ಬೊಲ್ತೆರ್ ಸುದ್ದಿ | Belthangady News

ಜುಲೈ 25 ಕ್ಕ್ ಅಸಂಘಟಿತ ಪುರೋಹಿತ ಕಾರ್ಮಿಕೆರ್ನ ಕ್ಷೇಮಾಭಿವೃದ್ಧಿ ಸಂಘ ಉದಿಪನ

ಕುಡ್ಲ, ಜುಲೈ 23: ತ್ರಿಮತಸ್ಥ ಬ್ರಾಹ್ಮಣ ಸಮುದಾಯದ ಅರ್ಚಕೆರ್ , ಪುರೋಹಿತೇರ್ ಬೊಕ್ಕ ಸಹಾಯಕೆರ್ ಉಪ್ಪುನ ಅಸಂಘಟಿತ ಪುರೋಹಿತ ಕಾರ್ಮಿಕರ ಕ್ಷೇಮಾಭಿವೃದ್ಧಿ ಸಂಘ ದ.ಕ. ಬೊಕ್ಕ ಒಡಿಪು ಜಿಲ್ಲಾ ಘಟಕ ಜು.25ಕ್ಕ್ ಉದಿಪನ ಆಯರೇ ಉಂಡು .

ಸುದ್ದಿಗೋಷ್ಠಿಡ್ ಈ ವಿಚಾರ ತೆರಿಪಾಯಿನ ಸಂಘದ ಗುರ್ಕಾರ್ಲಾಯಿನ ಪ್ರಕಾಶ ಹೊಳ್ಳ, ಪಣಂಬೂರುದ ನಂದನೇಶ್ವರ ದೇವಸ್ಥಾನಡ್ ಸಂಘದ ಉದಿಪನದ ಲೇಸ್ ನಡಪರೆ ಉಂಡು ಪಂದ್ ಪಂಡೆರ್.

ಭೂಕುಸಿತ- ಶಿರಾಡಿ ಘಾಟ್ ಮಾರ್ಗ ಸಂಚಾರ ಬಂದ್

ಹಾಸನ ಜುಲೈ 23: ಬುಡoದೆ ಬರೊಂದು ಉಪ್ಪುನ ಬರ್ಸರ್ದಾವರ ಸಕಲೇಶಪುರದ ರಾಷ್ಟ್ರೀಯ ಹೆದ್ದಾರಿ 75ರ ದೋಣಿಗಾಲ್‌ ಕೈತಲ್ ಭೂ ಕುಸಿತ ಆದ್ ಶಿರಾಡಿ ಘಾಟ್‌ ಮಾರ್ಗಡ್ ವಾಹನ ಸಂಚಾರ ಬಂದ್‌ ಮಲ್ದೆರ್ .

ಕುಡ್ಲಗ್ ಬರ್ಪಿನಕುಲು ಬೇಲೂರು ಮುಖೇನ ಚಾರ್ಮಾಡಿ ಘಾಟ್‌ಡ್ ಪೋಯೆರೆ ಸೂಚನೆ ಕೊರ್ತೆರ್. ಮೂಡಿಗೆರೆ, ಹಾನುಬಾಳು, ಕೊಟ್ಟಗೆಹಾರದ ಮೂಲಕ ಬದಲಿ ಸಂಚಾರಗ್ ವ್ಯವಸ್ಥೆ ಮಲ್ದೆರ್ .

ಧರ್ಮಸ್ಥಳ, ಕುಡ್ಲ , ಕುಕ್ಕೆ ಸುಬ್ರಹ್ಮಣ್ಯಗ್ ಸಂಪರ್ಕ ಮಲ್ಪುನ ಮಾರ್ಗಡ್ ಕಾಂಡೆ ಭೂಕುಸಿತವಾಯಿನ ಕಾರಣ ಮುನ್ನೆಚ್ಚರಿಕಾ ಕ್ರಮವಾದ್ ತಾತ್ಕಾಲಿಕವಾದ್ ಸಂಚಾರ ಬಂದ್‌ ಮಲ್ದೆರ್ .ಜಾಗೆಗ್ ಉಪವಿಭಾಗಾಧಿಕಾರಿ ಪ್ರತೀಕ್‌, ತಹಶೀಲ್ದಾರ್‌ ಜಯಕುಮಾರ್‌, ಹೆದ್ದಾರಿ ಪ್ರಾಧಿಕಾರ ಅಧಿಕಾರಿಲು , ಪೊಲೀಸೆರ್ ಭೇಟಿ ಕೊರ್ದು ಪರಿಶೀಲನೆ ನಡಪಾಯೆರ್ .

ಗಾಡಿ ಸವಾರೆರೆಗ್ ಗುಡ್ ನ್ಯೂಸ್ : ಕಮ್ಮಿ ಆಯೆರೆ ಉಂಡು ಪೆಟ್ರೋಲ್, ಡೀಸೆಲ್‌ ರೇಟ್

ನವದೆಹಲಿ, ಜುಲೈ 23: ಪೆಟ್ರೋಲ್ ಬೊಕ್ಕ ಡೀಸೆಲ್ ದ ಎಕ್ಸೈಸ್ ಸುಂಕನ್ ಕೇಂದ್ರ ಕಮ್ಮಿ ಮಲ್ತ್ಜಿಂಡಲ ಇಂಧನ ಬೆಲೆ ಕಮ್ಮಿ ಆಪಿನ ಸಾಧ್ಯತೆ ಉಂಡು .

ಪೆಟ್ರೋಲಿಯಂ ರಫ್ತು ಮಲ್ಪುನ ದೇಶದ ಸಂಘಟನೆ (ಒಪೆಕ್) ಬೊಕ್ಕ ಐತ ಮಿತ್ರರಾಷ್ಟ್ರಲು ಉತ್ಪಾದನೆನ್ ಜಾಸ್ತಿ ಮಲ್ಪರೆ ದುಂಬು ಬೈದುಂಡು ನೆರ್ದಾವರ ಇಂಧನ ಬೆಲೆ ನನಲ ಕಮ್ಮಿ ಆವು ಪಂದ್ ಪಂಡೆರ್