಲ್ತೆರ್. ಮನಪಾ ಸದಸ್ಯೆರ್ ಜಯಲಕ್ಷ್ಮೀ ಶೆಟ್ಟಿ, ಗಣೇಶ್ ಕುಲಾಲ್, ರಾಧಾಕೃಷ್ಣ ಅಶೋಕನಗರ, ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ಭಜನಾ ಮಂಡಳಿದ ಮುಖ್ಯಸ್ಥೆರ್ ನರಸಿಂಹ ಭಾಗವತ್, ವಾಮನ ಶೆಟ್ಟಿ, ವಿಶ್ವಹಿಂದೂ ಪರಿಷತ್ದ ದಾಮೋದರ ಚೆಟ್ಟಿಯಾರ್ ಮೊಕಲೆನ್ ಲೇಸ್ಡ್ ಮಾನಾದಿಗೆ ಮಲ್ತೆರ್.
ಕರಿನ 25 ವರ್ಷಡ್ ಸಕಾಯ ಮಲ್ತಿನಕ್ಲೆನ್ ಅಂಚೆನೆ ಕೈತಲ್ದ ಪ್ರತಿಭಾನ್ವಿತ ಜೋಕುಲೆಗ್ ಪ್ರತಿಭಾ ಪುರಸ್ಕಾರ ಮಲ್ತೆರ್. ಪರಿಸರದ 10 ಜನ ಆರ್ಥಿಕವಾದ್ ಪಿರ ಇತ್ತಿನಕ್ಲೆಗ್ ಸುಮಾರ್ 1 ಲಕ್ಷ ರೂ. ಪನವುದ ಸಕಾಯ ಪಟ್ಟಿಯೆರ್.
ಬೊಂಬಾಯಿದ ಥಾಣೆ ಕರ್ನಾಟಕ ಸಂಘದ ಅಧ್ಯಕ್ಷೆರ್ ಜಯಂತ ಶೆಟ್ಟಿ, ದೊಂಬಿವಿಲಿ ಯುವ ಬಂಟರ ಸಂಘದ ಅಧ್ಯಕ್ಷೆರ್ ಸಚಿನ್ ಶೆಟ್ಟಿ, ದಯಾನಂದ ಶೆಟ್ಟಿ, ಮೋಹನದಾಸ್ ಶೆಟ್ಟಿ, ಜಯಂತ್ ಶೆಟ್ಟಿ, ಉಮೇಶ್ ಅತಿಕಾರಿ ಅಂಚನೆ ಸುರೇಶ್ ಶೆಟ್ಟಿ ಅಡ್ಕ ಲೇಸ್ಡ್ ಇತ್ತೆರ್.
ರವಿ ಶೆಟ್ಟಿ ಅಶೋಕನಗರ ಎದ್ಕೊನಿಯೆರ್. ದೇವಿಪ್ರಸಾದ್ ಶೆಟ್ಟಿ ಸೊಲ್ಮೆ ಸಂದೈತ ಮಲ್ತೆರ್. ಸತೀಶ್ ಶೆಟ್ಟಿ ಕೊಡಿಯಾಲಬೈಲ್ ಲೇಸ್ ಸುಧಾರಿಕೆ ಮಲ್ತೆರ್.
