ದೇಶಡ್ ನಡಪಿನ ಸುದ್ದಿ | National News

ಬೆತ್ತಲೆ ಮೆರವಣಿಗೆ ಕೇಸ್: ನಾಲ್ ಜನ ಆರೋಪಿಲೆನ್ ಪತ್‌ದೆರ್

ಮಣಿಪುರ ಕಾಂಗ್‌ಪೊಕ್ಷಿ ಜಿಲ್ಲೆಡ್ ಮೇ 4 ತಾರೀಕ್‌ಗ್ ನಡತಿನ ಹಿಂಸಾಚಾರದ ಪೊರ್ತುಡು ಕುಕಿ-ಜೋಮಿ ಸಮುದಾಯಗ್ ಸೇರಿನ ಪೊಂಜೊವ್ಲೆನ ಪುಂಡೆರ್ ಬೆತ್ತಲೆ ಮೆರವಣಿಗೆ ಮಲ್ತಿನ ನಿಲೆಟ್ಟ್ ನಾಲ್ ಜನ ಆರೋಪಿಲೆನ್ ಪೊಲೀಸೆರ್ ಪತ್ ದೆರ್ ಪಂದ್ ತೆರಿದ್ ಬೈದ್ಂಡ್.

ಘಟನೆದ ಬಗ್ಗೆ ಬೇಜಾರ್ ಆಯಿನ ಪ್ರಧಾನಿ ಮೋದಿ, ತಪ್ಪು ಮಲ್ತಿನಕ್ಲೆನ್ ಬುಡ್‌ಪುಜಿ, ಕಾನೂನು ಕ್ರಮ ದೆತೊನ್ವ ಪನ್ನ ಪೆಟ್ಟಿಗೆ ಈ ಕೇಸ್ ಡ್ ನಾಲ್ ಜನ ಆರೋಪಿಲು ತಿಕ್ ದ್ ಬೂರ್ದೆರ್. ಬಾಕಿ ಆರೋಪಿನಕ್ಲೆನ್ ನಾಡೊಂದುಲ್ಲೆರ್ ಪಂದ್ ತೆರಿದ್ ಬೈದ್ಂಡ್.

ಟೊಮೆಟೊಡ್ ಮಗಲೆಗ್ ತುಲಾಭಾರ ಮಲ್ಪಾಯಿನ ದಂಪತಿಲು

ಅಮರಾವತಿ: ಟೊಮೆಟೊ ಬಿಲೆ ದಿನರ್ದ್ ದಿನಕ್ಕ್ ಎಚ್ಚ ಆವೊಂದುಂಡು. ಆಂಡ ಮುಲ್ಪ ಒಂಜಿ ದಂಪತಿಲು ತನ್ನ ಮಗಲೆಗ್ ಟೊಮೆಟೊಡ್ ತುಲಾಭಾರ ಮಲ್ಪಾಯಿನ ಘಟನೆ ಆಂಧ್ರಪ್ರದೇಶದ ಅನಕಪಲ್ಲಿ ಜಿಲ್ಲೆಡ್ ನಡತ್ಂಡ್.

50 ಕೆ.ಜಿ ಟೊಮೆಟೊಡ್ ತುಲಾಭಾರ ಮಲ್ತಿದಿತ್ತ್‌ದ್, ಉಂದೆನ್ ತೂಯಿನ ಮಾತೆರೆಗ್ಲಾ ಅಚ್ಚರಿ ಆತ್ಂಡ್. ಮಲ್ಲ ಜಗ್ಗ ಅಪ್ಪಾರಾವ್ ಬೊಕ್ಕ ಮೋಹಿನಿ ದಂಪತಿಲೆನ ಮಗಲ್ ಭವಿಷ್ಯಾ ಮೆರೆಗ್ ಟೊಮೆಟೊಡ್ ತುಲಾಭಾರ ಮಲ್ತ್‌ದಿತ್ತ್‌ದ್, ನೂಕಾಲಮ್ಮ ದೇವಲ್ಯಡ್ ಈ ಲೇಸ್ ನಡತ್ಂಡ್.

Yakshadruva Patla Foundation Trust to organize “Europe Yakshagana Abhiyana” from June 15 th ಜೂ.15 ರ್ದ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ದ ಯುರೋಪ್ ಯಕ್ಷಗಾನ ಅಭಿಯಾನ

ಕುಡ್ಲ: ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್‌ರ್ದ್ ಜೂನ್ 15 ರ್ದ್ ಯುರೋಪ್ ಯಕ್ಷಗಾನ ಅಭಿಯಾನ ನಡಪರೆ ಉಂಡು ಪಂದ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್‌ದ ಅಧ್ಯಕ್ಷೆರ್ ಸತೀಶ್ ಶೆಟ್ಟಿ ಪಟ್ಲ ಪಂಡೆರ್.

ಕುಡ್ಲಡ್ ಬುಧಾರ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರಿನ ಆರ್, ಯುರೋಪ್ ದೇಶದ ಬೇತೆ ಬೇತೆ ಭಾಗಲೆಡ್ ತುಳಯನಾಡ್ ದ ಗಂಡುಕಲೆ ಯಕ್ಷಗಾನ ಪ್ರದರ್ಶನ ಆಯರೆ ಉಂಡು. ಈ ಯಕ್ಷಗಾನ ಅಭಿಯಾನಡ್ ರಾಜ ವೇಷ, ಬಣ್ಣದ ವೇಷ, ಪಗಡಿ ವೇಷ, ಸ್ತ್ರೀ ವೇಷ, ಹಾಸ್ಯ ವೇಷಲು ರೈಸರೆ ಉಂಡು. ಜೂನ್ ತಿಂಗೊಲ್‌ಡ್ ಲಂಡನ್, ಮಿಡ್ಲ್ಯಾಂಡ್, ದುರಾಅಮ್, ಲೀಡ್ಸ್, ಎಡಿನ್ ಬರ್ಗ್, ಸ್ಕಾಟ್ಲಂಡ್ ಇಂಚಿತ್ತಿನ ಕಡೆಟ್ ಯಕ್ಷಗಾನ ಪ್ರದರ್ಶನ ಆಯರೆ ಉಂಡು. ಅಗೋಸ್ಟ್ ತಿಂಗೊಲ್‌ಡ್ ಫ್ರಾನ್ಸ್, ಪ್ಯಾರಿಸ್, ಫ್ರಾಂಕ್ ಫರ್ಟ್, ಮ್ಯೂನಿಚ್, ಜರ್ಮನಿ, ಬಿಲ್ಲಿಂಗಾಮ್, ದುರಾಹಮ್ ದೇಶಲೆಡ್ ಯಕ್ಷಗಾನ ಪ್ರದರ್ಶನ ಆಯರೆ ಉಂಡು ಪಂದ್ ಪಂಡೆರ್.

ಪ್ರತಿಷ್ಠಿತ ಕನ್ನಡಿಗೆರ್ ಯು.ಕೆ. ಸಂಸ್ಥೆದ ಲೆಪ್ಪು ಅಂಚನೆ ದೇವಿಕಾ ಡ್ಯಾನ್ಸ್ ಥಿಯೇಟರ್ ಮೊಕಲೆನ ಮುತಾಲಿಕೆಡ್ ಯುರೋಪ್ ಯಕ್ಷಗಾನ ಅಭಿಯಾನ ನಡಪರೆ ಉಂಡು. ಯಕ್ಷಗಾನ ಪ್ರದರ್ಶನ ಮಾತ್ರ ಅತ್ತಂದೆ ದುರಾಹಮ್ ಬೊಕ್ಕ ಲೀಡ್ಸ್ ಮಹಾವಿದ್ಯಾಲಯಡ್ ಯಕ್ಷಗಾನದ ಶಿಬಿರಲ ನಡಪರೆ ಉಂಡು.

ಪಣಂಬೂರು ವಾಸು ಐತಾಳ್ ಯುಎಸ್‌ಎ ಮೆರೆನ ನೇತೃತ್ವಡ್ ಪಟ್ಲ ಸತೀಶ್ ಶೆಟ್ಟಿ ಮೆರೆನ ಭಾಗವತೆರ್‍ನೊಟ್ಟುಗು, ಪ್ರೊ. ಎಂ ಎಲ್ ಸಾಮಗ, ಪದ್ಮನಾಭ ಉಪಾಧ್ಯಾಯ, ಚೈತನ್ಯ ಕೃಷ್ಣ ಪದ್ಯಾಣ, ಚಂದ್ರಶೇಖರ ಪೂಜಾರಿ ಧರ್ಮಸ್ಥಳ, ಮಹೇಶ್ ಮಣಿಯಾಣಿ, ಪ್ರಶಾಂತ್ ನೆಲ್ಯಾಡಿ, ಮೋಹನ್ ಪೂಜಾರಿ ಬೆಳ್ಳಿಪಾಡಿ ಇಂಚಿನ ಮಲ್ಲ ಕಲಾವಿದೆರ್ ಪಾಲ್ ಪಡೆಯರೆ ಉಲ್ಲೆರ್.

ಪತ್ರಿಕಾಗೋಷ್ಠಿಡ್ ಯುರೋಪ್ ಯಕ್ಷಗಾನ ಅಭಿಯಾನದ ರೂವಾರಿ ವಾಸು ಐತಾಳ್, ಪ್ರೊ. ಎಂ.ಎಲ್. ಸಾಮಗ, ಯಕ್ಷಧ್ರುವ ಪಟ್ಲ ಫೌಂಡೇಶನ್ (ರಿ.) ಕುಡ್ಲ ಕೇಂದ್ರಿಯ ಸಮಿತಿದ ಕೋಶಾಧಿಕಾರಿ ಸಿಎ ಸುಜೀತ್ ಕುಮಾರ್ ರೈ, ಟ್ರಸ್ಟ್‌ದ ಪ್ರಧಾನ ಕಾರ್ಯದರ್ಶಿ ಪುರುಷೋತ್ತಮ ಭಂಡಾರಿ ಇತ್ತೆರ್.

Yakshadruva Patla Foundation Trust to organize “Europe Yakshagana Abhiyana” from June 15 th

This was announced by Satish Shetty Patla President of the Foundation at a press meet in Mangalore .Yakshagana in all its colour and glory will be presented in various countries of Europe.