Sun. Nov 22nd, 2026

ಕಾರ್ಲದ ಸುದ್ದಿ Karkala News

ವೀಕೆಂಡ್ ಕರ್ಫ್ಯೂಗು ಬೆರಿಬಲ ಕೊರಿನ ಪುತ್ತೂರ್ದ ಜನತೆ

ಪುತ್ತೂರು, ಎಪ್ರಿಲ್ 25: ಕೋವಿಡ್- 19 ನಿಯಂತ್ರಣದ ನೆಲೆಟ್ಟ್ ರಾಜ್ಯ ಸರ್ಕಾರ ಜಾರಿ ಮಲ್ತಿನ ವೀಕೆಂಡ್ ಕರ್ಫ್ಯೂ ಐತಾರ ಪುತ್ತೂರು ನಗರ ಬೊಕ್ಕ ಗ್ರಾಮೀಣ ಪ್ರದೇಶಡ್ ಯಶಸ್ವಿಯಾತ್oಡ್.

ಕಾಂಡೆ 6 ಗಂಟೆರ್ದ್ 10 ಗಂಟೆ ಮುಟ ತನಕ ಅಗತ್ಯ ವಸ್ತುಲೆನ ಖರೀದಿಗ್ ಸಾರ್ವಜನಿಕೆರೆಗ್ ಅವಕಾಶ ಇತ್ತುಂಡು . ಅಗತ್ಯ ವಸ್ತುಲಾಯಿನ , ಫಲವಸ್ತು , ತರಕಾರಿ, ಪೇರ್ , ಬೇಕರಿ, ಮೆಡಿಕಲ್ ಶಾಪ್, ಪೇಪರ್ ಸ್ಟಾಲ್ ಲು ಕಾಂಡೆ ಬೇರ ಮಲ್ತಿತ್ತೆರ್. 10 ಗಂಟೆರ್ದ್ ಬೊಕ್ಕ ಮಾತಾ ಬಂದ್ ಆಂಡ್.

ಲಸಿಕೆರ್ದ್ ದುಂಬಾವಡ್ ನೆತ್ತೆರ್ ದಾನ

ಆಸ್ಪತ್ರೆಲೆಡ್ ನೆತ್ತೆರ್ ದ ಅಗತ್ಯ ಪೂರೈಸುನ ಬಗ್ಗೆ ಆರೋಗ್ಯವಂತ ನಾಗರಿಕೆರ್ ಲಸಿಕೆ ದೆತೊನುನ ದುಂಬೇ ನೆತ್ತೆರ್ ದಾನ ಮಲ್ಪುಲೇ ಪಂದ್ ಈ ಮುಖೇನ ಬಿನ್ನಾಪು ಮಲ್ತೊಂದು ಉಲ್ಲ.

ಕೇಂದ್ರ ಸರಕಾರ ಕೋವಿಡ್ 19ರ ನಿಯಂತ್ರಣದ ನೆಲೆಟ್ಟ್ ಮೇ 1 ತಾರೀಖ್ ರ್ದ್ 18 ವರ್ಷ ಮಿತ್ತ್ ದ ಮಾತೆರೆಗ್ಲಾ ಕೋವಿಡ್ ನಿರೋಧಕ ಲಸಿಕೆ ದೆತೊನೆರೆ ಮುಕ್ತ ಅವಕಾಶ ಕೊರ್ತೆರ್ . ಸರಕಾರರ್ದ್ ಕೋವಿಡ್ ನಿಯಂತ್ರಣಗ್ ಉಂದೊಂಜಿ ಮಾಮಲ್ಲ ಪಜ್ಜೆ ಆತ್oಡ್.ಕೋವಿಡ್ ನಿರೋಧಕ ಲಸಿಕೆ ಅಭಿಯಾನ ಮೇ 1ರ್ದ್ 18ರ್ದ್ 45 ವರ್ಷದಕ್ಲೆಗಾದ್ ಸುರು ಆಪುಂಡು . ರಾಷ್ಟ್ರಿಯ ರಕ್ತ ಸಂಚರಣ ಪರಿಷತ್ (ಎಬಿಟಿಸಿ) ಪ್ರಕಾರ ಒವ್ವೆ ಲಸಿಕೆ ದೆತೊoಡಿನ ನಾಲ್ ವಾರ ಮುಟ್ಟ ನೆತ್ತೆರ್ ದಾನ ಮಲ್ಪರೆ ಅವಕಾಶ ಇಜ್ಜಿ. ಕೋವಿಡ್ ಲಸಿಕೆ ರಡ್ಡ್ ಹಂತಡ್ ಪಡೆಯೊಡು. ಈ ಹಂತಡ್ ದೇಶಡ್ ನೆತ್ತೆರ್ ದ ಕೊರತೆ ಆಪಿನ ಬಾರಿ ಎಚ್ಚದ ಸಾಧ್ಯತೆ ಉಂಡು. ಕೊರೊನಾ ಪೋಡಿಗೆಡ್ ದುಂಬೇ ರಕ್ತದಾನಿಲೆನ ಕೊರತೆ ಉಂಡು .ಈ ನೆಲೆಟ್ಟ್ 18 ವರ್ಷ ಮಿತ್ತ್ ಪ್ರಾಯದ ಜವನ್ಯೆರ್ ಆಯಿನಾತ್ ಮಲ್ಲ ಮಟ್ಟ್ ಡ್ ನೆತ್ತೆರ್ ದಾನ ಮಲ್ಪುಲೇ.

ಸಮುದಾಯ ಮನಸ್ ಮಲ್ತುಂಡ ಜೀವ ಒರಿಪಾವೊಲಿ . ಲಸಿಕೆರ್ದ್ ದುಂಬು ನೆತ್ತೆರ್ ದಾನ ಮಲ್ತ್ ಜೀವ ಒರಿಪಾಯರೇ ಕೈ ಜೋಡಾಲೆ.

ಕಾಂಡೆ 11 ಗಂಟೆಗ್ ಮೋದಿ ಭಾಷಣ : ದೇಶೊಡು ಲಾಕ್ ಡೌನ್ ಜಾರಿ ಸಾಧ್ಯತೆ

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಇನಿ ‘ಮನ್ ಕಿ ಬಾತ್’ ಡ್ ದೇಶದ ಜನತೆನ್ ಉದ್ದೇಶಿಸಾದ್ ಪಾತೆರೆರೆ ಉಲ್ಲೆರ್ ,ಇನಿ ಕಾಂಡೆ 11 ಗಂಟೆಗ್ ಪ್ರಧಾನಿ ಮೋದಿನ ‘ಮನ್ ಕಿ ಬಾತ್’ ಸುರು ಆಯೆರೆ ಉಂಡು . ದೇಶಡ್ ಕೊರೊನಾ ಸೋಂಕು ಜಾಸ್ತೀಯಾವೊಂದು ಉಪ್ಪುನೆರ್ದಾವರ ಅವ್ವೆತೋ ರಾಜ್ಯಡ್ ಪರಿಸ್ಥಿತಿ ಕೈಮೀರ್ದುoಡು ಇಂಚಾದ್ ಕೆಲವು ರಾಜ್ಯಡ್ ನೈಟ್ ಕರ್ಫ್ಯೂ ನಂಚಿನ ಕಠಿಣ ನಿರ್ಬಂಧ ಜಾರಿ ಮಲ್ದೆರ್. ಕೆಲವು ಕಡೆ ಲಾಕ್ಡೌನ್ ಮಾದರಿದ ನಿರ್ಬಂಧ ಪಾಡ್ದೆರ್ .

ಕೊರೋನಾಗ್ ಲಾಕ್ಡೌನ್ ಕಡೆತ ಅಸ್ತ್ರ ಪಂದ್ ಪಂಡಿನ ಪ್ರಧಾನಿ ಮೋದಿ ಇನಿ ದೇಶಾದ್ಯಂತ ಲಾಕ್ಡೌನ್ ಜಾರಿ ಮಲ್ಪುನ ಬಗ್ಗೆ ಪ್ರಸ್ತಾವನೆ ಮಲ್ಪುನ ಸಾಧ್ಯತೆ ಉಂಡು ಪಂದ್ ಪಂತೆರ್ .

ಸರಕಾರ ಘೋಷಣೆ ಮಲ್ತಿನ ಮಾರ್ಗಸೂಚಿನ್ ಖಡ್ಡಾಯವಾದ್ ಪಾಲನೆ ಮಲ್ಪುಲೆ : ಡಾ. ರಾಜೇಂದ್ರ ಕೆ.ವಿ

ಕುಡ್ಲ , ಎ.25: ಮೇ 4 ತಾರೀಖ್ ಮುಟ ರಾತ್ರಿ ಕರ್ಫ್ಯೂ ಅಂಚನೇ ವೀಕೆಂಡ್ ಕರ್ಫ್ಯೂಗ್ ಸಂಬಂಧ ಪಟ್ಟಿನoಚ ಮಾರ್ಗಸೂಚಿಲೆನ್ ಜಾರಿ ಮಲ್ದೆರ್.. ಸಾರ್ವಜನಿಕೆರ್ ಮಾರ್ಗಸೂಚಿಲೆನ್ ಕಡ್ಡಾಯವಾದ್ ಪಾಲಿಸಾವೊಡು ಪಂದ್ ದ.ಕ. ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ.ವಿ. ಪಂತೆರ್ .

ವಾರಾಂತ್ಯದ ಕರ್ಫ್ಯೂ ದ ಪೊರ್ತುಡು ನಿರ್ಮಾಣ ಚಟುವಟಿಕೆಲೆಗ್ ಅವಕಾಶ ಇಜ್ಜಿ . ಆಂಡಲಾ ನಿರ್ಮಾಣ ಬೇಲೆ ಮಲ್ಪುನ ಜಾಗೆಡ್ ಕಾರ್ಮಿಕೆರ್ ಉಪ್ಪುನೆರ್ದಾವರ ಬೇತೆ ಜಾಗೆರ್ದ್ ಕಾರ್ಮಿಕೆರೆನ್ ಲೆತೊಂದು ಬರ್ಪಿನ ಅಗತ್ಯ ಇಜ್ಜಿ ಪಂದ್ ಪ್ರಕಟಣೆಡ್ ತೆರಿಪಾದೆರ್.

ಸಾರ್ವಜನಿಕೆರ್ ಮಾಸ್ಕ್ ಪಾರ್ದ್ , ಸುರಕ್ಷಿತ ಅಂತರನ್ ಕಾಪುನ ಮುಖೇನ,ಕೋವಿಡ್ ನಿಯಮ ಪಾಲನೆ ಮಲ್ಪುನ ಮುಖೇನ ನಿಯಂತ್ರಣ ಕಾರ್ಯಡ್ ಸಾಕಾರ ಕೊರೊಡು ಪಂದ್ ಪಂಡೆರ್.

ಸಮಾಜ ಸೇವಾ ಸಮಿತಿ ಬೊಕ್ಕ ಸೇವಾದಳ ಬಂಟರ ಸಂಘ ಬೆಂಗಳೂರು ವತಿರ್ದ್ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ ಒಟ್ಟುಸೇರಿಗೆಡ್ ಕೋವಿಡ್-19 ಉಚಿತ ಲಸಿಕಾ ಅಭಿಯಾನ

ಬೆಂಗಳೂರು, ಎಪ್ರಿಲ್ 24: ಕೋವಿಡ್ -19 ದ ಈ ಪೊರ್ತುಡು ಮಾತೆರ್ಲ ಒಟ್ಟಾoಡ ಮಾತ್ರ ಈ ಸಾಂಕ್ರಾಮಿಕ ಸೀಕ್ ನ್ ಆಯಿನಾತ್ ಬೇಗ ನಿರ್ಮೂಲನೆ ಮಲ್ಪೋಲಿ.

ಈ ನೆಲೆಟ್ಟ್ ಬೆಂಗಳೂರು ಬಂಟರ ಸಂಘ ಬೊಕ್ಕ ನೆತ್ತ ಸಮಾಜ ಸೇವಾ ಸಮಿತಿ ಅಂಚನೇ ಸೇವಾದಳ, ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆದ ಒಟ್ಟು ಸೇರಿಗೆಡ್ ಉಚಿತ ಲಸಿಕಾ ಅಭಿಯಾನನ್ (ಎರಡೂ ಹಂತದ ಡೋಸ್) ಏಪ್ರಿಲ್ 26 ಸೋಮವಾರದಿಂರ್ದ್ ಕಾಂಡೆ 09:30 ರ್ದ್ ಬೈಯ್ಯ 03:00 ಗಂಟೆ ಮುಟ ಬೆಂಗಳೂರು ಬಂಟರ ಸಂಘದ ಆವರಣದಡ್ ಅಟ್ಟನೆ ಮಲ್ದೆರ್.

ಈ ಅಭಿಯಾನಡ್ ಮಾತೆರ್ಲ ಪಾಲ್ ಪಡೆದ್ , ತಮ್ಮ ಬಂದು ಮಿತ್ರೆರೆಗ್ ಅಂಚನೇ ಕೈತಲ್ ದ 45 ವರ್ಷ ಮೇಲ್ಪಟ್ಟ ನಾಗರಿಕೆರೆಗ್ ಲಸಿಕೆ ದೆತೊನೆರೆ ಪ್ರೇರೇಪಿಪಣೆ ಮಲ್ಪೊಡು ಪಂದ್ ಬೆಂಗಳೂರು ಬಂಟರ ಸಂಘದ ಪದಾಧಿಕಾರಿಲು ಅಂಚನೇ ಕಾರ್ಯಕಾರಿ ಸಮಿತಿ ಸದಸ್ಯೆರ್ ಪ್ರಕಟಣೆಗ್ ತೆರಿಪಾದೆರ್.

ಎಚ್ಚದ ಮಾಹಿತಿಗಾದ್ :

  • ಲಸಿಕೆ ದೆತೊನುನಕುಲು ಆಧಾರ್ ಕಾರ್ಡ್, ಪಾನ್ ಕಾರ್ಡ್, ಡ್ರೈವಿಂಗ್ ಲೈಸೆನ್ಸ್ ನೆಟ್ಟ್ ಒವ್ವು ಆಂಡಲಾ ಒಂಜೆನ್ ಕಡ್ಡಾಯವಾದ್ ಕನವೊಡು
  • ಲಸಿಕೆ ಪಾಡುನಕುಲು ದುಂಬೇ ಪುದರ್ ತೆರಿಪಾವೊಡು ಈ ತಿರ್ತ್ ಕೊರಿನ ಸಂಖ್ಯೆಗ್ ಕರೆ ಮಲ್ತ್ ಲಾ ಪುದರ್ ಕೊರೋಲಿ

ಎಚ್ಚದ ಮಾಹಿತಿಗಾದ್ ಲೆಪ್ಪು ಕೊರ್ಲೆ:

9845025921/9008973945/9740923868 /8970720484/9845340969/9663977388

ಮಾರುಕಟ್ಟೆಲೆನ್ ಗ್ರಾಹಕ-ವ್ಯಾಪಾರಸ್ಥ ಸ್ನೇಹಿಯಾದ್ ರೂಪಿಸಾವೊಡು : ಪ್ರೇಮಾನಂದ ಶೆಟ್ಟಿ

ಕುಡ್ಲ, ಎಪ್ರಿಲ್ 24: ಕುಡ್ಲಡ್ ಇತ್ತೇ ನಿರ್ಮಾಣ ಆತಿನ ಮಾರುಕಟ್ಟೆ ದ ಸ್ಥಿತಿ-ಗತಿ, ಪ್ರಸ್ತುತ ಎದುರಿಸಾವೊಂದು ಉಪ್ಪುನ ಸಮಸ್ಯೆದ ಬಗ್ಗೆ ಅಧ್ಯಯನ ನಡಪಾದ್ ಮಾತಾ ಮಾರುಕಟ್ಟೆಲೆನ್ ಗ್ರಾಹಕ-ವ್ಯಾಪಾರಸ್ಥ ಸ್ನೇಹಿಯಾದ್ ರೂಪಿಸಾಯರೇ ಪರಿನಿತೆರ್ ಇತ್ತಿನ ವಿಶೇಷ ತಂಡ ರಚನೆ ಮಲ್ಪುವ ಪಂದ್ ಮಂಗಳೂರು ಮಹಾನಗರ ಪಾಲಿಕೆ ಮೇಯರ್‌ ಪ್ರೇಮಾನಂದ ಶೆಟ್ಟಿ ಬೊಕ್ಕ ಆಯಕ್ತ ಅಕ್ಷಯ್‌ ಶ್ರೀಧರ್‌ ತೆರಿಪಾದೆರ್ .

“ಮಾರುಕಟ್ಟೆ ಸುಧಾರಣೆ ಏಪ ?’ಪನ್ಪಿನ ಶೀರ್ಷಿಕೆದಡಿ ಅಟ್ಟನೆ ಮಲ್ದಿನ ಅಭಿಯಾನಗ್ ಪೂರಕವಾದ್ ಗುರುವಾರ ಅಟ್ಟನೆ ಮಲ್ತಿನ ಫೋನ್‌-ಇನ್‌ ಲೇಸ್ ಡ್ ಸಾರ್ವಜನಿಕೆರ್ನ ದೂರವಾಣಿ ಕರೆಕ್ ಉತ್ತರ ಕೊರಿನ ಮೇಯರ್‌ ಬೊಕ್ಕ ಆಯುಕ್ತೆರ್ , ಪೇಂಟೆಡ್ ಇತ್ತೇ ಆತಿನ ಮಾರುಕಟ್ಟೆಲು ಅವ್ವೆತೋ ಬಗೆತ ಸಮಸ್ಯೆ ಎದುರಿಸಾವೊಂದು ಉಪ್ಪುನವು ನಿಜ ಪಂದ್ ಪಂಡೆರ್.

ಬಂಟ್ವಾಳ ಪೇಂಟೆಡ್ ತಹಶೀಲ್ದಾರ್ ಬೊಕ್ಕ ಪೊಲೀಸ್ ಅಧಿಕಾರಿಲೆರ್ದ್ ಚಾರ್ಜ್

ಬಂಟ್ವಾಳ, ಎ. 24: ಕೊರೋನ ವೈರಸ್ ಪರಡುನೆನ್ ಉoತಾವುನ ಸಲುವಾದ್ ಕೋಡೆ ರಾಜ್ಯ ಸರಕಾರ ಕೊರಿನ ಪರಿಷ್ಕೃತ ಮಾರ್ಗಸೂಚಿದ ಅನ್ವಯ ಬಂಟ್ವಾಳ ಪೇಂಟೆದ ಬೇತೆ ಬೇತೆ ಕಡೆ ಕೋಡೆ ಕಾಂಡೆ ಬಾಕಿಲ್ ದೆತ್ತಿನ ಅನಗತ್ಯ ವಸ್ತುದ ಅಂಗಡಿಲೆನ್ ಬಂಟ್ವಾಳ ತಹಶೀಲ್ದಾರ್ ಬೊಕ್ಕ ಪೊಲೀಸ್ ಅಧಿಕಾರಿಲು ಬಂದ್ ಮಲ್ತೆರ್ .

ಪೇಂಟೆದ ಮಾಣಿ, ಕಲ್ಲಡ್ಕ, ಮೆಲ್ಕಾರ್, ಬಿ.ಸಿ.ರೋಡ್, ಕೈಕಂಬ, ತುಂಬೆ, ಫರಂಗಿಪೇಟೆ ಇಂಚಿನ ಜಾಗೆಡ್ ಕಾಂಡೆ ಬೆಳಗ್ಗೆ ಶೇಕಡಾ 50ದಾತ್ ಅಂಗಡಿಲು ಬಂದ್ ಆದಿತ್ತುಂಡು . ಆಂಡ ಸರಕಾರ ಕೊರಿನ ಪರಿಷ್ಕೃತ ಮಾರ್ಗಸೂಚಿದ ಗೊಂದಲ ಬೊಕ್ಕ ಮಾಹಿತಿದ ಕೊರತೆರ್ದ್ ಅಗತ್ಯ ವಸ್ತುಲು ಅತ್ತoದಿನ ಕೆಲವು ಅಂಗಡಿಲು ಪೇಂಟೆದ ಬೇತೆ ಬೇತೆ ಜಾಗೆಡ್ ಅಂಗಡಿಲೆನ್ ಓಪನ್ ದೀದಿತ್ತೆರ್.

ವಿಶೇಷ ಮಾಸ್ಕ್ ತಯಾರ್ ಮಲ್ತಿನ ಕುಡ್ಲದ ಜವನ್ಯೆ

ಕುಡ್ಲ , ಏಪ್ರಿಲ್ 23; ಕೋವಿಡ್ ರಡ್ಡನೇ ಅಲೆ ಬಾರಿಬೇಗೋಡು ಪರಡೊಂದು ಉಂಡು. ಮಾಸ್ಕ್ ಬೇಡಿಕೆಲಾ ಮಾರ್ಕೆಟ್ಡ್ ಜಾಸ್ತಿ ಆವೊಂದು ಉಂಡು. ಬೇತೆ ಬೇತೆ ಕಂಪೆನಿಲು ಬೇತೆ ಬೇತೆ ತರದ ಮಾಸ್ಕ್ ತಯಾರ್ ಮಲ್ತೊಂದು ಉಲ್ಲೆರ್ . ನೆತ್ತ ನಡುಟು ಕುಡ್ಲದ ಒರಿ ಜವನ್ಯೆ ಪರಿಸರ ಸ್ನೇಹಿ ಮಾಸ್ಕ್ ತಯಾರ್ ಮಲ್ಪುನ ಮುಖೇನ ಮಾತೆರ್ನಲ ಗಮನ ಸೆಳೆತೆರ್.

ಈ ವಿಶಿಷ್ಟವಾಯಿನ ಮಾಸ್ಕ್‌ಡ್ ದೈತ ಬಿತ್ತ್ ಪಾರ್ದ್ ಮಲ್ದೆರ್, ಮಾಸ್ಕ್ ಬಳಕೆ ಮಲ್ತ್ ದಕ್ಕುoಡಲ ಮಾಸ್ಕ್ ದೈ ಆದ್ ಪುಟ್ಟುoಡು.

ಕರ್ತವ್ಯ ನಿಷ್ಠೆ ಮೆರೆಯಿನ ಗ್ರಾಮ ಪಂಚಾಯತ್‌ ಸದಸ್ಯೆ

ಕಾರ್ಕಳ, ಎಪ್ರಿಲ್ 22: ನಿಟ್ಟೆ ಗ್ರಾ.ಪಂ. ಸ‌ದಸ್ಯೆಯೊರ್ತಿ ಮಾರ್ಗಡ್ ಕಜವು ಪಾಡೊoದು ಇತ್ತಿನಕ್ಲೆನ್ ಪತ್ತ್ ದ್ ಅಕ್ಲೆನೆರ್ದ್ ಕಜವು ಪೆಜ್ಜಾವುನ ಮುಖೇನ ಮಾತೆರ್ನಲ ಮೆಚ್ಚುಗೆಗ್ ಪಾತ್ರರಾತೆರ್.

ಮಾರ್ಗಡ್ ಕಜವು ಪಾಡೋನ್ದು ಇತ್ತಿನಕ್ಲೆನ್ ನಾಡ್ದ್ ಪತ್ತ್ ದ್ ಅಕ್ಲೆನ ಕೈಟೆ ಕಜವು ದೆಪ್ಪಾದ್ ಪಂಚಾಯತ್‌ಗ್ ದಂಡ ಕಟ್ಟಾದೆರ್.ಪಂಚಾಯತ್‌ ಸದಸ್ಯೆ ರಶ್ಮಿ ನ ಕರ್ತವ್ಯ ತತ್ಪರತೆಗ್ ಗ್ರಾ. ಪಂ. ಗುರ್ಕಾರ್ಲಾಯಿನ ಸತೀಶ್‌ ಪೂಜಾರಿ, ಪಂಚಾಯತ್‌ ಅಭಿವೃದ್ದಿ ಅಧಿಕಾರಿ ಶೇಖರ ಪೂಜಾರಿ ಅಂಚನೇ ಮಾತಾ ಸದಸ್ಯೆರ್ ಸೊಲ್ಮೆ ಸಂದೈತ ಮಲ್ತೆರ್.

ಶಿರ್ವ ಗ್ರಾಪಂ ಪೊಸ ಗುರ್ಕಾರ್ಲಾದ್ ಕೆ.ರಾಮರಾಯ ಪಾಟ್ಕರ್ ಆಯ್ಕೆ

ಶಿರ್ವ, ಎ.22: ಬಿಜೆಪಿ ಬೆಂಬಲಿತ ಗ್ರೆಗೋರಿ ಕೊನ್ರಾಡ್ ಕ್ಯಾಸ್ತಲಿನೋ ಮೆರ್ನ ನಿಧನರ್ದ್ ತೆರವಾದಿತ್ತಿನ ಶಿರ್ವ ಗ್ರಾಪಂ ಗುರ್ಕಾರ್ಲೆನ ಸ್ಥಾನ ಇತ್ತೇ ಕಾಂಗ್ರೇಸ್ ಗ್ ಆತುಂಡು.

ಶಿರ್ವ ಗ್ರಾಪಂ ಪೊಸ ಗುರ್ಕಾರ್ಲಾದ್ ಕಾಂಗ್ರೆಸ್ ಬೆಂಬಲಿತ ಬಂಟಕಲ್ಲು ವಾರ್ಡ್‌ನ್ ಸತತ ಐನೇ ಸಲ ಪ್ರತಿನಿಧಿಸಾವೊಂದು ಉಪ್ಪುನ ಸಾಮಾಜಿಕ ಕಾರ್ಯಕರ್ತೆ ಕೆ.ರಾಮರಾಯ ಪಾಟ್ಕರ್ ಆಯ್ಕೆಯಾತೆರ್ .

You Missed