ಕಾಸ್ರೋಡ್ ಸುದ್ದಿ | Kasargod News

ಮೂಡುಬಿದಿರೆ: ಮೆಗಾ ಲಸಿಕಾ ಅಭಿಯಾನನ್ ಉದಿಪನ ಮಲ್ತಿನ ಶಾಸಕ ಉಮಾನಾಥ ಕೋಟ್ಯಾನ್

Jun 21, 2021

ಮೂಡುಬಿದಿರೆ, ಜೂನ್ 21: ಮುಲ್ಪದ ಸಮುದಾಯ ಆರೋಗ್ಯ ಕೇಂದ್ರಡ್ ನಡತಿನ ಕೊರೊನಾ ಮೆಗಾ ವ್ಯಾಕ್ಸೀನ್ ಡ್ರೈವ್ ಗ್ ಶಾಸಕ ಉಮಾನಾಥ ಕೋಟ್ಯಾನ್ ಉದಿಪನ ಮಲ್ತೆರ್.ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಮೇರ್ ಘೋಷಣೆ ಮಲ್ತಿನ ಪ್ರಕಾರ ಮಾತೆರೆಗ್ಲಾ ಉಚಿತವಾದ್ ಲಸಿಕೆ ಕೊರ್ಪಿನ ಪ್ರಕ್ರಿಯೆ ಜು. 21ರ್ದ್ ಸುರು ಆಯೆರೆ ಉಂಡು . ಖಾಸಗಿಯಾದ್ ರೂ. 150 ಶುಲ್ಕಡ್ ಈ ಲಸಿಕೆ ಪಡೆಯೋಲಿ . ಮಾತೆರ್ಲ ಈ ಲಸಿಕೆ ಪಡೆದ್ ಭಾರತನ್ ಕೊರೊನ ಮುಕ್ತ ದೇಶ ಮಲ್ಪುನಲ್ಪ ಪ್ರಾಮಾಣಿಕವಾದ್ ಬೇಲೆ ಮಲ್ಪೊಡು ಪಂದ್ ಪಂಡೆರ್.

ತಹಶೀಲ್ದಾರ್ ಪುಟ್ಟರಾಜು, ಪುರಸಭಾ ಗುರ್ಲಾಯಿನ ಪ್ರಸಾದ್ ಕುಮಾರ್, ಸಮುದಾಯ ಆರೋಗ್ಯಕೇಂದ್ರದ ಆಡಳಿತ ವೈದ್ಯಾಧಿಕಾರಿ ಡಾ. ಶಶಿಕಲಾ,ಆರೋಗ್ಯ ರಕ್ಷಾ ಸಮಿತಿಯ ಸದಸ್ಯೆರಾಯಿನ ಎಂ. ಬಾಹುಬಲಿಪ್ರಸಾದ್, ಗೀತಾ ಆಚಾರ್ಯ, ಆರೋಗ್ಯ ಶಿಕ್ಷಣಾಧಿಕಾರಿ ಸುಶೀಲಾ, ಪ್ರಮುಖೆರಾಯಿನ ಹರೀಶ್ ಎಂ.ಕೆ, ಗಿರೀಶ್ ಕುಮಾರ್ ಪಾಲ್ ಪಡೆದಿತ್ತೆರ್ .

ನೇಷನ್ ಫಸ್ಟ್ ಕೂಟ : ನೇಜಿ ನಡ್ಪಿನ ಲೇಸ್

Jun 21, 2021

ಕಟಪಾಡಿ, ಜೂನ್ 21: ಟೀಂ ನೇಷನ್ ಫಸ್ಟ್ ಕೂಟ (ಎಕ್ಸ್ ಕೆಡೆಟ್ ಟೀಂ) ಕೋಟೆ ಗ್ರಾಮ ಪಂಚಾಯತ್ ವ್ಯಾಪ್ತಿದ ಮಟ್ಟು ಪ್ರದೇಶಡ್ ಮಾಜಿ ಗುರ್ಕಾರ್ಲಾಯಿನ ಸಾಧನಾ ದೇಜಪ್ಪ ಕೋಟ್ಯಾನ್ ಪನ್ಪಿನರ್ನ ಕಂಡಡ್ ಜೂ.20 ತಾರೀಖ್ ಗ್ ನೇಜಿ ನಡ್ಪಿನ ಮುಖೇನ ಸಂತೃಪ್ತಿ ಪಡೆತೆರ್ .

ಎನ್.ಸಿ.ಸಿ. ಎಕ್ಸ್ ಕೆಡೆಟ್ಸ್ ಬೊಕ್ಕ ಪ್ರಸ್ತುತ ಕೆಡೆಟ್ ಇತ್ತಿನ ವಿವಿಧ ಕಾಲೇಜ್ ದ ಜೋಕ್ಲೆನ ಯುವ ಕೂಟ ಕಂಡಡ್ ಸಾಲು ನಾಟಿ ಪದ್ಧತಿನ್ ಅನುಸರಿಸಾವೊಂದು ನೇಜಿ ನಡಿಯೆರ್.

ನೇಷನ್ ಫಸ್ಟ್ ಕೂಟ ಮೆ| ಪ್ರಕಾಶ್ ರಾವ್ ಮೆರ್ನ ಮಾರ್ಗದರ್ಶನ ಬೊಕ್ಕ ಸೂರಜ್ ಕಿದಿಯೂರು ಮೆರ್ನ ಮುತಾಲಿಕೆಡ್ ಕೃಷಿ ಕಾಯಕ ಮಲ್ತೊಂದು ಉಲ್ಲೆರ್.

ಇನಿ ಭಟ್ಕಳಡ್ 2500 ಕೋವಿಡ್ ಲಸಿಕೆ : ಡಾ.ಮೂರ್ತಿರಾಜ್ ಭಟ್

Jun 21, 2021

ಭಟ್ಕಳ ಜೂನ್ 21: ಜೂನ್ 21ರ ಸೋಮವಾರ ಭಟ್ಕಳ ತಾಲ್ಲೂಕುದ ಜಿಲ್ಲಾ ಆಡಳಿತರ್ದ್ ಸುಮಾರ್ 2500 ಕೋವಿಶೀಲ್ಡ್ ಡೋಸ್‍ಲೆನ್ ಕೊರೊಂದು ಉಲ್ಲೆರ್ ತಂಝೀಮ್ ಬೊಕ್ಕ ರಾಬಿತಾ ಹಾಲ್ ಡ್ ನಡಪುನ ಲಸಿಕೆ ಕಾರ್ಯಕ್ರಮಗ್ ಪ್ರತಿ ಕೇಂದ್ರಗ್ 200 ಪ್ರಾಕರ 400 ಡೋಸ್ ಲಸಿಕೆ ಕೊರ್ಪ ಪಂದ್ ಭಟ್ಕಳ ತಾಲೂಕು ಆರೋಗ್ಯ ವೈದ್ಯಾಧಿಕಾರಿ ಡಾ. ಮೂರ್ತಿರಾಜ್ ಭಟ್ ಪಂಡೆರ್ .

ಈ ಬಗ್ಗೆ ಐತಾರ ಮಾಧ್ಯಮ ಪ್ರತಿನಿಧಿಲೆಗ್ ಮಾಹಿತಿ ಕೊರ್ದು ಪಾತೆರಿಯೆರ್ .

ರಾಬಿತಾ ಹಾಲ್ ಬೊಕ್ಕ ತಂಝೀಮ್ ಹಾಲ್ ದೊಟ್ಟುಗು ಬೇತೆ ಖಾಸಗಿ ಹಾಲ್‍, ದೇವಸ್ಥಾನ , ಮಂಟಪ ಬೊಕ್ಕ ಪಂಚಾಯತ್ ಹಾಲ್‍ ಸೇರಿನoಚ ಪೇಂಟೆದ 18 ಕೇಂದ್ರಡ್ ಲಸಿಕೆ ಕೊರೊಂದು ಉಲ್ಲ ಪಂದ್ ಮಾಹಿತಿ ಕೊರಿಯೆರ್ .

17 ಜಿಲ್ಲೆ ಇನಿರ್ದ್ ಅನ್ಲಾಕ್ : 54 ದಿನರ್ದ್ ಬೊಕ್ಕ ಸಾರಿಗೆ ಬಸ್ ಸಂಚಾರ

Jun 21, 2021

ಬೆಂಗ್ಳೂರು ಜೂ.21: ಕೊರೋನಾ ರಡ್ಡನೇ ಅಲೆರ್ದ್ ಸ್ತಬ್ಧ ಆದಿತ್ತಿನ ರಾಜ್ಯದ 17 ಜಿಲ್ಲೆಲು 54 ದಿನರ್ದ್ ಬೊಕ್ಕ ಸಹಜ ಚಟುವಟಿಕೆದಂಚಿ ಪೋವೊಂದು ಉಂಡು , ಸೋಮವಾರರ್ದ್ ಅನ್ವಯ ಆಪಿಲಕ ಕಾಂಡೆ 6 ಗಂಟೆರ್ದ್ ಬೈಯ್ಯ 5 ಗಂಟೆ ಮುಟ ಬಹುತೇಕ ವಾಣಿಜ್ಯ ಚಟುವಟಿಕೆಲೆಗ್ ಅವಕಾಶ ಕೊರ್ತೆರ್.

ಇಂಚಾದ್ 54 ದಿನರ್ದ್ ಬೊಕ್ಕ ಬೆಂಗ್ಳೂರು ಮೆಟ್ರೋ, ಬಿಎಂಟಿಸಿ, ಕೆಎಸ್‌ಆರ್‌ಟಿಸಿ ಬಸ್ಸುಲು ಸೇವೆಗ್ ತಯಾರ್ ಆತುಂಡು . 3000 ಕೆಎಸ್‌ಆರ್‌ಟಿಸಿ ಬಸ್ಸುಲು , 2000 ಈಶಾನ್ಯ ಸಾರಿಗೆ ಬಸ್‌ಲು , 1500 ವಾಯವ್ಯ ಸಾರಿಗೆ ಬಸ್‌ 17 ಜಿಲ್ಲೆಗ್ ಸೀಮಿತ ಆವಂದೆ ರಾಜ್ಯಾದ್ಯಂತ (ಮೈಸೂರು, ದಕ್ಷಿಣ ಕನ್ನಡ ಬುರ್ದು ) ಶೇ.50ರಷ್ಟುಸೀಟು ಸಾಮರ್ಥ್ಯದೊಟ್ಟುಗು ಮಾರ್ಗಗ್ ಜತ್ತೊಂದು ಉಂಡು .

ಎಲ್ಯ ಎಲ್ಯ ಅಂಗಡಿಲೆನ್ ಸುರು ಮಲ್ಪರೆ ಅವಕಾಶ ಕೊರ್ಲೆ :ಅಶೋಕ್ ಕುಮಾರ್ ಕೊಡವೂರು

Jun 21, 2021

ಒಡಿಪು , ಜೂ.21: ಕರಿನ 50 ದಿನರ್ದ್ ಕೋವಿಡ್ ನಿಯಂತ್ರಣಗಾದ್ ಜಾರಿಯಾಯಿನ ನಿರ್ಭoಧನೆರ್ದ್ ಪೇಂಟೆಡ್ ವ್ಯಾಪಾರ ವಯಿವಾಟ್ ಕಮ್ಮಿ ಆತುಂಡು. ನೆರ್ದಾವರ ಬೇರ ಮಲ್ಪುನಕ್ಲೆಗ್ ಬಂಗ ಆತುಂಡು ಲ್. ಐರ್ದಾವರ ಆಯ್ದ ಕೆಲವು ಅಗತ್ಯ ವಸ್ತುದ ಅಂಗಡಿಲೆಗ್ ಪರ್ಯಾಯ ದಿನತಲಕ ಬೇರ ಮಲ್ಪರೆ ಅವಕಾಶ ಕೊರೊಡು ಪಂದ್ ಒಡಿಪು ಜಿಲ್ಲಾ ಕಾಂಗ್ರೆಸ್ ಗುರ್ಕಾರ್ಲಾಯಿನ ಅಶೋಕ್ ಕುಮಾರ್ ಕೊಡ ವೂರು, ಜಿಲ್ಲಾಧಿಕಾರಿಲೆಗ್ ಒತ್ತಾಯ ಮಲ್ದೆರ್.

ಕುಡ್ಲಡ್ ಲಾಕ್ಡೌನ್ ಸಡಿಲಿಕೆದ ವಿವರ :ಜಿಲ್ಲಾಧಿಕಾರಿ ಡಾ. ಕೆ. ವಿ. ರಾಜೇಂದ್ರ

Jun 21, 2021

ಕುಡ್ಲ , ಜೂನ್ 21; ದಕ್ಷಿಣ ಕನ್ನಡ ಜಿಲ್ಲೆಡ್ ಲಾಕ್‌ಡೌನ್ ಸಡಿಲಿಕೆ ಮಲ್ದೆರ್ . ಜೂನ್ 21ರ್ದ್ ಕಾಂಡೆ 7 ಗಂಟೆರ್ದ್ ಮಧ್ಯಾಹ್ನ 1 ಗಂಟೆ ಮುಟ ಅಗತ್ಯ ವಸ್ತು ಖರೀದಿಗ್ ಅವಕಾಶ ಕೊರ್ತೆರ್ .ಜಿಲ್ಲಾಧಿಕಾರಿ ಡಾ. ಕೆ. ವಿ. ರಾಜೇಂದ್ರ ಈ ಬಗ್ಗೆ ಆದೇಶ ಕೊರ್ತೆರ್ . ದಕ್ಷಿಣ ಕನ್ನಡ ಜಿಲ್ಲೆಡ್ ಅನ್‌ಲಾಕ್ 1.0 ಭಾಗವಾದ್ ಅಗತ್ಯವಸ್ತು ಖರೀದಿದ ಪೊರ್ತು ಜಾಸ್ತಿ ಮಲ್ದೆರ್.

ಆಂಡ ಪೇಂಟೆಡ್ ರಾತ್ರಿ 7 ಗಂಟೆರ್ದ್ ಕಾಂಡೆ 7 ಗಂಟೆ ಮುಟ ನೈಟ್ ಕರ್ಪ್ಯೂ ಜಾರಿ ಮಲ್ದೆರ್ . ವಾರಾಂತ್ಯದ ಶುಕ್ರವಾರ ಬೈಯ್ಯ 7 ಗಂಟೆರ್ದ್ ಸೋಮವಾರ ಕಾಂಡೆ 7 ಗಂಟೆ ಮುಟ ವೀಕೆಂಡ್ ಕರ್ಪ್ಯೂ ಜಾರಿಡ್ ಉಪ್ಪುಂಡು .ಬಸ್ ಸಂಚಾರ ಇಜ್ಜಿ ; ದಕ್ಷಿಣ ಕನ್ನಡಡ್ ಒವ್ವೆ ಬಸ್ ಪೋಯೇರೆ ಅನುಮತಿ ‌ಕೊರ್ತುಜೆರ್ . ಜೂನ್ 21ರ್ದ್ ಜುಲೈ 5 ತಾರೀಖ್ ಬೈಯ್ಯ ಮುಟ ಆದೇಶ ಕೊರ್ತೆರ್ .

ಒಡಿಪು ಜಿಲ್ಲೆ ಅನ್ಲಾಕ್ ಮಲ್ಪರೆ ಶಾಸಕ ರಘುಪತಿ ಭಟ್ ಒತ್ತಾಯ

Jun 21, 2021

ಒಡಿಪು, ಜೂನ್ 21: ಶೇ.5ರ್ದ್ ಕಮ್ಮಿ ಪಾಸಿಟಿವಿಟಿ ಕಾರಣಗ್ ಅನ್‌ಲಾಕ್ ಮಲ್ಪರೆ ಕೊರಿನ ಆದೇಶದ ಜಿಲ್ಲೆದ ಪಟ್ಟಿಡ್ ಒಡಿಪುನುಲ ಸೇರ್ಸಾದ್ ಅನ್‌ಲಾಕ್ ಮಲ್ಪೊಡು ಪಂದ್ ಒಡಿಪು ಶಾಸಕ ಕೆ.ರಘುಪತಿ ಭಟ್ ಸರಕಾರಗ್ ಒತ್ತಾಯ ಮಲ್ದೆರ್ .

ಒಡಿಪುಡು ಜಾಸ್ತಿ ಕೊವೀಡ್ ಪರೀಕ್ಷೆ ಮಲ್ದೆರ್ , ಪ್ರಸ್ತುತ ದಿನಕ್ 3000ರ್ದ್ ಜಾಸ್ತಿ ಕೋವಿಡ್ ಪರೀಕ್ಷೆ ಆವೊಂದು ಉಂಡು . ಐಟ್ ಶೇ.5.05 ಪಾಸಿಟಿವಿಟಿ ದರ ಉಪ್ಪುನೆರ್ದಾವರ ಒಡಿಪುಡು ಅನ್ಲಾಕ್ ಮಲ್ಪೊಲಿ ಪಂದ್ ಪ್ರಕಟಣೆಡ್ ತೆರಿಪಾದೆರ್.

ಉಜಿರೆ ಆಶ್ರಮಗ್ ಪಿರ ಪೋಯಿನ ಪ್ರಾಯದಕುಲು

Jun 21, 2021

ಉಜಿರೆ, ಜೂನ್ 21: ಅನ್ನದಾನ, ವಿದ್ಯಾದಾನ, ಔಷಧ ದಾನಡ್ ಪುದರ್ ಮಲ್ದಿನ ಧರ್ಮಸ್ಥಳ ಕ್ಷೇತ್ರ ಕೋವಿಡ್ ಸಂಕಷ್ಟಡ್ಲಾ ಜನಕ್ಲೆಗ್ ಸಾಕಾರ ಕೊರ್ತುಂಡು.

ಆರೋಗ್ಯ ಇಲಾಖೆದ ಒಟ್ಟು ಸೇರಿಗೆಡ್ ಧರ್ಮಸ್ಥಳದ ರಜತಾದ್ರಿ ವಸತಿ ಗೃಹಟ್ ಸುರು ಆಯಿನ ಕೋವಿಡ್ ಆರೈಕೆ ಕೇಂದ್ರ ಸೋಂಕಿತೆರ್ನ ಪೋಡಿಗೆ ದೂರ ಮಲ್ತ್ , ಧೈರ್ಯ ಬೊಕ್ಕ ಆತ್ಮವಿಶ್ವಾಸನ್ ಮೂಡಾದೆರ್ .300 ಕೊಠಡಿಲು , 600 ಹಾಸಿಗೆ ಉಪ್ಪುನ ವಸತಿಗೃಹನ್ ಕೋವಿಡ್ ಆರೈಕೆ ಕೇಂದ್ರಗ್ ದರ್ಮೊಗೂ ಕೊರ್ತೆರ್ . ನೆರಿಯಾ ಗ್ರಾಮದ ಗಂಡಿಬಾಗಿಲು ಸಿಯೋನ್ ಆಶ್ರಮಡ್ ಕೋವಿಡ್ ಆಯಿನ 120 ಆಂಜೊವುಲು ಬೊಕ್ಕ 86 ಪೊಂಜೊವುಲು ಸೇರಿನoಚ ಒಟ್ಟು 206 ಜನ ಈ ಕೇಂದ್ರಡ್ ಶುಶ್ರೂಷೆ ಪಡೆದ್ ಹುಷಾರ್ ಆದ್ ಕುಡ ಇನಿ ಆಶ್ರಮಗ್ ಪೋಯೆರೆ ಉಲ್ಲೆರ್.

ಬಂಟ್ವಾಳ ಪರ್ಪಿನ ನೀರ್ದ ಟ್ಯಾಂಕ್ ಕೊಡುಗೆ

Jun 20, 2021

ಬಂಟ್ವಾಳ, ಜೂನ್ 20: ಬಂಟ್ವಾಳದ ರಾಯಿ ಸರ್ಕಾರಿ ಪ್ರಾಥಮಿಕ ಆರೋಗ್ಯ ಕೇಂದ್ರಗ್ ಸಿದ್ಧಕಟ್ಟೆ ಸಹಕಾರಿ ವ್ಯವಸಾಯಿಕ ಸಂಘ ಬೊಕ್ಕ ಫಲ್ಗುಣಿ ರೋಟರಿ ಕ್ಲಬ್ ವತಿರ್ದ್ 2,000 ಲೀಟರ್ ಸಾಮರ್ಥ್ಯದ ಪರ್ಪಿನ ನೀರ್ ದ ಸಿಂಟೆಕ್ಸ್ ಟ್ಯಾಂಕ್ ನ್ ಶನಿವಾರ ಕೊಡುಗೆಯಾದ್ ಕೊರಿಯೆರ್.

ರಾಯಿ ಗ್ರಾಮ ಪಂಚಾಯಿತಿ ಒತ್ತುಗುರ್ಕಾರ್ಲಾಯಿನ ರಶ್ಮಿತ್ ಶೆಟ್ಟಿ ಕೈತ್ರೋಡಿ, ಸಿದ್ದಕಟ್ಟೆ ಸಹಕಾರಿ ಸಂಘದ ಗುರ್ಕಾರ್ಲಾಯಿನ ಪ್ರಭಾಕರ ಪ್ರಭು. ರೋಟರಿ ಕ್ಲಬ್ ಗುರ್ಕಾರ್ಲಾಯಿನ ಮೈಕಲ್ ಡಿಕೋಸ್ತ, ವೈದ್ಯಾಧಿಕಾರಿ ಡಾ. ಮನೋನ್ಮಣಿ, ಪ್ರಮುಖೆರಾಯಿನ ಸಂತೋಷ ಗೌಡ, ಹರೀಶ್ ಆಚಾರ್ಯ ರಾಯಿ, ರಾಜೇಶ್ ಶೆಟ್ಟಿ ಕೊನೆರೋಟ್ಟು, ಮಾಧವ ಶೆಟ್ಟಿಗಾರ್, ಮಂದಾರತಿ ಶೆಟ್ಟಿ, ಶಿವಯ್ಯ. ಎಸ್. ಎಲ್., ಮೋಹನ್ ಜಿ.ಮೂಲ್ಯ, ವಾಸುದೇವ ಆಚಾರ್ಯ, ರಾಜೇಶ್ ನೆಲ್ಯಾಡಿ, ದಿನೇಶ್ ಸುವರ್ಣ ರಾಯಿ, ಎಚ್. ಎ. ರೆಹಮಾನ್, ಬಸವರಾಜ್ ಆಲಿಮಟ್ಟಿ ಪಾಲ್ ಪಡೆದಿತ್ತೆರ್ .

ಭಕ್ತೆರೆಗ್ ದರ್ಶನ ವ್ಯವಸ್ಥೆ ಮಲ್ತಿನ ದೇವಸ್ಥಾನಲೆಗ್ ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿನೆರ್ದ್ ನೋಟೀಸ್

Jun 20, 2021

ಕುಡ್ಲ , ಜೂನ್ 20: ಲಾಕ್ ಡೌನ್ ಇತ್ತುಂಡಲ ಪೇಂಟೆದ ಕೆಲ ದೇವಸ್ಥಾನಡ್ ಭಕ್ತೆರೆಗ್ ದೇವೆರ್ನ ದರ್ಶನಗ್ ಅವಕಾಶ ಮಲ್ತಿನ ನೆಲೆಟ್ಟ್ ದೇವಸ್ಥಾನಲೆಗ್ ದ.ಕ ಜಿಲ್ಲಾಧಿಕಾರಿ ಡಾ.ಕೆ.ವಿ ರಾಜೇಂದ್ರ ನೋಟಿಸ್ ಕೊರ್ತೆರ್ .

ಶ್ರೀ ಕ್ಷೇತ್ರ ಧರ್ಮಸ್ಥಳ ಸೇರಿನಂಚ ಕೆಲ ದೇವಸ್ಥಾನಲೆಗ್ ನೋಟಿಸ್ ಕೊರ್ತೆರ್ , ಕಡ್ಡಾಯವಾದ್ ದರ್ಶನ ವ್ಯವಸ್ಥೆನ್ ಉಂತಾವೊಡು ಪಂದ್ ಸೂಚನೆ ಕೊರ್ತೆರ್ .ಆತೆ ಅತ್ತoದೆ ಬೇತೆ ಬೇತೆ ಜಿಲ್ಲೆರ್ದ್ ಬರ್ಪಿನ ಭಕ್ತೆರ್ನ ಗಾಡಿ ಸೀಜ್ ಮಲ್ಪರೆ ಜಿಲ್ಲಾಧಿಕಾರಿ ಸೂಚನೆ ಕೊರ್ತೆರ್ .ಪೆರಿಯಶಾಂತಿ, ಚಾರ್ಮಾಡಿ, ಉಜಿರೆ ಭಾಗಡ್ ಬ್ಯಾರಿಕೇಡ್ ಪಾರ್ದ್ ತಪಾಸಣೆ ಕಠಿಣ ಮಲ್ಪರೆ ಪೊಲೀಸೆರೆಗ್ ಸೂಚನೆ ಕೊರ್ತೆರ್ .

M	T	W	T	F	S	S
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

ಕಾಸ್ರೋಡ್ ಸುದ್ದಿ | Kasargod News

ಮೂಡುಬಿದಿರೆ: ಮೆಗಾ ಲಸಿಕಾ ಅಭಿಯಾನನ್ ಉದಿಪನ ಮಲ್ತಿನ ಶಾಸಕ ಉಮಾನಾಥ ಕೋಟ್ಯಾನ್

ನೇಷನ್ ಫಸ್ಟ್ ಕೂಟ : ನೇಜಿ ನಡ್ಪಿನ ಲೇಸ್

ಇನಿ ಭಟ್ಕಳಡ್ 2500 ಕೋವಿಡ್ ಲಸಿಕೆ : ಡಾ.ಮೂರ್ತಿರಾಜ್ ಭಟ್

17 ಜಿಲ್ಲೆ ಇನಿರ್ದ್ ಅನ್ಲಾಕ್ : 54 ದಿನರ್ದ್ ಬೊಕ್ಕ ಸಾರಿಗೆ ಬಸ್ ಸಂಚಾರ

ಎಲ್ಯ ಎಲ್ಯ ಅಂಗಡಿಲೆನ್ ಸುರು ಮಲ್ಪರೆ ಅವಕಾಶ ಕೊರ್ಲೆ :ಅಶೋಕ್ ಕುಮಾರ್ ಕೊಡವೂರು

ಕುಡ್ಲಡ್ ಲಾಕ್ಡೌನ್ ಸಡಿಲಿಕೆದ ವಿವರ :ಜಿಲ್ಲಾಧಿಕಾರಿ ಡಾ. ಕೆ. ವಿ. ರಾಜೇಂದ್ರ

ಒಡಿಪು ಜಿಲ್ಲೆ ಅನ್ಲಾಕ್ ಮಲ್ಪರೆ ಶಾಸಕ ರಘುಪತಿ ಭಟ್ ಒತ್ತಾಯ

ಉಜಿರೆ ಆಶ್ರಮಗ್ ಪಿರ ಪೋಯಿನ ಪ್ರಾಯದಕುಲು

ಬಂಟ್ವಾಳ ಪರ್ಪಿನ ನೀರ್ದ ಟ್ಯಾಂಕ್ ಕೊಡುಗೆ

ಭಕ್ತೆರೆಗ್ ದರ್ಶನ ವ್ಯವಸ್ಥೆ ಮಲ್ತಿನ ದೇವಸ್ಥಾನಲೆಗ್ ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿನೆರ್ದ್ ನೋಟೀಸ್

You Missed

ಪರಾರಿ-ಉಳಾಯಿಬೆಟ್ಟು ಸಂಕದ ಬೇಲೆ ಪೂರ್ಣ; ಸಂಚಾರ ಸುಗಮ

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್