Sun. Nov 22nd, 2026

ಕಾರ್ಲದ ಸುದ್ದಿ Karkala News

ಭಾರತಗ್ 135 ಕೋಟಿ ನೆರವು ಘೋಷಣೆ ಮಲ್ತಿನ ಗೂಗಲ್ ಸಿಇಒ ಸುಂದರ್ ಪಿಚೈ

ಕರ್ನಾಟಕ, ಎಪ್ರಿಲ್ 28: ಏಪ್ರಿಲ್ 4 ರ್ದ್ ದಿನ ಒಂಜೇಟ್ಟ್ ಒಂಜಿ ಲಕ್ಷರ್ದ್ ಲಾ ಜಾಸ್ತಿ ಜನಕುಲು,ಏಪ್ರಿಲ್ 14 ರ್ದ್ ಒಂಜಿ ದಿನಟ್ ರಡ್ಡ್ ಲಕ್ಷರ್ದ್ಲಾ ಜಾಸ್ತಿ ಜನಕುಲು, ಅಂಚನೇ ಏಪ್ರಿಲ್ 17 ರ್ದ್ ಒಂಜೇ ದಿನಟ್ಟ್ ರೆಡ್ಡರೆ ಲಕ್ಷರ್ದ್ ಜಾಸ್ತಿ ಜನಕುಲು ಕೊರೊನಾ ಸೋಂಕು ಪೀಡಿತೇರಾವೊಂದು ಉಲ್ಲೆರ್.

ಕರಿನ 24 ಗಂಟೆಡ್ ದೇಶಡ್ 3.5 ಲಕ್ಷರ್ದ್ ಜಾಸ್ತಿ ಜನ ಕೊರೊನಾ ಸೋಂಕಿತೆರ್ ಪತ್ತೆಯಾತೆರ್.
ಈ ನೆಲೆಟ್ಟ್ ಭಾರತಗ್ 135 ಕೋಟಿ ನೆರವುನು ಗೂಗಲ್ ಸಿಇಒ ಸುಂದರ್ ಪಿಚೈ
ಘೋಷಣೆ ಮಲ್ದೆರ್.

ಭಾರತೀಯ ಜನತಾ ಪಾರ್ಟಿ ವತಿರ್ದ್ ನೆತ್ತೆರ್ ದಾನ ಶಿಬಿರ

ಕುಡ್ಲ, ಎಪ್ರಿಲ್ 28: ಭಾರತೀಯ ಜನತಾ ಪಾರ್ಟಿ,ಕುಡ್ಲ ನಗರ ದಕ್ಷಿಣ ಮಂಡಲ ಬೊಕ್ಕ ಸೇವಾಂಜಲಿ ಚಾರಿಟೇಬಲ್ ಟ್ರಸ್ಟ್ (ರಿ .) ಜೋಡುಮಠ ಮಾರ್ಗ , ಕುಡ್ಲ ಅಂಚನೇ
ಕೆ.ಎಂ.ಸಿ. ಆಸ್ಪತ್ರೆ, ಕುಡ್ಲ ಮೆಕ್ಲೆನ ಒಟ್ಟು ಸೇರಿಗೆಡ್ ತಾರೀಖ್ 30-04-2021ನೇ ಶುಕ್ರವಾರ ಕಾಂಡೆ 10.00 ಗಂಟೆರ್ದ್ ಬೈಯ್ಯ 5 ಗಂಟೆ ಮುಟ ಕುಡ್ಲದ ಶ್ರೀ ಟಿ.ವಿ. ರಮಣ ಪೈ ಸಭಾಂಗಣಡ್ ನೆತ್ತೆರ್ ದಾನ ಶಿಬಿರ ನಡಪರೆ ಉಂಡು.

ಎಚ್ಚದ ಮಾಹಿತಿಗಾದ್ ಲೆಪ್ಪು ಕೊರ್ಲೆ : 9141907907

ಕೊರೋನ ರಡ್ಡನೇ ಅಲೆ : ಕುಡ್ಲಡ್ 6 ಜನ ತೀರ್ ಪೋತೆರ್

ಕುಡ್ಲ , ಎ.28: ಕೊರೋನ ಸೋಂಕುದ ನಿಗ್ರಹಗ್ ದ.ಕ.ಜಿಲ್ಲಾಡಳಿತ ಯುದ್ಧೋಪಾದಿಡ್ ಬೇಲೆ ಮಲ್ತೊಂದು ಉಂಡು .ಮಾತಾ ರೀತಿದ ಮುನ್ನೆಚ್ಚರಿಕೆ ಕ್ರಮ ದೆತೊನೊಂದು ಉಂಡು . ಕೊರೋನ ಸೋಂಕುದ 2ನೆ ಅಲೆರ್ದ್ ಬೊಕ್ಕ ದ.ಕ.ಜಿಲ್ಲೆಡ್ 6 ಜನ ತೀರ್ ಪೋತೆರ್ ಪಂದ್ ದ.ಕ.ಜಿಲ್ಲಾಧಿಕಾರಿ ರಾಜೇಂದ್ರ ಕೆ.ವಿ. ತೆರಿಪಾಯೆರ್ .

ಅಂಗಾರೆ ಸುದ್ದಿಗೋಷ್ಠಿಡ್ ಮಾಹಿತಿ ಕೊರಿನ ಆರ್ ದ.ಕ.ಜಿಲ್ಲೆಡ್ 783 ಜನ ಆಸ್ಪತ್ರೆ ಬೊಕ್ಕ 3,249 ಜನ ಹೋಂ ಐಸೋಲೇಶನ್‌ಡ್ ಉಲ್ಲೆರ್. ಇತ್ತೇ ಜಿಲ್ಲೆಡ್ 4816 ಬೆಡ್‌ ಉಂಡು, ಈ ಪೈಕಿ 4,033 ಬೆಡ್ ಖಾಲಿ ಉಂಡು . ಆಸ್ಪತ್ರೆದ ಬೆಡ್ ಸೇರಿನಂಚ ಮಾತಾ ಮಾಹಿತಿನ್ಲಾ ಕುಡ್ಲ ಒನ್ ಮುಖೇನ ಸಾಪ್ಟ್‌ವೇರ್‌ಡ್ ಸಾರ್ವಜನಿಕೆರೆಗ್ ಕೊರಿಯರೆ ತಯಾರ್ ಮಲ್ದ ಪಂದ್ ಪಂಡೆರ್.

ಒಡಿಪುಡು ಬೇರ ಮಲ್ತೊಂದು ಇತ್ತಿನ ಅಂಗಡಿಲೆಗ್ ನಗರಸಭೆ ಅಧಿಕಾರಿಲೆನ ದಾಳಿ: 80,500 ರೂ. ದಂಡ ವಸೂಲಿ

ಒಡಿಪು , ಎ.28: ಜಿಲ್ಲಾಡಳಿತದ ಆದೇಶದ ನಡುಟುಲಾ ಒಡಿಪುಡು ಬೇರ ಮಲ್ತೊಂದು ಇತ್ತಿನ ಕೆಲವು ಅಂಗಡಿಲೆಗ್ ನಗರಸಭೆ ಅಧಿಕಾರಿಲೆನ ಕೂಟ ಕೋಡೆ ದಾಳಿ ಮಲ್ದುಂಡು.

ಕೋಡೆ ಕಾಂಡೆರ್ದೆ ಬೈಯ್ಯ ಮುಟ್ಟಲಾ ರಥಬೀದಿ, ಮಸೀದಿ ರಸ್ತೆ, ಕೆಎಂ ಮಾರ್ಗ, ಮಣಿಪಾಲಡ್ ಬೇರ ಮಲ್ತೊಂದು ಇತ್ತಿನ ಸುಮಾರ್ 30 ಅಂಗಡಿಲೆಗ್ ದಾಳಿ ನಡಪಾಯಿನ ಅಧಿಕಾರಿಲೆನ ಕೂಟ, 80,500 ರೂ. ದಂಡ ವಸೂಲಿ ಮಲ್ದುಂಡು .

ಅಗತ್ಯ ವಸ್ತು ಬುರ್ದು ಒವ್ವೆ ರೀತಿದ, ಅಂಗಡಿ ದೆಪ್ಪoದಿಲಕ ಇತ್ತೇ ಜಿಲ್ಲಾಡಳಿತ ಆದೇಶ ಕೊರ್ತುಂಡು , ಆಂಡಲಾ ಕೆಲವೊಂಜಿ ಅಂಗಡಿದಕುಲು ಬೇರ ಮಲ್ತೊಂದು ಉಪ್ಪುನ ತೊಜಿದ್ ಬೈದುಂಡು. ಐಕಾದ್ ದಾಳಿ ಮಲ್ತ್ ದ್ , ಕನಿಷ್ಠ 2000ರೂ.ರ್ದ್ ಗರಿಷ್ಠ 10ಸಾರ ಮುಟ ದಂಡ ಪಾಡ್ದೆರ್ ಪಂದ್ ನಗರಸಭೆ ಪೌರಾಯುಕ್ತ ಡಾ.ಉದಯ ಶೆಟ್ಟಿ ತೆರಿಪಾದೆರ್ .

ಲಾಕ್‌ಡೌನ್-ಕರ್ಫ್ಯೂ ಡ್ ಜಿಲ್ಲಾಡಳಿತ ಪ್ರತ್ಯೇಕ ಪಾಸ್ ವ್ಯವಸ್ಥೆ ಇಜ್ಜಿ : ಡಾ.ರಾಜೇಂದ್ರ ಕೆ.ವಿ.

ಕುಡ್ಲ , ಎ.28: ಕೊರೋನ ನಿಯಂತ್ರಣ ಮಲ್ಪುನ ಸಲುವಾದ್ ರಾಜ್ಯಾದ್ಯಂತ ಮೇ 12 ನೇ ಕಾಂಡೆ 6 ಗಂಟೆ ಮುಟ ಲಾಕ್‌ಡೌನ್-ಕರ್ಫ್ಯೂ ಪಾಡ್ದೆರ್ . ಈ ಮಧ್ಯೆ ಅಗತ್ಯ ವಸ್ತುದ ಖರೀದಿಗ್ ಕಾಂಡೆ 6 ಗಂಟೆರ್ದ್ 10 ಗಂಟೆ ಮುಟ ಅವಕಾಶ ಕೊರ್ತೆರ್ . ತುರ್ತು ಆರೋಗ್ಯ ಸೇವೆ, ಮದಿಮೆದ ಲೇಸ್ ಡ್ ಪಾಲ್ ಪಡೆಯರೆ ಅಂಚನೇ ಪರೀಕ್ಷೆ ಹಾಜರಾಯಾರೆ ಜಿಲ್ಲಾಡಳಿತ ಪ್ರತ್ಯೇಕ ಪಾಸ್ ವ್ಯವಸ್ಥೆ ಮಲ್ದುಜಿ. ಪೂರಕ ದಾಖಲೆಪತ್ರದೊಟ್ಟುಗು ಪ್ರಯಾಣ ಮಲ್ಪರೆ ಅವಕಾಶ ಕೊರ್ತೆರ್ ಪಂದ್ ದ.ಕ. ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ. ತೆರಿಪಾದೆರ್ .

ದ.ಕ.ಜಿಲ್ಲಾಧಿಕಾರಿ ಕಚೇರಿದ ಸಭಾಂಗಣಡ್ ಅಂಗಾರೆ ಸುದ್ದಿಗೋಷ್ಠಿಡ್ ಪಾತೆರಿನ ಮೇರ್ 14 ದಿನ ಕರ್ಪ್ಯೂ ಮಾರ್ಗಸೂಚಿಲು ಬೊಕ್ಕ ನಿರ್ಬಂಧಲು ಕಟ್ಟುನಿಟ್ಟಾದ್ ಅನುಷ್ಠಾನ ಆಯರೇ ಉಂಡು ಪಂದ್ ಪಂಡೆರ್ .

ದ.ಕ. ಜಿಲ್ಲೆದ ಪತ್ರಕರ್ತೆರ್ನ ಗೃಹ ನಿರ್ಮಾಣ ಸಹಕಾರಿ ಸಂಘದ ಓಟುಡು ಶೇ.95 ಮತದಾನ

ಕುಡ್ಲ : ಪೊಸತ್ತಾದ್ ಉದಿಪನ ಆಯಿನ ದ.ಕ. ಜಿಲ್ಲಾ ಪತ್ರಕರ್ತೆರ್ನ ಗೃಹ ನಿರ್ಮಾಣ ಸಹಕಾರ ಸಂಘೊದ ಆಡಳಿತ ಮಂಡಳಿಗ್ ಏ.27 ಅಂಗಾರೆ ನಡತಿನ ಓಟುಡು ಶೇ.94.73 ಮತದಾನ ಆತ್ಂಡ್.ಸಾಮಾನ್ಯ ವಿಭಾಗೊಡು 12 ಸದಸ್ಯೆರ್ ಅಭ್ಯರ್ಥಿ ಲಾದಿತ್ತೆರ್. ಅಯಿಟ್ಟ್ ಮತದಾರೆರ್ 7 ಜನಕ್ಕ್ ಓಟು ಪಾಡರೆ ಇತ್ತ್ಂಡ್.

ಹಿಂದುಳಿದ ವರ್ಗದ ವಿಭಾಗೊಡು 7 ಅಭ್ಯರ್ಥಿಲು ಸ್ಪರ್ಧೆ ದ ಕಲೊಟ್ಟು ಇತ್ತೆರ್. ಅಯಿಟ್ಟ್ ರಡ್ಡ್ ಜನನ್ ಆಯ್ಕೆ ಮಲ್ಪರೆ ಅವಕಾಶ ಇತ್ತ್ಂಡ್.
ಪರಿಶಿಷ್ಟ ಜಾತಿ ಬೊಕ್ಕ ವಿಭಾಗೊಡು ಸುರೇಶ್ ಡಿ.ಪಳ್ಳಿ ಬೊಕ್ಕ ಹರೀಶ್ ಮೋಟುಕಾನ ಅವಿರೋಧ ಆಯ್ಕೆ ಆದಿತ್ತೆರ್.ಮಹಿಳಾ ವಿಭಾಗೊಡು ಸತ್ಯ , ಶಿಲ್ಪ ಅವಿರೋಧ ಆಯ್ಕೆ ಆತೆರ್.ಪತ್ರಿಕಾ ಭವನದ ಸಭಾಂಗಣೊಡು ಅಂಗಾರೆ ಕಾಂಡೆ 9 ಗಂಟೆರ್ದ್ ಬಯ್ಯ 4 ಗಂಟೆ ಮುಟ್ಟ ಓಟು ನಡತ್ಂಡ್.

ರಾಜ್ಯ ಸರ್ಕಾರರ್ದ್ ಕೊರೋನ ಮಾರ್ಗಸೂಚಿ ಪ್ರಕಟ

ಕುಡ್ಲ, ಎಪ್ರಿಲ್ 27: ತಾರೀಖ್ 28/4/2021 ನೆ ಬುಧವಾರ ರ್ದ್ ಪಾಡುನoಚಿನ ಕೊರೊನಾ ಲಾಕ್‌ಡೌನ್ದ ಮಾರ್ಗಸೂಚಿಲೆನ್ ರಾಜ್ಯ ಸರಕಾರ ಪ್ರಕಟ ಮಲ್ದುಂಡು .

ಉಲ್ಲೇಖ ಮಲ್ದಿನವು ಮಾತಾ ಕಾಂಡೆ 6 ಗಂಟೆರ್ದ್ 10:00 ಗಂಟೆ ಮುಟ ಮಾತ್ರ:

  • ಪೇರ್,ದಿನಸಿ ತರಕಾರಿ, ಫಲವಸ್ತು ಮಾರಾಟ ಉಂಡು.
  • ತರಕಾರಿ ಬೊಕ್ಕ ಫಲವಸ್ತುಲೆನ್ ಮಾರುಕಟ್ಟೆಗ್ ಕನೆರೆಲಾ ಅವಕಾಶ ಉಂಡು.
  • ಮೀನ್ ಮಾಸ ವ್ಯಾಪಾರಗ್ ಸಮ್ಮತಿ.
  • ಕೋರಿದ ಫಾರಂ ಓಪನ್.
  • ರೆಸ್ಟೋರೆಂಟ್ಡ್ ಪಾರ್ಸೆಲ್ ಗ್ ಮಾತ್ರ ಅವಕಾಶ.
  • ಆನ್ಲೈನ್ ಫುಡ್ ಡೆಲಿವರಿಗ್ ಅವಕಾಶ ಉಂಡು.
  • ಶಾಲಾ-ಕಾಲೇಜು ಪೂರ್ತಿ ಬಂದ್ ,
  • ಆಟೋ-ಟ್ಯಾಕ್ಸಿ  ಬಂದ್
  • ಸಿನಿಮಾ ಹಾಲ್ ಜಿಮ್ ಬಂದ್.
  • ಒವ್ವೆ ರೀತಿದ ಧಾರ್ಮಿಕ ಕಾರ್ಯಕ್ರಮಲೆಗ್ ಅವಕಾಶ ಇಜ್ಜಿ.
  • ದೇವಸ್ಥಾನಡ್ ಪೂಜಾರಿಲೆಗ್ ಮಾತ್ರ ಅವಕಾಶ.
  • ಮದ್ಯದಂಗಡಿ ಓಪನ್,ಆಂಡ ಪಾರ್ಸೆಲ್ ಗ್ ಮಾತ್ರ ಅವಕಾಶ.

ಕೊಲ್ಲೂರು ಶ್ರೀಮೂಕಾಂಬಿಕಾ ದೇವಸ್ಥಾನದ ಗುರ್ಕಾರ್ಲಾದ್ ಕೆರಾಡಿ ಚಂದ್ರಶೇಖರ ಶೆಟ್ಟಿ ಆಯ್ಕೆ

ಕೊಲ್ಲೂರು, ಎ.27: ಕೊಲ್ಲೂರು ಶ್ರೀಮೂಕಾಂಬಿಕಾ ದೇವಳದ ಬಹು ನಿರೀಕ್ಷಿತ ವ್ಯವಸ್ಥಾಪನಾ ಸಮಿತಿ ಗುರ್ಕಾರ್ಲೆನ ಆಯ್ಕೆ ಕೋಡೆ ನಡತುದುಂಡು, ಸಂಘ ಪರಿವಾರದ ಹಿನ್ನೆಲೆ ಉಪ್ಪುನ ಕೆರಾಡಿ ಚಂದ್ರಶೇಖರ ಶೆಟ್ಟಿ ಗುರ್ಕಾರ್ಲಾದ್ ಆಯ್ಕೆಯಾತೆರ್.

ದ.ಕ.ಜಿಲ್ಲೆಡ್ ಖಾಸಗಿ ಬಸ್‌ ಸ್ಥಗಿತ : ದಿಲ್‌ರಾಜ್ ಆಳ್ವ

ಕುಡ್ಲ , ಎ.27: ಕೋರೋನ 2ನೆ ಅಲೆನ್ ಕಮ್ಮಿ ಮಲ್ಪುನ ಸಲುವಾದ್ ಎ.27ನೆ ರಾತ್ರಿ 9 ಗಂಟೆರ್ದ್ ರಡ್ಡ್ ವಾರ ಕೋವಿಡ್ ಕರ್ಫ್ಯೂ ವಿಧಿಸಾದ್ ರಾಜ್ಯ ಸರಕಾರ ಆದೇಶ ಕೊರ್ತಿನ ನೆಲೆಟ್ಟ್ ಎ.28 ತಾರೀಖ್ ಬುಧವಾರರ್ದ್ ದ.ಕ.ಜಿಲ್ಲೆಡ್ ಖಾಸಗಿ ಬಸ್‌ ಸಂಚಾರ ಇಜ್ಜಿ ಪಂದ್ ಎಂದು ದ.ಕ.ಜಿಲ್ಲಾ ಬಸ್ ಮಾಲಕೆರ್ನ ಸಂಘದ ಗುರ್ಕಾರ್ಲಾಯಿನ ದಿಲ್‌ರಾಜ್ ಆಳ್ವ ತೆರಿಪಾದೆರ್ .

ವೆನ್ಲಾಕ್ ಆಸ್ಪತ್ರೆ ಬೊಕ್ಕ ತಾಲೂಕು ಆಸ್ಪತ್ರೆಡ್ ಆಕ್ಸಿಜನ್ ಪ್ಲಾಂಟ್ : ಡಾ.ರಾಜೇಂದ್ರ ಕೆ.ವಿ.

ಕುಡ್ಲ , ಎ.27: ಜಿಲ್ಲಾ ವೆನ್ಲಾಕ್ ಆಸ್ಪತ್ರೆ ಬೊಕ್ಕ ತಾಲೂಕು ಆಸ್ಪತ್ರೆಡ್ ಆಕ್ಸಿಜನ್ ಪ್ಲಾಂಟ್ ನಿರ್ಮಾಣ ಮಲ್ಪುವ ಪಂದ್ ದ.ಕ. ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ. ತೆರಿಪಾದೆರ್ .ಜಿಲ್ಲೆದ ಸರಕಾರಿ ಬೊಕ್ಕ ಖಾಸಗಿ ಆಸ್ಪತ್ರೆಡ್ ಆಕ್ಸಿಜನ್ ಕೊರತೆ ಅಂಚನೇ ಸಕಾಲಡ್ ಆಕ್ಸಿಜನ್ ಪೂರೈಕೆಗ್ ಸಂಬಂಧ ದ.ಕ. ಜಿಲ್ಲಾಧಿಕಾರಿನ ಕಚೇರಿಡ್ ಸೋಮವಾರ ನಡತಿನ ಸಭೆಟ್ ಪಾತೆರಿಯೆರ್.

ಜಿಲ್ಲೆದ ಆಸ್ಪತ್ರೆಡ್ ಒವ್ವೆ ಕಾರಣಗ್ ಆಕ್ಸಿಜನ್ ಕೊರತೆ ಬರಂದಿಲಕ ಸಕಾಲಡ್ ಆಕ್ಸಿಜನ್ ಪೂರೈಕೆ ಮಲ್ಪುನ ಬಗ್ಗೆ ಸಮಾಲೋಚನೆ ಮಲ್ತೆರ್ . ಮಲ್ಲ ಪ್ರಮಾಣಡ್ ಆಕ್ಸಿಜನ್ ಉತ್ಪಾದನೆ ಮಲ್ಪರೆ ವೆನ್ಲಾಕ್ ಆಸ್ಪತ್ರೆಡ್ ಪೊಸತ್ತ್ ಆಕ್ಸಿಜನ್ ಪ್ಲಾಂಟ್ ನಿರ್ಮಾಣದ ಬಗ್ಗೆ ಯೋಜನೆ ರೂಪಿಸಾದೆರ್ ನನ ದುಂಬುದ 50 ದಿನತ ಉಲಯಿ ಈ ಪ್ಲಾಂಟ್ ನಿರ್ಮಾಣ ಆಯರೇ ಉಂಡು.

You Missed