January 2023

ಸೀಗೋಡು ಶ್ರೀ ಬಬ್ಬುಸ್ವಾಮಿ ಬೊಕ್ಕ ಪರಿವಾರ ದೈವೊಲೆನ ಪುನರ್ ಪ್ರತಿಷ್ಠಾಪನೆ

ಕೊಪ್ಪ ತಾಲೂಕುದ ಸೀಗೋಡು ಶ್ರೀ ಚಾಮುಂಡೇಶ್ವರಿ ಶ್ರೀ ಬಬ್ಬುಸ್ವಾಮಿ ದೇವಲ್ಯದ ಸೇವಾ ಸಮಿತಿದ ವತಿರ್ದ್ ಪೊಸತಾದ್ ನಿರ್ಮಾಣ ಆಯಿನ ದೈವೊಲ್ಯಡ್ ಶ್ರೀ ಬಬ್ಬುಸ್ವಾಮಿ ಬೊಕ್ಕ ಪರಿವಾರ ದೈವೊಲೆನ ಪುನರ್ ಪ್ರತಿಷ್ಠಾಪನೆ ಫೆ.2 ರ್ದ್ 3 ಮುಟ್ಟ ಬೊಕ್ಕ ನೇಮ ಉಚ್ಚಯ ಫೆ.4 ರ್ದ್ 5 ಮುಟ್ಟ ನಡಪರೆ ಉಂಡು.

ಫೆ.2 ಗುರುವಾರ ಗುರು ಪ್ರಾರ್ತನೆ, ಗಣಪತಿ ಪೂಜೆ, ಗ್ರಾಮದೇವತೆ ಪ್ರಾರ್ತನೆ, ಸಂಕಲ್ಪ, ರಾಕ್ಷೋಘ್ನ ಹೋಮ, ಪ್ರಸಾದ ಶುದ್ಧಿ, ವಾಸ್ತುಹೋಮ, ಬಿಂಬ ಶುದ್ಧಿ, ಅಧಿವಾಸ ಹೋಮ, ಅಧಿವಾಸ ಪೂಜೆ, ದಿಗ್ಬಲಿ ನಡಪರೆ ಉಂಡು. ಫೆ.3 ಪ್ರಾಣ ಪ್ರತಿಷ್ಠೆ, ಶಿಖರ ಪ್ರತಿಷ್ಠೆ, ಬ್ರಹ್ಮಕಲಶ ಪ್ರತಿಷ್ಠೆ, ಪ್ರತಿಷ್ಠಾಂಗ ಹೋಮ, ಪೂರ್ಣಾಹುತಿ, ಮಹಾಪೂಜೆ, ಬ್ರಹ್ಮಕಲಶಾಭಿಷೇಕ, ಅಲಂಕಾರ, ಮಹಾಮಂಗಳಾರತಿ ಆದ್, ಧಾರ್ಮಿಕ ಸಭಾ ಲೇಸ್, ತೀರ್ಥ ಪ್ರಸಾದ ವಿನಿಯೋಗ ಬೊಕ್ಕ ಅನ್ನಸಂತರ್ಪಣೆ ನಡಪರೆ ಉಂಡು. ಫೆ.4 ಕ್ ಕ್ಷೇತ್ರ ಶುದ್ಧಿ, ಕಂಬಿಗಾರ ದೇವೆರೆನ ದರ್ಶನ, ಗಜಕಂಬ ಚಪ್ಪರ ಏರುಂಡು. ಬೊಕ್ಕ ಭಂಡಾರ ಜತ್ತ್ ದ್, ಕ್ಷೇತ್ರ ಶುದ್ಧಿ, ಬಬ್ಬುಸ್ವಾಮಿ, ತನಿಮಾನಿಗ ದೈವೊಲೆನ ನೇಮ ನಡಪರೆ ಉಂಡು. ಫೆ. 5 ಚಾಮುಂಡೇಶ್ವರಿ, ರಾಹು, ಗುಳಿಗ ಪರಿವಾರ ದೈವೊಲೆನ ನೇಮ ಆದ್, ಭಕ್ತಾದಿಲೆನ ಅನ್ನಸಂತರ್ಪಣೆ ನಡಪರೆ ಉಂಡು. ಧೂಮಾವತಿ ಬಂಟ ದೈವೊಲೆನ ನೇಮ ನಡಪುಂಡು. ಈ ಮಾತ ಲೇಸ್ ಗ್ ಮಾತೆರ್ಲಾ ಎಚ್ಚದ ಸಂಖ್ಯೆಡ್ ಬತ್ತ್ ದ್ ಸಿರಿಮುಡಿ ಗಂಧ ಪ್ರಸಾದ ದೆತೊಂದು ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ದೇವಲ್ಯದ ಅಧ್ಯಕ್ಷೆರ್, ಸದಸ್ಯೆರ್, ಗುರಿಕಾರೆರ್ ಬೊಕ್ಕ ಪತ್ತ್ ಸಮಸ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಮದಿಮೆಡ್ ಡ್ಯಾನ್ಸ್ ಮಲ್ತೊಂದು ಇತ್ತಿನ ಜವನೆ ಬೂರ್ದು ತೀರ್ ಪೋಯೆರ್

ರೇವಾ: ಮದಿಮೆ ಲೇಸ್ ಡ್ ಡ್ಯಾನ್ಸ್ ಮಲ್ತೊಂದು ಇತ್ತಿನ 32 ವರ್ಷದ ಜವನೆ ಒರಿ ಇತ್ತಿಲೆಕ್ಕನೇ ಬೂರ್ದು ತೀರ್ ಪೋಯಿನ ಘಟನೆ ಕೋಡೆ ರಾತ್ರೆ ನಡತ್ಂಡ್.

ರೇವಾಗ್ ಮದಿಮೆಗ್ ಬತ್ತಿನ ಉತ್ತರ ಪ್ರದೇಶದ ಕಾನ್ಪುರ ಜಿಲ್ಲೆದ ನಿವಾಸಿ ಅಭಯ್ ಬೊಕ್ಕ ಸಚನ್ ಡ್ರಮ್ ದ ಸೌಂಡ್ ಗ್ ತರೆ ತಿರ್ಗುದು ಬೂರ್ವೆರ್. ನೆತ್ತ ವೀಡಿಯೋ ಸಾಮಾಜಿಕ ಜಾಲತಾಣಡ್ ವೈರಲ್ ಅತ್ಂಡ್. ಸಚನ್ ನ್ ಕೂಡ್ಲೆ ಕೈತಲ್ ದಕುಲು ಆಸ್ಪತ್ರೆಗ್ ಲೆತೊಂದು ಪೋಯೆರ್. ಆಂಡ ಮೇರ್ ತೀರ್ ಪೋತೆರ್ ಪಂದ್ ತೆರಿದ್ ಬೈದ್ಂಡ್.

ಕುಡ್ಲಡ್ ಜ.27 ರ್ದ್ ಫಿಶ್ ಫೆಸ್ಟಿವಲ್

ಕುಡ್ಲದ ಮೀನುಗಾರಿಕೆ ಕಾಲೇಜ್, ಹೈದರಾಬಾದ್‍ದ ರಾಷ್ಟ್ರೀಯ ಮೀನುಗಾರಿಕಾ ಅಭಿವೃದ್ಧಿ ಮಂಡಳಿ ಬೊಕ್ಕ ಮೀನುಗಾರಿಕಾ ಇಲಾಖೆದ ಒಟ್ಟುಸೇರಿಗೆಡ್ ಮೀನುಗಾರಿಕಾ ಕಾಲೇಜ್ ದ ಚಾವಡಿಡ್ ಜ. 27 ಬೊಕ್ಕ 28 ಕ್ ಬೊಲ್ಪುಗು 10 ಗಂಟೆರ್ದ್ ಬಯ್ಯ ಮುಟ್ಟ ಫಿಶ್ ಫೆಸ್ಟಿವಲ್-2023 ನಡಪರೆ ಉಂಡು.

ನೆತ್ತ ಉದಿಪನನ್ ಮೀನುಗಾರಿಕೆ ಸಚಿವೆರ್ ಎಸ್. ಅಂಗಾರ ಮಲ್ಪುವೆರ್. ಮಲ್ಲ ಬಿನ್ನೆರಾದ್ ಬೀದರ್ ದ ಕರ್ನಾಟಕ ಪಶು ವೈದ್ಯಕೀಯ ವಿಶ್ವವಿದ್ಯಾಲಯದ ಕುಲಪತಿ ಡಾ. ಕೆ.ಸಿ. ವೀರಣ್ಣ, ಹೈದರಾಬಾದ್‍ದ ರಾಷ್ಟ್ರೀಯ ಮೀನುಗಾರಿಕಾ ಅಭಿವೃದ್ಧಿ ಮಂಡಳಿದ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಡಾ. ಸುವರ್ಣ, ಬೀದರ್ ದ ಕರ್ನಾಟಕ ಪಶು ವೈದ್ಯಕೀಯ ವಿಶ್ವವಿದ್ಯಾಲಯದ ವಿಸ್ತರಣಾ ನಿರ್ದೇಶಕೆರ್ ಡಾ. ಎನ್.ಎ. ಪಾಟೀಲ್, ಕರ್ನಾಟಕ ಮೀನುಗಾರಿಕೆ ನಿರ್ದೇಶಕೆರ್ ರಾಮಾಚಾರ್ಯ ಬರಿಯೆರೆ ಉಲ್ಲೆರ್. ಕುಡ್ಲದ ಮೀನುಗಾರಿಕಾ ಕಾಲೇಜ್ ದ ಡೀನ್ ಡಾ. ಶಿವಕುಮಾರ್ ಮಗದ ಗುರ್ಕಾರ್ಮೆನ್ ಒಯಿಸೊನ್ವೆರ್.

ನಟಿ ರಾಖಿ ಸಾವಂತ್ ಅರೆಸ್ಟ್

ಬೊಂಬೈ: ಮೈಸೂರುದ ಉದ್ಯಮಿ ಆದಿಲ್ ದುರಾನಿ ಮೆರೆನ್ ಮದಿಮೆ ಆಯಿನೆರ್ದಿಂಚಿ ಸುದ್ದಿಡ್ ಇಪ್ಪುನ ರಾಖಿ ಸಾವಂತ್ ಮೆರೆನ್ ಪೊಲೀಸೆರ್ ಅರೆಸ್ಟ್ ಮಲ್ದೆರ್ ಪಂದ್ ನಟಿ ಶೆರ್ಲಿನ್ ಚೋಪ್ರಾ ಟ್ವಿಟರ್‌ಡ್ ತೆರಿಪಾದೆರ್.

ಎಫ್ಐಆರ್ 883/2022 ಕ್ ಸಂಬಂಧ ಪಟ್ಟಿನಂಚನೆ ಬೊಂಬೈ ಸೆಷನ್ಸ್ ನ್ಯಾಯಾಲಯ ಕೋಡೆ ನಿರೀಕ್ಷಣಾ ಜಾಮೀನ್ ಕೊರಿಯೆರೆ ತಿರಸ್ಕಾರ ಮಲ್ತಿನ ಬೆರಿಟ್ಟೆ ರಾಖಿ ಮೆರೆನ್ ಅರೆಸ್ಟ್ ಮಲ್ದೆರ್ ಪಂದ್ ಶೆರ್ಲಿನ್ ಚೋಪ್ರಾ ಬರೆವೊಂದೆರ್.

ಗ್ಯಾಂಬಿಯಾದ ಉಪಾಧ್ಯಕ್ಷೆರ್ ಜೂಫ್ ಭಾರತಡ್ ತೀರ್ ಪೋಯೆರ್

ಡೆಲ್ಲಿ: ಗ್ಯಾಂಬಿಯಾದ ಉಪಾಧ್ಯಕ್ಷೆರ್ ಬದರಾ ಅಲಿಯು ಜೂಫ್ (65) ಭಾರತಡ್ ತೀರ್ ಪೋಯೆರ್.

ಮೇರ್ ಮೂಜಿ ವಾರದ ಪಿರವು ಚಿಕಿತ್ಸೆ ಪಡೆಯೆರೆ ಪಂದ್ ಭಾರತಗ್ ಬತ್ತ್ ದ್ ಇತ್ತೆರ್. ಮುಲ್ಪ ಮೆರೆಗ್ ಚಿಕಿತ್ಸೆ ಫಲಕಾರಿ ಅವಂದೆ ತೀರ್ ಪೋಯೆರ್ ಪಂದ್ ಗ್ಯಾಂಬಿಯಾದ ಅಧ್ಯಕ್ಷೆರ್ ಆಡಮಾ ಬಾರೋ ಬುಧಾರ ತೆರಿಪಾದೆರ್.

Gambian vice president dies in India after a brief illness

Delhi : Gambian vice President Badhara Joof (65) who was in India for medical treatment dies after brief illness.

He had come down to India three weeks back for medical treatment. His death was announced by Gambian president Adama Barrow on Wednesday.

ಇಲ್ಲಡ್ ಪುಡಾಯಿನ ಗ್ಯಾಸ್ ಸಿಲಿಂಡರ್ : ಪೊಂಜೋವ್ ಬಚಾವ್!

ಮಾಣಿ: ಒಂಜಿ ಇಲ್ಲಡ್ ಗ್ಯಾಸ್ ಸಿಲಿಂಡರ್ ಪುಡಾದ್ ತೂ ಪೊತ್ತಿನ ಘಟನೆ ಬಂಟ್ವಾಳ ತಾಲೂಕ್ ದ ಮಾಣಿಡ್ ನಡತ್ಂಡ್.

ಮಾಣಿ ಗ್ರಾಮದ ಕಾಪಿಕಾಡು ದೀಪಾ ಪನ್ಪುನರೆನ ಇಲ್ಲಲ್ ತೂ ಪೊತ್ತ್ ದ್ಂಡ್. ಈ ಅಪಾಯರ್ದ್ ಮೇರ್ ಬಚಾವ್ ಆತೆರ್. ನೇರ್ದ್ ಇಲ್ಲಲ್ ಇತ್ತಿನ ಕರೆಂಟ್ ಸೊತ್ತುಲು ಸೇರ್ದ್ ಸೊತ್ತುಲು ಮಾತ ತೂಟ್ ಪೊತ್ತ್ ದ್ಂಡ್. ಜಾಗೆಗ್ ಪುತ್ತೂರ್ ಅಗ್ನಿಶಾಮಕ ದಳದ ಸಿಬ್ಬಂದಿಲು ಬತ್ತ್ ದ್ ಕಾರ್ಯಾಚರಣೆ ನಡಪಾವೊಂದು ಉಲ್ಲೆರ್.