ಇತ್ತೆ ಓಲು ತೂಂಡಲಾ ಓಲು ಕೇಂಡಲಾ ಕೊರಗಜ್ಜನನೇ ಸುಗಿಪು. ಕಾರ್ಲದ ಹಿರ್ಗಾನ ಮೂಜೂರುದ ಬಾಲೆ ಕಾರ್ತಿಕ್ ಪೊರ್ಲ ಸೊರೊಟ್ಟು ಪಂಡಿನ ಪದ “ಕಡಲ ಪಡೆತ್ತ ಉಡಲ ಗೇನ ತುಡರ್ ಈ ಅಜ್ಞಾ” ಪನ್ಪಿನ ಪದ ಇತ್ತೆ ಲೋಕೊಡೊರ್ಮೆ ಪಸರ್ದ್ಂಡ್. ಅಂಚ ಅಜ್ಜನ್ ಉಡಲ ಭಕ್ತಿಡ್ ಬಾಮಿದ್ ಸುಗಿಪುನ ಈ ಪದ ಬರೆತಿನಾರ್ ಉಪ್ಪಳದ ಶೆಟ್ಟಿ ಅಜಯರಾಜ್.
ಈತ್ ಮುಟ ಕಟೀಲ್ದ ದೇವಿನ ಬಗೆಟ್ ಬಾಲು ಶರ್ಮಾ 170 ಪನ್ಪಿನಾರ್ ಸಂಗೀತ ಕೊರಿನ ಮಹಾದೇವಿ ಕಟೀಲೇಶ್ವರಿ ಪನ್ಪಿನ ಪದ್ಯದ ದಾಟಿಡೇ “ಕಡಲ ಪುಡೆತ್ತ ಉಡಲ ಬರೆತಿನಾರೇ ಈ ಜವನೆ ಕಲಾವಿದೆ ಶೆಟ್ಟಿ ಅಜಯರಾಜ್.
ಕೊರಗಜ್ಜ ದೈವೊನು ಎಂಕುಲು ಮಾತೆರ್ಲಾ ನಂಬುವ, ದಾಯೆ ಪಂಡ ಈ ಕಾಲೊಡು ನಮಕ್ ಕಷ್ಟ ಬತ್ತುಂಡ ಅರೆನ್ ನೆನೆತ್ಂಡ ಯಾವು, ಇಲ್ಲಗ್ ಬತ್ ದ್ ಕಷ್ಟ ದೂರ ಮಲ್ಪುನ ಅಜ್ಜೆರ್ ಆರ್ ಪನ್ನಿನ ನಂಬಿಕೆ ಎನ್ನ ಇಲ್ಲದಕಲೆಗ್ ಉಂಡು. ಅಂಚ ಯಾನ್ ತೂಯಿನ ಕೊರಗಜ್ಜನ್ ಯಾನ್ ಪದ್ಯೋಡು ಬರೆತೆ ಪಂದ್ ಮೇರ್ ಪಂತೆರ್.
ಯಾನ್ ಬರೆತಿನ “ಕಡಲ ಪುಡೆ ” ಪದ್ಯೋನು ಗುಣಪ್ರಸಾದ್ ಕುಕ್ಕಟ್ಟೆ ಮೇರ್ ಜಿಪಿ ಕ್ರಿಯೇಷನ್ಸ್ಡ್ ಕೇಪುಲ ಸಿಂಗಾರ ಪನ್ಸಿನ ಪುದರ್ಡ್ ಆಲ್ಬಂ ಮಲ್ತುದು ಯೂಟ್ಯೂಬ್ಡ್ ಪಾಡ್ಡಿತ್ತೆರ್, ಐನ್ ತಿಂಗೊಲ್ಡೇ 7 ಲಕ್ಷ ಜನ ಅವೆನ್ ತೂತೆರ್. ಬಾಲೆ ಕಾರ್ತಿಕ್ ಚೈತ್ರ ಕಲ್ಲಡ್ಕ ಜತೆಟ್ ಈ ಪದೊನು ಪಂಡಿ ಬೊಕ್ಕ ಕುಡ ಆತ್ ಫೇಮಸ್ ಆಂಡ್. ಐರ್ದ್ ಬೊಕ್ಕ ಮಸ್ತ್ ಜನ ಎಂಕ್ ಕುಡ ಆತ್ ಪದೋಕ್ಲೆನ್ ಬರೆಯರೆ ಪನೊಂದುಲ್ಲೆರ್ ಪಂದ್ ಪಂಡೆರ್.ಅಂಚ ಪಂಡ್ದ್ ನೆಟ್ಟ್ ಮಲ್ಲ ಮಲ್ಲ ಪದೊಕುಲು ಇಜ್ಜಿ, ಯಾನೇ ಸಿಂಪಲ್ ಆದ್ ಸಾಮಾನ್ಯ ಜನೊಕ್ಲಗೆ ಅರ್ಥ ಆಪಿಲೆಕ್ಕ ಬರೆತೆ. ಆಂಡ ಕಾರ್ಲದ ಕಾರ್ತಿಕ್ ಪನ್ಪಿನ ಬಾಲೆ ಈ ಪದ್ಯೋನು ಈತ್ ಮಲ್ಲ ಮಟ್ಟೋಗು ಕನತ್ಂಡ್ ಪಂಡೆರ್ ಶೆಟ್ಟಿ ಅಜಯರಾಜ್.
pallavi shetty