ಬಜ್ಪೆ: ಶ್ರಮದಾನ ಮಲ್ತೊಂದಿಪ್ಪುನಗ ಪಿರಾಕ್ ದ ದೇವಲ್ಯದ ಸೊತ್ತು ಪತ್ತೆ
ಬಜ್ಪೆ: ಗಂಜಿಮಠ ಕೈತಲ್‌ದ ಮಳಲಿ ದೇವರಗುಡ್ಡೆ ಪನ್ಪಿನಲ್ಪ ಅಂದಾಜಿ 900 ವರ್ಷದ ಪಿರವು ನಾಶ ಆದಿತ್ತ್ಂಡ್ ಪಂದ್ ಪನ್ಪಿನ ಶ್ರೀ ಸೂರ್ಯನಾರಾಯಣ ದೇವಲ್ಯದ ಪುನರ್ ನಿರ್ಮಾಣಗಾದ್ ದೇವಲ್ಯ ಇತ್ತಿನ ಜಾಗೆನ್ ಶ್ರಮದಾನ ಮಲ್ಪುನ ಪೊರ್ತುಡು ನಾಶ ಆದಿತ್ತಿನ ಪುರಾತನ ದೇವಲ್ಯದವು ಪಂದ್ ಇಪ್ಪುನ ಮಣ್ಣ್‌ದ ಇಟ್ಟಿಗೆಲು, ತಿಬಿಲಲು, ಮಾಡ್, ಕಲ್ಲುಲು, ಗರ್ಭಗುಡಿ ಅಂಚನೆ ಜಾಗೆಡ್ ನಾಲ್ ಚೌಕ ಆಕಾರದ ಮಾಮಲ್ಲ ಕಲ್ಲುಲು ಪತ್ತೆ ಆತ್ಂಡ್.
ಉಂದು ಸಾರ ವರ್ಷದ್‌ಲ ಪುರಾತನ ಆದಿಪ್ಪು ಪಂದ್ ಅಂದಾಜಿ ಮಲ್ತ್‌ದೆರ್. ದೇವಲ್ಯದ ಜಾಗೆಡ್ ನನಲ ಮಸ್ತ್ ಅವಶೇಷಲು ಪತ್ತೆ ಆಪುನ ಸಾಧ್ಯತೆ ಉಂಡು. ಇತ್ತೆ ತಿಕ್ಕಿನ ಸೊತ್ತುಲು ವಾ ಕಾಲದವು ಬೊಕ್ಕ ವಾ ದೇವಲ್ಯಗ್ ಸೇರೊಡಾಯಿನವು ಪಂದ್ ತಜ್ಞೆರೆರ್ದ್ ಪರಿಶೀಲನೆ ಮಲ್ತಿಬೊಕ್ಕ ಬಹಿರಂಗ ಆಯರೆ ಉಂಡು.
ಮುಲ್ಪ ಪಿರವುಡ್ ದೇವಲ್ಯ ಇತ್ತ್ಂಡ್ ಪನ್ಪಿನ ವಿಚಾರ ಕರಿನ ಕೆಲ ಸಮಯದ ಪಿರವು ಮಲ್ತ್‌ದಿನ ತಾಂಬೂಲ ಪ್ರಶ್ನಾ ಚಿಂತನೆಡ್ ತೋಜಿದ್ ಬೈದ್ಂಡ್. ಈ ನಿಲೆಟ್ಟ್ ಈ ಜಾಗೆಡ್ ಹೋಮ ಹವನಾದಿಲೆನ್ ಮಲ್ತ್‌ದ್ ಜಾಗೆನ್ ಸರಿಯಾದ್ ಮಲ್ಪುನಗ ಮುಲ್ಪ ದೇವಲ್ಯದ ಕುರುಹುಲು ಪತ್ತೆಯಾತ್ಂಡ್.
ಮಹಾತ್ಮ ಗಾಂಧಿಜಿಗ್ ಕರ್ನಾಟಕದೊಟ್ಟಿಗೆ ಆತ್ಮೀಯ ಒಡನಾಟನ್ ಉಲ್ಲೇಖ ಮಲ್ತಿನ ಆರ್, ಹಿಂದುಸ್ತಾನಿ ಬೊಕ್ಕ ಕರ್ನಾಟಕ ಸಂಗೀತ ಕರ್ನಾಟಕಡ್‌ ಮುಗರ್ತೆನ್‌ ಪಡೆಯೊಂದುಂಡ್. ಗಂಗೂಬಾಯಿ ಹಾನಗಲ್ಲ, ಪಂಡಿತ್ ಭೀಮಸೇನ ಜೋಶಿ, ಪಾಟೀಲ ಪುಟ್ಟಪ್ಪ ಬೊಕ್ಕ ಮಸ್ತ್ ಜನ ಸಾಂಸ್ಕೃತಿಕ, ಸಾಹಿತ್ಯ ಲೋಕಗ್ ಕೊರ್ನ ಕೊಡುಗೆ ಅವಿಸ್ಮರಣೀಯ. ಇತ್ತೆಲ ಕರ್ನಾಟಕದ ಹಳ್ಳಿಹಳ್ಳಿಡ್ ಬಸವಣ್ಣನ ವಚನ ಪನೊಂದು ಇಪ್ಪುವೆರ್. ಕಲೆ, ಸಂಸ್ಕೃತಿ, ಪರಂಪರೆದ ನೆಲೆಬೀಡು ಕರ್ನಾಟಕ ಪಂದ್ ಮೆಚ್ಚುಗೆನ್‌ ವ್ಯಕ್ತಪಡಿಸಾಯೆರ್. ಸರ್ಕಾರದ ಮುಖ್ಯ ಕಾರ್ಯದರ್ಶಿ ಡಾ. ಅರುಣ್ ಕುಮಾರ್‌ ಮೆಹ್ತಾ ಪಾತೆರ್ದ್, ಎನ್ನ 35 ವರ್ಷದ ವೃತ್ತಿ ಜೀವನಡ್‌ ಇಂಚಿನ ಒಂಜಿ ಜಾನಪದ ಕಲಾ ಪ್ರದರ್ಶನನ್‌ ತೂದು ಇತ್ತಿಜಿ. ಬಾರಿ ಸೊಗಸಾದ್‌ ಮನಸ್ಸ್‌ಗ್‌ ಮುಟ್ಟುನಂಚ ಯಕ್ಷಗಾನ ಪ್ರದರ್ಶನ ಕೊರ್ತರ್. ಕಥೆನ್ ತೆರಿಪಾವುನ ರೀತಿ ಬಾರಿ ಪೊರ್ಲು ಪಂದ್ ಪಂಡೆರ್. ಲೆ.ಗವರ್ನಲ್‌ ಕಚೇರಿ ಸಲಹೆಗಾರೆರ್ ರಾಜೀವ್‌ ರೈ ಭಟ್ನಾಗರ್‌ ಪಾತೆರ್ದ್, ಯಕ್ಷಗಾನ ತೂಪುನ ನಮಕ್ಕ್‌ ಒಂಜಿ ಪೊಸ ಅನುಭವ. ಅವೆನ್ ಪ್ರಸ್ತುತಪಡಿಸಾಯಿನ ರೀತಿಯಂತೂ ಅದ್ಭುತ. ನೆಕ್ಕ್ ಕಾರಣಕರ್ತೆರಾಯಿನ ಮಾತೆರೆಗ್‌ ಸೊಲ್ಮೆ ಸಂದಾವೆ ಪಂಡೆರ್.
ಯಕ್ಷಧ್ರುವ ಪಟ್ಲ ಫೌಂಡೇಷನ್‌ ಮುಖ್ಯಸ್ಥೆರ್ ಪಟ್ಲ ಸತೀಶ್‌ ಶೆಟ್ಟಿ ಬೊಕ್ಕ ಫೌಂಡೇಷನ್‌ನ ದೆಹಲಿ ಘಟಕದ ಗುರ್ಕಾರ್ಲು ವಸಂತ ಶೆಟ್ಟಿ ಬೆಳ್ಳಾರೆ ಮೊಕ್ಲೆಗ್ ಲೆ.ಗವರ್ನರ್‌ ಮನೋಜ್‌ ಸಿನ್ಹಾ ಸರ್ಕಾರದ ಮುತಾಲಿಕೆಡ್ ಮಾನಾದಿಗೆ ಮಲ್ತೆರ್. ಸುರುಕ್ಕು ಸುಳ್ಯದ ಬೆಳ್ಳಾರೆದ ನಿನಾದ ಸಾಂಸ್ಕೃತಿಕ ಕೇಂದ್ರದ ಕಲಾವಿದೆರ್ ಶಾಸ್ತ್ರೀಯ, ಜನಪದ ನೃತ್ಯ ಪ್ರದರ್ಶನ ಕೊರಿಯೆರ್. ಕಾರ್ಯಕ್ರಮದ ರೂವಾರಿ ರಾಜೇಶ್ ಪ್ರಸಾದ್‌, ವಸಂತ ಶೆಟ್ಟಿ ಜಮ್ಮು-ಕಾಶ್ಮೀರ ಬೊಕ್ಕ ಯಕ್ಷಗಾನ ಕಲೆ ಉಂದೊಂಜಿ ಐತಿಹಾಸಿಕ ಕಾರ್ಯಕ್ರಮ. ದಾಯೆ ಪಂಡ, ಜಮ್ಮು-ಕಾಶ್ಮೀರಡ್ ಯಕ್ಷಗಾನ ಪ್ರದರ್ಶನ ನಡಪುನ ಉಂದುವೇ ಸುರುತ ಸಲ. ಉಂದೆನ್ ನಿಜ ಮಲ್ತ್ ಪೊಸ ಇತಿಹಾಸ ಸೃಷ್ಟಿ ಮಲ್ಪೆರೆ ಕಾರಣ ಆಯಿನ ಜಮ್ಮು-ಕಾಶ್ಮೀರ ವಿದ್ಯುತ್‌ ಇಲಾಖೆದ ಪ್ರಿನ್ಸಿಪಲ್‌ ಸೆಕ್ರೆಟರಿ ರಾಜೇಶ್ ಪ್ರಸಾದ್‌ ಹಿರಿಯಡ್ಕ ಬೊಕ್ಕ ದಿಲ್ಲಿ ಕನ್ನಡ ಶಾಲೆ ಬೊಕ್ಕ ಕರ್ನಾಟಕ ಸಂಘದ ಮಾಜಿ ಗುರ್ಕಾರ್ಲು ವಸಂತ ಶೆಟ್ಟಿ ಬೆಳ್ಳಾರೆ ಇಂಚಿನ ಒಂಜಿ ಕಾರ್ಯಕ್ರಮ ನಡಪಾವುನ ಬಗ್ಗೆ ಲೆ.ಗವರ್ನರ್‌ನ ಒಟ್ಟಿಗೆ ಪಾತೆರ್ದ್, ಗಾಂಧಿ ಜಯಂತಿದಾನಿಯೆ ಯಕ್ಷಗಾನ ಕಾರ್ಯಕ್ರಮ ಏರ್ಪಡ್‌ ಮಲ್ತಿತ್ತೆರ್.
ಈ ಕಾರ್ಯಕ್ರಮ ತೂವೆರೆ ಪಂದೆ ದಕ್ಷಿಣ ಕನ್ನಡದ 130ರ್ದ್ ಎಚ್ಚ ಯಕ್ಷಗಾನ ಅಭಿಮಾನಿಲ ಶ್ರೀನಗರಗ್‌ ಬೈದೆರ್. ವಿಶೇಷ ಪಂಡ, ಕಾರ್ಯಕ್ರಮ ತೂಯಿನ ಲೆ.ಗ. ಮನೋಜ್‌ ಸಿನ್ಹಾ, ಪಿರ ಒರ ಕೇಂದ್ರಾಡಳಿತ ಪ್ರದೇಶಗ್‌ ಬರಿಯೆರೆ ಲೆತ್ತ್‌ದ್, ವೈಷ್ಣೋದೇವಿ ಮಂದಿರಡ್ ದೇವಿ ಮಹಾತ್ಮೆ ಯಕ್ಷಗಾನ ಪ್ರದರ್ಶನ ಆವೊಡು ಪಂದ್ ನಿರ್ದೇಶನ ಕೊರಿಯೆರ್.
ಸಂಘದ ಗುರ್ಕಾರ್ಲು ಕುಶ ಆರ್ ಮೂಲ್ಯ ಇನ್ನಾ ಲೇಸ್ ದ ಗುರ್ಕಾರ್ಮೆನ್ ವಹಿಸ್ ದ್ ಇತ್ತೆರ್. ಸಮಾಜದ ಸಹಕಾರಿ ಸಂಸ್ಥೆ ಸ್ಥಾಪನೆಗ್ ಮಾತೆರ್ನಲ ಸಹಕಾರನ್ ಕೇಂಡೆರ್. ಬೆಂಗಳೂರು ಸಂಘದ ಗುರ್ಕಾರ್ಲು ವಿಠಲ ಮೂಲ್ಯ ಕನೀರ ತೋಟ ಕುಲಾಲ ಸಮುದಾಯನ್ ಪ್ರವರ್ಗ 1 ಕ್ಕ್ ಸೇರ್ಪಡೆ ಬೊಕ್ಕ ಹಂಪಿ ವಿಶ್ವವಿದ್ಯಾಲಯಡ್ ಕುಂಬಾರರ ಕುಲ ಶಾಸ್ತ್ರೀಯ ಅಧ್ಯಯನ ಪೀಠ ರಚನೆ ಆದ್ ಕುಂಬಾರ ಸಮಗ್ರ ವರದಿನ್ ಸರ್ಕಾರಗ್ ವರದಿ ಮಲ್ಪೆರೆ ಉಂಡು ಪಂದ್ ತೆರಿಪಾಯೆರ್.
