ತುಳು ಸುದ್ದಿ

ನನ ಪತ್ತ್ ದಿನ ಕಟೀಲ್ ದ ಆಜಿ ಮೇಳದ ಆಟ ಪಗೆಲ್ಡ್

Dec 27, 2021

ಕರ್ನಾಟಕ ಸರ್ಕಾರ ಕೋವಿಡ್/ಒಮಿಕ್ರಾನ್ ನಿಯಂತ್ರಣಗಾದ್ ಜಾರಿ ಮಲ್ತಿನ ಆದೇಶದ ಪ್ರಕಾರ ಕಟೀಲು ಶ್ರೀ ದುರ್ಗಾಪರಮೇಶ್ವರಿ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿದ
ಆಜಿ ಮೇಳದ ಪ್ರದರ್ಶನಲು ತಾರೀಕ್ 28.12.2021 ನೆಡ್ದ್ 07.01.2022 ಮುಟ್ಟ ಕಾಲಮಿತಿಗ್ ಪಂಡ ಬಯ್ಯಗ್ ಗಂಟೆ 3.30 ರ್ದ್ ರಾತ್ರಿ ಗಂಟೆ 9 ಮುಟ್ಟ ನಡಪರೆ ಉಂಡು. ಕಟೀಲು ಶ್ರೀ ದುರ್ಗಾಪರಮೇಶ್ವರೀ ಅಮ್ಮನ ಭಕ್ತಾಭಿಮಾನಿಲು ಅಂಚನೆ ಶ್ರೀ ಕಟೀಲು ಮೇಳದ ಮಾತ ಸೇವಾದಾರೆರ್ ಸಾಕಾರ ಮಲ್ಪೊಡು ಪಂದ್ ಬಿನ್ನಾಪು ಮಲ್ಪುನ

ಆಡಳಿತ ಮಂಡಳಿ
ಶ್ರೀ ಕ್ಷೇತ್ರ ಕಟೀಲು

ಅಂಚನೆ
ಸಂಚಾಲಕೆರ್
ಶ್ರೀ ಕಟೀಲು ಮೇಳ

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News

ಹರಾಜ್ ಗ್ ತಯಾರ್ ಆಂಡ್ ನೀರವ್ ಮೋದಿನ 1000 ಕೋಟಿ ಆಸ್ತಿ

Dec 26, 2021

ಮುಂಬೈ: ಜಾರಿ ನಿರ್ದೇಶನಾಲಯ (ಇಡಿ)ವು ಬ್ಯಾಂಕ್ ಗ್ ಡೋಂಗಿ ಮಲ್ತ್ ದೇಶ ಬುರ್ದು ಬಲ್ತಿನ ನೀರವ್‍ಮೋದಿ ಮೆರೆನ 1000 ಕೋಟಿ ರೂ.ಗಳ ಮೌಲ್ಯದ ಆಸ್ತಿನ್ ಪಂಜಾಬ್ ನ್ಯಾಷನಲ್ ಬ್ಯಾಂಕಿಕ್ ದ ಸಾಲ ಮರುಪಾವತಿದ ನೆಲೆಟ್ಟ್ ಹರಾಜ್ ಗ್ ದೀತೆರ್ . ನೆಟ್ಟ್ ಒರ ಕಾಲಘೋಡಾಡ್ ರಿದಮ್ ಹೌಸ್‍ಮ್ಯೂಸಿಕ್ ಸ್ಟೋರ್‍ಗೆ ಆಶ್ರಯ ಕೊರ್ತಿನ ಕಟ್ಟಡ, ನೆಪೀನ್‍ಸೀ ಮಾರ್ಗದ ಫ್ಲಾಟ್, ಕುರ್ಲಾದ ಒಂಜಿ ಕಚೇರಿ ಕಟ್ಟಡ ಬೊಕ್ಕ ಬಂಗಾರ್ದ ಅಂಗಡಿ ಉಂಡು.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

138 ವರ್ಷ ಪಿರಾಕ್ದ ಸಿ. ಎಸ್. ಐ. ಕಾಂತಿ ಚರ್ಚ್ ಜೆಪ್ಪುದ ವೈಎಂಪಿಯು ಜವನ್ಯೆರ್ನ ಕೂಟದ ಮುತಾಲಿಕೆಡ್ ತುಲು ಲಿಪಿತ ಪುದರ್ ಪಲವೆ

Dec 24, 2021

ಜೆಪ್ಪು : 138 ವರ್ಷದ ಪಿರಾಕ್ ದ ಸಿ. ಎಸ್. ಐ. ಕಾಂತಿ ಚರ್ಚ್, ಜೆಪ್ಪು ಉಂದೆತ ವೈಎಂಪಿಯು ಜವನ್ಯೆರ್ನ ಕೂಟದ ಮುತಾಲಿಕೆಡ್ ತುಲು ಬಾಸೆನ್ ಒರಿಪಾವುಡ್,ತುಲುಬಾಸೆಗ್ ನಮ್ಮ ರಾಜ್ಯದ ರಾಜ್ಯ ಮಾನಾದಿಗೆ ತಿಕ್ಕೊಡು. ತುಲು ಬಾಸೆ 8ನೇ ಪರಿಚ್ಛೇದಗ್ ಸೇರೋಡ್ ಪನ್ಪಿ ನಿಲೆಟ್ ದೇವಾಲಯದ ಪುದರ್ನ್ ತುಳು ಲಿಪಿಟ್ ಬರೆಪಾದೆರ್.

ಈ ಪೊರ್ತುಡು ದೇವಾಲಯದ (ಆಯ್ಯ) ಐಗುಲೆಗ್ , ಸಭಾಪರಿಪಾಲನ ಸಮಿತಿ, ಸರ್ವ ಸದಸ್ಯರೆಗ್, ತುಲುವೆರ್ ಕುಡ್ಲ ಸಂಘಟನೆದ ಪರವಾದ್ ಸೊಲ್ಮೆಲು ಸಂದೈತ ಮಲ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಹುಷಾರ್ದಾಂತೆ ತೀರ್ ಪೋಯಿನ ಶ್ರೀ ಗಣೇಶ್ ಆಯಂಬುಲೆನ್ಸ್ ಮಾಲಕ ಗಂಗಾಧರ್ ಅತ್ತಾವರ

Dec 23, 2021

ಕುಡ್ಲ : ಪೇಂಟೆದ ಅತ್ತಾವರ ನಿವಾಸಿ, ಶ್ರೀ ಗಣೇಶ್ ಆಯಂಬುಲೆನ್ಸ್ ಗುರ್ಕಾರ್ಲಾಯಿನ ಗಂಗಾಧರ್ ಅತ್ತಾವರ (62) ಬುಧವಾರ ನಡುರಾತ್ರಿ ತೀರ್ ಪೋತೆರ್ .

ಮೂಜಿ ದಿನರ್ದ್ ಹುಷಾರ್ ದಾಂತೆ ಇತ್ತಿನ ಮೆರೆನ್ ಕುಡ್ಲದ ಹೈಲ್ಯಾಂಡ್ ಬೊಕ್ಕ ಕೆಎಂಸಿ ಆಸ್ಪತ್ರೆಡ್ ಮರ್ದ್ ಕೊರ್ತೆರ್ ಆಂಡ .ಮರ್ದ್ ಫಲಕಾರಿಯಾವಂದೇ ಕರಿನ ರಾತ್ರಿ 12:30ಕ್ ತೀರ್ ಪೋತೆರ್.

ಭಾರತ ಸರಕಾರ, ನೆಹರು ಯುವ ಕೇಂದ್ರ ಕುಡ್ಲ , ಯುವ ಸಬಲೀಕರಣ ಬೊಕ್ಕ ಕ್ರೀಡಾ ಇಲಾಖೆ ವತಿರ್ದ್ ಇತಿಹಾಸ ಪ್ರಸಿದ್ಧ ಮೂಲ್ಕಿ ಸೀಮೆ ಅರಸು ಕಂಬಳದ ಕಂಡಡ್ ಸ್ವಚ್ಚತಾ ಅಭಿಯಾನ

Dec 22, 2021

ಮೂಲ್ಕಿ : ಭಾರತ ಸರಕಾರ,ನೆಹರು ಯುವ ಕೇಂದ್ರ ಕುಡ್ಲ ,ಯುವ ಸಬಲೀಕರಣ ಬೊಕ್ಕ ಕ್ರೀಡಾ ಇಲಾಖೆ,ಅಮಲ ಭಾರತ, ಅಮೃತಾನಂದಮಯಿ ಮಠ ಬೋಳೂರು ಕುಡ್ಲ , M.R.P.L ಕುಡ್ಲ ಮೆಕ್ಲೆನ ಒಟ್ಟು ಸೇರಿಗೆಡ್ ರಾಜ್ಯ ಪ್ರಶಸ್ತಿ ಪುರಸ್ಕೃತ ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ, ಶ್ರೀ ವಿದ್ಯಾವಿನಾಯಕ ಯುವಕಮಂಡಲ (ರಿ), ಶ್ರೀ ವಿದ್ಯಾವಿನಾಯಕ ರಜತಾಸೇವಾ ಟ್ರಸ್ಟ್ (ರಿ), ಸುವರ್ಣ ಮಹೋತ್ಸವ ಸಮಿತಿ ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲ ಅಂಚನೆ ಯುವತಿ ಬೊಕ್ಕ ಮಹಿಳಾ ಮಂಡಲ (ರಿ) ಹಳೆಯಂಗಡಿ ಮೆಕ್ಲೆನ ಮುತಾಲಿಕೆಡ್ ಇತಿಹಾಸ ಪ್ರಸಿದ್ಧ ಮೂಲ್ಕಿ ಸೀಮೆ ಅರಸು ಕಂಬಳದ ಕಂಡಡ್ ನಿರ್ಮಲ ಮಲ್ಪುನ ಲೇಸ್ ತಾರೀಖ್ 19.12.2021 ಗ್ ಕಾಂಡೆ 7.00 ಗಂಟೆರ್ದ್ 9.30 ಮುಟ ನಡತುಂಡು.

ಮೂಲ್ಕಿ ಸೀಮೆ ಅರಮನೆತ ಗೌರವ ಅರಸೆರಾಯಿನ ಶ್ರೀ ದುಗ್ಗಣ್ಣ ಸಾವಂತೆರ್ ಲೇಸ್ ಉದಿಪನ ಮಲ್ತೆರ್ .ಈ ಪೊರ್ತುಡು ಮೂಲ್ಕಿ ಸೀಮೆ ಅರಸು ಕಂಬಳ ಸಮಿತಿದ ಶ್ರೀ ಕೃಷ್ಣ ಹೆಬ್ಬಾರ ,ಶ್ರೀ ಕಿರಣ್ ಶೆಟ್ಟಿ ಕೊಳ್ನಾಡುಗುತ್ತು, ಶ್ರೀ ದಿನೇಶ್ ಸುವರ್ಣ, ಶ್ರೀ ಕಿರಣ್ ಪಡುಪಣಂಬೂರು, ಶ್ರೀ ಗೌತಮ್ ಜೈನ್ ಹಾಗೂ ಶ್ರೀ ಸುಬ್ರಹ್ಮಣ್ಯ ಸ್ಪೋರ್ಟ್ಸ್ ಕ್ಲಬ್ ತೋಕೂರು ಹಳೆಯಂಗಡಿ ಬೊಕ್ಕ ಪಡುಪಣಂಬೂರು ಕ್ರಿಕೆಟರ್ಸ್ ಪಡುಪಣಂಬೂರು ನೆತ್ತ ಸದಸ್ಯೆರ್ ಸಾಕಾರ ಕೊರಿಯೆರ್.

ಈ ಪೊರ್ತುಡು ಅಮಲಾ ಭಾರತ ಅಭಿಯಾನ ನೆತ್ತ ಶ್ರೀ ಮೋಹನ್ ಬಂಗೇರ, ಶ್ರೀ ಅಶೋಕ್ ಎಂಸಿಎಫ್ ಕಾಲೋನಿ, ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲದ ಗುರ್ಕಾರ್ಲಾಯಿನ ಶ್ರೀ ಯತೀಶ್ ಕೋಟ್ಯಾನ್, ಒತ್ತು ಗುರ್ಕಾರ್ಲಾಯಿನ ಶ್ರೀ ನಾಗೇಶ್ ಟಿ. ಜಿ., ಶ್ರೀ ವಿದ್ಯಾವಿನಾಯಕ ಯುವಕ ಮಂಡಲದ ಸುವರ್ಣ ಮಹೋತ್ಸವ ಸಮಿತಿದ ಕಾರ್ಯಾಧ್ಯಕ್ಷೆರಾಯಿನ ಶ್ರೀ ಸುಧಾಕರ ಆರ್ ಅಮೀನ್, ಟ್ರಸ್ಟಿನ ಪ್ರಧಾನ ಕಾರ್ಯದರ್ಶಿ ಶ್ರೀ ಸ್ಟ್ಯಾನಿ ಡೀ ಕೋಸ್ಟಾ, ಮಂಡಲದ ಸದಸ್ಯೆರಯಿನ ಶ್ರೀ ನಾರಾಯಣ ರಾವ್, ಶ್ರೀ ಲೋಕೇಶ್ ಚಿಲಿಂಬಿ, ಶ್ರೀ ದಾಮೋದರ್ ಗೋಳಿದಡಿ, ಶ್ರೀ ಹನುಮಂತ್ ಡಿ ಪೂಜಾರ್ ರಾಮನಗರ, ಶ್ರೀ ನಿಶಾಂತ್ ಕೊಪ್ಪಳ , ಶ್ರೀ ಯತೀಶ್ ಕೊಪ್ಪಳ, ಶ್ರೀ ರಾಜಿಕ್ ಗೋಳಿದಡಿ, ಶ್ರೀ ಸುಹಾಸ್ ಗೊಳಿದಡಿ, ಶ್ರೀ ಸುನೀಲ್ ಪಾವಂಜೆ, ಶ್ರೀ ಗೌರವ್ ಕೊಳುವೈಲು, ಶ್ರೀ ಶಿವಪ್ರಸಾದ್ ಕೊಪ್ಪಳ, ಶ್ರೀ ರೋಷನ್, ಮಾಸ್ಟರ್ ಜಿ. ಲಕ್ಷ್ಮಿ ಚರಣ್, ಮಾಸ್ಟರ್ ಆತುಾಪು
ಯುವತಿ ಮಂಡಲದ ಗುರ್ಕಾರ್ಲಾಯಿನ ಕುಮಾರಿ ರಕ್ಷಿತಾ ಸಂಜೀವ ಪೂಜಾರಿ, ಸದಸ್ಯೆರಯಿನ ಕುಮಾರಿ ನೇಹ, ಕುಮಾರಿ ನಿಶಾಲಿ, ಕುಮಾರಿ ದಾಕ್ಷಾಯಿನಿ ಬೊಕ್ಕ ಕುಮಾರಿ ಚೈತ್ರ ಮಹಿಳಾ ಮಂಡಲದ ಗುರ್ಕಾರ್ಲಾಯಿನ ಶ್ರೀಮತಿ ರೇಷ್ಮಾ, ಕಾರ್ಯದರ್ಶಿಯಾಯಿನ ಶ್ರೀಮತಿ ರಾಜೇಶ್ವರಿ ರಾಮನಗರ, ಸದಸ್ಯೆರಾಯಿನ ಶ್ರೀಮತಿ ಜ್ಯೋತಿ ರಾಮಚಂದ್ರ, ಶ್ರೀಮತಿ ಸುಲೋಚನಾ ಮಹಾಬಲ, ಶ್ರೀಮತಿ ಪ್ರಮೀಳಾ ಹಳೆಯಂಗಡಿ ಪಾಲ್ ಪಡೆದಿತ್ತೆರ್ .

Uncategorized ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಗುರು ರಾಘವೇಂದ್ರ ಸ್ವಾಮಿ ಮಠಟ್ ಶ್ರೀರಾಮತಾರಕ ಯಜ್ಞ

Dec 22, 2021

ಕಾರ್ಲ : ಕಾರ್ಲದ ಶ್ರೀ ಗುರು ರಾಗವೇಂದ್ರ ಮಠಟ್ ಲೋಕಕಲ್ಯಾಣಾರ್ಥ ಬೊಕ್ಕ ವಿಪ್ರ ಸಂಘಟನೆಗಾದ್ ಪೇಜಾವರ ವಿಶ್ವೇಶ ತೀರ್ಥರ ಸಂಸ್ಮರಣಾರ್ಥ, ಶ್ರೀ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿಲೆನ ಆಶೀರ್ವಾದಡ್ ಶ್ರೀ ರಾಮತಾರಕ ಜಪ-ಯಜ್ಞ ಐತಾರ ನಡತುಂಡು . ಕಾಂಡೆ 6 ಗಂಟೆಗ್ ತುಡರ್ ಅರ್ಲಾವುನ ಮುಖೇನ ಜಪ ಯಜ್ಞ ಸುರು ಆಂಡ್.

ಬೆಂಗ್ಳೂರುಡು ತುಳುವಐಸಿರ-2021 ಲೇಸ್ : ಪಳ್ಳಿ ವಿಶ್ವನಾಥ ಶೆಟ್ರೆಗ್ ಮಾನಾದಿಗೆ

Dec 22, 2021

ಬೆಂಗ್ಳೂರು : ತಾರೀಖ್ 18-12-2021ಗ್ ಬೆಂಗ್ಳೂರುದ ರವೀಂದ್ರ ಕಲಾ ಕ್ಷೇತ್ರಡ್ ನಡತಿನ ತುಳುವಐಸಿರ-2021 ಲೇಸ್ ಡ್ ‘ಕರ್ನಾಟಕ ಸರಕಾರದ’ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ‘ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ’ದ ಪ್ರತಿಷ್ಠಿತ ಯುವ ಸಂಘಟನಾ ಮಾನಾದಿಗೆ ಪಳ್ಳಿ ವಿಶ್ವನಾಥ್ ಶೆಟ್ಟಿ ಮೆರೆಗ್ ಧರ್ಮಾಧಿಕಾರಿ ಡಾ. ವೀರೇಂದ್ರ ಹೆಗ್ಗಡೆರ್ ತಮ್ಮ ದಿವ್ಯ ಹಸ್ತಡ್ ಪ್ರದಾನ ಮಲ್ತೆರ್ .

ಈ ಪೊರ್ತುಡು ತುಳು ಅಕಾಡೆಮಿ ಗುರ್ಕಾರ್ಲಾಯಿನ ದಯಾನಂದ ಜಿ. ಕತ್ತಲಸಾರ್, ಸಂಸ್ಕೃತಿ ಇಲಾಖೆ ನಿರ್ದೇಶಕ ಶ್ರೀ ಎಸ್. ರಂಗಪ್ಪ, ಮುಖ್ಯಮಂತ್ರಿಲೆನ ಇ-ಆಡಳಿತ ಸಲಹೆಗಾರೇರಾಯಿನ ಶ್ರೀ ಬೇಳೂರು ಸುದರ್ಶನ್, ಉದ್ಯಮಿ ಪ್ರಕಾಶ್ ಶೆಟ್ಟಿ ಎಂ. ಆರ್. ಜಿ ಗ್ರೂಪ್, ಅಕಾಡೆಮಿ ಸದಸ್ಯೆ ಶ್ರೀಮತಿ ಕಾಂತಿ ಶೆಟ್ಟಿ, ಚೇತಕ್ ಪೂಜಾರಿ, ಉದ್ಯಮಿ ಯಾದವ ಕೋಟ್ಯಾನ್, ಹಿರಿಯ ಲೇಖಕಿ ಶ್ರೀಮತಿ ಉಷಾ ಪಿ. ರೈ ಪಾಲ್ ಪಡೆದಿತ್ತೆರ್ .

Uncategorized ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಶ್ರೀ ವಿಕಾಸ ವಾಹಿನಿ ಘಟ ಸಮಿತಿ ಕೋಡಿಕಲ್ :ಶ್ರೀ ಗುರುವಂದನೆ, ಶ್ರೀ ಹನುಮಾನ್ ಚಾಲೀಸಾ ಪಠಣ, ಸಾಧಕೆರೆಗ್ ಮಾನಾದಿಗೆ ಮಲ್ಪುನ ಲೇಸ್

Dec 21, 2021

ಕುಡ್ಲ : ಒಡಿಯೂರು ಶ್ರೀಲೆನ ಷಷ್ಯಬ್ಧ ಸಂಭ್ರಮ ಜ್ಞಾನವಾಹಿನಿ ಒಡಿಯೂರು ಶ್ರೀ ಚ್ಯಾರಿಟೇಬಲ್ ಟ್ರಸ್ಟ್ (ರಿ .) ಸಂಚಾಲಿತ ಒಡಿಯೂರು ಶ್ರೀ ಗ್ರಾಮ ವಿಕಾಸ ಯೋಜನೆ ಒಡಿಯೂರು ಶ್ರೀ ವಿಕಾಸ ವಾಹಿನಿ ಘಟ ಸಮಿತಿ ಉರ್ವ ಕೋಡಿಕಲ್ ಕುಡ್ಲ ಮೆಕ್ಲೆನ ಒಟ್ಟು ಸೇರಿಗೆಡ್ ಇನಿ ಕುಡ್ಲದ ಉರ್ವ ಮಾರಿಯಮ್ಮ ದೇವಲ್ಯೊದ ಎದುರು ಉಪ್ಪುನ ರಂಗ ಚಾವಡಿಡ್ ಶ್ರೀ ಗುರುವಂದನೆ, ಶ್ರೀ ಹನುಮಾನ್ ಚಾಲೀಸಾ ಪಠಣ ಬೊಕ್ಕ ಸಾಧಕೆರೆಗ್ ಅಂಚನೆ ಸಂಘದ ಪೆರಿಯಾಕ್ಲೆಗ್ ಮಾನದಿಗೆ ಮಲ್ಪುನ ಕಜ್ಜ ನಡತುಂಡು.

ಈ ಪೊರ್ಲ ಲೇಸ್ ಡ್ ದಿವ್ಯ ಉಪಸ್ಥಿತಿ ಬೊಕ್ಕ ಆಶೀರ್ವಚನ ಪಾತೆರನ್ ಶ್ರೀ ಗುರುದೇವದತ್ತ ಸಂಸ್ಥಾನಮ್, ಒಡಿಯೂರುದ ಪರಮಪೂಜ್ಯ ಶ್ರೀ ಶ್ರೀ ಗುರುದೇವಾನಂದ ಸ್ವಾಮೀಜಿ ಬಾರಿ ಅರ್ಥ ಬದ್ಧವಾದ್ ಆಶೀರ್ವಚನ ಕೊರಿಯೆರ್.ಅಂಚನೆ ಗುರುದೇವದತ್ತ ಸಂಸ್ಥಾನಮ್, ಒಡಿಯೂರುದ ಶ್ರೀ ಶ್ರೀ ಮಾತಾನಂದಮಯಿ ಅಮ್ಮ ಚಾಲೀಸ್‌ ಪಠಣ ಮಲ್ತ್ ಆಶೀರ್ವಚನ ಕೊರಿಯೆರ್.

ಮಲ್ಲ ಬಿನ್ನೆರ್ ಆದ್ ಒಡಿಯೂರು ಶ್ರೀ ವಿವಿಧೋದ್ದೇಶ ಸೌಹಾರ್ದ ಸಹಕಾರಿ ನಿಯಮಿತದ ಗುರ್ಕಾರ್ಲಾಯಿನ
ಶ್ರೀ ಸುರೇಶ್ ರೈ,ಉರ್ವ ಕುಡ್ಲ ನಗರ ಪಾಲಿಕಾ ಸದಸ್ಯೆರಾಯಿನ ಶ್ರೀ ಗಣೇಶ್ ಕುಲಾಲ್, ನಿವೃತ್ತ ಪ್ರಾಧ್ಯಾಪಕೆರಾಯಿನ ಶ್ರೀಮತಿ ಕೆ.ಎ, ರೋಹಿಣಿ, ಯೋಗ ಶಿಕ್ಷಕಿಯಾಯಿನ ಶ್ರೀಮತಿ ಕಲಾವತಿ ಪದ್ಮನಾಭ,ನಿವೃತ್ತ ಸಿವಿಲ್ ಇಂಜಿನಿಯರ್ ಆಯಿನ ಶ್ರೀ ಜಗದೀಶ್ ಶೆಟ್ಟಿ,ಒಡಿಯೂರು ಶ್ರೀಲೆನ ಷಷ್ಟಬ್ಬ ಸಂಭ್ರಮ ಕೇಂದ್ರ ಸಮಿತಿ ಕಾರ್ಯಂತೆರಾಯಿನ ಶ್ರೀ ಯಶವಂತ ವಿಟ್ಲ,ಒಡಿಯೂರು ಶ್ರೀ ಗ್ರಾಮವಿಕಾಸ ಯೋಜನೆ ಕುಡ್ಲದ ಯೋಜನಾ ನಿರ್ದೇಶಕೆರ್ ಆಯಿನ ಕಿರಣ್ ಉರ್ವ ,ಈ ಪೊರ್ಲ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಇಂದುವೆ ಪೊರ್ತುಡು ಸಾಧಕೆರೆಗ್ ಮಾನದಿಗೆ ಮಲ್ಪುನ ಕಜ್ಜ ಬೊಕ್ಕ 60 ವರ್ಷ ಮಿತ್ತ್ ದ ಪೆರಿಯಾಕ್ಲೆಗ್ ಶಾಲ್ ಪಾರ್ದ್ ಫಲಮಂತ್ರಾಕ್ಷತೆ
ಕೊರಿಯೆರ್.

ಇಂದುವೆ ಪೊರ್ತುಡು ಒಡಿಯೂರು ಶ್ರೀ ವಿಕಾಸ ವಾಹಿನಿ ಘಟ ಸಮಿತಿದ ಪರವಾದ್ ಒಡಿಯೂರುದ ಗೋ ಶಾಲೆಗ್ ಪಣವುದ ಸಾಕಾರ ಕೊರಿಯೆರ್.ಲೇಸ್ ಡ್ ಸ್ವಾಗತ ಭಾಷಣನ್ ಘಟಕದ ಸಂಯೋಜಕಿಯಾಯಿನ ಶ್ರೀಮತಿ ಸುಮತಿ ಮೇರ್ ಮಲ್ತೆರ್ ಅಂಚನೆ ಒಡಿಯೂರು ಶ್ರೀಲೆನ ಷಷ್ಟಬ್ಬ ಸಂಭ್ರಮ ಕೇಂದ್ರ ಸಮಿತಿ ಕಾರ್ಯಂತೆರಾಯಿನ ಶ್ರೀ ಯಶವಂತ ವಿಟ್ಲ,ಮೇರ್ ಪ್ರಸ್ತಾವಿಕ ನುಡಿ ಪಂಡೆರ್. ಶ್ರೀಮತಿ ಪ್ರಭಾವತಿ ಮೇರ್ ಸಾಧಕೆರೆನ ಪಟ್ಟಿ ಪ್ರಕಟ ಮಲ್ತೆರ್, ಕುಮಾರಿ ಶ್ರೀನಿಧಿ ಶೆಟ್ಟಿ ಲೇಸ್ ನಡಪಾದ್ ಕೊರಿಯೆರ್.

ಡಿಸೆಂಬರ್ 24 ತಾರೀಕ್ ಗ್ ತುಳುನಾಡ್ ಡ್ ಬುಡುಗಡೆ ಆಯೆರ ಉಂಡು “ಏರೆಗಾವುಯೆ ಕಿರಿಕಿರಿ” ಪನ್ಪಿನ ತುಳು ಪಿಚ್ಚರ್

Dec 21, 2021

ಕುಡ್ಲ,ಡಿ.21: ವೇಗಸ್ ಪಿಲಮ್ಸ್ ಲಾಂಭನಡ್ ತಯಾರ್ ಆಯಿನ ಪುಗರ್ತೆದ ಪೆರಿಯ ಸಾಹಸ ನಿರ್ದೇಶಕೆರ್ ರಾಮ್ ಶೆಟ್ಟಿ ನಿರ್ದೇಶನದ, ರೋಶನ್ ವೇಗಸ್ ನಿರ್ಮಾಣದ ಏರೆಗಾವುಯೆ ಕಿರಿಕಿರಿ ಪನ್ಪಿನ ತುಳು ಪಿಚ್ಚರ್ ಡಿಸೆಂಬರ್ 24 ತಾರೀಕ್ ಶುಕ್ರಾರದಾನಿ ತುಳುನಾಡ್ ಡ್ ಬುಡುಗಡೆ ಆಯೆರ ಉಂಡು.

ಈ ಬಗೆಟ್ ಪತ್ರಿಕಾಗೋಷ್ಠಿಡ್ ಕುಸೆಲ್ದರಸೆ ನವೀನ್ ಡಿ ಪಡೀಲ್ ಪಾತೆರ್ದ್, ಏರೆಗಾವುಯೆ ಕಿರಿಕಿರಿ ಪಿಚ್ಚರ್ 40 ದಿನತ್ತ ಕಾಲ ಚಿತ್ರೀಕರಣ ಆತ್ಂಡ್. ಈ ಪಿಚ್ಚರ್ ಡ್ ಪುಗರ್ತೆದ ಕಲಾವಿದೆರ್ ಆಯಿನ ತುಳುನಾಡ ಮಾಣಿಕ್ಯ ಅರವಿಂದ್ ಬೋಳಾರ್, ರೋಶನ್ ವೇಗಸ್, ಶ್ರದ್ಧಾ ಸಾಲಿಯಾನ್, ಪ್ರದೀಪ್ ಚಂದ್ರ ಕುತ್ಪಾಡಿ, ಸಂದೀಪ್ ಶೆಟ್ಟಿ ಇಂಚ ಮಸ್ತ್ ಜನ ಅಭಿನಯ ಮಲ್ತ್ ದೆರ್. ನಾಯಕ ನಟೆಯಾದ್ ಮೊಹಮ್ಮದ್ ನಯೀಮ್ ಅಂಚನೆ ನಾಯಕಿ ನಟಿಯಾದ್ ಐಶ್ವರ್ಯ ಹೆಗ್ಡೆ ಅಭಿನಯ ಮಲ್ತ್ ದೆರ್. ಒವ್ವೆ ರೀತಿದ ಭೇದ ಬಾವ ಇಜ್ಜಂದೆ ಈ ಚಿತ್ರನ್ ಮಲ್ತ್ ದ ಪಂದ್ ಪಂಡೆರ್.

ನಿರ್ದೇಶಕೆರ್ ಆಯಿನ ರಾಮ್ ಶೆಟ್ಟಿ ಪಾತೆರ್ದ್, ಈ ಪಿಚ್ಚರ್ ಕುಡ್ಲದ ಬಿಗ್ ಸಿನಿಮಾಸ್, ಪಿ.ವಿ.ಆರ್, ಸಿನಿ ಪೊಲೀಸ್ ಒಡಿಪುದ ಕಲ್ಪನಾ ಥಿಯೇಟರ್ ಡ್ ಈ ಚಿತ್ರ ಬುಡುಗಡೆ ಆಯೆರೆ ಉಂಡು. ಹಾಸ್ಯಮಯವಾಯಿನ ಸನ್ನಿವೇಶ ಇತ್ತ್ ದ್, ಏರೋ ಮಲ್ತಿನ ತಪ್ಪುಗ್ ನನ ಏರೋ ಕಿರಿಕಿರಿ ಅನುಭವಿಸಾವುನಿ, ಮಲ್ತಿನ ತಪ್ಪುನ್ ತಿದ್ದೊಂದ್ ಸತ್ಯದ ಸಾದಿಡ್ ನಡಪುನವೇ ಜೀವನ ಪನ್ಪಿನ ಸಂದೇಶನ್ ಸಾರುನ ಕಥೆ ಏರೆಗಾವುಯೆ ಕಿರಿಕಿರಿ ಪಿಚ್ಚರ್ ಆತ್ಂಡ್ ಪಂದ್ ಪಂಡೆರ್.

ಈ ಪೊರ್ತುಡ್ ಚಿತ್ರದ ನಿರ್ಮಾಪಕೆರ್ ರೋಶನ್ ವೇಗಸ್, ನಾಯಕ ನಟೆ ಮೊಹಮ್ಮದ್ ನಯೀಮ್ ಅಂಚನೆ ನಾಯಕಿ ನಟಿ ಐಶ್ವರ್ಯ ಹೆಗ್ಡೆ ಪತ್ರಿಕಾಗೋಷ್ಠಿಡ್ ಇತ್ತೆರ್.

” Yeragavuyay Kirikiri ” Tulu film to be released in Tulunadu on December 24 th.

” Yeragavuyay Kirikiri ” a Tulu film under the Vegas Films banner , directed by senior director Ram Shetty , produced by Roshan Vegas will be released on Friday the 24 th of December.

Talking at the press meet , Naveen D Padil said the movie was picturised within a period of 40 days and the cast includes Arvind Bolar, Roshan Vegas, Shraddha Salian, Pradeep Chandra Kutpadi, Sandeep Shetty and many others.The male lead is Muhammad Nayeem and the female lead is Aishwarya Hegde .

Ram Shetty the director of the movie talking at the press meet said that the movie will be released at Big cinemas, P.V.R, Cinipolis and at Kalpana theatre Udupi. He added that the movie is a humorous story of life with a dash of emotion and how it is truth that matters in the end .

The producer Roshan Vegas, the hero of the movie Muhmmad Nayeem and heroine Aishwarya Hegde were present at the meet.

ಯಕ್ಷಧ್ರುವ ಪಟ್ಲ ಫೌಂಡೇಶನ್ ಪುಂಜಾಲಕಟ್ಟೆ ಘಟಕದ 4 ನೇ ವರ್ಷದ ಲೆಪ್ಪೋಲೆ ಬುಡುಗಡೆ

Dec 20, 2021

ಪುಂಜಾಲಕಟ್ಟೆ: ಯಕ್ಷಧ್ರುವ ಪಟ್ಲ ಫೌಂಡೇಶನ್ ಪುಂಜಾಲಕಟ್ಟೆ ಘಟಕದ 4 ನೇ ವರ್ಷದ ಉಚ್ಚಯದ ಲೆಪ್ಪೋಲೆ ಬುಡುಗಡೆ ಶ್ರೀ ಮುರುಘೇಂದ್ರ ಮಿತ್ರ ಮಂಡಳಿದ ಚಾವಡಿಡ್ ಕೋಡೆ ಕಾಂಡೆ 9 ಗಂಟೆಗ್ ನಡತುಂಡು . ಸಭಾ ಕಾರ್ಯಕ್ರಮಡ್ ಮಲ್ಲ ಬಿನ್ನೆರ್ ಆದ್ ಮಾಜಿ ಜಿ.ಪಂ.ಉಪಾಧ್ಯಕ್ಶೆರಾಯಿನ ಹಾಗೂ ನಿಕಟಪೂರ್ವ ಜಿ.ಪಂ.ಸದಸ್ಯೆರಯಿನ ಶ್ರೀ ತುಂಗಪ್ಪ ಬಂಗೇರ ಪಾಲ್ ಪಡೆದ್ ಲೆಪ್ಪೋಲೆ ಬುಡುಗಡೆ ಮಲ್ತೆರ್.

ಮಲ್ಲ ಬಿನ್ನೆರ್ ಆದ್ ಪಿಲಾತಬೆಟ್ಟು ವ್ಯವಸಾಯ ಸೇವಾ ಸಹಕಾರಿ ಬ್ಯಾಂಕಕ್ದ ಕಾರ್ಯನಿರ್ವಾಹಕೆರಾಯಿನ ಮಂಜಪ್ಪ ಮೂಲ್ಯ, ಮಾಲಾಡಿ ಗ್ರಾಮ ಪಂಚಾಯತ್ ಕಾರ್ಯದರ್ಶಿಯಾಯಿನ ಯಶೋಧರ ಶೆಟ್ಟಿ ಪರ್ತಗುಡ್ಡೆ, ಮಡಂತ್ಯಾರು ಹಾಲು ಉತ್ಪಾದಕರ ಸಂಘದ ಗುರ್ಕಾರ್ಲಾಯಿನ ಸದಾಶಿವ ಶೆಟ್ಟಿ ಮುಗೆರೋಡಿ ಪಾಲ್ ಪಡೆದಿತ್ತೆರ್.

ತುಳು ಸುದ್ದಿ

ನನ ಪತ್ತ್ ದಿನ ಕಟೀಲ್ ದ ಆಜಿ ಮೇಳದ ಆಟ ಪಗೆಲ್ಡ್

ಹರಾಜ್ ಗ್ ತಯಾರ್ ಆಂಡ್ ನೀರವ್ ಮೋದಿನ 1000 ಕೋಟಿ ಆಸ್ತಿ

138 ವರ್ಷ ಪಿರಾಕ್ದ ಸಿ. ಎಸ್. ಐ. ಕಾಂತಿ ಚರ್ಚ್ ಜೆಪ್ಪುದ ವೈಎಂಪಿಯು ಜವನ್ಯೆರ್ನ ಕೂಟದ ಮುತಾಲಿಕೆಡ್ ತುಲು ಲಿಪಿತ ಪುದರ್ ಪಲವೆ

ಹುಷಾರ್ದಾಂತೆ ತೀರ್ ಪೋಯಿನ ಶ್ರೀ ಗಣೇಶ್ ಆಯಂಬುಲೆನ್ಸ್ ಮಾಲಕ ಗಂಗಾಧರ್ ಅತ್ತಾವರ

ಗುರು ರಾಘವೇಂದ್ರ ಸ್ವಾಮಿ ಮಠಟ್ ಶ್ರೀರಾಮತಾರಕ ಯಜ್ಞ

ಬೆಂಗ್ಳೂರುಡು ತುಳುವಐಸಿರ-2021 ಲೇಸ್ : ಪಳ್ಳಿ ವಿಶ್ವನಾಥ ಶೆಟ್ರೆಗ್ ಮಾನಾದಿಗೆ

ಶ್ರೀ ವಿಕಾಸ ವಾಹಿನಿ ಘಟ ಸಮಿತಿ ಕೋಡಿಕಲ್ :ಶ್ರೀ ಗುರುವಂದನೆ, ಶ್ರೀ ಹನುಮಾನ್ ಚಾಲೀಸಾ ಪಠಣ, ಸಾಧಕೆರೆಗ್ ಮಾನಾದಿಗೆ ಮಲ್ಪುನ ಲೇಸ್

ಡಿಸೆಂಬರ್ 24 ತಾರೀಕ್ ಗ್ ತುಳುನಾಡ್ ಡ್ ಬುಡುಗಡೆ ಆಯೆರ ಉಂಡು “ಏರೆಗಾವುಯೆ ಕಿರಿಕಿರಿ” ಪನ್ಪಿನ ತುಳು ಪಿಚ್ಚರ್

ಯಕ್ಷಧ್ರುವ ಪಟ್ಲ ಫೌಂಡೇಶನ್ ಪುಂಜಾಲಕಟ್ಟೆ ಘಟಕದ 4 ನೇ ವರ್ಷದ ಲೆಪ್ಪೋಲೆ ಬುಡುಗಡೆ

You Missed

ಅ.18 : “ತುಳು ಭಗವದ್ಗೀತೆ” ಜಗತ್ತ್‌ದ ಮಾತಾ ಕಡೆಟ್ಲ ಬಿಡುಗಡೆ

ಅ.28 : ನೇಪಾಳಡ್ ಇಂಡೋ–ನೇಪಾಳ ತುಳುವ ಮಹಾಸಭೆತ್ತ ಸಭೆ

ಮುಲ್ಕಿಟೂರಿಸ್ಟ್ ಕಾರ್ ಬೊಕ್ಕ ಟೆಂಪೋ ಚಾಲಕರ ಬೊಕ್ಕ ಮಾಲಕರ ಸಂಘದ 2026-27 ನೇ ವರ್ಸದ ನೂತನ ಪೊಸ ಗುರ್ಕಾರ್ಲು ಆದ್ ನಾರಾಯಣ ನ್ಯಾಕ್ ಆಯ್ಕೆ

ಪುತ್ತೂರು: ‘ಡಿಜಿಟಲ್ ಅರೆಸ್ಟ್’ ಮಲ್ತ್‌ದ್ ಒಂಜಿ ಜನಕ್ಕ್ 1.31 ಕೋಟಿ ರೂ. ವಂಚನೆ!