Mon. Nov 23rd, 2026

ಕುಡ್ಲದ ಸುದ್ದಿ | Mangalore News

“90 ಎಮ್ ಎಲ್” ತುಳು ಕಾಮಿಡಿ ಸಿನಿಮಾ ರಿಲೀಸ್

ಕುಡ್ಲ : ಡಿ ಡಿ ಪ್ರೊಡಕ್ಷನ್ ಲಾಂಛನಡ್ ರಂಜಿತ್ ಸಿ ಬಜಾಲ್ ನಿರ್ದೇಶನ ಬೊಕ್ಕ ಡೋಲ್ಪಿ ಡಿ ಸೋಜ ನಿರ್ಮಾಣದ “90 ಎಮ್ ಎಲ್” ತುಳು ಚಲನ ಚಿತ್ರ ಶುಕ್ರವಾರ ಭಾರತ್ ಸಿನಿಮಾಸ್‌ಡ್ ಬಿಡುಗಡೆ ಆಂಡ್.
ಬೆಂಜನಪದವು ಕೊರಗಜ್ಜ ಕ್ಷೇತ್ರದ ವಿಜಯ ಮೇರ್ ತುಡರ್ ಅರ್ಲಾದ್ ಲೇಸ್ ಉದಿಪನ ಮಲ್ತ್‌ದ್ “ತುಳುಟ್ಟು ಎಡ್ಡೆ ಸಭಿರುಚಿದ ಸಿನಿಮಾ ಬರ್ಪಿನವು ಖುಷಿತ್ತ ವಿಚಾರ. ಇನಿ ಬಿಡುಗಡೆ ಆಯಿನ 90 ಎಂಎಲ್ ಸಿನಿಮಾ ತುಳು ಪ್ರೇಕ್ಷಕೆರೆನ ಮನಸ್ ಬೊಕ್ಕ ಇಲ್ಲ್ ಇಲ್ಲಗ್ ಮುಟ್ಟಡ್ ಪಂದ್ ಎಡ್ಡೆಪ್ಪು ಬಯಕಿಯೆರ್.
ಚಿತ್ರ ನಿರ್ಮಾಪಕೆರ್ ಪ್ರಕಾಶ್ ಪಾಂಡೇಶ್ವರ್ ಪಾತೆರ್ದ್, “ಸಿನಿಮಾದ ಟ್ರೈಲರ್ ತೂಯೆ. ಮಲಯಾಳಂ ಸಿನಿಮಾ ಲೆಕ ಉಂಡು. ಟೈಟಲ್ ಎಡ್ಡೆ ಉಂಡು. ಮಾತೆರೆಗ್ಲ ಎಡ್ಡೆ ಆವಡ್ ಪಂಡೆರ್.
ಲಾಂಚುಲಾಲ್ ಕೆ.ಎಸ್. ಪಾತೆರ್ದ್, “90 ಎಂ ಎಲ್ ಸಿನಿಮಾ ಟೈಟಲ್ ಡಿಫರೆಂಟ್ ಉಂಡು. ಮಾತಾ ತುಳುವೆರ್ ಸಿನಿಮಾ ತೂಯೆರ್ಡ ಖಂಡಿತ ಸಿನಿಮಾ ಸಕ್ಸೆಸ್ ಪಂದ್ ಪಂಡೆರ್.
ನಟೆ ಅರ್ಜುನ್ ದೇವ್, ನಿರ್ಮಾಪಕ ಡೋಲ್ಪಿ ಡಿ ಸೋಜ, ಸ್ವರಾಜ್ ಶೆಟ್ಟಿ, ಸಿದ್ಧಾರ್ಥ್, ತ್ರಿಶೂಲ್ ಶೆಟ್ಟಿ, ಆನಂದ್ ಕುಂಪಲ, ಜಗನ್ನಾಥ ಶೆಟ್ಟಿ ಬಾಳ, ಮೋಹನ್ ಕೊಪ್ಪಲ, ವಿನೀತ್ ಕುಮಾರ್, ರುಹಾನಿ ಶೆಟ್ಟಿ, ರೋಶನ್ ಶೆಟ್ಟಿ, ಶೈಲಶ್ರೀ, ಧೃತಿ, ನಿರ್ದೇಶಕ ರಂಜಿತ್ ಸಿ ಬಜಾಲ್, ತುಳಸಿದಾಸ್ ಮಂಜೇಶ್ವರ್ ಇತ್ತೆರ್. ಉಪಸ್ಥಿತರಿದ್ದರು.
ವಿಜೆ ಮಧುರಾಜ್ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.

ಎ.12: ಬಂಟರ ಯಾನೆ ನಾಡವರ ಸಂಘದ ಬಹಿರಂಗ ಅಧಿವೇಶನ

ಕುಡ್ಲ : ಬಂಟರ ಯಾನೆ ನಾಡವರ ಮಾತೃ ಸಂಘದ ನಿರೆಲ್‌ಡ್ ಎ.12 ತಾರೀಕ್‌ಗ್ ಕಾಂಡೆರ್ದ್ ಬಯ್ಯಮುಟ್ಟ ಬಹಿರಂಗ ಅಧಿವೇಶನ, ಪ್ರಶಸ್ತಿ ಪ್ರದಾನ ಬೊಕ್ಕ ಸಾಧಕೆರೆಗ್ ಸನ್ಮಾನ ಕಾರ್ಯಕ್ರಮ ಪುರಭವನಡ್ ನಡಪರೆ ಉಂಡು ಪಂದ್ ಸಂಘದ ಅಧ್ಯಕ್ಷೆರ್ ಅಜಿತ್ ಕುಮಾರ್‌ ರೈ ಮಾಲಾಡಿ ತೆರಿಪಾಯೆರ್.
ಪತ್ರಿಕಾಗೋಷ್ಠಿಡ್ ಪಾತೆರ್ನ ಆರ್, ರಾಜ್ಯ ಹೈಕೋರ್ಟ್ ನ್ಯಾಯಾಧೀಶೆರಾಯಿನ ವಿಶ್ವಜಿತ್ ಶೆಟ್ಟಿ ಸವಣೂರು ಬೊಕ್ಕ ರಾಜೇಶ್ ರೈ ಕಲ್ಲಂಗಳ ಮೊಕುಲು ಮಲ್ಲ ಬಿನ್ನೆರಾದ್ ಲೇಸ್‌ಡ್ ಪಾಲ್ ಪಡೆವೆರ್. ಕೊಡ್ಯಾನ್ ಮೋಹನ ದೇವ್ ಆಳ್ವ, ಡಾ। ಎಂ.ಕೆ. ಶೈಲಜಾ ಆಳ್ವ ಮೊಕ್ಲೆನ ಗೌರವ ಉಪಸ್ಥಿತಿಡ್ ನಡಪುನ ಈ ಲೇಸ್‌ದ ಗುರ್ಕಾರ್ಮೆ ನ್ ಮಾಲಾಡಿ ಅಜಿತ್ ಕುಮಾರ್‌ರೈ ಕೊಡಿಯಾಲ್ ಗುತ್ತು ವಹಿಸೊನ್ವೆರ್.
ಕಲ್ಯಾಣಿ ಆಳ್ವ ಮೆರೆನ ಸ್ಮರಣಾರ್ಥ ನಿಟ್ಟೆ ಡಾ| ಕೊಡ್ಯಾನ್ ನಾಗಪ್ಪ ಆಳ್ವ ಬೊಕ್ಕ ವಿವಿ ನಿಕಟಪೂರ್ವ ಉಪಕುಲಪತಿ ಡಾ| ಸತೀಶ್ ಭಂಡಾರಿ, ಬೆಂಗಳೂರು ಪಶುವೈದ್ಯಕೀಯ ವಿವಿ ಮಾಜಿ ಡೀನ್ ಪ್ರೊ| ವಸಂತ್ ಶೆಟ್ಟಿ ಮುಳ್ಳಾಡ್, ಹಿರಿಯ ಸಾಹಿತಿ ಉಷಾ ಪಿ. ರೈ, ಸಂಗೀತ ನಿರ್ದೇಶಕೆರ್ ಗುರುಕಿರಣ್, ನೃತ್ಯ ವಿದುಷಿ ನಯನಾ ವಿ. ರೈ ಕುದ್ಕಾಡಿ, ನಿವೃತ್ತ ಸೇನಾಧಿಕಾರಿ ಲೆ। ಕರ್ನಲ್ ಅಜಿತ್ ಕುಮಾರ್ ಶೆಟ್ಟಿ ಆರ್ಡಿ ಕುಂದಾಪುರ, ಕಬಡ್ಡಿ ಆಟಗಾರೆ ಪ್ರಶಾಂತ್ ರೈ ಪುತ್ತೂರು, ಅಂತಾರಾಷ್ಟ್ರೀಯ ಈಜು ಪಟು ‘ಚಿಂತನ್ ಎಸ್. ಶೆಟ್ಟಿ ಮೊಕ್ಲೆಗ್ ಪ್ರಶಸ್ತಿ ಪ್ರದಾನ ಮಲ್ಪರೆ ಉಂಡು ಪಂದ್ ತೆರಿಪಾಯೆರ್.
ಬಂಟರ ಯಾನೆ ನಾಡವರ ಸಂಘದ ವತಿರ್ದ್ ವಿಶ್ವಾಸತ್ ಕೆಮಿಕಲ್ಸ್ ಬೊಳ್ಯಗುತ್ತು, ಮುಂಬಯಿ ಚಿಣ್ಣರ ಬಂಬ ಪ್ರತಿಷ್ಠಾನದ ಪ್ರಕಾಶ್ ಭಂಡಾರಿ ಕುಂಬ್ಳೆ ದರ್ಬಾರ್‌ಕಟ್ಟಿ ರಾಜರಾಜೇಶ್ವರಿ ಕ್ಷೇತ್ರದ ಆಡಳಿತ ಮೊಕ್ತೇಸರೆರ್ ಕೆ. ಕೆ. ಶೆಟ್ಟಿ ಕುತ್ತಿಕಾರ್, ಉದ್ಯಮಿ ಕರುಣಾಕರ ಶೆಟ್ಟಿ ಮದ್ಯಗುತ್ತು, ಸಹಕಾರಿ ಧುರೀಣ ಡಾ। ದೇವಿಪ್ರಸಾದ ಶೆಟ್ಟಿ ಬೆಳಪು, ಥಾಣೆದ ಹೊಟೇಲ್ ಉದ್ಯಮಿ ವೇಣುಗೋಪಾಲ್ ಎಲ್. ಶೆಟ್ಟಿ, ಮುಗ್ರೋಡಿ ಸುಧಾಕರಶೆಟ್ಟಿ ಶ್ರೀನಿವಾಸ್ ವಿವಿದ ಸಿಇಒ ಡಾ| ನವೀನ್ ಚಂದ್ರ ಶೆಟ್ಟಿ ಕುಂದಾಪುರದ ಕೆಂಚನೂರು ಸೋಮಶೇಖರ ಶೆಟ್ಟಿ ಮ್ಯಾಪ್ಸ್ ಅಧ್ಯಕ್ಷೆರ್ ದಿನೇಶ್ ಆಳ್ವ, ಸಿರಿಕುರಲ್ ರೈತ ಉತ್ಪಾದಕ ಸಂಸ್ಥೆದ ಅಧ್ಯಕ್ಷೆರ್ ಮುರ ಸದಾಶಿವ ಶೆಟ್ಟಿ, ಕೃಷಿ ತಜ್ಞೆ ಡಾ। ಸರಿತಾ ಹೆಗ್ಡೆ, ಶೀಲಾ ಎಕ್ವಿಪ್‌ಮೆಂಟ್ಸ್ ಆಡಳಿತ ನಿರ್ದೇಶಕೆರ್ ರವೀಂದ್ರನಾಥ ಮಾರ್ಲ ಮೊಕ್ಲೆಗ್‌ಲ ಸನ್ಮಾನ ನಡಪರೆ ಉಂಡು. ಅಂಚೆನೆ ಉಡುಪಿದ ಯಕ್ಷಗಾನ ಮೇಳ ಸಂಚಾಲಕೆರ್ ಪಿ. ಕಿಶನ್ ಹೆಗ್ಡೆ ಮೆರೆಗ್ ಕೊಡಿಯಾಲ್ ಗುತ್ತು ಭಾರ್ಸ್ಕರೈ ಸ್ಮರಣಾರ್ಥ ಪ್ರಶಸ್ತಿ ಪ್ರದಾನ ಮಲ್ಪರೆ ಉಂಡು ಪಂದ್ ಪಂಡೆರ್.
ಪಾರ್ಕಿಂಗ್ ವ್ಯವಸ್ಥೆ
ವಿಶ್ವವಿದ್ಯಾನಿಲಯ ಕಾಲೇಜ್ ಮೈದಾನ, ತಾಲೂಕು ಕಚೇರಿ, ಪಿಡಬ್ಲ್ಯುಡಿ ಮೈದಾನ, ಆರ್ ಟಿಒ ಕಚೇರಿ ಬಳಿ, ಫುಟ್‌ಬಾಲ್ ಮೈದಾನಡ್ ಪಾರ್ಕಿಂಗ್ ವ್ಯವಸ್ಥೆ ಮಲ್ತ್‌ದ ಪಂದ್ ತೆರಿಪಾಯೆರ್.
ಪತ್ರಿಕಾಗೋಷ್ಠಿಡ್ ಉಪಾಧ್ಯಕ್ಷೆರ್ ಕಾವು ಹೇಮನಾಥ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಕೆ. ಎಂ. ಶೆಟ್ಟಿ, ಕೋಶಾಧಿಕಾರಿ ಸಿಎ ರಾಮಮೋಹನ ರೈ, ಜತೆ ಕಾರ್ಯದರ್ಶಿ ಸಂಪಿಗೇಡೆ ಸಂಜೀವ ಶೆಟ್ಟಿ ಮೊಕುಲು ಮಾತ ಇತ್ತೆರ್.

ಎ.24-28: ಎಳತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡ್ ವರ್ಷೊದ ಜಾತ್ರೆ

ಕಿನ್ನಿಗೋಳಿ: ಎಳತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡ್ ವರ್ಷೊದ ಜಾತ್ರೆ ಎ.24-28 ಮುಟ್ಟ ನಡಪರೆ ಉಂಡು.

  • ಎ.23 ಗುರುವಾರ ಮಧ್ಯಾಹ್ನ ನವಕಪ್ರಧಾನ, ರಾತ್ರೆ ಬಲಿ, ರಂಗಪೂಜೆ ನಡಪುಂಡು.
  • ಎ.24 ಸುಕ್ರಾರ ಬೊಲ್ಪುಗು ಕೊಡಿ ಏರುಂಡು. ಬೊಕ್ಕ ಮಹಾಪೂಜೆ, ಅನ್ನಸಂತರ್ಪಣೆ ರಾತ್ರೆ ಉಚ್ಚಯ ಬಲಿ ಬೊಕ್ಕ ಶ್ರೀ ದೇವಿ ಮಹಾತ್ಮೆ ಆಟ ನಡಪರೆ ಉಂಡು.
  • ಎ.25 ಸನಿಯಾರ ಬೊಲ್ಪುಗು ನವಕಪ್ರಧಾನ, ಮಹಾಪೂಜೆ, ಅನ್ನಸಂತರ್ಪಣೆ, ರಾತ್ರೆ ಉಚ್ಚಯ ಬಲಿ, ಮೂಡು ಸವಾರಿದ ವೇದಿಕೆ ಪೂಜೆ ಸೇವೆ ಬೊಕ್ಕ ಬ್ರಹ್ಮರಕ್ಕಸೆ ತುಳು ನಾಟಕ ನಡಪರೆ ಉಂಡು.
  • ಎ.26 ಐತಾರ ಬೊಲ್ಪುಗು ನವಕ ಪ್ರಧಾನ, ಮಹಾಪೂಜೆ, ಅನ್ನಸಂತರ್ಪಣೆ, ರಾತ್ರೆ ಉಚ್ಚಯ ಬಲಿ, ತೆಂಕು ಸವಾರಿ ವೇದಿಕೆದ ಪೂಜೆ ಸೇವೆ ಬೊಕ್ಕ ವೈರಲ್ ವೈಶಾಲಿ ತುಳು ನಾಟಕ ನಡಪರೆ ಉಂಡು.
  • ಎ.27 ಸೋಮಾರ ಬೊಲ್ಪುಗು ನವಕಪ್ರಧಾನ, ಪಗೆಲ್ ತೇರ್ ಉಚ್ಚಯ, ಅನ್ನಸಂತರ್ಪಣೆ ರಾತ್ರೆ ಉಚ್ಚಯ ಬಲಿ, ಪಡು ಸವಾರಿ ವೇದಿಕೆದ ಪೂಜೆ ಸೇವೆ, ಶ್ರೀ ಭೂತಬಲಿ, ಶಯನೋಚ್ಚಯ ನಡಪುಂಡು.
  • ಎ.28 ಅಂಗಾರೆ ಬೊಲ್ಪುಗು ಕವಾಟ ಉದಿಪನ, ಅಭಿಷೇಕ, ಅಲಂಕಾರ, ಪ್ರಸನ್ನ ಪೂಜೆ, ಪೂತ್ತ ಪೂಜೆ, ತುಲಾಭಾರ ಸೇವೆ, ಮಧ್ಯಾಹ್ನ ‌ಮಹಾಪೂಜೆ, ಅನ್ನಸಂತರ್ಪಣೆ ರಾತ್ರೆ ಉಚ್ಚಯ ಬಲಿ, ಕಿನ್ನಿಗೋಳಿ ಪೇಂಟೆ ಸವಾರಿ ವೇದಿಕೆದ ಪೂಜೆ ಸೇವೆ, ಓಕುಳಿ, ಮಲ್ಲ ತೇರ್ ಉಚ್ಚಯ, ಪೂತ್ತ ಪೂಜೆ, ಬೆಡಿ ಮರ್ದ್ ಪ್ರದರ್ಶನ ಬೊಕ್ಕ ಕೊಡಿ ಜವೆರೆ ಉಂಡು. ಬೊಕ್ಕ ಆಟದ ಅತಿ ನೂತನ ಪ್ರಸಂಗ ನಡಪುಂಡು.
  • ಎ.29 ಬದಾರ ಸಂಪ್ರೋಕ್ಷಣೆ, ಮಂತ್ರಾಕ್ಷತೆ ನಡಪರೆ ಉಂಡು.

ಅಂಚೆನೆ ಮೇ.15 ಸುಕ್ರಾರ ಬೊಲ್ಪುಗು ಸಾಮೂಹಿಕ ಸತ್ಯನಾರಾಯಣ ಪೂಜೆ ನಡಪರೆ ಉಂಡು.

ಈ ಲೇಸ್ ಡ್ ಊರುದ, ಪರವೂರುದ ಭಕ್ತೆರ್, ಸಿರಿಮುಡಿ ಗಂಧ ಪ್ರಸಾದ ದೆತೊಂದು, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ತಾಳಿಪಾಡಿ ಎಳತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಸಂತೋಷ್ ಕುಮಾರ್ ಹೆಗ್ಡೆ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಎ.14-21: ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನಡ್ ವರ್ಷೊದ ಜಾತ್ರೆ

ಮುಲ್ಕಿ: ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನಡ್ ವರ್ಷೊದ ಜಾತ್ರೆ ಎ.14-21 ಮುಟ್ಟ ನಡಪರೆ ಉಂಡು.

  • ಎ.12 ಐತಾರ ಬೊಲ್ಪುಗು ಕಲಶಾಭಿಷೇಕ, ಶಾಂತಿ, ರಾತ್ರೆ ತೋರಣ ಕಟ್ಟೆರೆ ಉಂಡು. ಬೊಕ್ಕ ಮಲ್ಲ ರಂಗಪೂಜೆ ನಡಪುಂಡು.
  • ಎ.13 ರಾತ್ರೆ ಅಂಕುರ ಬಲಿ, ಅಂಕುರಾರೋಪಣ ನಡಪರೆ ಉಂಡು.
  • ಎ.14 ಅಂಗಾರೆ ಪಗೆಲ್ ಕೊಡಿ ಏರುಂಡು. ‌ರಾತ್ರೆ ಉಚ್ಚಯ ಬಲಿ ನಡಪರೆ ಉಂಡು.
  • ಎ.15 ಬುದಾರ ಬೊಲ್ಪುಗು ಯುಗದಿ ತುಡರ್ ಬಲಿ ರಾತ್ರೆ ಉಚ್ಚಯ ಬಲಿ ನಡಪರೆ ಉಂಡು.
  • ಎ.16 ಗುರುವಾರ ಪಗೆಲ್ ಭ್ರಾಮರೀವನಟ್ಟ್ ಪ್ರತಿಷ್ಠಾವರ್ಧಂತಿ, ರಾತ್ರೆ ಉಚ್ಚಯ ಬಲಿ, ಮೂಡು ಸವಾರಿ ನಡಪರೆ ಉಂಡು.
  • ಎ.17 ಸುಕ್ರಾರ ಬೊಲ್ಪುಗು ತುಡರ್ ಬಲಿ ರಾತ್ರೆ ಉಚ್ಚಯ ಬಲಿ ನಡಪುಂಡು.
  • ಎ.18 ಸನಿಯಾರ ರಾತ್ರೆ ಬೊಳ್ಳಿದ ತೇರ್ ಒಯಿಪೆರೆ ಉಂಡು. ಬೊಕ್ಕ ಉಚ್ಚಯ ಬಲಿ ನಡಪರೆ ಉಂಡು.
  • ಎ.19 ಐತಾರ ಪಗೆಲ್ ಬ್ರಹ್ಮ ಸನ್ನಿಧಿಡ್ ಪರ್ವ, ರಾತ್ರೆ ಉಚ್ಚಯ ಬಲಿ, ಪಡುಸವಾರಿ ನಡಪರೆ ಉಂಡು.
  • ಎ.20 ಸೋಮಾರ ಪಗೆಲ್ ಬ್ರಹ್ಮತೇರ್ ಉಚ್ವಯ, ರಾತ್ರೆ ಉಚ್ಚಯ ಬಲಿ ಶಯನ ನಡಪುಂಡು.
  • ಎ.21 ಅಂಗಾರೆ ಬೊಲ್ಪುಗು ಕವಾಟ ಉದಿಪನ, ಅವಭೃತ ಉಚ್ಚಯ (ಆರಾಟ) ಎಕ್ಕಾರ್ ಜಾತ್ರೆ, ಬ್ರಹ್ಮತೇರ್ ಉಚ್ವಯ, ತೂಟೆದಾರ, ತಿಬಾರ್ ದ ಕೊಡಮಣಿತ್ತಾಯನ ಭೇಟಿ ಬೊಕ್ಕ ಕೊಡೆ ಜವೆರೆ ಉಂಡು.

ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್, ಶ್ರೀಮುಡಿ ಗಂಧ ಪ್ರಸಾದ ದೆತೊನೊಡು ಪಂದ್ ದೇವಸ್ಥಾನದ ಅನುವಂಶಿಕ ಮೊಕ್ತೇಸರೆರ್ ಕೆ. ವಾಸುದೇವ ಅಸ್ರಣ್ಣ, ಆಡಳಿತ ಸಮಿತಿದ ಅಧ್ಯಕ್ಷೆರ್ ಸನತ್ ಕುಮಾರ್ ಶೆಟ್ಟಿ ಕೊಡೆತ್ತೂರು ಗುತ್ತು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಎಸ್‌ಸಿಡಿಸಿಸಿ ಬ್ಯಾಂಕ್‌ 113 ಕೋಟಿ ರೂ. ಲಾಭ

ದ.ಕ. ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ಗ್ 131.14 ಕೋಟಿ ರೂ. ಲಾಭ

2025-26 ನೇ ವರ್ಷದ ವರದಿ ಪ್ರಕಟ ಮಲ್ತಿನ ಅಧ್ಯಕ್ಷೆರ್ ಡಾ.ಎಂಎನ್ ರಾಜೇಂದ್ರ ಕುಮಾರ್

ವೈವಾಟ್‌ಡ್ ಶೇ.16.47 ದಾತ್ ಎಚ್ಚ. ದಾಖಲೆ ಮಟ್ಟದ 20226 ಕೋಟಿ ರೂ. ವೈವಾಟ್

ಸಿಎಸ್‌ಆರ್ ನಿಧಿನ್ ಅಭಿವೃದ್ಧಿ ಕಾರ್ಯಲೆಗ್ ಗಳಸುವ:- ಪ್ರಶಾಂತ್ ಬಾಳಿಗಾ

ಎಂಆರ್‌ಪಿಎಲ್ ಸಿಎಸ್‌ಆರ್ ಸಾಯ ; 18.5 ಲಕ್ಷ ವೆಚ್ಚಡ್ 36 ಫಲಾನುಭವಿಲೆಗ್ ಕೃತಕ ಅಂಗ ಜೋಡಣೆ

ಕುಡ್ಲ : ಮಂಗಳೂರು ರಿಫೈನರಿ ಬೊಕ್ಕ ಪೆಟ್ರೋಕೆಮಿಕಲ್ಸ್ ಲಿಮಿಟೆಡ್ (ಎಂಆರ್‌ಪಿಎಲ್) ಸಂಸ್ಥೆದ ಸಿಎಸ್‌ಆರ್ ನಿಧಿರ್ದ್ ಸುಮಾರು 18.5 ಲಕ್ಷ ವೆಚ್ಚಡ್ 36 ಜನಕ್ ಫಲಾನುಭವಿಲೆಗ್ ಉಚಿತ ಕೃತಕ ಅಂಗ ಜೋಡಣೆ ಬೊಕ್ಕ ಹಸ್ತಾಂತರ ಕಾರ್ಯಕ್ರಮ ಕುಡ್ಲದ ಜಿಲ್ಲಾ ಪಂಚಾಯತ್ ಸಭಾಂಗಣಡ್ ನಡತ್ಂಡ್.
ಎಂಆರ್‌ಪಿಎಲ್ ಸಹಯೋಗಡ್ ಫಿಟ್ ವೆಲ್ ಕೃತಕ ಅಂಗ ಕೇಂದ್ರ ಅಂಚೆನೆ ಅಂಗವಿಕಲ ಬೊಕ್ಕ ಹಿರಿಯ ನಾಗರಿಕರ ಸಬಲೀಕರಣ ಇಲಾಖೆ ನೇತೃತ್ವಡ್ ಈ ಶಿಬಿರನ್ ಅಟ್ಟನೆ ಮಲ್ದೆರ್ .
ಲೇಸ್ ಉದಿಪನ ಮಲ್ತ್ ಪಾತೆರಿನ ಎಂಆರ್‌ಪಿಎಲ್‌ನ ಚೀಫ್ ಜನರಲ್ ಮ್ಯಾನೇಜರ್ ಪ್ರಶಾಂತ್ ಬಾಳಿಗಾ, ಸಂಸ್ಥೆ ಕೆಲವು ವರ್ಷರ್ದ್ ಸಮಾಜಮುಖಿ ಕಾರ್ಯಡ್ ಬೆನ್ನಿ. ಬೆನೊಂದುಲ್ಲೆರ್ , ಸಿಎಸ್‌ಆರ್ ನಿಧಿನ್ ಅಭಿವೃದ್ಧಿ ಕಾರ್ಯಲೆಗ್ ಗಳಸುವ. ಉಂದೆಟ್ ಫಲಾನುಭವಿಲು ಸ್ವಾವಲಂಬಿ ಜೀವನ ನಡಪಾವರೆ ಸಹಕಾರಿಯಾತ್ಂಡ್ ಪಂದ್ ಪಂಡೆರ್.
ಜಿಲ್ಲಾ ಪಂಚಾಯತ್ ಉಪ ಕಾರ್ಯದರ್ಶಿ ಜಯಲಕ್ಷ್ಮಿ ರಾಯಕೊಡ ಪಾತೆರ್ದ್ , ಎಂಆರ್‌ಪಿಎಲ್ ಸಾಮಾಜಿಕ ಜವಾಬ್ದಾರಿ ಕಾರ್ಯಲೆನ್ ಸಮರ್ಥವಾದ್ ಮಲ್ತೊಂದುಲ್ಲೆರ್ ಪಂದ್ ಪಂಡೆರ್.
ಅಂಗವಿಕಲರು ಬೊಕ್ಕ ಹಿರಿಯ ನಾಗರಿಕರ ಸಬಲೀಕರಣ ಇಲಾಖೆದ ಅಧಿಕಾರಿ ಮನೀಶ್ ನಾಯಕ್, ಫಿಟ್ ವೆಲ್‌ನ ಕಿಶೋರ್ ಕುಮಾರ್ ಬೊಕ್ಕ ಕೆಲವೆರ್ ಉಪಸ್ಥಿತರಿತ್ತೆರ್ .
ಕಾರ್ಯಕ್ರಮನ್ ಎಂಆರ್‌ಪಿಎಲ್ ಸಿಎಸ್‌ಆರ್ ಮ್ಯಾನೇಜರ್ ಕೇಶವ ಪಾಟಾಳಿ ನಿರ್ವಹಣೆ ಮಲ್ತೆರ್ .
ಈ ಪೊರ್ತುಡು ಒಟ್ಟು 36 ಜನ ಫಲಾನುಭವಿಲೆಗ್ ಉಚಿತ ಕೃತಕ ಅಂಗ ಜೋಡಣೆ ಬೊಕ್ಕ ಹಸ್ತಾಂತರ ಮಲ್ತೆರ್.

 

ಮುಲ್ಕಿದ ಕನ್ಯಾನ ಸದಾಶಿವ ಶೆಟ್ಟಿ ಕಾಂಪ್ಲೆಕ್ಸ್ ‌ಗ್ ಶಶಿಧರ ಶೆಟ್ಟಿ ಬರೋಡಾ 1.25 ಕೋಟಿ ರೂ. ದೇಣಿಗೆ

2 ನೇ ಹಂತದ ಕಾಮಗಾರಿಗ್ ಚಾಲನೆ, ವಿಶೇಷ ಸಭೆ

ಮುಲ್ಕಿ : ನ್ಯಾಷನಲ್ ಹೈವೇ 66ತ್ತ ಕೈತಲ್ ನಿರ್ಮಾಣ ಆವೊಂದಿಪ್ಪುನ ಡಾ. ಕನ್ಯಾನ ಸದಾಶಿವ ಶೆಟ್ಟಿ ಕಾಂಪ್ಲೆಕ್ಸ್ ಡಿಸೆಂಬರ್‌ಡ್ ಪೂರ್ಣ ಆದ್ ಲೋಕಾರ್ಪಣೆ ಆವರೆ ಉಂಡು. ಸದಾಶಿವ ಶೆಟ್ಟಿ ಸಂಕೀರ್ಣಗ್ 1.25 ಕೋಟಿ ರೂಪಾಯಿ ನೆರವು ಕೊರೊಂದುಲ್ಲೆ. ಸಭಾಭವನ ಪೂರ್ಣ ಆವರೆ ಮಾತಾ ಬಂಧುಲೆನ ಸಹಕಾರ ಅಗತ್ಯ ಪಂದ್ ಒಕ್ಕೂಟದ ಮಹಾ ನಿರ್ದೇಶಕೆರ್ ಉದ್ಯಮಿ ಶಶಿಧರ ಶೆಟ್ಟಿ ಬರೋಡಾ ತೆರಿಪಾಯೆರ್.
ಆರ್ ಮುಲ್ಕಿದ ಪ್ರವೀಣ್ ಭೋಜ ಶೆಟ್ಟಿ ಸಂಕೀರ್ಣಡ್ ನಡತಿನ ಸದಾಶಿವ ಶೆಟ್ಟಿ ಸಂಕೀರ್ಣದ ರಡ್ಡನೇ ಹಂತದ ಬೇಲೆ ಪತ್ತುನ ಬಗೆಟ್ಟ್ ನಡತಿನ ವಿಶೇಷ ಮಹಾಸಭೆನ್ ದೀಪ ಅರ್ಲಾದ್ ಉದಿಪನ ಮಲ್ತ್ ಪಾತೆರಿಯೆರ್.
” ನನ 7-8 ತಿಂಗೊಲ್ದ ಉಲಯಿ ಸಭಾಭವನದ ನಿರ್ಮಾಣ ಆವೊಡು. ಈ ನಿಲೆಟ್ಟ್ ಸಮಾಜದ ದಾನಿಲು ಬೊಕ್ಕ ಪ್ರತಿಯೊರಿಲ ಕೈ ಜೋಡ್ಯಾವೊಡು.ಮಹಾದಾನಿ ಕನ್ಯಾನ ಸದಾಶಿವ ಶೆಟ್ರೆನ ಆಶಯ, ಆಶೀರ್ವಾದಡ್ ಏಸಿದ ಹಾಲ್ ಮಧ್ಯಮ ವರ್ಗರ್ದ್ ಪತಿನ ಸಮಾಜದ ಮಾತಾ ಜನಕ್ಲೆಗ್‌ಲ ಉಂದೆತ್ತ ಪ್ರಯೋಜನ ತಿಕ್ಕೊಡು ಪಂದ್ ಪಂಡೆರ್.
ಜಾಗತಿಕ ಬಂಟರ ಸಂಘದ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ಪಾತೆರ್ದ್, ಸಂಕೀರ್ಣದ ಕೆಲಸ ಆವೊಂದುಂಡು. ಶಶಿರೇಖಾ ಆನಂದ ಶೆಟ್ಟಿ ಪುದರ್‌ಡ್ ವೇದಿಕೆ ಉಂಡು. ಉಂದೆತ್ತ ಒಟ್ಟಿಗೇ ಕುಡೊಂಜಿ ಸಭಾಂಗಣ, ಧರ್ಮ ಚಾವಡಿ, ಪ್ರವೀಣ್ ಭೋಜ ಶೆಟ್ಟಿ ಆಡಳಿತ ಕಚೇರಿ ಉಂಡು. ಸಭಾಭವನ ನಿರ್ಮಾಣಗ್ ಮಸ್ತ್ ದಾನಿಲು ಕೊರ್ತೆರ್. ಅಕ್ಲೆನ್ ಮಾತಾ ಸಂಪರ್ಕ ಮಲ್ಪುವ. ಸಭಾಭವನಗ್ 5 ಲಕ್ಷ ರೂ. ಜಾಸ್ತಿ ಕೊರ್ನಕ್ಲೆನ ಭಾವಚಿತ್ರನ್ ಆಡಳಿತ ಕಚೇರಿಡ್ ಪಾಡುವ” ಪಂದ್ ತೆರಿಪಾಯೆರ್.
ಒಕ್ಕೂಟದ ಉಪಾಧ್ಯಕ್ಷೆರ್ ಕರ್ನಿರೆ ವಿಶ್ವನಾಥ ಶೆಟ್ಟಿ ಪಾತೆರ್ದ್, ಒಕ್ಕೂಟಗ್ ಒಂಜಿ ಎಕ್ರೆ ಜಾಗ ಕೊರ್ಪಿನ ಬದಲ್ ಸಭಾಭವನಗ್ 50 ಲಕ್ಷ ರೂಪಾಯಿ ದೇಣಿಗೆ ಕೊರ್ಪೆ” ಪಂದ್ ಪಂಡೆರ್.
ಲೇಸ್‌ಡ್ ಉದ್ಯಮಿ ರಾಕ್ಷಿ ಡೆವಲಪರ್ಸ್ ಆಡಳಿತ ನಿರ್ದೇಶಕೆರ್ ರಾಜೇಶ್ ಶೆಟ್ಟಿ, ಯುವ ವಿಭಾಗದ ಸಂಚಾಲಕೆರ್ ಗಿರೀಶ್ ಶೆಟ್ಟಿ ತೆಳ್ಳಾರ್, ಕಟ್ವಾಣದ ವಿನ್ಯಾಸಕಾರೆ ಎ ಜಿ ಭಟ್, ಪ್ರಧಾನ ಕಾರ್ಯದರ್ಶಿ ಜಯಕರ ಶೆಟ್ಟಿ ಇಂದ್ರಾಳಿ, ಜೊತೆ ಕಾರ್ಯದರ್ಶಿ ಚಂದ್ರಹಾಸ ಶೆಟ್ಟಿ ರಂಗೋಲಿ, ಉದ್ಯಮಿ ಹರೀಶ್ ಶೆಟ್ಟಿ ಮುಂಬೈ, ಸಂಚಾಲಕೆರ್ ಕೊಲ್ಲಾಡಿ ಬಾಲಕೃಷ್ಣ ರೈ, ಬೇತೆ ಬೇತೆ ಬಂಟರ ಸಂಘದ ಅಧ್ಯಕ್ಷೆರ್, ಪದಾಧಿಕಾರಿಲು ಇತ್ತೆರ್.
ಅನೂಪ್ ಶೆಟ್ಟಿ ಸುರತ್ಕಲ್ ಪ್ರಾರ್ಥನೆ ಮಲ್ತೆರ್. ಚಂದ್ರಹಾಸ ಶೆಟ್ಟಿ ಸೊಲ್ಮೆ ಸಂದಾಯೆರ್. ಜಯಕರ ಶೆಟ್ಟಿ ಇಂದ್ರಾಳಿ ಕಾರ್ಯಕ್ರಮ‌ ನಿರೂಪಣೆ ಮಲbantsangha್ತೆರ್.

ಸಸಿಹಿತ್ಲು ಸಾರಂತಾಯ ಗರೋಡಿ ಉಳ್ಳಾಯ ದೈವಸ್ಥಾನಡ್ ಗೌಜಿದ ಕಾಲಾಧಿದ ನೇಮೋತ್ಸವ

ಸಸಿಹಿತ್ಲು : ಶ್ರೀ ಸಾರಂತಾಯ ಗರೋಡಿ ಉಳ್ಳಾಯ ದೈವಸ್ಥಾನಡ್ ಕಾಲಾಧಿದ ನೇಮೋತ್ಸವ ಮಾರ್ಚ್ 20 ಶುಕ್ರವಾರರ್ದ್ ಮಾ.24 ಅಂಗಾರೆ ಮುಟ್ಟ ಭಾರಿ ಗೌಜಿಡ್ ನಡತ್ಂಡ್.
ಮಾ.21 ಶನಿವಾರ ಕಾಂಡೆ ನಾಗದೇವೆರೆಗ್ ತನು ತಂಬಿಲ, ಬ್ರಹ್ಮೆರೆಗ್ ತಂಬಿಲ ಸೇವೆ, ರಕ್ತೇಶ್ವರಿ ದೇವಿಗ್ ಪೂತ್ತ ಪೂಜೆ ಆಯಿ ಬೊಕ್ಕ ದೈವೊಲೆನ ಶುದ್ಧ ಮಲ್ತ್‌ದ್, ದೃಢಕಲಶ ಮಲ್ತ್‌ದ್ ರಾತ್ರೆ ಶ್ರೀ ಕ್ಷೇತ್ರ ಕಾಂತುಲಕಣ ಗಡಿಪ್ರದಾನೆರ್ನ ಭಂಡಾರದಿಲ್ಲಡ್ ತಂಬಿಲ ಸೇವೆ ನಡತ್ಂಡ್. ಅಂಚೆನೆ ಕಾಂತಾಬಾರೆ ಬೂದಾಬಾರೆರೆಗ್ ಅನ್ನ ನೈವೇದ್ಯ, ಅಗೇಲ್ ಸೇವೆ, ಮಾಣಿಬಾಲೆ ಬೊಕ್ಕ ಮಾಯಂದಾಲ್ ದೇವಿಗ್ ಅಗೆಲ್ ಸೇವೆ, ಪ್ರಸಾದ ವಿತರಣೆ ಬೊಕ್ಕ
ಅನ್ನಸಂತರ್ಪಣೆ ನಡತ್ಂಡ್.
ಮಾ.22 ಐತಾರ ಬಯ್ಯಡ್ 4 ಗಂಟೆಗ್ ದೊಂಪ ಏರ್‌ದ್ ರಾತ್ರೆ ಶ್ರೀ ಕ್ಷೇತ್ರ ಕಂಡೇವು ಧರ್ಮರಸು ಉಳ್ಳಾಯ ಬೊಕ್ಕ ಸಪರಿವಾರ ದೈವೊಲೆನ
ಭಂಡಾರ ಬತ್ತ್‌ದ್ ಇಂಚಿಡ್ ಕಾಂತುಲಕಣ ಗಡಿಪ್ರದಾನೆರ್ನ ಇಲ್ಲದ ದೈವೊಲೆನ ಭಂಡಾರ ಬತ್ತ್‌ದ್ ಕೊಡಿ ಏರ್‌ದ್ ಬೊಕ್ಕ ಅನ್ನಸಂತರ್ಪಣೆ ನಡತ್ಂಡ್.
ಮಾ. 23 ಸೋಮವಾರ ಕಾಂಡೆ ಉಳ್ಳಾಯ ದೇವೆರ್ನ ನೇಮೋತ್ಸವ ನಡತ್ಂಡ್. ಅಯಿರ್ದ್ ಬೊಕ್ಕ ಇಷ್ಟದೇವತೆ, ಮೂಲ ಮೈಸಂದಾಯ,
ಬಬ್ಬರ್ಯ ಬೊಕ್ಕ ಪರಿವಾರ ದೈವೊಲೆನ ನೇಮ ನಡತ್ಂಡ್. ಬೊಕ್ಕ ಕಾಂತಾಬಾರೆ
ಬೂದಾಬಾರೆರೆಗ್, ಮಾಯಂದಾಲ್ ಶಕ್ತಿಗ್ ಪಂಚಕಜ್ಜಾಯ ಸೇವೆ ಆದ್ ಅನ್ನಸಂತರ್ಪಣೆ ನಡತ್ಂಡ್. ಬಯ್ಯಡ್ 4 ಗಂಟೆರ್ದ್ ಓಡ್ಯಂತಾಯ ದೈವದ ನೇಮೋತ್ಸವ ನಡತ್ಂಡ್.


ರಾತ್ರೆ 9 ಗಂಟೆಗ್ ಜಾರಂದಾಯ,ಬಂಟ, ಜುಮಾದಿ, ಬಂಟ, ಕೊಡಮಣಿತ್ತಾಯ, ಕಂಡೇವು ಬೂಡುದ
ಕಾಂತೇರಿ ಜುಮಾದಿ, ಪಿಲಿಚಾಮುಂಡಿ ದೈವೊಲೆಗ್ ನೇಮ ನಡತ್ಂಡ್.


ಮಾ. 24 ಅಂಗಾರೆ ಕಾಂಡೆ 5 ಗಂಟೆಗ್ ಕೊಡಿ ಜಾದ್ ಕಾಂತುಲಕಣ ಗಡಿಪ್ರದಾನೆರೆನ ಇಲ್ಲಗ್ ಅಂಚೆನೆ ಕಂಡೇವು ಬೂಡುಗು ಭಂಡಾರ ಪಿರ ಪೋಂಡು. ಈ ನೇಮೋತ್ಸವದ ಸಂದರ್ಭೊಡು ಶ್ರೀ ಕ್ಷೇತ್ರದ ಆಡಳಿತ ಸಮಿತಿ, ಮುಂಬೈ ಸಮಿತಿ ಬೊಕ್ಕ ಮಹಿಳಾ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಪದಾಧಿಕಾರಿಲು, ಸರ್ವ ಸದಸ್ಯೆರ್, ಕಾಂತುಲಕಣ ಗಡಿಪ್ರಧಾನೆರ್ ಯಾನೆ ಪಠೇಲರ ಮನೆತನದಕುಲು, ತೋಚೋಡಿ ಮನೆತನದಕುಲು,ಅರ್ಚಕ ವಿಭಾಗದಕುಲು, ಕಡಪುರ ಮನೆತನದಕುಲು, ಮುಕ್ಕ ಮಿತ್ರಪಟ್ನ, ಕದಿಕೆ ಮೊಗವೀರ ಸಭಾದ ಸದಸ್ಯೆರ್ ಅಂಚೆನೆ ನಾಲ್ ಕರೆತ್ತ ಪತ್ತ್ ಸಮಸ್ತೆರ್ ಪಾಲ್ ಪಡೆದ್ ಶ್ರೀ ಉಳ್ಳಾಯ ದೇವೆರ್ ಬೊಕ್ಕ ಪರಿವಾರ ದೈವೊಲೆನ ಗಂಧ ಪುರ್ಸಾದ ದೆತೊಂಡೆರ್.

ಅತ್ತಾವರ ಶ್ರೀ ಅಯ್ಯಪ್ಪ ಸ್ವಾಮಿ ಕ್ಷೇತ್ರಡ್ ಬ್ರಹ್ಮಕಲಶ ಉಚ್ಚಯದ ಲೆಪ್ಪೋಲೆ ಬುಡುಗಡೆ

ನೂದೆರ್ದ್ ಎಚ್ಚ ವರ್ಷಲೆನ ಇತಿಹಾಸ ಇಪ್ಪುನ ಶ್ರೀ ಅಯ್ಯಪ್ಪ ಸ್ವಾಮಿ ಕ್ಷೇತ್ರದ ಬ್ರಹ್ಮ ಕಲಶಾಭಿಷೇಕ ಎ.19-23 ಮುಟ್ಟ ನಡಪರೆ ಉಂಡು.

ಈ ಲೇಸ್ ದ ಲೆಕ್ಕೊಡು ಲೆಪ್ಪೋಲೆ ಬುಡುಗಡೆನ್ ಮಾ.22 ಕ್ಕ್ ಶ್ರೀ ಅಯ್ಯಪ್ಪ ಸ್ವಾಮಿ ಕ್ಷೇತ್ರಡ್ ಕುಡ್ಲ ದಕ್ಷಿಣ ಶಾಸಕೆರ್ ವೇದವ್ಯಾಸ ಕಾಮತ್ ಮಲ್ತೆರ್. ಬೊಕ್ಕ ಪಾತೆರ್ದ್, ದಕ್ಷಿಣ ಕನ್ನಡ ಜಿಲ್ಲೆದ ಸುರುತ್ತ ಅಯ್ಯಪ್ಪ ದೇವಸ್ಥಾನದ ಬ್ರಹ್ಮಕಲಶಡ್ ಪಾಲ್ ಪಡೆಪುನ ಸೌಭಾಗ್ಯ ತಿಕಿನವು ಪುಣ್ಯದ ಫಲ, ಒಂಜಿ ಊರಿಡ್ ಬ್ರಹ್ಮಕಲಶ ನಡತ್ಂಡ ಆ ಊರುದ ಉದ್ದಾರಗ್ ಕಾರಣ ಆಪುಂಡು. ಊರುಗು ಸಂಕಷ್ಟ ಬರ್ಪುಜಿ. ಈ ದೇವೆರೆನ ಕಾರ್ಯಡ್ ಊರುದ ಪರವೂರುದ ಮಾತೆರ್ಲಾ ಪಾಲ್ ಪಡೆದ್, ಪೊರ್ಲುಡು ಬ್ರಹ್ಮಕಲಶ ನಡಪುಲೆಕ್ಕ ಪ್ರತಿಯೊರಿಲ ಅಳಿಲು ಸೇವೆ ಮಲ್ಪುನ ಮುಕೇನ ಪಾಲ್ ಪಡೆವೊಡು ಪಂದ್ ಪಂಡೆರ್.

ಮಲ್ಲ‌ ಬಿನ್ನೆರಾದ್ ಸ್ವಾಗತ ಸಮಿತಿದ ಗೌರವಾಧ್ಯಕ್ಷೆರ್ ರತೀಂದ್ರ ನಾಥ, ಬ್ರಹ್ಮಕಲಶ ಸಮಿತಿದ ಅಧ್ಯಕ್ಷೆರ್ ಸೂರಜ್ ರಾಘವನ್, ಕಾರ್ಯಾಧ್ಯಕ್ಷೆರ್ ಗೋಕುಲದಾಸ್ ಬೊಕ್ಕ ಮುರುಳಿಧರ್, ಗೌರವ ಕೋಶಾಧಿಕಾರಿ ಸಂತೋಷ ಶೆಟ್ಟಿ, ಸ್ವಾಗತ ಸಮಿತಿದ ಅಧ್ಯಕ್ಷೆರ್ ರಾಜರತ್ನ ಸನಿಲ್, ಗೌರವ ಕಾರ್ಯದರ್ಶಿ ಜನಾರ್ಧನ್ ಅತ್ತಾವರ, ಅಯ್ಯಪ್ಪ ದೇವಸ್ಥಾನ ಪಡೀಲ್ ದ ಅಧ್ಯಕ್ಷೆರ್ ಮೋಹನ್ ಪಡೀಲ್, ಆತ್ಮಶಕ್ತಿ ಕೋ ಆಪರೇಟಿವ್ ಸೊಸೈಟಿ ಚೇರ್ ಮ್ಯಾನ್ ಚಿತ್ತ ರಂಜನ್, ಕರುಣ್ ಇನ್ಫ್ರಾಸ್ಟ್ರಕ್ಚರ್ ಎಸ್ ಮಾಲಕೆರ್ ಕರುಣಾಕರ್, ಹಿಮಾಲಯ ರೋಡ್ ಲೈನ್ ಕುಡ್ಲ ಮಾಲೀಕೆರ್ ಅಶೋಕ್ ಯೆಯ್ಯಾಡಿ, ಉದ್ಯಮಿ ಸುರೇಶ್ ಪೂಜಾರಿ ಕಣ್ಣೂರು, ಶಶಿಧರ್, ರಾಮಪ್ರಸಾದ್ ಅರ್ಥ್ ಮೂವರ್ಸನ ಅಜಿತ್, ಗುತ್ತಿಗೆದಾರೆರ್ ಕೇಶವ ಬಲರಾಜ್, ಉಪಾಧ್ಯಕ್ಷೆರ್ ಪದ್ಮನಾಭನ್, ಪ್ರಧಾನ ಕಾರ್ಯದರ್ಶಿ ಕ್ಷಿತಿ ಮಮ್ಲೂರು, ಅಭಿವೃದ್ಧಿ ಸಮಿತಿದ ಅಧ್ಯಕ್ಷೆರ್ ಸೂರ್ಯಕಾಂತ್ ಬೊಕ್ಕ ಪದುಕೆರ್ ಪಾಲ್ ಪಡೆದಿತ್ತೆರ್.

ಸಾಹಿತಿ, ಅಮೃತ ಪ್ರಕಾಶ ಪತ್ರಿಕೆ ಸಂಪಾದಕಿ, ಬ್ರಹ್ಮ ಕಲಶ ಸಮಿತಿದ ಉಪಾಧ್ಯಕ್ಷೆರ್ ಡಾ.ಮಾಲತಿ ಶೆಟ್ಟಿ ಮಾಣೂರು ಎದ್ಕೊನಿಯೆರ್. ರಘುವೀರ್ ಬಾಬುಗುಡ್ಡೆ ಲೇಸ್ ನ್ ಸುಧಾರಿಕೆ ಮಲ್ತ್ ದ್, ಸೊಲ್ಮೆ ಸಂದಾಯೆರ್.

ಅಖಿಲ ಭಾರತೀಯ ಸಾಹಿತ್ಯ ಪರಿಷತ್ ಅಭಾಸಾಪ ದ.ಕ ಜಿಲ್ಲಾಧ್ಯಕ್ಷೆರಾದ್ ವೀಣಾ ಆಯ್ಕೆ

ಕುಡ್ಲ: ಅಖಿಲ ಭಾರತೀಯ ಸಾಹಿತ್ಯ ಪರಿಷತ್ ದ ದ.ಕ ಜಿಲ್ಲಾ ಘಟಕದ ಅಧ್ಯಕ್ಷೆರಾದ್ ಗೋವಿಂದ ದಾಸ ಕಾಲೇಜ್ ದ ಪೆರ್ಮೆದ ಹಳೆ ವಿದ್ಯಾರ್ಥಿನಿ ವೀಣಾ ಟಿ ಶೆಟ್ಟಿ ಮೇರ್ ಆಯ್ಕೆ ಆತೆರ್.

ಕಾರ್ಯದರ್ಶಿಯಾದ್ ಗೀತಾ ಲಕ್ಷ್ಮೀಶ, ಶ್ರೀಲಕ್ಷೀ ಮಠತ್ತಮೂಲೆ, ಕೋಶಾಧಿಕಾರಿಯಾದ್ ರತ್ನಾವತಿ ಬೈಕಾಡಿ ಆಯ್ಕೆ ಆತೆರ್.

You Missed