ಕುಡ್ಲದ ಸುದ್ದಿ | Mangalore News

74 th Republic day celebrated with grandeur at Mangalore ಕುಡ್ಲಡ್ ಗೌಜಿಡ್ ನಡತ್ಂಡ್ 74 ನೇ ವರ್ಷದ ಗಣರಾಜ್ಯ ಉಚ್ಚಯ

ಕುಡ್ಲ: ಜಿಲ್ಲಾಡಳಿತದ ಮುತಾಲಿಕೆಡ್ ಪೇಂಟೆದ ನೆಹರೂ ಮೈದಾನಡ್ 74 ನೇ ಗಣರಾಜ್ಯ ಉಚ್ಚಯನ್ ಆಚರಣೆ ಮಲ್ತೆರ್.

ಇಂಧನ, ಕನ್ನಡ ಬೊಕ್ಕ ಸಂಸ್ಕೃತಿ ಅಂಚನೆ ಜಿಲ್ಲಾ ಉಸ್ತುವಾರಿ ಸಚಿವೆರ್ ವಿ. ಸುನಿಲ್ ಕುಮಾರ್ ಮೇರ್ ದೇಶದ ಕೊಡಿ ಏರಾಯೆರ್ .

ಈ ಲೇಸ್‌ಡ್ ಸಂಸದೆರ್ ನಳಿನ್ ಕುಮಾರ್ ಕಟೀಲ್, ಶಾಸಕೆರ್ ವೇದವ್ಯಾಸ್ ಕಾಮತ್, ವಿಧಾನ ಪರಿಷತ್ ಸದಸ್ಯೆರ್ ಹರೀಶ್ ಕುಮಾರ್, ಕುಡ್ಲದ ಮೇಯರ್ ಜಯಾನಂದ ಅಂಚನ್, ಉಪ ಮೇಯರ್ ಪೂರ್ಣಿಮಾ, ಮೂಡಾ ಅಧ್ಯಕ್ಷೆರ್ ರವಿಶಂಕರ್ ಮಿಜಾರು, ಜಿಲ್ಲಾಧಿಕಾರಿ ರವಿಕುಮಾರ್ ಎಂ.ಆರ್., ಪಶ್ಚಿಮ ವಲಯ ಐಜಿಪಿ ಡಾ. ಚಂದ್ರಗುಪ್ತ, ಕುಡ್ಲ ನಗರ ಪೊಲೀಸ್ ಆಯುಕ್ತೆರ್ ಶಶಿಕುಮಾರ್, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಋಷಿಕೇಷ್ ಭಗವಾನ್ ಸೋನಾವಣೆ, ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಡಾ. ಕುಮಾರ್, ಕುಡ್ಲ ಮಹಾನಗರದ ಪಾಲಿಕೆ ಆಯುಕ್ತೆರ್ ಅಕ್ಷಯ್ ಶ್ರೀಧರ್, ಸೇರಿನಂಚನೆ ಜನಪ್ರತಿನಿಧಿಲು, ಅಧಿಕಾರಿಲು, ಸಿಬ್ಬಂದಿಲು, ಸಾರ್ವಜನಿಕೆರ್ ಅಂಚನೆ ಕಲ್ಪಾರ್ಥಿಲು ಇತ್ತೆರ್.

An interactive meeting with people conducted by MLA Umanath Kotian ಶಾಸಕೆರ್ ಉಮಾನಾಥ ಕೋಟ್ಯಾನ್ ಮೆರೆನ ಮುತಾಲಿಕೆಡ್ ನಡತಿನ ಜನಸ್ಪಂದನ ಲೇಸ್

ಬೆದ್ರ್ರ: ಮುಲ್ಕಿ ಬೆದ್ರ್ರ ವಿಧಾನ ಸಭಾ ಕ್ಷೇತ್ರದ ಪುಗರ್ತೆದ ಶಾಸಕೆರ್ ಉಮಾನಾಥ ಕೋಟ್ಯಾನ್ ಮೆರೆನ ಮುತಾಲಿಕೆಡ್ ಇನಿ ಪುತ್ತಿಗೆ ಜಿಲ್ಲಾ ಪಂಚಾಯತ್ ಕ್ಷೇತ್ರ ವ್ಯಾಪ್ತಿದ ಜನಸ್ಪಂದನ ಲೇಸ್ ಬೆದ್ರದ ಸ್ಕ್‌ಟ್ಸ್ ಗೈಡ್ಸ್ ಕನ್ನಡ ಭವನಡ್ ನಡತ್ಂಡ್.

ಈ ಪೊರ್ತುಡು 187 ಜನ ಫಲಾನುಭವಿಲೆಗ್ 94C ಹಕ್ಕುಪತ್ರ ಅಂಚನೆ 173 ಜನಕ್ಲೆಗ್ 94 CC ಹಕ್ಕುಪತ್ರ ಅಂಚನೆ 69 ಜನಕ್ಲೆಗ್ ಪಿಂಚಣಿ ಸೌಲಭ್ಯ ಸೇರಿನಂಚನೆ ಒಟ್ಟು 429 ಜನಕ್ಲೆಗ್ ಸರ್ಕಾರದ ಬೇತೆ ಬೇತೆ ಸೌಲಭ್ಯನ್ ಕೊರಿಯೆರ್.

ಮೂಡ ಅಧ್ಯಕ್ಷೆರ್ ಮೇಘನಾಥ ಶೆಟ್ಟಿ ಅಂಚನೆ ಪುತ್ತಿಗೆ ಜಿಲ್ಲಾ ಪಂಚಾಯತ್ ವ್ಯಾಪ್ತಿದ ಗ್ರಾಮ ಪಂಚಾಯತ್ ಅಧ್ಯಕ್ಷೆರ್ ಅಂಚನೆ ಪದುಕೆರ್ ಸೇರಿನಂಚನೆ ಬೇತೆ ಬೇತೆ ಇಲಾಖೆದ ಅಧಿಕಾರಿಲು ಈ ಪೊರ್ತುಡು ಲೇಸ್‌ಡ್ ಪಾಲ್ ಪಡೆದಿತ್ತೆರ್.

ವರದಿ: ಜಗದೀಶ್ ಪೂಜಾರಿ ಬೆದ್ರ

An interactive meeting with people conducted by MLA Umanath Kotian

Moodbidri Mulki Moodbidri MLA Umanath Kotian conducted an interactive meeting with the people of Putige Panchayat limits at Scouts and Guides hall

187 beneficiaries were handed 94C claim letters and 173 beneficiaries given 94CC claim letters and 69 persons pension benefits and 429 persons given various other government benifits.

Jan 28: The annual festival of Brahmashree Narayan guru Swami Seva Sangha ಕಡಂದಲೆ: ಜ.28 ಗ್ ಪಾಲಡ್ಕ ಬ್ರಹ್ಮಶ್ರೀ ನಾರಾಯಣಗುರು ಸ್ವಾಮಿ ಸೇವಾ ಸಂಘದ ವಾರ್ಷಿಕ ಉಚ್ಚಯ, ಸಾರ್ವಜನಿಕ ಶನಿ ಪೂಜೆ

ಕಡಂದಲೆ: ಪಾಲಡ್ಕ ಬ್ರಹ್ಮಶ್ರೀ ನಾರಾಯಣಗುರು ಸ್ವಾಮಿ ಸೇವಾ ಸಂಘ (ರಿ.) ಉಂದೆತ್ತ 11 ನೇ ವರ್ಷದ ವಾರ್ಷಿಕೋಚ್ಚಯದ ಲೆಕ್ಕೊಡು ಜ.28 ಗ್ ಸನಿವಾರ ಬಯ್ಯ 4 ಗಂಟೆಗ್ ಸಾರ್ವಜನಿಕ ಶನಿ ಪೂಜೆ ನಡಪರೆ ಉಂಡು. ಅಂಚನೆ ಬಯ್ಯ 6 ಗಂಟೆಗ್ ಮಹಾಪೂಜೆ ನಡಪರೆ ಉಂಡು.

ರಾತ್ರೆ 8.30 ಗಂಟೆಗ್ ಬ್ರಹ್ಮಶ್ರೀ ನಾರಾಯಣಗುರು ಸೇವಾದಳ ಅಂಚನೆ ಅತಿಥಿ ಕಲಾವಿದೆರೆರ್ದ್ ರಾಜೇಶ್ ಅಮೀನ್ ಕಡಂದಲೆ ನಿರ್ದೇಶನ ಮಲ್ತಿನ ರಮೇಶ್ ಆಚಾರ್ಯ ನೂರಳ್ ಬೆಟ್ಟು ರಚನೆ ಮಲ್ತಿನ ಘಳಿಗೆದುಲಾಯಿ ತುಳು ಹಾಸ್ಯಮಯ ನಾಟಕ ನಡಪರೆ ಉಂಡು.

Kadandale The annual festival of Brahmashree Narayan guru Swami Seva Sangha Paladka and Sarvajanik Shani pooja will be held on January 28th. 

January 26: Flowers show in Kadri Park ಜ.26 ಕ್ಕ್ ಕದ್ರಿ ಪಾರ್ಕ್‌ಡ್ ಫಲಪುಷ್ಪ ಪ್ರದರ್ಶನ

ಕುಡ್ಲ: ತೋಟಗಾರಿಕೆ ಇಲಾಖೆ, ಕದ್ರಿ ಉದ್ಯಾನವನ ಸಮಿತಿ ಅಂಚನೆ ಕುಡ್ಲದ ಸಿರಿ ತೋಟಗಾರಿಕೆ ಸಂಘ ಬೊಕ್ಕ ಬೇತೆ ಅಭಿವೃದ್ಧಿ ಇಲಾಖೆದ ಮುತಾಲಿಕೆಡ್ ಪೇಂಟೆದ ಕದ್ರಿ ಉದ್ಯಾನವನಟ್ಟ್ ಜ.26 ಜೆಡ್ದ್ 29 ಮುಟ್ಟ ಫಲಪುಷ್ಪ ಪ್ರದರ್ಶನ ನಡಪರೆ ಉಂಡು ಪಂದ್ ತೋಟಗಾರಿಕೆ ಇಲಾಖೆದ ಉಪನಿರ್ದೇಶಕೆರ್ ಎಚ್.ಆರ್.ನಾಯಕ್ ತೆರಿಪಾದೆರ್.

ಜ.26 ಕ್ಕ್ ಕಾಂಡೆ 10 ಗಂಟೆಗ್ ಇಂಧನ, ಕನ್ನಡ ಬೊಕ್ಕ ಸಂಸ್ಕೃತಿ ಅಂಚನೆ ಜಿಲ್ಲಾ ಉಸ್ತುವಾರಿ ಸಚಿವೆರ್ ವಿ.ಸುನಿಲ್ ಕುಮಾರ್ ಮೇರ್ ಫಲಪುಷ್ಪ ಪ್ರದರ್ಶನಗ್ ಚಾಲನೆ ಕೊರಿಯರೆ ಉಲ್ಲೆರ್. ಜಿಲ್ಲೆದ ಸಂಸದೆರ್, ಶಾಸಕೆರ್ ಅಂಚನೆ ಜನಪ್ರತಿನಿಧಿಲು ಸೇರಿನಂಚನೆ ಅಧಿಕಾರಿ ವರ್ಗದಕುಲು ಈ ಲೇಸ್‌ಡ್ ಪಾಲ್ ಪಡೆಯರೆ ಉಲ್ಲೆರ್.

January 26: Flowers show in Kadri Park

Mangalore: The horticulture department jointly with other associated department will hold a flower show from January 26 to 29th.

The flowers show will be inaugurated on January 26 by district in charge minister Sunil Kumar.

Sikkim To Reward Women For Having More Than One Child ಸಿಕ್ಕಿಂಡ್ ಒಂಜೆರ್ದ್ ಎಚ್ಚದ ಜೋಕುಲು ಇತ್ತ್ಂಡ ಮಸ್ತ್ ಗಿಫ್ಟ್!

ಸಿಕ್ಕಿಂ: ಭಾರತಡೇ ಕಮ್ಮಿ ಜನಸಂಖ್ಯೆ ಇಪ್ಪುನ ರಾಜ್ಯ ಆಯಿನ ಸಿಕ್ಕಿಂಡ್ ತನ್ನ ಜನಸಂಖ್ಯೆನ್ ಎಚ್ಚ ಮಲ್ಪರೆ ಸರ್ಕಾರ ವಿಶೇಷ ಯೋಜನೆ ಪಾಡ್ದ್ಂಡ್.

ಈ ರಾಜ್ಯಡ್ ಸರ್ಕಾರಿ ಬೇಲೆಡುಪ್ಪುನ ಪೊಂಜೋವುಲು ರಡ್ಡ್ ಅತ್ತ್ಂಡ ಅವೆರ್ದ್ ಎಚ್ಚ ಜೋಕುಲೆನ್ ಪೆದ್ದ್ಂಡ ಅಕ್ಲೆಗ್ ಇನಾಮು ಕೊರಿಯರೆ ಸರ್ಕಾರ ನಿರ್ಧಾರ ಮಲ್ತ್‌ದ್ಂಡ್. ಮುಖ್ಯಮಂತ್ರಿ ಪ್ರೇಮ್ ಸಿಂಗ್ ತಮಾಂಗ್ ಮೇರ್, ರಡ್ಡನೇ ಬಾಲೆಗ್ ವಿಶೇಷವಾಯಿನ ಇನ್ಕ್ರಿಮೆಂಟ್ ಬೊಕ್ಕ ಮೂಜನೇ ಬಾಲೆನ್ ಪೆದ್ದ್ಂಡ ರಡ್ಡ್ ಇನ್ಕ್ರಿಮೆಂಟ್ ಕೊರ್ಪೆ ಪಂತೆರ್.

Sikkim To Reward Women For Having More Than One Child

Sikkim: Women government employees in Sikkim who give birth to two or more children will receive extra salary hikes and paid-for childcare attendants at home, the state has announced as it grapples with the country’s lowest fertility rate and the risk of its population shrinking.

Sikkim Chief Minister Prem Singh Tamang has proposed a special salary hike for women who give birth to a second child and two raises for those who give birth to a third child.