ಬೊಲ್ತೆರ್ ಸುದ್ದಿ | Belthangady News

ಗೇರುಕಟ್ಟೆ: 51 ವರ್ಷದ ಗಣಪತಿ ಉಚ್ಚಯ

ಗೇರುಕಟ್ಟೆ: ಶ್ರೀ ಗಣೇಶೋತ್ಸವ ಸೇವಾ ಸಮಿತಿ ಗೇರುಕಟ್ಟೆ ನೆತ್ತ ಮುತಾಲಿಕೆಡ್ 51ನೇ ವರ್ಷದ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸೆ.19 ಅಂಗಾರೆದಾನಿ ಕುಂಠಿನಿ ರಾಘವೇಂದ್ರ ಬಾಂಗಿಣ್ಣಾಯ ಮೆರ್‌ರ್ನ ಪೌರೋಹಿತ್ಯಡ್ ಮಂಜಲಡ್ಕ ಶ್ರೀ ಗಣೇಶೋತ್ಸವ ಸೇವಾ ಸಮಿತಿದ ಸಭಾಭವನಡ್ ನಡೆಪೆರೆ ಉಂಡು.

ಬೊಲ್ಪುಗು 9 ಗಂಟೆಗ್ ಪುಣ್ಯಾಹ, ಪ್ರಾರ್ಥನೆ, ಗಣಹೋಮ, 12 ಗಂಟೆಗ್ ಮಹಾಪೂಜೆ, 1 ಗಂಟೆಗ್ ಅನ್ನಸಂತರ್ಪಣೆ, 1.30 ಗಂಟೆಗ್ ಊರುದ ಹವ್ಯಾಸಿ ಕಲಾವಿದೆರೆರ್ದ್ ತಾಳಮದ್ದಳೆ, ಬಯ್ಯ 6.30 ಗಂಟೆಗ್ ಶ್ರೀ ದುರ್ಗಾಪರಮೇಶ್ವರಿ ಭಜನಾ ಮಂಡಳಿ ನಾಳ ಮೊಕ್ಲೆರ್ದ್ ಭಜನೆ, ರಾತ್ರೆ 7 ಗಂಟೆಗ್ ಮಹಾಪೂಜೆ ಆದ್ ವೈಭವಯುತ ಶೋಭಾಯಾತ್ರೆದ ಒಟ್ಟಿಗೆ ಗಣೇಶನ ವಿಗ್ರಹ ವಿಸರ್ಜನೆ ಆವರುಂಡು.

ಗಣಪತಿ ದೀಪುನಲ್ಪ ಸ್ವಂತ ಕಟ್ವಾನ ಮಲ್ತ್ ದ್ ದುಂಬಗ್ ಗಣಪತಿ ಉಚ್ಚಯದ ಲೇಸ್ ನ್ ಈ ಕಟ್ವಾನಡ್ ಮಲ್ಪುನ ಪಂದ್ ಅವೆತ ಕೆಲಸನ್ ಸುರು ಮಲ್ತ್ದುಂಡು. ಈ ಕಟ್ವಾನ ಮಲ್ಪೆರೆ ಬೋಡಾದ್ 25 ಲಕ್ಷ ಖರ್ಚ್ ದ ಅವಶ್ಯಕತೆ ಉಂಡು. ಅಂಚಾದ್ ಭಕ್ತಾದಿಲು ಪಣವುದ ಸಹಕಾರಲ ಈ ಪೊರ್ತುಡು ಮಲ್ಪೊಡು ಪಂದ್ ಕೆನೊಂದೆರ್.

ರಾಷ್ಟ್ರೀಯ ಹಿಂದೂ ಜಾಗರಣ ವೇದಿಕೆದ 26 ವರ್ಷದ ಸಾಮೂಹಿಕ ಗೌರಿ ಪೂಜೆ ಬೊಕ್ಕ ಗಣಪತಿ ಉಚ್ಚಯ

ಬೋಲ್ತೆರ್: ರಾಷ್ಟ್ರೀಯ ಹಿಂದೂ ಜಾಗರಣ ವೇದಿಕೆ ಬೊಕ್ಕ ಬೋಲ್ತೆರ್ ತಾಲೂಕು ಸಾರ್ವಜನಿಕ ಗಣೇಶೋತ್ಸವ ಸಮಿತಿದ ಆಶ್ರಯಡ್ ಸೆ.19 ರ್ದ್ 20 ಮುಟ ಬ್ರಹ್ಮಶ್ರೀ ಶಿರೋಮಣಿ ಕೆ.ಎಸ್ ನಿತ್ಯಾನಂದ ಮಾರ್ಗದರ್ಶನಡ್ 25 ನೇ ವರ್ಷದ ಸಾಮೂಹಿಕ ಗೌರಿ ಪೂಜೆ ಬೊಕ್ಕ ಗಣಪತಿ ಉಚ್ಚಯ ಉಜಿರೆ ಶ್ರೀ ಕ್ಷೇತ್ರ ತಿಮರೋಡಿ ಕುಂಜರ್ಪ ವಠಾರಡ್ ನಡಪೆರೆ ಉಂಡು.

ಸೆ.20 ಬುಧವಾರ ದಾನಿ ದಿ.ಕು| ಸೌಜನ್ಯ ವೇದಿಕೆಡ್ ಬೊಲ್ಪುಗು 10.30 ಗಂಟೆಗ್ ಧಾರ್ಮಿಕ ಸಭಾ ಕಾರ್ಯಕ್ರಮ ನಡಪೆರೆ ಉಂಡು. ನೆತ್ತ ಸಭಾಧ್ಯಕ್ಷತೆನ್ ಸಾರ್ವಜನಿಕ ಗಣೋಶೋತ್ಸವ ಸಮಿತಿದ ಗೌರವಾಧ್ಯಕ್ಷೆರ್ ಮಹೇಶ್ ಶೆಟ್ಟಿ ತಿಮರೋಡಿ ಬೀಡು ವಹಿಸೊನಿಯೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಹೈಕೋರ್ಟ್ ವಕೀಲೆರ್ ಮೋಹಿತ್ ಕುಮಾರ್, ಸಾಮಾಜಿಕ ಕಾರ್ಯಕರ್ತೆ ಪ್ರಸನ್ನ ರವಿ, ಗಣೇಶೋತ್ಸವ ಸಮಿತಿದ ಗುರ್ಕಾರೆರ್ ವೆಂಕಟೇಶ್ ಕಾಶಿಬೆಟ್ಟು ಪಾಲ್ ಪಡೆಯೆರೆ ಉಲ್ಲೆರ್.

ಸೆ.18 ಸೋಮವಾರ ದಾನಿ ರಾತ್ರೆ ವಿಜಯ ಕುಮಾರ್ ಕೋಡಿಯಲ್ ಬೈಲ್ ನಿರ್ದೇಶನಡ್ ಶಿವದೂತೆ ಗುಳಿಗೆ ನಾಟಕ ನಡಪೆರೆ ಉಂಡು. ಅಂಚನೆ ಸೆ.19 ಅಂಗಾರೆದಾನಿ ಭಜನಾ ಕಾರ್ಯಕ್ರಮ, ಶಾಲೆದ ಜೊಕ್ಲೆರ್ದ್ ನೃತ್ಯ ವೈವಿದ್ಯ ಕಾರ್ಯಕ್ರಮ, ಪರಮನಾಂದ ಸಾಲ್ಯಾನ್ ರಚನೆ ಮಲ್ತ್ ನಿರ್ದೇಶನ ಮಲ್ತಿನ “ಶಿವ ಪುರ್ಸಾದ ಬಬ್ಬರ್ಯೆ” ಪೌರಣಿಕ ನಾಟಕ ನಡಪೆರೆ ಉಂಡು.

ಸೆ.20 ಬುಧವಾರ ದಾನಿ ಭಕ್ತಿ ರಸಮಂಜರಿ, ಭಜನಾ ಕಾರ್ಯಕ್ರಮ, ಅಂಚನೆ ಬಯ್ಯ 6.30 ಕ್ಕ್ ಗಣಪತಿನ ಶೋಭಾಯಾತ್ರೆ ನಡಪೆರೆ ಉಂಡು.

ಶಿಬಾಜೆ: 37 ವರ್ಷದ ಗಣಪತಿ ಉಚ್ಚಯ

ಶಿಬಾಜೆ: ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಶಿಬಾಜೆ, ಶ್ರೀ ಕ್ಷೇತ್ರ ಮೊಂಟೆತ್ತಡ್ಕ ದುರ್ಗಾಪರಮೇಶ್ವರೀ ದೇವಸ್ಥಾನ ಶಿಬಾಜೆ ನೆತ್ತ ಆಶ್ರಯಡ್ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಸಹಕಾರದೊಟ್ಟಿಗೆ 37 ವರ್ಷದ ಸಾರ್ವಜನಿಕ ಗಣೇಶೋತ್ಸವ ಶ್ರೀ ಕ್ಷೇತ್ರ ಮೊಂಟೆತ್ತಡ್ಕ ದುರ್ಗಾಪರಮೇಶ್ವರಿ ದೇವಸ್ಥಾನದ ಚಾವಡಿಡ್ ನಡಪೆರೆ ಉಂಡು.

ಸೆ.19 ಅಂಗಾರೆದಾನಿ ಕಾಂಡೆ 7.30 ಕ್ಕ್ ಗಣಹೋಮ, 8.30 ಕ್ಕ್ ಗಣಪತಿ ಪ್ರತಿಷ್ಟೆ ಆದ್ ಬೊಕ್ಕ ಧಾರ್ಮಿಕ ಸಭೆ ನಡಪೆರೆ ಉಂಡು. ನೆತ್ತ ಸಭಾದ್ಯಕ್ಷೆತೆನ್ ಶಿಬಾಜೆ ಗಣೇಶೋತ್ಸವ ಸಮಿತಿದ ಗೌರವಾಧ್ಯಕ್ಷೆರ್ ರಾಘವೇಂದ್ರ ನಾಯಕ್ ಬುರ್ಗುಳ ವಹಿಸೊನಿಯೆರೆ ಉಲ್ಲೆರ್, ನಿಡ್ಲೆ ಸರಕಾರಿ ಪ್ರೌಢಶಾಲೆದ ಅಧ್ಯಾಪಕೆರ್ ಶರತ್ ತುಳುಪುಳೆ ಭಂಡಿಹೊಳೆ ಧಾರ್ಮಿಕ ಉಪನ್ಯಾಸ ಮಲ್ಪೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಶಿಬಾಜೆ ಗ್ರಾ.ಪಂ ಗುರ್ಕಾರ್ದಿ ರತ್ನಾ ಪತ್ತಿಮಾರು, ಉಪಾಧ್ಯಕ್ಷೆರ್ ದಿನಕರ ಕುರೂಪ್ ಬರ್ಗುಳ, ಅರಸಿನಮಕ್ಕಿ ವಲಯ ಎಸ್‌ಕೆಡಿಆರ್‌ಡಿಪಿ ಮೇಲ್ವಿಚಾರೆಕೆರ್ ಶಶಿಕಲಾ, ಶಿಬಾಜೆ ಗಣೇಶೋತ್ಸವ ಸಮಿತಿದ ಗುರ್ಕಾರೆ ಸುಬ್ರಾಯ ಗೌಡ, ಡಿ.ಪುರಂದರ ರಾವ್ ಊರ್ತಾಜೆ, ಬಿ. ಕೃಷ್ಣಪ್ಪ ಗೌಡ ಬೇಂಗಳ ಈ ಪೊರ್ತುಡು ಪಾಲ್ ಪಡೆಯೆರೆ ಉಲ್ಲೆರ್.

ಮಧ್ಯಾಹ್ನ 12 ಗಂಟೆಗ್ ಮಹಾಪೂಜೆ, 12.45 ಕ್ಕ್ ಸಾರ್ವಜನಿಕ ಅನ್ನಸಂತರ್ಪಣೆ, ಮಧ್ಯಾಹ್ನ 2.30 ಕ್ಕ್ ಶೋಭಾಯಾತ್ರೆ ನಡಪೆರೆ ಉಂಡು

ಧರ್ಮಸ್ಥಳ-ನಾರಾವಿ ಕೆಎಸ್‌ಆರ್‌ಟಿಸಿ ಬಸ್ ಸಂಚಾರಗ್ ಸಚಿವೆರ್ ದಿನೇಶ್ ಗುಂಡೂರಾವ್ ಚಾಲನೆ

ಅರ್ವ: ಧರ್ಮಸ್ಥಳರ್ದ್ ನಾರಾವಿದ ನಡುಟು ಪೋಪುನ ಕೆ.ಎಸ್.ಆರ್.ಟಿ.ಸಿ ಬಸ್ ಸಂಚಾರಗ್ ಸೆ.೧೧ ದಾನಿ ಅರ್ವದ ನಮನ ಸಭಾಭವನದಲ್ಪ ನಡತ್‌ಂಡ್. ಲೇಸ್ ಡ್ ಜಿಲ್ಲಾ ಉಸ್ತುವಾರಿ ಸಚಿವೆರ್ ಬೊಕ್ಕ ಆರೋಗ್ಯ ಸಚಿವೆರ್ ದಿನೇಶ್ ಗುಂಡೂರಾವ್ ಬಸ್ಸ್ ಗ್ ಚಾಲನೆ ಕೊರಿಯೆರ್. ಗುರ್ಕಾಮೆನ್ ಮಾಜಿ ಶಾಸಕೆರ್ ಕೆ ವಸಂತ ಬಂಗೇರ ವಹಿಸ್ ದ್ ಇತ್ತೆರ್.

ಲೇಸ್ ಡ್ ವಿಧಾನ ಪರಿಷತ್ ಸದಸ್ಯೆರ್ ಮಂಜುನಾಥ್ ಭಂಡಾರಿ, ಮಾಜಿ ಶಾಸಕೆರ್ ವಸಂತ ಬಂಗೇರ, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ರಕ್ಷಿತ್ ಶಿವರಾಂ, ಬ್ಲಾಕ್ ಕಾಂಗ್ರೆಸ್ ನಗರ ಘಟಕ ಗುರ್ಕಾಲು ಸತೀಶ್ ಬಂಗೇರ ಕಾಶಿಪಟ್ನ, ಗ್ರಾಮೀಣ ಘಟಕದ ಗುರ್ಕಾಲು ನಾಗೇಶ್ ಕುಮಾರ್ ಗೌಡ, ಎಸಿ ವಿನಯರಾಜ, ಬ್ಲಾಕ್ ಮಹಿಳಾ ಕಾಂಗ್ರೆಸ್ ನಗರ ಘಟಕದ ಗುರ್ಕಾರ್ದಿ ವಂದನಾ ಭಂಡಾರಿ, ಜಿಲ್ಲಾ ಪಂಚಾಯತ್ ಮಾಜಿ ಉಪಾಧ್ಯಕ್ಷೆರಾಯಿನ ಧರಣೇಂದ್ರ ಕುಮಾರ್, ಜಿ.ಪಂ ಮಾಜಿ ಸದಸ್ಯೆರಾಯಿನ ಶೇಖರ್ ಕುಕ್ಕೇಡಿ, ಸಾಹುಲ್ ಹಮೀದ್, ನಮಿತಾ ಪೂಜಾರಿ, ಯುವ ಕಾಂಗ್ರೆಸ್ ಜಿಲ್ಲಾ ಕಾರ್ಯದರ್ಶಿ ಪ್ರವೀಣ್ ಫೆರ್ನಾಂಡಿಸ್, ವಕೀಲೆರಾಯಿನ ಮನೋಹರ್ ಇಳಂತಿಲ, ವಕೀಲೆರ್ ಸಂತೋಷ್ ಬೋಲ್ತೆರ್, ಜಿಲ್ಲಾ ಯುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಅಭಿನಂದನ್ ಹರೀಶ್ ,ಪ್ರಮುಖೆರಾಯಿನ ಸಂಜೀವ ಪೂಜಾರಿ , ದಿವಾಕರ್ ಭಂಡಾರಿ ನಾರಾವಿ, ಸುಭಾಷ್ ರೈ, ಸಂದೀಪ್ ನಿರಲ್ಕೆ, ಧನಂಜಯ ರಾವ್, ಇಸ್ಮಾಯಿಲ್ ಕೆ ಪೆರಿಂಜೆ, ಈಶ್ವರ್ ಭಟ್ ಮೈಲತೋಡಿ, ಕೆಎಸ್‌ಆರ್‌ಟಿಸಿ ಧರ್ಮಸ್ಥಳದ ಅಧಿಕಾರಿಲು, ಸ್ಥಳೀಯ ಪಕ್ಷದ ಮುಖಂಡೆರ್, ಪಕ್ಷದ ಕಾರ್ಯಕರ್ತೆರ್ ಈ ಪೊರ್ತುಡು ಇತ್ತೆರ್.

ಬೋಲ್ತೆರ್: ತಾಲೂಕು ಪಂಚಾಯತ್ ದ ಪೊಸ ಕಟ್ವಾನ ಉದಿಪನ

ಬೋಲ್ತೆ ರ್: ತಾಲೂಕು ಪಂಚಾಯತ್ ದ ಪೊಸ ಕಟ್ವಾನ ಉದಿಪನ ಸೆ.11 ಸೋಮವಾರ ದಾನಿ ನಡತ್ಂಡ್.

ಉಸ್ತುವಾರಿ ಸಚಿವೆರ್ ದಿನೇಶ್ ಗುಂಡೂರಾವ್ ಕಟ್ವಾನದ ಉದಿಪನನ್ ಮಲ್ತೆರ್. ಲೇಸ್ ದ ಗುರ್ಕಾಮೆನ್ ಶಾಸಕೆರ್ ಹರೀಶ್ ಪೂಂಜಾ ವಹಿಸ್ ದ್ ಇತ್ತೆರ್.

ಮಲ್ಲ ಬಿನ್ನೆರಾದ್ ವಿಧಾನ ಪರಿಷತ್ ಸದಸ್ಯೆರ್ ಮಂಜುನಾಥ್ ಭಂಡಾರಿ, ಮಾಜಿ ಶಾಸಕೆರ್ ವಸಂತ ಬಂಗೇರ, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ರಕ್ಷಿತ್ ಶಿವರಾಂ, ಬೋಲ್ತೆರ್ ನಗರ ಬ್ಲಾಕ್ ಕಾಂಗ್ರೆಸ್ ದ ಗುರ್ಕಾರೆ ಸತೀಶ್ ಬಂಗೇರ, ಬೋಲ್ತೆರ್ ಗ್ರಾಮೀಣ ಬ್ಲಾಕ್ ಕಾಂಗ್ರೆಸ್ ದ ಗುರ್ಕಾರೆ ನಾಗೇಶ್ ಕುಮಾರ್ ಜಿ.ಪಂ ಮಾಜಿ ಸದಸ್ಯೆರಾಯಿನ ಧರಣೇಂದ್ರ ಕುಮಾರ್, ಶೇಖರ್ ಕುಕ್ಕೇಡಿ , ನಮಿತಾ ಬೊಕ್ಕ ಜಿಲ್ಲಾ ಕಾಂಗ್ರೆಸ್ ಅಲ್ಪಸಂಖ್ಯಾತ ಘಟಕದ ಗುರ್ಕಾರೆ ಸಾಹುಲ್ ಹಮೀದ್ ಸೇರಿನಂಚ ಕೆಲವು ಬಿನ್ನೆರ್ ಈ ಪೊರ್ತುಡು ಪಾಲ್ ಇತ್ತೆರ್.

ಇ ಓ ಕುಸುಮಾಧರ್ ಬತ್ತಿನ ಬಿನ್ನೆರೆನ್ ಎದ್ಕೊಂಡೆರ್. ಅಂಚನೆ ಜಿಲ್ಲಾ ಕಾರ್ಯನಿರ್ವಹಣಾ ಅಧಿಕಾರಿಲು , ಪುತ್ತೂರು ಎಸಿ, ಜಿಲ್ಲಾ / ತಾಲೂಕು ಮಟ್ಟದ ಉನ್ನತ ಅಧಿಕಾರಿಲು ಇತ್ತೆರ್.

ಮಡಂತ್ಯಾರು 41 ನೇ ವರ್ಷದ ಸಾರ್ವಜನಿಕ ಗಣೇಶೋತ್ಸವ

ಮಡಂತ್ಯಾರು: ಸಾರ್ವಜನಿಕ ಗಣೇಶೋತ್ಸವ ಸಮಿತಿ 41 ನೇ ವರ್ಷದ ಸಾರ್ವಜನಿಕ ಗಣೇಶೋತ್ಸವ ಸೆ.19 ರ್ದ್ 22 ಮುಟ್ಟ ಡಾ.ಡಿ ವೀರೇಂದ್ರ ಹೆಗ್ಗಡೆರ್ನ ಶುಭಾಶೀರ್ವಾದೊಟ್ಟಿಗೆ, ಅನಂತಕೃಷ್ಣ ಭಟ್ ಕುಕ್ಕಿಲ ಮೆರ್ ನ ಪೌರೋಹಿತ್ಯಡ್ ಮಡಂತ್ಯಾರು ಗಣಪತಿ ಮಂಟಪಡ್ ನಡಪೆರೆ ಉಂಡು.

ಸೆ.19 ಅಂಗಾರೆ ಕಾಂಡೆ 10 ಗಂಟೆಗ್ ಗಣಹೋಮ, 10.30 ಕ್ಕ್ ಮಹಾಗಣಪತಿನ ಪ್ರತಿಷ್ಠೆ, 11 ರ್ದ್ “ಕಲಾಸರಸ್ವತಿ” ನೃತ್ಯ ತಂಡ ಊರ್ಲ ಪುಂಜಾಲಕಟ್ಟೆ ಮೊಕ್ಲೆರ್ದ್ ಸಾಂಸ್ಕೃತಿಕ ಕಲಾ ಐಸಿರಿ, 12.30 ಕ್ಕ್ ಸಾರ್ವಜನಿಕ ಅನ್ನಸಂತರ್ಪಣೆ, 1.30 ಕ್ಕ್ ಪಾರೆಂಕಿ ಮಹಿಷ ಮರ್ದಿನಿ ಯಕ್ಷಗಾನ ಸಂಘದ ಸದಸ್ಯೆರೆರ್ದ್ “ವೀರಮಣಿ ಕಾಳಗ” ಯಕ್ಷಗಾನ ತಾಳಮದ್ದಲೆ, 6 ಗಂಟೆಗ್ ಪಾರೆಂಕಿ ವಿದ್ಯಾಸರಸ್ವತಿ ಭಜನಾ ಮಂಡಳಿರ್ದ್ ಭಜನೆ, 7 ಗಂಟೆಗ್ ಮಹಾಪೂಜೆ, 7.30 ಕ್ಕ್ ದೇವಿಕಿರಣ್ ಕಲಾನಿಕೇತನ ಮಡಂತ್ಯಾರ್ ಮೊಕ್ಲೆನ ಶಿಷ್ಯ ವೃಂದರ್ದ್ ನೃತ್ಯಾರ್ಪಣಂ ಬೊಕ್ಕ ಸಿಡಿಕೆ ಚಂದೂಸ್ ಡ್ಯಾನ್ಸ್ ಕಿಡ್ಸ್, ರಾತ್ರೆ 9 ಗಂಟೆರ್ದ್ ಪ್ರತಿಭಾ ರತ್ನ ಪ್ರಶಸ್ತಿ ಪುರಸ್ಕೃತೆ ಶ್ರುತಿದಾಸ್ ನಿರ್ದೇಶನದ ನಾಟ್ಯ ಲಹರಿ ನೃತ್ಯ ತಂಡ ಕಾವಳಕಟ್ಟೆ ಮೊಕ್ಲೆರ್ದ್ ಸಾಂಸ್ಕೃತಿಕ ವೈವಿದ್ಯ ಕಾರ್ಯಕ್ರಮ ನಡಪೆರೆ ಉಂಡು.

ಸೆ.20 ಬುಧವಾರ ಕಾಂಡೆ 10.30 ಕ್ಕ್ ಗಣಹೋಮ, 12.30 ಕ್ಕ್ ಮಹಾಪೂಜೆ, ಅನ್ನಸಂತರ್ಪಣೆ, 1.30 ರ್ದ್ ಯಕ್ಷಭಜನೆ, 6 ರ್ದ್ ಬಳ್ಳಮಂಜ ಅನಂತೇಶ್ವರ ಸ್ವಾಮಿ ಭಜನಾ ಮಂಡಳಿರ್ದ್ ಭಜನೆ, 7 ಗಂಟೆಗ್ ಮಹಾಪೂಜೆ, ಪ್ರಸಾದ ವಿತರಣೆ, 8 ಗಂಟೆಗ್ ಭಕ್ತಿ ಪ್ರಧಾನ ತುಳು ನಾಟಕ “ಕಲ್ಜಿಗದ ಕಾಳಿ ಮಂತ್ರದೇವತೆ” ನಡಪೆರೆ ಉಂಡು.

ಸೆ.21 ಗುರುವಾರ 10.30 ಕ್ಕ್ ಗಣಹೋಮ, 12.30 ಕ್ಕ್ ಮಹಾಪೂಜೆ, ಪ್ರಸಾದ ವಿತರಣೆ, 1 ಗಂಟೆಗ್ ಸಾರ್ವಜನಿಕ ಅನ್ನಸಂತರ್ಪಣೆ, ಮಧ್ಯಾಹ್ನ 1.30 ರ್ದ್ ಯಕ್ರಮಿತ್ರರು ಮೊಕ್ಲೆರ್ದ್ “ಗಾಂಡೀವ ನಿಂದನೆ” ತಾಳಮದ್ದಳೆ, 6 ಗಂಟೆಗ್ ಮಾಲಾಡಿ ಶ್ರೀ ರಾಮಾಂಜನೇಯ ಭಜನಾ ಮಂಡಳಿರ್ದ್ ಭಜನೆ, 7 ಗಂಟೆಗ್ ಮಹಾಪೂಜೆ, ಪ್ರಸಾದ ವಿತರಣೆ, 7.30 ಕ್ಕ್ ತುಳು ನಾಟ್ಯ ವೈಭವ “ತುಳುನಾಡ ತುಡರ್” ಲೇಸ್ ನಡಪೆರುಂಡು.

ಸೆ.22 ಸುಕ್ರವಾರ 10.30 ಕ್ಕ್ ಗಣಹೋಮ, 11 ಗಂಟೆಗ್ ಮಹಾಪೂಜೆ, ಪ್ರಸಾದ ವಿತರಣೆ, 11.30 ರ್ದ್ ಧಾರ್ಮಿಕ ಸಭೆ ಬಳ್ಳಮಂಜ ಪ್ರಮೋದ್ ಕುಮಾರ್ ಗುರ್ಕಾಮೆನ್ ವಹಿಸಾಯೆರೆ ಉಲ್ಲೆರ್. ಬಾಲವಾಗ್ಮಿ ಕು| ಹಾರಿಕಾ ಮಂಜುನಾಥ ಬೆಂಗ್ಲೂರು ಧಾರ್ಮಿಕ ಪ್ರವಚನ ಮಲ್ಪೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಬೋಲ್ತೆರ್ ಶಾಸಕೆರ್ ಹರೀಶ್ ಪೂಂಜ, ವಿಧಾನ ಪರಿಷತ್ ಶಾಸಕೆರ್ ಹರೀಶ್ ಕುಮಾರ್, ಶ್ರೀ ಕ್ಷೇತ್ರ ಪಾರೆಂಕಿದ ಆಡಳಿತ ಮೊಕ್ತೇಸೆರೆರ್ ವಿಠಲ ಶೆಟ್ಟಿ ಮೂಡಾಯೂರು ಈ ಪೊರ್ತುಡು ಪಾಲ್ ಪಡೆಯೆರೆ ಉಲ್ಲೆರ್.

ಲಾೖಲ ಬಲಮುರಿ ಕ್ಷೇತ್ರಡ್ 35 ನೇ ವರ್ಸದ ಶ್ರೀ ಗಣೇಶೋತ್ಸವ

ಲಾೖಲ: ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಲಾೖಲ ಬಲಮುರಿ ಕ್ಷೇತ್ರಡ್ 35ನೇ ವರ್ಸದ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸೆ.19 ರ್ದ್ 21 ಮುಟ್ಟ ಲಾೖಲ ವಿಘ್ನೇಶ್ವರ ಕಲಾಮಂದಿರಡ್ ಕುತ್ರೊಟ್ಟು ಶ್ರೀ ರಾಧಾಕೃಷ್ಣ ಹೊಳ್ಳೆರ್ನ ಪೌರೋಹಿತ್ಯ ಡ್ ನಡಪೆರುಂಡು.

ಸೆ.19 ಅಂಗಾರೆದಾನಿ ಲೇಸ್ ದ ಉದಿಪನನ್ ಬೋಲ್ತೆರ್ ವಿನಾಯಕ ಇಂಡಸ್ಟ್ರೀಸ್ ದ ಮಾಲಕೆರ್ ಮೂರ್ಜೆ ವಿವೇಕಾನಂದ ಪ್ರಭು ಮಲ್ಪೆರೆ ಉಲ್ಲೆರ್. ಬಿನ್ನೆರಾದ್ ಅನ್ನಪೂರ್ಣ ಮೆಟಲ್ಸ್ ದ ಮಾಲಕೆರ್ ರಾಘ್ನೇಶ್ ಆರ್ ಸಾಲಿಯಾನ್, ಲಾೖಲ ಗ್ರಾ.ಪಂ ದ ಗುರ್ಕಾರ್ದಿ ಜಯಂತಿ ಎಂ.ಕೆ, ಲಾೖಲ ಗ್ರಾ.ಪಂ ದ ಉಪಾದ್ಯಕ್ಷೆರ್ ಸುಗಂಧಿ ಜಗನ್ನಾಥ್ ಈ ಪೊರ್ತುಡು ಪಾಲ್ ಪಡೆಯೆರೆ ಉಲ್ಲೆರ್.

ಕಾಂಡೆ 11.30 ಗಂಟೆಗ್ ಶ್ರೀ ಬಲಮುರಿ ವಿಘ್ನೇಶ್ವರ ಭಜನಾ ಮಂಡಳಿರ್ದ್ ಭಜನಾ ಕಾರ್ಯಕ್ರಮ, 12 ಗಂಟೆಗ್ ಗಣಹೋಮ, 12.30 ಕ್ಕ್ ಮಹಾಪೂಜೆ, ಪ್ರಸಾದ ವಿತರಣೆ, 1 ಗಂಟೆಗ್ ಸಾರ್ವಜನಿಕ ಅನ್ನಸಂತರ್ಪಣೆ, ಬಯ್ಯ 5 ಗಂಟೆಗ್ ಶ್ರೀ ದುರ್ಗಾ ಭಜನಾ ಮಂಡಳಿದ ಲೆಕ್ಕಡ್ ಭಜನಾ ಕಾರ್ಯಕ್ರಮ, 7 ಗಂಟೆಗ್ ಕರ್ನೋಡಿ ಬೊಕ್ಕ ಪಡ್ಲಾಡಿ ಶಾಲೆದ ಕಲ್ಪಾರ್ಥಿಲೆರ್ದ್ ಸಾಂಸ್ಕೃತಿಕ ಕಾರ್ಯಕ್ರಮ, 8 ಗಂಟೆಗ್ ಡ್ರೀಮ್ ಝೋನ್ ಅರ್ವ ಮೊಕ್ಲೆನ ನೃತ್ಯ ವೈವಿದ್ಯ, 8.30 ಕ್ಕ್ ಮಹಾಪೂಜೆ ನಡಪೆರೆ ಉಂಡು.

ಸೆ.20 ಬುಧವಾರದಾನಿ ಬೊಲ್ಪುಗು 108 ಕಾಯಿದ ಗಣಪತಿ ಹವನ, 9 ಗಂಟೆಗ್ ಪುಣ್ಯಾಹ ಕಲಹ, ಗಣಹೋಮ ಬೊಕ್ಕ ಭಜನಾ ಕಾರ್ಯಕ್ರಮ, 12.30 ಕ್ಕ್ ಮಹಾಪೂಜೆ, ಪ್ರಸಾದ ವಿತರಣೆ, 1 ಗಂಟೆಗ್ ಸಾರ್ವಜನಿಕ ಅನ್ನಸಂತರ್ಪಣೆ, ಬಯ್ಯ 5 ಗಂಟೆರ್ದ್ ಮೈಸೂರು ಶ್ರೀ ರಾಮಚಂದ್ರಾಚಾರ್ಯ ಬೊಕ್ಕ ಬಳಗದಕ್ಲೆರ್ದ್ “ಹರಿದಾಸ ನಾಮ ಸಂಕೀರ್ತನೆ” ರಾತ್ರೆ 7 ಗಂಟೆಗ್ ಧಾರ್ಮಿ ಸಭೆತ ದಿವ್ಯ ಉಪಸ್ಥಿತಿ ಶ್ರೀ ಕ್ಷೇತ್ರ ಕಟೀಲು ವೇ|ಮೂ|ಶ್ರೀ ಲಕ್ಷ್ಮೀ ನಾರಾಯಣ ಅಸ್ರಣ್ಣೆರ್ ವಹಿಸೊನಿಯೆರೆ ಉಲ್ಲೆರ್. ಉಜಿರೆ ಜನಾರ್ದನ ದೇವಳ್ಯದ ಆಡಳಿತ ಮೊಕ್ತೇಸರೆರ್ ಶರತ್ ಕೃಷ್ಣ ಪಡ್ವೆಟ್ನಾಯ ಗುರ್ಕಾಮೆನ್ ವಹಿಸಾಯೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಬೋಲ್ತೆರ್ ಶಾಸಕೆರ್ ಹರೀಶ್ ಪೂಂಜ, ಬಿ.ಭುಜಬಲಿ ಧರ್ಮಸ್ಥಳ, ನ್ಯಾಯವಾದಿ ಮುರಳಿ ಬಿ, ಉದ್ಯಮಿ ಬಾಲಕೃಷ್ಣ ಶೆಟ್ಟಿ ಸವಣಾಲು, ಬೋಲ್ತೆರ್ ಲಯನ್ಸ್ ಕ್ಲಬ್ ದ ಗುರ್ಕಾರೆರ್ ಉಮೇಶ್ ಶೆಟ್ಟಿ ಈ ಪೊರ್ತುಡು ಪಾಲ್ ಪಡೆಯೆರೆ ಉಲ್ಲೆರ್. ಅಂಚನೆ ಶೈಕ್ಷಣಿಕ, ಸಾಂಸ್ಕೃತಿಕ, ಸಾಮಾಜಿಕ ಕ್ಷೇತ್ರಡ್ ಸೇವೆ ಸಂದಾಯಿನ ಸ್ಥಳೀಯ ಪ್ರತಿಭೆಲೆಗ್ ಈ ಪೊರ್ತುಡು ಮಾನಾದಿಗೆ ಮಲ್ಪೆರೆ ಉಲ್ಲೆರ್. ರಾತ್ರೆ 9 ಗಂಟೆಗ್ ಮಹಾಪೂಜೆ, ಪ್ರಸಾದ ವಿತರಣೆ, 9 ಗಂಟೆಗ್ ಬರವುದ ಬೊಳ್ಳಿ ರಾಜೇಶ್ ಆಚಾರ್ಯ ಪರ್ಕಳ ರಚನೆ ಮಲ್ತಿನ ಹರೀಶ್ ಸಿದ್ದಕಟ್ಟೆ ನಿರ್ದೇಶನ ಮಲ್ತಿನ ಓ ಶಕ್ತಿ ಗೆಳೆಯರ ಬಳಗ ನೆತ್ತ ಕಲಾವಿದೆರೆರ್ದ್ “ಆಲ್ ಎನ್ನಾಲ್” ತುಳು ಸಾಮಾಜಿಕ ಹಾಸ್ಯಮಯ ನಾಟಕ ನಡಪೆರೆ ಉಂಡು.

ಸೆ.21 ಸೋಮವಾರ ಕಾಂಡೆ 10 ಗಂಟೆಗ್ ಗಣಹೋಮ, 10.30 ಕ್ಕ್ ಶ್ರೀ ಭಗವಾನ್ ಶಿರಡಿ ಸತ್ಯಸಾಯಿ ಸೇವಾಕ್ಷೇತ್ರ ಶ್ರೀ ಸಾಯಿನಗರ ಹಳೆಕೋಟೆ ಮೊಕ್ಲೆನ ಲೆಕ್ಕಡ್ ಭಜನಾ ಕಾರ್ಯಕ್ರಮ, ಮದ್ಯಾಹ್ನ 12 ಗಂಟೆಗ್ ಕರ್ನೋಡಿ, ಪಡ್ಲಾಡಿ, ಪುತ್ರಬೈಲು, ಹಂದೆವೂರು ಬೊಕ್ಕ ಕನ್ನಾಜೆ ಅಂಗನವಾಡಿ ಜೊಕ್ಲೆರ್ದ್ ನೃತ್ಯ ಕಾರ್ಯಕ್ರಮ, 1 ಗಂಟೆಗ್ ಮಹಾಪೂಜೆ, ಪ್ರಸಾದ ವಿತರಣೆ, 1.30 ಕ್ಕ್ ಸಾರ್ವಜನಿಕ ಅನ್ನಸಂತರ್ಪಣೆ, ಬಯ್ಯಗ್ 4 ಗಂಟೆಗ್ ಮಹಾಪೂಜೆ, ಬೊಕ್ಕ ಬಲಮುರಿ ವಿಘ್ನೇಶ್ವರನ ಶೋಭಾಯಾತ್ರೆ, ಭಜನಾ ತಂಡ ಬೊಕ್ಕ ವೇಷಭೂಷಣದ ಒಟ್ಟಿಗೆ ಲಾಯಿಲ ವಿಘ್ನೇಶ್ವರ ಕಲಾಮಂದಿರರ್ದ್ ರಾಘವೇಂದ್ರ ಮಠದ ಕೈತಲ್ ಇಪ್ಪುನ ಗಣಪತಿ ಕಟ್ಟೆಡ್ ವಸಂತ ಪೂಜೆ ಆಯಿ ಬೊಕ್ಕ ಸೋಮಾವತಿ ಸುದೆಟ್ ವಿಗ್ರಹ ವಿಸರ್ಜನೆ ನಡಪೆರುಂಡು.