Mon. Nov 23rd, 2026

ಊರ್ದ ಸುದ್ದಿ Regional News

ತುಳುನಾಡು ರಾಜ್ಯ ರಚನೆ ಮಲ್ಪರೆ ಕೇಂದ್ರ ಸರ್ಕಾರಗ್ ಬಿನ್ನಾಪು ಮಲ್ತಿನ ತುಳುವೆರೆ ಪಕ್ಷ

ಕುಡ್ಲ : ದಕ್ಷಿಣ ಭಾರತದ ಪ್ರಮುಖ ಭಾಷೆಯಾಯಿನ ತುಳು, ತಮಿಳ್, ತೆಲುಗು, ಕನ್ನಡ, ಮಲಯಾಲಂ ಉಂದೆನ್ ಪಂಚ ದ್ರಾವಿಡ ಭಾಷೆ ಪಂದ್ ಪನ್ಪೆರ್ .ತುಳು ಭಾಷೆದ್ರಾವಿಡ ಮೂಲರ್ದ್ ದ ಸ್ವತಂತ್ರವಾದಯಿನ ಪಿರಾಕ್ ದ ಬಾಷೆ ಪಂದ್ ಭಾಷಾತಜ್ನೆರ್ ಪಂತೆರ್ . ತುಳು ಭಾಷೆಗ್ ಸ್ವಂತ ಲಿಪಿ ಉಪ್ಪುನೆರ್ದಾವರ ಸಾಹಿತ್ಯಕ್ಷೇತ್ರಡ್ ಲ ಸಮೃದ್ದವಾದ್ ಉಂಡು . ತುಳು ಲಿಪಿಟ್ ಬರೆಯಿನ ಗ್ರಂಥಲು , ಶಿಲಾಶಾಸನ ಪತ್ತೆಯಾತುಂಡು.

ಸ್ವತಂತ್ರ ಭಾರತಡ್ ತಮಿಳು, ತೆಲುಗು, ಕನ್ನಡ, ಮಲಯಾಲಂ ಭಾಷೆಲು ಸಂವಿಧಾನದ ೮ನೇ ಪರಿಚ್ಛೇದಗ್ ಸೇರ್ದ್ ರಾಷ್ಟ್ರೀಯ ಸೇರಿರಾಷ್ಟಿಯ ಮಾನದಿಗೆ ತಿಕ್ಕಿನೆರ್ದಾವರ ಭಾಷೆದ ಆಧಾರೊಡು ರಾಜ್ಯ ಪಡೆತುಂಡು ಆಂಡ ದ್ರಾವಿಡ ಮೂಲದ ಪ್ರಾಚೀನ ತುಳು ಭಾಷೆಗಗ್ ಮಾತಾ ಅರ್ಹತೆ ಇತ್ತುಂಡಲ ಎಲ್ಲಾ ರೀತಿಯ ಸ್ವಂತಂತ್ರ ಮಾನದಿಗೆ ತಿಕ್ಕ್ದಿಜಿ

ಮಾನ್ಯ ಭಾರತ ಸರ್ಕಾರ ತುಳು ಭಾಷೆದ ಬುಲೆಚ್ಚಿಲ್ ಗಾದ್ ಬೊಕ್ಕ ಸಮಗ್ರ ಅಭಿವೃದ್ಧಿಗಾದ್ ದಕ್ಷಿಣ ಭಾರತದ ತುಳು ಭಾಷಿಗ ಪ್ರಾಂತ್ಯಲೆನ್ ಒಟ್ಟು ಸೇರಾದ್ ರಾಜ್ಯದ ಮಾನದಿಗೆ ಅತ್ತುಂಡ ಕೇಂದ್ರಾಳಿತ ಪ್ರದೇಶದ ಮಾನದಿಗೆ ಕೊರೊಡು ಪಂದ್ ಬಿನ್ನಾಪು ಮಲ್ತೊಂದು ತುಳು ಭಾಷೆನ್ ಭಾರತದ ಸಂವಿಧಾನದ ೮ನೇ ಪರಿಚ್ಛೇದಗ್ ಸೇರಾದ್ ಸೇರಿಸಿ ರಾಷ್ಟ್ರೀಯ ಭಾಷೆದ ಮಾನದಿಗೆ ಕೊರೊಡು ಪಂದ್ ತುಳುವೆರೆ ಪಕ್ಷವು ಮಾನ್ಯ ಪ್ರಧಾನಮಂತ್ರಿಲೆಗ್ ಅಂಚನೆ ಕೇಂದ್ರ ಗೃಹ ಸಚಿವೆರೆಗ್ ಬಿನ್ನಾಪು ಮಲ್ತೆರ್.

ತಿಗಲೆ ಬೇನೆರ್ದ್ ತೀರ್ ಪೋಯಿನ ಕನ್ನಡದ ಖ್ಯಾತ ನಟ ಪುನೀತ್‌ ರಾಜ್‌ ಕುಮಾರ್‌

ಬೆಂಗ್ಳೂರು : ಇನಿ ಕಾಂಡೆ 7:30ಕ್ ಪುನೀತ್‌ ರಾಜ್ ಕುಮಾರ್‌ ವರ್ಕ್‌ ಔಟ್‌ ಮಲ್ಪುನಗ ತಿಗಲೆ ಬೇನೆ ಬತ್ದ್ ಆಸ್ಪತ್ರೆ ಧಾಖಲ್ ಆದ್ ಇತ್ತೆರ್. .ವೈದ್ಯೇರ್ನ ಪ್ರಕಾರ ಕಾರ್ಡಿಯಾರ್ಕ್‌ ಅಟ್ಯಾಕ್‌ ಆತುಂಡು ಪಂದ್ ತೆರಿದ್ ಬೈದ್oಡ್. ಐರ್ದ್ ಬೊಕ್ಕ ಅರೆನ್ ಆಸ್ಪತ್ರೆದ ತೀವ್ರ ನಿಗಾ ಘಟಕಡ್ ಮರ್ದ್ ಪಡೆಯೊಂದು ಇತ್ತೆರ್, ಇತ್ತೆ ಬತ್ತಿನ ಮಾಹಿತಿದ ಪ್ರಕಾರ ತಿಗಲೆ ಬೇನೆ ಜೋರಾದ್ ಪುನೀತ್ ತೀರ್ ಬಂದ ಮಾಹಿತಿಯ ಪ್ರಕಾರ ತೀವ್ರ ಪೋಯೆರ್ ಪಂದ್ ತೆರಿದ್ ಬೈದುಂಡು.

ಪುನೀತ್ ರಾಜ್ ಕುಮಾರ್ ಮೇರೆಗ್ ತಿಗಲೆ ಬೇನೆ ಆದ್ ಆಸ್ಪತ್ರೆಗ್ ದಾಖಲು

ಬೆಂಗ್ಳೂರ್, ಅ.29: ಸ್ಯಾಂಡಲ್​ವುಡ್​ ನಟೆ ಪುನೀತ್​ ರಾಜ್​ಕುಮಾರ್​ ಮೇರೆಗ್ ಇನಿ ತಿಗಲೆ ಬೇನೆ ಆದ್ ದ್,  ವಿಕ್ರಂ ಆಸ್ಪತ್ರೆಗ್ ದಾಖಲಾತೆರ್.

ತಜ್ಞ ವೈದ್ಯೆರ್ನ ಕೂಟ ಅಪ್ಪು ಮೇರೆಗ್ ಚಿಕಿತ್ಸೆ ಮಲ್ತೊಂದುಲ್ಲೆರ್.  ಸುದ್ದಿ ತೆರಿಕೂಡಲೇ ವಿಕ್ರಂ ಆಸ್ಪತ್ರೆಗ್ ಅಪ್ಪು ಅಭಿಮಾನಿಲು ಬತ್ತ್ ದೆರ್. ಆಸ್ಪತ್ರೆದ ಎದುರ್ ಪೊಲೀಸ್ ಬಂದೋಬಸ್ತ್ ದೀತೆರ್.

ಶಿವರಾಜ್​ಕುಮಾರ್​ ಮೇರ್ ನ  ಇತ್ತೆದ ಸಿನಿಮಾ ‘ಭಜರಂಗಿ’ ಉಂದೆನ್ ತೂಯರೇ ಪಂದ್ ಥಿಯೇಟರ್​ ಗ್ ಪಿದಡುನ ಪೊರ್ತುಡ್ ತಿಗಲೆ ಬೇನೆ ಲಕ್ಕ್ ದ್ಂಡ್. ಆಸ್ಪತ್ರೆದ ಮೂಲದ ಪ್ರಕಾರ ನಟೆ ಅಪ್ಪು ಮೇರ್ ನ ಆರೋಗ್ಯದ ಸ್ಥಿತಿ ಗಂಭೀರವಾದುಂಡು. ಐಸಿಯುಡು ಉಲ್ಲೆರ್.

ಅಕ್ಟೋಬರ್ 30 ಗ್ ಸಿಎ ಜೋಕ್ಲೆನ ” ಅವ್ಯಾನ್ ” ಸಮಾವೇಶ

ಉಡುಪಿ, ಅ.29: ಭಾರತೀಯ ಲೆಕ್ಕ ಪರಿಶೋಧಕ ಸಂಸ್ಥೆದ ಒಡಿಪು ಶಾಖೆದ ವತಿರ್ದ್ ‘ಅವ್ಯಾನ್ -2021’ ಸಿಎ ಜೋಕ್ಲೆನ ಸಮಾವೇಶನ್ ಅ.30ಗ್ ಕಾಂಡೆ 9.30ಕ್ ಮಣಿಪಾಲದ ಡಾ.ಟಿಎಂಎ ಪೈ ಚಾವಡಿಡ್ ಅಟ್ಟನೆ ಮಲ್ದೆರ್ .

ಒಡಿಪುಡು ಲೆತ್ತಿನ ಸುದ್ದಿಗೋಷ್ಠಿಡ್ ಪಾತೆರಿನ ಲೆಕ್ಕಪರಿ ಶೋಧಕ ಜೋಕ್ಲೆನ ಸಂಘದ ಗುರ್ಕಾರ್ಲಾಯಿನ ನರಸಿಂಹ ನಾಯಕ್, ಸಮಾವೇಶನ್ ಕೇಂದ್ರ ಸರಕು ಬೊಕ್ಕ ಸೇವಾ ತೆರಿಗೆ ಒಡಿಪು ಸಹಾಯಕ ಆಯುಕ್ತೆ ಡಾ. ನಿಮಿಷಾಂಬ ಸಿ.ಪಿ. ಉಧಿಪನ ಮಲ್ಪರೆ ಉಲ್ಲೆರ್ .

ಇನಿರ್ದ್ ಪ್ರಸಾದ್ ಆರ್ಟ್ ಗ್ಯಾಲರಿಡ್ ಚಿತ್ರಕಲಾ ಪ್ರದರ್ಶನ

ಕುಡ್ಲ : ಕರಾವಳಿ ಚಿತ್ರಕಲಾ ಚಾವಡಿ ವತಿರ್ದ್ ಅ.29ರ್ದ್ ನ.7 ಮುಟ ಕುಡ್ಲದ ಬಳ್ಳಾಲ್‌ಬಾಗ್‌ಡ್ ಉಪ್ಪುನ ಪ್ರಸಾದ್ ಆರ್ಟ್ ಗ್ಯಾಲರಿಡ್ ‘ವಾರಿಯರ್ಸ್‌ ಆಫ್ ದಿ ಬ್ಲೂ’ ಪುದರ್ ಡ್ ಮೀನುಗಾರರ ಬದ್ಕ್ ನ್ ಬಿಂಬಿಸಾವುನ ಚಿತ್ರಕಲಾ ಪ್ರದರ್ಶನನ್ ಅಟ್ಟನೆ ಮಲ್ದೆರ್ .

ಡಿಕೆಶಿ ಮೇರ್ ನ ದೋಸ್ತಿ ಉದ್ಯಮಿ ಯು.ಬಿ.ಶೆಟ್ಟಿ ಇಲ್ಲ್ ದ ಮಿತ್ತ್ ಐಟಿ ದಾಳಿ

ಧಾರವಾಡ, ಅ.28 : ಡಿ.ಕೆ. ಶಿವಕುಮಾರ್‌ ಮೇರ್ ನ ದೋಸ್ತಿ, ಉದ್ಯಮಿ ಯು.ಬಿ.ಶೆಟ್ಟಿ ಇಲ್ಲ್ ಗ್ ಆದಾಯ ತೆರಿಗೆ ಅಧಿಕಾರಿಲು ಗುರುವಾರ ದಾಳಿ ಮಲ್ತ್ ದೆರ್ ಪಂದ್ ತೆರಿದ್ ಬೈದ್ಂಡ್.

ಯು.ಬಿ.ಶೆಟ್ಟಿ ಮೇರ್ ನ ಒಡಿಪು ಜಿಲ್ಲೆದ ಬೈಂದೂರ್ ಡ್ ಶಿಕ್ಷಣ ಸಂಸ್ಥೆ ಇತ್ತ್ ದ್, ಆದಾಯ ಮೂಲದ ವಿಷಯಡ್ ಅಧಿಕಾರಿಲು ಶೋಧ ಕಾರ್ಯನ್ ಮಲ್ತೊಂದುಲ್ಲೆರ್. ಗೋವಾಡ್ದ್ ಐಟಿ ತಂಡದಕುಲ್ ಬತ್ತ್ ದೆರ್. ಆಂಡ ಯು.ಬಿ.ಶೆಟ್ಟಿ ಈ ಪೊರ್ತುಡ್ ಇಲ್ಲ್ ಡ್ ಇಜ್ಜಾಂಡ್ ಪಂದ್ ತೆರಿದ್ ಬೈದ್ಂಡ್.

ಹುಷಾರ್ದಾಂತೆ ತೀರ್ ಪೊಯಿನ ರಾಮಕುಂಜ ಗ್ರಾ.ಪಂ ಮಾಜಿ ಸದಸ್ಯೆರ್ ದಯಾನಂದ ಕುಲಾಲ್

ರಾಮಕುಂಜ: ರಾಮಕುಂಜ ಗ್ರಾಮದ ಪೊಸಮಣ್ಣ್ ದಿ. ಚಂದಪ್ಪ ಕುಲಾಲ್ ಮೇರ್ ನ ಮಗೆ, ರಾಮಕುಂಜ ಗ್ರಾ.ಪಂ. ಮಾಜಿ ಸದಸ್ಯೆರ್ ದಯಾನಂದ ಕುಲಾಲ್ (36) ಮೇರ್ ಅ.27ಕ್ಕ್ ಕುಡ್ಲದ ಖಾಸಗಿ ಆಸ್ಪತ್ರೆಡ್ ತೀರ್ ಪೊಯೆರ್.

ದಯಾನಂದ್ ಕುಲಾಲ್ ಮೇರೆಗ್ ರಡ್ಡ್ ವರ್ಷದ ಪಿರವು ತಿಗಲೆ ಬೇನೆದ ಸೀಕ್ ಇತ್ತ್ಂಡ್. ಅಂಚಾದ್ ಅರೆನ್ ಬೆಂಗ್ಳೂರ್ ದ ನಾರಾಯಣ ಆಸ್ಪತ್ರೆಡ್ ಚಿಕಿತ್ಸೆನ್ ಪಡೆಯೊಂದ್ ಹುಷಾರ್ ಆದ್ ಇತ್ತೆರ್. ಅ.27ಕ್ಕ್ ಬಯ್ಯಗ್ ಆಯೋಗ್ಯಡ್ ಸಮಸ್ಯೆಯಾದ್ ತೀರ್ ಪೊತೆರ್ ಪಂದ್ ತೆರಿದ್ ಬೈದ್ಂಡ್. ಮಸ್ತ್ ಸಂಘಟನೆಲೆಡ್ ಅಧ್ಯಕ್ಷೆರ್, ಕಾರ್ಯಕರ್ತೆರ್ ಆದ್ ಸೇವೆನ್ ಮಲ್ತ್ ದೆರ್.

Ramakunja gram panchayat ex member Dayanand Kulal no more

Ramakunja: Dayanand Kulal(36) son of late Chandappa Kulal breathed his last on October 27th at a private hospital in Mangalore after a brief illness.

He was an active member of many organisations and has rendered his services to many social service groups.

ಕಂಡ್ ದ್ ಪೊಯ್ಯೆ ಸಾಗಾವೊಂದ್ ಇತ್ತಿನ 11 ಓಡಲೆನ್ ಪೊಲೀಸ್ ದಕುಲ್ ಪತ್ತಿಯೆರ್

ಕುಡ್ಲ, ಅ.28; ಕುಡ್ಲ ಕಂಕನಾಡಿ ಪೊಲೀಸ್ ಸ್ಟೇಷನ್ ವ್ಯಾಪ್ತಿಡ್ ಉಳ್ಳಾಲದ ಫೈಜಲ್ ಪೇಂಟೆಡ್ ಕಂಡುದ್ ದೀತಿನ ಪೊಯ್ಯೆನ್ ಅಂಚನೆ ಅವೆನ್ ಸಾಗಾಟ ಮಲ್ತೊಂದಿತ್ತಿನ 11 ಓಡಲೆನ್ ಪೊಲೀಸ್ ದಕುಲ್ ವಶಕ್ಕ್ ದೆತೊಂದ್ ಗಣಿ ಬೊಕ್ಕ ಭೂವಿಜ್ಞಾನ ಇಲಾಖೆಗ್ ಕೊರಿಯೆರ್.

Mangalore: illegal sand mining, 11 boats siezed

Mangalore October 28: 11 boats transporting illegal sand has been siezed by the Kankanady police at Faizal nagar and handed it over to mining and geological department.

ಕರ್ನಾಟಕಡ್ ಹಿಂಗಾರು ಮಾರುತ ; 15 ಜಿಲ್ಲೆಲೆಡ್ ಭಾರೀ ಬರ್ಸ

ಕರ್ನಾಟಕಡ್ ಅ. 29 ಗ್ ಹಿಂಗಾರು ಮಾರುತ ಬರ್ಪಿನ ಸಾಧ್ಯತೆ ಉಂಡು. ಈ ಹಿನ್ನೆಲೆಡ್ ಇನಿಡ್ದ್ ಅ 31ಮುಟ್ಟ ರಾಜ್ಯಡ್ ಭಾರೀ ಬರ್ಸ ಬರ್ಪಿನ ಸಾಧ್ಯತೆ ಉಂಡು.

ಬೆಂಗಳೂರು, ಹಾಸನ, ಕೊಡಗು, ಕೋಲಾರ, ಮಂಡ್ಯ, ಮೈಸೂರು, ರಾಮನಗರ, ಶಿವಮೊಗ್ಗ, ಚಾಮರಾಜನಗರ, ಚಿಕ್ಕಮಗಳೂರು, ಚಿತ್ರದುರ್ಗ, ತುಮಕೂರು, ದಾವಣಗೆರೆ, ಚಿಕ್ಕಬಳ್ಳಾಪುರ ಅಂಚನೆ ಬೆಂಗಳೂರು ಗ್ರಾಮಾಂತರ ಜಿಲ್ಲೆಲೆಡ್ ಇನಿ ಯೆಲ್ಲೋ ಅಲರ್ಟ್ ನ್ ಘೋಷಿಸಾದೆರ್.

Heavy rains likely in Karnataka: 15 districts on yellow alert

There is likely to be rainstorm on 29th.So there may be heavy rains in the state till October 31 st.

Yellow alert has been declared in Bangalore, Hassan, Coorg, Kolar, Mandya , Mysore, Ramnagar, Chamrajnagar, Chickmangalore, Chitradurga, Tumkur, Davangere, Chickballapur, and Bangalore rural

ಶ್ರೀ ಕ್ಷೇತ್ರ ಧರ್ಮಸ್ಥಳಡ್ ದೇವೆರ್ನ ದರ್ಶನದ ಸಮಯ ಬದಲಾತ್ಂಡ್

ಬೊಲ್ತೆರ್,ಅ.28: ಶ್ರೀ ಕ್ಷೇತ್ರ ಧರ್ಮಸ್ಥಳಡ್ ಶ್ರೀ ಮಂಜುನಾಥ ಸ್ವಾಮಿನ ದರ್ಶನ ಮಲ್ಪುನ ಪೊರ್ತು ಬದಲಾತ್ಂಡ್.

ತುಡರ್ ಪರ್ಬೊಡ್ದ್ ಬೊಕ್ಕ ನವೆಂಬರ್ 4 ಲೆಡ್ದ್ ರಂಗಪೂಜೆ, ಬೆಳ್ಳಿರಥೋತ್ಸವ, ಪಲ್ಲಕ್ಕಿ ಉಚ್ಚಯ ಇಂಚಿನ ವಿಶೇಷ ಪೂಜೆ, ಉತ್ಸವಾದಿಲು, ಸೇವೆಲ್ ಉಪ್ಪುನ ಕಾರಣ ದೇವರೆನ ದರ್ಶನದ ಸಮಯ ಬದಲಾತ್ಂಡ್.

ದರ್ಶನದ ಪೊರ್ತು:

ಕಾಂಡೆ 6 ಜೆಡ್ದ್ ಮಧ್ಯಾಹ್ನ 2.30,
ಬಯ್ಯಗ್ 5 ನೆಡ್ದ್ ಕತ್ತಲೆಗ್ 8.30 ಮುಟ್ಟ. ನುಪ್ಪು ಸೇವೆದ ಛತ್ರಡ್ ಕಾಂಡೆ 10.30 ಡ್ದ್ 3 ಗಂಟೆ ಮುಟ್ಟ ಅಂಚನೆ ಕತ್ತಲೆಗ್ 7 ಲೆಡ್ದ್ 9 ಗಂಟೆ ಮುಟ್ಟ ಭಕ್ತೆರೆಗ್ ವನಸುದ ವ್ಯವಸ್ಥೆ ಉಂಡ್.

ಧರ್ಮಾಧಿಕಾರಿ ಡಾ| ಡಿ. ವೀರೇಂದ್ರ ಹೆಗ್ಗಡೆರೆನ್ ಕಾಂಡೆ 9 ಗಂಟೆಡ್ದ್ 12 ಗಂಟೆ ಮುಟ್ಟ, ಬಯ್ಯಗ್ 4 ಲೆಡ್ದ್ 5 ಅಂಚನೆ ಕತ್ತಲೆಗ್ 7 ಲೆಡ್ದ್ 9 ಮುಟ್ಟ ಭೇಟಿ ಮನ್ಪೊಲಿ.

You Missed