ಕಾಸ್ರೋಡ್ ಸುದ್ದಿ | Kasargod News

ಜೈ ತುಲುನಾಡ್ (ರಿ.) ಕಾಸ್ರೋಡ್ ಎಗ್ಗೆ ಉಂದೆತ ಕೂಡುಪಟ್ಟಾಂಗ ಬೊಕ್ಕ  2021-22ನೇ ಸಾಲ್‌ದ ಕಾಸ್ರೋಡ್ ಎಗ್ಗೆದ ಪದಾಧಿಕಾರಿಲೆನ ಆಯ್ಕೆ 

ಜೈ ತುಲುನಾಡ್ (ರಿ.) ಕಾಸ್ರೋಡ್ ಎಗ್ಗೆ ಉಂದೆತ ಕೂಡುಪಟ್ಟಾಂಗ ಜನವರಿ 17 ಐತಾರೊದಾನಿ ಕುಂಬ್ಲೆ ಸೀರೆ ಶ್ರೀ ಶಂಕರನಾರಾಯಣ ದೇವಸ್ಥಾನೊಡು ನಡತ್ಂಡ್. ಈ ಕೂಡು ಪಟ್ಟಾಂಗೊಡು 2021-22ನೇ ಸಾಲ್‌ದ ಕಾಸ್ರೋಡ್ ಎಗ್ಗೆದ ಪದಾಧಿಕಾರಿಲೆನ ಆಯ್ಕೆ ಮಲ್ತುದೆರ್.

ಪದಾಧಿಕಾರಿಲಾದ್

ಮನಾದಿಗೆದ ಗುರ್ಕಾರ್ಲು : ಶ್ರೀ ಉಮೇಶ್ ಸಾಲಿಯಾನ್ ಶಿರಿಯ
ಗುರ್ಕಾರ್ಲು : ಶ್ರೀ ಹರಿಕಾಂತ್ ಕಾಸ್ರೋಡ್
ಒತ್ತು ಗುರ್ಕಾರ್ಲು : ಶ್ರೀಮತಿ ವಿನೋದ ಪ್ರಸಾದ್ ರೈ, ಕಳತ್ತೂರ್ ಕಾರಿಂಜೆ.
ಕಾರ್ಯಂತೆರ್ : ಶ್ರೀ ಕಾರ್ತಿಕ್ ಕೆ. ಎನ್. ಪೆರ್ಲ
ಒತ್ತು ಕಾರ್ಯಂತೆರ್ : ಶ್ರೀ ಜಗನ್ನಾಥ ಕುಲಾಲ್ ಕಂಡತ್ತೋಡಿ, ಶ್ರೀ ಶ್ರೀನಿವಾಸ ಆಳ್ವ ಕಳತ್ತೂರ್
ಪನವುದ ಗುರ್ಕಾರ್ಲು : ಶ್ರೀ ಪ್ರಶಾಂತ್ ರೈ ಬಂದಡ್ಕ

ಕಾಸ್ರೋಡ್ ಜಿಲ್ಲಾ
ಸಂಘಟನಾ ಕಾರ್ಯಂತೆರ್ : ಶ್ರೀ ಆನೆಪಲ್ಲಡ್ಕ ಯಜ್ಞಕುಮಾರ್ (ಯಜ್ಞೇಶ್ ಕಿಳಿಂಗಾರ್)

ಮುಖ್ಯ ಸಂಚಾಲಕೆ : ಶ್ರೀ ಪ್ರವೀಶ್ ಕುಲಾಲ್ ಬೀರಿಕುಂಜೆ
ಒತ್ತು ಸಂಚಾಲಕೆ : ಶ್ರೀ ಉತ್ತಮ ಉರುಳಿತಡ್ಕ ಆಯ್ಕೆ ಆಯೆರ್.

ಮಂಜೇಶ್ವರ ವ್ಯಾಪ್ತಿದ ವರ್ಕಾಡಿ ಗ್ರಾಮ ಪಂಚಾಯತ್ ಗುರ್ಕಾರ್ದಿಯಾದ್ ಭಾರತಿ ಸತೀಶ್ ಆಯ್ಕೆ

ಕೇರಳಡ್ ಇಂಚೊಗು ನಡತಿನ ಕೈತಲ್ ದ ಸಂಸ್ಥೆ ಚುನಾವಣೆಡ್ ಮಂಜೇಶ್ವರದ ವರ್ಕಾಡಿ ಪಂಚಾಯತ್ ದ ತಲಕ್ಕಿ ವಾರ್ಡ್ ಡ್ ಮೂಜನೇ ಸಲ ಎಲ್ ಡಿಎಫ್ ಅಭ್ಯರ್ಥಿಯಾದ್ ಜಾಸ್ತಿ ಓಟು ರ್ದ್ ಗೆಂದಿನ ಭಾರತಿ ಸತೀಶ್ ಇತ್ತೆ ಆ ಪಂಚಾಯತ್ ದ ಗುರ್ಕಾರ್ ದಿಯಾದ್ ಆಯ್ಕೆ ಆತೆರ್ . ಮೂಲತಃ ಬಂಟ್ವಾಳದಾರ್ ಆದಿಪ್ಪುನ ಭಾರತಿ ಕಡುಬಡತನಡ್ ಬುಲೆಡ್ ಬಾರಿ ಎಡ್ಡೆ ಶಿಕ್ಷಣ ಪಡೆತೆರ್ . ಪಾಪ ದಕ್ಲೆನ ಏಳಿಗೆದ ಬಗ್ಗೆ ಬೇಲೆ ಮಲ್ಪೊಡು ಪನ್ಪಿನ ಆಸಕ್ತಿಡ್ ಸಾಮಾಜಿಕ ಕಾರ್ಯಲೆಡ್ ಮಹಿಳಾ ಸಂಘಟನೆಡ್ ಸಕ್ರಿಯವಾದ್ ಬೇಲೆ ಮಲ್ತೊಂದು ಉಲ್ಲೆರ್ . ಮಾದಿಮೆದ ಬೊಕ್ಕ ಮಂಜೇಶ್ವರ ಡ್ಲಾ ಸಮಾಜಮುಖಿ ಕಾರ್ಯಡ್ ದುಂಬು ಪೋಯಿನ ಮೇರ್ ಕಮ್ಯೂನಿಸ್ಟ್ ಪಕ್ಷದ ಸದಸ್ಯತ್ವ ದೆತೊಂದು ಪಕ್ಷಡ್ ಲಾ ಬೇತೆ ಬೇತೆ ಜವಾಬ್ದಾರಿಲೆನ್ ಬಾರಿ ಶ್ರದ್ಧೆಡ್ ಮಲ್ತ್ ದ್ ಕರಿನ ರಡ್ಡ್ ಪೊರ್ತುಗು ವರ್ಕಾಡಿ ಪಂಚಾಯತ್ ಚುನಾವಣೆಡ್ ಗೆಂದ್ ದ್ ಪ್ರಾಮಾಣಿಕ ಕಾರ್ಯರ್ದ್ ಜನಕ್ಲೆನ ಜನರ ಅಭಿಮಾನಗ್ ಪಾತ್ರಆತೆರ್.

ಇತ್ತೆ ಮೂಜನೇ ಸಲ ಆಡಳಿತಾರೂಢ ಎಲ್ ಡಿ ಎಫ್ ಬೆಂಬಲಿತ ಅಭ್ಯರ್ಥಿಯಾದ್ ಜಾಸ್ತಿ ಓಟು ರ್ದ್ ಗೆಂದಿನ ಮೇರ್ ಇತ್ತೆ ಗುರ್ಕಾರ್ದಿ ಯಾದ್ ಆಯ್ಕೆ ಆತೆರ್.

ಭಾರತಿ ಮೆರ್ನ ಕಂಡನಿ ಸತೀಶ್ ಉಡುಪಿಡ್ ವ್ಯವಹಾರ ನಡಪಾವೊಂದು ಸಾಮಾಜಿಕ ಧಾರ್ಮಿಕ ಕಾರ್ಯಡ್ ಬಾರಿ ನಿಸ್ಪೃಹ ಬೊಕ್ಕ ಸಕ್ರಿಯರಾದ್ ಬೇಲೆ ಮಲ್ತೊಂದು ಉಲ್ಲೆರ್.