ಬೊಲ್ತೇರ್: ವಕ್ರತುಂಡ ಕಲಾವಿದೆರ್ ಬೊಲ್ತೇರ್ ಕೂಟದ ಉದಿಪನ ಬೊಕ್ಕ ಬೇಗ ಬಲ ಬಾಲೆ ತುಳು ನಾಟಕದ ಮೂರ್ತ ಲೇಸ್ ಬೊಲ್ತೇರ್ ದ ಶ್ರೀಗುರು ರಾಘವೇಂದ್ರ ಮಠ ಲಾಯಿಲಡ್ ನಡತ್ಂಡ್.
ಎಸ್.ಆರ್.ಆಚಾರ್ಯ ಮೇರ್ ತುಡರ್ ಅರ್ಲಾವುನ ಮುಖೇನ ಲೇಸ್ ದ ಉದಿಪನ ಮಲ್ತೆರ್. ಬೊಕ್ಕ ಕೂಟದ ಪೋಸ್ಟರ್ ಬುಡುಗಡೆ ಮಲ್ತೆರ್. ಅವೆರ್ದ್ ಬೊಕ್ಕ ಕೂಟ ಬಗ್ಗೆ ಪಾತೆರ್ದ್, ತನ್ನ ಬಾಲ್ಯದ ನೆಂಪುನ್ ಪಟ್ಟಿಯೆರ್. ಕಲೆಕ್ಕ್ ಬೊಕ್ಕ ಕಲಾಭಿಮಾನಿಗ್ ಪ್ರೋತ್ಸಾಹ ಕೊರ್ಪುನ ಹಿತನುಡಿ ಕೊರಿಯೆರ್.
ರಾಜೇಶ್ ಆಚಾರ್ಯ ಸವಣಾಲು ಪಾತೆರ್ದ್, ಕಲೆ ಮಾತೆರೆಗ್ಲಾ ಒಲಿವೊಜಿ, ಕೆಲವೆರೆಗ್ ಮಾತ್ರ ಅದೃಷ್ಟದಂಚೆನೆ ಒಲಿವುಂಡು. ಮನರಂಜನೆನೇ ಧ್ಯೇಯ ಮೂಲ ಪನ್ಪುನ ಸ್ಫೂರ್ತಿದಾಯಕ ಹಿತನುಡಿ ಬೊಕ್ಕ ಕಲೆಗಾರಗ್ ಪ್ರೋತ್ಸಾಹನೇ ಬೇರಿತಾಂಗ್ ಪನ್ಪುನ ಆಶಯ, ಎನನ್ ರಂಗಭೂಮಿಗ್ ಪರಿಚಯ ಮಲ್ತ್ ದ್, ನಿರ್ದೇಶನ ಕೊರ್ದು, ವಿಷ್ಣು ಕಲಾವಿದೆರ್ ಮದ್ದಡ್ಕ ಕೂಟಗ್ ಪರಿಚಯಿಸಾದ್ ರಂಗಭೂಮಿಗ್ ಪರಿಚಯಿಸಾಯಿನ ಕೀರ್ತಿ ದಿನೇಶ್.ಎಸ್.ಕಾಪಿಕಾಡ್ ಸಂದಾಂದು ಪಂದ್ ಪಂಡೆರ್.
ವಿಷ್ಣು ಕಲಾವಿದರು ಮದ್ದಡ್ಕ ನೆತ್ತ ಮುಖ್ಯಸ್ಥೆರ್ ಅನಂತ್ ಎಸ್ ಇರ್ವತ್ರಾಯ, ಲೇಖಕೆರ್, ಚಲನಚಿತ್ರ ಬೊಕ್ಕ ರಂಗಭೂಮಿ ಕಲಾವಿದೆರ್ ರಾಜು.ಬಿ.ಎಚ್, ಬೊಲ್ತೇರ್ ಆಶಾ ಯಂಗ್ ಸ್ಟಾರ್ ಕ್ಲಬ್ ದ ಗುರ್ಕಾರೆ ಜಯರಾಮ ಬಂಗೇರ ಹೆರಾಜೆ, ಜಿ.ಪಂ.ಮಾಜಿ ಸದಸ್ಯೆ, ತಾಲೂಕ್ ಕಾಂಗ್ರೆಸ್ ಗ್ರಾಮೀಣ ಮಹಿಳಾ ಘಟಕದ ಗುರ್ಕಾರ್ದಿ ನಮಿತಾ ಕೆ ತೋಟತ್ತಾಡಿ, ಬೊಕ್ಕ ವಕ್ರತುಂಡ ಕಲಾವಿದೆರ್ ಬೊಲ್ತೇರ್ ಕೂಟದ ಸಾರಥ್ಯನ್ ಒಯಿಸೊನ್ನ ಕುಮಾರಿ ಅಕ್ಷಿತಾ.ಕೆ ಬಂಗಾಡಿ ಮೊಕುಲು ವಕ್ರತುಂಡ ನಾಟಕ ಕೂಟದ ಬಗೆಟ್ಟ್ ಪಾತೆರ್ದ್ ಎಡ್ಡೆಪ್ಪು ಬಯಕಿಯೆರ್.
ಲೇಸ್ ದ ಗುರ್ಕಾರ್ಮೆನ್ ಬೊಕ್ಕ ಕೂಟದ ಸಮಗ್ರ ನಿರ್ವಹಣೆ, ರಚನೆ ಬೊಕ್ಕ ನಿರ್ದೇಶಕೆರಾಯಿನ ದಿನೇಶ್ ಎಸ್ ಕಾಪಿಕಾಡ್ ಮೇರ್ ನಾಟಕ ಕಲಾ ಕೂಟದ ಹಿನ್ನಲೆ ಬಗೆಟ್ಟ್ ಪಾತೆರ್ದ್, ತನ್ನ 5ನೇ ಕ್ಲಾಸ್ ಡ್ ಮೋನೆಗ್ ಬಣ್ಣ ಪಾಡ್ದ್ ರಂಗಭೂಮಿಗ್ ಪ್ರವೇಶ ಮಲ್ದೆ, ತನ್ನ ಕಲಾ ಬದ್ ಕ್ ಛದ್ಮವೇಷರ್ದ್ ಸುರು ಆಂಡ್ ಪಂದ್ ಪಂಡೆರ್. ಅಂಚೆನೆ ಜಿಲ್ಲಾ ಮಟ್ಟಡ್ ಪ್ರಶಸ್ತಿ ಪಡೆಯಿನ ಅನುಭವ, ಸುರುತ್ತ ಸರ್ತಿ ಸರಸ್ವತಿ ಕಲಾ ಬಳಗ ಮದ್ದಡ್ಕ ಕೂಟದ ಮುಖೇನ ರಂಗಭೂಮಿಗ್ ಬತ್ತಿನ ಬಗೆಟ್ಟ್, ಹಿರಿಯ ಕಲಾವಿದೆರೆನೊಟ್ಟಿಗೆ ರಂಗಮಂದಿರನ್ ಪಟ್ಟೊನ್ನ ಅನುಭವನ್ ತೆರಿಪಾಯೆರ್.
ಗಣೇಶ್ ಆಚಾರ್ಯ ಕುಂಟಿನಿ ಎದ್ಕೊನಿಯೆರ್. ನಾಗೇಶ್ ರೈ ಕಾವಲ್ ಕಟ್ಟೆ ಸೊಲ್ಮೆ ಸಂದಾಯೆರ್. ಸುಶ್ಮಿತಾ ಪದ್ಮುಂಜ ಲೇಸ್ ದ ಸುಧಾರಿಕೆ ಮಲ್ತೆರ್. ಈ ಕೂಟಗ್ ಉದಯ್ ಎ.ಕೆ, ವಿ ಸ್ಕೂಲ್ ಆಫ್ ಡ್ಯಾನ್ಸ್ ದ ನೃತ್ಯ ಸಂಯೋಜನೆ, ಶೇಖರ್ ಕೊಜಪಾಡಿ ಮೆರೆನ ಸಂಚಾಲಕತ್ವ, ಗಣೇಶ್ ಆಚಾರ್ಯ ಕುಂಟಿನಿ ಮೆರೆನ ನಿರ್ವಹಣೆ, ನಾಗೇಶ್ ರೈ ಕಾವಲ್ ಕಟ್ಟೆ ಮೆರೆನ ಸಲಹೆ ಸಹಕಾರ, ಸುರೇಶ್ ನಾರಾವಿ ಮೆರೆನ ಸಂಪೂರ್ಣ ಸಹಕಾರ, ವಿನೋದ್ ಆಳ್ವ ಸವಣಾಲು ಬೊಕ್ಕ ಪ್ರಕಾಶ್ ಸವಣಾಲು ಮೆರೆನ ಹಿನ್ನಲೆ ಸಹಕಾರ, ಶ್ರೀ ಗುರು ರಾಘವೇಂದ್ರ ಸ್ವಾಮಿನ ಆಶೀರ್ವಾದದೊಟ್ಟಿಗೆ ವಕ್ರತುಂಡ ಕಲಾವಿದೆರ್ ಬೊಲ್ತೇರ್ ಮೆರೆನ ನಾಟಕ ಕೂಟದ ಉದಿಪನ ಆಂಡ್. ಈ ಲೇಸ್ ಡ್ ರಾಜು ಬಿ ಎಚ್ ಮಾತೆರೆನ್ಲಾ ಎದ್ಕೊನಿಯೆರ್.
