Sat. Nov 21st, 2026

ಕುಡ್ಲದ ಸುದ್ದಿ | Mangalore News

ಬಿಜೆಪಿ ದಕ್ಷಿಣ ಕನ್ನಡ ಜಿಲ್ಲಾ ಶಿಕ್ಷಣ ಪ್ರಕೋಷ್ಟದ ಸುರುತ್ತ ಸಭೆ, ಪದಗ್ರಹಣ

ಕುಡ್ಲ : ಬಿಜೆಪಿ ದಕ್ಷಿಣ ಕನ್ನಡ ಜಿಲ್ಲಾ ಶಿಕ್ಷಣ ಪ್ರಕೋಷ್ಟದ ಆರಂಭ ಬೊಕ್ಕ ಸುರುತ್ತ ಸಭೆ ಜಿಲ್ಲಾ ಬಿಜೆಪಿ ಕಚೇರಿಡ್ ಪಕ್ಷದ ಜಿಲ್ಲಾಧ್ಯಕ್ಷೆರ್ ಸತೀಶ್ ಕುಂಪಲ ಮೆರೆನ ಮಾರ್ಗದರ್ಶನಡ್ ನಡತ್ಂಡ್.
ಪೊಸ ಪದಾಧಿಕಾರಿಲೆನ್ ಜಿಲ್ಲಾಧ್ಯಕ್ಷೆರ್ ನೇಮಕ ಮಲ್ತ್‌ದ್ ಬೊಕ್ಕ ಪದಗ್ರಹಣ ನಡತ್ಂಡ್.
ಜಿಲ್ಲಾ ಸಂಚಾಲಕೆರಾದ್
ವಸಂತ ಮಂಜನಾಡಿ ,
ಸಹ ಸಂಚಾಲಕೆರಾದ್ ನಾರಾಯಣ ಗೌಡ ಬಂಟ್ವಾಳ , ಸುರೇಶ್ ಭಂಡಾರಿ ಬೆದ್ರ, ವಿನೀತ್ ನಾಯರ್ , ಮಂಗಳೂರು ಉತ್ತರ, ಸತ್ಯನಾರಾಯಣ ಭಟ್ , ಮಂಗಳೂರು ಸೌತ್, ಸುರೇಶ್ ಎಂ ಎಸ್ , ಬೆಳ್ತಂಗಡಿ, ಮನಮೋಹನ್ , ಸುಳ್ಯ., ರಾಜೇಂದ್ರ ಮಾಸ್ಟರ್ , ಪುತ್ತೂರು, ಎ ಕೆ ಬಾಬು , ಮಂಗಳೂರು ಸೌತ್ ವಸಂತ್ ರೈ ಬಿಕೆ , ಮಂಗಳೂರು ಮಂಡಲ ಸಂಚಾಲಕೆರಾದ್ ಅಧಿಕಾರ ಸ್ವೀಕಾರ ಮಲ್ತೆರ್.
ಈ ಸಭೆಟ್ಟ್ ರಾಜ್ಯಬಿಜೆಪಿ ಶಿಕ್ಷಣ ಸಹ ಸಂಚಾಲಕೆರ್ ಬೊಕ್ಕ ಬಿಜೆಪಿ ಸೇವಾಸಂಕಲ್ಪದ ಬದಲಾವಣೆದ ಕಥೆತ್ತ ರಾಜ್ಯ ಸಹ ಉಸ್ತುವಾರಿ ಎಂ ಜಿ ಭಟ್ ಕುಮಟಾ ಪಾಲ್ ಪಡೆದ್ ಪ್ರಕೋಷ್ಟದ ಜಿಲ್ಲಾ ಬೊಕ್ಕ ಮಂಡಲ ಮಟ್ಟದ ಸಮಿತಿದ ಬಗ್ಗೆ ಮಾರ್ಗದರ್ಶನ ಕೊರಿಯೆರ್.
ದಕ್ಷಿಣ ಕನ್ನಡ ಜಿಲ್ಲಾ ಬಿಜೆಪಿ ಪ್ರಕೋಷ್ಠಲೆನ ಸಂಯೋಜಕೆರಾಯಿನ ಸುಧೀರ್ ಶೆಟ್ಟಿ ಕಣ್ಣೂರು ಬೊಕ್ಕ ಕರ್ನಾಟಕ ರಾಜ್ಯ ಬಿಜೆಪಿ ಶಿಕ್ಷಣ ಪ್ರಕೋಷ್ಟದ ಸದಸ್ಯೆರ್ ಮುರಳಿ ಹೊಸಮಜಲು ಸಲಹೆ ಸೂಚನೆ ಕೊರಿಯೆರ್.
ಪ್ರಕೋಷ್ಠದ ಜಿಲ್ಲಾ ಸಂಚಾಲಕೆರ್ ವಸಂತಕುಮಾರ್ ಮಂಜನಾಡಿ ಸೊಲ್ಮೆ ಸಂದಾಯೆರ್.

ಮುಲ್ಕಿ: ದಲಿತ ಸಂಘರ್ಷ ಸಮಿತಿ ಅಂಬೇಡ್ಕರ್ ವಾದ ಮುಲ್ಕಿ ತಾಲೂಕು ಶಾಖೆ ಉದಿಪನ

ಮುಲ್ಕಿ:ಕರ್ನಾಟಕ ದಲಿತ ಸಂಘರ್ಷ ಸಮಿತಿ ಅಂಬೇಡ್ಕರ್ ವಾದ ಮುಲ್ಕಿ ತಾಲೂಕು ಶಾಖೆನ್ ಶ್ರೀ ಕೋರಬ್ಬು ದೈವಸ್ಥಾನದ ಅರ್ಚಕ ಸುಧಾಕರ ಗೇರುಕಟ್ಟೆ ಉಡಿಪನ ಮಲ್ತೆರ್.
ದಸಂಸ ಮೈಸೂರು ವಿಭಾಗೀಯ ಸಂಘಟನಾ ಸಂಚಾಲಕೆರ್ ಬಿ.ಕೆ.ವಸಂತ್ ಬೆಳ್ತಂಗಡಿ ಗುರ್ಕಾರ್ಮೆ ವೈಸೊಂದು ಪಾತೆರ್ದ್ ಶೋಷಿತ ಸಮುದಾಯಗ್ ಅನ್ಯಾಯ, ದೌರ್ಜನ್ಯ ಆನಗ ಸಂಘಟನೆ ಕಾನೂನಾತ್ಮಕವಾದ್ ಹೋರಾಟ ಮಲ್ತ್ ನ್ಯಾಯ ತಿಕ್ಕರೆ ಸಂಘಟನೆದ ಅಗತ್ಯ ಉಂಡು . ದಲಿತ ಸಮಾಜ ಶೈಕ್ಷಣಿಕ, ಸಾಮಾಜಿಕ, ಆರ್ಥಿಕ, ಧಾರ್ಮಿಕ ಸಾಧಕರಾವರೆ ಅಂಬೇಡ್ಕರ್ ತೋಜಾಯಿನ ಸಾದಿಡ್ ಪೋವೊಡು ಪಂಡೆರ್.
ಈ ಲೇಸ್ ಡ್ ಮಲ್ಲ ಬಿನ್ನೆರಾದ್ ಮಾಜೀ ಸೈನಿಕ ಸುಧಾಕರ ಗುತ್ತಕಾಡು, ದಲಿತ ಮುಖಂಡೆರ್ ಸಂಜೀವ ಅಂಚನ್, ಲೋಕೇಶ್ ಬಿ., ಶಂಕರ್ ಅಮೃತಾನಂದಮಯಿ ನಗರ, ಭಾಸ್ಕರ್ ಮಾಬೆನ್, ಪುರಂದರ ಕೆರೆಕಾಡು, ಸಚ್ಚಿದಾನಂದ ಗೇರುಕಟ್ಟೆ ಉಪಸ್ಥಿತರಿತ್ತೆರ್.
ಕುಮಾರ್ ಎಸ್.ಅಂಗರಗುಡ್ಡೆ ಎದ್ಕೊಂದು ಲೇಸ್ ಸುದಾರಿಕೆ ಮಲ್ತೆರ್ .

ಪೊಸ ದ ಸಂ ಸ ಅಂಬೇಡ್ಕರ್ ವಾದ ಮುಲ್ಕಿ ತಾಲೂಕು ಶಾಖೆ ಸಮಿತಿದ ಪದಾಧಿಕಾರಿಲು

ಸಂಚಾಲಕೆರ್ ಪುರಂದರ ಕೆರೆಕಾಡು, ಸಂಘಟನಾ ಸಂಚಾಲಕೆರ್ ಸಂಜೀವ ಅಂಚನ್, ಜಯ ಅಮೃತಾನಂದಮಯಿ ನಗರ, ಶ್ರೀಕುಮಾರ್ ಎಸ್.ಅಂಗರಗುಡ್ಡೆ, ಸಚ್ಚಿದಾನಂದ ಗೇರುಕಟ್ಟಿ, ಶಂಕರ್ ಕೆಎಸ್‌ರಾವ್ ನಗರ, ಭಾಸ್ಕರ ಮಾಬೆನ್ ಕಾರ್ನಾಡು.

ನಿರ್ವಹಣಾ ಸಮಿತಿ ಸದಸ್ಯೆರ್

ಜಗನ್ನಾಥ್ ಗೇರುಕಟ್ಟೆ, ಸುಧಾಕರ ಗುತ್ತಕಾಡು, ಮೋಹನ್ ಚಿತ್ರಾಪು, ವಿಜಯ ಕಾರ್ನಾಡು, ಸುಧಾಕರ ಗೇರುಕಟ್ಟೆ, ರಕ್ಷಣ್ ಕಾರ್ನಾಡು, ಶಯನ್ ಕೆಎಸ್‌ರಾವ್ ನಗರ,

ತಾಲೂಕು ಸಮಿತಿ ಸದಸ್ಯೆರ್

ಸತೀಶ್ ಅಮೃತಾನಂದಮಯಿ ನಗರ, ಗೋಪಾಲ ಅಮೃತಾನಂದಮಯಿ ನಗರ, ರಮೇಶ್ ಕಾರ್ನಾಡು, ಪ್ರಕಾಶ್ ಪೊಯ್ಯಾರು, ವಿಠಲ ಸಾಲ್ಯಾನ್ ಮುಲ್ಕಿ ರಮೇಶ್ ಜೆ.ಬಿ., ಸಂಜನಾ, ರೇಣುಕಾ ಪ್ರವೀಣ್ ಗೇರುಕಟ್ಟೆ, ಕೃಷ್ಣ ಅಮೃತನಂದಮಯಿ ನಗರ

ಮಂಗಳೂರು ಮಹಾನಗರ ಪಾಲಿಕೆದ ಎಡಿಬಿ ಸಾಲ ಬಡ್ಡಿ ಸೇರ್ದ್ 1,375 ಕೋಟಿ ರೂ. ಏರಿಕೆ!?

ಕುಡ್ಲ: ಮಂಗಳೂರು ನಗರದ ಪರ್ಪಿನ ನೀರ್ ಸರಬರಾಜು ಬೊಕ್ಕ ಒಳಚರಂಡಿ ಮೂಲಸೌಕರ್ಯ ಮೇಲ್ದರ್ಜೆಗ್ ಏರಿಸಾವರೆ ದೆತೊಂದಿನ ಏಷ್ಯನ್ ಅಭಿವೃದ್ಧಿ ಬ್ಯಾಂಕ್‌ನಿಂದ (ಎಡಿಬಿ) ಸಾಲದ ಮೊತ್ತ ಇತ್ತೆ ಅಸಲು ಬೊಕ್ಕ ಬಡ್ಡಿ ಸೇರ್ದ್ ಬರೋಬ್ಬರಿ 1,375.17 ಕೋಟಿ ರೂ.ಗ್ ಏರ್ದ್ಂಡ್.

ಮಾಹಿತಿ ಹಕ್ಕು ಕಾಯ್ದೆ (ಆರ್‌ಟಿಐ) ಅಡಿಟ್ಟ್ ತಿಕಿನ ಮಾಹಿತಿ ಪ್ರಕಾರ, ಯೋಜನೆ ಅನುಷ್ಠಾನ ಸಂಸ್ಥೆ ‘ಕರ್ನಾಟಕ ನಗರ ಮೂಲಸೌಕರ್ಯ ಅಭಿವೃದ್ಧಿ ಮತ್ತು ಹಣಕಾಸು ನಿಗಮ’ಗ್ ಸುರುಕ್ಕು ಬಿಡುಗಡೆಯಾತಿನ ಅಸಲು 380.34 ಕೋಟಿ ರೂ. ಆಂಡ ಚಕ್ರಬಡ್ಡಿ ಮತ್ತು ಶೇ. 2.5 ದಂಡದ ಬಡ್ಡಿ ಸೇರ್ದ್ 2026ತ್ತ ಏಪ್ರಿಲ್ ಗ್ ಅಯಿತ್ತ ಮೊತ್ತ 1,375.17 ಕೋಟಿ ರೂ. ಆತ್ಂಡ್ .

ಸಾಲ ಸಂದಾವುನ ಅವಧಿ 2026ಕ್ಕೇ ಮುಗಿದ್ಂಡಲ ಮಹಾನಗರ ಪಾಲಿಕೆ ಇದಮುಟ್ಟಲ ಒಂಜಿ ಕಂತ್‌ಲ ಕಟ್ ದಿಜಿ ಪಂದ್ ತೆರಿದ್ ಬೈದ್ಂಡ್.
ಎಡಿಬಿ ಸಾಲಗ್ ಸಂಬಂಧಪಟಿನ ಎನ್‌ಜಿಒ ಟಾಸ್ಕ್ ಫೋರ್ಸ್ನ ಮಾಜಿ ಸಂಚಾಲಕೆರ್ ಹರ್ಷ ಡಿಸೋಜ ಪಾತೆರ್ದ್, “ಪಾಲಿಕೆ ಸಾಲದ ಒಂಜಿ ಕಂತ್‌ಲ ಕಟ್‌ದಿಜಿಡಲ ಚರಂಡಿ ಸೆಸ್ ಬೊಕ್ಕ ಬೇತೆ ತೆರಿಗೆದ ಸಂಗ್ರಹದ ದುಡ್ಡು ಓಡೆ ಪೋತುಂಡು ಪಂದ್ ಪ್ರಶ್ನೆ ಮಲ್ದೆರ್.

ಯುವಚೇತನ ಹೊಸಬೆಟ್ಟು ಕುಳಾಯಿ ವತಿರ್ದ್ ಶಿಕ್ಷಕರ ದಿನಾಚರಣೆ, ಗೌರವಾರ್ಪಣೆ

ಸುರತ್ಕಲ್ : ನವಗಿರಿ ಸೇವಾ ಟ್ರಸ್ಟ್ (ರಿ ) ಹೊಸಬೆಟ್ಟು ಕುಳಾಯಿ ಉಂದೆತ್ತ ಪ್ರಧಾನ ಯುವ ಸಂಘಟನೆ ಯುವಚೇತನ ಹೊಸಬೆಟ್ಟು ಕುಳಾಯಿ ನೆತ್ತ ನಿರೆಲ್‌ಡ್ ಶಿಕ್ಷಕರ ದಿನಾಚರಣೆದ ಅಂಗವಾದ್ ವಿದ್ಯಾದಾಯಿನಿ ಪ್ರೌಢ ಶಾಲೆದ ನಿವೃತ್ತ ಮುಖ್ಯೋಪಾಧ್ಯಾಯಿನಿ, ಸಂಚಾಲಕಿ, ಹಿಂದೂ ವಿದ್ಯಾದಾಯಿನಿ ಸಂಘದ ಕಾರ್ಯದರ್ಶಿಯಾದ್ ಗುರುತರ ಸೇವೆ ಮಲ್ದಿನ ಶ್ರೀಮತಿ ಐ. ಉಮಾದೇವಿ ಬೊಕ್ಕ ವಿದ್ಯಾದಾಯಿನಿ ಪ್ರೌಢ ಶಾಲೆದ ನಿವೃತ್ತ ಮುಖ್ಯೋಪಾಧ್ಯಾಯೆರ್ ಬಿ ರಮೇಶ್ ಮೆರೆಗ್ ಅಕ್ಲೆನ ಇಲ್ಲಡ್ ಗುರು ನಮನ ಸಂದಾವುನ ಲೇಸ್ ನಡತ್ಂಡ್.
ವಿದ್ಯಾದಾಯಿನಿ ಹಳೆ ವಿದ್ಯಾರ್ಥಿ ಸಂಘದ ಕಾರ್ಯದರ್ಶಿ ಶ್ರೀನಿವಾಸ ಕುಳಾಯಿ ಅಭಿನಂದನಾ ಭಾಷಣ ಮಲ್ತ್‌ದ್, “ನಮಕ್ಕ್ ಅಪ್ಪೆ ಅಮ್ಮೆರ್ ಜೀವನ ಕೊರಿಯೆರ್‌ಡ ಶಿಕ್ಷಕೆರ್ ಜೀವನಗ್ ಸರಿಯಾಯಿನ ಸಾದಿ ತೋಜಾವೆರ್. ಅಂಚಿನ ಶಿಸ್ತು ಸಮಾನತೆದ ಒಟ್ಟುಗು ಜ್ಞಾನದಾನ ಮಲ್ದಿನ ಶಿಕ್ಷಕೆರ್ ಸದಾ ಅಭಿನಂದನೀಯೆರ್” ಪಂದ್ ಪಂಡೆರ್.
ವಿದ್ಯಾದಾಯಿನಿ ಹಳೆ ವಿದ್ಯಾರ್ಥಿ ಸಂಘದ ಅಧ್ಯಕ್ಷೆರ್ ಹಿರಿಯ ನ್ಯಾಯವಾದಿ ರಾಘವೇಂದ್ರ ಹೆಚ್ ವಿ, ಯುವಚೇತನದ ಅಧ್ಯಕ್ಷೆರ್ ಅರುಣ್ ಕಕ್ಕೆಸಾಲು, ಕಾರ್ಯದರ್ಶಿ ವಿಕ್ರಮ್ ಮೈರ್ಪಾಡಿ, ಕೋಶಾಧಿಕಾರಿ ಅಮಿತ್ ಹತ್ವಾರ್, ಉಪಾಧ್ಯಕ್ಷೆರಾಯಿನ ಪ್ರಶಾಂತ್ ರಾವ್ ಹೆಚ್, ಅಶೋಕ್, ವಸಂತ ರಾಜ ಹೆಚ್, ಉಜ್ವಲ್ ಮೊಕುಲು ಮಾತ ಇತ್ತೆರ್. ಪವನ್ ಮೈರ್ಪಾಡಿ ಲೇಸ್ ಸುದಾರಿಕೆ ಮಲ್ತೆರ್.

“ಮಂಗಳೂರು ದಸರಾ” ಲೆಪ್ಪೋಲೆ ಬುಡುಗಡೆ

ಅ.11-21 ಮುಟ್ಟ ಕುಡ್ಲಡ್ ಮಾರ್ನೆಮಿದ ಗೌಜಿ

ಕುಡ್ಲ : ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರಡ್ ಅಕ್ಟೋಬರ್ 11 ತಾರೀಕ್‌ರ್ದ್ 21 ತಾರೀಕ್ ಮುಟ್ಟ ನಡಪುನ ಪ್ರತಿಷ್ಠಿತ “ಮಂಗಳೂರು ದಸರಾ”ದ ಲೆಪ್ಪೋಲೆನ್ ಶ್ರೀ ಕ್ಷೇತ್ರದ ರೂವಾರಿ, ಕೇಂದ್ರದ ಮಾಜಿ ಪನವುದ ಸಚಿವೆರ್ ಶ್ರಿ ಬಿ. ಜನಾರ್ದನ ಪೂಜಾರಿ ಮೇರ್ ಶ್ರೀ ಕ್ಷೇತ್ರಡ್ ಬುಡುಗಡೆ ಮಲ್ತೆರ್.
ಈ ಪೊರ್ತುಡು ದೇವಸ್ಥಾನದ ಅಧ್ಯಕ್ಷೆರ್ ಜೈರಾಜ್ ಎಚ್. ಸೋಮಸುಂದರಂ, ಕೋಶಾಧಿಕಾರಿ ಆರ್. ಪದ್ಮರಾಜ್, ಟ್ರಸ್ಟಿ ಕಿಶೋರ್ ದಂಡೆಕೇರಿ, ಅಭಿವೃದ್ಧಿ ಸಮಿತಿದ ಉಪಾಧ್ಯಕ್ಷೆರ್ ಡಾ. ಬಿ.ಜಿ. ಸುವರ್ಣ, ಸದಸ್ಯೆರಾಯಿನ ರಾಧಾಕೃಷ್ಣ ಉರ್ವ, ಪಿ.ಕೆ. ಗೌರವಿ ರಾಜಶೇಖರ್, ಲತೀಶ್ ಸುವರ್ಣ, ಉದ್ಯಮಿ ಪ್ರವೀಣ್ ಕುಮಾರ್, ರಾಷ್ಟ್ರೀಯ ಬಿಲ್ಲವ ಮಹಾಮಂಡಲದ ಕೋಶಾಧಿಕಾರಿ ಯೋಗೀಶ್ ಕೋಟ್ಯಾನ್ ಚಿತ್ರಾಪು,ಕದ್ರಿ ಶ್ರೀ ಮಂಜುನಾಥ ಸ್ವಾಮಿ ದೇವಸ್ಥಾನದ ಟ್ರಸ್ಟಿ ರಾಜೇಂದ್ರ ಚಿಲಿಂಬಿ, ರವಿರಾಜ್, ಸುಭಾಷ್ ಭಂಡಾರಿ ಮೊಕುಲು ಮಾತ ಇತ್ತೆರ್.

ಶಾರದಾ ದರ್ಬಾರ್ ಮಂಟಪೊಗು
ಮುರ್ತ

ಮಂಗಳೂರು ದಸರಾದ ಪ್ರಧಾನ ಆಕರ್ಷಣೆ ಶ್ರೀ ಶಾರದಾ ದೇವಿ, ಮಹಾ ಗಣಪತಿ ಬೊಕ್ಕ ನವದುರ್ಗೆಯೆರೆನ್ ಪ್ರತಿಷ್ಠಾಪನೆ ಮಲ್ಪುನ ದರ್ಬಾರ್ ಮಂಟಪೊಗು ವೈದಿಕ ವಿಧಿ ವಿಧಾನದ ಮುಕೇನ ಮುಹೂರ್ತ ನಡತ್ಂಡ್. ಈ ಪೊರ್ತುಡು ಕ್ಷೇತ್ರದ ಅಧ್ಯಕ್ಷೆರ್ ಜೈರಾಜ್ ಎಚ್ ಸೋಮಸುಂದರಂ, ಪದ್ಮರಾಜ್ ಆರ್, ಟ್ರಸ್ಟಿ ಕಿಶೋರ್ ದಂಡೆಕೇರಿ, ಅಭಿವೃದ್ಧಿ ಸಮಿತಿದ ಉಪಾಧ್ಯಕ್ಷೆರ್ ಡಾ. ಬಿ.ಜಿ. ಸುವರ್ಣ, ಸದಸ್ಯೆರಾಯಿನ ರಾಧಾಕೃಷ್ಣ ಉರ್ವ, ಪಿ.ಕೆ. ಗೌರವಿ ರಾಜಶೇಖರ್, ಲತೀಶ್ ಸುವರ್ಣ, ಉದ್ಯಮಿ ಪ್ರವೀಣ್ ಕುಮಾರ್, ಯೋಗೀಶ್ ಕೋಟ್ಯಾನ್ ಚಿತ್ರಾಪು,
ಮುಲ್ಕಿ ಸುವರ್ಣ ಆರ್ಟ್ಸ್ ‌ದ ಚಂದ್ರಶೇಖರ ಸುವರ್ಣ ಮೊಕುಲು ಮಾತ ಇತ್ತೆರ್.

ಹಳೆಯಂಗಡಿ ಕದಿಕೆ ಸಾಲ್ಯಾನ್ ಮೂಲಸ್ಥಾನ ಸಮಿತಿ ಅಧ್ಯಕ್ಷೆರಾದ್ ತಾರಾನಾಥ ಸಾಲ್ಯಾನ್ ಆಯ್ಕೆ

ಸುರತ್ಕಲ್ : ಹಳೆಯಂಗಡಿ ಕದಿಕೆ ಸಾಲ್ಯಾನ್ ಮೂಲಸ್ಥಾನ ಸಮಿತಿದ ಅಧ್ಯಕ್ಷೆರಾದ್ ತಾರಾನಾಥ ಸಾಲ್ಯಾನ್ ಸುಭಾಷಿತನಗರ ಆಯ್ಕೆ ಆತೆರ್.
ತಾರಾನಾಥ ಸಾಲ್ಯಾನ್ ಮೇರ್ ವಿವಿಧ ಸಂಘಟನೆಲೆಡ್ ಸಕ್ರಿಯವಾದ್ ಬೇಲೆ ಮಲ್ತೊಂದುಲ್ಲೆರ್. ಸುಭಾಷಿತನಗರ ರೆಸಿಡೆಂಟ್ಸ್ ವೆಲ್ ಫೇರ್ ಅಸೋಸಿಯೇಶನ್ ನ ಉಪಾಧ್ಯಕ್ಷೆರಾದ್‌ಲ ಸೇವೆ ಮಲ್ತೊಂದುಲ್ಲೆರ್.

 

ಅಗರಮಿತ್ತ್ ಜಾರಂದಾಯ ಸಾನ ಜೀರ್ಣೋದ್ಧಾರ ಸಮಿತಿ ಅಧ್ಯಕ್ಷೆರಾದ್ ಚರಣ್ ಜೆ ಶೆಟ್ಟಿ ಕುಳಾಯಿಗುತ್ತು

ಸುರತ್ಕಲ್: ಅಗರಮಿತ್ತ್ ಜಾರಂದಾಯ ದೈವಸ್ಥಾನದ ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರಾದ್ ಚರಣ್ ಜೆ ಶೆಟ್ಟಿ ಕುಳಾಯಿಗುತ್ತು ಆಯ್ಕೆ ಆತೆರ್.
ಕಾರ್ಯಾಧ್ಯಕ್ಷೆರಾದ್ ಡಾ ಕೆ ಪಿ ಕೆ ಹೆಗ್ಡೆ, ಉಪಾಧ್ಯಕ್ಷೆರಾದ್ ರವಿ ಶೆಟ್ಟಿ, ಎಸ್ ರತ್ನಾಕರ ಶೆಟ್ಟಿ, ಜಾರಪ್ಪ ಶೆಟ್ಟಿ, ಐ ಬಾಬುಚಂದ್ರ, ಸುಂದರ ಅಮೀನ್, ಐ ರಾಜೇಶ್ ಕುಡ್ವ ಕಾರ್ಯದರ್ಶಿಯಾದ್ ಮೋಹನ್ ದಾಸ್ ಐ, ಜೊತೆ ಕಾರ್ಯದರ್ಶಿಯಾದ್ ಪ್ರವೀಣ್ ಎನ್ ಎಂ ಪಿ ಎ ಆಯ್ಕೆ ಆತೆರ್.

“ಕುಡ್ಲಡ್ ನೀರ್‌ದ ಸಮಸ್ಯೆ ಪರಿಹಾರಗ್ ತುಂಬೆ ಡ್ಯಾಮ್ ಎತ್ತರ ಮಲ್ಪಾಲೆ, ಕಡಲ್‌ದ ನೀರ್ ಶುದ್ದ ಮಲ್ಪಾಲೆ”

ವಿಧಾನಸಭೆಟ್ಟ್ ಶಾಸಕೆರ್ ವೇದವ್ಯಾಸ ಕಾಮತ್ ಆಗ್ರಹ

ಕುಡ್ಲ : ಪರ್ಪಿನ ನೀರ್‌ದ ಸಮಸ್ಯೆಗ್ ಪರಿಹಾರವಾದ್ ತುಂಬೆ ಡ್ಯಾಮ್ ಎತ್ತರ ಜಾಸ್ತಿ ಮಲ್ಪುಲೆ, ಕಡಲ್ದ ನೀರ್ ಶುದ್ಧ ಮಲ್ಪುಲೆ ಪಂದ್ ಶಾಸಕೆರ್ ವೇದವ್ಯಾಸ ಕಾಮತ್ ರಾಜ್ಯ ವಿಧಾನಸಭೆತ್ತ ಅಧಿವೇಶನಡ್ ಆಗ್ರಹ ಮಲ್ತೆರ್.
“ಕುಡ್ಲಡ್ ಬರಗಾಲದ ಬೆಚ್ಚ ಇತ್ತೆನೇ ಸುರುವಾತ್ಂಡ್. ನನ ಮಾರ್ಚ್ ತಿಂಗೊಲುಗು ಬೊಕ್ಕ ವರ್ಷದ ಅಕೇರಿಗ್ ಸಮಸ್ಯೆ ವಿಪರೀತಗ್ ಪೋಪಿನ ಲಕ್ಷಣ ಉಂಡು. ಈ ಬಗ್ಗೆ ಅಗತ್ಯ ಕ್ರಮ ದೆತೊನೊಡು ಪಂದ್ ಆರ್ ಒತ್ತಾಯ ಮಲ್ತೆರ್.
ಬರ ವಿಷಯವಾದ್ ನಡತಿನ ಚರ್ಚೆಡ್ ಪಾತೆರ್ನ ಆರ್, ನಮ್ಮ ಕುಡ್ಲ ಪೇಂಟೆಗ್ ತುಂಬೆ ಡ್ಯಾಮ್ ಆಸರೆಯಾದುಂಡು. ಸದ್ಯ ಅಯಿತ ಎತ್ತರ 6 ಮೀಟರ್ ಇತ್ತ್ಂಡಲ ಅಯಿಟ್ 2-3 ಮೀಟರ್ ದಾತ್ ಕೆಸರೇ ಉಂಡು. ಅಂಚಾದ್ ಡ್ಯಾಮ್ ಎತ್ತರ ಮಲ್ತ್ಂಡ ಪೇಂಟೆಗ್ ನೀರ್ ತಿಕ್ಕುಂಡು. ಅಪಗ ಸುತ್ತಮುತ್ತ ಮುಳುಗಡೆ ಪ್ರದೇಶದ ಜನಕ್ಲೆಗ್ ಅಗತ್ಯ ಪರಿಹಾರ ಯೋಜನೆಲ ಪಾಡೊಡು ಪಂಡೆರ್.
ಸದ್ಯೊಗು ಕಡಲ್‌ದ ಉಪ್ಪು ನೀರ್ ಶುದ್ಧಿಕರಣ ಕರ್ಚಿ ಎಚ್ಚಾಂಡಲ ಅವೆನ್ ಕೈಗಾರಿಕೆಗ್ ಕೊರೊಲಿ. ಎಂಆರ್ ಪಿ ಎಲ್ ಕಂಪೆನಿ ಪ್ರತಿ ನಿತ್ಯ 20 ಎಂ ಎಲ್ ಡಿ ನೀರ್‌ನ್ ಉಂದುವೇ ಮಾದರಿಡ್ ಗಲಸೊಂದುಲ್ಲೆರ್. ಸರ್ಕಾರ ಈ ಬಗೆಟ್ಟ್ ಗಂಭೀರವಾದ್ ಚಿಂತನೆ ಮಲ್ತ್‌ದ್ ನಗರ ಭಾಗಡ್ 2 ಪ್ಲಾಂಟ್ ಮಾಲ್ತ್ಂಡ ಮಸ್ತ್ ಉಪಯೋಗ ಆಪುಂಡು” ಪಂದ್ ಆರ್ ತೆರಿಪಾದೆರ್.

ನಿಡ್ಲೆ ಗೋವಿಂದ ಭಟ್ರೆಗ್ ಮಂಡೆಚ್ಚ ಪ್ರಶಸ್ತಿ -2026

ಕಟೀಲ್ :ಖ್ಯಾತ ಭಾಗವತ ದಿ. ವಿದ್ವಾನ್ ದಾಮೋದರ ಮಂಡೆಚ್ಚ ಮೇರೆನ ಪುದರ್ ಡ್ಕೊರ್ಪುನ ಮಂಡೆಚ್ಚ ಪ್ರಶಸ್ತಿನ್ ಈ ವರ್ಸ ಖ್ಯಾತ ಯಕ್ಷಗಾನ ಕಲಾವಿದ ನಿಡ್ಲೆ ಗೋವಿಂದ ಕೊರೊಂದುಲ್ಲೆರ್.
ಧರ್ಮಸ್ಥಳ ಲಲಿತಕಲಾ ಕೇಂದ್ರದ ಸುರುತ ತಂಡದ ವಿದ್ಯಾರ್ಥಿಯಾದ್ ಸೇರಿಬೊಕ್ಕ ಗೋವಿಂದ ಭಟ್ರ್ ಕುರಿಯ ವಿಠ್ಠಲ ಶಾಸ್ತ್ರಿ ಬೊಕ್ಕ ಪಡ್ರೆ ಚಂದು ಮೇರೆನ ಶಿಷ್ಯರಾಯೆರ್ . ಧರ್ಮಸ್ಥಳ, ಕೊಲ್ಲೂರು, ವೇಣೂರು, ಮುಂಬೈ ಗೀತಾಂಬಿಂಕಾ ಯಕ್ಷಗಾನ ಮಂಡಳಿ, ಸುಬ್ರಹ್ಮಣ್ಯ, ಬಪ್ಪನಾಡು, ಪುತ್ತೂರು, ಕರ್ನಾಟಕ ಮೇಳಗಡ್ 43 ವರ್ಸದ ನಿರಂತರ ತಿರುಗಾಟ. ಧರ್ಮಸ್ಥಳ ಮೇಳ ಒಂಜೆಟೇ 3೦ ವರ್ಸ ಸೇವೆ. ಪೌರಾಣಿಕ ಪ್ರಸಂಗದ ಮಾತಾ ವೇಷ ಮಲ್ದಿನ ಅನುಭವಿ. ನಾಟಕೀಯ ರಾವಣ, ಹಿರಣ್ಯಾಕ್ಷ, ಇಂದ್ರಜಿತು, ಮೈರಾವಣ, ಕೌರವ, ಅರ್ಜುನ, ಕರ್ಣ, ಜಮದಗ್ನಿ, ದಕ್ಷ, ಕಂಸ, ಕೌಂಡ್ಲಿಕ, ಮಹಿಷಾಸುರ, ಧರ್ಮಸ್ಥಳ ಕ್ಷೇತ್ರ ಮಹಾತ್ಮೆದ ಬ್ಯಾರಿ ಪಾತ್ರಡ್ ಆರ್ ಪುಗಾರ್ತೆ ಪಡೆತೆರ್. ಕೃಷಿಕರಾದ್ ಇಪ್ಪುನ ನಿಡ್ಲೆ ಗೋವಿಂದ ಭಟ್ರ್ ಕರಿನ 40 ವರ್ಸಡ್ ಮರಿಯಾಲಡ್ ತನ್ನನೇ ನಿಡ್ಲೆ ಮೇಳದ ಒರುಟು ಆಟನ್ ಬೇತೆ ಬೇತೆ ರಾಜ್ಯಗ್ ಕೊನೊತೆರ್. , ಆತೆ ಅತ್ತಾಂದೆ ಅವೆತೋ ಕಲಾವಿದೆರೆಗ್ ಅನ್ನದಾತರಾದ್ ಉಲ್ಲೆರ್ . ಇತ್ತೆ ಅತಿಥಿ ಕಲಾವಿದೆರಾದ್ ಆಟಲೆಡ್ ಪಾಲ್ ಪಡೆಪೆರ್ .
ಅವೆತೋ ಪ್ರಶಸ್ತಿ, ಮಾನಾದಿಗೆ ಪಡೆತಿನ ಗೋವಿಂದ ಭಟ್ರ್ ಮಂಡೆಚ್ಚ ಪ್ರಶಸ್ತಿನ್ ಅಕ್ಟೋಬರ್ 31 ತಾನಿ ಇರಾ ಕುಂಡಾವು ಶ್ರೀ ಸೋಮನಾಥೇಶ್ವರ ದೇವಸ್ಥಾನಡ್ ನಡಪರೆ ಇಪ್ಪುನ ಕಲ್ಲಾಡಿ ವಿಠಲ ಶೆಟ್ಟಿ ಸಂಸ್ಮರಣ ಕಾರ್ಯಕ್ರಮಡ್ ಕೊರ್ಪುನು ಪಂದ್ ಪ್ರಕಟನೆ ತೆರಿಪಾದೆರ್ .

ಪಾವಂಜೆ ಜಂಕ್ಷನ್ ಡ್ ಬ್ಯಾರಿಕೇಡ್ ಗ್ ತಾಂಟಿನ ಮೀನ್ ದ ಲಾರಿ – ತತ್ತಿನ ಮಲ್ಲ ಅನಾಹುತ

ಮುಲ್ಕಿ: ರಾಷ್ಟ್ರೀಯ ಹೆದ್ದಾರಿ 66ತ ಹಳೆಯಂಗಡಿ ಕೈತಲ್ ಪಾವಂಜೆ ಜಂಕ್ಷನ್ ದಲ್ಪ ಕುಡ್ಲರ್ದ್ ಒಡಿಪು ಕಡೆಕ್ ಪೋಪುನ ಕಾರ್ ಗ್ ಆಪುನ ಅಪಘಾತ ತಪ್ಪಾವರೆ ಪೋದು ಮಾರ್ಗ ಬರಿಟ್ ಅಪಘಾತ ತಡೆಕ್ ದೀತಿನ ಬ್ಯಾರಿಕೇಡ್ ಗ್ ಮೀನ್ ದ ಲಾರಿ ತಾಂಟುದ್ಂಡ್ .
ಗುದ್ದಿನ ಪೆಟ್ಟ್ ಗ್ ಬ್ಯಾರಿಕೇಡ್ ಚಿಪ್ಪರ್ ಚೂರು ಅತುಂಡ್ .
ಅಪಘಾತದ ಪೊರ್ತುಡು ಕಾರ್ ಡ್ ಇತ್ತಿನಕುಲು ಜಾಗೆರ್ದ್ ಬಲ್ದೆರ್. ಕುಡ್ಲ ಉತ್ತರ ಟ್ರಾಫಿಕ್ ಪೊಲೀಸೆರ್ ಭೇಟಿ ಕೊರ್ದು ಪರಿಶೀಲನೆ ಮಲ್ದೆರ್.
ಅಪಘಾತ ತಡೆಕ್ ಬ್ಯಾರಿಕೇಡ್ ದೀತಿನ ಒಂತೆ ದೂರಡ್ ಮಾರ್ಗ ಬರಿಟ್ ಶಾಲೆದ ಜೋಕುಲು ಬಸ್ಸ್ ಗ್ ಕಾತೊಂದು ಇಪ್ಪುವ ಆಂಡ ಅ ಪೊರ್ತುಡು ಜೋಕುಲು ಇಪ್ಪಂದೆ ಮಲ್ಲ ಅನಾಹುತ ತತ್ತ್ಂಡ್ ಪಂದ್ ಪಡುಪಣಂಬೂರು ಗ್ರಾಮ ಪಂಚಾಯತ್ ಮಾಜೀ ಅಧ್ಯಕ್ಷೆರ್ ವಿನೋದ್ ಸಾಲ್ಯಾನ್ ಬೆಳ್ಳಾಯರು ತೆರಿಪಾದೆರ್ .
ದಿನರ್ದ್ ದಿನ ರಾಷ್ಟ್ರೀಯ ಹೆದ್ದಾರಿ ಪಾವಂಜೆ ಜಂಕ್ಷನ್ ಅಪಾಯಕಾರಿಯಾದ್ ಪೋತುಂಡು. ಸೂಕ್ತ ಸರ್ವಿಸ್ ಮಾರ್ಗ ಇಪ್ಪಂದೆ ಮಾರ್ಗ ಕಡಪುನ ಜೋಕುಲೆಗ್ ಪರಬೆರೆಗ್ ಬಂಗ ಅತುಂಡ್ .
ಈ ಭಾಗೊಡು ಅಪಘಾತ ತಡೆಕ್ ಪೊಸ ಬ್ಯಾರಿಕೇಡ್ ಪಾಡುನ ಒಟ್ಟುಗು ಗಾಡಿ ಪೋಪುನಕ್ಲೆನ ಎಚ್ಚರಿಕೆಗ್ ಸಿಸಿ ಕ್ಯಾಮೆರಾ ಪಾಡೊಡು ಪಂದ್ ಮೇರ್ ಪೊಲೀಸ್ ಇಲಾಖೆಗ್ ತೆರಿಪಾದೆರ್.

You Missed