ಬೊಲ್ತೆರ್ ಸುದ್ದಿ | Belthangady News

ಬೋಲ್ತೆರ್ ಬಿಜೆಪಿರ್ದ್ ಕರ್ನಾಟಕ ಸರಕಾರದ ಜನ ವಿರೋಧಿ ನೀತಿನ್ ಖಂಡಿಸಾದ್ ಬೃಹತ್ ಪ್ರತಿಭಟನೆ‌

ಬೋಲ್ತೆರ್: ಭಾರತೀಯ ಜನತಾ ಪಕ್ಷ ಬೋಲ್ತೆರ್ ಮಂಡಲದ ವತಿರ್ದ್ ಕರ್ನಾಟಕ ಸರಕಾರದ ಜನ ವಿರೋಧಿ ಆಡಳಿತದ ವಿರುದ್ಧ ಅ.18 ದಾನಿ ಮಿನಿ ವಿಧಾನ ಸೌಧದ ಎದುರು ಬೃಹತ್ ಪ್ರತಿಭಟನೆ ನಡಪಾದ್ ರಾಜ್ಯದ ಕಾಂಗ್ರೆಸ್ ನೇತೃತ್ವದ ಸರಕಾರ ಭಾರಿ ಭ್ರಷ್ಟಚಾರ ಮಲ್ತೊಂದು ಉಂಡು, ಸಚಿವೆರ್ನ ಆಪ್ತ ಗುತ್ತಿಗೆದಾರೆರ್ನ ಇಲ್ಲಲ್ 42 ಕೋಟಿ ಒವ್ವೇ ದಾಖಲೆ ಇಜ್ಜಂದೆ ಪತ್ತೆ ಆತ್‌ಂಡ್. ಉಂದು ಸರಕಾರ ಕಮಿಷನ್ ರೂಪಡ್ ದೆತೊಂದು ಇಪ್ಪುನ ಪನವು, ಈ ಬಗ್ಗೆ ಸೂಕ್ತ ತನಿಖೆ ಮಲ್ತ್‌ದ್ ಸರಕಾರದ ವಿರುದ್ದ ಕ್ರಮ ದೆತೊನೊಡು ಪಂದ್ ಬೋಲ್ತೆರ್ ತಹಶೀಲ್ದಾರ್ ಮೂಲಕ ರಾಜ್ಯಪಾಲೆರೆಗ್ ಮನವಿ ಕೊರಿಯೆರ್.‌
ಈ ಪೊರ್ತುಡು ವಿಧಾನ ಪರಿಷತ್ ಶಾಸಕೆರ್ ಪ್ರತಾಪಸಿಂಹ ನಾಯಕ್ ಬೊಕ್ಕ ಬಿಜೆಪಿ ಜಿಲ್ಲಾ ಮುಖಂಡೆರ್ ಹರಿಕೃಷ್ಣ ಬಂಟ್ವಾಳ‌, ಮಂಡಲ ಅಧ್ಯಕ್ಷೆರ್ ಜಯಂತ ಕೋಟ್ಯಾನ್, ಮಂಡಲದ ಪ್ರಧಾನ ಕಾರ್ಯದರ್ಶಿ ಶ್ರೀನಿವಾಸ ರಾವ್ ಧರ್ಮಸ್ಥಳ, ಗಣೇಶ್ ಗೌಡ ನಾವೂರು, ಪಕ್ಷದ ಪ್ರಮುಖೆರ್ ಗ್ರಾ.ಪಂ ಅಧ್ಯಕ್ಷೆರ್, ಸದಸ್ಯೆರ್, ಕಾರ್ಯಕರ್ತೆರ್‌ ಇತ್ತೆರ್.

ಅ.18: ಬೋಲ್ತೆರ್‌ಡ್ ಲೋಕಾಯುಕ್ತ ಜನ ಸಂಪರ್ಕ ಸಭೆ‌

ಬೋಲ್ತೆರ್ ತಾಲೂಕು ಕಚೇರಿಡ್ ಅ.18 ದಾನಿ ಲೋಕಾಯುಕ್ತ ಜನ ಸಂಪರ್ಕ ಸಭೆ ನಡಪೆರೆ ಉಂಡು.

ಕುಡ್ಲ ಲೋಕಾಯುಕ್ತ ವಿಭಾಗದ ಪೊಲೀಸ್ ಅಧೀಕ್ಷಕೆರ್, ಪೊಲೀಸ್ ಉಪಾಧೀಕ್ಷಕೆರ್ ಬೊಕ್ಕ ಪೊಲೀಸ್‌ ನಿರೀಕ್ಷಕೆರ್ ಅ.18 ದಾನಿ ಬೋಲ್ತೆರ್‌ಗ್ ಭೇಟಿ ಕೊರ್ದ್, ಕರ್ನಾಟಕ ಲೋಕಾಯುಕ್ತ ಕಾಯಿದೆದಡಿ ದೂರು ಅರ್ಜಿದ ನಮೂನೆನ್ ಕೊರ್ದ್, ಭರ್ತಿ ಮಲ್ತ್‌ದ್, ಅಫಿದವಿತ್‌ ಮಲ್ತಿನ ದೂರು ಅರ್ಜಿಲೆನ್ ಸ್ವೀಕಾರ ಮಲ್ಪೆರೆ ಉಲ್ಲೆರ್.

ಸರ್ಕಾರಿ ಕಚೇರಿಡ್ ಅಧಿಕೃತ ಕೆಲಸಡ್ ವಿಳಂಬ ಬೊಕ್ಕ ಬೇತೆ ತೊಂದರೆ ಕೊರೊಂದು ಇಪ್ಪುನ ಸರಕಾರಿ ಅಧಿಕಾರಿ/ನೌಕರೆರ್ನ ಮಿತ್ತ್ ಸಾರ್ವಜನಿಕೆರ್ ದೂರು ಕೊರೊಲಿ ಪಂದ್‌ ತೆರಿಪಾದೆರ್.