ತುಳು ಸುದ್ದಿ

ಎ.15: ಇಂಟರ್ ನ್ಯಾಷ್ ನಲ್‌ ಬಂಟ್ಸ್ ವೆಲ್ಫೇರ್ ಟ್ರಸ್ಟ್‌ ದ ಸಂಘಟನಾ ಕಾರ್ಯದರ್ಶಿ ರಾಜ್‌ ಗೋಪಾಲ್‌ ರೈ ಮೆರೆಗ್ ಸಂಘಟನಾ ಮಾಣಿಕ್ಯ ಬಿರ್ದ್

ಕುಡ್ಲ: ಇಂಟರ್ ನ್ಯಾಷ್ ನಲ್‌ ಬಂಟ್ಸ್ ವೆಲ್ಫೇರ್ ಟ್ರಸ್ಟ್‌ದ ಮುತಾಲಿಕೆಡ್ ಎಪ್ರಿಲ್‌ 15 ಕ್ಕ್ ಮಹಿಳಾ ವಿಭಾಗರ್ದ್ ಬಲ್ಮಠದ ಕುಡ್ಲ ಪೆವಿಲಿಯನ್‌ ಡ್ ನಡಪರೆ ಇಪ್ಪುನ ಬಿಸು ಪರ್ಬ 2024 ಲೇಸ್ ಡ್ ಟ್ರಸ್ಟ್‌ ದ ಸಂಘಟನಾ ಕಾರ್ಯದರ್ಶಿ ರಾಜ್‌ ಗೋಪಾಲ್‌ ರೈ ಮೆರೆಗ್ ಸಂಘಟನಾ ಮಾಣಿಕ್ಯ ಬಿರ್ದ್ ಪ್ರದಾನ ಲೇಸ್ ಬಿನ್ನೆರೆನ ಸಮ್ಮುಖಡ್ ನಡಪರೆ ಉಂಡು ಪಂದ್ ಟ್ರಸ್ಟ್‌ ದ ಸ್ಥಾಪಕ ಅಧ್ಯಕ್ಷೆರ್ ಡಾ.ಅತ್ತೂರು ಸದಾನಂದ ಶೆಟ್ಟಿ ಪತ್ರಿಕಾ ಪ್ರಕಟನೆಡ್ ತೆರಿಪಾದೆರ್.

ರಾಜ್‌ ಗೋಪಾಲ್‌ ರೈ ಮೇರ್ ಪುಗರ್ತೆದ ಅಂತರಾಷ್ಟ್ರೀಯ ರೋಟರಿ ಸೇವಾಸಂಸ್ಥೆದ ಮಾಜಿ ಉಪ ಗರ್ವನರಾದ್, ಭಾರತೀಯ ಜನತಾ ಪಕ್ಷದ ಜಿಲ್ಲಾ ವಕ್ತಾರೆರಾದ್, ರಾಷ್ಟ್ರೀಯ ಸ್ವಯಂ ಸೇವಾ ಸಂಘದ ಶ್ರದ್ಧಾವಂತ ಸ್ವಯಂ ಸೇವಕೆರಾದ್, ಭಗವಾ ಕ್ಯಾಟರರ್ಸ್ ಸಂಸ್ಥೆದ ಸಂಸ್ಥಾಪಕೆರಾದ್, ಕ್ಯಾಟರಿಂಗ್‌ ಅಸೋಸಿಯನ್‌ದ ಮಾಜಿ ಅಧ್ಯಕ್ಷೆರಾದ್ ಬೊಕ್ಕ ವಿಶೇಷವಾದ್ ಧಾರ್ಮಿಕ, ರಾಜಕೀಯ, ಸಾಂಸ್ಕೃತಿಕ, ಕ್ರೀಡೆ ಸೇವಾ ವಿಭಾಗಡ್ ಸುಮಾರ್ ವರ್ಷೊದಿಂಚ ಸೇವೆ ಸಂದಾಯಿರ್ನೆದಾವೆರ ಈ ಬಿರ್ದ್ ನ್ ಕೊರೊಂದು ಉಂಡು ಪಂದ್ ಪ್ರಕಟನೆಡ್ ತೆರಿಪಾದೆರ್.

ವರದಿ : ಮುಲ್ಕಿ ಕರುಣಾಕರ ಶೆಟ್ಟಿ
ಮೊ.:9880425265

ದಕ್ಷಿಣಕನ್ನಡ ಎಂಪಿ ವೋಟುದ ಕಲೊಟ್ಟು 9 ಅಭ್ಯರ್ಥಿಲು

ಕುಡ್ಲ: ಲೋಕಸಭೆ ವೋಟುಗು ದಕ್ಷಿಣ ಕನ್ನಡ ಲೋಕಸಭೆ ಕ್ಷೇತ್ರಡ್ ಒರಿ ಅಭ್ಯರ್ಥಿ ನಾಮಪತ್ರ ಪಿರ ದೆತೊಂದೆರ್. ಒಟ್ಟು ಒರ್ಂಭ ಅಭ್ಯರ್ಥಿಲು ಕಣಟ್ಟ್ ಉಲ್ಲೆರ್.

ವೋಟುಡು ಸ್ಪರ್ಧೆ ಮಲ್ಪೆರೆ ನಾಮಪತ್ರ ಸಂದಾಯಿನ 11 ಜನಟ್ಟ್ 10 ಅಭ್ಯರ್ಥಿಲೆನ ನಾಮಪತ್ರಲು ಕ್ರಮಬದ್ಧ ಆದಿತ್ತ್ಂಡ್. ಪಕ್ಷೇತರ ಅಭ್ಯರ್ಥಿ ಆದಿತ್ತಿನ ಫ್ರಾನ್ಸಿಸ್ ಲ್ಯಾನ್ಸಿ ಮಾಡ್ತಾ ಮೆರೆನ ನಾಮಪತ್ರ ತಿರಸ್ಕೃತ ಆತ್ಂಡ್. ಇನಿ ನಾಮಪತ್ರ ವಾಪಸ್ ಪಡೆಯೆರೆ ಅಕೇರಿದ ದಿನ ಆತ್ಂಡ್. ಅಂಚೆನೆ ಪಕ್ಷೇತರ ಅಭ್ಯರ್ಥಿ ಸತೀಶ್ ಬೂಡುಮಕ್ಕಿ ನಾಮಪತ್ರ ವಾಪಸ್ ಪಡೆತೆರ್.

ಬಿಜೆಪಿದ ಕ್ಯಾ.ಬ್ರಿಜೇಶ್ ಚೌಟ, ಕಾಂಗ್ರೆಸ್‌ದ ಆ‌ರ್.ಪದ್ಮರಾಜ್, ಬಹುಜನ ಸಮಾಜ ಪಕ್ಷದ ಕಾಂತಪ್ಪ ಅಲಂಗಾರ್, ಕರ್ನಾಟಕ ರಾಷ್ಟ್ರ ಸಮಿತಿದ ರಂಜಿನಿ ಎಂ, ಉತ್ತಮ ಪ್ರಜಾಕೀಯ ಪಕ್ಷದ ಕೆ.ಇ.ಮನೋಹರ, ಕರುನಾಡ ಸೇವಕ ಪಕ್ಷದ ದುರ್ಗಾಪ್ರಸಾದ್, ಪಕ್ಷೇತರ ಆದ್ ದೀಪಕ್ ರಾಜೇಶ್ ಕುವೆಲ್ಲೊ, ಮೆಕ್ಸಿಂ ಪಿಂಟೊ ಬೊಕ್ಕ ಸುಪ್ರೀತ್ ಕುಮಾರ್ ಪೂಜಾರಿ ವೋಟುದ ಕಲೊಟ್ಟ್ ಉಲ್ಲೆರ್. ‌

ಏ.12, 14, 16: ಪಣೋಲಿಬೈಲ್ ಶ್ರೀ ಕಲ್ಲುರ್ಟಿ ದೈವಸ್ಥಾನಡ್ ಆಗೇಲ್ ಸೇವೆ ಇಜ್ಜಿ

ಬಂಟ್ವಾಳ ತಾಲೂಕ್ ಸಜೀಪಮೂಡ ಪಣೋಲಿಬೈಲ್ ಶ್ರೀ ಕಲ್ಲುರ್ಟಿ ದೈವಸ್ಥಾನಡ್ ಏ.12, 14, 16 ಕ್ಕ್ ಆಗೇಲ್ ಸೇವೆ ಇಜ್ಜಿ.

ಸಜೀಪ ಮಾಗಣೆ ಮಿತ್ತಮಜಲು ಕ್ಷೇತ್ರದ ವಾರ್ಷಿಕ ವಿಸು ಜಾತ್ರೆದ ಲೆಕ್ಕೊಡು ಮುಲ್ಪ ಆಗೇಲ್ ಸೇವೆ ಇಜ್ಜಿ. ಏ.19 ರ್ದ್ ಆಗೇಲ್ ಸೇವೆ ನಡಪುಂಡು. ಬೊಕ್ಕ ಕುಡ ಏ.21 ಕ್ಕ್ ಆಗೇಲ್ ಸೇವೆ ಇಜ್ಜಿ ಪಂದ್ ಪ್ರಕಟಣೆಡ್ ತೆರಿಪಾದೆರ್.

ಸಮಾಜ ಸೇವೆಡ್ “ವೀರ ಕೇಸರಿ” ಮಲ್ಲ ಪುದರ್ : ಬಾಳ ಜಗನ್ನಾಥ ಶೆಟ್ಟಿ

ಸುರತ್ಕಲ್: ವೀರ ಕೇಸರಿ ಸಮಾಜ ಸೇವೆಡ್ ದುಂಬು ಇಪ್ಪುನ ಸೇವಾ ಸಂಸ್ಥೆ. ಕರಿನ 45 ವರ್ಷೊದಿಂಚ ತಡಂಬೈಲ್ ಪರಿಸರಡ್ ವೀರಕೇಸರಿ ಸೇವಾ ಸಂಸ್ಥೆ ಕ್ರೀಡೆ, ಸಾಂಸ್ಕೃತಿಕ ಬೊಕ್ಕ ಸಮಾಜ ಸೇವೆಡ್ ಇತ್ತ್ ದ್ ಸಮಾಜಪರ ಕೆಲಸ ಮಲ್ತ್ ದ್ ಮೆಚ್ಚೊಗೆಗ್ ಪಾತ್ರ ಆತ್ಂಡ್ ಪಂದ್ ಕರ್ನಾಟಕ ಮಾಧ್ಯಮ ಅಕಾಡೆಮಿದ ನಿಕಟಪೂರ್ವ ಸದಸ್ಯೆರ್ ಬಾಳ ಜಗನ್ನಾಥ ಶೆಟ್ಟಿ ಪಂಡೆರ್.

ಮಾರಿಪೂಜೆ ಮಹೋಚ್ಚಯದ ಲೆಕ್ಕೊಡು ಮಾರಿಗುಡಿ ಶ್ರೀ ಮಹಮ್ಮಾಯಿ ದೇವಸ್ಥಾನದ ವಠಾರಡ್ ನಡತಿನ ವೀರಕೇಸರಿದ ವಾರ್ಷಿಕ ಉಚ್ಚಯಡ್ ಬಿನ್ನೆರಾದ್ ಪಾಲ್ ಪಡೆದ್ ಪಾತೆರಿಯೆರ್.

ಲೇಸ್ ಡ್ ಮುಕ್ಕ ಶ್ರೀನಿವಾಸ ಆಸ್ಪತ್ರೆದ ವೈದ್ಯಾಧಿಕಾರಿ ಡಾ ಶಶಿಧರ ಪಡ್ಡೆದ್ರ ಪಾತೆರ್ದ್, ವೀರ ಕೇಸರಿ ಸಂಸ್ಥೆರ್ದ್ ಆರೋಗ್ಯ ವಿಚಾರಗ್ ಸಂಬಂಧಪಟ್ಟಿನ ಲೇಸ್ ನಡತ್ ಇಪ್ಪುರ್ನೆದಾವೆರ ಪರಿಸರದ ನಾಗರಿಕೆರೆಗ್ ಅನುಕೂಲ ಆತ್ಂಡ್. ಇಂಚಿನ ಸಮಾಜಮುಖಿ ಲೇಸ್ ನಿರಂತರವಾದ್ ನಡಪಾಡ್ ಪಂದ್ ಎಡ್ಡೆಪ್ಪು ಬಯಕಿಯೆರ್.

ಲೇಸ್ ಡ್ ಉದ್ಯಮಿ ರಮೇಶ್ ರಾವ್, ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಟ್ರಸ್ಟಿಲು ಸಹನಾ ರಾಜೇಶ್ ರೈ, ಸಮಾಜಸೇವಕಿ ಶಾಂತಾ, ಮಹಾಬಲ ಪೂಜಾರಿ ಕಡಂಬೋಡಿ, ಲಕ್ಷ್ಮೀನಾರಾಯಣ ಭಟ್, ಸುರತ್ಕಲ್ ವ್ಯವಸಾಯ ಸೇವಾ ಸಹಕಾರಿ ಬ್ಯಾಂಕ್ ದ ಅಧ್ಯಕ್ಷೆರ್ ಅಶೋಕ್ ಶೆಟ್ಟಿ ತಡಂಬೈಲ್, ಮಾಜಿ ಅಧ್ಯಕ್ಷೆರ್ ಸುಧಾಕರ ತಡಂಬೈಲ್, ಅಧ್ಯಕ್ಷೆರ್ ಸುಕುಮಾರ್ ತಡಂಬೈಲ್, ಕೈಲಾಸ್ ತಡಂಬೈಲ್, ಪದ್ಮನಾಭ ತಡಂಬೈಲ್ ರಾಘವೇಂದ್ರ ತಡಂಬೈಲ್ ಪಾಲ್ ಪಡೆದಿತ್ತೆರ್.

ಲೇಸ್ ಡ್ ಬೇತೆ ಬೇತೆ ಕ್ಷೇತ್ರಡ್ ಸಾಧನೆ ಮಲ್ತಿನ ಜಯಂತ ಶೆಟ್ಟಿ ತಡಂಬೈಲ್, ಸುಧಾಕರ್ ಸುರತ್ಕಲ್, ಸಹನಾ ಆರ್ ರೈ ಮೆರೆಗ್ ಸನ್ಮಾನ ನಡತ್ಂಡ್. ಅಶೋಕ್ ಶೆಟ್ಟಿ ತಡಂಬೈಲ್ ಪ್ರಸ್ತಾವಿಕವಾದ್ ಪಾತೆರಿಯೆರ್. ರಾಮಚಂದ್ರ ಶೆಟ್ಟಿ ತಡಂಬೈಲ್ ಎದ್ಕೊಂದು, ಸೊಲ್ಮೆ ಸಂದಾಯೆರ್. ಮನೋಜ್ ಶೆಟ್ಟಿ ಚೇಳಾರ್ ಲೇಸ್ ನ್ ಸುಧಾರಿಕೆ ಮಲ್ತೆರ್.

ಲೋಕಸಭೆ ವೋಟುದ ಲೆಕ್ಕೊಡು ಕುಡ್ಲ ವಿಧಾನಸಭೆ ಕ್ಷೇತ್ರಡ್ ನಾರಿ ಶಕ್ತಿ ಸಮಾವೇಶ

ಲೋಕಸಭೆ ವೋಟುದ ಲೆಕ್ಕೊಡು ಕುಡ್ಲ ವಿಧಾನಸಭೆ ಕ್ಷೇತ್ರಡ್ ಎ.8 ಸೋಮಾರ ಕೊಲ್ಯ ಕುಲಾಲ ಭವನಡ್ ನಾರಿ ಶಕ್ತಿ ಸಮಾವೇಶ ನಡತ್ಂಡ್.

ನಾರಿ ಶಕ್ತಿ ಸಮಾವೇಶ ಲೇಸ್ ದ ಗುರ್ಕಾರ್ಮೆನ್ ಒಯಿಸೊನ್ನ ಮಂಡಲದ ಗುರ್ಕಾರೆ ಜಗದೀಶ್ ಆಳ್ವ ಕುವೆತ್ತ ಬೈಲ್ ಪಾತೆರ್ದ್, ಪೊಂಜೋವುಲೆಗ್ ವೋಟುದ ಕೆಲಸಡ್ ವಾ ರೀತಿ ಇಪ್ಪೊಡು ಪನ್ಪುನ ಬಗೆಟ್ಟ್ ಪೊಲಬು ಕೊರಿಯೆರ್.

ನಾರಿ ಶಕ್ತಿ ಸಮಾವೇಶದ ಉದಿಪನನ್ ತುಡರ್ ಅರ್ಲಾವುನ ಮುಕೇನ ಉದಿಪನ ಮಲ್ತಿನ ವಿಧಾನಪರಿಷತ್ ಸದಸ್ಯೆರ್ ಭಾರತಿ ಶೆಟ್ಟಿ ಪಾತೆರ್ದ್, ಮೋದಿಜಿ ಮೆರೆನ ಸುಮಾರ್ ಯೋಜನೆಲೆನ ಬಗೆಟ್ಟ್ ಪೊಲಬು ಕೊರ್ದು ದಕ್ಷಿಣ ಕನ್ನಡ ಜಿಲ್ಲೆಡ್ ಕ್ಯಾಪ್ಟನ್ ಬ್ರಿಜೇಶ್ ಚೌಟ ಮೆರೆನ್ ಬಹುಮತಡ್ ಗೆಂದಾವೊಡು ಪಂದ್ ಪೊಂಜೋವುನಕ್ಲೆಡ ಬಿನ್ನಾಪು ಮಲ್ತೆರ್.

ದಕ್ಷಿಣ ಕನ್ನಡ ಜಿಲ್ಲೆದ ಅಭ್ಯರ್ಥಿ ಕ್ಯಾಪ್ಟನ್ ಬ್ರಿಜೇಶ್ ಚೌಟ ಪಾತೆರ್ದ್, ವೋಟುದ ಕೆಲಸಡ್ ಪೊಂಜೋವುಲೆನ ಪಾತ್ರ ಬಹುಮುಖ್ಯ, ಅಮ್ಮನಕ್ಲೆನ ಭಾವನಾತ್ಮಕತೆ ಎನ್ನ ಉಡಲ್ ಮುಟ್ಟುದುಂಡು ಪಂದ್ ಪಂಡೆರ್.

ದಕ್ಷಿಣ ಕನ್ನಡ ಜಿಲ್ಲಾ ಮಹಿಳಾ ಮೋರ್ಚಾದ ಅಧ್ಯಕ್ಷೆರ್ ಡಾಕ್ಟರ್ ಮಂಜುಳಾ ರಾವ್ ಪಾತೆರ್ದ್, ಮಹಿಳಾ ಶಕ್ತಿ ವೋಟುದ ಕೆಲಸಡ್ ದುರ್ಗಾ ಶಕ್ತಿ ಅವೊಡು, ಯುಗಾದಿ ಉಚ್ಚಯ ವಿಜಯೋಚ್ಚಯ ಅವೊಡು ಪಂದ್ ಪೊಂಜೋವುಲೆಗ್ ಪ್ರೋತ್ಸಾಹ ಮಲ್ತೆರ್.

ಈ ಸಮಾವೇಶಡ್ ಜಿಲ್ಲಾ ಮಹಿಳಾ ಕಾರ್ಯದ ಚುನಾವಣಾ ಸಂಚಾಲಕೆರ್ ಕಸ್ತೂರಿ ಪಂಜ, ಮಹಿಳಾ ಕಾರ್ಯದ ಚುನಾವಣಾ ಸಹ ಸಂಚಾಲಕೆರ್, ನಿಕಟ ಪೂರ್ವ ಜಿಲ್ಲೆದ ಅಧ್ಯಕ್ಷೆರ್ ಧನಲಕ್ಷ್ಮಿ ಗಟ್ಟಿ, ಜಿಲ್ಲಾ ಮಹಿಳಾ ಮೋರ್ಚಾದ ಕೋಶಾಧಿಕಾರಿ, ಮಹಿಳಾ ಮೋರ್ಚಾದ ಚುನಾವಣಾ ಪ್ರಭಾರಿ ಸುಮನಾ ಶರಣ್, ಜಿಲ್ಲಾ ಮಹಿಳಾ ಮೋರ್ಚಾದ ಕಾರ್ಯದರ್ಶಿ, ಮಹಿಳಾ ಮೋರ್ಚಾದ ಪ್ರಭಾರಿ ಪೂರ್ಣಿಮ ಶೆಟ್ಟಿ, ಫಲಾನುಭವಿಲೆನ ಸಂಪರ್ಕ ಅಭಿಯಾನದ ಜಿಲ್ಲಾ ಸಹ ಸಂಚಾಲಕೆರ್ ಜಯಶ್ರೀ ಕರ್ಕೇರ, ಮಂಡಲದ ಕಾರ್ಯದರ್ಶಿ, ಮಹಿಳಾ ಮೋರ್ಚಾದ ಪ್ರಭಾರಿ ಸುಮನ ಹರೀಶ್ ಶೆಟ್ಟಿ, ಮಹಿಳಾ ಮೋರ್ಚಾದ ಅಧ್ಯಕ್ಷೆರ್ ಮಾಧವಿ ಉಳ್ಳಾಲ, ಜಿಲ್ಲೆದ ಉಪಾಧ್ಯಕ್ಷೆರ್ ರವೀಂದ್ರ ಶೆಟ್ಟಿ ಉಳಿದೊಟ್ಟು, ಜಿಲ್ಲೆದ ಚುನಾವಣಾ ಪ್ರಭಾರಿ ರಾಧಾಕೃಷ್ಣ ಬೂಡಿಯಾರ್, ಮಂಡಲದ ಚುನಾವಣಾ ಪ್ರಭಾರಿ ದಿನೇಶ್ ಅಮ್ಟೂರು, ಮಂಡಲದ ಚುನಾವಣಾ ಸಂಚಾಲಕೆರ್ ಚಂದ್ರಹಾಸ ಪಂಡಿತ ಹೌಸ್, ಅನನ್ಯ ಜವಾಬ್ದಾರಿ ದೆತೊನ್ನ ನಾಯಕೆರ್, ಮಹಿಳಾ ಮೋರ್ಚಾದ ಪದುಕೆರ್, ಪಂಚಾಯತ್ ಅಧ್ಯಕ್ಷೆರ್, ಸದಸ್ಯೆರ್, ಪುರಸಭೆ ಕೌನ್ಸಿಲರ್ ಲು, ಮಹಿಳಾ ಪ್ರಮುಖೆರ್ ಪಾಲ್ ಪಡೆದಿತ್ತೆರ್.

ಮಹಿಳಾ ಮೋರ್ಚಾದ ಪ್ರಧಾನ ಕಾರ್ಯದರ್ಶಿ ಸುಮಲತಾ ಕೊಣಾಜೆ ಲೇಸ್ ನ್ ಸುಧಾರಿಕೆ ಮಲ್ತೆರ್. ಮೋರ್ಚಾದ ಅಧ್ಯಕ್ಷೆರ್ ಮಾಧವಿ ಉಳ್ಳಾಲ್ ಬಿನ್ನೆರೆನ್ ಎದ್ಕೊನಿಯೆರ್. ಪ್ರಧಾನ ಕಾರ್ಯದರ್ಶಿ ಹರಿಣಿ ವಿ ಕೋಟ್ಯಾನ್ ಸೊಲ್ಮೆ ಸಂದಾಯೆರ್.

ಮೇ 29 ರ್ದೆ ಶಾಲೆ…121 ದಿನ ರಜೆ

ರಾಜ್ಯ ಸರ್ಕಾರಿ, ಅನುದಾನಿತ ಬೊಕ್ಕ ಪ್ರಾಥಮಿಕ ಶಾಲೆ ಬೊಕ್ಕ ಪ್ರೌಢಶಾಲೆಲು ಈ ಸರ್ತಿ ಮೇ 29 ರ್ದ್ ಸುರು ಆಪುಂಡು‌.

ಶೈಕ್ಷಣಿಕ ವರ್ಷದ ಸುರುತ್ತ ಅವಧಿ ಮೇ 29 ರ್ದ್ ಅಕ್ಟೋಬರ್ 2 ಮುಟ್ಟ ಉಪ್ಪುಂಡು. 2ನೇ ಅವಧಿ ಅಕ್ಟೋಬರ್ 21 ರ್ದ್ ಎಪ್ರಿಲ್ 10 ಮುಟ್ಟ ಉಪ್ಪುಂಡು.

ಒಟ್ಟು 244 ದಿನ ಶಾಲೆದ ಕರ್ತವ್ಯದ ದಿನ. 180 ದಿನ ಕಲಿಕೆಗ್, ಭೋಧನೆ ಪ್ರಕ್ರಿಯೆಗ್ ಉಂಡು. ದಸರಾ ರಜೆ ಅ.3 ರ್ದ್ ಅ.20 ಮುಟ್ಟ ಉಂಡು. ಇಡೀ ಶೈಕ್ಷಣಿಕ ವರ್ಷಡ್ 121 ದಿನ ರಜೆ ಉಂಡು.

ಏ.14 : ಪ್ರಧಾನಿ ಮೋದಿ ಕುಡ್ಲಗ್

ಕುಡ್ಲ: ಪ್ರಧಾನಿ ನರೇಂದ್ರ ಮೋದಿ ಮೇರ್ ಲೋಕಸಭೆ ವೋಟುದ ಪ್ರಚಾರೊಗು ನ.14 ಕ್ಕ್ ಕುಡ್ಲಗ್ ಬರಿಯರೆ ಉಲ್ಲೆರ್ ಪಂದ್ ತೆರಿದ್ ಬೈದ್ಂಡ್.

ಬೆಂಗಳೂರು ಕೈತಲ್ದ ದೇವನಹಳ್ಳಿ ಸಮಾವೇಶೊಗು ಬರ್ಪಿನ ಮೋದಿಯೆರ್ನ ಪ್ರೋಗ್ರ್ಯಾಮ್ ಕುಡ್ಲಗ್ ಶಿಫ್ಟ್ ಆತ್ಂಡ್. ಬಿಜೆಪಿ ಅಭ್ಯರ್ಥಿಲೆನ ಪರವಾದ್ ಮೋದಿ ಭಾಷಣ ಮಲ್ಪರೆ ಉಲ್ಲೆರ್. ಆನಿ ರಾತ್ರಿ 7 ಗಂಟೆಗ್ ಬೆಂಗಳೂರುದ ಬಿಜೆಪಿ ಸಮಾವೇಶೊಡು ಪಾಲ್ ಪಡೆವರೆ ಉಲ್ಲೆರ್ ಪಂದ್ ತೆರಿದ್ ಬೈದ್ಂಡ್.

ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನಗ್ 146.01 ಕೋಟಿ ರೂ. ಆದಾಯ

ಸಂಪಾದನೆಡ್ 13 ನೇ ವರ್ಷಲ ರಾಜ್ಯಡ್ ನಂ.1

ರಾಜ್ಯದ “ನಂ.1 ಸಿರಿವಂತಿಗೆದ ದೇವಸ್ಥಾನ’ ಪನ್ಪಿನ ಪುಗರ್ತೆ ಪಡೆದಿನ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನಗ್ 2023-24ನೇ ವರ್ಷಡ್ 146.01 ಕೋಟಿ ರೂ. ಆದಾಯ ಬೈದ್ಂಡ್.

2023 ಎಪ್ರಿಲ್ ರ್ದ್ 2024 ಮಾರ್ಚ್ 31 ಮುಟ್ಟದ ಆರ್ಥಿಕ ವರ್ಷಡ್ ದೇವಸ್ಥಾನೊಗು ಈ ಆದಾಯ ಬೈದ್ಂಡ್.

ಈ ಮುಕೇನ ಬುಡಂದೆ 13ನೇ ವರ್ಷಡ್ ಲ ಆದಾಯಡ್ ರಾಜ್ಯದ ನಂಬರ್ ವನ್ ದೇವಸ್ಥಾನ ಪನ್ಪಿನ ಪುಗರ್ತೆ ಪಡೆದ್ಂಡ್.

ಕರಿನ ವರ್ಷ 123 ಕೋಟಿ ಆದಾಯ ಬತ್ತಿತ್ತ್ಂಡ್. ಈ ಸರ್ತಿ 146.01 ಕೋಟಿ ರೂ ಆದಾಯ ಮಲ್ಪುನ ಮುಕೇನ ಮೂಲಕ ನಂಬರ್ ವನ್ ಸ್ಥಾನನ್ ಒರಿತೊಂದುಂಡು.
ರಾಜ್ಯ ಮುಜರಾಯಿ ಇಲಾಖೆದ ವ್ಯಾಪ್ತಿಡ್ ಉಪ್ಪುನ ಕೊಲ್ಲೂರು ಮುಕಾಂಬಿಕಾ ದೇವಳ 68.23 ಕೋಟಿ ರೂ, ನಂಜನಗೂಡು ಶ್ರೀಕಂಠೇಶ್ವರ ದೇವಸ್ಥಾನ 30.73 ಕೋಟಿ ರೂ, ಸವದತ್ತಿ ರೇಣುಕಾ ಯಲ್ಲಮ್ಮ 25.80 ಕೋ. ರೂ, ಮಂದಾರ್ತಿ ದುರ್ಗಾ ಪರಮೇಶ್ವರಿ ದೇವಸ್ಥಾನ 15.27 ಕೋ.ರೂ, ಕೊಪ್ಪಳ ಜಿಲ್ಲೆ ಹುಲಿಗೆಮ್ಮ ದೇವಿ ದೇವಸ್ಥಾನ 16.29 ಕೋ.ರೂ, ಘಾಟಿ ಸುಬ್ರಹ್ಮಣ್ಯ ಸ್ವಾಮಿ ದೇವಸ್ಥಾನ 13.65 ಕೋ ರೂ, ಬೆಂಗಳೂರಿನ ಬನಶಂಕರಿ ದೇವಸ್ಥಾನ 11.37 ಕೋ ರೂ ಆದಾಯ ಪಡೆದ್ಂಡ್.

ಕುಕ್ಕೆ ದೇವಸ್ಥಾನಗ್ ಮುಖ್ಯವಾದ್ ಕಾಂಟ್ರ್ಯಾಕ್ಟ್ , ತೋಟದ ಉತ್ಪನ್ನ, ಕಟ್ವಾನದ ಬಾಡಿಗೆ, ಕಾಣಿಕೆ, ಕಾಣಿಕೆ ಡಬ್ಬಿ, ಪರಕೆ, ಸೇವೆ ಸೇವೆ, ಸರಕಾರಿ ಅನುದಾನ, ಶಾಶ್ವತ ಸೇವೆರ್ದ್ ಆದಾಯ ಬರೊಂದುಂಡು.

2006-07ರ್ದ್ ಕುಕ್ಕೆ ದೇವಸ್ಥಾನ ದ ಆದಾಯ 19.76 ಕೋಟಿ ರೂ. ಆದಿತ್ತ್ಂಡ್. 2007-08ರಲ್ಲಿ 24.44 ಕೋಟಿ ರೂ.ಗ್ ಏರ್ದ್ ರಾಜ್ಯದ ಸಿರಿವಂತಿಗೆದ ದೇವಲ್ಯ ಪನ್ಪಿನ ಪುಗರ್ತೆ ಪಡೆಂಡ್.

ಕಂಬುಲ ನಮ್ಮ ಜಾನಪದ ಕ್ರೀಡೆ, ಉಂದು ಮನರಂಜನೆಗ್ ಮಾತ್ರ ಅತ್ತ್: ಮನೋಹರ ಶೆಟ್ಟಿ

ಕಂಬುಲ ನಮ್ಮ ಜಾನಪದ ಕ್ರೀಡೆ, ಉಂದು ಕೇವಲ ಮನರಂಜನೆಗ್ ಮಾತ್ರ ಅತ್ತ್ ಪಂದ್ ಬಪ್ಪನಾಡ್ ದೇವಲ್ಯದ ಅನುವಂಶಿಕ ಮೊಕ್ತೇಸರೆರ್ ಮನೋಹರ ಶೆಟ್ಟಿ ಪಂಡೆರ್.

ಮೇರ್ ಬಳ್ಕುಂಜೆ ಕರಿಯ ದೇಸಿಂಗರಾಯ ಬೊಳಿಯ ದೇಸಿಂಗರಾಯ ಕಂಬುಲದ ಸಭಾ ಕಾರ್ಯಕ್ರಮದ ಗುರ್ಕಾರ್ಮೆನ್ ಒಯಿಸೊಂದು ಪಾತೆರಿಯೆರ್.

ಬೊಲ್ಪುಗು ಕೊಟ್ನಾಯಗುತ್ತು ದೈವ ದೇವೆರೆಗ್ ಪ್ರಾರ್ತನೆ ಸಂದಾದ್ ಕಂಬುಲದ ಕರೆಕ್ಕ್ ಎರ್ಲೆನ್ ಜಪ್ಪಯೆರ್ .

ಈ ಪೊರ್ತುಡು
ಶಿಬರೂರು ವೇದವ್ಯಾಸ ತಂತ್ರಿಲು, ವಾದಿರಾಜ ಉಪಾದ್ಯಾಯ ಕೊಲಕಾಡಿ, ರಾಮದಾಸ್ ಭಟ್ ಮುಂಡ್ಕೂರು, ವಿಷ್ಣುರಾಜ್ ಭಟ್, ಧರ್ಮದರ್ಶಿ ಹರಿಕೃಷ್ಣ ಪುನರೂರು, ಬಳ್ಕುಂಜೆ ಚರ್ಚ್ ಧರ್ಮಗುರು ಪೌಲ್ಸ್ ಸಿಕ್ವೇರ
ಬಳ್ಕುಂಜೆ ಮಸೀದಿ ಧರ್ಮಗುರು ಮಹಮ್ಮದ್ ಶರೀಪ್, ಕರ್ನಿರೆ ವಿಶ್ವನಾಥ ಶೆಟ್ಟಿ, ವಿರಾರ್ ಶಂಕರ ಶೆಟ್ಟಿ
ಅಶೋಕ್ ಕುಮಾರ್ ಶೆಟ್ಟಿ
ಚಿತ್ತರಂಜನ್ ಶೆಟ್ಟಿ ಐಕಳ, ಭುವನಾಭಿರಾಮ ಉಡುಪ ಕೊಡೆತ್ತೂರು, ನೀನಾ ನಿತ್ಯಾನಂದ ಅಜಿಲ, ರಘುನಾಥ ಆರ್ ಶೆಟ್ಟಿ ಬಳ್ಕುಂಜೆ ಗುತ್ತು, ಜಯ ಎನ್ ಶೆಟ್ಟಿ ಕೊಟ್ರಪಾಡಿಗುತ್ತು, ರೋಹಿಣಿ ಶೆಟ್ಟಿ, ರವೀಂದ್ರ ಪೂಂಜ ಕೋಟ್ನಾಯಗುತ್ತು, ಯಶವಂತ ಶೆಟ್ಟಿ, ಹರಿಶ್ಚಂದ್ರ ಶೆಟ್ಟಿ ಕರ್ನಿರೆಗುತ್ತು, ಶೇಖರ ಶೆಟ್ಟಿ ಪಡುಮನೆ, ಕಿರಣ್ ಕುಮಾರ್ ಶೆಟ್ಟಿ, ಬಾಲಕೃಷ್ಣ ಹೆಗ್ಡೆ ಕೊಟ್ನಾಯಗುತ್ತು, ಪ್ರವೀಣ್ ಭೋಜ ಶೆಟ್ಟಿ, ರಾಜೇಶ್ ಶೆಟ್ಟಿ ಪೊಲ್ಲೋಡಿ ಬೀಡು, ಗಂಗಾಧರ ಪೂಜಾರಿ, ಸಮಿತಿದ ಅಧ್ಯಕ್ಷೆರ್ ಮಲ್ಲಿಕಾ ಯಶವಂತ ಶೆಟ್ಟಿ ಪಾಲ್ ಪಡೆದಿತ್ತೆರ್. ದಿನಕರ ಶೆಟ್ಟಿ ಬಳ್ಕುಂಜೆ ಎದ್ಕೊನಿಯೆರ್. ಶರತ್ ಶೆಟ್ಟಿ ಕಿನ್ನಿಗೋಳಿ ಸುಧಾರಿಕೆ ಮಲ್ತೆರ್.

ಬಳಕುಂಜೆ “ಕರಿಯ ದೇಸಿಂಗರಾಯ – ಬೊಳಿಯ ದೇಸಿಂಗರಾಯ” ಜೋಡುಕರೆ ಕಂಬುಲ ಕೂಟಡ್ ಗೆಂದಿನಕುಲು

ಬಳಕುಂಜೆ “ಕರಿಯ ದೇಸಿಂಗರಾಯ – ಬೊಳಿಯ ದೇಸಿಂಗರಾಯ” ಜೋಡುಕರೆ ಕಂಬುಲ ಕೂಟ ಎ.6 ಕ್ಕ್ ನಡತ್ಂಡ್.

ಈ ಕಂಬುಲ ಕೂಟಡ್ ಗೆಂದಿನಕ್ಲೆನ ಪೊಲಬು ಇಂಚ ಉಂಡು.

ಕನೆಪಲಯಿ: 5 ಜತೆ
ಅಡ್ಡಪಲಯಿ: 5 ಜತೆ
ಬಲ್ಲ್ ದ ಮಲ್ಲ: 15 ಜತೆ
ನಾಯೆರ್ ದ ಮಲ್ಲ: 20 ಜತೆ
ಬಲ್ಲ್ ದ ಎಲ್ಯ: 17 ಜತೆ
ನಾಯೆರ್ ದ ಎಲ್ಯ: 61 ಜತೆ
ಒಟ್ಟು ಎರ್ಲೆನ ಸಂಖ್ಯೆ: 123 ಜತೆ ಇತ್ತ್ಂಡ್.

ಕನೆಪಲಯಿ:
(6.5 ಕೋಲ್ ನಿಶಾನೆಗ್ ನೀರ್ ರಾಪಾದೆರ್)

ಸುರುತ್ತ ಇನಾಮು: ಕಾಂತಾವರ ಬೇಲಾಡಿ ಬಾವ ಅಶೋಕ್ ಶೆಟ್ಟಿ
ಪಲಯಿ ಮುಟ್ಟಿನಾರ್: ತೆಕ್ಕಟ್ಟೆ ಸುಧೀರ್ ದೇವಾಡಿಗ

ಅಡ್ಡ ಪಲಯಿ:
ಸುರುತ್ತ ಇನಾಮು: ನಾರಾವಿ ಯುವರಾಜ್ ಜೈನ್ “ಎ”
ಪಲಯಿ ಮುಟ್ಟಿನಾರ್: ಭಟ್ಕಳ ಹರೀಶ್
ರಡ್ಡನೇ ಇನಾಮು: ಬೋಳಾರ ತ್ರಿಶಾಲ್ ಕೆ ಪೂಜಾರಿ
ಪಲಯಿ ಮುಟ್ಟಿನಾರ್: ಸಾವ್ಯ ಗಂಗಯ್ಯ ಪೂಜಾರಿ

ಬಲ್ಲ್ ದ ಮಲ್ಲ:
ಸುರುತ್ತ ಇನಾಮು: ನಂದಳಿಕೆ ಶ್ರೀಕಾಂತ್ ಭಟ್ “ಎ”
ಗಿಡತಿನಾರ್: ಬಂಬ್ರಾಣಬೈಲು ವಂದಿತ್ ಶೆಟ್ಟಿ
ರಡ್ಡನೇ ಇನಾಮು: ಮಿಜಾರು ಪ್ರಸಾದ್ ನಿಲಯ ಪ್ರಖ್ಯಾತ್ ಶಕ್ತಿ ಪ್ರಸಾದ್ ಶೆಟ್ಟಿ “ಬಿ”
ಗಿಡತಿನಾರ್: ಮಿಜಾರು ಅಶ್ವಥಪುರ ಶ್ರೀನಿವಾಸ ಗೌಡ

ಬಲ್ಲ್ ದ ಎಲ್ಯ:
ಸುರುತ್ತ ಇನಾಮು: ತೊಡಾರು ಪಂಚಶಕ್ತಿ ಬಾರ್ದಿಲ ಶ್ಲೋಕ್ ರಂಜಿತ್ ಪೂಜಾರಿ
ಗಿಡತಿನಾರ್: ಕಕ್ಕೆಪದವು ಪೆಂರ್ಗಾಲು ಕೃತಿಕ್ ಗೌಡ
ರಡ್ಡನೇ ಇನಾಮು: ಸುರತ್ಕಲ್ ಪಾಂಚಜನ್ಯ ಯೋಗೀಶ್ ಪೂಜಾರಿ “ಎ”
ಗಿಡತಿನಾರ್: ಬೈಂದೂರು ವಿಶ್ವನಾಥ ದೇವಾಡಿಗ

ನಾಯೆರ್ ದ ಮಲ್ಲ:
ಸುರುತ್ತ ಇನಾಮು: ಬೆಳ್ಳಿಪ್ಪಾಡಿ ಕೈಪ ಕೇಶವ ಮಾಂಕು ಭಂಡಾರಿ “ಎ”
ಗಿಡತಿನಾರ್: ಮಿಜಾರು ಅಶ್ವಥಪುರ ಶ್ರೀನಿವಾಸ ಗೌಡ
ರಡ್ಡನೇ ಇನಾಮು: ಕಕ್ಕೆಪದವು ಪೆಂರ್ಗಾಲು ಬಾಬು ತನಿಯಪ್ಪ ಗೌಡ
ಗಿಡತಿನಾರ್: ಕಕ್ಕೆಪದವು ಪೆಂರ್ಗಾಲು ಕೃತಿಕ್ ಗೌಡ

ನಾಯೆರ್ ದ ಎಲ್ಯ:
ಸುರುತ್ತ ಇನಾಮು: ನಲ್ಲೂರು ಬಜಗೋಳಿ ಶಿವಪ್ರಸಾದ್ ನಿಲಯ ದಿನೇಶ್ ಭಂಡಾರಿ “ಎ”
ಗಿಡತಿನಾರ್: ಕಕ್ಕೆಪದವು ಗೌತಮ್ ಗೌಡ
ರಡ್ಡನೇ ಇನಾಮು: ಕರ್ನಿರೆ ಅಶ್ರಫ್
ಗಿಡತಿನಾರ್: ಮಂಗಲ್ಪಾಡಿ ರಕ್ಷಿತ್ ಶೆಟ್ಟಿ