ಪುತ್ತೂರ್ದ ಸುದ್ದಿ | Puttur News

ಫೆ.20: ಸಾಲ ಮನ್ನಾ ಪರಿಹಾರ ತಿಕ್ಕಂದಿನ ರೈತೆರ್ನ ಬೃಹತ್ ಪ್ರತಿಭಟನೆ

ಕರ್ನಾಟಕ ಸರಕಾರ 2018 ಡ್ ಸಹಕಾರಿ ಸಂಘ ಸೊಸೈಟಿ ಬ್ಯಾಂಕ್ ಸಾಲ ಮನ್ನಾ ಪರಿಹಾರದ ಕಾಸ್ ತಿಕ್ಕಂದಿನ ರೈತರ ಪರವಾದ್ ಮಲೆನಾಡು ಜನಹಿತ ರಕ್ಷಣಾ ವೇದಿಕೆದ ಸಂಘಟನೆ ಪ್ರಜಾಪ್ರಭುತ್ವದ ವ್ಯವಸ್ಥೆದ ಅಡಿಟ್ಟ್ ಪುತ್ತೂರು ಕಂದಾಯ ಉಪ ವಿಭಾಗ ಕಚೇರಿದ ಎದುರು ಫೆ .20 ತಾನಿ ಮಲ್ಲ ಪ್ರತಿಭಟನೆನ್ ದಿಯೊಂದ ಪಂದ್ ಮಲೆನಾಡು ಜನಹಿತ ರಕ್ಷಣಾ ವೇದಿಕೆದ ಗುರ್ಕಾರೆ ಕಿಶೋರ್ ಶಿರಾಡಿ ಸುಬ್ರಹ್ಮಣ್ಯಡ್ ನಡತ್ತಿನ ಪತ್ರಿಕಾಗೋಷ್ಠಿಡ್ ತೆರಿಪಾಯೆರ್.

ಇನಿ ಆಧುನಿಕ ತಂತ್ರಜ್ಞಾನ ಈತ್ ಮುಂದುವರಿದ್ ಇತ್ತ್ಂಡಲ ಸರಕಾರದ ಸಾಲ ಮನ್ನಾ ಯೋಜನೆ ಬೊಕ್ಕ ಬೇತೆ ಬೇತೆ ಯೋಜನೆದ ಅರ್ಹತೆ ಪಡೆನ ರೈತೆರೆಗ್ ತಿಕ್ಕಂದೆ ಇಪ್ಪುನ ಈ ರಾಜ್ಯದ ರೈತೆರ್ನ ವಿಪರ್ಯಾಸ .ರೈತೆರ್ನ ಸಮಸ್ಯೆಗ್ ಸ್ಪಂದನೆ ಕೊರಂದಿನ ಅಧಿಕಾರಿಲೆನ ವಿರುದ್ಧ ಬೊಕ್ಕ ಸಾಲ ಮನ್ನಾ ವಂಚಿತ ರೈತೆರೆಗ್ ಸಾಲಮನ್ನದ ಒಂಜಿ ಲಕ್ಷ ರೂ ಪನವು ತಿಕ್ಕುನ ಮುಟ್ಟ ಈ ಹೋರಾಟ ಮಲ್ಪುವ ಪಂದ್ ಕಿಶೋರ್ ಶಿರಾಡಿ ಪಂಡೆರ್. ಸುದ್ದಿಗೋಷ್ಠಿಡ್ ಹೋರಾಟ ಸಮಿತಿ ಸಂಚಾಲಕೆರ್ ಜಯಪ್ರಕಾಶ್ ಕೂಜುಗೋಡು, ಸದಸ್ಯೆರ್ ಮೋಹನ ಕೆದಿರ, ರಮೇಶ್ ಎಂ. ಎಸ್, ಹೂವಯ್ಯ ಕಲ್ಲೇರಿ ,ಪ್ರವೀಣ ಕೋನಡ್ಕ, ಎಂ ಮುತ್ತಪ್ಪ ಗೌಡ, ಡಿ ಲಿಂಗಪ್ಪಗೌಡ, ನರೇಂದ್ರ ಕೂಜುಗೋಡು ಬೊಕ್ಕ ಲೋಕೇಶ್ ಕೋನಡ್ಕ ಇತ್ತೆರ್.

ಸುಬ್ರಹ್ಮಣ್ಯಡ್ ಡಿಜಿಟಲ್ ಬೊಕ್ಕ ಬಿಕನ್ ಲೈಬ್ರರಿ ಉದಿಪನ

ಸುಬ್ರಹ್ಮಣ್ಯ: ಸುಬ್ರಹ್ಮಣ್ಯ ಗ್ರಾಮ ಪಂಚಾಯತ್ ಕಡಬ ತಾಲೂಕುದ ಸುರುತ ಡಿಜಿಟಲ್ ಬೊಕ್ಕ ಬಿಕನ್ ಲೈಬ್ರರಿನ್ ಗುರುವಾರ ಏನೆಕಲ್ ಪೂಜಾರಿ ಮನೆ ವಿಶೇಷ ಚೇತನ ಶಮನ್ ಕುಮಾರ್ ಉದಿಪನ ಮಲ್ತೆರ್.

ಮಲ್ಲ ಬಿನ್ನೆರಾದ್ ಪಾಲ್ ಪಡೆನ ತಾಲೂಕು ಪಂಚಾಯತ್ ಸಹಾಯಕ ನಿರ್ದೇಶಕೆರ್ ಚೆನ್ನಪ್ಪ ಗೌಡ ಕಜಮೂಲೆ ಪಾತೆರ್ದ್, ನಮ್ಮ ರಾಜ್ಯದ 5623 ಗ್ರಾಮ ಪಂಚಾಯಿತ್ ಡ್ ತಾಲೂಕುಗ್ ಒಂಜೆತಲಕ ಡಿಜಿಟಲ್ ಬೊಕ್ಕ ಬಿಕನ್ ಗ್ರಾಮ ಪಂಚಾಯಿತಿ ಆದ್ ಮಾರ್ಪಾಡ್ ಮಲ್ತ್ ದ್ ಕಡಬ ತಾಲೂಕುದ ಸುಬ್ರಹ್ಮಣ್ಯ ಗ್ರಾಮ ಪಂಚಾಯತ್ ನ್ ಆಯ್ಕೆ ಮಲ್ತ್ ದೆರ್ .ನೆತ್ತ ಉದ್ದೇಶ ಗ್ರಾಮೀಣ ಆಂಜೊಕ್ಲೆಗ್ ಬೊಕ್ಕ ಪೊಂಜೊವುನಕ್ಲೆಗ್ ಅಂಚನೆ ಸಾರ್ವಜನಿಕೆರೆಗ್ ಮಾತ ಮಾಹಿತಿಲೆನ್ ಗ್ರಂಥಾಲಯದ ಮೂಲಕ ಕೊರೊಡು, ಬೊಕ್ಕ ಎಚ್ಚ ಎಚ್ಚ ಜನಕ್ಕುಲು ಗ್ರಂಥಾಲಯಗ್ ಬತ್ತ್ ದ್ ಪುಸ್ತಕಲೆನ್ ಓದೊಡು, ಬೊಕ್ಕ ಡಿಜಿಟಲ್ ಕಂಪ್ಯೂಟರ್ ಜ್ಞಾನ ಪಡೆಯೊನೊಡು ಪನ್ಪುನ ಉದ್ದೇಶ.ನೆತ್ತ ಒಟ್ಟಿಗೆ ವಿಶೇಷ ಚೇತನ ಜೋಕ್ಲೆಗ್ ಲ ಪ್ರತ್ಯೇಕ ಕಂಪ್ಯೂಟರ್ ವ್ಯವಸ್ಥೆನ್ ಕೂಡ ಮಲ್ತ್ ದ ಪಂದ್ ಪಂಡೆರ್.

ಸುಬ್ರಹ್ಮಣ್ಯ ಗ್ರಾಮ ಪಂಚಾಯತ್ ಗುರ್ಕಾರ್ದಿ ಸುಜಾತ ಕಲ್ಲಾಜೆ ಗುರ್ಕಾರ್ಮೆನ್ ವಹಿಸ್ ದ್ ಇತ್ತೆರ್. ಚಾವಡಿಡ್ ಗ್ರಾಮ ಪಂಚಾಯತ್ ಉಪಾಧ್ಯಕ್ಷೆರ್ ವೆಂಕಟೇಶ ಎಚ್ ಎಲ್ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಮಹೇಶ ಜೆಎನ್ ಲೈಬ್ರರಿಯನ್ ಲಲಿತ ಇತ್ತೆರ್.

ಈ ಪೊರ್ತುಡು ಸುಬ್ರಹ್ಮಣ್ಯ ಹಿರಿಯ ಪ್ರಾಥಮಿಕ ಶಾಲಾ ವಿದ್ಯಾರ್ಥಿಲು ಬೊಕ್ಕ ಶಿಕ್ಷಕ ವೃಂದದಕುಲು ಗ್ರಾಮ ಪಂಚಾಯತ್ ಸದಸ್ಯೆರ್, ಬೇತೆ ಬೇತೆ ಸಂಘ ಸಂಸ್ಥೆದ ಗುರ್ಕಾರ್ಲು, ಒತ್ತು ಗುರ್ಕಾರ್ಲು ಪದಾಧಿಕಾರಿಲು ,ಬೇತೆ ಬೇತೆ ಸ್ವಸಹಾಯ ಗುಂಪುದ ಗುರ್ಕಾರ್ಲು ಇತ್ತೆರ್.

ಸುಬ್ರಹ್ಮಣ್ಯ ಗ್ರಾಮ ಪಂಚಾಯತಿ ಕಾರ್ಯದರ್ಶಿ ಮೋನಪ್ಪ.ಡಿ ಲೇಸ್ ದ ಸುದಾರಿಕೆ ಮಲ್ತೆರ್. ಪಂಚಾಯತ್ ಸದಸ್ಯೆರ್ ಗಿರೀಶ್ ಬತ್ತಿ ಬಿನ್ನೆರೆನ್ ಎದ್ಕೊಂಡೆರ್. ಪಂಚಾಯತ್ ಸದಸ್ಯೆ ಭಾರತಿ ದಿನೇಶ್ ಸೊಲ್ಮೆ ಸಂದಾಯ ಮಲ್ತೆರ್.

ಅಂತಾರಾಷ್ಟ್ರೀಯ ಮಟ್ಟದ ಹಿರಿಯರ ಕ್ರೀಡಾಕೂಟಗ್‌ ಬಳ್ಪ ಗ್ರಾ.ಪಂ ಸದಸ್ಯೆ ನೇತ್ರಾವತಿ ಹೊಪ್ಪಾಳೆ ಆಯ್ಕೆ

ಕಡಬ ತಾಲೂಕುದ ಬಲ್ಪ ಗ್ರಾಮವೆಟರನ್ಸ್ ಅಥ್ಲೆಟಿಕ್ ಫೆಡರೇಷನ್ ಆಫ್ ಇಂಡಿಯಾ ಮುತಾಲಿಕೆಡ್‌ ತಮಿಳುನಾಡ್‌ದ ತಿರುನಲ್ವೇಲಿಯ ಅಣ್ಣಾ ಸ್ಟೇಡಿಯಂಡ್ ಫೆಬ್ರವರಿ 2 ರ್ದ್ 4 ಮುಟ್ಟ ನಡತ್ತಿನ 43ನೇ ರಾಷ್ಟ್ರ ಮಟ್ಟದ ಹಿರಿಯರ ಕ್ರೀಡಾಕೂಟಡ್ ಕಡಬ ತಾಲೂಕುದ ಬಳ್ಪ ಗ್ರಾಮ ಪಂಚಾಯತ್ ಸದಸ್ಯೆ ನೇತ್ರಾವತಿ ಹೊಪ್ಪಾಳೆ ( ಶ್ರೀ ಗಣೇಶ್ ಪೂಜಾರಿ ಹೊಪ್ಪಾಳೆ ಮೇರೆನ ಬುಡೆದಿ) 4×400ಮೀ ರಿಲೇಟ್‌ ಸುರುತ ಇನಾಮು, 4×100 ಮೀ ರಿಲೇ, ಲಾಂಗ್ ಜಂಪ್, 100 ಮೀ ಹರ್ಡಲ್ಸ್ ಡ್‌ ರಡ್ಡನೇ ಇನಾಮು ಬೊಕ್ಕ 100 ಮೀ ಓಟಡ್ ಮೂಜನೇ ಇನಾಮು ಪಡೆಯೊಂದೆರ್.

ಮೇರ್ ಸೆಪ್ಟೆಂಬರ್‌ಡ್‌ ನಡಪುನ ಅಂತಾರಾಷ್ಟ್ರೀಯ ಮಟ್ಟದ ಹಿರಿಯರ ಕ್ರೀಡಾಕೂಟಡ್ ಪಾಲ್‌ ಪಡೆಯೆರೆ ಉಲ್ಲೆರ್.

ಅರಣ್ಯ ಸಚಿವೆರ್ ಈಶ್ವರ್ ಖಂಡ್ರೆ ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನಗ್ ಭೇಟಿ

ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನಗ್ ಅರಣ್ಯ ಸಚಿವೆರ್ ಈಶ್ವರ್ ಖಂಡ್ರೆ ದಂಪತಿ ಸಮೇತ ಫೆ.5 ತಾರೀಕ್ ಇನಿ ಮಧ್ಯಾಹ್ನ ಭೇಟಿ ಕೊರಿಯೆರ್. ದೇವಸ್ಥಾನಗ್ ಬತ್ತಿನ ಅರೆನ್ ದೇವಸ್ಥಾನ ವತಿರ್ದ್ ಎದ್ಕೊಂಡೆರ್. ದೇವೆರ್ನ ದರ್ಶನ ಮಲ್ತ್ ದ್ ಪೂಜೆ ಸಲ್ಲಿಸಾಯೆರ್.

ಈ ಪೊರ್ತುಡು ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷೆರ್ ಮೋಹನ ರಾಮ್ ಸಳ್ಳಿ, ಸದಸ್ಯೆರಾಯಿನ ಶ್ರೀ ವತ್ಸ, ಕಾರ್ಯನಿರ್ವಹಣಾಧಿಕಾರಿ ಡಾl ನಿಂಗಯ್ಯ, ಕಾಂಗ್ರೆಸ್ ಮುಖಂಡೆರಾಯಿನ ಪಿ.ಸಿ ಜಯರಾಂ, ಭರತ್ ಮುಂಡೋಡಿ, ಹರೀಶ್ ಇಂಜಾಡಿ, ಅಶೋಕ್ ನೆಕ್ರಾಜೆ, ಲೋಲಾಕ್ಷ ಕೈಕಂಬ, ಪವನ್ ಎಂ.ಡಿ, ಸುಧೀರ್ ಕುಮಾರ್ ಶೆಟ್ಟಿ, ಸುಬ್ರಹ್ಮಣ್ಯ ರಾವ್, ವಿಮಲಾ ರಂಗಯ್ಯ,ನಿತ್ಯಾನಂದ ಮುಂಡೋಡಿ, ಭರತ್ ಮುಂಡೋಡಿ, ಕೃಷ್ಣಪ್ಪ, ACF ಪ್ರವೀಣ್ ಶೆಟ್ಟಿ, ಡಿಸಿಎಫ್ ಮಂಗಳೂರು ಅಂತೋನಿ ಮರಿಯಪ್ಪ, ಸಿಎಫ್ಓ ಕರಿಕಲ್ಲನ್, ಸಚಿವೆರ್ನ ಆಪ್ತ ಕಾರ್ಯದರ್ಶಿ ಎ.ಆರ್. ರವಿ ಈ ಪೊರ್ತುಡು ಇತ್ತೆರ್.

ಎನೆಕಲ್ಲು: ಇನ್ನರ್ ವೀಲ್ ಕ್ಲಬ್ ವತಿರ್ದ್ ಸ್ಟೀಲ್ ನೀರ್ ದ ಬಾಟಲ್ ವಿತರಣೆ

ಸುಬ್ರಹ್ಮಣ್ಯ ಇನ್ನರ್ ವೀಲ್ ಕ್ಲಬ್ ವತಿರ್ದ್ ಏನೇ ಕಲ್ಲು ಬಾ ನಾಟಕ ಅಂಗನವಾಡಿ ಶಾಲೆದ ಮಾತ ಜೋಕ್ಲೆಗ್ ಉಚಿತವಾದ್ ಸ್ಟೀಲ್ ವಾಟರ್ ಬಾಟಲ್ ಶನಿವಾರ ವಿತರಣೆ ಮಲ್ತೆರ್.

ಲೇಸ್ ದ ಗುರ್ಕಾರ್ಮೆನ್ ಸುಬ್ರಮಣ್ಯ ಇನ್ನರ್ವೇಲ್ ಕ್ಲಬ್ ಗುರ್ಕಾರ್ದಿ ವೇದ ಶಿವರಾವ್ ವಹಿಸ್ ದ್ ಇತ್ತೆರ್. ಮಲ್ಲ ಬಿನ್ನೆರಾದ್ ಸುಬ್ರಹ್ಮಣ್ಯ ಗ್ರಾಮ ಪಂಚಾಯತ್ ಸದಸ್ಯೆರ್ ಶಿವರಾಮ ನಿಕ್ರಾಜೆ, ಭವ್ಯ, ಸುಬ್ರಹ್ಮಣ್ಯ ರೋಟರಿ ಕ್ಲಬ್ ದ ಪೂರ್ವ ಅಧ್ಯಕ್ಷೆರ್ ಶಿವರಾಮ ಏನಕಲ್ ಇತ್ತೆರ್.

ಈ ಪೊರ್ತುಡು ಸುಬ್ರಹ್ಮಣ್ಯ ಇನ್ನರ್ ವೇಲ್ ಕ್ಲಬ್ ದ ಸದಸ್ಯೆರಾಯಿನ ಶ್ರೀಜಾ ಚಂದ್ರಶೇಖರ್ ನಾಯರ್ ,ಸೋನು ಭಟ್ ,ಸವಿತಾ ,ಶಾಲಾ ಎಸ್ ಡಿ ಎಂ ಸಿ ಅಧ್ಯಕ್ಷೆರ್, ಸದಸ್ಯೆರ್ ,ಪೋಷಕೆರ್, ಅಂಗನವಾಡಿ ಕಾರ್ಯಕರ್ತೆ ರಾಧಾ ಯಮುನಾ, ಜಯಲಕ್ಷ್ಮಿ ಬೊಕ್ಕ ಊರಿದಕುಲು ಇತ್ತೆರ್. ಅಂಗನವಾಡಿ ಕಾರ್ಯಕರ್ತೆ ಯಮುನಾ ಬತ್ತಿ ಬಿನ್ನೆರೆನ್ ಎದ್ಕೊಂದು, ಸೊಲ್ಮೆ ಸಂದಾಯ ಮಲ್ತೆರ್. ಧನ್ಯ ಲೇಸ್ ದ ಸುದಾರಿಕೆ ಮಲ್ತೆರ್.

ಕುಕ್ಕೆ ಕಿರುಷಷ್ಠಿ ಸಾಂಸ್ಕೃತಿಕ ಕಾರ್ಯಕ್ರಮದ ಉದಿಪನ

ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದ ಕಿರುಶಕ್ತಿ ಮಹೋತ್ಸವದ ಅಂಗವಾದ್ ಸಾಂಸ್ಕೃತಿಕ ಕಾರ್ಯಕ್ರಮ ಬೊಕ್ಮ ಧಾರ್ಮಿಕ ಉಪನ್ಯಾಸ ಕಾರ್ಯಕ್ರಮಗಳ ಉದಿಪನ ಸುಕ್ರವಾರ ನಡತ್ಂಡ್.

ಸುಬ್ರಹ್ಮಣ್ಯ ದೇವಸ್ಥಾನದ ವ್ಯವಸ್ಥಾಪನ ಸಮಿತಿದ ಗುರ್ಕಾರ್ಲು ಮೋಹನ್ ರಾಮ್ ಸುಳ್ಳಿ ತುಡರ್ ಅರ್ಲಾದ್ ಕಾರ್ಯಕ್ರಮಗ್ ಚಾಲನೆ ಕೊರಿಯೆರ್.

ಈ ಪೊರ್ತುಡು ದೇವಳದ ಕಾರ್ಯನಿರ್ವಹಣಾಧಿಕಾರಿ ಡಾl ನಿಂಗಯ್ಯ ,ವ್ಯವಸ್ಥಾಪನ ಸಮಿತಿದ ಸದಸ್ಯೆರ್ ಪಿಜಿಎಸ್ ಎನ್ ಪ್ರಸಾದ್, ಮನೋಹರ ರೈ, ಲೋಕೇಶ್ ಮುಂಡೋಕಜೆ, ಶ್ರೀವತ್ಸ, ವನಜ ವಿ ಭಟ್ ಬೊಕ್ಕ ಶೋಭಾ ಗಿರಿಧರ್ ಇತ್ತೆರ್.

ಬೊಕ್ಕ ಕುಮಾರಿ ವೈಷ್ಣವಿ ಕಿಶೋರ್ ಬೆಂಗಳೂರು ಮೊಕ್ಲೆರ್ದ್ ಭರತನಾಟ್ಯ ಕಾರ್ಯಕ್ರಮ, ಪ್ರಕಾಶ್ ಮಲ್ಪೆ ಸಾರಥ್ಯಡ್ ಉತ್ತಿಷ್ಠ ಭಾರತ ಗೀತ ಕಥನ ಕಾರ್ಯಕ್ರಮ ,ಬೊಕ್ಕ ವೈಷ್ಣವಿ ನಾಟ್ಯಾಲಯ ಪುತ್ತೂರು ಮುಲ್ಪದ ನಿರ್ದೇಶಕಿ ಯೋಗೀಶ್ವರಿ ಜಯಪ್ರಕಾಶ್ ಮೊಕ್ಲೆನ ಶಿಷ್ಯ ವೃಂದರ್ದ್ ಭರತನಾಟ್ಯ ಕಾರ್ಯಕ್ರಮ ನಿತ್ಯಾರ್ಪಣಂ ನಡತ್ಂಡ್.

ಹುಷಾರ್ ದಾಂತೆ ಸುಬ್ರಹ್ಮಣ್ಯ ಪದವಿ ಕಾಲೇಜ್ ದ ವಿದ್ಯಾರ್ಥಿನಿ ತೀರ್ ಪೋಯೆರ್

ಕಡಬ : ಹುಷಾರ್ ದಾಂತೆ ಸುಬ್ರಹ್ಮಣ್ಯ ಕಾಲೇಜ್ ದ ಪದವಿ ವಿದ್ಯಾರ್ಥಿ ಒರ್ತಿ ಜ 11 ರಾತ್ರೆ ತೀರ್ ಪೋಯೆರ್. ಎಡಮಂಗಲ ಗ್ರಾಮದ ಗಂಡಿತಡ್ಕ ರಾಮಚಂದ್ರ ನಾಯ್ಕ ಮೆರ್ನ ಮಗಲ್ ತೃಪ್ತಿ ತೀರ್ ಪೋಯಿನಾರ್.

ತೃಪ್ತಿ ಸುಬ್ರಹ್ಮಣ್ಯ ಪದವಿ ಕಾಲೇಜ್ ಡ್ ರಡ್ಡನೇ ವರ್ಷದ ಬಿಕಾಂ ವಿದ್ಯಾರ್ಥಿನಿ. ಮೇರೆಗ್ ರಡ್ಡ್ ದಿನರ್ದ್ ದುಂಬು ಹುಷಾರ್ ಇಜ್ಜಾಂದೆ ಆಸ್ಪತ್ರೆಗ್ ದಾಖಲ್ ಆದಿತ್ತೆರ್. ಪುತ್ತೂರು ಖಾಸಗಿ ಆಸ್ಪತ್ರೆಡ್ ಮರ್ದ್ ಸರಿಕಟ್ಟ್ ಆವಂದೆ ಕುಡ್ಲದ ಕೆ ಎಸ್ ಹೆಗ್ಡೆ ಆಸ್ಪತ್ರೆಡ್ ದಾಖಲ್ ಮಲ್ತ್ ಇತ್ತೆರ್.
ಆಂಡ ಚಿಕಿತ್ಸೆ ಫಲಕಾರಿಯಾವಂದೆ ವಿದ್ಯಾರ್ಥಿನಿ ಕೊಡೆ ರಾತ್ರೆ ತೀರ್ ಪೋತೆರ್.