ಪುತ್ತೂರ್ದ ಸುದ್ದಿ | Puttur News

ಪ್ರಜ್ವಲ್ ಹೊದ್ದೇಟ್ಟಿಗ್ ಆಸ್ಟ್ರೇಲಿಯಾದ ಬ್ರೀಸ್ಬನೆ ಕ್ಯಾಂಪಸ್ ರ್ದ್ ಫೆಲೋಶಿಪ್

ಕುಡ್ಲ, ಆಗಸ್ಟ್ 2: ಆಸ್ಟ್ರೇಲಿಯಾದ ಜೆಂಸ್ ಕುಕ್ಕ್ ಯುನಿವರ್ಸಿಟಿದ ಸಿಂಗಾಪುರ್ ನ ಕ್ಯಾಂಪಸ್ಡ್ ಬ್ಯಾಚುಲರ್ ಆಫ್ ಬ್ಯುಸಿನೆಸ್‌ ಮೇಜರಿಂಗ್ ಅಂತರಾಷ್ಟ್ರೀಯ ಬ್ಯುಸಿನೆಸ್ ರಡ್ಡ್ ವರ್ಷದ ವಿಧ್ಯಾಭ್ಯಾಸನ್ ಆಸ್ಟ್ರೇಲಿಯಾದ ಬ್ರೀಸ್ಬೆನೆ ಕ್ಯಾಂಪಸ್ ಡ್ ಎರಡು ವರ್ಷಗಳ ವಿಧ್ಯಾಭ್ಯಾಸನ್ ಮಲ್ತಿನ ಪ್ರಜ್ವಲ್ ಹೊದ್ದೇಟ್ಟಿ ಮೇರ್ ಫೆಲೋಶಿಪ್ ಪಡೆದಿತೆರ್ .

ಕುಡ್ಲದ ಬಿಎಸ್ಎನ್ಎಲ್ ಉದ್ಯೋಗಿ ಗೋವರ್ಧನ ಹೊದ್ದೇಟ್ಟಿ ಬೊಕ್ಕ ಶ್ರೀಮತಿ ಭಾಗೀರಥಿ ದಂಪತಿಲೆನ ಮಗೆ.

ಪತ್ರಕರ್ತೆರೆರ್ದ್ ನಾಟಿ ಕಾರ್ಯ – ಹಾರಾಡಿ ಪಡಿಲ್ ಭೂಮಿ ಕೃಷಿ ಕಡೇ ನಟ್ಟಿ

ಹಡಿಲು ಭೂಮಿ ಕೃಷಿ ಅಂದೋಲನ”ದಡಿ ಕೇದಾರೋತ್ಥಾನ ಟ್ರಸ್ಟ್ ಮುಖೇನ ಹಾರಾಡಿ ಗ್ರಾಮ ಪಂಚಾಯತ್ ವ್ಯಾಪ್ತಿಡ್ 10 ಎಕರೆ ಪಡಿಲ್ ಭೂಮಿನ್ ಸಾವಯವ ಕೃಷಿ ಮಲ್ತೊಂದು ಉಲ್ಲೆರ್ , ಇನಿ ತಾರೀಖ್ 01-08-2021 ದಾನಿ ಹಾರಾಡಿ ಗ್ರಾಮದ ಹೊನ್ನಾಳ ಕಂಬಳಗದ್ದೆ ಇಲ್ಲದ ಕೈತಲ್ ದ ಪಡಿಲ್ ಭೂಮಿ ಕೃಷಿ ನಾಟಿ ಕಡೇ ನಟ್ಟಿಡ್ ಪತ್ರಕರ್ತೆರ್ ಬೊಕ್ಕ ಸಾಮಾಜಿಕ ಕ್ಷೇತ್ರದ ಗಣ್ಯೆರ್ ಪಾಲ್ ಪಡೆಯೆರ್.

ಶ್ರೀ ಸಂತೋಷ್ ಶೆಟ್ಟಿ ಗುರ್ಕಾರ್ಲು ಬಂಟರ ಸಂಘ, ಪುಣೆ, ಶ್ರೀ ಪ್ರಕಾಶ್ ಚಂದ್ರ ಶೆಟ್ಟಿ ಗುರ್ಕಾರ್ಲು, ವ್ಯವಸ್ಥಾಪಕ ಟ್ರಸ್ಟಿ ಜಿ.ಎಂ ಎಜುಕೇಶನ್ ಟ್ರಸ್ಟ್, ಬ್ರಹ್ಮಾವರ, ಶ್ರೀ ರಾಜೇಶ್ ಶೆಟ್ಟಿ ಅಲೆವೂರು ಗುರ್ಕಾರ್ಲು ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ, ಶ್ರೀ ಅಜಿತ್ ಆರಾಡಿ ಕೃಷಿಕೆರ್ ಬೊಕ್ಕ ವರದಿಗಾರೆರ್ ವಿಜಯ ಕರ್ನಾಟಕ ಒಡಿಪು ಜಿಲ್ಲೆ ಮೆಕ್ಲೆನ ಒಟ್ಟುಗು ಶಾಸಕ ಶ್ರೀ ಕೆ. ರಘುಪತಿ ಭಟ್ ಮೇರ್ ಭೂಮಿಯಪ್ಪೆಗ್ ಪೆರ್ ಪಾರ್ದ್ ನೇಜಿ ಕೊರ್ಪಿನ ಮುಖೇನ ಯಂತ್ರ ನಾಟಿ ಕಾರ್ಯಗ್ ಚಾಲನೆ ನೀಡಿ ಕೊರ್ದು ನೇಜಿ ನಡಿಯೆರ್.

ಪಡಿಲ್ ಭೂಮಿ ಕೃಷಿ ಕಾರ್ಯಡ್ ಇತ್ತ್ ದ್ ಸಾಕಾರ ಕೊರಿನ ಸಂಘ – ಸಂಸ್ಥೆದಕ್ಲೆಗ್ , ಭೂ ಮಾಲಕೆರೆಗ್ , ನೆರೆಕರೆದಕ್ಲೆಗ್ ಶಾಸಕೆರಾಯಿನ ಶ್ರೀ ಕೆ. ರಘುಪತಿ ಭಟ್ ಮೇರ್ ಸೊಲ್ಮೆ ಸಂದೈತ ಮಲ್ತೆರ್.

ಈ ಪೊರ್ತುಡು ಹಾರಾಡಿ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಪ್ರಭಾಕರ್ ಶೆಟ್ಟಿ, ಉಪಾಧ್ಯಕ್ಷರಾಯಿನ ಜಯಂತಿ ಪೂಜಾರಿ, ನೆರೆಕಾರೆದಕುಲಾಯಿನ ಎ. ಬಾಲಕೃಷ್ಣ ಶೆಟ್ಟಿ, ಅಬು ಸಾಹೇಬ್, ಕೇದಾರೋತ್ಥಾನ ಟ್ರಸ್ಟ್ ನ ಪ್ರಧಾನ ಕಾರ್ಯಂತೆರಾಯಿನ ಮುರಳಿ ಕಡೆಕಾರ್, ಕೋಶಾಧಿಕಾರಿಲಾಯಿನ ರಾಘವೇಂದ್ರ ಕಿಣಿ, ಸದಸ್ಯೆರಾಯಿನ ಬಿರ್ತಿ ರಾಜೇಶ್ ಶೆಟ್ಟಿ, ಪ್ರತಾಪ್ ಹೆಗ್ಡೆ ಮಾರಾಳಿ, ಕೃಷಿ ಬೊಕ್ಕ ತೋಟಗಾರಿಕೆ ವಿಶ್ವವಿದ್ಯಾಲಯ ಶಿವಮೊಗ್ಗ ಬೊಕ್ಕ ವಲಯ ಕೃಷಿ ಬೊಕ್ಕ ತೋಟಗಾರಿಕೆ ಸಂಶೋಧನಾ ಕೇಂದ್ರ ಬ್ರಹ್ಮಾವರದ ಪೆರಿಯ ಕ್ಷೇತ್ರ ಅಧಿಕಾರಿಲಾಯಿನ ಡಾll. ಶಂಕರ್ ಬೊಕ್ಕ ಹಾರಾಡಿ ಗ್ರಾಮ ಪಂಚಾಯತ್ ಸದಸ್ಯೆರ್ ಭೂ ಮಾಲಕೆರ್ , ಸ್ಥಳೀಯ ಕೃಷಿಕರು, ಪಕ್ಷದ ಪ್ರಮುಖೆರ್ , ಕಾರ್ಯಕರ್ತೆರ್ ಪಾಲ್ ಪಡೆದಿತ್ತೆರ್ .

ಬೆಂಗ್ಳೂರುಡು ಕುಡ ನೈಟ್, ವೀಕೆಂಡ್ ಕರ್ಫ್ಯೂ ಜಾರಿ ಆಪಿನ ಸಾಧ್ಯತೆ

ಬೆಂಗ್ಳೂರು: ರಾಜ್ಯ ರಾಜಧಾನಿ ಬೆಂಗ್ಳೂರುಡು ಕೊರೊನಾ ಪ್ರಕರಣದ ಸಂಖ್ಯೆ ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ಕುಡ ನೈಟ್​ ಕರ್ಫ್ಯೂ, ವೀಕೆಂಡ್​ ಕರ್ಫ್ಯೂ ಜಾರಿಯಾಪಿನ ಸಾಧ್ಯತೆ ಉಂಡು . ಕೆಲ ದಿನತ ಪಿರವು ಕೊರೊನಾ ನಿಯಮಾವಳಿನ್ ಬುರ್ದು ಸುಸೂತ್ರ ಓಡಾಟಗ್ ಅನುವು ಮಲ್ತುಂಡಲ ಈಗ ದಿನೇ ದಿನೇ ಸೋಂಕಿತೆರ್ನ ಪ್ರಮಾಣ ಜಾಸ್ತಿ ಆವೊಂದು ಉಪ್ಪುನೆರ್ದಾವರ ಮೂಜನೇ ಅಲೆ ಭೀತಿ ಶುರುವಾತುಂಡು .

ವಿವಿ ಸಂಧ್ಯಾ ಕಾಲೇಜು : ಬೀಳ್ಕೊಡುಗೆ ಲೇಸ್

ಕುಡ್ಲ, ಆಗಸ್ಟ್ 1: ವಿಶ್ವವಿದ್ಯಾನಿಲಯ ಸಂಧ್ಯಾಕಾಲೇಜ್ ಡ್ ಬೇಲೆ ಮಲ್ತೊಂದು ಉಪ್ಪುನ ಜವಾನ ನಾಗೇಶ್ ಮೆರ್ನ ಬೀಳ್ಕೊಡುಗೆ ಸಮಾರಂಭ ಕಾಲೇಜ್ ದ ಶಿವರಾಮ ಕಾರಂತ ಸಭಾಂಗಣಡ್ ನಡತುಂಡು.

ಈ ಪೊರ್ತುಡು ನಾಗೇಶ್ ದಂಪತಿಗ್ ಮಾನದಿಗೆ ಮಲ್ತೆರ್. ಲೇಸ್ ಡ್ ಎಂಬಿಎ-ಎಂಕಾಂನ ಸಂಯೋಜಕ ಡಾ.ಜಗದೀಶ್ ಬಿ., ತುಳು ಸ್ನಾತಕೋತ್ತರ ವಿಭಾಗದ ಸಂಯೋಜಕ ಡಾ. ಮಾಧವ ಎಂ.ಕೆ., ಕೊಂಕಣಿ ಸ್ನಾತಕೋತ್ತರ ವಿಭಾಗದ ಸಂಯೋಜಕ, ಡಾ. ದೇವದಾಸ್ ಪೈ ಅವರ ಸೇವಾ ಮನೋಭಾವನೆನ್ ಪುಗಾರ್ಯೆರ್ .

ಸಮಾಜಸೇವಕೆ ಗಿರೀಶ್ ಮೆಂಡನ್ ರೆಗ್ ಹೊಸ ಅಂಗಣದ ಮಾನಾದಿಗೆ

ಮುಲ್ಕಿ : ಸಮಾಜ ಸೇವಕೆರ್, ಧಾರ್ಮಿಕ ಕ್ಷೇತ್ರೊಡು ಪುದರ್ ಪಡೆಯಿನ ಗಿರೀಶ್ ಮೆಂಡನ್ ಮೆರೆಗ್ ಹೊಸ ಅಂಗಣ ಪತ್ರಿಕೆದ ತಿಂಗಳ ಬೆಳಕು ಕಾರ್ಯಕ್ರಮೊಡು ಮಾನಾದಿಗೆ ನಡತ್ಂಡ್.
ಮುಲ್ಕಿ ಸ್ವಾಗತ ಹೋಟೆಲ್ ದ ಸಭಾಂಗಣೊಡು ಧರ್ಮದರ್ಶಿ ಹರಿಕೃಷ್ಣ ಪುನರೂರು ಮೆರೆನ ಗುರ್ಕಾರ್ಮೆಡ್ ಐತಾರ ಕಾಂಡೆ ಹೊಸ ಅಂಗಣ ಪತ್ರಿಕೆದ 72 ನೇ ಸಂಚಿಕೆ ಬುಡುಗಡೆದ ಲೇಸ್ ಡ್ ಈ ಮಾನಾದಿಗೆ ನಡತ್ಂಡ್.ಬಿನ್ನೆರಾದ್ ಮುಲ್ಕಿ ನಾಗರಿಕ ಸಮಿತಿದ ಅಧ್ಯಕ್ಷೆರ್ ಹರೀಶ್ ಪುತ್ರನ್, ಐಎಂಎ ದಕ ಜಿಲ್ಲಾದ್ಯಕ್ಷೆರ್ ಡಾ.ಅಚ್ಯುತ ಕುಡ್ವ, ಮುಲ್ಕಿ ರೋಟರಿ ಕ್ಲಬ್ ಅಧ್ಯಕ್ಷೆರ್ ಜಿ.ಶಿವರಾಮ್ ಅಮೀನ್ ಮಿತ್ತರ್ಮೆಡ್ ಇತ್ತೆರ್.
ಮುಲ್ಕಿ ರೋಟರಿ ಮಾಜಿ ಅಧ್ಯಕ್ಷೆರ್ ಅಶೋಕ್ ಕುಮಾರ್ ಶೆಟ್ಟಿ, ವಾಸು ಪೂಜಾರಿ ಚಿತ್ರಾಪು, ಅಬ್ದುಲ್ ರಜಾಕ್, ಪುರಂದರ, ರಾಘು ಸುವರ್ಣ ಇತ್ತೆರ್.

ಹೊಸ ಅಂಗಣ ಸಂಪಾದಕೆರ್ ಪಿ.ಹರಿಶ್ಚಂದ್ರ ಸಾಲ್ಯಾನ್ ಸ್ವಾಗತ ಮಲ್ತೆರ್. ಮುಲ್ಕಿ ರೋಟರಿ ಕಾರ್ಯದರ್ಶಿ ರವಿಚಂದ್ರ ಲೇಸ್ ಸುಧಾರಿಕೆ ಮಲ್ತೆರ್.ವಾಮನ ಕೋಟ್ಯಾನ್ ನಡಿಕುದ್ರು ಸೊಲ್ಮೆ ಸಂದಾಯೆರ್.

ಎನ್ಮ ಜಿಲ್ಲೆದ ಅಧಿಕಾರಿಲ್ನೊಟ್ಟುಗು ಸಿಎಂ ವಿಡಿಯೋ ಸಂವಾದ : ಕೋವಿಡ್ ಕ್ರಮತ ಬಗೆಟ್ ಪರಾಮರ್ಶೆ

ಬೆಂಗ್ಳೂರು: ರಾಜ್ಯಡ್ ಕೋವಿಡ್-19 ನಿಯಂತ್ರಣಗ್ ಸಂಬಂಧ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಕೋಡೆ ಗೃಹ ಕಚೇರಿ ಕೃಷ್ಣಾಡ್ ಎನ್ಮ ಜಿಲ್ಲೆದ ಉನ್ನತ ಅಧಿಕಾರಿಲ್ ನೊಟ್ಟುಗಿ ವಿಡಿಯೋ ಸಂವಾದ ನಡಪಾಯೆರ್ .

ಪ್ರಕರಣ ಜಾಸ್ತಿ ಆಯಿನ ಬೆಂಗಳೂರು ನಗರ, ಚಿಕ್ಕಮಗಳೂರು, ದಕ್ಷಿಣ ಕನ್ನಡ, ಕೊಡಗು, ಮೈಸೂರು, ಶಿವಮೊಗ್ಗ, ಒಡಿಪು ಬೊಕ್ಕ ಚಾಮರಾಜನಗರ ಜಿಲ್ಲೆದ ಜಿಲ್ಲಾಧಿಕಾರಿ, ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಬೊಕ್ಕ ಆರೋಗ್ಯ ಇಲಾಖೆ ಅಧಿಕಾರಿನೊಟ್ಟುಗು ಸಭೆ ನಡಪಾಯಿನ ಮುಖ್ಯಮಂತ್ರಿ, ಕೋವಿಡ್-19 ಪರಿಸ್ಥಿತಿ ಬಗ್ಗೆ ಪರಾಮರ್ಶೆ ನಡಪಾಯೆರ್ .

ಮುಲ್ಕಿ ನಗರ ಪಂಚಾಯ್ತಿಡ್ 86 ಲಕ್ಷ ರೂಪಾಯಿದ ಕ್ರಿಯಾ ಯೋಜನೆಗ್ ಅನುಮೋದನೆ

ಮುಲ್ಕಿ : ಮುಲ್ಕಿ ನಗರ ಪಂಚಾಯತಿದ ವ್ಯಾಪ್ತಿಡ್ 2021-22 ನೇ ವರ್ಷೊಗು 15 ನೇ ಹಣಕಾಸು ಯೋಜನೆದ 86 ಲಕ್ಷ ರೂ. ಅನುದಾನದ ಕ್ರಿಯಾ ಯೋಜನೆಗ್ ಒಪ್ಪಿಗೆ ತಿಕ್ ದ್ಂಡ್.
ಮುಲ್ಕಿ ನಗರ ಪಂಚಾಯ್ತಿ ಗುರ್ಕಾರ್ಲು ಸುಭಾಷ್ ಶೆಟ್ರೆನ ಗುರ್ಕಾರ್ಮೆಡ್ ಶನಿಯಾರ ನಡತಿನ ಸಾಮಾನ್ಯ ಸಭೆಟ್ಟ್ ಕ್ರಿಯಾ ಯೋಜನೆಗ್ ಅನುಮೋದನೆ ತಿಕ್ಂಡ್.

ಉಂದುವೇ ಪೊರ್ತುಡು ಕರಿನ ವರ್ಷದ 15 ನೇ ಹಣಕಾಸು ಅನುದಾನೊಡು ಒರಿನ ಅನುದಾನದ 15.18 ಲಕ್ಷ ರೂ. ದ ಕ್ರಿಯಾ ಯೋಜನೆಗ್ ಲ ಅನುಮೋದನೆ ಕೊರಿಯೆರ್.
ಪ್ರಧಾನ ಮಂತ್ರಿ ಆವಾಸ್ ಯೋಜನೆ ದ ಫಲಾನುಭವಿಲೆಗ್ ಆಜಿ ವರ್ಷ ಆಂಡಲಾ ಸಬ್ಸಿಡಿದ ದುಡ್ಡು ನನಲಾ ಬೈದಿಜಿ ಪಂಡ್ ದ್ ನಗರಸಭೆ ಸದಸ್ಯೆರಾಯಿನ ಯೋಗೀಶ್ ಕೋಟ್ಯಾನ್, ಇಂದಿರಾ ಪೂಜಾರಿ ಬೊಕ್ಕ ಪುತ್ತು ಬಾವ ಪಂಡೆರ್.
ಪೊಲೀಸ್ ಇಲಾಖೆದ ಪರವಾದ್ ಸುರೇಶ್ ಕುಂದರ್ , ನಗರ ಮೂಲಸೌಕರ್ಯ ಬೊಕ್ಕ ಹಣಕಾಸು ನಿಯಮಿತದ ರವಿಕುಮಾರ್ ಬತ್ತಿತ್ತೆರ್.
ನಗರ ಪಂಚಾಯ್ತಿ ಒತ್ತು ಗುರ್ಕಾರ್ಲು ಸತೀಶ್ ಅಂಚನ್, ಸ್ಥಾಯಿ ಸಮಿತಿದ ಗುರ್ಕಾರೆ ಶೈಲೇಶ್, ಮುಖ್ಯಾಧಿಕಾರಿ ಚಂದ್ರ ಪೂಜಾರಿ ಮೊಕುಲು ಸಭೆಟ್ಟ್ ಇತ್ತೆರ್.
ಸದಸ್ಯೆರಾಯಿನ ಪುತ್ತು ಬಾವ, ಯೋಗೀಶ್ ಕೋಟ್ಯಾನ್, ವಿಮಲಾ ಪೂಜಾರಿ, ಬಾಲಚಂದ್ರ ಕಾಮತ್, ದಯಾವತಿ ಅಂಚನ್, ರಾಧಿಕಾ ಯಾದವ ಕೋಟ್ಯಾನ್, ಸಂದೀಪ್ ಕುಮಾರ್, ಶಾಂತ ಕಿರೋಡಿಯನ್, ಲಕ್ಷ್ಮಿ, ವಹೀದಾ ಬಾನು, ದಾವೂದ್ ಹಕೀಂ, ಮಂಜುನಾಥ ಕಂಬಾರ ಮೊಕುಲು ಸಭೆಟ್ಟ್ ಪಾಲ್ ಪಡೆದಿತ್ತೆರ್.