ದೇಶಡ್ ನಡಪಿನ ಸುದ್ದಿ | National News

IPL champions the Chennai Super Kings team win rupees twenty crore in prizes ಐಪಿಎಲ್‌ದ ಚಾಂಪಿಯನ್ ಕೂಟ ಚೆನ್ನೈ ಸೂಪರ್ ಕಿಂಗ್ಸ್ ಗ್ 20 ಕೋಟಿ ರೂ. ಇನಾಮು

ಅಹಮದಾಬಾದ್: ಐಪಿಎಲ್ 2023 ತ್ತ ಫೈನಲ್ ಪಂತೊಡು ಗುಜರಾತ್ ಟೈಟನ್ಸ್ ಕೂಟದ ವಿರುದ್ದ ಕುಡ 5ನೇ ಸರ್ತಿ ಐಪಿಎಲ್ ಕಿರೀಟನ್ ಗೆಂದ್‌ದ್ಂಡ್ ಚೆನ್ನೈ ಸೂಪರ್ ಕಿಂಗ್ಸ್.

ಇತ್ತೆ ಚಾಂಪಿಯನ್ ಆಯಿನ ಚೆನ್ನೈ ಕೂಟಗ್ ಬರೋಬ್ಬರಿ 20 ಕೋಟಿ ರೂ. ಇನಾಮುನು ಕೊರ್ತೆರ್. ಅಂಚನೆ ರನ್ನರ್ ಅಪ್ ಆಯಿನ ಗುಜರಾತ್ ಟೈಟಾನ್ಸ್ ತಂಡಗ್ 12.5 ಕೋಟಿ ರೂ. ಇನಾಮು ತಿಕ್ಕ್‌ದ್ಂಡ್.

ಜಪಾನ್‌ಡ್ ನಡತಿನ ಅಂತರಾಷ್ಟ್ರೀಯ ಸಾಂಸ್ಕೃತಿಕ ಸೌರಭ ಲೇಸ್‌ಡ್ “ಚೇರಿ ಬ್ಲೋಸಮ್ ಅವಾರ್ಡ್ 2023” ಪಡೆಯಿನ ಪ್ರಭಾ ಸುವರ್ಣ

ಜಪಾನ್: 37ನೇ ಅಂತರಾಷ್ಟ್ರೀಯ ಸಾಂಸ್ಕೃತಿಕ ಸೌರಭ ಲೇಸ್ ಎ.7 ತಾರೀಕ್‌ಗ್ ಜಪಾನ್‌ದ ಟೋಕಿಯೋ ಕೈತಲ್‌ದ ನರಿಟಾ ಪೇಂಟೆದ ಕ್ರೇನ್ ಬಾಂಕ್ವೆಟ್ ಚಾವಡಿಡ್ ಭಾರೀ ಗೌಜಿಡ್ ನಡತ್ಂಡ್. ಈ ಲೇಸ್‌ಡ್ ಮಿಸೆಸ್ ಇಂಡಿಯಾ ಕರ್ನಾಟಕ ರನ್ನರ್ 2022 ಕಿರೀಟ ಗೆಂದಿನ ಸಮಾಜಸೇವಕಿ, ಸಿನಿಮಾ ನಿರ್ಮಾಪಕಿ ಪ್ರಭಾ ಸುವರ್ಣ ಮೇರ್ “ಚೇರಿ ಬ್ಲೋಸಮ್ ಅವಾರ್ಡ್ 2023” ನ್ ಪಡೆತ್ತೆರ್.

ವಿಜಾಪುರದ ಡಾ. ನಾಗೂರ್ ಎಜುಕೇಶನ್ ಟ್ರಸ್ಟ್‌ದ ಮ್ಯಾನೇಂಗ್ ಟ್ರಸ್ಟೀ ಅಂಚನೆ ಇಂಢಿಯಾ ಮಾಸ್ಟರ್ ಅಥ್ಲೆಟಿಕ್ಸ್ ಫೆಡೆರೇಷನ್‌ದ ಅಧ್ಯಕ್ಷೆರ್ ಆಯಿನ ಡಾ. ಕೆ. ಬಿ. ನಾಗೂರ್ ಜ್ಯೋತಿ ತುಡರ್ ಅರ್ಲಾದ್ ಲೇಸ್‌ನ್ ಉದಿಪನ ಮಲ್ತೆರ್.

ಅಯಿರ್ದ್ ಬೊಕ್ಕ ಪಾತೆರಿನ ಆರ್, ಸಾಂಸ್ಕೃತಿಕ ಪರಪೋಕು ಇಪ್ಪುನ ಸಮುದಾಯ ಎಡ್ಡೆ ರೀತಿದ ಸಂಸ್ಕೃತಿನ್ ರೂಪಿಸಾವುನೆಟ್ಟ್ ಯಶಸ್ವಿ ಆತ್ಂಡ್ ಪಂದ್ ಪಂಡೆರ್. ಶಿವಗಂಗಾ ಕ್ಷೇತ್ರ ಮೇಲಣ ಗವಿಮಠದ ಡಾ. ಮಲಯ ಶಾಂತಮುನಿ ಶಿವಾಚಾರ್ಯ ಸ್ವಾಮೀಜಿ ಪಾತೆರ್ದ್, ನಮ್ಮ ಕಲೆ ಬೊಕ್ಕ ಸಂಸ್ಕೃತಿಲು ಸಮಾಜಗ್ ಬೊಲ್ದು ಕೊರ್ಪಿನ ತುಡರ್ ಇತ್ತ್‌ಲೆಕ್ಕ. ಅವೆನ್ ಕಡಲ್‌ರ್ದ್ ಅಂಚಿಗ್‌ಲ ಪಸರಿಸಾವುನವು ಸಾಹಸದ ನೇಲೆ. ಅಂಚಿನ ಬೇಲೆ ಮಲ್ಪುನಕ್ಲೆಗ್ ದೇವೆರ್ ನಾನಾತ್ ಶಕ್ತಿನ್ ಕೊರಡ್ ಪಂದ್ ಆಶೀರ್ವಚನ ಕೊರಿಯೆರ್.

ಐ.ಸಿ.ಎಫ್.ಸಿ(ಐ) ಅಧ್ಯಕ್ಷೆರ್ ಕೆ.ಪಿ. ಮಂಜುನಾಥ್ ಸಾಗರ್ ಮೇರ್ ಪಾತೆರ್ದ್, ಭಾರತೀಯ ಅಂತರಾಷ್ಟ್ರೀಯ ಸಾಂಸ್ಕೃತಿಕ ಸೌರಭ ಪರಿಷತ್, ಹೃದವಾಹಿನಿ-ಕರ್ನಾಟಕ ಬೊಕ್ಕ ಮಂಜುನಾಥ್ ಎಜುಕೇಶನ್ ಟ್ರಸ್ಟ್ ಸುಮಾರ್ 20 ವರ್ಷರ್ದ್ ರಾಜ್ಯ, ರಾಷ್ಟ್ರ ಬೊಕ್ಕ ಅಂತರಾಷ್ಟ್ರೀಯ ಮಟ್ಟಡ್ ಮಸ್ತ್ ಸಾಂಸ್ಕೃತಿಕ ಲೇಸ್‌ನ್ ಅಟ್ಟನೆ ಮಲ್ತೊಂದು ಬೈದ್ಂಡ್. ನಮ ಪಿದಯ್ ದೇಶಡ್ ವಿಶ್ವ ಕನ್ನಡ ಸಮ್ಮೇಳನ ಬೊಕ್ಕ ಅಂತರಾಷ್ಟ್ರೀಯ ಸಾಂಸ್ಕೃತಿಕ ಸೌರಭ ಲೇಸ್‌ನ್ ನಿರಂತರವಾದ್ ಮಲ್ತೊಂದು ಬರೊಂದುಲ್ಲ. 2004 ಲೆರ್ದ್ 40 ದೇಶಲೆಡ್ 53 ಜೆಡ್ದ್ ಎಚ್ಚ ಸೌರಭ ಬೊಕ್ಕ ಸಮ್ಮೇಳನಲೆನ್ ಎಡ್ಡೆ ರೀತಿಡ್ ಅಟ್ಟನೆ ಮಲ್ತಿನ ಪುಗರ್ತೆ ನಮ್ಮ ಸಂಸ್ಥೆಗ್ ಉಂಡು ಪಂದ್ ಪಂಡೆರ್.

ಲೇಸ್‌ದ ಗುರ್ಕಾರ್ಮೆನ್ ವಹಿಸೊನಿನ ಮೈಸೂರು ನಿವೃತ್ತ ಜಿಲ್ಲಾಧಿಕಾರಿ ಡಾ.ಡಿ. ಎಸ್ ವಿಶ್ವನಾಥ್ ಮೇರ್ ಎಡ್ಡೆಪ್ಪುದ ಪಾತೆರನ್ ಪಾತೆರಿಯೆರ್. ಸಾರ್ವಜನಿಕ ಗ್ರಂಥಾಲಯ ಇಲಾಖೆದ ನಿರ್ದೇಶಕೆರ್ ಆಯಿನ ಡಾ| ಸತೀಶ್ ಕುಮಾರ್ ಹೊಸಮನಿ ಮೇರ್ ಪಾತೆರ್ದ್, ಕರ್ನಾಟಕ ಡಿಜಿಟಲ್ ಗ್ರಂಥಾಲಯಡ್ ವಿಶ್ವ ಮಟ್ಟಡೇ ಎಚ್ಚದ ಸದಸ್ಯೆರ್ ಇತ್ತ್‌ದ್ ಪೊಸ ದಾಖಲೆ ಮಲ್ತ್‌ದ್ಂಡ್. ಜಪಾನ್‌ದ ಜನಕುಲುಲ ಅಕ್ಲೆನ ಪುದರ್‌ನ್ ನೋಂದಣಿ ಮಲ್ತ್‌ದ್ ಧರ್ಮಾರ್ಥವಾದ್ ಸೇವೆನ್ ಪಡೆಯೊನ್ಲೆ ಪಂದ್ ಬಿನ್ನಾಪು ಮಲ್ತೆರ್.

ಟೋಕಿಯೋ ಅನಿವಾಸಿ ಉದ್ಯಮಿ ರವಿ ರಾಮಕೃಷ್ಣ ಪಾತೆರ್ದ್, ಜಪಾನಿಯೆರ್ ಶಿಸ್ತು ಬೊಕ್ಕ ಬಂಗ ಬರ್ಪಿನಕುಲು. ಇಂಚಾದ್ ಈ ದೇಶ ಜಗತ್ತ್‌ಡೇ ಪುಗರ್ತೆ ಪಡೆತ್ಂಡ್ ಪಂದ್ ಪಂಡೆರ್. ಲೇಸ್‌ಡ್ ಮಲ್ಲ ಬಿನ್ನೆರಾದ್ ಜಪಾನ್ ನ್ಯಾಶನಲ್ ಇನ್ಸಿಟ್ಯೂಟ್‌ದ ಸಂಶೋಧನಾ ವಿಜ್ಞಾನಿ ಮನು ಮಳ್ಳಹಳ್ಳಿ, ಮೈಸೂರ್‌ದ ನಿವೃತ್ತ ಪ್ರೊ. ಆರ್. ಎನ್. ಜಗದೀಶ್, ಸ್ವಾಮಿ ಎಂಟರ್ಪ್ರೈಸಸ್ ಎಂ.ಡಿ. ಗೋ.ನಾ. ಸ್ವಾಮಿ, ಬೆಂಗ್ಲೂರ್‌ದ ಮೈಕ್ರಾನ್ ಎಲೆಕ್ಟ್ರೀಕಲ್ಸ್ ಡೈರೆಕ್ಟರ್(ಪ್ರೊಜೆಕ್ಟ್)ಡಾ. ವಿ. ನಾಗರಾಜು ಇತ್ತೆರ್.

ಬೇತೆ ಬೇತೆ ಕ್ಷೇತ್ರದ ಸಾಧಕೆರ್ ಆಯಿನ ಶಂಕ್ರೆ ಗೌಡ ಮೈಸೂರು, ಡಾ| ವಿ. ನಾಗರಾಜು ಬೆಂಗ್ಲೂರ್, ಡಾ| ಸತೀಶ್ ಕುಮಾರ್ ಹೊಸಮನಿ, ಪ್ರಭಾ ಸುವರ್ಣ ಬೊಂಬಾಯಿ ಬೊಕ್ಕ ಕೃಷ್ಣ ಬಿ. ಶೆಟ್ಟಿ ಬೊಂಬಾಯಿ ಮೊಕುಲೆಗ್ “ಚೇರಿ ಬ್ಲೋಸಮ್ ಅವಾರ್ಡ್ 2023” ನ್ ಕೊರಿಯೆರ್.

ಹುಬ್ಬಳ್ಳಿದ ನೃತ್ಯಾಂಜಲಿ ನೃತ್ಯ ಕಲಾ ಕೇಂದ್ರದ ಕಲಾವಿದೆರ್ ಆಯಿನ ವಿದುಷಿ ಸಿರಿ ಕಿಣಿ, ವಿದುಷಿ ಡಾ| ಮೇಘನಾ ಬೊಕ್ಕ ದಿಶಾ ನಾಯಕ್ ನೃತ್ಯ ಪ್ರದರ್ಶನ ಮಲ್ತೆರ್. ಡಾ| ಆಶೋಕ್ ನರೋಡೆ ಅಧ್ಯಕ್ಷತೆಡ್ ಕವಿಗೋಷ್ಠಿ ನಡತ್ಂಡ್. ಕವಿ ಆಯಿನ ಎಂ.ಪಿ. ವರ್ಷ ಮೈಸೂರು, ಗೋವಿಂದ ರಾವ್ ಮೂರ್ತಿ ಬೊಕ್ಕ ಪ್ರಭಾ ಸುವರ್ಣ ಅಕುಲೇ ರಚನೆ ಮಲ್ತಿನ ಕಬಿತೆನ್ ಪಂಡೆರ್.

ಪ್ರಭಾ ಸುವರ್ಣ ಮೆರೆನ “ಹೂವು ಚೆಲುವೆಲ್ಲ ನಂದೆಂದಿತು” ಪದ್ಯಗ್ ನಲ್ತ್‌ದ್ ಮಾತೆರ್‍ನಾಲ ಮೆಚ್ಚುಗೆಗ್ ಪಾತ್ರರಾಯೆರ್. ಗೋ.ನಾ. ಸ್ವಾಮಿ, ಶಿವು ಪಾಂಡೇಶ್ವರ ಬೊಕ್ಕ ಮನು ಕುಡ್ಲ ಜಾನಪದ ಪದನ್ ಪಂಡೆರ್.

ಮಯಾಮಿ ಓಪನ್ ಟೆನಿಸ್ : ಡ್ಯಾನಿಲ್ ಮೆಡ್ವೆಡೇವ್‌ಗೆ ಪ್ರಶಸ್ತಿ

ಫ್ಲೋರಿಡಾ: ರಷ್ಯಾದ ಡ್ಯಾನಿಲ್ ಮೆಡ್ವೆಡೇವ್ ಮಯಾಮಿ ಓಪನ್ ಟೆನಿಸ್ ಪ್ರಶಸ್ತಿನ್ ಪಡೆತೆರ್. ಸೌತ್ ಫ್ಲೋರಿಡಾದ ಹಾರ್ಡ್ ರಾಕ್ ಸ್ಟೇಡಿಯಂಡ್ ನಡತಿನ ಫೈನಲ್‌ಡ್ ಆರ್ ಇಟಲಿದ ಜಾನಿಕ್ ಸಿನ್ನರ್ ಅರೆನ್ 7-5, 6-3 ಅಂತರರ್ದ್ ಸೋಪಾದೆರ್.

ಉಂದು ಈ ವರ್ಷ ಡ್ಯಾನಿಲ್ ಮೆಡ್ವೆಡೇವ್ ಗೊಬ್ಬುದಿನ 5ನೇ ಫೈನಲ್ ಅಂಚನೆ ಗೆಂದಿನ 4 ನೇ ಪ್ರಶಸ್ತಿ ಆತ್ಂಡ್. ದೋಹಾ, ರೋಟರ್‌ಡ್ಯಾಮ್ ಬೊಕ್ಕ ದುಬಾೖ ಪಂತೊಡು ಚಾಂಪಿಯನ್ ಆಯಿನ ಆರ್ ಮೆಡ್ವೆಡೇವ್, ರಡ್ಡ್ ವಾರದ ಪಿರವುದ ಇಂಡಿಯನ್ ವೆಲ್ಸ್ ಕೂಟದ ಫೈನಲ್‌ಡ್ ಕಾರ್ಲೋಸ್ ಅಲ್ಕರಾಜ್‌ಗ್ ಶರಣಾದಿತ್ತೆರ್.

ಸಿಕ್ಕಿಂಡ್ ಐಸ್ ದ ಗುಡ್ಡೆ ಜರಿದ್ 6 ಪ್ರವಾಸಿಗೆರ್ ತೀರ್ ಪೋಯೆರ್, 11 ಜನಕ್ಕ್ ಪೆಟ್ಟ್

ದಿಲ್ಲಿ: ಸಿಕ್ಕಿಂದ ನಾಥುಲಾ ಪರ್ವತ ಪಾಸ್‌ಡ್ ಐಸ್ ದ ಗುಡ್ಡೆ ಜರಿದ್ 6 ಜನ ಪ್ರವಾಸಿಗೆರ್ ತೀರ್ ಪೋದಿತ್ತ್‌ದ್, 11 ಜನಕ್ಕ್ ಪೆಟ್ಟಾತಿನ ಘಟನೆ ನಡತ್ಂಡ್.

4 ಜನ ಆಂಜೋವುಲು, 1 ಪೊಂಜೋವು ಬೊಕ್ಕ ಬಾಲೆ ತೀರ್ ಪೋತ್ಂಡ್. ಜಾಗೆಡ್ ರಕ್ಷಣಾ ಕಾರ್ಯಾಚರಣೆದಕುಲು ರಕ್ಷಣಾ ಕಾರ್ಯನ್ ಮಲ್ತೊಂದುಲ್ಲೆರ್. ಪೆಟ್ಟಾತಿನಕ್ಲೆನ್ ಕೈತಲ್‌ದ ಸೇನಾ ಆಸ್ಪತ್ರೆಗ್ ದಾಖಲ್ ಮಲ್ತ್‌ದೆರ್.

ಮದಿಮೆಗ್ ಉಡುಗಿರ ಆದ್ ತಿಕ್ಕಿನ ಹೋಮ್ ಥಿಯೇಟರ್ ಸಿಸ್ಟಮ್ ಪುಡಾದ್ ಮದಿಮಾಯೆ ಸೇರ್ದ್ ರಡ್ಡ್ ಜನ ತೀರ್ ಪೋಯೆರ್

ಛತ್ತೀಸ್‌ಗಢದ ಕಬೀರ್ಧಾಮ್ ಜಿಲ್ಲೆಡ್ ಮದಿಮೆಗ್ ಉಡುಗಿರ ಆದ್ ತಿಕ್ಕಿನ ಹೋಮ್ ಥಿಯೇಟರ್ ಮ್ಯೂಸಿಕ್ ಸಿಸ್ಟಮ್ ಪುಡಾದ್ ಪೊಸ ಮದಿಮಾಯೆ ಬೊಕ್ಕ ಅರೆನ ಪಲಯೆ ತೀರ್ ಪೋದಿತ್ತ್‌ದ್ ನಾಲ್ ಜನಕ್ಕ್ ಮಸ್ತ್ ಪೆಟ್ಟಾತಿನ ಘಟನೆ ನಡತ್ಂಡ್.

ಪುಡಾದಿನ ಪೆಟ್ಟ್‌ಗ್ ಹೋಮ್ ಥೀಯೆಟರ್ ಸಿಸ್ಟಮ್ ದೀತಿನ ಕೋಣೆದ ಗೋಡೆ ಅಂಚನೆ ಮಿತ್ತ್‌ದ್ ಮಾಡ್ ಬೂರ್ದ್ಂಡ್ ಪಂದ್ ಪೊಲೀಸೆರ್ ತೆರಿಪಾದೆರ್.
ಎಪ್ರಿಲ್ 1 ಕ್ಕ್ 22 ವರ್ಷದ ಹೇಮೇಂದ್ರ ಮೆರಾವಿ ಮದಿಮೆ ಆದಿತ್ತೆರ್. ಹೇಮೇಂದ್ರ ಉಡುಗಿರ ಬತ್ತಿನ ಹೋಮ್ ಥಿಯೇಟರ್ ಸಿಸ್ಟಮ್ ವೈಯರ್‌ನ್ ಎಲೆಕ್ಟ್ರಿಕ್ ಬೋರ್ಡ್‌ಗ್ ತಿಕ್ಕಾದ್ ಆನ್ ಮಲ್ಪುನಗ, ಈ ಸ್ಪೋಟ ನಡತ್ತ್‌ದ್ ಜಾಗೆಡೇ ತೀರ್ ಪೋತೆರ್.

ನೀಲಿ ಪಕ್ಕಿದ ಬದಲ್ “ನಾಯಿ” ನ್ ಪೊಸ ಲೋಗೋ ಆದ್ ಮಲ್ತಿನ ಟ್ವಿಟರ್!

ವಾಷಿಂಗ್ಟನ್: ಟ್ವಿಟರ್ ನನೊಂಜಿ ಅಪ್ಡೇಟ್‌ದೊಟ್ಟುಗು ಸುದ್ದಿ ಆತ್ಂಡ್. ಈ ಸರ್ತಿ ಅವ್ ಲೋಗೋ ವಿಚಾರವಾದ್ ಪನ್ಪಿನವು ವಿಶೇಷ. ಟ್ವಿಟರ್‌ನ್ ಮಾತೆರ್ಲಾ ನೀಲಿ ಪಕ್ಕಿದ ಲೋಗೋರ್ದ್ ಗುರ್ತಿಸಾವೆರ್. ಆಂಡ ಆ ಲೋಗೋನ್ ಇತ್ತೆ ಎಲಾನ್ ಮಸ್ಕ್ ಬದಲ್ ಮಲ್ತ್‌ದೆರ್.

ಸೋಮಾರ ರಾತ್ರೆ ಟ್ವಿಟರ್‌ಡ್ ಪಕ್ಷಿದ ಲೋಗೋದ ಬದಲ್ ಲಾಗಿನ್ ಆನಗ ನಾಯಿದ ಲೋಗೋ ತೋಜಿದ್ ಬೈದ್ಂಡ್. ಅಂಗಾರೆದಾನಿ ಕಾಂಡೆ ಉಂದು ಟ್ವಿಟರ್‌ದ ಪೊಸ ಲೋಗೋ ಪಂದ್ ತೆರಿದ್ ಬೈದ್ಂಡ್.