“90 ಎಮ್ ಎಲ್” ತುಳು ಕಾಮಿಡಿ ಸಿನಿಮಾ ರಿಲೀಸ್

ಕುಡ್ಲ : ಡಿ ಡಿ ಪ್ರೊಡಕ್ಷನ್ ಲಾಂಛನಡ್ ರಂಜಿತ್ ಸಿ ಬಜಾಲ್ ನಿರ್ದೇಶನ ಬೊಕ್ಕ ಡೋಲ್ಪಿ ಡಿ ಸೋಜ ನಿರ್ಮಾಣದ “90 ಎಮ್ ಎಲ್” ತುಳು ಚಲನ ಚಿತ್ರ ಶುಕ್ರವಾರ ಭಾರತ್ ಸಿನಿಮಾಸ್‌ಡ್ ಬಿಡುಗಡೆ ಆಂಡ್.
ಬೆಂಜನಪದವು ಕೊರಗಜ್ಜ ಕ್ಷೇತ್ರದ ವಿಜಯ ಮೇರ್ ತುಡರ್ ಅರ್ಲಾದ್ ಲೇಸ್ ಉದಿಪನ ಮಲ್ತ್‌ದ್ “ತುಳುಟ್ಟು ಎಡ್ಡೆ ಸಭಿರುಚಿದ ಸಿನಿಮಾ ಬರ್ಪಿನವು ಖುಷಿತ್ತ ವಿಚಾರ. ಇನಿ ಬಿಡುಗಡೆ ಆಯಿನ 90 ಎಂಎಲ್ ಸಿನಿಮಾ ತುಳು ಪ್ರೇಕ್ಷಕೆರೆನ ಮನಸ್ ಬೊಕ್ಕ ಇಲ್ಲ್ ಇಲ್ಲಗ್ ಮುಟ್ಟಡ್ ಪಂದ್ ಎಡ್ಡೆಪ್ಪು ಬಯಕಿಯೆರ್.
ಚಿತ್ರ ನಿರ್ಮಾಪಕೆರ್ ಪ್ರಕಾಶ್ ಪಾಂಡೇಶ್ವರ್ ಪಾತೆರ್ದ್, “ಸಿನಿಮಾದ ಟ್ರೈಲರ್ ತೂಯೆ. ಮಲಯಾಳಂ ಸಿನಿಮಾ ಲೆಕ ಉಂಡು. ಟೈಟಲ್ ಎಡ್ಡೆ ಉಂಡು. ಮಾತೆರೆಗ್ಲ ಎಡ್ಡೆ ಆವಡ್ ಪಂಡೆರ್.
ಲಾಂಚುಲಾಲ್ ಕೆ.ಎಸ್. ಪಾತೆರ್ದ್, “90 ಎಂ ಎಲ್ ಸಿನಿಮಾ ಟೈಟಲ್ ಡಿಫರೆಂಟ್ ಉಂಡು. ಮಾತಾ ತುಳುವೆರ್ ಸಿನಿಮಾ ತೂಯೆರ್ಡ ಖಂಡಿತ ಸಿನಿಮಾ ಸಕ್ಸೆಸ್ ಪಂದ್ ಪಂಡೆರ್.
ನಟೆ ಅರ್ಜುನ್ ದೇವ್, ನಿರ್ಮಾಪಕ ಡೋಲ್ಪಿ ಡಿ ಸೋಜ, ಸ್ವರಾಜ್ ಶೆಟ್ಟಿ, ಸಿದ್ಧಾರ್ಥ್, ತ್ರಿಶೂಲ್ ಶೆಟ್ಟಿ, ಆನಂದ್ ಕುಂಪಲ, ಜಗನ್ನಾಥ ಶೆಟ್ಟಿ ಬಾಳ, ಮೋಹನ್ ಕೊಪ್ಪಲ, ವಿನೀತ್ ಕುಮಾರ್, ರುಹಾನಿ ಶೆಟ್ಟಿ, ರೋಶನ್ ಶೆಟ್ಟಿ, ಶೈಲಶ್ರೀ, ಧೃತಿ, ನಿರ್ದೇಶಕ ರಂಜಿತ್ ಸಿ ಬಜಾಲ್, ತುಳಸಿದಾಸ್ ಮಂಜೇಶ್ವರ್ ಇತ್ತೆರ್. ಉಪಸ್ಥಿತರಿದ್ದರು.
ವಿಜೆ ಮಧುರಾಜ್ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.