ಕಾಸ್ರೋಡ್ ಸುದ್ದಿ | Kasargod News

ಸೆ. 2ಕ್ಕ್ ಮೋದಿ ಭೇಟಿದ ನಿಲೆಟ್ಟ್ ಕುಡ್ಲ ಪೇಂಟೆದ ಶಾಲಾ, ಕಾಲೇಜ್ ಗ್ ರಜೆ ಘೋಷಣೆ ಮಲ್ತಿನ ಡಿಸಿ

Aug 30, 2022

ಸೆಪ್ಟೆಂಬರ್ 2ಕ್ಕ್ ಪ್ರಧಾನಿ ನರೇಂದ್ರ ಮೋದಿ ಕುಡ್ಲಗ್ ಬರ್ಪಿನೆಡ್ದಾವರ ಕುಡ್ಲ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿದ ಮಾತ ಶಾಲಾ-ಕಾಲೇಜ್ ಗ್ ರಜೆ ಘೋಷಣೆ ಮಲ್ತ್ ದ ಪಂದ್ ಜಿಲ್ಲಾಧಿಕಾರಿ ಡಾ. ಕೆ.ವಿ. ರಾಜೇಂದ್ರ ಆದೇಶ ಮಲ್ತ್ ದೆರ್.

ಕುಡ್ಲ ಪೇಂಟೆದ ಅಂಗನವಾಡಿ, ಪ್ರಾಥಮಿಕ, ಪ್ರೌಡ ಶಾಲೆ, ಪದವಿ ಪೂರ್ವ, ಪದವಿ ಅಂಚನೆ ಸ್ನಾತಕೋತ್ತರ ಕಾಲೇಜ್ ಗ್ ರಜೆ ಘೋಷಣೆ ಮಲ್ತ್ ದೆರ್.

Schools and colleges in Mangalore city to be closed on September 2nd on account of the PM’s visit to the city-DC

The DC K V Rajendra has announced that all schools and colleges under the Manglore City police commissionerate will be closed on September 2 nd on account of the vist of PM Narendra Modi.

ಗಣಪತಿ ಮೂರ್ತಿ ಮಲ್ಪುನೆಟ್ಟ್ ಮಿಕ್ಕಿನಾರ್ ಸದಾಶಿವ ಪೂಜಾರಿ

Aug 30, 2022

ಬೆದ್ರ ಕೈತಲ್ ದ ಕಲ್ಲ ಮುಂಡ್ಕೂರು ಕುದ್ರಿ ಪದವು ಸವಿತಾ ಆರ್ಟ್ಸ್‌ದ ಸದಾಶಿವ ಪೂಜಾರಿ ಮೇರ್ ಗಣಪತಿ ಮೂರ್ತಿನ್ ಮಲ್ಪುನೆಟ್ ಭಾರಿ ಪುಗರ್ತೆ ಪಡೆತಿನಾರ್. ಮಲ್ಲ ಬೊಕ್ಕ ಎಲ್ಯ ಗಾತ್ರದ 50 ರ್ದು ಲ ಎಚ್ಚ ಗಣಪತಿ ಮೂರ್ತಿಲೆನ್ ಈ ಸರ್ತಿ ಮೇರ್ ಮಲ್ತ್ ದೆರ್. ಸದಾಶಿವ ಪೂಜಾರಿ ಮೆರೆನ ಕೈರ್ದ್ ಆವೆ ಮಣ್ಣ್ ಡ್ ಬೇತೆ ಬೇತೆ ರೂಪುದ ಮೂರ್ತಿಲು ಮೂಡ್ ದ್ ಬೈದ್ಂಡ್.

1985 ಟ್ ಎಲ್ಯ ಪ್ರಾಯಡೇ ಗಣಪತಿ ಮೂರ್ತಿನ್ ಮಲ್ಪರೆ ಸುರು ಮಲ್ತಿನ ಸದಾಶಿವ ಮೇರ್ ಇಡೇ ಮುಟ್ಟ ಸುಮಾರ್ 500 ರ್ದ್ ಎಚ್ಚ ಗಣಪತಿ ಮೂರ್ತಿಲೆಗ್ ರೂಪು ಕೊರ್‍ತೆರ್. ಕೈತಲ್ ಡ್ ಮಾತ್ರ ಅತ್ತಂದೆ ದೂರದ ಊರುರ್ದುಲ ಬೇಡಿಕೆ ಬರ್ಪುಂಡು. ಗಣೇಶನ ಮೂರ್ತಿದೊಟ್ಟುಗು ಶಾರದೆ, ಗೌರಿ ಅಂಚನೆ ಬೇತೆ ಬೇತೆ ಮೂರ್ತಿಲೆನ್ ಕಮ್ಮಿ ಪೊರ್ತುಡು ಮಲ್ಪುನ ಕೂಚಳಕ ಮೇರೆಡ ಉಂಡು.

ಕಲ್ಲಮುಂಡ್ಕೂರು ಚಂದು ಪೂಜಾರಿ ಬೊಕ್ಕ ಪದ್ಮಾ ದಂಪತಿಲೆನ 9 ಜೋಕುಲೆಡ್ ಕಡೆಕ್ಕ್ ಪುಟ್ಟಿನ ಮೇರ್ ಎಲ್ಯರ್ದೇ ಕಲೆಕ್ಕಾದ್ ಮಸ್ತ್ ಬೆಂತಿನಾರ್.

ತುಳು ನಾಟಕಡ್ ಸ್ತ್ರೀ ಪಾತ್ರಧಾರಿಯಾದಿತ್ತಿನ ಮೇರ್ ಛದ್ಮವೇಷ ಕಲಾವಿದೆರಾದ್ ಮಸ್ತ್ ಜನಕ್ಲೆನ ಮನನ್ ಗೆಂದಿನಾರ್. ಮೂರ್ತಿಲೆಗ್ ನೈಜತೆದ ರೂಪ ಕೊರ್ಪಿನ ಚಾಕಚಕ್ಯತೆ ಮೆರೆಡ ಉಂಡು.

ಪ್ರಚಾರದ ಬಗೆಟ್ ತರೆ ಕೊರಂದಿನ ಮೇರ್ ಪೈಂಟಿಂಗ್, ಬ್ಯಾನರ್, ಗಾಡಿದ ಪೈಂಟಿಂಗ್, ಮೂರ್ತಿಲು, ಪೂತ್ತ ಚಟ್ಟಿಲು, ಚಿತ್ರ ಚಿತ್ತಾರ ಇಂಚಿತ್ತಿನ ಚಿತ್ರನ್ ಮಲ್ಪುವೆರ್. ಮೇರ್ ಸಾರ್ವಜನಿಕವಾದ್ ತೋಜುನವ್ ಮಸ್ತ್ ಕಮ್ಮಿ. ಹಿಂದೂ ದೇವೆರ್‍ನ ಮೂರ್ತಿದೊಟ್ಟುಗ್ ಮೇರಿ-ಏಸು ಕ್ರಿಸ್ತನ ಮೂರ್ತಿನ್ ಲ ಮಲ್ಪುವೆರ್.

ಇಲ್ಲ್ ಮಂದಿರಗ್ ಬೊಲ್ಪು ಕೊರ್ಪಿನ ಸದಾಶಿವ ಜನಕ್ಲೆನ ಇಷ್ಟದ ದೋಸ್ತಿಯಾತೆರ್. ಹೈಸ್ಕೂಲ್ ಡ್ ಡ್ರಾಯಿಂಗ್ ಮಾಸ್ಟರ್ ಅಚ್ಚುತ ಆಚಾರ್ ಮೇರೆರ್‍ದ್ ಕಲ್ತಿನ ಸದಾಶಿವ ಮೇರ್ ಆಯಿಬೊಕ್ಕ ಬಿ.ಜಿ.ಎಂ ಫೈನ್ ಆರ್ಟ್ಸ್ ಡ್ 3 ವರ್ಷ ತರಬೇತಿ ಪಡೆತೆರ್.

“ಪೇಪರ್ ಎನ್ನ ಇಷ್ಟದ ಸಂಗಾತಿ. ಪತ್ರಿಕೆಲು ಯಂಕ್ ಪ್ರೋತ್ಸಾಹ ಕೊರ್‍ತ್ಂಡ್ ಪನ್ಪಿನ ಮೇರೆಗ್ ಇಡೇ ಮುಟ್ಟ ಒವ್ವೇ ಪ್ರಶಸ್ತಿ ಪುರಸ್ಕಾರ ತಿಕ್ಕ್ ದಿಜಿ. ಅರೆನ ಕಲೆಕ್ಕ್ ಬಿಲೆ ಬರಡ್, ಪ್ರಶಸ್ತಿ ಗೌರವ ತಿಕ್ಕಡ್ ಪನ್ಪಿನವು ಟೈಮ್ಸ್ ಆಫ್ ಕುಡ್ಲ ಪತ್ರಿಕೆದ ಸುಗಿಪು.

ಡಾ. ಡಿ ವೀರೇಂದ್ರ ಹೆಗ್ಗಡೆರೆನ ಬಿನ್ನಾಪುಗು ಮನ್ನಿತ್ ದ್ ಸೆ.1 ಕ್ಕ್ ಯೋಗಿ ಆದಿತ್ಯನಾಥ್ ಬೆಂಗ್ಲೂರುಗು

Aug 30, 2022

ಬೆಂಗ್ಲೂರ್: ರಾಜ್ಯಸಭಾ ಸದಸ್ಯೆರಾಯಿನ ಡಾ. ಡಿ ವೀರೇಂದ್ರ ಹೆಗ್ಗಡೆರೆನ ಬಿನ್ನಾಪುಗ್ ಬಿಲೆ ಕೊರ್ದು ಉತ್ತರಪ್ರದೇಶದ ಸಿಎಂ ಯೋಗಿ ಆದಿತ್ಯನಾಥ್ ಸೆಪ್ಟೆಂಬರ್ 1ಕ್ಕ್ ಬೆಂಗ್ಲೂರ್ ಗ್ ಬರ್ರೆ ಉಲ್ಲೆರ್ ಪಂದ್ ತೆರಿದ್ ಬೈದ್ಂಡ್.

ಮೇರ್ ಸೆ.1ಕ್ಕ್ ಕಾಂಡೆ 11.30ಗ್ ಎಚ್‌ಎಎಲ್ ವಿಮಾನ ನಿಲ್ದಾಣಗ್ ಬತ್ತ್‌ದ್ ಅಲ್ಪರ್‍ದ್ ಎಸ್‌ಡಿಎಮ್ ಆಫ್ ನ್ಯಾಚುರೋಪತಿ ಬೊಕ್ಕ ಯೋಗಿಕ್ ಸೈನ್ಸ್ ಕ್ಯಾಂಪಸ್‌ಗ್ ಬರಿಯರೆ ಉಲ್ಲೆರ್.

ಜಗತ್ತ್ ದ ಸಿರಿವಂತೆರ್ನ ಪಟ್ಟಿಡ್ ಗೌತಮ್ ಅದಾನಿಗ್ ಮೂಜನೇ ತಾನೊ

Aug 30, 2022

ದಿಲ್ಲಿ: ಅದಾನಿ ಕೂಟದ ಅಧ್ಯಕ್ಷೆರ್ ಗೌತಮ್ ಅದಾನಿ ಜಗತ್ತ್‌ದ ಶ್ರೀಮಂತೆರ್‍ನ ಪಟ್ಟಿಡ್ ಮೂಜನೇ ತಾನೊ ಪಡೆತೆರ್.

ಇತ್ತೆ ಬ್ಲೂಂಬರ್ಗ್ ಬಿಲಿಯನೇರ್ಸ್ ಇಂಡೆಕ್ಸ್‌ಡ್ ಜಗತ್ತ್ ದ ಶ್ರೀಮಂತೆರ್‍ನ ಪಟ್ಟಿಡ್ ಟಾಪ್ ಮೂಜನೇ ತಾನೊಗ್ ಬೈದಿನ ಏಷ್ಯಾದ ಜನ ಪನ್ಪಿನ ಪುಗರ್ತೆಗ್ ಪಾತ್ರರಾತೆರ್. ಸುಮಾರ್ 137.4 ಬಿಲಿಯನ್ ಡಾಲರ್ ಸಂಪತ್ತ್‌ದೊಟ್ಟುಗ್ ಮೂಜನೇ ತಾನೊ ಪಡೆತ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಕೇರಳ ಸುದ್ದಿ | Kerala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕೇರಳ: ಗುಡ್ಡೆ ಜರಿದ್ ತೀರ್ ಪೋಯೆರ್ ಒಂಜೇ ಕುಟುಂಬದ 5 ಜನ

Aug 30, 2022

ಕೇರಳ: ಒಂಜೇ ಕುಟುಂಬದ 5 ಜನ ಗುಡ್ಡೆ ಜರಿದ್ ತೀರ್ ಪೋಯಿನ ಘಟನೆ ಕೇರಳದ ಇಡುಕ್ಕಿ ಜಿಲ್ಲೆದ ಥೋಡುಪೊಜಾ ಕೈತಲ್ ನಡತ್ ದ್ಂಡ್.

ಕಂಜಾರ್ ದ ಥಂಕಮ್ಮ(80), ಮಗೆ ಸೋಮನ್(52), ಬೊಡೆದಿ ಶಾಜಿ(50), ಮಗಲ್ ಶಿಮಾ(30) ಬೊಕ್ಕ ದೇವಾನಂದ (5) ತೀರ್ ಪೋತಿನಕುಲು. ಇಡುಕ್ಕಿಡ್ ಕರಿನ ಕೆಲ ದಿನರ್‍ದಿಂಚಿ ಭಾರೀ ಬರ್ಸ ಬರೊಂದಿತ್ತ್ ದ್ ಭಾರತೀಯ ಹವಾಮಾನ ಇಲಾಖೆ ಕಾಸರಗೋಡು ಬುಡ್ದ್ ಬೇತೆ ಮಾತ ಜಿಲ್ಲೆಲೆಗ್ ಯೆಲ್ಲೊ ಅಲರ್ಟ್ ಘೋಷಣೆ ಮಲ್ತ್ ದ್ಂಡ್.

Kerala: Landslide on a hill leaves five of a family dead

Kerala: Five of a family lost their lives due to a landslide in Idduki district of Kerala.

The deceased have been identified as Tankamma (80), her so Soman (52) his wife Shaji (50), daughter Shima (30), her so Devanand(5). Heavy rains in the area had caused heavy damages in the area Yellow alert has been declared in many areas of Kerala.

Kerala: Landslide on a hill leaves five of a family dead.

Kerala: Five of a family lost their lives due to a landslide in Idduki district of Kerala.

The deceased have been identified as Tankamma (80), her so Soman (52) his wife Shaji (50), daughter Shima (30),
her so Devanand(5). Heavy rains in the area had caused heavy damages in the area Yellow alert has been declared in many areas of Kerala.

ರಾಜಬೂಡುದ ತುಳುನಾಡ ಜವನೆರೆನ *ಅಸ್ಟೆಮಿ ಐಸಿರ” ಲೇಸ್ ಡ್ ಬೆಂಗಳೂರುದ ಮಕರ ಶ್ರೀ ಭಜನಾ ಮಂಡಳಿಡ್ದ್ ಭಕ್ತಿ ಸುಗಿಪುದ ಭಜನೆ…!

Aug 30, 2022

ಬೆಂಗಳೂರು: ರಾಜಬೂಡು ಬೆಂಗಳೂರುದ ತುಳುನಾಡ ಜವನೆರ್ ಕೂಟೊದ ಮುತಾಲಿಕೆಡ್ ಅಸ್ಟೆಮಿದ ಐಸಿರ ಪೊರ್ಲ ಲೇಸ್ ಆಗಸ್ಟ್ 28ನೇ, ಐತಾರದಾನಿ ಕಾಂಡೆ ಬೆಂಗಳೂರುದ ಮಕರ ಶ್ರೀ ಭಜನಾ ಮಂಡಳಿದ ಮುತಾಲಿಕೆಡ್ ದೇವೆರೆನ ಭಕ್ತಿ ಸುಗಿಪುಡ್ ಸೇರ್ದಿನ ಮಾತಾ ತುಳುವ ಬಂದುಲೆನ್ ಭಕ್ತಿದಡೆ ಕೊನೊಂಡ್.

ನಮ್ಮ ದೇಶೊಡು ಹಿಂದೂ ರಾಷ್ಟ ನನಲಾತ್ ಬಲಿಷ್ಠ ಆವೊಡಾಂಡ ಪ್ರತಿಯೊಂಜಿ ಇಲ್ಲ್ ಡ್ ಇಡೀ ಕುಟುಂಬ ಸೇರ್ದ್ ಬಯ್ಯದ ಪೊರ್ತುಡು ಭಜನೆ ಮಲ್ಪುನ ಅಭ್ಯಾಸ ಮಲ್ಪೊಡಾಪುಂಡು.ಭಜನೆ ಇತ್ತ್ಂಡ ವಿಭಜನೆ ಆಪುಜಿ ಪನ್ಪಿನ ಅರ್ಥ ಗ್ ಅದಗೊಂಜಿ ಬಿಲೆ ಬರ್ಪುಂಡು.ನಮ್ಮ ಹಿಂದೂ ಸಂಸ್ಕೃತಿದ,ಕಲೆ, ಆಚಾರ-ವಿಚಾರ ಓರಿಪಾವರೆಲ ಸಾಧ್ಯ ಆಪುಂಡು. ನನಲಾತ್ ಪೊಣ್ಣು- ಪೊಂಜೊವುನಕಲೆಗ್, ಜವನೆರ್- ಜೋಕುಲೆಗ್ ಭಜನೆ ಮಲ್ಪರೆ ಉಮೇದ್ ದಿಂಜಾವುನ ಉದ್ದೇಶೊಡ್ ಮಕರ ಶ್ರೀ ಭಜನಾ ಮಂಡಳಿ ಬೆಂಗಳೂರುಡು ಸುಮಾರ್ 4 ವರ್ಷದಿಂಚಿ ಧಾರ್ಮಿಕವಾದ್ ಸುಮಾರ್ ಕಜ್ಜೊಲೆನ್ ಮಲ್ತೊಂದುಂಡು.

ಈ ಬಗೆಟ್ಪ್ ಮಸ್ತ್ ಆಸಕ್ತಿ ಇತ್ತಿನಕುಲು ಮಕರ ಶ್ರೀ ಭಜನಾ ಮಂಡಳಿಗ್ ಯಾಪಲಾ ಸೇರೊಲಿ,
ಅಂಚೆನೇ ಸಂಚಾಲಕೆರ್ ‌ಸುಕೇಶ್ ಕುಲಾಲ್‌‌ ಮೊಬೈಲ್ ನಂ‌. 7259564910.ಲೆಪ್ಪು ಕೊರೊಲಿಂದ್ ಟೈಮ್ಸ್ ಆಫ್ ಕುಡ್ಲ, ಬೆಂಗಳೂರುದ ಪ್ರಕಟನೆಡ್ ತೆರಿಪಾದೆರ್.
-ಯಾದವ ಎಸ್ ಕಲ್ಲಾಪು.

ತಿಮಿಂಗಿಲ ಕಕ್ಕ್ ದಿನ 10 ಕೋಟಿ ರೂ.ಬಿಲೆತ್ತ ಸೊತ್ತು ಕೈಕ್ ದೆತೋನ್ನಿನ ಪೊಲೀಸೆರ್: 3 ಜನ ಅರೆಸ್ಟ್

Aug 29, 2022

ಕಾಸ್ರೋಡ್: ಸುಮಾರ್ 10 ಕೋಟಿ ಕಾಸ್ ದ ತಿಮಿಂಗಿಲದ ವಾಂತಿನ್ ವಶಕ್ಕ್ ದೆತೊಂದು ಪೊಲೀಸೆರ್ ಮೂಜಿ ಆರೋಪಿಲೆನ್ ಅರೆಸ್ಟ್ ಮಲ್ತಿನ ಘಟನೆ ಕಾಸ್ರೋಡ್ ಡ್ ನಡತ್ ದ್oಡ್.

ಈ ಕೇಸ್ ಗ್ ಸಂಬಂಧಿಸಾದ್ ಕಾಞಂಗಾಡ್ ಕೊವ್ವಲ್ ಪಳ್ಳಿದ ನಿಶಾಂತ್ ಕೆ.ವಿ (41), ಕಾಞಂಗಾಡ್ ಮುರಿಯನಾವಿದ ಸಿದ್ದೀಕ್ ಮಾಡಂಬಿಲ್ಲತ್ (31), ಕೊಟ್ಟೋಡಿದ ದಿವಾಕರ (38) ಅರೆಸ್ಟ್ ಆಯಿನ ಆರೋಪಿಲು.

ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ವೈಭವ್ ಸಕ್ಸೆನಾ ಮೆರೆಗ್ ತಿಕ್ಕಿನ ಮಾಹಿತಿಡ್ ಕಾಞಂಗಾಡ್ ಡಿವೈಎಸ್ಪಿ ಪಿ. ಬಾಲಕೃಷ್ಣನ್ ಮುತಾಲಿಕೆಡ್ ಈ ಕಾರ್ಯಾಚರಣೆ ನಡತ್ ದಿತ್ತ್ ದ್, ಕಾಞಂಗಾಡ್ ಗ್ರೀನ್ ಲ್ಯಾಂಡ್ ಟೂರಿಸ್ಟ್ ಹೋಂರ್ದ್ ತಿಮಿಂಗಿಲ ವಾಂತಿದೊಟ್ಟುಗ್ ಮೂಜಿ ಜನನ್ ಪೊಲೀಸೆರ್ ಅರೆಸ್ಟ್ ಮಲ್ತ್ ದೆರ್.

Three people arrested for trafficking in whale vomit (ambergris) worth ten crore rupees

Kasaragod: The police have taken into custody whale vomit worth ten crore rupees and arrested three persons in this connection.

The arrested have been identified as Nishant K V (41) from Kananghad, Siddiqui (31), Divakar (38).

The district police commissioner Vaibhav Saxena acted on a tip off with help from Kananghad Dy ACP Bhalakrishnan and his team at Greenland Tourist Home in Kananghad.

ತಲಪಾಡಿ ಶ್ರೀ ವೀರಾಂಜನೇಯ ವ್ಯಾಯಾಮ ಶಾಲೆಗ್ ಪೊಗ್ಗಿನ ಕಲ್ವೆರ್

Aug 29, 2022

ತಲಪಾಡಿ ಶ್ರೀ ವೀರಾಂಜನೇಯ ವ್ಯಾಯಾಮ ಶಾಲೆಗ್ ಕಲ್ವೆರ್ ಪೊಗ್ಗ್ ದಿನ ಘಟನೆ ಉಳ್ಳಾಲ ಪೊಲೀಸ್ ಠಾಣಾ ವ್ಯಾಪ್ತಿಡ್ ನಡತ್ ದ್oಡ್.

ವ್ಯಾಯಮ ಶಾಲೆಗ್ 4 ಕಲ್ವೆರ್ ಪೊಗ್ಗ್ ದಿತ್ತ್ ದ್ ಒರಿ ಸೀದಾ ಉಲಾಯಿ ಪೋತೆ. ಆಯೆ ಜನಕ್ಲೆನ ಕೈಕ್ ತಿಕ್ಕ್ ದ್ ಬೂರ್ದೆ. ವ್ಯಾಯಮ ಶಾಲೆಡ್ ಇತ್ತಿನ ಕಾಸ್ ದ ಡಬ್ಬಿನ್ ದೆಪ್ಪರೆ ಕಲ್ವೆರ್ ಪೋತೆರ್ ಪಂದ್ ಸುರುತ್ತ ಮಾಹಿತಿಡ್ ತೆರಿದ್ ಬೈದ್oಡ್.

ವರದಿ: ಮಂಜುನಾಥ ಶೆಟ್ಟಿ

100ನೇ ದಿನತ್ತ ಆಚರಣೆಡ್ ಉಂಡು “ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್” ತುಳು ಪಿಚ್ಚರ್

Aug 27, 2022

ಒಂದು ಮೊಟ್ಟೆಯ ಕಥೆ ಪಿಚ್ಚರ್ ಪುಗರ್ತೆದ ವೈಭವ್ ಪ್ರಿಕ್ಸ್ ಅಡಿಟ್, ಮ್ಯಾಂಗೋ ಪಿಕಲ್ ಬ್ಯಾನರ್ ಸಹಭಾಗಿತ್ವಡ್ ರಾಹುಲ್ ಅಮೀನ್ ನಿರ್ದೇಶನ ಮಲ್ತಿನ “ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್” ತುಳು ಪಿಚ್ಚರ್ ತುಳುನಾಡ್ ಡ್ ಬುಡುಗಡೆ ಆದಿತ್ತ್ ದ್ ಇತ್ತೆ 100ನೇ ದಿನತ್ತ ಆಚರಣೆಡ್ ಉಂಡು.

ಮೇ 20 ತಾರೀಕ್ ಗ್ ತುಳುನಾಡ್ ಡ್ ಬುಡುಗಡೆ ಆದಿತ್ತಿನ ಈ ಪಿಚ್ಚರ್ ಫ್ಯಾಮಿಲಿ ಎಂಟರ್ಟೈ ನ್ಮೆಂಟ್ ಆದ್ ಉಂಡು. ಜನಕ್ಲೆನ ಇಷ್ಟದ ಸಿನಿಮಾ ಉಂದಾದಿತ್ತ್ ದ್ ತುಳು ಚಿತ್ರರಂಗಡ್ ಇತಿಹಾಸನ್ ಸೃಷ್ಟಿ ಮಲ್ತ್ ದ್ಂಡ್.

ಈ ಪಿಚ್ಚರ್ ನ್ ಆನಂದ್ ಎಂ ನಿರ್ಮಾಣ ಮಲ್ತ್ ದಿತ್ತ್ ದ್, ಬಿ.ಅಶೋಕ್ ಕುಮಾರ್, ಸೀತಾರಾಮ್ ಶೆಟ್ಟಿ, ಅಜಯ್ ಬಾಳಿಗಾ, ಸುಹಾನ್ ಪ್ರಸಾದ್, ಪವನ್ ಕುಮಾರ್, ನಿತಿನ್ ರಾಜ್ ಶೆಟ್ಟಿ ಬೊಕ್ಕ ಅರ್ಪಿತ್ ಅಡ್ಯಾರ್ ಸಹ ನಿರ್ಮಾಪಕೆರಾತೆರ್.

ನಾಯಕೆ ನಟೆ ವಿ.ಜೆ.ವಿನೀತ್ ಪಿಚ್ಚರ್ ಗ್ ಕಥೆ, ಚಿತ್ರಕಥೆನ್ ಬರೆತೆರ್. ಜೇಕಬ್ ಜಾನ್ಸನ್ ಸಾಕಾರನ್ ಮಲ್ತೆರ್. ಗಿರ್ಗಿಟ್ ಪುಗರ್ತೆದ ಪ್ರಸನ್ನ ಶೆಟ್ಟಿ ಬೈಲೂರು ಸಂಭಾಷಣೆ ಬರೆದಿತ್ತೆರ್. ಸೃಜನ್ ಕುಮಾರ್ ತೋನ್ಸೆ ಪದ್ಯ ಸಂಯೋಜನೆ ಮಲ್ತೆರ್.

ರಾಜಣ್ಣನ ಮಗೆ ರಿಶಿ ಒರಿ ಈವೆಂಟ್ ಮ್ಯಾನೇಜರ್. ಯಾನ್ ಒರಿ ಮಲ್ಲ ವ್ಯಕ್ತಿಯಾವೊಡ್ ಪನ್ಪಿನ ಬಗೆಟ್ಟ್ ಮಸ್ತ್ ಪೊರ್ಂಬಾಟ ಮಲ್ತೊಂದಿಪ್ಪುವೆ. ಒಂಜಿ ಮಲ್ಲ ಲೇಸ್ ನ್ ಆಯೋಜನೆ ಮಲ್ತ್ ದ್ ಆಯಿಟ್ಟ್ ಆಯೇ ಯಶಸ್ವಿಯಾಯೆನ ಇಜ್ಜೆನ ಪನ್ಪಿನವ್ ಈ ಚಿತ್ರದ ಕಥೆಯಾತ್ಂಡ್.

ಪಿಚ್ಚರ್ ಡ್ ತುಳುನಾಡ್ ದ ಕಾಮಿಡಿ ಕಿಂಗ್ ಅರವಿಂದ್ ಬೋಳಾರ್, ನವರಸ ನಾಯಕೆ ಬೋಜರಾಜ್ ವಾಮಂಜೂರು ಅಂಚನೆ ನವೀನ್ ಡಿ ಪಡೀಲ್ ಅಂಚನೆ ಮಸ್ತ್ ತುಳುನಾಡ್ ದ ಪುಗರ್ತೆದ ಕಲಾವಿದೆರ್ ನಟನೆ ಮಲ್ತ್ ದೆರ್.

Tulu movie “Raj Sounds and lights celebrates 100 days show

Raj Sounds and lights movie released under the Mango Pickle banner directed by Rahul Amin has been running successfully in Tulunadu for 100 days now.

A thorough entertainer it was released on May 29th and had the audience running to the theatres to watch it.

ಕುಡ್ಲ: ಯಕ್ಷಗಾನದ ಪುಗರ್ತೆದ ಹಾಸ್ಯ ಕಲಾವಿದೆರ್ ದಿನೇಶ್ ರೈ ಕಡಬ ಮೇರೆಗ್ ಮಾನಾದಿಗೆ

Aug 25, 2022

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಓಂ ಶ್ರೀ ನಾಗಶಕ್ತಿ ಕೃಪಾಪೋಷಿತ ಯಕ್ಷಗಾನ ಮಂಡಳಿ ಕಂಬಳಗುಡ್ಡೆ, ಚಾನೆಲ್ -೯ ಮೊಕ್ಲೆನ ಮುತಾಲಿಕೆಡ್ ೧೨ ದಿನತ್ತ ಕಾಲ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸಿರಿ ಚಾವಡಿಡ್ ನಡತಿನ “ತುಳು ಯಕ್ಷ ಜಾತ್ರೆ-೨೦೨೨” ತ್ತ ಮುಗಿತಲದ ಲೇಸ್ ಡ್ ಯಕ್ಷಗಾನದ ಪುಗರ್ತೆದ ಹಾಸ್ಯ ಕಲಾವಿದೆರ್ ಆಯಿನ ದಿನೇಶ್ ರೈ ಕಡಬ ಮೇರೆಗ್ “ಬಿಲ್ಲವ ಸಂಘ (ರಿ) ಅಶೋಕ್ ನಗರ ಮೊಕುಲು ಮಾನಾದಿಗೆ ಮಲ್ತೆರ್.

ಈ ಪೊರ್ತುಡು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ರಿಜಿಸ್ಟ್ರಾರ್ ಕವಿತಾ, ಬಿಲ್ಲವ ಸಂಘ (ರಿ) ಉರ್ವ ಅಶೋಕ್ ನಗರದ ಉಪಾಧ್ಯಕ್ಷೆರ್ ಕೆ. ವೆಂಕಟೇಶ್ ದಾಸ್, ಗಡಿ ಪ್ರದೇಶ ಅಭಿವೃದ್ಧಿ ಪ್ರಾಧಿಕಾರ ಕುಡ್ಲದ ಕಾರ್ಯದರ್ಶಿ ಪ್ರಕಾಶ್, ಎಲಿಯಾಸ್ ಸ್ಯಾಂಕ್ಟಿಸ್, ಡಾ.ಸಿ.ಸೋಮಶೇಖರ್ , ಬಿ. ಭುಜಬಲಿ ಧರ್ಮಸ್ಥಳ, ದಯಾನಂದ್ ಜಿ ಕತ್ತಲ್ ಸಾರ್ ಸೇರಿನಂಚನೆ ಮಸ್ತ್ ಜನ ಬಿನ್ನೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಕಾಸ್ರೋಡ್ ಸುದ್ದಿ | Kasargod News

ಸೆ. 2ಕ್ಕ್ ಮೋದಿ ಭೇಟಿದ ನಿಲೆಟ್ಟ್ ಕುಡ್ಲ ಪೇಂಟೆದ ಶಾಲಾ, ಕಾಲೇಜ್ ಗ್ ರಜೆ ಘೋಷಣೆ ಮಲ್ತಿನ ಡಿಸಿ

ಗಣಪತಿ ಮೂರ್ತಿ ಮಲ್ಪುನೆಟ್ಟ್ ಮಿಕ್ಕಿನಾರ್ ಸದಾಶಿವ ಪೂಜಾರಿ

ಡಾ. ಡಿ ವೀರೇಂದ್ರ ಹೆಗ್ಗಡೆರೆನ ಬಿನ್ನಾಪುಗು ಮನ್ನಿತ್ ದ್ ಸೆ.1 ಕ್ಕ್ ಯೋಗಿ ಆದಿತ್ಯನಾಥ್ ಬೆಂಗ್ಲೂರುಗು

ಜಗತ್ತ್ ದ ಸಿರಿವಂತೆರ್ನ ಪಟ್ಟಿಡ್ ಗೌತಮ್ ಅದಾನಿಗ್ ಮೂಜನೇ ತಾನೊ

ಕೇರಳ: ಗುಡ್ಡೆ ಜರಿದ್ ತೀರ್ ಪೋಯೆರ್ ಒಂಜೇ ಕುಟುಂಬದ 5 ಜನ

ರಾಜಬೂಡುದ ತುಳುನಾಡ ಜವನೆರೆನ *ಅಸ್ಟೆಮಿ ಐಸಿರ” ಲೇಸ್ ಡ್ ಬೆಂಗಳೂರುದ ಮಕರ ಶ್ರೀ ಭಜನಾ ಮಂಡಳಿಡ್ದ್ ಭಕ್ತಿ ಸುಗಿಪುದ ಭಜನೆ…!

ತಿಮಿಂಗಿಲ ಕಕ್ಕ್ ದಿನ 10 ಕೋಟಿ ರೂ.ಬಿಲೆತ್ತ ಸೊತ್ತು ಕೈಕ್ ದೆತೋನ್ನಿನ ಪೊಲೀಸೆರ್: 3 ಜನ ಅರೆಸ್ಟ್

ತಲಪಾಡಿ ಶ್ರೀ ವೀರಾಂಜನೇಯ ವ್ಯಾಯಾಮ ಶಾಲೆಗ್ ಪೊಗ್ಗಿನ ಕಲ್ವೆರ್

100ನೇ ದಿನತ್ತ ಆಚರಣೆಡ್ ಉಂಡು “ರಾಜ್ ಸೌಂಡ್ಸ್ ಆಂಡ್ ಲೈಟ್ಸ್” ತುಳು ಪಿಚ್ಚರ್

ಕುಡ್ಲ: ಯಕ್ಷಗಾನದ ಪುಗರ್ತೆದ ಹಾಸ್ಯ ಕಲಾವಿದೆರ್ ದಿನೇಶ್ ರೈ ಕಡಬ ಮೇರೆಗ್ ಮಾನಾದಿಗೆ

You Missed

ಕುಡ್ಲಡ್ ಉಂಡು ತುಳುನಾಡ್‌ದ ಬಾರೀ ಎತ್ತರದ ಧ್ವಜಸ್ತಂಭ

ಕುಡ್ಲ : 9 ತಾಲೂಕು ಕಚೇರಿಲೆಗ್ ಲೋಕಾಯುಕ್ತ ರೈಡ್

ತುಳು ಕೂಟ ಬೆದ್ರದ ಗುರ್ಕಾರ್ದಿಯಾದ್ ಪುಗರ್ತೆದ ತುಳು ಸಾಹಿತಿ ಜಯಂತಿ ಎಸ್ ಬಂಗೇರ ಆಯ್ಕೆ

ಕೆ.ಎಸ್.ಬಸವಂತಪ್ಪ ಮೀನುಗಾರಿಕೆ ಮಂತ್ರಿ