ಬೊಲ್ತೆರ್ ಸುದ್ದಿ | Belthangady News

ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರಗ್‌ ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ರಕ್ಷಿತ್ ಶಿವರಾಂ ಭೇಟಿ

ಕುಡ್ಲ: ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರಡ್‌ ನಡತೊಂದು ಇಪ್ಪುನ ಐತಿಹಾಸಿಕ ದಸರಾ ಮಹೋತ್ಸವಡ್ ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ರಕ್ಷಿತ್ ಶಿವರಾಂ ಶ್ರೀ ದೇವೆರೆಗ್ ಪ್ರಾರ್ಥನೆ ಸಲ್ಲಿಸಾದ್ ಪ್ರಸಾದ ಸ್ವೀಕಾರ ಮಲ್ತೆರ್.‌
ಈ ಪೊರ್ತುಡು ಕುದ್ರೋಳಿ ಕ್ಷೇತ್ರದ ಅಧ್ಯಕ್ಷೆರ್ ಎಚ್.ಎಸ್.ಸಾಯಿರಾಂ, ಕೋಶಾಧಿಕಾರಿ ಪದ್ಮರಾಜ್ ಆರ್. ರಕ್ಷಿತ್ ಶಿವರಾಮ್ ಮೆರೆನ ಬುಡೆದಿ ಅನ್ವಿಕಾ, ಪ್ರವೀಣ್‌ ಫೆರ್ನಾಂಡಿಸ್‌ ಬೊಕ್ಕ ಪ್ರಮುಖೆರ್‌ ಇತ್ತೆರ್.

ಸಿರಿ ಸಂಸ್ಥೆ ದ ನಾಲ್ ತರತ್ತ ಪೊಸ ಊದುಬತ್ತಿ ಬುಡುಗಡೆ

ಉಜಿರೆ: ಸಿರಿ ಸಂಸ್ಥೆದ ಪೊಸ ಉತ್ಪನ್ನಲಾಯಿನ ಶೃತಿ, ಸ್ತುತಿ, ಸಂಯಮ ಬೊಕ್ಕ ಶ್ರದ್ಧಾ ಪನ್ಪುನ ಪೊಸ ಊದುಬತ್ತಿನ್ ಮೈಸೂರ್‌ದ ಸೈಕಲ್ ಬ್ರಾಂಡ್ ಅಗರ್ ಬತ್ತಿದ ಸಹಭಾಗಿತ್ವಡ್‌ ಧರ್ಮಸ್ಥಳಡ್ ಸೋಮವಾರ ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆ ಬಿಡುಗಡೆ ಮಲ್ತ್‌ದ್‌, ಶುಭ ಹಾರೈಸಾಯೆರ್.‌
ಪೊಸ ಉತ್ಪನ್ನರ್ದ್ ಗ್ರಾಮೀಣ ಪೊಂಜೊವ್‌ ನಕ್ಲೆಗ್‌ ಎಚ್ಚಿನ ಉದ್ಯೋಗಾವಕಾಶ ತಿಕ್ಕಡ್‌ ಪಂದ್ ಹೆಗ್ಗಡೆರ್‌ ತೆರಿಪಾಯರ್. ‌ ಸಿರಿ ಸಂಸ್ಥೆಗ್‌ ನಾಲ್ ಸಂಚಾರಿ ಗಾಡಿನ್ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ವತಿರ್ದ್‌ ಹಸ್ತಾಂತರ ಮಲ್ತೆರ್. ಸೈಕಲ್ ಬ್ರಾಂಡ್ ಊದುಬತ್ತಿದ ಸಿ.ಇ.ಒ. ಅರ್ಜುನ್‌ರಂಗ ಬೊಕ್ಕ ವಿಜಿರೋಮ್ ಸಂಸ್ಥೆದ ವ್ಯವಸ್ಥಾಪಕ ನಿರ್ದೇಶಕೆರಾಯಿನ ವಿಜಯಲಕ್ಷ್ಮೀ ವಿಜಯಕುಮಾರ್, ಸಿ.ಇ.ಒ. ಅನಿಲ್ ಕುಮಾರ್, ಸಿರಿ ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕೆರ್ ಕೆ. ಎನ್. ಜನಾರ್ದನ್, ಆಡಳಿತ ನಿರ್ದೇಶಕೆರ್ ಪ್ರಸನ್ನ ಯು.‌ ಜೀವನ್ ಕುಮಾರ್ ಈ ಪೊರ್ತುಡು ಇತ್ತೆರ್.

ಹಾರ್ಟ್‌ ಆಟ್ಯಾಕ್‌ಡ್‌ ತೀರ್‌ಪೋಯಿನ ಬಲ್ಲಾಳ್‌ ಬಸ್ಸ್‌ ಡ್ರೈವರ್‌ ಸಂತೋಷ್‌ ಗೌಡ

ಇಂದಬೆಟ್ಟು: ಇಂದಬೆಟ್ಟು ಗ್ರಾಮದ ಬೆದ್ರಬೆಟ್ಟು ನಿವಾಸಿ ಸಂತೋಷ್ ಗೌಡ (34ವ) ಮೇರ್ ಅ.16 ದಾನಿ ಕುಡ್ಲಡ್‌ ಹಾರ್ಟ್‌ ಆಟ್ಯಾಕ್‌ಡ್‌ ತೀರ್‌ಪೋತೆರ್.‌ ಮೇರ್‌ ಬಲ್ಲಾಳ್‌ ಬಸ್ಸ್‌ದ ಡ್ರೈವರ್‌ ಆದ್‌ ಬೇಲೆ ಮಲ್ತೊಂದು ಇತ್ತೆರ್. ಮೇರೆಗ್‌ ಅಪ್ಪೆ ಬೊಕ್ಕ ಅಣ್ಣನಕುಲ್‌ ಉಲ್ಲೆರ್.

ನ.25: ಶ್ರೀ ರಾಮ ಕ್ಷೇತ್ರ ಮಹಾ ಸಂಸ್ಥಾನಮ್ ಹರಿದ್ವಾರ ಶಾಖಾ ಮಠಡ್ ವಾರ್ಷಿಕ ವರ್ಧಂತಿ ಉತ್ಸವ‌

ಧರ್ಮಸ್ಥಳ: ಶ್ರೀ ರಾಮ ಕ್ಷೇತ್ರ ಮಹಾ ಸಂಸ್ಥಾನಮ್ ನಿತ್ಯಾನಂದ ನಗರದ ಜಗದ್ಗುರು ಪೀಠದ ಪೀಠಾಧೀಶ ಸದ್ಗುರು ಶ್ರೀ ಬ್ರಹ್ಮಾನಂದ ಸರಸ್ವತಿ ಸ್ವಾಮೀಜಿನ ನೇತೃತ್ವಡ್ ಕ್ಷೇತ್ರದ ಶಾಖಾ ಮಠ ಉತ್ತರಾ ಖಂಡದ ದೇವ ಭೂಮಿ ಹರಿದ್ವಾರ ಶಾಖಾ ಮಠಡ್ ನ.25 ದಾನಿ ವಾರ್ಷಿಕ ಉತ್ಸವ ನಡಪೆರೆ ಉಂಡು.

ಈ ಪೊರ್ತುಡು ಅಂತಾರಾಷ್ಟ್ರೀಯ ಶ್ರೀ ಪಂಚದಶನಾಮ ಜುನಾ ಅಖಾಡ ಅಧ್ಯಕ್ಷೆರ್ ಮಹಾಂತ್ ಪ್ರೇಮಗಿರಿ ಮಹಾರಾಜ್, ಉಪಾಧ್ಯಕ್ಷೆರ್ ಮಹಾಂತ್ ವಿದ್ಯಾನಂದ ಸರಸ್ವತಿ ಮಹಾರಾಜ್, ಮಹಾ ಮಂಡಲೇಶ್ವರ 1008 ಶ್ರೀ ಸ್ವಾಮಿ ವಿಜ್ಞಾನ ನಂದ ಸರಸ್ವತಿ ಮಹಾರಾಜ್, ಮಹಾಮಂಡಲೇಶ್ವರ 1008 ಶ್ರೀ ಸ್ವಾಮಿ ಲಲಿತಾನಂದ ಗಿರಿ ಮಹಾರಾಜ್, ಜಯರಾಮ ಆಶ್ರಮದ ಅಧ್ಯಕ್ಷೆರ್ ಬ್ರಹ್ಮ ಸ್ವರೂಪಿ ಬ್ರಹ್ಮಚಾರಿ ಮಹಾರಾಜ್, ಶ್ರೀ ಮಹಾಂತ್ ದೇವಾನಂದ ಸರಸ್ವತಿ ಮಹಾರಾಜ್, ಮಹಾ ಮಂಡಲೇಶ್ವರ 1008 ಶ್ರೀ ಸ್ವಾಮಿ ಯಮುನಾ ಪುರಿ ಮಹಾರಾಜ್, ಮಹಾ ಮಂಡಲೇಶ್ವರ 1008 ಶ್ರೀ ಸ್ವಾಮಿ ಆನಂದ ಚೈತನ್ಯ ಸರಸ್ವತಿ ಮಹಾರಾಜ್ ಮೊಕ್ಲೆನ ದಿವ್ಯ ಸಾನಿಧ್ಯಡ್‌ ಆಶೀರ್ವಚನ ಕೊರಿಯೆರೆ ಉಲ್ಲೆರ್.‌
ಮೀನುಗಾರಿಕೆ ಬೊಕ್ಕ ಬಂದರು, ಒಳನಾಡು ಜಲ ಸಾರಿಗೆ ಸಚಿವೆರ್ ಮಾಂಕಾಳ್ ಎಸ್.ವೈದ್ಯ, ಕುಡ್ಲದ ಸಂಸದೆರ್ ನಳಿನ್ ಕುಮಾರ್ ಕಟೀಲ್, ಮಾಜಿ ಸಚಿವೆರ್, ಕಾರ್ಲದ ಶಾಸಕೆರ್ ವಿ.ಸುನೀಲ್ ಕುಮಾರ್, ಬೋಲ್ತೆರ್ ಶಾಸಕೆರ್ ಹರೀಶ್ ಪೂಂಜ, ಉತ್ತರಾಖಂಡದ ಮಾಜಿ ಮಂತ್ರಿ, ಹಾಲಿ ಶಾಸಕೆರ್ ಮದನ್ ಕೌಶಿಕ್, ದೇಶದ ಮೂಲೆ ಮೂಲೆರ್ದ್‌ ಭಕ್ತೆರ್‌ ಪಾಲ್‌ ಪಡೆಯೆರೆ ಉಲ್ಲೆರ್.‌ ಅವ್ವೇ ದಿನ ಬಯ್ಯಗ್ ಪವಿತ್ರ ಗಂಗಾ ಆರತಿ ನಡಪರೆ ಉಂಡು ಪಂದ್ ಕ್ಷೇತ್ರದ ಪ್ರಕಟಣೆ ತೆರಿಪಾದ್‌ಂಡ್.

ಪಡ್ಡಂದಡ್ಕ: ಶ್ರೀ ಮಂಜುನಾಥೇಶ್ವರ ಕುಣಿತ ಭಜನಾ ಮಂಡಳಿಗ್ ಚಾಲನೆ‌

ಪೆರಿಂಜೆ: ಶ್ರೀ ಮಂಜುನಾಥೇಶ್ವರ ಭಜನಾ ಮಂಡಳಿ ಪಡ್ಡಂದಡ್ಕ ಮೂಲು ನವರಾತ್ರಿದ ಸುರುತ ದಿನಟ್ ಕುಣಿತ ಭಜನಾ ಮಂಡಳಿಗ್ ಚಾಲನೆ ಕೊರಿಯೆರ್.‌ ಕುಣಿತ ಭಜನೆದ ತರಬೇತಿನ್ ಸಂಪನ್ಮೂಲ ವ್ಯಕ್ತಿಯಾಯಿನ ಸಂದೇಶ್‌ ಮದ್ದಡ್ಕ ತರಬೇತಿ ಕೊರಿಯೆರೆ ಉಲ್ಲೆರ್. ಕಾರ್ಯಕ್ರಮ ಗಣ್ಯೆರ್ನ ಉಪಸ್ಥಿತಿಡ್ ಉದಿಪನ ಆಂಡ್.‌ ಸಂದೇಶ್‌ ಮದ್ದಡ್ಕ ಪ್ರಾಸ್ತಾವಿಕವಾದ್‌ ಪಾತೆರಿಯೆರ್‌.
ಕಾರ್ಯಕ್ರಮಡ್ ಭಜನಾ ಮಂಡಳಿದ ಗುರ್ಕಾರೆ ನಾರಾಯಣ ಪೂಜಾರಿ, ಭಜನಾ ಮಂಡಳಿ ಮಾಜಿ ಅಧ್ಯಕ್ಷೆರ್ ಸಂಕಪ್ಪ ನಾಯ್ಕ್ , ಹೊಸಂಗಡಿ ಗ್ರಾ.ಪಂ. ಉಪಾಧ್ಯಕ್ಷ ಶಾಂತ ಕೃಷ್ಣಪ್ಪ, ವೇಣೂರು ಗ್ರಾ.ಪಂ ಉಪಾಧ್ಯಕ್ಷೆ ಪುಷ್ಪ ಬೊಕ್ಕ ಭಜನಾ ಸದಸ್ಯೆರ್, ಪೋಷಕೆರ್ ಬೊಕ್ಕ ಶ್ರೀ ಮಂಜುನಾಥೇಶ್ವರ ಭಜನಾ ಮಂಡಳಿದ ಸರ್ವ ಸದಸ್ಯೆರ್‌ ಇತ್ತೆರ್.

ಚಾರ್ಮಾಡಿ ಘಾಟಿ ರೋಡ್, 490 ಕೋಟಿ ಕರ್ಚಿಡ್ ಅಭಿವೃದ್ಧಿ

ಚಾರ್ಮಾಡಿ ಘಾಟಿನ್ 490 ಕೋಟಿ ರೂ. ಕರ್ಚ್ ಮಲ್ತ್ ಅಭಿವೃದ್ಧಿ ಮಲ್ಪರೆ ಕೇಂದ್ರ ಒತ್ತೊಂದುಂಡ್. ಚಾರ್ಮಾಡಿ ಘಾಟಿ ಚಿಕ್ಕಮಗಳೂರು ವಿಭಾಗೊಡು 25 ಕಿಮೀ ಅಂಚೆನೆ ಕುಡ್ಲ ವಿಭಾಗೊಡು 11.20 ಕಿಮೀ ತಾದಿ ಅಭಿವೃದ್ಧಿ  ❌ಆವರೆ ಉಂಡು.
ಉಂದೆಕ್ ಚಾರ್ಮಾಡಿ  ಪಲ್ಲರ್ದ್ ಘಾಟಿದ 11ನೇ ತೆಲವು ಮುಟ್ಟ 11.2 ಕಿಮೀ ವ್ಯಾಪ್ತಿದ ತಾದಿಗ್ ಡಿಪಿಆರ್ ವರದಿ ಕೊರಿಯರೆ ಸೂಚನೆ ಮಲ್ತ್‌ದೆರ್.‌ 2019ದ ಬರ್ಸೊಗು ಗುಡ್ಡೆ ಮಗ್‌ರ್‌ದ್ ಅಲ್ಪ ಗಾಡಿ ಕೊನೊವರೆ ಆವಂದಿನ ಪರಿಸ್ಥಿತಿ ಇತ್ತ್ಂಡ್. ಅವೆರ್ದ್ ಬೊಕ್ಕ ಕೆಲವು ತಿಂಗೊಲು ಗಾಡಿಗ್ ಪೋವಂದಿಲೆಕ್ಕ ನಿರ್ಬಂಧ ಇತ್ತ್ಂಡ್. ಅವೆರ್ದ್ ಬೊಕ್ಕ ಸುಮಾರ್ ಬುಲೆಚ್ಚಿಲ್ ಆಂಡಲ ಮಲ್ಲ ಗಾಡಿಲು ಇತ್ತೆಲಾ ಸಮಗಟ್ಟ್ ಪೋವರೆ ಆಪುಜಿ. ಈ ಸಲ ಕುಡ್ಲರ್ದ್ ಚಾರ್ಮಾಡಿ ಘಾಟಿ ಮುಟ್ಟ 90 ಕಿಮೀ ತಾದಿ ಪತ್ತ ಅಭಿವೃದ್ದಿ ಆಪಿನ ನಿರೀಕ್ಷೆ ಉಂಡು.

ಮುಗ್ಗ ಗುತ್ತು ಇಲ್ಲಡ್ ಸ್ಪಂದನಾ ನೆಂಪು

ಬೋಲ್ತೆರ್: ತುಳುನಾಡ ಸಂಸ್ಕೃತಿದಂಚ ಹೆರಾಜೆ ಕುಟುಂಬದ ಮೂಲ ಕ್ಷೇತ್ರ ಮುಗ್ಗ ಗುತ್ತುಡ್ ಅ.13 ದಾನಿ ದಿ. ಸ್ಪಂದನ ಮೇರ್‌ನ ಆತ್ಮನ್ ಹಿರಿಯಕ್ಲೆನ ಒಟ್ಟಿಗೆ ಸೇರ್ಪಾವುನ ಕಾರ್ಯಕ್ರಮ ನಡತ್‌ಂಡ್.
ಶೇಖರ ಬಂಗೇರ ನೇತೃತ್ವಡ್ ಪ್ರಶಾಂತ್ ಕಾಂಡೆತ್ಯಾರು, ದಿನೇಶ್ ಮೇರೆನ ಸಹಕಾರದೊಟ್ಟಿಗೆ ಪೂಜಾ ವಿಧಿ ವಿಧಾನನ್ ನಡಪಾದ್‌ ಕೊರಿಯೆರ್.‌
ಈ ಕಾರ್ಯಕ್ರಮಡ್ ದಿ. ಸ್ಪಂದನಾ ಕಂಡನಿ ಚಲನಚಿತ್ರ ನಟ ವಿಜಯ ರಾಘವೇಂದ್ರ, ಮಗೆ ಶೌರ್ಯ ವಿಜಯ ರಾಘವೇಂದ್ರ, ಬಿ.ಕೆ.ಶಿವರಾಂ ಕುಟುಂಬಸ್ಥೆರ್, ಸಿನೆಮಾ ನಿರ್ಮಾಪಕೆರ್ ಸಿ.ಎಸ್.ಎ ಚಿನ್ನೇ ಗೌಡ, ರಕ್ಷಿತ್ ಶಿವರಾಂ, ರಾಜು ಪೂಜಾರಿ ಕಾಶಿಪಟ್ಟಣ, ಭಗೀರಥ ಜಿ., ಯೋಗೇಶ್ ಕುಮಾರ್ ನಡಕರ, ಗಂಗಾಧರ ಮಿತ್ತಮಾರು, ಸತೀಶ್ ಬಂಗೇರ ಕಾಶಿಪಟ್ನ, ನಾಗೇಶ್ ಗೌಡ, ಡಾ.ರಾಜಾರಾಮ್, ಸುಭಾಷ್ ರೈ, ರಮೇಶ ಬಂಗೇರ ಪ್ರವೀಣ್ ಫರ್ನಾಂಡಿಸ್, ಜಯ ವಿಕ್ರಂ ಕಲ್ಲಾಪು, ತುಕಾರಾಮ ಬಂಗೇರ, ಚಂದ್ರಶೇಖರ ಪೂಜಾರಿ ನಾರಾಯಣ ಮಚ್ಚಿನ, ಜಗನ್ನಾಥ್ ಬಂಗೇರ ಮುಗ್ಗ, ಹೆರಾಜೆ ಕುಟುಂಬದ ಪೀತಾಂಬರ ಹೆರಾಜೆ, ಮಿತ್ರ ಹೆರಾಜೆ ಕುಟುಂಬಸ್ಥೆರ್ ಬೊಕ್ಕ ತಾಲೂಕುದ ಗಣ್ಯೆರ್‌ ಈ ಪೊರ್ತುಡು ಇತ್ತೆರ್.

ಕರ್ನಾಟಕ ರಾಜ್ಯ ದೈಹಿಕ ಶಿಕ್ಷಣ ಶಿಕ್ಷಕರ ಸಂಘದ ಕ್ರೀಡಾ ಕಾರ್ಯದರ್ಶಿಯಾದ್ ಕೃಷ್ಣಾನಂದ ರಾವ್

ಬೋಲ್ತೆರ್ : ಕರ್ನಾಟಕ ರಾಜ್ಯ ದೈಹಿಕ ಶಿಕ್ಷಣ ಶಿಕ್ಷಕರ ಸಂಘದ ರಾಜ್ಯ ಕ್ರೀಡಾ ಕಾರ್ಯದರ್ಶಿಯಾದ್ ಬೆಳಾಲು ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಪ್ರೌಢಶಾಲಾ ದೈಹಿಕ ಶಿಕ್ಷಣ ಶಿಕ್ಷಕ, ತಾಲೂಕು ದೈಹಿಕ ಶಿಕ್ಷಣ ಶಿಕ್ಷಕ ಸಂಘದ ಗುರ್ಕಾರ್ಲು ಕೃಷ್ಣಾನಂದ ರಾವ್ ಮೇರೆನ್ ರಾಜ್ಯ ಸಂಘದ ಗುರ್ಕಾರ್ಲು ಚೌಡಪ್ಪ ಬೊಕ್ಕ ಪ್ರಧಾನ ಕಾರ್ಯದರ್ಶಿ ಕೆ. ಜಿ. ಚಂದ್ರಶೇಖರ ನೇಮಕ ಮಲ್ತ್ ಆದೇಶ ಕೊರ್ತೆರ್.‌

ಜಿಲ್ಲಾ ಸಂಘದ ಕಾರ್ಯಕಾರಿ ಸಮಿತಿದ ಶಿಫಾರಸ್ಸ್‌ದ ಮಿತ್ತ್‌ ಸಂಘಟನೆ ಹಿತದೃಷ್ಟಿರ್ದ್‌ ಆಯ್ಕೆ ಮಲ್ತ್‌ದೆರ್.