Sun. Nov 22nd, 2026

ಕಾರ್ಲದ ಸುದ್ದಿ Karkala News

ಸೆ.29: ಪುಣೆದ ತುಳುಕೂಟ ಮುತಾಲಿಕೆಡ್ ಮಾರ್ನೆಮಿ, ದಸರಾ ಪರ್ಬ ಬೊಕ್ಕ ಕುರಲ್ ಪರ್ಬ

ಪುಣೆದ ತುಳುಕೂಟ ಮುತಾಲಿಕೆಡ್ ಪ್ರತಿ ವರ್ಷದಂಚನೆ ಆಚರಣೆ ಮಲ್ತೊಂದು ಬರೊಂದಿಪ್ಪುನ ಮಾರ್ನೆಮಿ, ದಸರಾ ಪರ್ಬ ಬೊಕ್ಕ ಕುರಲ್ ಪರ್ಬ ಉಂದುವೇ ಬರ್ಪಿನ ಸೆಪ್ಟೆಂಬರ್ 29 ತಾರೀಕ್‌ಗ್ ಗುರುವಾರ ಬಯ್ಯ 4 ಗಂಟೆರ್‍ದ್ 10 ಗಂಟೆ ಮುಟ್ಟ ಪುಣೆದ ವಾರ್ಜೆ ನಾಕಾದ ಹೋಟೆಲ್ ರತ್ನ ಅರ್ಚಿಡ್ ಬ್ಯಾಂಕ್ವೆಟ್ ಚಾವಡಿಡ್ ನಡಪರೆ ಉಂಡು.

ಧಾರ್ಮಿಕ ಕಾರ್ಯಕ್ರಮದ ಅಂಗವಾದ್ ಬಿಲ್ಲವ ಸಂಘ ಪುಣೆ ಮಹಿಳಾ ಮಂಡಳಿ, ತುಳುಕೂಟ ಪುಣೆ ಭಜನಾ ಮಂಡಳಿ ಅಂಚನೆ ಶ್ರೀ ಗುರುದೇವ ಸೇವಾ ಬಳಗ ಬೊಕ್ಕ ವಜ್ರಮಾತಾ ಮಹಿಳಾ ವಿಕಾಸ ಕೇಂದ್ರದ ಸದಸ್ಯೆರ್‍ನ ಮುತಾಲಿಕೆಡ್ ಭಜನಾ ಕಾರ್ಯಕ್ರಮ ಬೊಕ್ಕ ಹರೀಶ್ ಭಟ್ ಮೆರೆನ ಪೌರೋಹಿತ್ಯಡ್ ಪೂಜಾ ಕಾರ್ಯಕ್ರಮ ಅಂಚನೆ ನವರಾತ್ರೆ ದಾಂಡೆಯಾ ನಲಿಕೆ ನಡಪರೆ ಉಂಡು. ಈ ಪೊರ್ತುಡು ಪುಣೆದ ಕಾತ್ರಜ್ ಶ್ರೀ ಅಯ್ಯಪ್ಪ ಸ್ವಾಮಿ ದೇವಲ್ಯದ ಅಧ್ಯಕ್ಷೆರೆಗ್ ವಿಶೇಷ ಮಾನಾದಿಗೆದ ಲೇಸ್ ನಡಪರೆ ಉಂಡು. ಈ ಲೇಸ್‌ಗ್ ಮಾತೆರ್‍ಲಾ ಬಲೆ ಪಂದ್ ಲೆಪ್ಪೊಲೆಡ್ ಸಮಿತಿದ ಅಧ್ಯಕ್ಷೆರ್ ಮೋಹನ್ ಶೆಟ್ಟಿ ಎಣ್ಣೆಹೊಳೆ ಅಂಚನೆ ಮಾತ ಪದುಕೆರ್ ತೆರಿಪಾದೆರ್.

September 29th: Dasshara celebrations in Pune under the auspices of Tulukoota Pune

Dasshara celebrations and customs associated with it will be celebrated under the auspices of Tulukoota Pune on Thursday the 29 th of September .

There will be bajans program conducted by Billava Sangha , mahila Sangha Pune, Tulukoota bajana mandal and Sri Gurudev seva balaga and Vajramatha Vikas Kendra.The pooja customs and traditions will be conducted by Harish Bhat. A special Dandiya night will also be held.

ಅಕ್ಟೊಬರ್ 2 : ಜಿಲ್ಲಾ ಚುಟುಕು ಸಾಹಿತ್ಯ ಸಮ್ಮೇಳನೋತ್ತರ ಸಂಭ್ರಮ ಅಂಚನೆ ಮಾಮಲ್ಲ ಕಲ್ಪಾರ್ಥಿಲೆಗ್ ಮಾನಾದಿಗೆ ಮಲ್ಪುನ ಲೇಸ್

ಕುಡ್ಲ : ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಲೆಕ್ಕೊಡು ದಕ್ಷಿಣ ಕನ್ನಡ ಜಿಲ್ಲಾ ಚುಟುಕು ಸಾಹಿತ್ಯ ಪರಿಷತ್ತು, ಕುಡ್ಲ ತಾಲೂಕು ಚುಟುಕು ಸಾಹಿತ್ಯ ಪರಿಷತ್ತು ಮುತಾಲಿಕೆಡ್ ವಿನಾಯಕ ಮಿತ್ರ ಮಂಡಳಿ ಪಕ್ಷಿಕೆರೆ ಸಕಾರಡ್ ದಕ್ಷಿಣ ಕನ್ನಡ ಜಿಲ್ಲಾ ಚುಟುಕು ಸಾಹಿತ್ಯ ಸಮ್ಮೇಳನೋತ್ತರ ಸಂಭ್ರಮ ಅಂಚನೆ ಕಲ್ಪಾರ್ಥಿಲೆಗ್ ಮಾನಾದಿಗೆ ಮಲ್ಪುನ ಲೇಸ್ ಅಕ್ಟೊಬರ್ 2ನೇ ತಾರೀಕು ಐತಾರದಾನಿ ಕುಡ್ಲದ ಊರ್ವಸ್ಟೋರ್ ತುಳುಭವನದ ಸಿರಿ ಚಾವಡಿ ವೇದಿಕೆಡ್ ನಡಪರೆ ಉಂಡು.

9ನೇ ದ. ಕ ಜಿಲ್ಲಾ ಚುಟುಕು ಸಾಹಿತ್ಯ ಸಮ್ಮೇಳನದ ಸರ್ವಾಧ್ಯಕ್ಷೆರ್ ಕೃಷ್ಣಯ್ಯ ಅನಂತಪುರ ಮೆರೆನ ಅಧ್ಯಕ್ಷತೆಡ್ ನಡಪುನ ಈ ಲೇಸ್‌ಡ್ ಕರಾವಳಿ ಕಾಲೇಜು ಸಮೂಹದ ಸ್ಥಾಪಕಾಧ್ಯಕ್ಷೆರ್ ಎಸ್ ಗಣೇಶ್ ರಾವ್ ತುಡರ್ ಅರ್ಲಾದ್ ಉದಿಪನ ಮಲ್ಪರೆ ಉಲ್ಲೆರ್. ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷೆರ್ ದಯಾನಂದ ಜಿ ಕತ್ತಲ್ಸಾರ್ ಮೇರ್ ಪೆರಿಯ ನಾಟಕಕಾರೆ ಗಂಗಾಧರ ಕಿದಿಯೂರು ಮೆರೆನ 14 ತುಳು ನಾಟಕದ ಸಂಪುಟ “ಮೆನ್ಕುನ ಸಿರಿ ಸಿಂಗಾರ”ನ್ ಲೋಕಾರ್ಪಣೆ ಮಲ್ಪುವೆರ್.

ಉಂದುವೇ ಪೊರ್ತುಡು ತಮ್ಮ ಕ್ಷೇತ್ರಡ್ ಸಂದಾಯಿನ ಸೇವೆಗಾದ್ ಪತ್ರಕರ್ತೆರ್ ಗುರುವಪ್ಪ ಎನ್ ಟಿ ಬಾಳೆಪುಣಿ (ಪತ್ರಿಕೋದ್ಯಮ), ಎಸ್ ಎಸ್ ನಾಯಕ್ (ಲೆಕ್ಕ ಪರಿಶೋಧನೆ ), ನಟ ಗೋಪಿನಾಥ್ ಭಟ್ (ಚಲನಚಿತ್ರ ನಟನೆ), ಶಿವರಾಮ ಕಾಸರಗೋಡು (ಸಂಘಟನೆ), ಪೋಲೀಸ್ ನಿರೀಕ್ಷಕಿ ಭಾರತಿ ( ಕಾನೂನು ಸುವ್ಯವಸ್ಥೆಡ್ ಶಿಸ್ತ್‌ದ ಸೇವೆ), ನ್ಯಾಯವಾದಿ ದಯಾನಂದ ರೈ (ವಕಾಲತ್ತು), ನಾಟಕ ಕಲಾವಿದೆರ್ ಪತ್ರಕರ್ತೆರ್ ನರೇಂದ್ರ ಕೆರೆಕಾಡು (ರಂಗಭೂಮಿ), ಪ್ರಕಾಶ್ ಮೇಲಾಂಟ ಉಪನ್ಯಾಸಕೆರ್ (ಶಿಕ್ಷಣ), ಬಾಲಕೃಷ್ಣ ಕಾರಂತ್ (ಪೌರೋಹಿತ್ಯ) ಮೊಕುಲೆಗ್ ಮಾನಾದಿಗೆ ಮಲ್ಪುನ ಲೇಸ್ ನಡಪರೆ ಉಂಡು.

ಸಮಾಜ ಸೇವೆಡ್ ಸ್ವಾರ್ಥ ಉಪ್ಪರೆ ಬಲ್ಲಿ : ಅಶೋಕ್ ಕುಮಾರ್ ಚಿತ್ರಾಪು

ಮುಲ್ಕಿ: ಸಮಾಜ ಸೇವೆಡ್ ಸ್ವಾರ್ಥ ಉಪ್ಪರೆ ಬಲ್ಲಿ. ಬಡಪತ್ತ್ ದಕ್ಲೆನ ಇಲ್ಲಡ್ ಮರಣ ಆಂಡ ಅಪಗ ನಮ ಮಾತೆರ್ಲ ದುಂಬು ಪೋದು ಮರಣ ದೆಪ್ಪುನ ಪೂರ ತರತ್ತ ಕೆಲಸ ಮಲ್ಪೊಡು ಪಂದ್ ಸಮಾಜ ಸೇವಕೆರ್ ಅಶೋಕ್ ಕುಮಾರ್ ಚಿತ್ರಾಪು ಮೇರ್ ತೆರಿಪಾಯೆರ್.

ಸ್ವಾಗತ್ ಹೋಟೆಲ್ ಸಭಾಂಗಣಡ್ ಅಂಗಾರೆ ನಡತಿನ ಹೊಸ ಅಂಗಣದ ತಿಂಗಳ ಬೆಳಕು ಕಾರ್ಯಕ್ರಮೊಡು ಮಾನಾದಿಗೆ ಸ್ವೀಕಾರ ದೆತೊಂದು ಆರ್ ಪಾತೆರಿಯೆರ್. ಧರ್ಮದರ್ಶಿ ಡಾ.ಹರಿಕೃಷ್ಣ ಪುನರೂರು ಲೇಸ್ ದ ಗುರ್ಕಾರ್ಮೆ ಒಯಿಸ್ ದಿತ್ತೆರ್.

ಮಲ್ಲ ಬಿನ್ನೆರಾದ್ ಮುಲ್ಕಿ ನಾಲ್ಕುಪಟ್ಣ ಮೊಗವೀರ ಸಭಾದ ಅಧ್ಯಕ್ಷೆರ್ ಸುಜಿತ್ ಎಸ್. ಸಾಲ್ಯಾನ್, ಮಯೂರಿ ಫೌಂಡೇಶನ್ ಅಧ್ಯಕ್ಷೆರ್ ಜಯ ಶೆಟ್ಟಿ, ತೋಕೂರು ಎಂಎಸ್ ಆರ್ ಎಂ ಐಟಿಐದ ಪ್ರಿನ್ಸಿಪಾಲ್ ಹರಿ ಎಚ್., ಮುಲ್ಕಿ ಜೇಸಿ ಅಧ್ಯಕ್ಷೆರ್ ಕಲ್ಲಪ್ಪ ಕಟವಳೆ, ಮುಲ್ಕಿ ಬಿಲ್ಲವ ಸಂಘದ ಅಧ್ಯಕ್ಷೆರ್ ರಮೇಶ್ ಕೊಕ್ಕರಕಲ್ ಇತ್ತೆರ್. ಹೊಸ ಅಂಗಣ ಸಂಪಾದಕೆರ್ ಡಾ.ಹರಿಶ್ಚಂದ್ರ ಸಾಲ್ಯಾನ್ ಸ್ವಾಗತ ಮಲ್ತೆರ್. ವಾಸು ಪೂಜಾರಿ ಚಿತ್ರಾಪು ದೇವೆರೆನ್ ಸುಗಿತೆರ್. ವಿಜಯಕುಮಾರ್ ಕುಬೆವೂರು ಸನ್ಮಾನ ಪತ್ರ ಓದಿಯೆರ್. ವಾಮನ ಕೋಟ್ಯಾನ್ ನಡಿಕುದ್ರು ಸೊಲ್ಮೆ ಸಂದಾಯೆರ್. ರವಿಚಂದ್ರ ನಿರೂಪಣೆ ಮಲ್ತೆರ್.

ಮುಲ್ಕಿ ಬಿಲ್ಲವ ಸಮಾಜ ಸೇವಾ ಸಂಘಡ್ ಶರನ್ನವರಾತ್ರಿ ಉಚ್ಚಯ ಉದಿಪನ

ಮುಲ್ಕಿ : ದ.ಕ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ವಿಜೇತ ಬಿಲ್ಲವ ಸಮಾಜ ಸೇವಾ ಸಂಘದ ಮುತಾಲಿಕೆಡ್ ವರ್ಷಂಪ್ರತಿ ನಡಪುನ ಶರನ್ನವರಾತ್ರಿ ಉಚ್ಚಯದ ಭಜನೆದ ಉದಿಪನದ ಲೇಸ್ ಸೋಮಾರ ಬಯ್ಯಡ್ ನಡತ್ಂಡ್.

ಭಾರತೀಯರ ವಿಮಾ ಸಂಸ್ಥೆದ ಪ್ರಬಂಧಕೆರ್ ಕೆ.ಪ್ರಕಾಶ್ ಲೇಸ್ ಉದಿಪನ ಮಲ್ತೆರ್. ಸುರೂತ್ತ ದಿನ ನಡುಕರೆ ಒಡೆಯರಬೆಟ್ಟು ಗ್ರಾಮಸ್ಥೆರೆರ್ದ್ ಭಜನಾ ಸೇವೆ, ಅನ್ನಸಂತರ್ಪಣೆ ಸೇವೆ ನಡತ್ಂಡ್.

ಉಂದುವೇ ಪೊರ್ತುಡು ಭಜನಾ ಮಂಡಳಿದ ಸಂಚಾಲಕೆರ್, ಬಿರುವೆರ್ ಕುಡ್ಲ (ರಿ)ಮುಲ್ಕಿದ ಕಾರ್ಯದರ್ಶಿ ಗಿರಿಧರ ಅಮೀನ್ ಮೆರೆಗ್ ಶಾಲ್ ಪಾಡ್ದ್ ಮಾನಾದಿಗೆ ಮಲ್ತೆರ್.

ಅವ್ವತ್ತಾಂದೆ ಶಿವ ಪ್ರಣಾಮ್ ನೃತ್ಯ ಸಂಸ್ಥೆದ ವಿದುಷಿ ಅನ್ನಪೂರ್ಣ ಮೆರೆಗ್ ಲ ಮಾನಾದಿಗೆ ನಡತ್ಂಡ್. ಈ ಪೊರ್ತುಡು ಶರತ್ ನರ್ಸಪ್ಪ ಸಾಲ್ಯಾನ್, ಬಿಲ್ಲವ ಸಮಾಜ ಸೇವಾ ಸಂಘದ ಅಧ್ಯಕ್ಷೆರ್ ರಮೇಶ್ ಅಮೀನ್ ಕೊಕ್ಕರಕಲ್ , ಉಪಾಧ್ಯಕ್ಷೆರ್ ಸರೋಜಿನಿ, ಕಾರ್ಯದರ್ಶಿ ಕಮಲಾಕ್ಷ ಬಡಗುಹಿತ್ಲು, ಕೋಶಾಧಿಕಾರಿ ಪ್ರಕಾಶ್ ಸುವರ್ಣ, ರಾಘು ಸುವರ್ಣ , ಬಿರುವೆರ್ ಕುಡ್ಲ (ರಿ) ಮುಲ್ಕಿದ ಅಧ್ಯಕ್ಷೆರ್ ಕಿಶೋರ್‌ ಸಾಲ್ಯಾನ್ ಬಪ್ಪನಾಡ್ ಮೊಕುಲು ಮಾತ ಇತ್ತೆರ್.
ಬೊಕ್ಕ ಶಿವ ಪ್ರಣಾಮ್ ನೃತ್ಯ ಕೂಟದಕ್ಲೆರ್ದ್ ಭರತನಾಟ್ಯ ಕಾರ್ಯಕ್ರಮ ನಡತ್ಂಡ್.

ಕುಡ್ಲ ತಿರ್ಗರೆ “ದಸರಾ ದರ್ಶಿನಿ” ವಿಶೇಷ ಪ್ಯಾಕೇಜ್ ಪ್ರವಾಸ

ದಸರಾ ಲೆಕ್ಕೊಡು ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ ಕುಡ್ಲ ವಿಭಾಗರ್ದ್ ಕುಡ್ಲದ ಕೈತಲ್ ಇಪ್ಪುನ ದೇವಲ್ಯದ ದರ್ಶನದ ವಿಶೇಷ ಪ್ಯಾಕೇಜ್ ಪ್ರವಾಸ ಕಾರ್ಯಚರಣೆಗ್ ಸೆ.26 ಸೋಮಾರ ಶಾಸಕೆರ್ ಡಿ. ವೇದವ್ಯಾಸ ಕಾಮತ್ ಮೇರ್ ಕುಡ್ಲದ ಕೆಎಸ್‌ಆರ್‌ಟಿಸಿ ಬಸ್ ಉಂತುನ ಜಾಗೆಡ್ ಚಾಲನೆ ಕೊರಿಯೆರ್.

ಕುಡ್ಲ ಬಸ್ ನಿಲ್ದಾಣರ್ದ್ ಕಾಂಡೆ 8 ಗಂಟೆಗ್ ಪಿದಡ್ದ್ ಮಂಗಳದೇವಿ ದೇವಸ್ಥಾನ, ಪೊಳಲಿ ರಾಜರಾಜೇಶ್ವರಿ ದೇವಸ್ಥಾನ, ಸುಂಕದಕಟ್ಟೆ ಶ್ರೀ ಅಂಬಿಕಾ ಅನ್ನಪೂರ್ಣೇಶ್ವರಿ ದೇವಸ್ಥಾನ, ಕಟೀಲು ದುರ್ಗಾಪರಮೇಶ್ವರಿ ದೇವಸ್ಥಾನ, ಸಸಿಹಿತ್ಲು ಭಗವತಿ ದೇವಸ್ಥಾನ ಅಂಚನೆ ಬೀಚ್, ಚಿತ್ರಾಪುರ ದುರ್ಗಾಪರಮೇಶ್ವರಿ ದೇವಸ್ಥಾನ, ಉರ್ವ ಮಾರಿಯಮ್ಮ ದೇವಸ್ಥಾನ ಬೊಕ್ಕ ಕುದ್ರೋಳಿ ಗೋಕರ್ಣನಾಥ ದೇವಸ್ಥಾನದ ನವದುರ್ಗ ದರ್ಶನ ಮುಕೇನ ಕುಡ್ಲ ಬಸ್ ನಿಲ್ದಾಣಗ್ ವಾಪಸ್ ಬರ್ಪಿನ ಈ ಸೇವೆದ ಮೂಜಿ ಬಸ್ಸ್‌ಲೆಗ್ ಚಾಲನೆ ಕೊರಿಯೆರ್.

ಈ ಪೊರ್ತುಡು ಮೂಜಿ ಬಸ್ಸ್‌ದ 90 ರ್ದುಲ ಎಚ್ಚ ಪ್ರಯಾಣಿಕೆರ್, ಕೆಎಸ್‌ಆರ್‌ಟಿಸಿ ಕುಡ್ಲ ವಿಭಾಗದ ವಿಭಾಗಿಯ ನಿಯಂತ್ರಣ ಅಧಿಕಾರಿ ರಾಜೇಶ್ ಶೆಟ್ಟಿ ಸೇರಿನಂಚನೆ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ ನಿಗಮದ ಸಿಬ್ಬಂದಿಲು, ಚಾಲಕೆರ್ ಅಂಚನೆ ನಿರ್ವಾಹಕೆರ್, ಭಕ್ತಾದಿಲು ಇತ್ತೆರ್.

A special bus package “Dasshara Dharshini” arranged

The KSRTC Mangalore section has arranged a special Dusshera package to temples around Mangalore from September 26 th. The bus will start at 8a.m from Mangalore bus stand and wii cover temples around Mangalore.

ತುಳು ಭಾಷೆದ ಬಗೆಟ್ ಸುನೀಲ್ ಕುಮಾರ್ ರೆಗ್ ಏತ್ ತೆರಿಯು? ಟ್ವೀಟ್ ಮಲ್ತ್‌ ತ್ ಕೇಂನ್ದೆರ್ ಕೆಪಿಸಿಸಿ ಪ್ರ. ಕಾರ್ಯದರ್ಶಿ ಮಿಥುನ್ ರೈ 

ತುಳು ಭಾಷೆದ ಬಗೆಟ್ ಕನ್ನಡ ಬೊಕ್ಕ ಸಂಸ್ಕೃತಿ ಸಚಿವೆರ್ ಸುನೀಲ್ ಕುಮಾರ್ ರೆಗ್ ಏತ್ ತೆರಿಯು? ಪಂದ್ ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಮಿಥುನ್ ರೈ  ಟ್ವೀಟ್ ಮಲ್ತ್‌ದೆರ್.

 

 

ಈ ಬಗೆಟ್ ಟ್ವೀಟ್ ಮಲ್ತಿನ ಆರ್, ಕರ್ನಾಟಕ ರಾಜ್ಯೊಡು ತುಳು ಭಾಷೆಗ್ ಅಧಿಕೃತ ಸ್ಥಾನಮಾನ ಕೇನ್ನಗ, ಕರ್ನಾಟಕಡ್ ಕನ್ನಡನೇ ಸಾರ್ವ ಭೌಮ ಪಂದ್ ತುಳು ಭಾಷೆನ್ ಎಲ್ಯ ಮಲ್ತ್ ಪಾತೆರುನ ಇರೆಗ್ ತುಳು ಭಾಷೆದ ಬಗೆಟ್ ಏತ್ ತೆರಿಯೂ ? ಪಂಚ ದ್ರಾವಿಡ ಭಾಷೆಡ್ ಒಂಜಾಯಿನ ತುಳು ಭಾಷೆನ್ ಈರ್ ಪಾತೆರುಜರ್, ಆಂಡ ಉಂದು ಸಮಸ್ತ ತುಳುವೆರೆನ ಉಡಲ್‌ದ ಭಾಷೆ ಪಂದ್ ತೆರಿಲೆ ಮಾನ್ಯ ಸಂಸ್ಕೃತಿ ಸಚಿವೆರೇ ಪಂದ್ ಮಿಥುನ್ ರೈ  ಪಂತೆರ್.

ಕುಡ್ಲ ದಸರಾ ಉಚ್ಚಯನ್ ಉದಿಪನ ಮಲ್ತೆರ್ ಕೇಂದ್ರದ ಮಾಜಿ ಸಚಿವೆರ್,ಬಿ. ಜನಾರ್ಧನ ಪೂಜಾರ್ಲು

ಕುಡ್ಲ: ಕುದ್ರೋಳಿ ಶ್ರೀ ಗೋಕರ್ಣನಾಥ ದೇವಲ್ಯಡ್ ನಡಪುನ ಕುಡ್ಲ ದಸರಾ ಮಹೋಚ್ಚಯನ್ ಕೇಂದ್ರದ ಮಾಜಿ ಸಚಿವೆರ್, ಕುದ್ರೋಳಿ ಕ್ಷೇತ್ರದ ಅಭಿವೃದ್ದಿ ರೂವಾರಿ ಬಿ. ಜನಾರ್ಧನ ಪೂಜಾರಿ ಸೋಮಾರ ಕಾಂಡೆ ಉದಿಪನ ಮಲ್ತೆರ್.

ಉದಿಪನ ಲೇಸ್‌ಡ್ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತೆರ್ ಹರೇಕಳ ಹಾಜಬ್ಬ, ಮಹಾಲಿಂಗ ನಾಯ್ಕ್ ಸೇರಿನಂಚನೆ ಮಸ್ತ್ ಬಿನ್ನೆರ್ ಇತ್ತೆರ್. ಈ ಪೊರ್ತುಡು ಸಾರ ರ್ದ್ ಲ ಎಚ್ಚ ಭಕ್ತೆರ್ ಶ್ರೀ ಶಾರದೆ ಬೊಕ್ಕ ನವದುರ್ಗೆಯೆರೆನ ದರ್ಶನ ಪಡೆಯೊಂಡೆರ್.

ಚೆಂಬುಗುಡ್ಡೆ ಮಸಣ ನಿರ್ಮಲ ಮಲ್ತ್ ದ್ ಕುಕ್ಕುದ ದೈಕ್ಲೆನ್ ನಡಿಯೆರ್ ಶ್ರೀ ಸಾಯಿ ಪರಿವಾರ್ ಟ್ರಸ್ಟ್ ಸೇವಕೆರ್

ಉಳ್ಳಾಲ: ತೊಕ್ಕೊಟ್ಟು ದ ಪಿರಾಕ್ ದ ಮಸಣ, ಚೆಂಬುಗುಡ್ಡೆ ಹಿಂದೂ ರುದ್ರಭೂಮಿಡ್ ತುಳುನಾಡ್ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಶ್ರೀ ಸಾಯಿ ಪರಿವಾರ್ ಟ್ರಸ್ಟ್ ದಕುಲು ಶ್ರಮದಾನ ಮಲ್ತ್ ದ್ ಪೊರ್ಲು ಮಲ್ತೆರ್.

ಅಂಚೆನೆ ಮನುಸನ ಕಡೆತ ಸಂಸ್ಕಾರಗ್ ಕುಕ್ಕುದ ಮರ, ಇರೆಕ್ಕುಲು ಅಗತ್ಯ. ಈ ನಿಟ್ಟ್ ಡ್ ಪರಿಸರವಾದಿಲು, ಸಾಯಿ ಪರಿವಾರ್ ನ ಸೇವಕೆರ್ ಮಾಧವ ಉಳ್ಳಾಲೆರ್ನ ಸಹಕಾರಡ್ ಕುಕ್ಕುದ ದೈಕ್ಲೆನ್ ನಡಿಯೆರ್. ಚೆಂಬುಗುಡ್ಡೆ ಹಿಂದೂ ರುದ್ರಭೂಮಿ ನಿರ್ವಹಣಾ ಸಮಿತಿದ ಅಧ್ಯಕ್ಷೆರ್ ಚಂದ್ರಹಾಸ್ ಉಳ್ಳಾಲ್, ಆರ್ ಬತ್ತ್ ದ್, ಪರಿವಾರ್ ದ ಸೇವಾ ಕಜ್ಜೊಲೆನ್ ಪುಗರಿಯೆರ್.

ಸಾಯಿ ಪರಿವಾರ್ ಟ್ರಸ್ಟ್ ದ ಪುರುಷೋತ್ತಮ ಕಲ್ಲಾಪು, ಪ್ರವೀಣ್ ಎಸ್ ಕುಂಪಲ, ಗಣೇಶ್ ಅಂಚನ್, ಧೀರಜ್ ಗಟ್ಟಿ ಕೊಲ್ಯ ಅಶೋಕ್ ಉಚ್ಚಿಲ್, ರಾಜೇಶ್ ಕಾಪಿಕಾಡ್, ಗಣೇಶ್ ಪಂಡಿತ್ ಮುಳಿಹಿತ್ಲು, ಸಂಪತ್ ಪಿಲಾರ್, ಶವಿತ್ ಉಚ್ಚಿಲ್, ಸತೀಶ್ ಭಟ್ನಗರ, ಸೂರ್ಯ ಕುಂಪಲ, ಸಂತೋಷ್ ಚೆಂಬುಗುಡ್ಡೆ, ಪ್ರಕಾಶ್ ಸಿಂಪೋನಿ, ಶೈಲೇಶ್ ಸೇವಂತಿಗುಡ್ಡೆ, ಪ್ರವೀಣ್ ಮೆಸ್ಕಾಂ, ಸತೀಶ್ ಚೆಂಬುಗುಡ್ಡೆ, ಶೇಖರ್ ಚೆಂಬುಗುಡ್ಡೆ, ಶಿವರಾಮ ಗಟ್ಟಿ ಎಕ್ಕೂರು, ಪ್ರವೀಣ್ ಸುವರ್ಣ ಜಪ್ಪಿನಮೊಗೆರ್, ಪ್ರವೀಣ್ ಕೊಲ್ಯ, ಶರತ್ ತೊಕ್ಕೊಟ್ಟ್, ಉಮೇಶ್ ಕುತ್ತಾರ್, ತಾರನಾಥ ತೊಕ್ಕೊಟ್ಟ್, ಸಂತೋಷ್ ಅಂಬ್ಲಮೊಗರ್, ಪ್ರಸಾದ್ ಧರ್ಮನಗರ, ಶೇಖರ್ ಗಾಂಧಿನಗರ, ದೇವರಾಜ್, ಕಾರ್ತಿಕ್ ಉಚ್ಚಿಲ್ ಬೊಕ್ಕ ಬೇತೆ ಸೇವಕೆರ್ ಶ್ರಮದಾನಡ್ ಪಾಲ್ ಪಡೆತೆರ್.

ತುಳು ಸಂಘ ಬೊರಿವಿಲಿ, 12ನೇ ವರ್ಷದ ಮಹಾಸಭೆ; ಸದಸ್ಯರ್‌ನ ಸಾಕಾರ ಸಂಘದ ಅಭಿವೃದ್ದಿಗ್ ಬಲ : ಕರುಣಾಕರ ಎಂ. ಶೆಟ್ಟಿ

ಬೊಂಬಾಯಿ: ಕರಿನ 12 ವರ್ಷರ್‍ದಿಂಚಿ ಬೊರಿವಿಲಿ ಬೊಕ್ಕ ಪರಿಸರಡ್ ನೆಲೆಯಾಯಿನ ತುಳು, ಕನ್ನಡಿಗೆರೆನ್ ಒಂಜಿ ಕಡೆಟ್ ಸೇರ್ಸಾದ್, ತುಳು ಬಾಷೆ ಅಂಚನೆ ಸಂಸ್ಕೃತಿನ್ ಒರಿಪಾದ್ ಬುಳೆಪಾವುನೆಟ್ ಕ್ರಿಯಾಶೀಲವಾಯಿನ ತುಳು ಸಂಘ ಬೊರಿವಲಿನ್ ನನಲ ಅಭಿವೃದ್ಧಿ ಮಲ್ಪುನೆಟ್ ಸಂಘದ ಸದಸ್ಯೆರ್ ಎಚ್ಚದ ಮಟ್ಟಡ್ ಬೇನೊಡು. ಉಂದೆಡ್ದಾವರ ಸಂಘಲ ದುಂಬುಗ್ ಎಡ್ಡೆ ಮಟ್ಟಡ್ ಬುಳೆಪ್ಪುನೆನ್ ತೂವೊಲಿ ಪಂದ್ ತುಳು ಸಂಘ ಬೊರಿವಿಲಿ ಉಂದೆತ್ತ ಅಧ್ಯಕ್ಷರ್ ಕುರುಣಾಕರ ಎಂ. ಶೆಟ್ಟಿ ಪಂಡೆರ್.

ತುಳು ಸಂಘ ಬೊರಿವಿಲಿಯ 12ನೇ ವಾರ್ಷಿಕ ಮಹಾಸಭೆ ಸೆ. 25ಕ್ಕ್ ಯೋಗಿ ನಗರ ಹೌಸಿಂಗ್ ಸೊಸೈಟಿ ಹಾಲ್ ಯೋಗಿ ನಗರ ಬೊರಿವಿಲಿ(ಪ.) ಮುಲ್ಪ ನಡತ್‌ದಿತ್ತ್‌ದ್, ಮಹಾಸಭೆತ್ತ ಅಧ್ಯಕ್ಷತೆನ್ ವಹಿಸೊಂದು ಪಾತೆರಿನ ಸಂಘದ ಅಧ್ಯಕ್ಷೆರ್ ಕರುಣಾಕರ ಎಂ. ಶೆಟ್ಟಿ ಮೇರ್ ನಮ್ಮ ಸಂಘದ ಮಹಿಳಾ ವಿಭಾಗ, ಯುವ ವಿಭಾಗಲ ಸಂಘದ ದುಂಬುದ ಪ್ರಗತಿಗ್ ಯೋಜನೆನ್ ಮಲ್ಪರೆ ಇತ್ತ್‌ದ್ ಈ ವರ್ಷದ ಕಡೆಟ್ ಜನವರಿ ತಿಂಗೊಲುಡು ಕಾರ್ಯಕ್ರಮ ನಡಪರೆ ಇತ್ತ್‌ದ್ ಉಂದೆತ್ತ ಯಶಸ್ವಿಗಾದ್ ಮಾತೆರ್ಲಾ ಕೈಜೋಡಿಸಾಲೆ ಪಂದ್ ಪಂಡೆರ್.

ಸಂಘದ ವಾರ್ಷಿಕ ವರದಿನ್ ಜೊತೆ ಕಾರ್ಯದರ್ಶಿ ಈಶ್ವರ ಎಂ. ಐಲ್ ಮೇರ್ ಮಂಡಿಸಾಯೆರ್. ವಾರ್ಷಿಕ ಲೆಕ್ಕ ಪತ್ರದ ಬಗೆಟ್ ಕೋಶಾಧಿಕಾರಿ ಚಂದ್ರಹಾಸ ಬೆಳ್ಚಡ ಮಾಹಿತಿ ಕೊರಿಯೆರ್.

ವೇದಿಕೆಯಲ್ಲಿ ಸಂಘದ ಉಪಾಧ್ಯಕ್ಷೆರ್ ಹರೀಶ್ ಜಿ. ಮೈಂದನ್, ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆರ್ ತಿಲೋತ್ತಮ ವೈದ್ಯ, ಜೊತೆ ಕೋಶಾಧಿಕಾರಿ ಸವಿತಾ ಶೆಟ್ಟಿ ಇತ್ತೆರ್. ಬಂಟರ ಸಂಘ ಬೊಂಬಾಯಿದ ಜೋಗೇಶ್ವರಿ – ದಹಿಸರ್ ಪ್ರಾದೇಶಿಕ ಸಮಿತಿದ ಕಾರ್ಯಾಧ್ಯಕ್ಷೆರ್ ನಿಟ್ಟೆ ಎಂ. ಜಿ. ಶೆಟ್ಟಿ, ಸಂಘದ ಸ್ಥಾಪಕ ಅಧ್ಯಕ್ಷೆರ್, ವಾಸು ಪುತ್ರನ್, ಮಾಜಿ ಪ್ರಧಾನ ಕಾರ್ಯದರ್ಶಿ ಕೃಷ್ಣರಾಜ್ ಸುವರ್ಣ, ನ್ಯಾ. ರಾಘವ ಎಂ., ಯುವ ವಿಭಾಗದ ಕಾರ್ಯಾಧ್ಯಕ್ಷ ಪ್ರವೀಣ್ ಶೆಟ್ಟಿ, ವಿಜಯಕುಮಾರ್ ಮೂಲ್ಕಿ, ದಿವಾಕರ ಬಿ. ಕರ್ಕೇರ ಮೊಕುಲು ಲೇಸ್‌ಡ್ ಪಾತೆರ್ದ್ ಸಂಘದ ಬುಲೆಚ್ಚಿಲ್‌ಗ್ ಎಡ್ಡೆ ರೀತಿದ ಸಲಹೆ ಸೂಚನೆನ್ ಕೊರಿಯೆರ್. ಈಶ್ವರ ಎಂ. ಐಲ್ ಬತ್ತಿನ ಬಿನ್ನೆರೆಗ್ ಸೊಲ್ಮೆ ಸಂದೈತ ಮಲ್ತೆರ್.

ಸೆ.26 ತಾರೀಕ್ ರ್ದ್ ಕುಡ್ಲ ದಸರಾ ಸುರು ಜನಾರ್ದನ ಪೂಜಾರ್ಲೆರ್ದ್ ಉದಿಪನ

ಕುಡ್ಲ : ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರಡ್ ನಡಪುನ ಮಂಗಳೂರು ದಸರಾ ಉಚ್ಚಯ ಸೆ.26 ತಾರೀಕ್ ರ್ದ್ ಅ. 6 ತಾರೀಕ್ ಮುಟ್ಟ ಪ್ರತಿದಿನ ಲ ಬೇತೆಬೇತೆ ಧಾರ್ಮಿಕ, ಸಾಂಸ್ಕೃತಿಕ ಕಾರ್ಯಕ್ರಮದ ಒಟ್ಟುಗು ಭಾರಿ ಗೌಜಿಡ್ ನಡಪರೆ ಉಂಡು ಪಂದ್ ಕ್ಷೇತ್ರಾಡಳಿತ ಸಮಿತಿದ ಗುರ್ಕಾರ್ಲು ಎಚ್.ಎಸ್. ಸಾಯಿರಾಮ್ ತೆರಿಪಾಯೆರ್.

 

ಆರ್ ಕುದ್ರೋಳಿ ಕ್ಷೇತ್ರದ ಜಯ ಸುವರ್ಣ ಸಭಾಂಗಣಡ್ ಸನಿಯಾರ ನಡತಿನ ಸುದ್ದಿಗೋಷ್ಠಿಡ್ ಈ ವಿಷಯ ಪಂಡೆರ್.

ಸೆ.26 ಕಾಂಡೆ 9.30 ಗಂಟೆಗ್ ಗುರು ಪ್ರಾರ್ಥನೆ, ಕಲಶ ಪ್ರತಿಷ್ಠೆ ಇಂಚಿನ ವಿಧಿಕುಲು ನಡತಿ ಬೊಕ್ಕ ಶ್ರೀ ಶಾರದೆ , ಗಣಪತಿ ಬೊಕ್ಕ ನವದುರ್ಗೆಯೆರೆನ ಮೂರ್ತಿ ಪ್ರತಿಷ್ಠೆ ಆವರೆ ಉಂಡು. ಸೆ.27 ಕಾಂಡೆ ದುರ್ಗಾಹೋಮ ,ಸೆ.30 ಲಲಿತಾ ಪಂಚೆಮಿದಾನಿ ಭಗವತಿ ದುರ್ಗಾ ಹೋಮ, ಸಾಮೂಹಿಕ ಚಂಡಿಕಾಯಾಗ, ಅಕ್ಟೋಬರ್ 1 ಕಾಂಡೆ ಕುಮಾರಿ ದುರ್ಗಾ ಹೋಮ, ಅ.2 ಕಾಂಡೆ೬ ಮಹಿಷ ಮರ್ದಿನಿ ದುರ್ಗಾ ಹೋಮ, ಅ.3 ಚಂಡಿಕಾ ಹೋಮ, ಪಗೆಲ್ ಉಚ್ಚಯ, ದುರ್ಗಾಷ್ಟಮಿ, ಅ.4 ಸರಸ್ವತಿ ದುರ್ಗಾ ಹೋಮ, 100 ಬೊಂಡಾಭಿಷೇಕ, ಶಿವ ಪೂಜೆ , ಅನ್ನಸಂತರ್ಪಣೆ ಸೇವೆ ನಡಪರೆ ಉಂಡು ಪಂಡೆರ್.

ಕ್ಷೇತ್ರಾಭಿವೃದ್ಧಿ ಸಮಿತಿದ ಅಧ್ಯಕ್ಷೆರ್ ದೇವೇಂದ್ರ ಪೂಜಾರಿ ಮೇರ್ ಪಾತೆರ್ದ್, ಅ.5 ಕ್ಕ್ ಶ್ರೀ ಕ್ಷೇತ್ರದ ಅಭಿವೃದ್ಧಿದ ರೂವಾರಿ ಜನಾರ್ದನ ಪೂಜಾರಿ ಮೆರೆನ ಮುತಾಲಿಕೆಡ್ ಶೋಭಾಯಾತ್ರೆ ಭಾರಿ ವೈಭೋಗಡ್ ನಡಪರೆ ಉಂಡು. ಸೆ.26 ಕ್ಕ್ ದಸರಾ ಉದಿಪನೊಗು ಜನಾರ್ದನ ಪೂಜಾರ್ಲೆನ್ ಬಿನ್ನಾಪು ಮಲ್ದ. ಆರ್ ಕಾಂಡೆ 11.45 ಕ್ಕ್ ಉದಿಪನ ಮಲ್ಪರೆ ಉಲ್ಲೆರ್ ಪಂಡೆರ್.

ಕ್ಷೇತ್ರಾಡಳಿತ ಸಮಿತಿದ ಕೋಶಾಧಿಕಾರಿ ಪದ್ಮರಾಜ್ ಆರ್. ಪಾತೆರ್ದ್, ಮಂಗಳೂರು ದಸರಾಗ್ ಈ ಸರ್ತಿ ನಿರೀಕ್ಷೆರ್ದ್ ಲ ಹೆಚ್ಚಿನ ಸಂಖ್ಯೆಡ್ ಭಕ್ತೆರ್ ಬರ್ರೆ ಉಲ್ಲೆರ್. ಪಾರ್ಕಿಂಗ್ ಗ್ ಕೆಲವು ಕಡೆಟ್ಟ್ ವ್ಯವಸ್ಥೆ ಮಲ್ತ್ ದ. ಭಕ್ತೆರೆಗ್ ಅನಾನುಕೂಲ ಆವಂದಿಲೆಕ ತೂಪಿನವು ನಮ್ಮ ಕರ್ತವ್ಯ ಪಂದ್ ಪಂಡೆರ್.

ಅ.5 ಶೋಭಾಯಾತ್ರೆ
ಅ.5 ಕಾಂಡೆ ವಾಗೀಶ್ವರಿ ದುರ್ಗಾಹೋಮ, ಶಿವ ಪೂಜೆ ಬಯ್ಯಡ್ 4 ಗಂಟೆಗ್ ಶ್ರೀ ಶಾರದಾ ದೇವಿ ಬೊಕ್ಕ ನವದುರ್ಗೆಯೆರ್ನ ಮೂರ್ತಿಲೆನ ಶೋಭಾಯಾತ್ರೆ ನಡಪರೆ ಉಂಡು. ಅ.6 ಕಾಂಡೆ ಪೂಜೆ ಬಲಿ, ಮಂಟಪ ಬಲಿ ಮಂಟಪ ಪೂಜೆ ಆದ್ ವಿಸರ್ಜನೆ ನಡಪರೆ ಉಂಡು.ಭಕ್ತೆರೆನ ಅನುಕೂಲೊಗು ಬೋಡಾದ್ ಈ ಸರ್ತಿ ನವದುರ್ಗೆಯೆರ್ ಬೊಕ್ಕ ಶ್ರೀ ಶಾರದಾ ದೇವಿನ ಮೂರ್ತಿಲೆನ ಮೆರವಣಿಗೆ ಎದುರುಡು ಪೋವರೆ ಉಂಡು. ಕಲಾತಂಡೊಲು, ಪಿಲಿ ವೇಷ ಬೊಕ್ಕ ವೇಷಭೂಷಣಲೆನ ಟ್ಯಾಬ್ಪೊ ಪಿರವುಡು ಪೋವರೆ ಉಂಡು ಪಂದ್ ಕ್ಷೇತ್ರಾಭಿವೃದ್ಧಿ ಸಮಿತಿದ ಸದಸ್ಯೆರ್ ಹರಿಕೃಷ್ಣ ಬಂಟ್ವಾಳ ತೆರಿಪಾಯೆರ್.

ಸುದ್ದಿಗೋಷ್ಠಿಡ್ ಕ್ಷೇತ್ರಾಡಳಿತ ಸಮಿತಿದ ಉಪಾಧ್ಯಕ್ಷೆರ್ ಊರ್ಮಿಳಾ ರಮೇಶ್, ಕಾರ್ಯದರ್ಶಿ ಬಿ.ಮಾಧವ ಸುವರ್ಣ, ಟ್ರಸ್ಟಿಲಾಯಿನ ರವಿಶಂಕರ್ ಮಿಜಾರ್, ಕೆ.ಮಹೇಶ್ಚಂದ್ರ, ಎಂ.ಶೇಖರ ಪೂಜಾರಿ, ಸಂತೋಷ್ ಕುಮಾರ್ ಜೆ., ಜಗದೀಪ್ ಡಿ.ಸುವರ್ಣ, ಅಭಿವೃದ್ಧಿ ಸಮಿತಿದ ಕೋ ಚೇರ್ಮನ್ ಡಾ.ಅನಸೂಯಾ ಬಿ.ಟಿ.ಸಾಲ್ಯಾನ್, ಉಪಾಧ್ಯಕ್ಷೆರ್ ಡಾ.ಬಿ.ಜಿ.ಸುವರ್ಣ, ಸದಸ್ಯೆರಾಯಿನ ಕೆ.ಚಿತ್ತರಂಜನ್ ಗರೋಡಿ, ರಾಮನಾಥ್ ಕಾರಂದೂರು, ಕಿಶೋರ್ ದಂಡಕೇರಿ, ಜತಿನ್ ಅತ್ತಾವರ, ಗೌರವಿ ಪಿ.ಕೆ., ಲೀಲಾಕ್ಷ ಕರ್ಕೇರ ಮೊಕುಲು ಮಾತ ಇತ್ತೆರ್.

You Missed