ಬೊಲ್ತೆರ್ ಸುದ್ದಿ | Belthangady News

ಪಿಲಿಕುಲ ಡ್ ಮೂಜಿ ಕಿನ್ನಿಲೆಗ್ ಜೀವ ಕೊರಿನ ಪಿಲಿ

ಕುಡ್ಲ ಜೂ.08: ಪಿಲಿಕುಲಡ್ ಉಪ್ಪುನ 10 ವರ್ಷದ ಪಿಲಿ ರಾಣಿ ಮೂಜಿ ಕಿನ್ನಿಲೆಗ್ ಜೀವ ಕೊರ್ತುಂಡು. ಆರೋಗ್ಯವಾದ್ ಉಪ್ಪುನ ಈ ಮೂಜಿ ಕಿನ್ನಿಲು ನನ 16 ದಿನಟ್ ಕಣ್ಣು ಬುಡ್ಪುಂಡು . 2019 ಟ್ಟ್ ರಾಣಿ ಹುಲಿ 5 ಕಿನ್ನಿಲೆಗ್ ಜನ್ಮ ಕೊರ್ದಿತ್ತುಂಡು . ಇತ್ತೇ ಪಿಲಿಕುಲಡ್ ಪಿಲಿತ ಸಂಖ್ಯೆ 13 ಕ್ ಏರಿಕೆ ಆತುಂಡು .

ಶ್ರೀ ಕ್ಷೇತ್ರ ಧರ್ಮಸ್ಥಳ ವತಿರ್ದ್ ಜಿಲ್ಲಾಡಳಿತಗ್ ರಡ್ಡ್ ಟನ್ ಆಕ್ಸಿಜನ್ ಕೊಡುಗೆ

ಚಿತ್ರದುರ್ಗ, ಜೂನ್‌.08: ಶ್ರೀಕ್ಷೇತ್ರ ಧರ್ಮಸ್ಥಳ ವತಿರ್ದ್ ಚಿತ್ರದುರ್ಗ ಸರ್ಕಾರಿ ಜಿಲ್ಲಾಸ್ಪತ್ರೆಗ್ 2 ಟನ್ ಪ್ರಾಣವಾಯು ಆಕ್ಸಿಜನ್‌ನ್ ಉಚಿತವಾದ್ ಸೋಮವಾರ ಜಿಲ್ಲಾಧಿಕಾರಿ ಕವಿತಾ ಎಸ್.ಮನ್ನಿಕೇರಿ ಮೆರ್ನ ಮುಖೇನ ಜಿಲ್ಲಾಡಳಿತಗ್ ಹಸ್ತಾಂತರ ಮಲ್ತೆರ್ .

ಪೇಂಟೆದ ಜಿಲ್ಲಾಧಿಕಾರಿಲೇನ ಕಚೇರಿ ಆವರಣಡ್ ಶ್ರೀಕ್ಷೇತ್ರ ಧರ್ಮಸ್ಥಳ ವತಿರ್ದ್ 2 ಟನ್ ಉಚಿತ ಪ್ರಾಣವಾಯು ಸ್ವೀಕರಿಸಾದ್ ಪಾತೆರಿನ ಜಿಲ್ಲಾಧಿಕಾರಿ ಕವಿತಾ ಎಸ್.ಮನ್ನಿಕೇರಿ, ಶ್ರೀಕ್ಷೇತ್ರ ಧರ್ಮಸ್ಥಳ ವತಿರ್ದ್ ಇತ್ತೇ 10 ಆಕ್ಸಿಜನ್ ಕಾನ್ಸಂಟ್ರೇಟರ್ಸ್ಗಲೆನ್ ಕೊರ್ತೆರ್ . ಇನಿ ಜಿಲ್ಲಾಡಳಿತಗ್ 2 ಟನ್ ಆಕ್ಸಿಜನ್‌ ಕೊರ್ತೆರ್ ನೆಕ್ಕ್ , ಜಿಲ್ಲಾಡಳಿತದ ಪರವಾದ್ ಸೊಲ್ಮೆ ಸಂದೈತ ಮಲ್ತೆರ್.

ಈ ಪೊರ್ತುಡು ಜಿಲ್ಲಾ ಶಸ್ತ್ರ ಚಿಕಿತ್ಸಕ ಡಾ.ಹೆಚ್.ಜೆ.ಬಸವರಾಜಪ್ಪ, ಜಿಲ್ಲಾ ಜನಜಾಗೃತಿ ವೇದಿಕೆದ ಸದಸ್ಯೆರಾಯಿನ ರೂಪಾಜನಾರ್ಧನ್, ನಾಗರಾಜ್ ಸಂಗಂ ಬೊಕ್ಕ ಶ್ರೀಕ್ಷೇತ್ರ ಧರ್ಮಸ್ಥಳ ಸಂಸ್ಥೆಯ ಪ್ರತಿನಿಧಿಲು ಪಾಲ್ ಪಡೆದ್ ಇತ್ತೆರ್ .

ಕೋವಿಡ್ ಸೊಂಕಿತೆರ್ನ ಆರೈಕೆಗ್ ಮಾದರಿ ಆಯಿನ ಮಿಯಾರು ಕೋವಿಡ್ ಕೆರ್ ಸೆಂಟರ್

ಒಡಿಪು , ಜೂ.8: ಕೋವಿಡ್ ಸೋಂಕಿತೆರ್ ಬೇಗ ಹುಷಾರ್ ಆಯೆರೆ ಅಕ್ಲೆನ ಜೀವದ ರೋಗನಿರೋಧಕ ಶಕ್ತಿನ್ ಜಾಸ್ತೀ ಮಲ್ಪುನವು ಅತೀ ಮುಖ್ಯ ಅಂಶ ಆತುಂಡು.ಈ ನೆಲೆಟ್ಟ್ ಅಕುಲು ಮರ್ದ್ ದೆತೊನುನೆತ್ತ ಒಟ್ಟುಗು ಪೋಷಕಾಂಶ ಭರಿತ ಅಂಚನೇ ಸತ್ವ ಭರಿತ ಆಹಾರ ಸೇವನೆ ಮಲ್ಪುನವು ಅತ್ಯಗತ್ಯ.ಸೋಂಕಿತೆರ್ ಹೋಂ ಐಸೋಲೇಶನ್ ಡ್ ಇತ್ತುಂಡ ಕುಟುಂಬದಕುಲು ಕಾಲಕಾಲಗ್ ಅಂಚಿನ ಆಹಾರನ್ ಕೊರೋಲಿ . ಆಂಡ ಸೋಂಕಿತೆರ್ ಕೋವಿಡ್ ಕೇರ್ ಸೆಂಟರ್‌ಗ್ ದಾಖಲಾoಡ ಉಂದು ಮಾತಾ ಸಾಧ್ಯನಾ ಪನ್ಪಿನ ಪ್ರಶ್ನೆಗ್ ಸಾಧ್ಯವೇ ಪೇಂಟೆದ ಕಾರ್ಕಳ ತಾಲೂಕು ಮಿಯಾರ್ದ ಮೊರಾರ್ಜಿ ದೇಸಾಯಿ ಪದವಿ ಪೂರ್ವ ವಸತಿ ವಿಜ್ಞಾನ ಕಾಲೇಜ್ ಡ್ ಜಿಲ್ಲಾಡಳಿತ ಸುರು ಮಲ್ದಿನ ಕೋವಿಡ್ ಕೇರ್ ಸೆಂಟರ್ ಪ್ರತ್ಯಕ್ಷ ಸಾಕ್ಷಿಯಾದುಂಡು .

ಈ ಕೋವಿಡ್ ಆರೈಕೆ ಕೇಂದ್ರಡ್ ದಾಖಲಾತಿನ ಸೋಂಕಿತೆರೆಗ್ ಕಾಲ ಕಾಲಗ್ ಸರಿಯಾದ್ ಅತ್ಯಂತ ಶುದ್ದ ಬೊಕ್ಕ ಪೌಷ್ಠಿಕಾಂಶಯುಕ್ತ ತೇನಸ್ ಕೊರೊಂದು ಉಲ್ಲೆರ್ ಪಂದ್
ಮಿಯಾರು ಕೋವಿಡ್ ಕೇರ್ ಸೆಂಟರ್ದ ನೋಡೆಲ್‌ಅಧಿಕಾರಿ
ಲೋಕೇಶ್ ಪಂಡೆರ್.

ಸೌಹಾರ್ದ ಚಾರಿಟೇಬಲ್ ಟ್ರಸ್ಟ್‌ಮೂಡುಬಿದಿರೆ ಉಚಿತ ಆಯಂಬುಲೆನ್ಸ್ ಸೇವೆಗ್ ಚಾಲನೆ

ಮೂಡುಬಿದಿರೆ, ಜೂ.7: ಸೌಹಾರ್ದ ಚಾರಿಟೇಬಲ್ ಟ್ರಸ್ಟ್‌ ಮೂಡುಬಿದಿರೆ ನೆತ್ತ ಮಹತ್ವಾಕಾಂಕ್ಷಿ ಯೋಜನೆಯಾದ್ ಮೂಡುಬಿದಿರೆದ ಬಡಜನತೆಗ್ ಉಚಿತ ಆಯಂಬುಲೆನ್ಸ್ ಸೇವೆಗ್ ಸೋಮವಾರ ಚಾಲನೆ ಕೊರಿಯೆರ್ .

ಶಾಸಕ ಉಮಾನಾಥ ಕೋಟ್ಯಾನ್ ಮೇರ್ ಕನ್ನಡ ಭವನಡ್ ಉಚಿತ ಆಯಂಬುಲೆನ್ಸ್ ಸೇವೆನ್ ಚಾಲನೆ ಕೊರಿಯೆರ್.

ಐರ್ದ್ ಬೊಕ್ಕ ಪಾತೆರಿನ ಆರ್ ಕೋವಿಡ್ ಸಂಬಂಧಿತ ಸೋಂಕುದ ಪೂರ್ವ ಲಕ್ಷಣಗ್ ಆಳ್ವಾಸ್‌ದ ವೈದ್ಯೆರ್ನ ಕೂಟರ್ಡ್ ಉಚಿತ ತಪಾಸಣೆ, ಅಲೋಪತಿ, ಆಯುರ್ವೇದ, ಹೋಮಿಯೋಪತಿ ನೆತ್ತ ಸಾಂದರ್ಭಿಕ ಸಂಯೋಜನೆಡ್ ಚಿಕಿತ್ಸೆ ಕೊರ್ಪಿನೆತ್ತ ಬಗ್ಗೆ ಮಾಹಿತಿ ಕೊರ್ದು , ಇತ್ತೇ ಸೌಹಾರ್ದ ಚಾರಿಟೇಬಲ್ ಟ್ರಸ್ಟ್‌ದಕುಲು ಕೋವಿಡ್ ಪೊರ್ತುಡು ಸುರುರ್ದೆ ಪಾಲ್ ಪಡೆದ್ ಬಿಪಿಎಲ್‌ ಜನಕ್ಲೆಗ್ ಉಚಿತವಾದ್ ಆಯಂಬುಲೆನ್ಸ್ ಸೇವೆನ್ ಒದಗಿಸಾಯೆರೆ ದುಂಬು ಬೈದಿನವು ಶ್ಲಾಘನೀಯ ಪಂದ್ ಪಂಡೆರ್.

ತೋಕೂರು ಶಾಲೆದ ತೋಟೊಡು ಶ್ರಮದಾನ

ಹಳೆಯಂಗಡಿ: ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್( ರಿ) ತೋಕೂರು ಆಶ್ರಯೊಡು ತೋಕೂರುದ ಹಿಂದೂಸ್ಥಾನಿ ಶಾಲೆದ ತೋಟೊಡು ಐತಾರದಾನಿ ಶ್ರಮದಾನದ ಒರುಟ್ಟು ಸ್ವಚ್ಛತೆದ ಕೆಲಸ ನಡತ್ಂಡ್.

ಕ್ಲಬ್ ದ ಗೌರವ ಮಾರ್ಗದರ್ಶಕೆರ್ ಅಂಚೆನೆ ಬೊಂಬೈ ತಿಲಕ್ ನಗರದ ಪೆಸ್ತಮ್ ಸಾಗರ್ ಕರ್ನಾಟಕ ಸಂಘ ಉಂದೆತ್ತ ಅಧ್ಯಕ್ಷೆರ್ ಆದುಪ್ಪುನ ರಾಮಣ್ಣ ದೇವಾಡಿಗ ಮೇರ್ ಶಾಲೆದ ಎದುರು ನಡ್ತಿನ ಪೂತ್ತ ದೈಕುಲೆನ ಕಟ್ಟೆ ಬುಡ್ಪಾದ್ ಗೊಬ್ಬರ ಪಾಡ್ದ್ ಶ್ರಮದಾನೊಗು ಚಾಲನೆ ಕೊರಿಯೆರ್.

ಪಡುಪಣಂಬೂರು ಗ್ರಾಮ ಪಂಚಾಯ್ತಿ ಸದಸ್ಯೆರ್ ಸಂತೋಷ್ ಕುಮಾರ್, ಕ್ಲಬ್ ದ ಗೌರವ ಮಾರ್ಗದರ್ಶಕೆರ್ ರಮೇಶ್ ಅಮೀನ್ , ಮುಂಬೈ, ಗೌರವ ಗುರ್ಕಾರ್ಲು ನಾರಾಯಣ್ ಜಿ.ಕೆ., ಗುರ್ಕಾರ್ಲು ಸಂತೋಷ್ ದೇವಾಡಿಗ, ಒತ್ತು ಗುರ್ಕಾರ್ಲು ದೀಪಕ್ ಸುವರ್ಣ, ಕಾರ್ಯಾಧ್ಯಕ್ಷೆರ್ ಸುರೇಶ್ ಶೆಟ್ಟಿ, ಮಲ್ಲ ಕಾರ್ಯಂತೆರ್ ಜಗದೀಶ್ ಕುಲಾಲ್, ಪಣವುದ ಪಾಲವೆರ್ ಸಂಪತ್ ದೇವಾಡಿಗ, ಪರಿಸರ ರಕ್ಷಣೆ ಕಾರ್ಯಂತೆರ್ ಸುನಿಲ್ ದೇವಾಡಿಗ,ಕ್ರಿಕೆಟ್ ಕೂಟ ದ ನಾಯಕೆ ಗೌತಮ್ ಬೆಲ್ಚಡ, ಸದಸ್ಯೆರ್ ಪದ್ಮನಾಭ ಶೆಟ್ಟಿ, ವಿಜಯ ಕುಮಾರ್, ಧರ್ಮಾನಂದ ಶೆಟ್ಟಿಗಾರ್, ರಮೇಶ್ ಕರ್ಕೇರ, ಸೋಮನಾಥ ಪೂಜಾರಿ, ಕಾರ್ತಿಕ್ ಭಟ್ ಮೊಕುಲು ಮಾತ ಶ್ರಮದಾನೊಡು ಪಾಲ್ ಪಡೆಯೆರ್.
ಗಣೇಶ್ ಅಮೀನ್ ಮೇರ್ ಕೊರ್ತಿನ ಕಿದೆ ಗೊಬ್ಬರೊನು ತಾರೆದ ಬೊಕ್ಕ ಪೂತ್ತ ದೈಕ್ ಲೆನ ಮುದೆಲೆಗ್ ಪಾಡ್ದ್, ಕಜವು, ಪ್ಲಾಸ್ಟಿಕ್ ದೆತ್ತ್ ದ್ ಪರಿಸರ ಸ್ವಚ್ಚತೆಡ್ ಮಾತೆರ್ಲ ಪಾಲ್ ಪಡೆಯೆರ್.

ಜೂನ್ 21ರ್ದ್ ರಾಜ್ಯಡ್ ಕೇಂದ್ರರ್ದೇ ಉಚಿತ ಲಸಿಕೆ ಪೂರೈಕೆ ಮಲ್ಪರೆ ಮೋದಿ ಘೋಷಣೆ

ನವದೆಹಲಿ, ಜೂನ್ 07: ಭಾರತಡ್ 2014ರ್ದ್ ಜದುಂಬು ಶೇ.60 ದಾತ್ ಲಸಿಕೆ ಉತ್ಪಾದನಾ ಪ್ರಮಾಣ ಇತ್ತುಂಡು , ಆಂಡ 6ವರ್ಷಡ್ ಅವೆನ್ ಶೇ.80-90ಕ್ಕ್ ಜಾಸ್ತಿ ಮಲ್ದೆರ್ ಪಂದ್ ಪ್ರಧಾನಿ ನರೇಂದ್ರ ಮೋದಿ ಪಂಡೆರ್ .

ಕರೊನಾ ನಿಯಂತ್ರಣಡ್ ಲಸಿಕೆದ ಪಾತ್ರ ಪ್ರಮುಖವಾಯಿನವು ಪಂದ್ ಪ್ರತಿಪಾದಿಸಾಯಿನ ಪ್ರಧಾನಿ ನರೇಂದ್ರ ಮೋದಿ, ಇತ್ತೇ ಲಸಿಕೆ ವಿತರಣೆ ಸಂಬಂಧ ಕುಡೊಂಜಿ ಮಹತ್ವದ ಪಜ್ಜೆ ದೀತೆರ್ . ಲಸಿಕೆ ವಿರುದ್ಧ ನಡತೊಂದು ಉಂಡು. ಜೂ. 21ರ್ದ್ ಬೊಕ್ಕ 18 ವರ್ಷ ಮಿತ್ತ್ ದ ಮಾತೆರೆಗ್ಲಾ ಉಚಿತವಾದ್ ಲಸಿಕೆ ಕೊರ್ರೆ ಉಲ್ಲೆರ್ ಪಂದ್ ಪಂಡೆರ್.

ಈ ದುಂಬು ಲಸಿಕೆ ವಿತರಣೆ ಸಂಬಂಧ ರಾಜ್ಯಗ್ ಶೇ. 50 ಜವಾಬ್ದಾರಿ ವಹಿಸ್ ದಿತ್ತೆರ್ . ಲಸಿಕೆ ವಿತರಣೆದ ಪೂರ್ತಿ ಜವಾಬ್ದಾರಿನ್ ಕೇಂದ್ರ ಸರ್ಕಾರನೇ ವಹಿಸರೆ ಉಲ್ಲೆರ್ , ನನ ರಡ್ಡ್ ವಾರಡ್ ಆ ಬಗ್ಗೆ ಪೊಸ ಮಾರ್ಗಸೂಚಿನ್ ಕೊರ್ಪೆರ್ ಪಂದ್ ಪಂಡೆರ್.