ಪುತ್ತೂರ್ದ ಸುದ್ದಿ | Puttur News

ನಲ್ಲೂರು : ಮಗ್ಗಿ ಬೂಕು ಬುಡುಗಡೆ

Aug 3, 2021

ಕಾರ್ಕಳ, ಆಗಸ್ಟ್ 3 : ಆನ್‌ಲೈನ್ ಶಿಕ್ಷಣದ ಪ್ರಭಾವಗ್ ಜೋಕ್ಲೆಗ್ ಕೊರೊಂದು ಇತ್ತಿನ ಇಲ್ಲದ ಪಾಠ ಮರಪರೆ ಬಲ್ಲಿ . ಈ ನೆಲೆಟ್ಟ್ ಪೋಷಕೆರ್ ವಿಶೇಷ ಮುತುವರ್ಜಿ ವಹಿಸಾವುನ ಅಗತ್ಯ ಪಂದ್ ಶಾಸಕ ವಿ. ಸುನಿಲ್ ಕುಮಾರ್ ಪಂಡೆರ್ . ಮೇರ್ ಆ. 1ಕ್ಕ್ ನಲ್ಲೂರು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಡ್ ಮನೆಯೇ ಮೊದಲ ಪಾಠಶಾಲೆ ಮಗ್ಗಿ ಪುಸ್ತಕ ಬುಡುಗಡೆ ಮಲ್ತ್ ಬೊಕ್ಕ ಪಾತೆರಿಯೆರ್.

ಕರ್ನಾಟಕ ಗೇರು ನಿಗಮದ ಗುರ್ಕಾರ್ಲಾಯಿನ ಮಣಿರಾಜ ಶೆಟ್ಟಿ ಲೇಸ್ ಉದಿಪನ ಮಲ್ತೆರ್ . ಕಾರ್ಕಳದ ನಿಕಟಪೂರ್ವ ಬಿಇಒ ಶಶಿಧರ ಜಿ.ಎಸ್., ಬಿಇಒ ವೆಂಕಟೇಶ್ ನಾಯಕ್, ಅಕ್ಷರ ದಾಸೋಹ ಅಧಿಕಾರಿ ಭಾಸ್ಕರ್, ಸಿಡಿಪಿಒ ಉಮೇಶ್, ನಲ್ಲೂರು ಗ್ರಾ.ಪಂ. ಪ್ರಭಾರ ಗುರ್ಕಾರ್ಲಾಯಿನ ಜಯಕೀರ್ತಿ ಜೈನ್, ಸಂಯೋಜಕಕೆರಾಯಿನ ಉದ್ಯಮಿ ಅನಂತಕೃಷ್ಣ ಶೆಣೈ ರೆಂಜಾಳ, ಜಿ.ಪಂ. ನಿಕಟಪೂರ್ವ ಸದಸ್ಯೆಯೆರಾಯಿನ ದಿವ್ಯಶ್ರೀ ಅಮೀನ್, ತಾ.ಪಂ. ಮಾಜಿ ಗುರ್ಕಾರ್ಲಾಯಿನ ಮಾಲಿನಿ ಜೆ. ಶೆಟ್ಟಿ, ರಮಾನಂದ ಶೆಟ್ಟಿ, ಗೋಪಶೆಟ್ಟಿ, ಮಹಾಬಲ ಶೆಟ್ಟಿ ನಲ್ಲೂರು ಪಾಲ್ ಪಡೆದಿತ್ತೆರ್.

ಕ್ಷತ್ರಿಯ ಮರಾಠ ಸಮಾಜದ ಸಾಧಕ ಜೋಕ್ಲೆಗ್ ಮಾನಾದಿಗೆ

Aug 3, 2021

ಕಾರ್ಕಳ, ಆಗಸ್ಟ್ 3: ಹಿರಿಯಂಗಡಿ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ಆಡಳಿತ ಮಂಡಳಿ ಬೊಕ್ಕ ಕ್ಷತ್ರಿಯ ಮರಾಠ ಸಮಾಜದ ವತಿರ್ದ್ ದ್ವಿತೀಯ ಪಿಯುಸಿ ವಿಜ್ಞಾನ ಬೊಕ್ಕ ವಾಣಿಜ್ಯ ವಿಭಾಗಡ್ ಜಾಸ್ತಿ ಅಂಕೊ ಪಡೆಯಿನ ಸಮುದಾಯದ 7 ಜನ ಜೋಕ್ಲೆಗ್ ಆ. 1ತಾರೀಖ್ ಗ್ ದೇವಸ್ಥಾನದ ಸಭಾಂಗಣಡ್ ಮಾನಾದಿಗೆ ಮಲ್ತೆರ್ .

90ರ್ದ್ ಜಾಸ್ತಿ ಅಂಕೊ ಪಡೆಯಿನ ಜೋಕುಲಾಯಿನ ಸಂಜನಾ, ಮನ್ವಿತಾ, ಶ್ರದ್ಧಾ, ಶ್ರೀ ಲಕ್ಷ್ಮಿ, ಸಹನಾ, ನಯನ್ ಕುಮಾರ್, ವಿದಿಶಾ ವೈ ರಾವ್ ಮೆಕ್ಲೆಗ್ ಮಾನದಿಗೆ ಮಲ್ದೆರ್. ಶುಭದ ರಾವ್ ಗುರ್ಕಾರ್ಮೆ ವಹಿಸ್ದಿತ್ತೆರ್ . ಕಾರ್ಕಳ ರೋಟರಿ ರಾಕ್ ಸಿಟಿ ಗುರ್ಕಾರ್ಲಾಯಿನ ಪ್ರಕಾಶ್ ಪೈ, ಮುನಿಯಾಲು ಸರಕಾರಿ ಪದವಿ ಪೂರ್ವ ಕಾಲೇಜ್ ದ ಉಪನ್ಯಾಸಕಿ ಶ್ರೀಮತಿ ಬೇಬಿ, ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಆಡಳಿತ ಮೊಕ್ತಸರ ಗಿರೀಶ್ ರಾವ್, ಮೊಕೇಸ್ತರೆರ್ , ರೋಟರಿ ಕ್ಲಬ್ ಸದಸ್ಯೆರ್ ಪಾಲ್ ಪಡೆದಿತ್ತೆರ್ . ಪ್ರಕಾಶ್ ರಾವ್ ಜಾದವ್ ಎದುಕೊಂಡೆರ್.

ವರ್ಗಾವಣೆ ಆಯಿನ ಪೊಲೀಸ್ ದಕ್ಲೆಗ್ ಮಾನಾದಿಗೆ

Aug 3, 2021

ಕಾರ್ಕಳ, ಆಗಸ್ಟ್ 3 : ಕಾರ್ಕಳ ನಗರ ಪೊಲೀಸ್ ಠಾಣೆರ್ದ್ ವರ್ಗಾವಣೆ ಆಯಿನ ರಾಮ ಪ್ರಭು, ಹೆಚ್.ಸಿ. ಸುಂದರ ಗೌಡ, ನಾಗರಾಜ, ರಾಘವೇಂದ್ರ ಶೆಟ್ಟಿ, ದಿನೇಶ ಮೆರೆನ್ ನಗರ ಪೊಲೀಸ್ ಠಾಣೆಡ್ ಮಾನದಿಗೆ ಮಲ್ತೆರ್ . ಕಾರ್ಕಳ ಡಿವೈಎಸ್ಪಿ ವಿಜಯ ಪ್ರಸಾದ್, ವೃತ್ತ ನಿರೀಕ್ಷಕೆರಾಯಿನ ಸಂಪತ್ ಕುಮಾರ್, ಕಾರ್ಕಳ ನಗರ ಠಾಣಾ ಎಸ್ಬಿಐ ಮಧು ಬಿ.ಇ., ಅಪರಾಧ ವಿಭಾಗದ ಎಸ್‌ಐ ದಾಮೋದರ್ ಈ ಪೊರ್ತುಡು ಪಾಲ್ ಪಡೆದಿತ್ತೆರ್.

ಸಚಿವೆ ಶೋಭಾ ಕರಂದ್ಲಾಜೆ ನ್ ಭೇಟಿ ಆಯಿನ ಸುಮಿತ್

Aug 3, 2021

ಕಾರ್ಕಳ, ಆಗಸ್ಟ್ 3 : ಜಿ.ಪಂ. ಕೃಷಿ ಬೊಕ್ಕ ಕೈಗಾರಿಕಾ ಸ್ಥಾಯಿ ಸಮಿತಿ ಗುರ್ಕಾರ್ಲಾಯಿನ , ಬೈಲೂರು ಕ್ಷೇತ್ರದ ನಿಕಟಪೂರ್ವ ಜಿ.ಪಂ. ಸದಸ್ಯ ಸುಮಿತ್ ಶೆಟ್ಟಿ ಕೌಡೂರು ಮೇರ್ ಕೇಂದ್ರ ಕೃಷಿ ಬೊಕ್ಕ ರೈತರ ಕಲ್ಯಾಣ ಇಲಾಖೆ ರಾಜ್ಯ ಸಚಿವೆಯಾದ್ ಆಯ್ಕೆಯಾಯಿನ ಶೋಭಾ ಕರಂದ್ಲಾಜೆ ಮೆರೆನ್ ದೆಹಲಿದ ಕಚೇರಿಡ್ ಕೋಡೆ ಭೇಟಿ ಮಲ್ತ್ ಎಡ್ಡೆಪ್ಪು ಬಯಕಿಯೆರ್ . ಈ ಪೊರ್ತುಡು ಕೈತಲ್ದ ಬೇಡಿಕೆದ ಬಗ್ಗೆ ಅರಿಕೆ ಮಲ್ತೆರ್.

ಕರ್ನಾಟಕ ಪತ್ರಕರ್ತೆರ್ನ ಸಂಘ ಪುತ್ತೂರು ಘಟಕರ್ದ್ ಆಟಿದ ಲೇಸ್

Aug 3, 2021

ಪುತ್ತೂರು, ಆಗಸ್ಟ್ 3 : ಕರ್ನಾಟಕ ಪತ್ರಕರ್ತರ ಸಂಘ ಪುತ್ತೂರು ತಾಲೂಕು ಘಟಕದ ವತಿರ್ದ್ ಪತ್ರಿಕಾ ಲೇಸ್ ಬೊಕ್ಕ ಆಟಿ ಲೇಸ್ ಸೋಮಾರ ದಾನಿ ಕಾಂಡೆ ಪುತ್ತೂರು ಮಾತೃಛಾಯಾ ಸಭಾಭವನಡ್ ನಡತುಂಡು.

ಈ ಪೊರ್ತುಡು ಕರ್ನಾಟಕ ಪತ್ರಕರ್ತರ ಸಂಘ ಪುತ್ತೂರು ತಾಲೂಕು ಘಟಕದ ಗುರ್ಕಾರ್ಲಾಯಿನ ಯೂಸುಫ್ ರೆಂಜಲಾಡಿ ಗುರ್ಕಾರ್ಮೆ ವಹಿಸಿಯೆರ್.

ಸಂಘದ ಉಪಾಧ್ಯಕ್ಷೆ ಶೈಲಜಾ ಸುದೇಶ್ ಬತ್ತಿ ಬಿನ್ನೆರೆನ್ ಎದುಕೊಂಡೆರ್ . ಕಾರ್ಯದರ್ಶಿ ಲಕ್ಷ್ಮಿಕಾಂತ್ ರೈ ಅನಿಕೂಟೇಲು ಲೇಸ್ ನಡಪಾದ್ ಕೊರಿಯೆರ್. ಸದಸ್ಯ ತಿಲಕ್ ರೈ ಕುತ್ಯಾಡಿ ಸೊಲ್ಮೆ ಸಂದೈತ ಮಲ್ತೆರ್ . ಐರ್ದ್ ಬೊಕ್ಕ ಆಟಿದ ತೆನಸ್ ದ ಅಟ್ಟನೆ ಮಲ್ತಿತ್ತೆರ್.

ತೋಕೂರುಡು ಆಟಿದ ನೆಂಪು ಲೇಸ್

Aug 2, 2021

ಹಳೆಯಂಗಡಿ : ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಕುಡ್ಲ ಬೊಕ್ಕ ಜಿಲ್ಲೆ, ರಾಜ್ಯ ಬೊಕ್ಕ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಪುಗರ್ತೆ ಪಡೆಯಿನ ತೋಕೂರುದ ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್(ರಿ), ತೋಕೂರು ಉಂದೆತ್ತ ನಿಲೆಟ್ ಐತಾರದಾನಿ ಕ್ಲಬ್ ದ ಚಾವಡಿಡ್ ಆಟಿದ ನೆಂಪು ಲೇಸ್ ನಡತ್ಂಡ್.
ಸಿರಿ-ಸಿಂಗಾರೊಡು ಐತ ಮಲ್ದಿನ ಮಿತ್ತರ್ಮೆಡ್ ತುಳು ಸಾಹಿತ್ಯ ಅಕಾಡೆಮಿದ ಪದುಕೆರ್ ನಾಗೇಶ್ ಕುಲಾಲ್, ಗೋವಿಂದ ದಾಸ ಕಾಲೇಜ್ ದ ಕನ್ನಡ ಉಪಾನ್ಯಾಸಕೆರಾಯಿನ ಅಕ್ಷತಾ ನವೀನ್ ಕುಮಾರ್ ಎಡ್ಮೆಮಾರ್, ಸ್ಪೋರ್ಟ್ಸ್ ಕ್ಲಬ್ ದ ಗೌರವ ಗುರ್ಕಾರ್ಲು ನಾರಾಯಣ ಜಿ. ಕೆ., ಗುರ್ಕಾರ್ಲು ಸಂತೋಷ್ ದೇವಾಡಿಗ, ಮಹಿಳಾ ಕಾರ್ಯಾಧ್ಯಕ್ಷೆ ವಾಣಿ ಮಹೇಶ್ ಇತ್ತೆರ್.
ಅಕ್ಷತಾ ನವೀನ್ ಕುಮಾರ್ ಎಡ್ಮೆಮಾರ್ ತುಡರ್ ಅರ್ಲಾದ್ ಲೇಸ್ ಉದಿಪನ ಮಲ್ತ್ ದ್ , ತುಳುನಾಡ್ ದ ಆಟಿ ತಿಂಗೊಲ್ದ ಆಚರಣೆ, ಜೀವೊಗು ತ್ರಾಣ ಕೊರ್ಪಿನ ತೆನಸುಲು ಉಂದೆತ ವಿಚಾರೊಡು ಪಾತೆರಿಯೆರ್.

ಲೇಸ್ ದ ಗುರ್ಕಾರ್ಲು ನಾಗೇಶ್ ಕುಲಾಲ್ ಪಾತೆರ್ದ್, ಪಿರಾಕ್ಡ್ ನಮ್ಮ ಪೂರ್ವಿಕೆರ್ ಆಚರಣೆ ಮಲ್ತೊಂದು ಬೈದಿನ ಆಟಿ ತಿಂಗೊಲ್ದ ನಂಬೊಲಿಗೆನು ನನ ದುಂಬಗು ನಮ ಒರಿಪಾವೊಂದು ಪೋವೊಡು ಪಂಡೆರ್.
ಆಟಿ ತಿಂಗೊಲ್ದ ವಿಶೇಷವಾಯಿನ 34 ಬಗೆತ ತೆನಸ್ ಲೆನ್ ಸ್ಪೋರ್ಟ್ಸ್ ಕ್ಲಬ್ ದ ಪದುಕೆರ್ ಮಾತ ಸೇರ್ದ್ ತಯಾರ್ ಮಲ್ತ್ ದ್ ಬತ್ತಿ ಬಿನ್ನೆರೆಗ್ ಮೋಕೆಡ್ ಬಲಸಿಯೆರ್.
ಈ ಪೊರ್ತುಡು ಯುವ ಸಬಲೀಕರಣ ಬೊಕ್ಕ ಕ್ರೀಡಾ ಇಲಾಖೆದ ಅಧಿಕಾರಿ ಪ್ರದೀಪ್ ಡಿ. ಸೋಜ, ಪಡುಪಣಂಬೂರು ಗ್ರಾಮ ಪಂಚಾಯತ್ ದ ಗುರ್ಕಾರ್ದಿ ಮಂಜುಳಾ, ಒತ್ತು ಗುರ್ಕಾರ್ದಿ ಕುಸುಮಾ, ಸದಸ್ಯೆರ್, ಬೊಕ್ಕ ಸಿಬ್ಬಂದಿ ವರ್ಗದಕುಲ್, ತೋಕೂರು ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರಾಯಿನ ಹರಿದಾಸ್ ಭಟ್, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಕುಡ್ಲದ ಪದುಕೆರಾಯಿನ ನರೇಂದ್ರ ಕೆರೆಕಾಡು, ಸ್ಪೋರ್ಟ್ಸ್ ಕ್ಲಬ್ ದ ನನ ದುಂಬುದ ಗೌರವ ಗುರ್ಕಾರ್ಲು
ಆಯಿನ ಮೋಹನದಾಸ್, ಮಹಿಳಾ ಸಮಿತಿದ ನನ ದುಂಬುದ ಗುರ್ಕಾರ್ದಿ, ಶೋಭಾ ಅಂಚನ್ ಬೊಕ್ಕ ಬೇತೆ ಸಂಘ ಸಂಸ್ಥೆದ ಪದುಕೆರ್, ಸ್ಪೋರ್ಟ್ಸ್ ಕ್ಲಬ್ ದ ಪದುಕೆರ್, ಊರುದ ಹಿರಿಯೆರ್, ಕಿರಿಯೆರ್ ಮಾತೆರ್ಲ ಈ ಲೇಸ್ ಡ್ ಪಾಲ್ ಪಡೆದ್ ಇತ್ತೆರ್.
ಸ್ಪೋರ್ಟ್ಸ್ ಕ್ಲಬ್ ದ ಗುರ್ಕಾರ್ಲು ಸಂತೋಷ್ ದೇವಾಡಿಗ ಬತ್ತಿ ಬಿನ್ನೆರೆನ್ ಎದ್ಕೊಂಡೆರ್. ಸುಧೀಕ್ಷಾ, ಸಮೀಕ್ಷಾ , ನಿಖಿತಾ ದೇವೆರೆನ್ ಸುಗಿತೆರ್. ಆಟಿದ ತೆನಸುಲು ಬೊಕ್ಕ ಅವೆನ್ ಮಲ್ದಿನಕ್ಲೆನ ಪುದರ್ ನ್ ನೀಮಾ ಓದಿಯೆರ್. ಕಾರ್ಯಾಧ್ಯಕ್ಷೆರಾಯಿನ ಸುರೇಶ್ ಶೆಟ್ಟಿ ಮೇರ್ ಲೇಸ್ ನಡಪಾದ್ ಕೊರಿಯೆರ್.

ವಿವಿ ಕಾಲೇಜ್ : ಸುರುತ ದಿನತ ಪರೀಕ್ಷೆಡ್ ಪಾಲ್ ಪಡೆಯಿನ 839 ಜೋಕುಲು

Aug 2, 2021

ಕುಡ್ಲ, ಆಗಸ್ಟ್ 2 : ಕುಡ್ಲ ವಿಶ್ವವಿದ್ಯಾನಿಲಯದ ಪದವಿ ಬೊಕ್ಕ ಸ್ನಾತಕೋತ್ತರ ಪದವಿ ಜೋಕ್ಲೆಗ್ ಬಾಕಿ ಒರಿದಿತ್ತಿನ ಪರೀಕ್ಷೆಲು ಸುರು ಆತುಂಡು , ಪೇಂಟೆದ ವಿಶ್ವವಿದ್ಯಾನಿಲಯ ಕಾಲೇಜ್ ಡ್ ಸೋಮವಾರ 839 ಜೋಕುಲು ಪರೀಕ್ಷೆ ಬರೆತೆರ್ .

(ಕಾಂಡೆ 456, ಮಧ್ಯಾಹ್ನ 383). ಪ್ರಥಮ ಬಿ.ಎ (36), ಬಿ.ಎಸ್ಸಿ (109), ಬಿ.ಕಾಂ (289), ತೃತೀಯ ಬಿಸಿಎ (12), ಕಡೆತ ಬಿ.ಎ (29), ಬಿ.ಎಸ್ಸಿ (127), ಬಿ. ಕಾಂ (224) ಕಡೆತ ಬಿಬಿಎಂ (3) ಜೋಕುಲು ಪರೀಕ್ಷೆ ಬರೆಯೆರ್ .

ಸಹಕಾರಿ ಕ್ಷೇತ್ರೊಡು ಮುಲ್ಕಿ ರಂಗನಾಥ ಶೆಟ್ರೆನ ಸಾಧನೆ ಮೆಚ್ಚೊಡಾಯಿನ: ಶ್ರೀ ಶ್ರೀ ಚಂದ್ರಶೇಖರ ಸ್ವಾಮೀಜಿ

Aug 2, 2021

ಮುಲ್ಕಿ: ಗ್ರಾಮೀಣ ಪ್ರದೇಶದ ಸಹಕಾರಿ ಕ್ಷೇತ್ರೊಡು ಜನಸೇವೆ ಮಲ್ಪುನ ಸಹಕಾರಿ ರಂಗನಾಥ ಶೆಟ್ರೆನ ಸಾಧನೆ ಮೆಚ್ಚೊಡಾಯಿನ ಪಂಡ್ ದ್ ಬೆಂಗಳೂರುದ ಅಂತಾರಾಷ್ಟ್ರೀಯ ವಾಸ್ತುತಜ್ಞೆರ್, ವೈಜ್ಞಾನಿಕ ಜ್ಯೋತಿಷಿ ಶ್ರೀ ಶ್ರೀ ಚಂದ್ರಶೇಖರ ಸ್ವಾಮೀಜಿ ಪಂಡೆರ್.
ಆರ್ ಮುಲ್ಕಿ ದ ಶ್ರೀ ಚಂದ್ರಶೇಖರ ಸ್ವಾಮೀಜಿ ಆಶ್ರಮೊಡು ಸೋಮಾರ ಕಾಂಡೆ ದಕ್ಷಿಣ ಕನ್ನಡ ಜಿಲ್ಲಾ ಸಹಕಾರಿ ಪ್ರಕೋಷ್ಠದ ಸಂಚಾಲಕೆರಾದ್ ಆಯ್ಕೆ ಆಯಿನ ಮುಲ್ಕಿ ವಿಜಯ ಸೊಸೈಟಿದ ಅಧ್ಯಕ್ಷೆರ್ ರಂಗನಾಥ ಶೆಟ್ರೆನ್ ಮಾನಾದಿಗೆ ಮಲ್ತ್ ದ್ ಪಾತೆರಿಯೆರ್.

ಕರಿನ ಕೆಲವು ವರ್ಷೊರ್ದಿಂಚಿ ಬೇತೆ ಬೇತೆ ಸಂಘಟನೆಲೆನ ಮೂಲಕ ಮುಲ್ಕಿ ಪರಿಸರೊಡು ಬಡವರೆನ, ಹಿಂದುಳಿದ ವರ್ಗದಕಲೆನ ಶಕ್ತಿಯಾದ್ ಪುಗರ್ತೆ ಪಡೆಯಿನ ರಂಗನಾಥ ಶೆಟ್ರೆನ ಸೇವೆ ನಿರಂತರ ಆದುಪ್ಪಡ್ ಪಂಡ್ ದ್ ಆರ್ ಶುಭ ಹಾರೈಕೆ ಮಲ್ತೆರ್.
ಈ ಪೊರ್ತುಡು ಆಶ್ರಮದ ನಿರ್ದೇಶಕೆರಾಯಿನ ರಜನಿ ಚಂದ್ರಶೇಖರ್ ಭಟ್, ರೋಶನಿ ಭಟ್, ರಾಹುಲ್ ಸಿ. ಭಟ್, ಸಂಚಾಲಕೆರಾಯಿನ ಪುನೀತ್ ಕೃಷ್ಣ, ವಿಜಯ ರೈತ ಸೊಸೈಟಿ ನಿರ್ದೇಶಕೆರ್ ದೇವಿಪ್ರಸಾದ್ ಕೆಂಪುಗುಡ್ಡೆ, ಭದ್ರತಾ ಸಿಬ್ಬಂದಿ ಮಂಜುನಾಥ ಗೌಡ ಮೊಕುಲು ಮಾತ ಇತ್ತೆರ್.
ರಾಹುಲ್ ಸಿ. ಭಟ್ ಸ್ವಾಗತ ಮಲ್ತೆರ್. ಪುನೀತ್ ಕೃಷ್ಣ ಲೇಸ್ ಸುಧಾರಿಕೆ ಮಲ್ತೆರ್.

3 ಕೋ.ರೂ ಪಣವುದ ಸಾಕಾರಡ್ ಕೊಂಕಣಿ ಭವನ : ವೇದವ್ಯಾಸ ಕಾಮತ್

Aug 2, 2021

ಕುಡ್ಲ, ಆಗಸ್ಟ್ 2: ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಭವನ ರೂ. 3 ಕೋಟಿ ಪಣವುನ ಸಾಕಾರಡ್ ಪೇಂಟೆದ ಉರ್ವಡ್ ಸುರು ಆಯರೇ ಉಂಡು. ಭವನ ನಿರ್ಮಾಣ ಕಾಮಗಾರಿ ಅತಿಶೀಘ್ರ ಸುರು ಆಯರೇ ಉಂಡು ಪಂದ್ ಶಾಸಕ ವೇದವ್ಯಾಸ ಕಾಮತ್ ಪಂಡೆರ್ .ಮೇರ್ ಪೇಂಟೆದ ಕುದ್ಮುಲ್ ರಂಗರಾವ್ ಪುರಭವನಡ್ ನಡತಿನ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿದ ೨೦೨೦ನೇ ಸಾಲ್ ದ ಗೌರವ ಮಾನದಿಗೆ ಬೊಕ್ಕ ಪುಸ್ತಕ ಇನಾಮು ಪಟ್ಟುನ ಲೇಸ್ ಡ್ ಪಾಲ್ ಪಡೆದ್ ಪಾತೆರಿಯೆರ್.

ವಿಧಾನ ಪರಿಷತ್ ಸದಸ್ಯ ಪ್ರತಾಪ ಸಿಂಹ ನಾಯಕ್, ಮೇಯರ್ ಪ್ರೇಮಾನಂದ ಶೆಟ್ಟಿ, ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲಾಯಿನ ದಯಾನಂದ ಕತ್ತಲ್‌ಸಾರ್, ಬ್ಯಾರಿ ಸಾಹಿತ್ಯ ಅಕಾಡೆಮಿ ಗುರ್ಕಾರ್ಲಾಯಿನ ರಹೀಂ ಉಚ್ಚಿಲ್, ಕೊಂಕಣಿ ಚಲನ ಚಿತ್ರ ನಟ, ನಿರ್ಮಾಪಕ ಬೊಕ್ಕ ಸಾಹಿತಿ ಹೆನ್ರಿ ಡಿ’ಸಿಲ್ವಾ ಪಾಲ್ ಪಡೆದಿತ್ತೆರ್.