ಬೊಲ್ತೆರ್ ಸುದ್ದಿ | Belthangady News

ಧರ್ಮಸ್ಥಳದ ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆರೆಗ್ ಅಸ್ಸಾಂ ಮುಖ್ಯಮಂತ್ರಿರ್ದ್‌ ಮಾನಾದಿಗೆ

ಧರ್ಮಸ್ಥಳ: ಅಸ್ಸಾಂ ಪ್ರವಾಸಡ್‌ ಇಪ್ಪುನ ಧರ್ಮಸ್ಥಳದ ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆ ಮೇರೆಗ್ ಅಸ್ಸಾಂ ಮುಖ್ಯಮಂತ್ರಿ ಹಿಮಾಂತ ಬಿಸ್ವ ಶರ್ಮ ಎದ್ಕೊಂದು ಮಾನಾದಿಗೆನ್‌ ಮಲ್ತೆರ್.‌ ಈ ಪೊರ್ತುಡಡು ವೀರೇಂದ್ರ ಹೆಗ್ಗಡೆರ್ನ ಸಹೋದರೆ ಡಿ. ಸುರೇಂದ್ರ ಕುಮಾರ್ ಇತ್ತೆರ್.

ಕೌಕ್ರಾಡಿ ದುರ್ಗಾಪರಮೇಶ್ವರಿ ದೇವಿ ಸನ್ನಿಧಿಡ್‌ ನವರಾತ್ರಿ ಉಚ್ಚಯ

ಕೌಕ್ರಾಡಿ: ತ್ರಿಗುಣಾತ್ಮಿಕ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನಡ್‌ ಅ.15 ರ್ದ್‌ 24 ಮುಟ್ಟ ನವರಾತ್ರಿ ಉಚ್ಚಯ ನಡಪೆರೆ ಉಂಡು. ಈ ಪೊರ್ತುಡು ಪ್ರತಿದಿನ ಬಯ್ಯ 6.30 ರ್ದ್‌ ರಂಗಪೂಜೆ ಬೊಕ್ಕ ಪ್ರತಿ ಅಂಗಾರೆ ಬೊಕ್ಕ ಶುಕ್ರವಾರ ದುರ್ಗಾಪೂಜೆ ಬೊಕ್ಕ ಮಹಾಪೂಜೆ, ಅ.16 ದಾನಿ ರಜತ ಕವಚ ಸಮರ್ಪಣೆ ಬೊಕ್ಕ ಚಂಡಿಕಾಯಾಗ ನಡಪೆರೆ ಉಂಡು.

ಅಂಚಾದ್‌ ಭಕ್ತೆರ್‌ ತನು-ಮನ-ಧನದೊಟ್ಟಿಗೆ ಸಹಕರಿಸಾದ್‌ ದೇವಿನ ಅನುಗ್ರಹಗ್‌ ಪಾತ್ರರಾವೊಡು ಪಂದ್‌ ಆಡಳಿತ ಮಂಡಳಿದಕುಲ್‌ ತೆರಿಪಾದೆರ್.‌ ಅಂಚನೆ ಪ್ರತಿದಿನ ಮಧ್ಯಾಹ್ನ ಬೊಕ್ಕ ರಾತ್ರೆ ಅನ್ನಸಂತರ್ಪಣೆಲ ನಡಪುಂಡು.

ಉಜಿರೆ ಎಸ್‌ಡಿ.ಎಂ.ಕಾಲೇಜ್‌ ಎನ್.ಎಸ್.ಎಸ್. ಘಟಕಗ್ ರಾಜ್ಯ ಪ್ರಶಸ್ತಿ‌

ಉಜಿರೆ: ಉಜಿರೆದ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಸ್ವಾಯತ್ತ ಕಾಲೇಜ್‌ದ ರಾಷ್ಟ್ರೀಯ ಸೇವಾ ಯೋಜನಾ ಘಟಕ ಬೊಕ್ಕ ಕಾರ್ಯಕ್ರಮಾಧಿಕಾರಿ ಡಾ. ಲಕ್ಷ್ಮೀನಾರಾಯಣ ಕೆ. ಎಸ್. ಮೇರೆಗ್ ಎನ್ನೆಸ್ಸೆಸ್ ರಾಜ್ಯ ಪ್ರಶಸ್ತಿ ತಿಕ್ಕ್‌ದ್‌ಂಡ್. ಬೆಂಗಳೂರುದ ರಾಜ್ಯಪಾಲೆರ್ನ ರಾಜಭವನಡ್‌ ನಡತ್ತಿನ ಪ್ರಶಸ್ತಿ ಪ್ರದಾನ ಸಮಾರಂಭಡ್ ಕಾಲೇಜ್‌ದ ಪ್ರಿನ್ಸಿಪಾಲ್ ಡಾ.ಬಿ.ಎ.ಕುಮಾರ್ ಹೆಗ್ಡೆ ಬೊಕ್ಕ ಎನ್.ಎಸ್ ಎಸ್ ಅಧಿಕಾರಿ .ಲಕ್ಷ್ಮೀನಾರಾಯಣ್ ಕೆ ಎಸ್. ಪ್ರಶಸ್ತಿ ಸ್ವೀಕಾರ ಮಲ್ತೆರ್.‌
ಕಾಲೇಜ್‌ದ ಎನ್ನೆಸ್ಸೆಸ್ ಘಟಕ ಇಡೆಮುಟ್ಟ 10 ಸರ್ತಿ, ಕಾರ್ಯಕ್ರಮ ಅಧಿಕಾರಿಲೆಗ್ 10 ಸರ್ತಿ ಬೊಕ್ಕ ಕಲ್ಪಾರ್ಥಿಲೆಗ್ 6 ಸರ್ತಿ ರಾಜ್ಯ ಪ್ರಶಸ್ತಿ ತಿಕ್ಕ್‌ದ್‌ಂದ್. ಒಂಜಿ ಸರ್ತಿ ಇಂದಿರಾ ಗಾಂಧಿ ಎನ್ನೆಸ್ಸೆಸ್ ರಾಷ್ಟ್ರ ಪ್ರಶಸ್ತಿ ತಿಕ್ಕ್‌ದ್‌, ಪ್ರಸ್ತುತ ಪ್ರಿನ್ಸಿಪಾಲ್ ಡಾ. ಕುಮಾರ್ ಹೆಗ್ಡೆ ಮೇರೆಗ್ ರಾಷ್ಟ್ರ ಮಟ್ಟದ ಪ್ರಶಸ್ತಿ ತಿಕ್ಕ್‌ದ್‌ಂಡ್.

ಸೌತಡ್ಕ ಕ್ಷೇತ್ರಗ್ ರಾಜ್ಯ ಧಾರ್ಮಿಕ ಪರಿಷತ್ ಸದಸ್ಯೆರ್ ಮಲ್ಲಿಕಾ ಪ್ರಶಾಂತ್ ಪಕ್ಕಳ ಭೇಟಿ

ಕೊಕ್ಕಡ: ರಾಜ್ಯ ಧಾರ್ಮಿಕ ಪರಿಷತ್ ಸದಸ್ಯೆ ಮಲ್ಲಿಕಾ ಪ್ರಶಾಂತ್ ಪಕ್ಕಳ ಬೊಕ್ಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲು ದಯಾನಂದ ಕತ್ತಲ್ ಸಾರ್ ಸೌತಡ್ಕ ಶ್ರೀ ಮಹಾಗಣಪತಿ ಕ್ಷೇತ್ರಗ್ ಬುಧವಾರ ದಾನಿ ಭೇಟಿ ಕೊರಿಯೆರ್.‌
ಈ ಪೊರ್ತುಡು ದೇವಸ್ಥಾನ ಸಮಿತಿದ ಗುರ್ಕಾರ್ಲು ಹರೀಶ್ ರಾವ್ ಮುಂಡ್ರುಪಾಡಿ, ಸದಸ್ಯೆರಾಯಿನ ಪುರಂದರ ಕಡಿರ, ಕ್ಷೇತ್ರದ ಅರ್ಚಕೆರ್ ಬೊಕ್ಕ ಸಿಬ್ಬಂದಿಲು ಇತ್ತೆರ್. ಕ್ಷೇತ್ರದ ಪರವಾದ್‌ ಗುರ್ಕಾರ್ಲು ಮೊಕ್ಲೆಗ್‌ ಶಾಲ್‌ ಪಾರ್ದ್‌ ಮಾನಾದಿಗೆ ಮಲ್ತೆರ್‌.

ವೇಣೂರು: ಶ್ರೀ ಶಾರದಾ ಸೇವಾ ಟ್ರಸ್ಟ್‌ ಮುತಾಲಿಕೆಡ್‌ ಶಾರದೋತ್ಸವ

ವೇಣೂರು: ಶ್ರೀ ಶಾರದಾ ಸೇವಾ ಟ್ರಸ್ಟ್‌ ಬೊಕ್ಕ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ ವೇಣೂರು ನೆತ್ತ ಒಟ್ಟು ಸೇರಿಗೆಡ್‌ ಅ.22 ಬೊಕ್ಕ 23 ದಾನಿ 19 ನೇ ವರ್ಷದ ಸಾರ್ವಜನಿಕ ಶ್ರೀ ಶಾರದೋತ್ಸವ ವೇಣೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡ್‌ ನಡಪೆರೆ ಉಂಡು. ಲೇಸ್‌ದ ಉದಿಪನನ್‌ ಅರ್ವ ಶ್ರೀ ಸತ್ಯದೇವತಾ ದೇವಸ್ಥಾನದ ಅನುವಂಶಿಕ ಆಡಳಿತ ಮೊಕ್ತೇಸರೆರ್‌ ಶಿವಪ್ರಸಾದ್‌ ಅಜಿಲೆರ್‌ ಮಲ್ಪೆರೆ ಉಲ್ಲೆರ್.‌
ವೇಣೂರು ಮಹಾಲಿಂಗೇಶ್ವರ ದೇವಸ್ಥಾನ ವ್ಯವಸ್ಥಾಪನ ಸಮಿತಿದ ಗುರ್ಕಾರ್ಲು ಪಿ.ಎನ್‌. ಪುರುಷೋತ್ತಮ ರಾವ್‌, ಗೌರಮ್ಮ ಬೊಕ್ಕ ಜೋಕುಲು ವೇಣೂರು, ಮಡಂತ್ಯಾರು ಪ್ರಾ.ಕೃ.ಸ.ಸಂಘದ ಗುರ್ಕಾರ್ಲು ಅರವಿಂದ ಜೈನ್‌, ನಿವೃತ್ತ ಉಪವಿಭಾಗಧಿಕಾರಿ ಕಂದಾಯ ಇಲಾಖೆ ಅಚ್ಚುತ ಪೂಜಾರಿ, ವಸಂತ ಪೂಜಾರಿ ಎನ್‌, ಮಂಜಿಲ, ವೇಣೂರು ವಲಯ ಅರಣ್ಯಾಧಿಕಾರಿ ಸುಬ್ರಹ್ಮಣ್ಯ ಆಚಾರ್‌, ವೇಣೂರು ಪ್ರಾ.ಕೃ.ಪ.ಸ.ಸ ಗುರ್ಕಾರ್ಲು ಸುಂದರ ಹೆಗ್ಡೆ, ಮಾಜಿ ಜಿ.ಪಂ ಸದಸ್ಯೆರ್‌ ಶೇಖರ್‌ ಕುಕ್ಕೇಡಿ, ಮಾಜಿ ತಾ.ಪಂ ಸದಸ್ಯೆರ್‌ ವಿಜಯ ಗೌಡ, ಕುಕ್ಕೇಡಿ ಗ್ರಾ.ಪಂ ಸದಸ್ಯೆರ್‌ ಗುಣವತಿ ಡಿ, ಕರಾವಳಿ ಪ್ರಾಧಿಕಾರದ ಮಾಜಿ ಸದಸ್ಯೆರ್‌ ರಾಜಶೇಖರ ಶೆಟ್ಟಿ, ವಸಂತ ಕೋಟ್ಯಾನ್‌, ಬೋಲ್ತೆರ್‌ ಉಪ ತಹಶೀಲ್ದಾರ್‌ ಶಂಕರ ಸಂಕಲಿಕೆ, ಗಣೇಶ್‌ ನಾರಾಯಣ ಪಂಡಿತ್‌ ಮೂಡುಕೋಡಿ, ಕುಡ್ಲ ಎಂ.ಸಿ.ಎಫ್‌ ನಿವೃತ್ತ ಅಧಿಕಾರಿ ಜಯರಾಮ ಕಾರಂದೂರು ಪಾಲ್‌ ಪಡಯೆರೆ ಉಲ್ಲೆರ್.‌

ಅ.23 ದಾನಿ ಧಾರ್ಮಿಕ ಸಭೆತ ಗುರ್ಕಾರ್ಮೆನ್‌ ಬೋಲ್ತೆರ್‌ ಶಾಸಕೆರ್‌ ಹರೀಶ್‌ ಪೂಂಜ ವಹಿಸೊನಿಯೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್‌ ಬೆಸ್ಟ್‌ ಫೌಂಡೇಶನ್‌ ಸ್ಥಾಪಕಾಧ್ಯಕ್ಷೆರ್‌ ರಕ್ಷಿತ್‌ ಶಿವರಾಂ, ಪುತ್ತೂರು ಶಾಸಕೆರ್‌ ಅಶೋಕ್‌ ಕುಮಾರ್‌ ರೈ, ರಾಜ್ಯ ಧಾರ್ಮಿಕ ಪರಿಷತ್‌ ಸದಸ್ಯೆರ್‌ ಮಲ್ಲಿಕಾ ಪ್ರಶಾಂತ್‌ ಪಕ್ಕಳ, ಬಿನ್ನೆರಾದ್‌ ಕಾಶಿಪಟ್ಣ ಗ್ರಾ.ಪಂ ದ ಗುರ್ಕಾರ್ಲು ಸತೀಶ್‌ ಕಾಶಿಪಟ್ಣ, ವೇಣೂರು ಗ್ರಾ.ಪಂ.ದ ಗುರ್ಕಾರ್ಲು ನೇಮಯ್ಯ ಕುಲಾಲ್‌, ವೇಣೂರು ಮಹಾಲಿಂಗೇಶ್ವರ ದೇವಸ್ಥಾನ ವ್ಯವಸ್ಥಾಪನಾ ಸಮಿತಿದ ಮಾಜಿ ಗುರ್ಕಾರ್ಲು ಎ. ಜಯರಾಮ ಶೆಟ್ಟಿ, ಗ್ರಾಮೀಣ ಬ್ಲಾಕ್‌ ಕಾಂಗ್ರೆಸ್‌ ಸಮಿತಿದ ಗುರ್ಕಾರ್ಲು ನಾಗೇಶ್‌ ಕುಮಾರ್‌ ಗೌಡ, ರಾಜ್ಯ ಸರಕಾರಿ ನೌಕರರ ಸಂಘದ ಸ್ಥಾಪಕಾಧ್ಯಕ್ಷೆರ್‌ ಜಯಕೀರ್ತಿ ಜೈನ್‌, ಆನಂದ ಶೆಟ್ಟಿ, ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಡಾ| ಬಿ.ಕೆ ಮೋನಪ್ಪ ಆಚಾರ್ಯ, ಆರಂಬೋಡಿ ಗ್ರಾ.ಪಂ ಸದಸ್ಯೆರ್‌ ಸುದರ್ಶನ ಶೆಟ್ಟಿ ಪಾಲ್‌ ಪಡೆಯೆರೆ ಉಲ್ಲೆರ್.‌ ಸಾಧಕೆರಾಯಿನ ನಾಟಿ ವೈದ್ಯೆರ್‌ ಬೇಬಿ ಪೂಜಾರಿ, ಡ್ಯಾನ್ಸ್‌ ಕರ್ನಾಟಕ ಡ್ಯಾನ್ಸ್‌ ಸೀಸನ್‌-7 ಸ್ಪರ್ಧಿ ಆಪ್ತಿ ಪೂಜಾರಿ, ಸಿ.ಎ ಪರೀಕ್ಷೆಡ್‌ 10ನೇ ರಾಂಕ್‌ ಪಡೆಯಿನ ದೀಪಕ್‌ ಹೆಗ್ಡೆ ಮೊಕ್ಲೆಗ್‌ ಈ ಪೊರ್ತುಡು ಮಾನಾದಿಗೆ ನಡಪರೆ ಉಂಡು.

ಬಿಸತ್ತಿ ತೋಜಿಪಾದ್ ಜೀವ ಬೆದರಿಕೆ ಪಾಡಿನ ಆರೋಪಿ ಅರೆಸ್ಟ್‌

ಬೋಲ್ತೆರ್: ವೇಣೂರು ಶ್ರೀ ಬಾಹುಬಲಿ ಕ್ಷೇತ್ರದ ಪರಿಸರಡ್ ಅ.11 ದಾನಿ ಬಯ್ಯಗ್ ಮಹಾಮಸ್ತಕಾಭಿಷೇಕದ ಪ್ರಯುಕ್ತ ಜಿನ ಭಜನಾ ಸ್ಪರ್ಧೆಗ್ ತರಬೇತಿ ದೆತೊಂದಿಪ್ಪುನಗ ವ್ಯಕ್ತಿಯೊರಿ ಜಾಗೆಗ್‌ ಬತ್ತ್‌ದ್‌ ಬೊರ್ಚಾಂದಿನ ಶಬ್ದಡ್‌  ನೆರ್ದ್ ಬಿಸತ್ತಿ ತೊಜಪಾದ್ ಜೀವ ಬೆದರಿಕೆ ಪಾಡ್‌ದೆ ಪಂದ್ ವೇಣೂರು ಪೊಲೀಸ್‌ ಠಾಣೆಡ್‌ ಕೇಸ್ ದಾಖಲಾತ್‌ಂಡ್.
ಮುಂಡೂರು ಆನಂದ ಆಚಾರ್ಯ (38) ಅರೆಸ್ಟ್‌ ಆಯಿನ ಆರೋಪಿ. ವೇಣೂರು ಬಾಹುಬಲಿ ಕ್ಷೇತ್ರಡ್ ವಲಯ ಮಟ್ಟದ ಜಿನ ಭಜನಾ ಸ್ಪರ್ಧೆಗ್‌ ಪೊಂಜೊಕುಲ್, ಜೋಕುಲ್‌ ಸೇರ್ದ್ ಸುಮಾರ್ 70 ಜನ ಅಭ್ಯಾಸ ಮಲ್ತೊಂದು ಇತ್ತೆರ್‌. ಈ ಪೊರ್ತುಡು ಅಡೆಗ್‌ ಪೋದ್‌ ಬಿಸತ್ತಿ ತೊಜಪಾದ್ ಬೊಬ್ಬೆ ಪಾಡ್ದ್ ಬೆದರಿಕೆ ಪಾಡ್ನಗ ಕೂಡ್ಲೆ ಕೈತಲ್‌ ದಕುಲ್‌ ಬತ್ತ್‌ದ್‌ ವೇಣೂರು ಠಾಣೆಗ್‌ ಮಾಹಿತಿ ಕೊರಿಯೆರ್. ಜಾಗೆಗ್‌ ಪೊಲೀಸೆರ್‌ ಬತ್ತ್‌ದ್‌ ಬಿಸತ್ತಿನ್‌ ದೆತೊಂದು ಆರೋಪಿನ್‌ ಅರೆಸ್ಟ್‌ ಮಲ್ತ್‌ ಕೇಸ್‌ ದಾಖಲ್‌ ಮಲ್ತೊಂದೆರ್.

ಬೋಲ್ತೆರ್ ತಹಶೀಲ್ದಾರ್ ಟಿ.ಸುರೇಶ್ ಕುಮಾರ್ ಟ್ರಾನ್ಸ್ ಫರ್

ಬೋಲ್ತೆರ್: ಬೋಲ್ತೆರ್ ತಹಶೀಲ್ದಾರ್ ಟಿ.ಸುರೇಶ್ ಕುಮಾರ್ ಚಿತ್ರದುರ್ಗದ ಭಾರತೀಯ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ಎನ್.ಎಚ್ 48 ಗ್‌ ಟ್ರಾನ್ಸ್‌ಪರ್‌ ಆತೆರ್. ಮೇರ್‌ ವೋಟ್‌ದ ಟೈಮ್‌ಡ್ ಬೋಲ್ತೆರ್‌ಗ್‌ ಟ್ರಾನ್ಸ್‌ಪರ್‌ ಆದ್ 7 ತಿಂಗೊಲ್‌ ಬೇಲೆ ಮಲ್ತ್‌ದ್‌ ಇತ್ತೆ ಚಿತ್ರದುರ್ಗಗ್‌ ಟ್ರಾನ್ಸ್‌ಪರ್‌ ಆತೆರ್‌.

ಗೇರುಕಟ್ಟೆ: ಎರುಕಡಪ್ಪು ಅಂಗನವಾಡಿ ಕೇಂದ್ರದ ಜಾಗ ಅತಿಕ್ರಮಣ: ಕೇಸ್‌ ದಾಖಲ್

ಗೇರುಕಟ್ಟೆ: ಕಳಿಯ ಗ್ರಾಮ ಪಂಚಾಯತ್ ವ್ಯಾಪ್ತಿದ ಕಳಿಯ ಗ್ರಾಮದ ಎರುಕಡಪ್ಪು ಅಂಗನವಾಡಿ, ಕಲ್ಕುರ್ಣಿ ಕಡೆಕ್ಕ್‌ ಪೋಪುನ ಕೈತಲ್‌ ಇಪ್ಪುನ ಅಂಗನವಾಡಿಗ್‌ ಸಂಬಂಧಪಟ್ಟಿನ ಸರ್ವೆ ನಂಬ್ರ 70/1B ರಲ್ಲಿ 0.30 ಸೆಂಟ್ಸ್ ಜಾಗದ ಗಡಿ ಗುರುತು ಮಲ್ತ್‌ ಇತ್ತೆರ್.‌ ಕೈತಲ್‌ಡ್ 0.52 ಸೆಂಟ್ಸ್ ಸರಕಾರಿ ಖಾಲಿ ಜಾಗನ್ ಪೋಷಣಾ ಅಭಿಯಾನಗ್‌ ಮೀಸಲ್‌ ದೀದ್‌ ಇತ್ತೆರ್.
ಈ ಮೀಸಲ್‌ ದೀತಿನ ಜಾಗನ್ ಜೆ.ಸಿ.ಬಿ. ದ ಮುಖೇನ ಸ್ಥಳೀಯ ನಿವಾಸಿ ರಝಾಕ್ s/o ಬಾವುಂಞಿ ಕಲ್ಕುರ್ಣಿ ಅತಿಕ್ರಮಣ ಮಲ್ತ್ ಸಮತಟ್ಟು ಮಲ್ತ್‌ದೆರ್.‌ ಈ ಬಗ್ಗೆ ಸಾರ್ವಜನಿಕೆರ್ ಬೊಕ್ಕ ಅಂಗನವಾಡಿ ಬಾಲ ವಿಕಾಸ ಸಮಿತಿ ವತಿರ್ದ್‌ ಆಕ್ಷೇಪ ಪಾರ್ದ್ ಈ ದುಂಬುಲ ದಾಖಲೆ ಇತ್ತಿನ ಈ ಜಾಗನ್ ಅತಿಕ್ರಮಣ ಮಲ್ತಿನ ಬಗ್ಗೆ ವಿರೋಧ ವ್ಯಕ್ತಪಡಿಸಾದ್ ತಹಶೀಲ್ದಾರರೆಗ್ ಬೊಕ್ಕ ಪೊಲೀಸ್ ಠಾಣೆಗ್ ದೂರು ಕೊರ್ತೆರ್.‌ ತಹಶೀಲ್ದಾರರು ದೂರ್‌ನ್ ತೂದ್ ಕೂಡ್ಲೆ ತನಿಖೆ ಮಲ್ತ್‌ದ್ ವರದಿ ಕೊರಿಯೆರೆ ಕಂದಾಯ ಅಧಿಕಾರಿಲೆಗ್ ನೋಟಿಸ್‌ ಕೊರ್ತೆರ್.

ಅ.29: ಅರಸಿನಮಕ್ಕಿಡ್‌ ಪ್ರತಿಭಾ ಪುರಸ್ಕಾರ, ಸಾಧಕೆರೆಗ್‌ ಮಾನಾದಿಗೆ

 ಶ್ರೀ ಗುರು ನಾರಾಯಣ ಸ್ವಾಮಿ ಸೇವಾ ಸಂಘ ಅರಸಿನಮಕ್ಕಿ, ಹತ್ಯಡ್ಕ, ಶಿಶಿಲ, ಶಿಬಾಜೆ, ರೆಖ್ಯಾ ನೆತ್ತ ಒಟ್ಟು ಸೇರಿಗೆಡ್‌ ಬ್ರಹ್ಮಶ್ರೀ ನಾರಾಯಣ ಗುರುಕುಲೆನ 169ನೇ ಪುಟ್ಟುದಿನ ದಿನತ ಪ್ರಯುಕ್ತ ಶ್ರೀ ಗುರುಪೂಜೆ ಬೊಕ್ಕ ಪ್ರತಿಭಾ ಪುರಸ್ಕಾರ, ಸಾಧಕೆರೆಗ್‌ ಮಾನಾದಿಗೆ ಲೇಸ್‌ ಅ.29 ದಾನಿ ಅರಸಿನಮಕ್ಕಿ ಶ್ರೀ ಗುರುನಾರಾಯಣ ಮಂದಿರಡ್‌ ನಡಪರೆ ಉಂಡು.
ಲೇಸ್‌ದ ಸಭಾಧ್ಯಕ್ಷತೆನ್‌ ಅರಸಿನಮಕ್ಕಿ ಶ್ರೀ ಗುರುನಾರಾಯಣ ಸೇವಾ ಸಂಘದ ಗುರ್ಕಾರ್ಲು ವಿಶ್ವನಾಥ ಪೂಜಾರಿ ವಹಿಸೊನಿಯೆರೆ ಉಲ್ಲೆರ್.‌ ಮಲ್ಲ ಬಿನ್ನೆರಾದ್‌ ಬೋಲ್ತೆರ್‌ ಶ್ರೀ ಗುರುನಾರಾಯಣ ಸೇವಾ ಸಂಘದ ಗುರ್ಕಾರ್ಲು ಚಿದಾನಂದ ಪೂಜಾರಿ ಎಲ್ದಕ್ಕ, ಯುವ ಬಿಲ್ಲವ ವೇದಿಕೆದ ಗುರ್ಕಾರ್ಲು ನಿತೀಶ್‌ ಹೆಚ್‌ ಕೋಟ್ಯಾನ್‌, ಯುವವಾಹಿನಿ ಬೋಲ್ತೆರ್‌ ಘಟಕದ ಗುರ್ಕಾರ್ಲು ಅಶ್ವತ್‌ ಕುಮಾರ್‌ ಪಾಲ್‌ ಪಡೆಯೆರೆ ಉಲ್ಲೆರ್.‌ ಬಿನ್ನೆರಾದ್‌ ಅರಸಿನಮಕ್ಕಿ ಶ್ರೀ ಗು.ನಾ.ಸೇ.ಸಂಘದ ಮಾಜಿ ಗುರ್ಕಾರ್ಲುಲಾಯಿನ ಸತೀಶ್‌ ಪೂಜಾರಿ ಬೂಡ್ದಮಕ್ಕಿ, ಸುಂದರ ಪೂಜಾರಿ, ಗುರುವೇವ ಬ್ಯಾಂಕ್‌ ಶಾಖಾ ವ್ಯವಸ್ಥಾಪಕೆರ್‌ ಜಗದೀಶ್‌, ಉದ್ಯಮಿಲು ಸದಾಶಿವನ್‌ ಟಿ.ಕೆ, ಗುರುದೇವನ್‌ ಟಿ.ಕೆ, ಲಲಿತಾ ಎಲ್ಯಣ್ಣ ಪೂಜಾರಿ ಓಟ್ಲ, ಶಿಬಾಜೆ ಚಿನ್ನಯ್ಯ ಪೂಜಾರಿ, ವಿಜಯನ್‌ ಬಂಗೇರಡ್ಕ, ಈರಪ್ಪ ಪೂಜಾರಿ, ಎಸ್‌ ರವಿ ಬೆಂಗ್ಲೂರು, ಮಾಲತಿ ಈ ಪೊರ್ತುಡು ಪಾಲ್‌ ಪಡೆಯರೆ ಉಲ್ಲೆರ್.