April 2022

ಸಂತೋಷ್ ಪಾಟೀಲ್ ಸೂಸೈಡ್ ಮಲ್ತಿನ ಲಾಡ್ಜ್ ಡ್ ಬಲ್ಲ್ ದೆತೊoಡಿನ ಜವಣ್ಯೆ

Apr 19, 2022

ಒಡಿಪು :ಇಂಚೋಗು ಗುತ್ತಿಗೆದಾರೆ ಸಂತೋಷ್ ಪಾಟೀಲ್ ಆತ್ಮಹತ್ಯೆ ಮಲ್ತಿನ ಒಡಿಪುದ ಲಾಡ್ಜ್ ಡ್ ಇನಿ ಕುಡೊಂಜಿ ವ್ಯಕ್ತಿ ಆತ್ಮಹತ್ಯೆ ಮಲ್ದೆ. ಬಲ್ಲ್ ದೆತೊಡಿನ ಜವಣ್ಯನ್ ಕೊಣಾಜೆದ ಶರಣ್ ರಾಜ್ (31 ವ) ಪಂದ್ ಗುರ್ತಿಸಾದೆರ್ .

ಇಂಬೇ ಕುಡ್ಲದ ಮೆಡಿಕಲ್ ರೆಪ್ ಪಂದ್ ತೆರಿದ್ ಬೈದುಂಡು.ರಾಜ್ಯೋಡೆ ಸುದ್ದಿಯಾದ್ ಇತ್ತಿನ ಸಂತೋಷ್ ಪಾಟೀಲ್ ಬಲ್ಲ್ ಪಾಡೊಂದಿನ ಸುದ್ದಿ ಸಚಿವ ಈಶ್ವರಪ್ಪ ಸಚಿವ ಪದವಿನ್ ದೆತೊಂದು ಇತ್ತುಂಡು ಇತ್ತೆ ಅವ್ವೆ ಲಾಡ್ಜ್ ಡ್ ಕೂಡೋರಿ ಬಲ್ಲ್ ಪಾಡೊಂದಿನ ಘಟನೆ ನಡತ್oಡ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕಟಪಾಡಿ : ಏಣಗುಡ್ಡೆ ಗೊರೊಡಿಡ್ ಬ್ರಹ್ಮಕಲಶದ ಗೌಜಿ

Apr 19, 2022

ಒಡಿಪು ಜಿಲ್ಲೆ ಕಾಪು ತಾಲೂಕ್ ದ ಏಣಗುಡ್ಡೆ ಶ್ರೀ ಬ್ರಹ್ಮಬೈದೆರ್ ಲೆನ ಗರಡಿಡ್ ಮೇ 7-14 ಮುಟ್ಟ ಶ್ರೀ ಬ್ರಹ್ಮಬೈದೆರ್ ಬೊಕ್ಕ ಪರಿವಾರ ಶಕ್ತಿಲೆನ ಪುನರ್ ಪ್ರತಿಷ್ಠಾಪನೆ ಬೊಕ್ಕ ಬ್ರಹ್ಮಕಲಶಾಭಿಷೇಕ ಅಂಚನೆ ಮೇ 19-23 ಮುಟ್ಟ ಕಾಲಾವಧಿ ಜಾತ್ರಾ ಉಚ್ಚಯ ಭಾರೀ ಗೌಜಿಡ್ ನಡಪರೆ ಉಂಡು.

ತಂತ್ರಿಲಾಯಿನ ವೇ| ಮೂ| ಮನೋಜ್ ತಂತ್ರಿ ಶಿವಗಿರಿ ಬೊಕ್ಕ ವೇ| ಮೂ| ಶ್ರೀ ಮಹೇಶ್ ಶಾಂತಿ ಹೆಜಮಾಡಿ ಮುಕ್ಲೆನ ಮುತಾಲಿಕೆಡ್ ಗರಡಿದ ಪೂಜಾ ಪೂಜಾರಿ ಶ್ರೀ ಇಂಪು ಪೂಜಾರಿ ಗರಡಿಮನೆ, ಜ್ಯೋತಿಷ್ಯ ಪ್ರವೀಣ ಶ್ರೀಯುತ ಮೋಹನ್ ಮಾಯಿಪ್ಪಾಡಿ, ವಾಸ್ತುತಜ್ಞೆರ್ ಶ್ರೀ ಪ್ರಮಲ್ ಕುಮಾರ್ ಕಾರ್ಲ ಮುಕ್ಲೆನ ಉಪಸ್ಥಿತಿಟ್, ತಂತ್ರಿವರೇಣ್ಯರ್ ಅಂಚನೆ ವೇದಜ್ಞ ಋತ್ವಿಜರ ಸಕಾರಡ್ ಪುನರ್ ಪ್ರತಿಷ್ಠಾಪನೆ ಬೊಕ್ಕ ಬ್ರಹ್ಮಕಲಶಾಭಿಷೇಕ ನಡಪರೆ ಉಂಡು.

ಮೇ 6 ಸುಕ್ರಾರ ನಾಗ ಪ್ರತಿಷ್ಠೆ, 7 ತಾರೀಕ್ ಗ್ ಬಯ್ಯ 5.15 ಕ್ಕ್ ಪ್ರಾಯಶ್ಚಿತ್ತಾಧಿ ವೈದಿಕ ಪೂಜಾಧಿಲು, ಮೇ 8 ಗ್ ಎದ್ಕೊನುನ ಗೋಪುರ, ತೇರ್ಥಬಾವಿ, ಉಗ್ರಾಣ ಉದಿಪನ ಅಂಚನೆ ಮೂಡಬೆಟ್ಟು ಚೌಟೆರ್ನ ಕಟ್ಟೆರ್ದ್ ಗರಡಿಗ್ ಪುದೆಕಾಣಿಕೆದ ಮೆರವಣಿಗೆ, ಮೇ 9 ಗ್ ಜಾನಪದ ವಿದ್ವಾಂಸ ಬನ್ನಂಜೆ ಬಾಬು ಅಮೀನ್ ಅಧ್ಯಕ್ಷೆತೆಡ್ ಬೇತೆ ಬೇತೆ ಕ್ಷೇತ್ರದ ಬಿನ್ನೆರ್ನ ಉಪಸ್ಥಿತಿಡ್ ಗರಡಿದ ಪೂಜಾ ಪೂಜಾರಿ ಇಂಪು ಪೂಜಾರಿ ಸಾಂಸ್ಕೃತಿಕ ಕಾರ್ಯಕ್ರಮಗ್ ಚಾಲನೆ ಕೊರಿಯರೇ ಉಲ್ಲೆರ್. ಬಯ್ಯಗ್ 6.35 ರ್ದ್ ಅಪ್ಪೆ ಮಾಯಂದಾಲ್ ಪನ್ಪಿನ ತುಳು ಯಕ್ಷಗಾನ, ಮೇ 10 ಕ್ಕ್ ಅಷ್ಟ ದ್ರವ್ಯ ಗಣಪತಿ ಹೋಮ, ಗುರು ಪೂಜೆ, ಅಂಕುರ ಪೂಜೆ, ಮೃತ್ಯುಂಜಯ ಹೋಮ, ರಾತ್ರಿ 6.35 ಕ್ಕ್ ದೇವದಾಸ್ ಕಾಪಿಕಾಡ್ ನಿರ್ದೇಶನದ ನಮಸ್ಕಾರ ಮಾಸ್ಟ್ರೇ ಪನ್ಪಿನ ತುಳು ನಾಟಕ, ಮೇ 11 ಗ್ ಕಾಂಡೆ ಗಣಪತಿ ಹೋಮ, ಗುರು ಪೂಜೆ, ಅಂಕುರ ಪೂಜೆ, ಶಕ್ತಿಪೂಜೆ, ತ್ರಿಕಾಲ ಪೂಜೆ, ದುರ್ಗಾಹೋಮ, ರಾತ್ರಿ 6.05ಕ್ಕ್ ಸಾಂಸ್ಕೃತಿಕ ಕಾರ್ಯಕ್ರಮ-ಶಶಿಪ್ರಭಾ ಪರಿಣಯ ಯಕ್ಷಗಾನ, ಮೇ 12ಕ್ಕ್ ರಾತ್ರಿ 6.05ಕ್ಕ್ ಸಾಂಸ್ಕೃತಿಕ ಕಾರ್ಯಕ್ರಮ- ಸ್ವಸ್ತಿಕ್ ಕಲಾ ಸಂಘ(ರಿ.) ಕಟಪಾಡಿ ಸದಸ್ಯೆರ್ದ್ ನೃತ್ಯ ವೈಭವ.

ಮೇ 13 ಸುಕ್ರಾರ ಕಾಂಡೆ 7.05ಕ್ಕ್ ಶ್ರೀ ಬ್ರಹ್ಮಬೈದೆರ್ ಲೆನ ಅಂಚನೆ ಪರಿವಾರ ಶಕ್ತಿಲೆನ ಪ್ರತಿಷ್ಠೆ, ಕೊಡಿ ಪ್ರತಿಷ್ಠೆ, ನವಕ, ಪ್ರಧಾನ ಹೋಮ, ಕಾಂಡೆ 10.05 ಕ್ಕ್ ಬ್ರಹ್ಮಕಲಶಾಭಿಷೇಕ, ಅಲಂಕಾರ ಪೂಜೆ, ನೈವೇದ್ಯ, ಮಹಾಪೂಜೆ, ಮಧ್ಯಾಹ್ನ 12.05 ಗ್ ಶ್ರೀ ಬೈದೆರ್ಲೆನ ದರ್ಶನ ಸೇವೆ, ಪಲ್ಲಪೂಜೆ, ಪ್ರಸಾದ ಪಟ್ಟುನ ಲೇಸ್, ನುಪ್ಪು ಸೇವೆ ಅಂಚನೆ ಬ್ರಹ್ಮಕಲಶೋಚ್ಚಯದ ದಿನ ಬಯ್ಯಗ್ ನಡಪುನ ಧಾರ್ಮಿಕ ಸಭೆಟ್ಟ್ ಸೊಲೂರು ಆರ್ಯ ಈಡಿಗ ಮಹಾಸಂಸ್ಥಾನದ ಶ್ರೀ ವಿಖ್ಯಾತಾನಂದ ಸ್ವಾಮೀಜಿಲು ಆಶೀರ್ವಚನ ಮಲ್ಪರೆ ಉಲ್ಲೆರ್. ಸಚಿವೆರ್ ಆಯಿನ ಕೋಟ ಶ್ರೀನಿವಾಸ ಪೂಜಾರಿ ಕಾರ್ಯಕ್ರಮನ್ ಉದಿಪನ ಮಲ್ಪರೆ ಉಲ್ಲೆರ್.

ಮೇ 21ಕ್ಕ್ ಶ್ರೀ ಬೈದೆರ್ಲೆನ ನೇಮೋಚ್ಚಯ, ಮೇ 22 ಕ್ಕ್ ಶ್ರೀ ಮಾಯಂದಾಲ್ ನೇಮ ಅಂಚನೆ ಮೇ 24ಕ್ಕ್ ಪಡು ಏಣಗುಡ್ಡೆ ಧೂಮಾವತಿ ದೈವದ ಸಿರಿ ಸಿಂಗಾರದ ನೇಮೋಚ್ಚಯ ನಡಪರೆ ಉಂಡು.

ಕೆರ್ವಾಶೆ ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ವಾರ್ಷಿಕ ಜಾತ್ರಾ ಉಚ್ಚಯ

Apr 19, 2022

ಒಡಿಪು ಜಿಲ್ಲೆ ಕಾರ್ಲ ತಾಲ್ಲೂಕ್ ದ ಕೆರ್ವಾಶೆ ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ವರ್ಷಂಪ್ರತಿ ಆಚರಣೆ ಮಲ್ಪುನ ವಾರ್ಷಿಕ ಜಾತ್ರಾ ಮಹೋಚ್ಚಯ ಏ.15-ಏ.21 ಮುಟ್ಟ ಬ್ರಹ್ಮಶ್ರೀ ಎಡಪದವು ಬಿ.ಸುಬ್ರಹ್ಮಣ್ಯ ತಂತ್ರಿಲೆನ ಮುತಾಲಿಕೆಡ್ ಅಂಚನೆ ಊರು ಬೊಕ್ಕ ಪರವೂರ್ ದ ಭಕ್ತೆರ್ನ ಸಾಕಾರಡ್ ನಡಪರೆ ಉಂಡು.

ಏ.19 ಅಂಗಾರೆ ಮಹಾರಥೋಚ್ಚಯ ಬೊಕ್ಕ ಗುರುಪೂಜಾದಿ ಕಾರ್ಯಕ್ರಮಲು, ಏ.20 ಬುಧಾರೆ ದೇವೆರ್ನ ಜಲಕ, ರಾತ್ರಿ 7 ಗಂಟೆಗ್ ಪೀಠ ಪೂಜೆ, ಬಲಿ, ಓಕುಳಿ ಯಾತ್ರೆ, ಕಟ್ಟೆಪೂಜೆ, ಜಲಕ, ದೈವಲೆನ ಕೋಲ, ದೇವೆರ್ನ ಭೇಟಿ, ಅಗ್ನಿಕೇಳಿ ಉಚ್ಚಯ, ಬಲಿ, ಕೊಡಿ ಜಪ್ಪುನಿ, ಮಹಾಪೂಜೆ, ಪ್ರಸಾದ ಪಟ್ಟುನ, ಏ.21 ಗುರುವಾರ ಸಂಪ್ರೋಕ್ಷಣೆ, ನವಕ ಪ್ರಧಾನ ಹೋಮ, ಅಭಿಷೇಕ, ಮಹಾಪೂಜೆ, ಮಹಾಮಂತ್ರಾಕ್ಷತೆ ಲೇಸ್ ನಡಪರೆ ಉಂಡು.

ಸಾಂಸ್ಕೃತಿಕ ಕಾರ್ಯಕ್ರಮಲು

ಏ.19 ಅಂಗಾರೆ ರಾತ್ರಿ 7.30 ಗ್ ಕರ್ನಾಟಕ ಶಾಸ್ತ್ರೀಯ ಸಂಗೀತ, 9 ಗಂಟೆಗ್ ಧಾರ್ಮಿಕ ಸಭೆ, 10.30 ಗ್ ಸನಾತನ ನಾಟ್ಯಾಲಯ ಕುಡ್ಲ ಮುಕುಲೆಡ್ದ್ ಪುಣ್ಯಭೂಮಿ ಭಾರತ ಪನ್ಪಿನ ನೃತ್ಯರೂಪಕ

ಏ.20 ಬುಧಾರ ರಾತ್ರಿ 7 ಗಂಟೆಗ್ ಶ್ರೀ ಕೊಡಮಣಿತ್ತಾಯ ಭಜನಾ ಮಂಡಳಿ, ಮಾಳ ಕೂಟರ್ದ್ ಭಜನೆ, ರಾತ್ರಿ 9 ಗಂಟೆಗ್ ಕುದ್ರೋಳಿ ಗಣೇಶ್ ಮೆರೆರ್ದ್ ಹರಿಕಥಾ ಜಾದೂ.

ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ಪರಪೋಕು

ಒಡಿಪು ಜಿಲ್ಲೆದ ಕಾರ್ಲ ತಾಲೂಕ್ ದ ಕೆರ್ವಾಶೆ ಪಶ್ಚಿಮಘಟ್ಟ ದ ಮುದೆಲ್ ಡ್ ಇಪ್ಪುನ ಒಂಜಿ ಎಲ್ಯ ಗ್ರಾಮ. ಮುಲ್ಪದ ಶ್ರೀ ಮಹಾಲಿಂಗೇಶ್ವರ ದೇವಲ್ಯ, ಕೆರ್ವಾಶೆ ಅಂಚನೆ ಸುತ್ತಮುತ್ತ ಇಪ್ಪುನ ಶಿರ್ಲಾಲು, ಮುಂಡ್ಲಿ-ಜಾರ್ಕಳ, ಮೂಡಾರು ಬೊಕ್ಕ ಮಾಳ ಗ್ರಾಮಲು ಸೇರಿಲೆಕ್ಕ 5 ಮಾಗಣೇದ ಹೋಬಳಿ ದೇವಲ್ಯ ಆದಿತ್ತ್ ದ್, ಮುಲ್ಪದ ಭಕ್ತಾಧಿಲೆನ ಧಾರ್ಮಿಕ ಅಂಚನೆ ಶ್ರದ್ಧಾ ಕೇಂದ್ರವಾತ್ಂಡ್.

ಸಾರ ವರ್ಷ ಇತಿಹಾಸ ಇಪ್ಪುನ ಕೆರ್ವಾಶೆ ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ಇಪ್ಪುನ ಶಿವಲಿಂಗನ್ ಖರ ಮಹರ್ಷಿ ಈ ಪುಣ್ಯ ಕ್ಷೇತ್ರಡ್ ಪ್ರತಿಷ್ಠಾಪನೆ ಮಲ್ತಿನೆಡ್ದಾವರ ಈ ಕ್ಷೇತ್ರ ಖರಾಸುರ ಪ್ರತಿಷ್ಠೆ ದ ಪುಗರ್ತೆನ್ ಪಡೆದ್ಂಡ್.

ಈ ಪಿರವು 1957 ಬೊಕ್ಕ 1992 ನೇ ಇಸವಿಡ್ ಎಲ್ಯ ಪ್ರಮಾಣದ ಜೀರ್ಣೋದ್ಧಾರ ಬೇಲೆದ ಒಟ್ಟುಗ್ ಅಷ್ಟಬಂಧ ಬ್ರಹ್ಮಕಲಶೋಚ್ಚಯ ನಡತಿನವ್ ದಾಖಲೆಡ್ದ್ ತೆರಿದ್ ಬರ್ಪುಂಡ್.

ಮೂಜಿ ದಶಕಡ್ದ್ ಈ ಕ್ಷೇತ್ರದ ಧಾರ್ಮಿಕ ನೇತೃತ್ವ ವಹಿಸೊಂದ್ ಇಪ್ಪುನ ಬ್ರಹ್ಮಶ್ರೀ ಎಡಪದವು ಸುಬ್ರಹ್ಮಣ್ಯ ತಂತ್ರಿಲೆನ ಮುತಾಲಿಕೆಡ್ ಊರ್ ದ ಭಕ್ತೆರ್ ಸನ್ನಿಧಿಡ್ ಮಲ್ತಿನ ಪ್ರಾರ್ಥನೆಗ್ ದೇವೆರೆಡ್ದ್ ಆಭಯ ತಿಕ್ಕಿನವ್ ಜನಕ್ಲೆಗ್ ವಿಶ್ವಾಸ ಮೂಡುಲೆಕ್ಕ ಮಲ್ತ್ಂಡ್.

ಕೋಟ ಶ್ರೀನಿವಾಸ ಪೂಜಾರ್ಲೆನ ಮಗಲ್ ಸ್ವಾತಿ ಪೂಜಾರಿ ಮೂಜನೆ ರಾಂಕ್

Apr 19, 2022

ಕೋಟ: ಕುಡ್ಲ ವಿಶ್ವವಿದ್ಯಾನಿಲಯ ನಡಪಾಯಿನ ಅಂತಿಮ ಸ್ನಾತಕೋತ್ತರ ಪರೀಕ್ಷೆಡ್ ಕಲ್ಯಾಣಪುರ ಮಿಲಾಗ್ರಿಸ್ ಕಾಲೇಜ್ ಡ್ ಎಂ ಕಾಂಡ್ ಮೂಜನೆ ರಾಂಕ್ ಪಡೆಯಿನ ಸಮಾಜ ಕಲ್ಯಾಣ ಬೊಕ್ಕ ಹಿಂದುಳಿದ ವರ್ಗದ ಕಲ್ಯಾಣ ಸಚಿವ ಕೋಟ ಶ್ರೀನಿವಾಸ ಪೂಜಾರಿಲೆನ ಪುತ್ರಿ ಕಾಲೇಜ್ ಗ್ ಕೀರ್ತಿ ಕಂತಿನ ಸ್ವಾತಿ ಪೂಜಾರಿ ಮೆರೆನ್ ಕಾಲೇಜ್ ದ ಆಡಳಿತ ಮಂಡಳಿ, ಪ್ರಾಂಶುಪಾಲೆರ್ , ಉಪನ್ಯಾಸಕ ವೃಂದದಕುಲು ಪೊಣ್ಣನ ಇಲ್ಲಗ್ ಪೋದು ಮಾನಾದಿಗೆ ಮಲ್ತೆರ್.

ಮಾನದಿಗೆ ಮಲ್ತಿನ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಡಾ. ವಿನ್ಸಂಟ್ ಆಳ್ವ ಪಾತೆರ್ದ್ , ಅಪ್ಪೆ ಅಮ್ಮೆರ್ನ ಸರಳ ಸಜ್ಜನಿಕೆ ಆಚಾರ-ವಿಚಾರಡ್ ಪ್ರಭಾವಿತೇರಾದ್ , ಏಪಲಾ ಸಚಿವೆರ್ನ ಮಗಲ್ ಪಂದ್ ಪನಂದೆ ಕಾಲೇಜ್ ಗ್ ಮಾಮಲ್ಲ ಕೀರ್ತಿ ಕಂತ್ ಕೊರ್ದು ನಮ್ಮ ಮಾತಾ ಜೋಕ್ಲೆಗ್ ಮಾದರಿ ಆದ್ ಉಲ್ಲೆರ್ ಪಂದ್ ಪಂಡೆರ್.

ಕಾಲೇಜ್ ದ ಐಕ್ಯೂಎಸಿ ಸಂಚಾಲಕೆರಾಯಿನ ಡಾ.ಸಿ. ಜಯರಾಮ್ ಶೆಟ್ಟಿಗಾರ್ ಲೇಸ್ ಉದಿಪನ ಮಲ್ತೆರ್ . ಊಔಆ ಪ್ರೊ. ಸೋಫಿಯಾ ಡಯಾಸ್. ಮಹಿಳಾ ಪ್ರಕೋಷ್ಠದ ಸಂಚಾಲಕಿ ಪ್ರೊ. ರೇಷ್ಮಾ, ಸಾರ್ವಜನಿಕ ಸಂಪರ್ಕಾಧಿಕಾರಿ ಪ್ರೊ. ರವಿನಂದನ್, ಶಾಂತಾ ಶ್ರೀನಿವಾಸ ಪೂಜಾರಿ ಪಾಲ್ ಪಡೆದಿತ್ತೆರ್ .

ದೇವೆರೆ ಪಾದೋ ಸೇರಿನ ಫುಟ್ಬಾಲ್ ದಂತಕಥೆ ಕ್ರಿಸ್ಟಿಯಾನೋ ರೊನಾಲ್ಡೊ ನ ಆಣ್ ಬಾಲೆ

Apr 19, 2022

ಫುಟ್ಬಾಲ್‌ದ ಜೀವಂತ ದಂತಕಥೆ ಕ್ರಿಸ್ಟಿಯಾನೋ ರೊನಾಲ್ಡೋ ಮೆರೆನ ಆಣ್ ಬಾಲೆ ತೀರ್ ಪೋಯಿನ ಬಗ್ಗೆ ಮಾಹಿತಿ ಬೈದುಂಡು.

ಅಂದ್ , ಲೆಜೆಂಡರಿ ಫುಟ್ಬಾಲ್ ಪಂತಾರ್ಥಿ ಕ್ರಿಸ್ಟಿಯಾನೋ ರೊನಾಲ್ಡೊ ಬೊಕ್ಕ ಅರೆನ ಸಂಗಾತಿ ಜಾರ್ಜಿನಾ ರೋಡ್ರಿಗಸ್ ತನ್ನ ಆಣ್ ಬಾಲೆನ್ ಕಲೆಯೊಂದಿನ ಬಗ್ಗೆ ಅಧಿಕೃತ ಮಾಹಿತಿನ್ ಸಾಮಾಜಿಕ ಮಾಧ್ಯಮಡ್ ಪಂಡೆರ್ .

ನಮ್ಮ ಪೊಣ್ಣು ಬಾಲೆದ ಪುಟ್ಟು ಈ ಕ್ಷಣನ್ ಚೂರು ಭರವಸೆ ಕೊರ್ದು ನಂಕ್ ಬದ್ ಕೆರೆ ಶಕ್ತಿ ಕೊರೊಂದು ಉಲ್ಲೆರ್ .”ಪಂದ್ ಪಂಡೆರ್.

Cristiano Ronaldo loses infant son.

Football star from Portugal Cristiano Ronaldo and his partner Georgina Rodriguez lost their infant son at childbirth.
Sharing his grief on social media he said the birth of a baby girl has given him the hope and strength to move on .

ಕಾಫಿನಾಡು ಚಿಕ್ಕಮಗಳೂರುಗು ಇನಿ ಭೇಟಿ ಕೊರ್ರೆ ಉಲ್ಲೆರ್ ಸಿಎಂ ಬೊಮ್ಮಾಯಿ

Apr 19, 2022

ಚಿಕ್ಕಮಗಳೂರು : ಕಾಫಿನಾಡು ಪಂದೆ ಪುದರ್ ಪಡೆಯಿನ ಚಿಕ್ಕಮಗಳೂರು ಜಿಲ್ಲೆಗ್ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಇನಿ ಭೇಟಿ ಕೊರಿಯೆರೆ ಉಲ್ಲೆರ್ .
ಸಿಎಂ ಆಯಿ ಬೊಕ್ಕ ಸುರುತ ಸಲ ಮೇರ್ ಜಿಲ್ಲೆಗ್ ಭೇಟಿ ಕೊರೊಂದು ಉಲ್ಲೆರ್ . ಮುಖ್ಯಮಂತ್ರಿ ಹರಿಹರಪುರ ಮಠಕ್ ಭೇಟಿ ಕೊರಿಯೆರೆ ಉಲ್ಲೆರ್ .

ಕಾಂಡೆ 9.50ಗ್ ಶೃಂಗೇರಿದ ಮೆಣಸೆ ಹೆಲಿಪ್ಯಾಡ್ ಗ್ ಬೊಮ್ಮಾಯಿ ಬರ್ರೆ ಉಲ್ಲೆರ್ .10 ಗಂಟೆಗ್ ಶೃಂಗೇರಿ ಶಾರದಾಂಬೆ ದರ್ಶನ ಮಲ್ತ್ .11 ಗಂಟೆಗ್ ಹರಿಹರಪುರ ಮಠಕ್ ಪೋಯೆರೆ ಉಲ್ಲೆರ್.

CM Bommai visits Chickmanglore today.

Chickmanglore: The CM Basavaraj Bommai visited Chickmanglore district for the first time after swearing in as CM.He visited Hariharpur Mutt.
He also visited the renowned Sringeri Sharadamba temple.

ಬಂಟ್ವಾಳ : ಮೂಡೂರು -ಪಡೂರು ಕಂಬುಲದ ಫಲಿತಾಂಶ : ಮಿಜಾರು ಶ್ರೀನಿವಾಸ ಗೌಡೆರೆಗ್ ವಿಶೇಷ ಪ್ರಶಸ್ತಿ

Apr 19, 2022

ಬಂಟ್ವಾಳ: 2021-22ರ ಸಾಲ್ ದ ಕಡೆತ ಕಂಬುಲ ಕೂಟ ಬಂಟ್ವಾಳ ನಾವೂರುಡು ಮುಗಿದುಂಡು . ಐತಾರ ಸುರು ಆದ್ ಸೋಮಾರದಾನಿ ಮಧ್ಯಾಹ್ನ ಮುಟ ನಡತಿನ ಬಂಟ್ವಾಳ- ನಾವೂರು “ಮೂಡೂರು – ಪಡೂರು” ಜೋಡುಕರೆ ಕಂಬಳ ಕೂಟಡ್ ಖ್ಯಾತ ಓಟಗಾರ ಮಿಜಾರು ಅಶ್ವಥಪುರ ಶ್ರೀನಿವಾಸ ಗೌಡೆರ್ ಮೂಜಿ ಪ್ರಶಸ್ತಿ ಪಡೆದ್ ಪುದರ್ ಪಡೆತೆರ್.

ಕೂಟಡ್ ಒಟ್ಟು 162 ಜತೆ ಎರುತ ಪಾಲ್ ಪಡೆದ್ ಇತ್ತುಂಡು . ಕನೆಪಲಯಿ ವಿಭಾಗಡ್ ಮೂಜಿ ಜೊತೆ, ಅಡ್ಡಪಲಯಿ ವಿಭಾಗಡ್ 8 ಜತೆ , ಬಲ್ಲ್ ದ ಮಲ್ಲ 13 ಜೊತೆ, ನಾಯರ್ ದ ಮಲ್ಲ ವಿಭಾಗಡ್ 21 ಜೊತೆ, ಬಲ್ಲ್ ದ ಎಲ್ಯ ವಿಭಾಗಡ್ 8 ಜೊತೆ, ನಾಯರ್ ದ ಎಲ್ಯ ವಿಭಾಗಡ್ 62 ಜತೆ ಎರುಕುಲು ಪಾಲ್ ಪಡೆದ್ ಇತ್ತುಂಡು.

ಬಂಟ್ವಾಳ- ನಾವೂರು ಕಂಬಳ ಫಲಿತಾಂಶ

ಕನೆಪಲಯಿ : (ನೀರು ತೂದು ಇನಾಮು )

ಸುರುತ ಇನಾಮು : ಬೆಳ್ಳಿಪ್ಪಾಡಿ ರಮಾನಾಥ ರೈ

ಪಲಯಿ ಮೆಟ್ಟಿನಾರ್ : ತೆಕ್ಕಟ್ಟೆ ಸುಧೀರ್ ದೇವಾಡಿಗ

ರಡ್ಡ ನೇ ಇನಾಮು : ಬಾರ್ಕೂರು ಶಾಂತಾರಾಮ ಶೆಟ್ಟಿ

ಪಲಯಿ ಮೆಟ್ಟಿನಾರ್: ಮಂದಾರ್ತಿ ಶಿರೂರು ಗೋಪಾಲ ನಾಯ್ಕ್

ಅಡ್ಡ ಪಲಯಿ

ಸುರುತ ಇನಾಮು : ಅಳ್ಳಿಪಾದೆ ಕೆಳಗಿನಮನೆ ವಿನ್ಸೆಂಟ್ ಪಿಂಟೋ “ಎ”

ಪಲಯಿ ಮೆಟ್ಟಿನಾರ್: ಸಾವ್ಯ ಗಂಗಯ್ಯ ಪೂಜಾರಿ

ರಡ್ಡನೇ ಇನಾಮು : ಅಳ್ಳಿಪಾದೆ ಕೆಳಗಿನಮನೆ ವಿನ್ಸೆಂಟ್ ಪಿಂಟೋ “ಬಿ”

ಪಲಯಿ ಮೆಟ್ಟಿನಾರ್: ಸಾವ್ಯ ಗಂಗಯ್ಯ ಪೂಜಾರಿ

ಬಲ್ಲ್ ದ ಮಲ್ಲ

ಸುರುತ ಇನಾಮು : ಮಿಜಾರ್ ಪ್ರಸಾದ್ ನಿಲಯ ಪ್ರಖ್ಯಾತ್ ಶೆಟ್ಟಿ “ಎ”

ಗಿಡಯಿನಾರ್ : ಮಿಜಾರು ಅಶ್ವಥಪುರ ಶ್ರೀನಿವಾಸ ಗೌಡ

ರಡ್ಡನೇ ಇನಾಮು : ಮಿಜಾರ್ ಪ್ರಸಾದ್ ನಿಲಯ ಪ್ರಖ್ಯಾತ್ ಶೆಟ್ಟಿ “ಬಿ”

ಗಿಡಯಿನಾರ್: ಮಿಜಾರು ಅಶ್ವಥಪುರ ಶ್ರೀನಿವಾಸ ಗೌಡ

ಬಲ್ಲ್ ದ ಎಲ್ಯ

ಸುರುತ ಇನಾಮು : ನಂದಳಿಕೆ ಕಂಪೊಟ್ಟು ವಿಕ್ಟರ್ ನೊರೊನ್ಹ

ಗಿಡಯಿನಾರ್: ಭಟ್ಕಳ ಶಂಕರ್

ರಡ್ಡನೇ ಇನಾಮು : ಶ್ರೀ ವಿಷ್ಣುಮೂರ್ತಿ ದೇವತಾ ಬಿಳಿಯೂರು ಮೇಗಿನಮನೆ ಶ್ರೀಶಾಂತ್ ಗಣಪ ಭಂಡಾರಿ

ಗಿಡಯಿನಾರ್: ಅತ್ತೂರು ಕೋಡಂಗೆ ಸುಧೀರ್ ಸಾಲ್ಯಾನ್

ನಾಯರ್ ದ ಮಲ್ಲ

ಸುರುತ ಇನಾಮು : ಬೀಯಪಾದೆ ಕೆರೆಕೋಡಿಗುತ್ತು ಶೇಖರ ಪೂಜಾರಿ “ಎ”

ಗಿಡಯಿನಾರ್: ಮಿಜಾರು ಅಶ್ವಥಪುರ ಶ್ರೀನಿವಾಸ ಗೌಡ

ರಡ್ಡನೇ ಇನಾಮು : ಬೋಳದ ಗುತ್ತು ಸತೀಶ್ ಶೆಟ್ಟಿ “ಬಿ”

ಗಿಡಯಿನಾರ್: ಮರೋಡಿ ಶ್ರೀಧರ್

ನಾಯರ್ ದ ಎಲ್ಯ

ಸುರುತ ಇನಾಮು : ಕಟೀಲ್ ಕೊಡೆತ್ತೂರು ಕಿನ್ನೆಚ್ಚಿಲ್ ಪ್ರಸಾದ್ ಶೆಟ್ಟಿ “ಎ”

ಗಿಡಯಿನಾರ್: ಪಟ್ಟೆ ಗುರುಚರಣ್

ರಡ್ಡನೇ ಇನಾಮು : ಕಜೆಕಾರ್ ಕೊಲೆಂಜಿಲೋಡಿ ಶ್ರೀನಿಧಿ ವಾರಿಜ ಸುಂದರ್ ಪೂಜಾರಿ

ಗಿಡಯಿನಾರ್: ಒಂಟಿಕಟ್ಟೆ ರಿತೇಶ್

ನಾಯರ್ ಸಬ್ ಜೂನಿಯರ್

ಸುರುತ ಇನಾಮು : ಪಣೋಳಿಬೈಲು ಭಂಡಾರದ ಮನೆ ರಮೇಶ್ ಕುಲಾಲ್ “ಎ”

ಗಿಡಯಿನಾರ್: ಪಟ್ಟೆ ಗುರುಚರಣ್

ರಡ್ಡನೇ ಇನಾಮು : ಕಕ್ಕೆಪದವು ಪೆಂರ್ಗಾಲು ಶಿವಮ್ಮ ವೆಂಕಪ್ಪ ಗೌಡ

ಗಿಡಯಿನಾರ್: ಕಕ್ಕೆಪದವು ಪೆಂರ್ಗಾಲು ಕೃತಿಕ್.

Results of Mudur- Padur Kambala: Mijar Srinivasa Gowda gets an special award.

Bantwal: The last Kambala of the season at Bantwal; Navoor ” Mudur-Padur Jodukambala ended on Monday.The renowned Kambala jockey from Mijar Srinivasa Gowda won three awards.
162 pairs of bulls participated in the Kambala.
In the various sections details are as follows:
Kanepalai- 3 pairs
Adda palai- 8 pairs
Baluda Malla- 13 pairs
Naiarda Malla -21 pairs
Balluda Allya-8 pairs
Naiarda Allya -62 pairs.

ಮೇ 20 ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಸಿನಿಮಾ ಬುಡುಗಡೆ

Apr 19, 2022

ಒಂದು ಮೊಟ್ಟೆಯ ಕಥೆ ಪಿಚ್ಚರ್ ದ ಮುತಾಲಿಕೆಡ್ ವೈಭವ್ ಪ್ರಿಕ್ಸ್ ಅಡಿಟ್, ಮ್ಯಾಂಗೋ ಪಿಕಲ್ ಬ್ಯಾನರ್ ಸಹಭಾಗಿತ್ವಡ್ ರಾಹುಲ್ ಅಮೀನ್ ನಿರ್ದೇಶನ ಮಲ್ತಿನ “ರಾಜ್‌ ಸೌಂಡ್ಸ್‌ ಆ್ಯಂಡ್‌ ಲೈಟ್ಸ್‌” ಮೇ 20 ತಾರೀಕ್ ಗ್ ತುಳುನಾಡ್ ಡ್ ಬುಡುಗಡೆ ಆಯರೇ ಉಂಡು. ಈ ಪಿಚ್ಚರ್ ಫ್ಯಾಮಿಲಿ ಎಂಟರ್ಟೈ ನ್ಮೆಂಟ್ ಆದಿತ್ತ್ ದ್, ಪಿಚ್ಚರ್ ದ ಟೀಸರ್ ಕೆಲ ದಿನಟ್ಟೆ ಲಕ್ಷರ್ದ್ ಲ ಮಿತ್ತ್ ವೀಕ್ಷಣೆ ಪಡೆದ್ ತುಳು ಚಿತ್ರರಂಗಡ್ ಇತಿಹಾಸನ್ ಸೃಷ್ಟಿ ಮಲ್ತ್ ದ್ಂಡ್.

ಈ ಪಿಚ್ಚರ್ 11 ದೇಶಲೆಡ್ ಬೊಕ್ಕ ಭಾರತದ 6 ಪ್ರಮುಖ ನಗರಡ್ ಸುರುತ್ತ ಪ್ರದರ್ಶನ ನಡಪರೆ ಉಂಡು. ರಾಜ್ ಸೌಂಡ್ಸ್ ಅಂಡ್ ಲೈಟ್ಸ್ ಪಿಚ್ಚರ್ ದ ಉದಿಪನ ಏ.24 ತಾರೀಕ್ ಗ್ ದುಬೈದ ಹೋಟೆಲ್ ಮಾರ್ಕೊ ಪೋಲೋ ಅಲ್ ಮತೀನಾ ಸೇಂಟ್ ದೇರಾಡ್ ಲೇಸ್ ನಡಪರೆ ಇತ್ತ್ ದ್ ಬೊಕ್ಕ ಆಯಿತ್ತ ಲೆಪ್ಪೋಲೆನ್ ಏ.18 ತಾರೀಕ್ ಸೋಮಾರದಾನಿ ಬುಡುಗಡೆ ಮಲ್ತೆರ್.

USA, ಯುನೈಟೆಡ್ ಕಿಂಗ್‌ಡಮ್, ಬಹ್ರೇನ್, ಕುವೈತ್, ನೈಜೀರಿಯಾ, ಜಾಂಬಿಯಾ, ಸೌದಿ ಅರೇಬಿಯಾ, ಇಸ್ರೇಲ್, ಕತಾರ್, ಯುಎಇ (ದುಬೈ, ಅಬುಧಾಬಿ, ಶಾರ್ಜಾ) ಬೊಕ್ಕ ಒಮಾನ್‌ ಡ್ ಪಿಚ್ಚರ್ ದ ಪ್ರೀಮಿಯರ್ ಶೋ ನಡಪರೆ ಉಂಡು.

ಭಾರತದ ಆಜಿ ಪೇಂಟೆಯಾಯಿನ ಬೊಂಬೈ, ಪುಣೆ, ಬರೋಡಾ, ಮೈಸೂರ್ ಬೊಕ್ಕ ಬೆಂಗ್ಳೂರ್ ಡ್ ರಾಜ್ ಸೌಂಡ್ಸ್ ಬೊಕ್ಕ ಲೈಟ್ಸ್ ದ ವಿಶ್ವ ಸುರುತ್ತ ಪ್ರದರ್ಶನಗ್ ಸಾಕ್ಷಿಯಾಯಾರೇ ಉಂಡು. ಉಂದು 11 ದೇಶ ಬೊಕ್ಕ ಭಾರತದ ಆಜಿ ನಗರಡ್ ಪ್ರೀಮಿಯರ್ ಶೋ ಆಯಿನ ಸುರುತ್ತ ಚಿತ್ರ ಆತ್ಂಡ್.

ಪಿಚ್ಚರ್ ನ್ ಆನಂದ್ ಎಂ ನಿರ್ಮಾಣ ಮಲ್ತ್ ದಿತ್ತ್ ದ್, ಬಿ.ಅಶೋಕ್ ಕುಮಾರ್, ಸೀತಾರಾಮ್ ಶೆಟ್ಟಿ, ಅಜಯ್ ಬಾಳಿಗಾ, ಸುಹಾನ್ ಪ್ರಸಾದ್, ಪವನ್ ಕುಮಾರ್, ನಿತಿನ್ ರಾಜ್ ಶೆಟ್ಟಿ ಬೊಕ್ಕ ಅರ್ಪಿತ್ ಅಡ್ಯಾರ್ ಸಹ ನಿರ್ಮಾಪಕೆರಾತೆರ್.

ನಾಯಕೆ ನಟೆ ವಿ.ಜೆ.ವಿನೀತ್ ಪಿಚ್ಚರ್ ಗ್ ಕಥೆ, ಚಿತ್ರಕಥೆನ್ ಬರೆತ್ತೆರ್. ಜೇಕಬ್ ಜಾನ್ಸನ್ ಸಾಕಾರನ್ ಮಲ್ತೆರ್. ಗಿರ್ಗಿಟ್ ಪುಗರ್ತೆದ ಪ್ರಸನ್ನ ಶೆಟ್ಟಿ ಬೈಲೂರು ಸಂಭಾಷಣೆನ್ ಬರೆತ್ತೆರ್. ಪಿಚ್ಚರ್ ಗ್ ಪದನ್ ಸೃಜನ್ ಕುಮಾರ್ ತೋನ್ಸೆ ಸಂಯೋಜನೇ ಮಲ್ತೆರ್.

ರಾಜಣ್ಣನ ಮಗೆ ರಿಶಿ ಒರಿ ಈವೆಂಟ್‌ ಮ್ಯಾನೇಜರ್‌. ಯಾನ್ ಒರಿ ಮಲ್ಲ ವ್ಯಕ್ತಿಯಾವೊಡ್ ಪನ್ಪಿನ ಬಗೆಟ್ಟ್ ಮಸ್ತ್ ಪೊರ್ಂಬಾಟ ಮಲ್ತೊಂದಿಪ್ಪುವೆ. ಒಂಜಿ ಮಲ್ಲ ಲೇಸ್ ನ್ ಆಯೋಜನೆ ಮಲ್ತ್ ದ್ ಆಯಿಟ್ಟ್ ಆಯೇ ಯಶಸ್ವಿಯಾಯೆನ ಇಜ್ಜೆನ ಪನ್ಪಿನವ್ ಈ ಚಿತ್ರದ ಕಥೆಯಾತ್ಂಡ್.

ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ತುಳು ಪಿಚ್ಚರ್ ಫೆಬ್ರವರಿ ತಿಂಗೋಲ್ ಡ್ ಬುಡುಗಡೆ ಮಲ್ಪಿನವ್ ಪಂದ್ ಘೋಷಣೆ ಮಲ್ತಿತೆರ್. ಕೋವಿಡ್ ಕಾರಣರ್ದಾವರ ತಾರೀಕ್ ನ್ ದುಂಬು ದೀದಿತ್ತ್ ದ್, ಇತ್ತೆ ಪಿಚ್ಚರ್ ಬುಡುಗಡೆ ಆಯರೇ ಪೊಸ ತಾರೀಕ್ ನ್ ಘೋಷಣೆ ಮಲ್ತೆರ್.

ಪಿಚ್ಚರ್ ಡ್ ತುಳುನಾಡ್ ದ ಕಾಮಿಡಿ ಕಿಂಗ್ ಅರವಿಂದ್ ಬೋಳಾರ್ ಅಭಿನಯ ಮಲ್ತಿನ ಇಂಟ್ರೋ ಟೀಸರ್ ಇತ್ತೆ ಯೂಟ್ಯೂಬ್ ಡ್ ಎಡ್ಡೆ ರೀತಿಡ್ ಪ್ರತಿಕ್ರಿಯೆ ವ್ಯಕ್ತ ಆವೊಂದ್ಂಡ್. ಒಂದು ಮೊಟ್ಟೆಯ ಕಥೆತ್ತ ಚಿತ್ರತಂಡ ಇತ್ತೆ ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಪನ್ಪಿನ ಕಾಮಿಡಿ ಅಂಚನೆ ಕೌಟುಂಬಿಕ ಕಥಾ ಸಾರಾಂಶ ಇತ್ತಿನ ಪಿಚ್ಚರ್ ನ್ ಬುಡುಗಡೆ ಮಲ್ಪರೆ ತಯಾರ್ ಆತ್ಂಡ್.

ಕರ್ನಾಟಕ ರಾಜ್ಯ ದೇವಾಡಿಗ ಸಂಘದ ಅಧ್ಯಕ್ಷೆರ್ ಡಾ.ದೇವರಾಜ್ ಕೆ, ದಯಾನಂದ್ ಕತ್ತಲ್ಸಾರ್, ಪಿ.ಅಶೋಕ್, ಪ್ರಕಾಶ್ ಪಾಂಡೇಶ್ವರ, ಮೋಹನ್ ಬಂಟ್ವಾಳ, ನವರಸ ರಾಜೆ ಬೋಜರಾಜ್ ವಾಮಂಜೂರ್, ರೋಷನ್ ರೋನಾಲ್ಡ್, ನಾಯಕ ನಟಿ ಚೈತ್ರಾ ಶೆಟ್ಟಿ ಅಂಚನೇ ಮಸ್ತ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಎಂಕಾಂ ಪರೀಕ್ಷೆ: ಕುಡ್ಲದ ಪೊಣ್ಣು, ನಟಿ- ನಿರೂಪಕಿ ಶೀತಲ್ ಕುಡ್ಲಗ್ ಸುರುತ ರಾಂಕ್

Apr 18, 2022

ಕುಡ್ಲ : ಪೇಂಟೆದ ಬೆಸೆಂಟ್ ಸಂಧ್ಯಾ ಕಾಲೇಜ್ ದ ವಿದ್ಯಾರ್ಥಿನಿ,ನಟಿ, ನಿರೂಪಕಿ ಶೀತಲ್ ಮೇರ್ ಎಂಕಾಂ ಪರೀಕ್ಷೆಡ್ ಸುರುತ ಶ್ರೇಣಿ ಪಡೆತೆರ್ .

ಕುಡ್ಲದ ಕೆನರಾ ಶಿಕ್ಷಣ ಸಂಸ್ಥೆಡ್ ಪ್ರಾಥಮಿಕ ಶಿಕ್ಷಣರ್ದ್ ಪದವಿ ಮುಟ ವಿದ್ಯಾಭ್ಯಾಸ ಮಲ್ತಿನ ಆರ್ ಬೆಸೆಂಟ್ ಸಂಧ್ಯಾ ಕಾಲೇಜ್ ಡ್ ಎಂಕಾಂ ಶಿಕ್ಷಣ ಪಡೆತೆರ್ .ಕಿನ್ಯ ಪ್ರಾಯೊಡೇ ತುಳು ರಂಗಭೂಮಿ ಪ್ರವೇಶ ಮಲ್ತಿನ ಮೇರ್ . ನಾಯಕಿ ನಟಿಯಾದ್ ನಟನೆಡ್ಲಾ ಬಾರಿ ಪುಗಾರ್ತೆ ಪಡೆತೆರ್ . ಖಾಸಗಿ ಟಿವಿ ವಾಹಿನಿಡ್ ನಿರೂಪಕಿಯಾದ್ ಬೇಲೆ ಮಲ್ತೊಂದು ಉಲ್ಲೆರ್ .

ಮೇರ್ ಕೆ.ಪ್ರಕಾಶ್ ಬೊಕ್ಕ ಗೀತಾ ದಂಪತಿನ ಒರ್ತಿಯೇ ಮಗಲ್. ಮೇರ್ ಎ. ಜೆ. ಸಂಸ್ಥೆಡ್ ಪ್ರಾಧ್ಯಾಪಕಿಯಾದ್ ಬೇಲೆ ಮಲ್ತೊಂದು ಉಲ್ಲೆರ್ ತನ್ನ ಜೋಕ್ಲೆಗ್ ಉಪದ್ರ ಆಯರೇ ಬಲ್ಲಿ ಪಂದ್ ನಟನೆರ್ದ್ ದೂರ ಉಲ್ಲೆರ್.ದಬಕ್ ದಬ ಐಸಾ ಇಂಚಿನ ಚಿತ್ರಡ್ಲಾ ನಟನೆ ಮಲ್ದೆರ್ . ಮೇರ್ ಮೆಹಂದಿ ಆರ್ಟಿಸ್ಟ್, ಡ್ಯಾನ್ಸರ್ ಲಾ ಅಂದ್.

ಉಳ್ಳಾಲ್ಧ ಕೋಟೆ ಕರಿಂಜೆ ದೈವಸ್ಥಾನಡ್,ಪೆರಿಯ ಕೊಡಮಂದಾಯ ಮುಕ್ಕಾಲ್ದಿ ಪೂವಪ್ಪ ಶೆಟ್ಟಿ ಬೊಕ್ಕ ಯುವ ಬರಹಗಾರೆ ನೀತು ಬೆದ್ರ ಕರಿಂಜೆಗ್ ಮಾನಾದಿಗೆ

Apr 18, 2022

ಬೆದ್ರ : ಶ್ರೀ ದೈವ ಕುಮಾರೆ,ಕೊಡಮಂದಾಯೆ,ಬೆಮ್ಮೆರ್ ಬೈದೆರ್ಲು ಮಾಯಂದಾಲೆ ದೈವಸ್ಥಾನ ಶ್ರೀ ಕ್ಷೇತ್ರ ಉಳ್ಳಾಲ್ಧ ಕೋಟೆ ಕರಿಂಜೆ ಬೆದ್ರಡ್ ವರ್ಷಾವಧಿ ನೇಮೊಚ್ಛಯದ ಪೊರ್ತುಡ್ 47 ವರ್ಷ ಸೇವೆ ಮಲ್ತಿನ ಕೊಡಮಂದಾಯ ಮುಕ್ಕಾಲ್ದಿ ಪೂವಪ್ಪ ಶೆಟ್ಟಿ, ಜಾಗೆದ ಜೀಟಿಗೆದ ಚಾಕಿರಿದಾರ್ ರಾಮಣ್ಣ ಕುಂದರ್ ಬೊಕ್ಕ ,ಊರುದ ಯುವ ಬರವುಗಾರೆ ನೀತು ಬೆದ್ರ ಮೇರೆಗ್ ಮಾನಾದಿಗೆ ನಡತುಂಡು.. ಮಾನಾದಿಗೆದ ಪೊರ್ತುಡ್ ಕರಿಂಜೆ ಗುತ್ತು ಕೃಷ್ಣರಾಜ್ ಹೆಗ್ಡೆ, ಬಾಹುಬಲಿ ಪ್ರಸಾದ್ ಶ್ರೀಪತಿ ಭಟ್, ಬೊಕ್ಕ ಪಾಲು ಪಟ್ಟುದಿತ್ತೆರ್ .

April 2022

ಸಂತೋಷ್ ಪಾಟೀಲ್ ಸೂಸೈಡ್ ಮಲ್ತಿನ ಲಾಡ್ಜ್ ಡ್ ಬಲ್ಲ್ ದೆತೊoಡಿನ ಜವಣ್ಯೆ

ಕಟಪಾಡಿ : ಏಣಗುಡ್ಡೆ ಗೊರೊಡಿಡ್ ಬ್ರಹ್ಮಕಲಶದ ಗೌಜಿ

ಕೆರ್ವಾಶೆ ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ವಾರ್ಷಿಕ ಜಾತ್ರಾ ಉಚ್ಚಯ

ಕೋಟ ಶ್ರೀನಿವಾಸ ಪೂಜಾರ್ಲೆನ ಮಗಲ್ ಸ್ವಾತಿ ಪೂಜಾರಿ ಮೂಜನೆ ರಾಂಕ್

ದೇವೆರೆ ಪಾದೋ ಸೇರಿನ ಫುಟ್ಬಾಲ್ ದಂತಕಥೆ ಕ್ರಿಸ್ಟಿಯಾನೋ ರೊನಾಲ್ಡೊ ನ ಆಣ್ ಬಾಲೆ

ಕಾಫಿನಾಡು ಚಿಕ್ಕಮಗಳೂರುಗು ಇನಿ ಭೇಟಿ ಕೊರ್ರೆ ಉಲ್ಲೆರ್ ಸಿಎಂ ಬೊಮ್ಮಾಯಿ

ಬಂಟ್ವಾಳ : ಮೂಡೂರು -ಪಡೂರು ಕಂಬುಲದ ಫಲಿತಾಂಶ : ಮಿಜಾರು ಶ್ರೀನಿವಾಸ ಗೌಡೆರೆಗ್ ವಿಶೇಷ ಪ್ರಶಸ್ತಿ

ಮೇ 20 ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಸಿನಿಮಾ ಬುಡುಗಡೆ

ಎಂಕಾಂ ಪರೀಕ್ಷೆ: ಕುಡ್ಲದ ಪೊಣ್ಣು, ನಟಿ- ನಿರೂಪಕಿ ಶೀತಲ್ ಕುಡ್ಲಗ್ ಸುರುತ ರಾಂಕ್

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ