November 2020

ಅತ್ಯಾಚಾರ ಮಲ್ತಿನ ಆರೋಪಡ್ ಕಲ್ಲಮುಂಡ್ಕೂರ್ ದ ರಿಕ್ಷಾ ಚಾಲಕ ನ ಬಂಧನ

ಮೂಡುಬಿದಿರೆ : ಎಲ್ಯ ಪೊಣ್ಣನ್ ಅತ್ಯಾಚಾರ ಮಲ್ತಿನ ಆರೋಪಡ್ ಕಲ್ಲಮುಂಡ್ಕೂರ್ ದ ರಿಕ್ಷಾ ಚಾಲಕೆನ್ ಕುಡ್ಲದ ಮಹಿಳಾ ಪೊಲೀಸೆರ್ ಬಂಧಿಸಿ ಪೊಕ್ಸೊ ಪ್ರಕರಣ ದಾಖಲ್ ಮಲ್ದೆರ್ .

ಬಂಧಿತ ಆರೋಪಿನ್ ಸತೀಶ್ ಅಂಚನ್ ಪಂದ್ ಪಂತೆರ್ . ಇಂಬೆ ತಾಸೆ ವಾದಕೆ ಪಂದ್ ತೆರಿದ್ ಬೈದುಂಡು . ತನ್ನ ಊರ್ದ ಎಲ್ಯ ಪೊಣ್ಣ ನೊಟ್ಟುಗು ಸ್ನೇಹ ಆದ್ ಆಲ್ನೋಟ್ಟುಗು ಸಲುಗೆಡ್ ನಡತೊಂದು ಇತ್ತೆ ಪಂದ್ ತೆರಿದ್ ಬೈದುಂಡು . ಜುಲೈಡ್ ಪೊಣ್ಣು ಕಲ್ಲಮುಂಡ್ಕೂರ್ ಡ್ ನಡತೊಂದು ಬರೊಂದು ಉಪ್ಪುನಗ ಆರೋಪಿ ಸತೀಶ್ ಆರ್ನ ರಿಕ್ಷಾಡ್ ಬಲವಂತವಾದ್ ಕುಲ್ಲದ್ ಕಲ್ಲ್ ಕೋರೆಗ್ ಲೆತೊಂದು ಅತ್ಯಾಚಾರ ಮಲ್ದೆ ಪಂದ್ ತೆರಿದ್ ಬೈದುಂಡು .

ತುಳುನಾಡ ತುತ್ತೈತ ಜೋಕ್ಲೆನ ಬಾವಚಿತ್ರ ಪಂಥೊದ ಮುಗಿತಲದ ಲೇಸ್ ಅಂಚನೇ ಕೊರಗಜ್ಜನ ಪದತ್ತ ಬಾಲೆ ಕಾರ್ತಿಕ್ ಗ್ “ತುಳುವ ಕುರಲ್” ಬಿರ್ದ್

ಕುಡ್ಲ : ಕೊರಗಜ್ಜನ ಪದ ಪಂಡ್ ದ್ ಪುಗರ್ತೆ ಪಡೆಯಿನ ಕಾರ್ಲದ ಬಾಲೆ ಕಾರ್ತಿಕ್ ಗ್ ” ತುಳುವ ಕುರಲ್” ಪನ್ಪಿನ ಬಿರ್ದ್ ಕೊರ್ದು ಮಾನಾದಿಗೆ ಮಲ್ಪುನ ಲೇಸ್ ಶನಿಯಾರ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸಿರಿ ಚಾವಡಿಡ್ ನಡತ್ಂಡ್.ಜೋಕುಲೆನ ದಿನೊತ್ತ ಲೆಕ್ಕೊಡು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಟೈಮ್ಸ್ ಆಫ್ ಕುಡ್ಲ ತುಳು ಪತ್ರಿಕೆ, ರೋಟರಿ ಕ್ಲಬ್ ಮುಲ್ಕಿ ಬೊಕ್ಕ ಶ್ರೀ ಸುಬ್ರಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್ ತೋಕೂರು ಹಳೆಯಂಗಡಿ ಮೊಕಲೆನ ಒಟ್ಟು ಸೇರಿಗೆಡ್ ನಡತಿನ ತುಳುನಾಡ ತುತ್ತೈತ ಜೋಕುಲೆನ ಬಾವಚಿತ್ರ ಪಂಥೊದ ಮುಗಿತಲದ ಲೇಸ್ ಡ್ ಬಿರ್ದ್ ಕೊರ್ಪಿನ ಕಜ್ಜ ನಡತ್ಂಡ್.

ಉಂದುವೇ ಪೊರ್ತುಡು ಬಾಲೆ ಕಾರ್ತಿಕ್ ನ ಮರ್ದ್ ಅನುಪಾನೊಗು ಬಿನ್ನೆರಾದ್ ಬತ್ತಿತ್ತಿನ ರೋಟರಿ ೩೧೮೧ ಜಿಲ್ಲೆದ ಗವರ್ನರ್ ರೊ.ರಂಗನಾಥ್ ಭಟ್ ಬೊಕ್ಕ ರಜನಿ ರಂಗನಾಥ್ ಭಟ್ ೨೫ ಸಾರ ರೂಪಾಯಿ ಪಣವು ಸಕಾಯದ ಘೋಷಣೆ ಮಲ್ತೆರ್.ಉಂದುವೇ ಪೊರ್ತುಡು ರಿಯಾಲಿಟಿ ಷೋ ಪುಗರ್ತೆದ ಅಚಿಂತ್ಯ ಪುರಾಣಿಕ್ ಗ್ ಲಾ ಮಾನಾದಿಗೆ ಮಲ್ತೆರ್.
ಅಂಚೆನೇ ತುಳುನಾಡ ತುತ್ತೈತ ಪಂಥೊಡು ಸುರೂತ್ತ ಇನಾಮು ಪಡೆಯಿನ ಲತೀಶ್ ಎಚ್ ಕುಮಾರ್, ರಡ್ಡನೇ ಇನಾಮು ಪಡೆಯಿನ ಯುಕ್ತಿ ಎಸ್ ಪ್ರಸಾದ್, ಬೊಕ್ಕ ಮೂಜಿನೇ ಇನಾಮು ಪಡೆಯಿನ ಜಸ್ವಿ ಕುಲಾಲ್ ಮೆರೆಗ್ ಇನಾಮು ಪಟ್ಟಿಯೆರ್.ಅವು ಅತ್ತಾಂದೆ ವಿಶೇಷ ಚೇತನ ಬಾಲೆ ಪ್ರಾರ್ಥನ್, ಜ್ಞಾನಿಕ ಕರ್ಕೇರ ಬೊಕ್ಕ ತೃಷಾ ಪನ್ಪಿನ ಬಾಲೆಗ್ ಲಾ ಮಾನಾದಿಗೆಲ್ತೆರ್. ಅವ್ವೇ ಅತ್ತಾಂದೆ ಬಾಕಿ  ಐನ್ ಜೋಕ್ಲೆಗ್ ಲಾ ಇನಾಮು  ಪಟ್ಟಿಯೆರ್.ಉಂದುವೇ ಪೊರ್ತುಡು ತುಳು ಅಕಾಡೆಮಿದ ಲೆಕ್ಕೊಡು ಬಾಲೆ ಕಾರ್ತಿಕ್ ಗ್ ೫೦೦೦ ರೂಪಾಯಿದ ಪಣವು ಸಕಾಯೊನು ದಯಾನಂದ‌ ಕತ್ತಲಸಾರ್ ಮಲ್ತೆರ್.ಮಲ್ಲ ಬಿನ್ನೆರಾದ್ ಟೈಮ್ಸ್ ಆಫ್ ಕುಡ್ಲ ಪತ್ರಿಕೆ ದ ಸಂಪಾದಕೆರ್ ಎಸ್.ಆರ್.ಬಂಡಿಮಾರ್, ರೊಟೇರಿಯನ್ ಎಮ್.ನಾರಾಯಣ್ ಇತ್ತೆರ್.

ತುಳು ಅಕಾಡೆಮಿದ ಗುರ್ಕಾರ್ಲು ದಯಾನಂದ ಜಿ.ಕತ್ತಲ್ ಸಾರ್ ಲೇಸ್ ದ ಗುರ್ಕಾರ್ಮೆ ಒಯಿಸಿಯೆರ್.

ಅಕಾಡೆಮಿದ ಸದಸ್ಯೆರ್ ಸಂಚಾಲಕೆರ್ ನರೇಂದ್ರ ಕೆರೆಕಾಡು ಲೇಸ್ ನಡಪಾದ್ ಕೊರಿಯೆರ್.ಪದುಕೆರಾಯಿನ ದಿನೇಶ್ ರೈ ಕಡಬ, ಲೀಲಾಕ್ಷ ಕರ್ಕೇರ ಚೇತಕ್ ಪೂಜಾರಿ, ಕಾರ್ಲದ ಸಂತೋಷ್ ಪೂಜಾರಿ, ಶಶಿಧರ ಶೆಟ್ಟಿ ನಿಟ್ಟೆ ಮಿತ್ತೆರ್ಮೆಡ್ ಇತ್ತೆರ್.ಮುಲ್ಕಿ ರೋಟರಿದ ಗುರ್ಕಾರ್ಲು ಅಶೋಕ್ ಕುಮಾರ್ ಶೆಟ್ಟಿ ಮಾತೆರೆನ್ಲ ಎದ್ಕೊಂಡೆರ್. ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್ ದ ಗುರ್ಕಾರ್ಲು ಸಂತೋಷ್ ದೇವಾಡಿಗ ಸೊಲ್ಮೆ ಸಂದಾಯೆರ್.
ನೆರ್ದ್ ದುಂಬು ತೋಕೂರುದ ಜೋಕುಲೆರ್ದ್ ತುಳು ಜಾನಪದ್ ನೃತ್ಯ ನಡತ್ಂಡ್.

ಯಕ್ಷ ಕವಿ, ಛಂದೋ ಬ್ರಹ್ಮ ಗಣೇಶ್ ಕೊಲಕಾಡಿ ಮೆರೆಗ್ ಬಿರುವೆರ್ ಕುಡ್ಲ ಮುಲ್ಕಿ ಘಟಕೊರ್ದು ಮಾನಾದಿಗೆ

ಮುಲ್ಕಿದ ಬಿರುವೆರ್ ಕುಡ್ಲ ಸದಸ್ಯೆರ್ ಯಕ್ಷ ಕವಿ, ಛಂದೋಬ್ರಹ್ಮ, ದಕ ಜಿಲ್ಲೆದ ರಾಜ್ಯೋತ್ಸವ ಪ್ರಶಸ್ತಿ ಪಡೆಯಿನ ಗಣೇಶ್ ಕೊಲಕಾಡಿ ಮೆರೆಗ್ ಮಾನಾದಿಗೆ ಮಲ್ತೆರ್.ಅಂಚೆನೇ ಬಿರುವೆರೆ ಕುಡ್ಲದ ೩೪ನೇ ಸೇವಾ ಯೋಜನೆನ್ಲಾ ಗಣೇಶ್ ಕೊಲಕಾಡಿ ಮೆರೆಗ್ ಸಂದೈತ ಮಲ್ತೆರ್.

ಬಿರುವೆರ್ ಕುಡ್ಲ ಮುಲ್ಕಿದ ಗುರ್ಕಾರ್ಲು ಕಿಶೋರ್ ಸಾಲ್ಯಾನ್ ಲೇಸ್ ದ ಗುರ್ಕಾರ್ಮೆ ವೈಸೊಂಡೆರ್.
ಮಲ್ಲ ಬಿನ್ನೆರಾದ್ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪಡೆಯಿನ ಚಂದ್ರಶೇಖರ ಸುವರ್ಣ ಬತ್ತಿತ್ತೆರ್.ಮಿತ್ತರ್ಮೆಡ್ ಮುಲ್ಕಿ ವಿಜಯಾ ರೈತರ ಸೇವಾ ಸಹಕಾರಿ ಸಂಘದ ಗುರ್ಕಾರ್ಲು ರಂಗನಾಥ ಶೆಟ್ಟಿ,ಕೊಲೆಕಾಡಿ ಛಂದೋಬ್ರಹ್ಮ ಟ್ರಸ್ಟ್ ದ ಮಲ್ಲ ಗುರ್ಕಾರ್ಲು ಸದಾಶಿವ ಶೆಟ್ಟಿಗಾರ್ , ಪದುಕೆರಾಯಿನ ಧನಂಜಯ ಕೊಯಿಲ, ಹರಿರಾಜ ಶೆಟ್ಟಿಗಾರ್, ಗುರುರಾಜ ಉಪಾಧ್ಯಾಯ ಎರ್,ಪಂಚಾಯತ್ ಮಾಜಿ ಸದಸ್ಯೆರ್ ಪ್ರಾಣೇಶ್ ಹೆಜಮಾಡಿ, ಬಿರುವೆರ್ ಕುಡ್ಲ ಮುಲ್ಕಿದ ಕಾರ್ಯಂತೆರ್ ಸತೀಶ್ ಕಿಲ್ಪಾಡಿ, ಒತ್ತು ಕಾರ್ಯಂತೆರ್ ರಿತೇಶ್ ಅಂಚನ್, ರಕ್ಷಿತ್ ಕೊಳಚಿಕಂಬಳ,ಸಂಘಟನಾ ಕಾರ್ಯಂತೆರ್ ರಮಾನಾಥ ಸುವರ್ಣ, ಸಲಹೆಗಾರೆರ್ ಉಮೇಶ್ ಮಾನಂಪಾಡಿ, ಗ್ರಾಮ ಸಂಚಾಲಕೆರ್ ಜಗದೀಶ್ ಕಕ್ವಾ, ಮಾಧವ ಪೂಜಾರಿ ಕಿಲ್ಪಾಡಿ, ಕಿಶೋರ್ ಅಂಚನ್, ಬಿರುವೆರ್ ಕುಡ್ಲದ ಸದಸ್ಯೆರ್ ಬೊಕ್ಕ ಅಭಿಮಾನಿಲು ಇತ್ತೆರ್.
ಕಿಶೋರ್ ಸಾಲ್ಯಾನ್ ಬಪ್ಪನಾಡು ಮಾತೆರೆನ್ಲ ಎದ್ಕೊನಿಯೆರ್. ರಿತೇಶ್ ಅಂಚನ್ ಮಾನಾದಿಗೆ ಪತ್ರ ಓದು ಪಂಡೆರ್. ಸತೀಶ್ ಕಿಲ್ಪಾಡಿ ಲೇಸ್ ನಡಪಾದ್ ಕೊರಿಯೆರ್.

ಜೋಕ್ಲೆನ ಸ್ಕಾಲರ್ಷಿಪ್ ವಿಚಾರೊಡು “ಸ್ಕಾಲರ್‌ಶಿಪ್ ಕೊಡಿ “ವಿದ್ಯಾರ್ಥಿ ಆಂದೋಲನ

ಕುಡ್ಲ : ಸ್ಕಾಲರ್‌ಶಿಪ್ ಮಂಜೂರಾತಿಡ್ ತಡ ಅಂಚನೇ ಅವ್ಯವಸ್ಥೆ ಬೊಕ್ಕ ಅಲ್ಪಸಂಖ್ಯಾತ ಜೋಕ್ಲೆಗ್ ಕೊರ್ಪಿನ ಪಿಎಚ್‌ಡಿ, ಎಂಫಿಲ್ ಫೆಲೋಶಿಪ್ ಕಡಿತ ಮಲ್ತಿನ ವಿರುದ್ಧ ಸ್ಕಾಲರ್‌ಶಿಪ್ ಕೊಡಿ ವಿದ್ಯಾರ್ಥಿ ಆಂದೋಲನ ನಡಪಾಯೆರೆ ನಿರ್ಧಾರ ಮಲ್ದೆರ್ ಪಂದ್ ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾ ದಕ್ಷಿಣ ಕನ್ನಡ ಜಿಲ್ಲಾಧ್ಯಕ್ಷ ಸಿರಾಜ್ ಶುಕ್ರವಾರ ತೆರಿಪಾಯೆರ್.

ಪ್ರಸಕ್ತ ಶೈಕ್ಷಣಿಕ ವರ್ಷದ ಶಾಲಾ ಕಾಲೇಜ್ ನನ ಸುರು ಆಪುಂಡು ಕೊರೊನಾದ ಕಾರಣೋರ್ದು ಜನಕ್ಲೆನ ಆರ್ಥಿಕ ಸ್ಥಿತಿಗತಿ ತೀರಾ ಬಾರಿ ಬಂಗಡ್ ಉಲ್ಲೆರ್ ಪೋಷಕೆರ್ ಅಕ್ಲೆನ ಜೋಕ್ಲೆನ ಫೀಸ್ ಕಟ್ಟೆರೆ ಒದ್ದಾಡೊಂದು ಉಲ್ಲೆರ್. ನನೊಂಜಿ ಕಡೆಟ್ ಶಿಕ್ಷಣ ಸಂಸ್ಥೆಲು ಲಾ ಆಡ್ಮಿಶನ್ ಫೀಸ್ ಜಾಸ್ತಿ ಮಲ್ದೆರ್ ಅತ್ತಂದೆ ಒಂಜೇ ಕಂತ್ ಡ್ ಕಾಸ್ ಕಟ್ಟರೆ ಒತ್ತಾಯ ಮಲ್ತೊಂದು ಉಲ್ಲೆರ್ . ನೆಕ್ಕ್ ಶಾಶ್ವತ ಪರಿಹಾರ ಕೊರ್ಪಿನ ನಿಟ್ಟ್ ಡ್ ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾ ದಕ್ಷಿಣ ಕನ್ನಡ ಜಿಲ್ಲಾ ಸಮಿತಿ ಸ್ಕಾಲರ್ ಶಿಪ್ ಕೊಡಿ ರಾಜ್ಯ ವ್ಯಾಪಿ ವಿದ್ಯಾರ್ಥಿ ಆಂದೋಲನ ನ್ ನಡಪಾಯೆರೆ ನಿರ್ಧಾರ ದೆತೊಂದೆರ್.
ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾ ದಕ್ಷಿಣ ಕನ್ನಡ ಜಿಲ್ಲಾ ಸಮಿತಿದ ಕಾರ್ಯದರ್ಶಿ ಸಮೀರುದ್ದೀನ್, ಮುಶೀದಾ ಸುದ್ದಿಗೋಷ್ಠಿಡ್ ಪಾಲ್ ಪಡೆದಿತ್ತೆರ್.

Siraj, president of the Dakshina Kannada district of Campus Front, said in a press conference on Friday that a scholarship has been decided to hold a scholarship against delay and chaos and downgrading of Ph.D.

The current academic year is about to start. Parents are struggling to pay their children’s fees due to the worsening economic conditions of the people. On the other hand, the Education Front of India Dakshina Kannada District Committee has decided to hold a scholarship to the state wide student movement. He demanded that students, the public and parents join hands in the movement.

Sameeruddin, Secretary of Dakshina Kannada District Committee of Campus Front of India, Musheeda was present at the news conference.