ಅತ್ಯಾಚಾರ ಮಲ್ತಿನ ಆರೋಪಡ್ ಕಲ್ಲಮುಂಡ್ಕೂರ್ ದ ರಿಕ್ಷಾ ಚಾಲಕ ನ ಬಂಧನ

ಮೂಡುಬಿದಿರೆ : ಎಲ್ಯ ಪೊಣ್ಣನ್ ಅತ್ಯಾಚಾರ ಮಲ್ತಿನ ಆರೋಪಡ್ ಕಲ್ಲಮುಂಡ್ಕೂರ್ ದ ರಿಕ್ಷಾ ಚಾಲಕೆನ್ ಕುಡ್ಲದ ಮಹಿಳಾ ಪೊಲೀಸೆರ್ ಬಂಧಿಸಿ ಪೊಕ್ಸೊ ಪ್ರಕರಣ ದಾಖಲ್ ಮಲ್ದೆರ್ .

ಬಂಧಿತ ಆರೋಪಿನ್ ಸತೀಶ್ ಅಂಚನ್ ಪಂದ್ ಪಂತೆರ್ . ಇಂಬೆ ತಾಸೆ ವಾದಕೆ ಪಂದ್ ತೆರಿದ್ ಬೈದುಂಡು . ತನ್ನ ಊರ್ದ ಎಲ್ಯ ಪೊಣ್ಣ ನೊಟ್ಟುಗು ಸ್ನೇಹ ಆದ್ ಆಲ್ನೋಟ್ಟುಗು ಸಲುಗೆಡ್ ನಡತೊಂದು ಇತ್ತೆ ಪಂದ್ ತೆರಿದ್ ಬೈದುಂಡು . ಜುಲೈಡ್ ಪೊಣ್ಣು ಕಲ್ಲಮುಂಡ್ಕೂರ್ ಡ್ ನಡತೊಂದು ಬರೊಂದು ಉಪ್ಪುನಗ ಆರೋಪಿ ಸತೀಶ್ ಆರ್ನ ರಿಕ್ಷಾಡ್ ಬಲವಂತವಾದ್ ಕುಲ್ಲದ್ ಕಲ್ಲ್ ಕೋರೆಗ್ ಲೆತೊಂದು ಅತ್ಯಾಚಾರ ಮಲ್ದೆ ಪಂದ್ ತೆರಿದ್ ಬೈದುಂಡು .