Sat. Nov 21st, 2026

ಊರ್ದ ಸುದ್ದಿ Regional News

ರಾಷ್ಟ್ರೀಯ ವೆಯ್ಟ್ ಲಿಫ್ಟಿಂಗ್ ಡ್ ಆಳ್ವಾಸ್ ದ ಉಷಾಗ್ ಬಂಗಾರ್ದ ಪದಕ

ಬೆದ್ರ : ಒರಿಸ್ಸಾದ ಭುವನೇಶ್ವರಡ್ ನಡತೊಂದು ಉಪ್ಪುನ ರಾಷ್ಟ್ರೀಯ ವೆಯ್ಟ್ ಲಿಫ್ಟಿಂಗ್ ಚಾಂಪಿಯನ್‌ಶಿಪ್‌ಡ್ ಬೆದ್ರ ದ ಆಳ್ವಾಸ್ ಕಾಲೇಜ್ ದ ಪೆರಿಯ ವಿದ್ಯಾರ್ಥಿನಿ ಉಷಾ ಬಿ.ಎನ್ ಬಂಗಾರ್ದ ಪದಕ ಪಡೆತೆರ್ .

ಕಾಮನ್ವೆಲ್ತ್ ಚಾಂಪಿಯನ್ ಆಯಿನ ಉಷಾ ಎಪ್ರಿಲ್‌ಡ್ ಇಂಗ್ಲೆಂಡ್‌ಡ್ ನಡಪರೆ ಉಪ್ಪುನ ಕಾಮನ್ವೆಲ್ತ್ ಗೇಮ್ಸ್‌ ಡ್ ರಾಷ್ಟ್ರನ್ ಪ್ರತಿನಿಧಿಸಾಯೆರೆ ಉಲ್ಲೆರ್ .

ಮೂಲತಃ ಅರಸೀಕೆರೆದಾರ್ ಆಯಿನ ಉಷಾ ಬಿ.ಎನ್ ತನ್ನ ಪದವಿಪೂರ್ವ ಶಿಕ್ಷಣರ್ದ್ ಸ್ನಾತಕೋತ್ತರ ಶಿಕ್ಷಣನ್ ಆಳ್ವಾಸ್ದತ್ತು ಶಿಕ್ಷಣದಡಿ ಮಲ್ದೆರ್ .ಪ್ರಸ್ತುತ ಇಂಡಿಯನ್ ರೈಲ್ವೇಸ್‌ದ ಉದ್ಯೋಗಿಯಾದ್ ಉಲ್ಲೆರ್ . ಮೆರ್ನ ಸಾಧನೆನ್ ಶಿಕ್ಷಣ ಸಂಸ್ಥೆದ ಅಧ್ಯಕ್ಷ ಡಾ. ಎಂ ಮೋಹನ್ ಆಳ್ವ ಎಡ್ಡೆಪ್ಪು ಬಯಕಿಯೆರ್.

ಕುಡ್ಲದ ಜಿಲ್ಲಾಧಿಕಾರಿ ಕಚೇರಿಡ್ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತ ಅಮೈ ಮಹಾಲಿಂಗ ನಾಯ್ಕೆರೆಗ್ ಮಾನದಿಗೆ

ಕುಡ್ಲ : ದೇಶದ ಪ್ರತಿಷ್ಠಿತ ಪದ್ಮಶ್ರೀ ಪ್ರಶಸ್ತಿ ತಿಕ್ಕಿನ ಖುಷಿ ಕೊರ್ತುಂಡು . ಯಾನ್ ಪ್ರಶಸ್ತಿಗಾದ್ ಬೇಲೆ ಮಲ್ದಿಜಿ . ಈ ಪ್ರಶಸ್ತಿ ನಮ್ಮ ರಾಜ್ಯಗ್ ತಿಕ್ಕಿನ ಮಾನದಿಗೆ ಪಂದ್ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತ ಅಮೈ ಮಹಾಲಿಂಗ ನಾಯ್ಕ ಪಂಡೆರ್ .

ಮೇರ್ ಕೋಡೆ ಜಿಲ್ಲಾಧಿಕಾರಿ ಕಚೇರಿಡ್ ದ.ಕ.ಜಿಲ್ಲಾಡಳಿತರ್ದ್ ಗೌರವ ಸನ್ಮಾನ ಸ್ವೀಕಾರ ಮಲ್ತ್ ಪಾತೆರಿಯೆರ್.ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಮೇರ್ ಪೇಟೆ ಪಾರ್ದ್ , ಮಾಲೆ ಪಾಡ್ದ್ , ಸ್ಮರಣಿಕೆ ಕೊರಿಯೆರ್.

ಸನ್ಮಾನ ಸ್ವೀಕಾರ ಮಲ್ತ್ ಪಾತೆರಿನ ಮಹಾಲಿಂಗ ನಾಯ್ಕ, ಮುಟ್ಟಾಳೆ ಪಾಡ್ದ್ ಕತ್ತಿ ಪತೊಂದು ತೋಟಗ್ ಬೇಲೆಗ್ ಪೋಪಿನವು ಕೃಷಿಕೆರ್ನ ಗುರ್ತು . ಅಂಚಾದ್ ಯಾನ್ ಮುಟ್ಟಾಳೆ ಪಾಡ್ದ್ ದೆಹಲಿ ರಾಷ್ಟ್ರಪತಿ ಭವನಡ್ ಪದ್ಮಶ್ರೀ ಪ್ರಶಸ್ತಿ ಸ್ವೀಕಾರ ಮಲ್ತ್ ಪಂಡೆರ್.

ಸಜೀಪ ಬಿಲ್ಲವ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಪಂಥ ಬಿಲ್ಲವ ಟ್ರೋಫಿ 2022

ಬಂಟ್ವಾಳ ತಾಲೂಕ್ ದ ಸಜೀಪ ಬಿಲ್ಲವ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಪಂಥ “ಬಿಲ್ಲವ ಟ್ರೋಫಿ 2022” ಸಜೀಪ ಮೂಡದ ಪೆಲತ್ತಕಟ್ಟೆಡ್ ಮಾರ್ಚ್ 27, 28 ಗ್ ನಡತ್ಂಡ್.

ಬಡಪತ್ತ್ ದ ಕುಟುಂಬದ ಎಡ್ಡೆಪ್ಪುಗಾದ್ ಬ್ರಹ್ಮಶ್ರೀ ನಾರಾಯಣಗುರು ಸೇವಾ ಸಮಿತಿದ ಸಾಕಾರಡ್ ನಡತಿನ ಈ ಕ್ರಿಕೆಟ್ ಪಂಥಡ್ ಪಾಲ್ ಪಡೆಯಿನ ಬ್ರಹ್ಮಶ್ರೀ ನಾರಾಯಣಗುರು ವಿಚಾರ ವೇದಿಕೆ ರಾಜ್ಯಾಧ್ಯಕ್ಷೆರ್ ಸತ್ಯಜಿತ್ ಸುರತ್ಕಲ್ ಪಾತೆರ್ದ್, ಹಿಂದುಳಿದ ವರ್ಗದ ತ್ಯಾಗ ಬಲಿದಾನರ್ದ್ ಸ್ವಾತಂತ್ರ್ಯದ ದುಂಬು ಅತ್ತ್ಂಡ ಸ್ವಾತಂತ್ರ್ಯದ ಬೊಕ್ಕ ಭಾರತದ ಶಕ್ತಿ ಪ್ರಪಂಚದ ಎದುರ್ ತರೆ ದೆರ್ತ್ ದ್ ಉಂತುದ್ಂಡ್. ಬಿಲ್ಲವ ಸಮಾಜ ಎಡ್ಡೆ ರೀತಿದ ಮಾನಾದಿಗೆ ಪಡೆಯೊಡಾಂಡ ಸ್ವಾಭಿಮಾನರ್ದ್ ಮಾತೆರ್ಲಾ ಒಟ್ಟುಗ್ ಒಗ್ಗಟ್ಟ್ ಡ್ ಇಪ್ಪುನ ಅಗತ್ಯ ಉಂಡು ಪಂಡೆರ್.

ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ಕೋಶಾಧಿಕಾರಿ ಪದ್ಮರಾಜ್ ಆರ್ , ಪಾತೆರ್ದ್ ಬಡವೆರ್ನ ಕುಟುಂಬದ ಎಡ್ಡೆಗಾದ್ ಮಲ್ತೊಂದಿಪ್ಪುನ ಈ ಪಂಥನ್ ಯಶಸ್ವಿಯಾದ್ ನಡಪೊಂದ್ ಇಪ್ಪುನ ಸಂಘಟಕೆರ್ನ ಪರಿಶ್ರಮ ಪ್ರಶಂಸನೀಯ ಪಂದ್ ಪಂಡೆರ್.

ಲೇಸ್ ದ ಗುರ್ಕಾರ್ಮೆ ವಹಿಸೊಂದ್ ಪಾತೆರ್ದಿನ ಬಂಟ್ವಾಳ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಬೇಬಿ ಕುಂದರ್ ಪಾತೆರ್ದ್ ಸಜೀಪದ ಬಿಲ್ಲವ ಕ್ರಿಕೆಟ್ ಪಂಥ ಜಿಲ್ಲಾ ಮಟ್ಟಡ್ ಬಿಲ್ಲವ ಸಮಾಜದ ಯುವ ಬಳಗನ್ ಸಂಘಟಿತವಾದ್ ಒಟ್ಟು ಮಲ್ಪರೆ ಕಾರಣ ಆವಡ್. ಈ ರೀತಿದ ಪಂಥನ್ ಮಲ್ಪುನ ಮುಖೇನ ಬಿಲ್ಲವ ಸಮಾಜದ ಪ್ರತಿಭೆಲೆನ್ ದೇಶಗ್ ಪರಿಚಯ ಮಲ್ಪುನ ಬೇಲೆಯಾವಡ್ ಪಂದ್ ಪಂಡೆರ್.

ಸಮಾಜಗ್ ಪ್ರೇರಣೆ ಆತಿನ ಸಾಧಕೆರ್ ಆಯಿನ ಬ್ರಹ್ಮಶ್ರೀ ನಾರಾಯಣಗುರು ಸೇವಾ ಸಮಿತಿದ ಗೌರವಾಧ್ಯಕ್ಷೆರ್ ತಾಲೂಕು ಪಂಚಾಯತ್ ಸದಸ್ಯೆರ್ ಕೆ.ಸಂಜೀವ ಪೂಜಾರಿ, ಅನ್ನಪ್ಪಾಡಿ ಬಾಲಗಣಪತಿ ದೇವಸ್ಥಾನದ ಜೀರ್ಣೋದ್ಧಾರದ ರೂವಾರಿ , ಮಾಜಿ ತಾಲೂಕು ಪಂಚಾಯತ್ ಅಧ್ಯಕ್ಷೆರ್ ಯಶವಂತ ಪೂಜಾರಿ ದೇರಾಜೆ ಗುತ್ತು ಅಂಚನೆ ಯುವ ನಾಯಕೆರ್ ಹೇಮಂತ್ ಪೂಜಾರಿ ಮುಳ್ಳಿಂಜ ಮುಕ್ಲೆನ್ ಮಾನಾದಿಗೆ ಮಲ್ತೆರ್.

ಸಜೀಪಮೂಡದ ಸುಮಾರ್ 18 ಬಡಪತ್ತ್ ದ ಕುಟುಂಬನ್ ಗುರ್ತಿಸಾದ್ ಪಂದ್ಯಾಟಡ್ ಒರಿದಿನ ಕಾಸ್ ನ್ ಸೇವಾ ಪತ್ರ ಕೊರ್ಪಿನ ಮುಖೇನ ಸಹಾಯಾರ್ಥ ಮಲ್ತೆರ್.

ಈ ಪೊರ್ತುಡ್ ಯುವ ಉದ್ಯಮಿಲು ಜೆ. ಸೂರ್ಯಕಾಂತ್ ಸುವರ್ಣ ಬೊಂಬಾಯಿ, ಬಿಲ್ಲವ ಬ್ರಿಗೇಡ್ ಗೌರವಾಧ್ಯಕ್ಷೆರ್ ಸೂರಜ್ ಕುಮಾರ್ ಕಲ್ಯ, ಕಿಯೋನಿಕ್ಸ್ ಅಧ್ಯಕ್ಷೆರ್ ಹರಿಕೃಷ್ಣ ಬಂಟ್ವಾಳ, ಬಿಲ್ಲವ ಬ್ರಿಗೇಡ್ ಮಾರ್ಗದರ್ಶಕೆರ್ ಸದಾನಂದ ಪೂಜಾರಿ, ಗೆಜ್ಜೆ ಗಿರಿ ಕ್ಷೇತ್ರದ ಮೋಕ್ತೇಸರೆರ್ ಚಂದ್ರಹಾಸ ಉಚ್ಚಿಲ, ಬಂಟ್ವಾಳ ಬಿಜೆಪಿ ಅಧ್ಯಕ್ಷೆರ್ ದೇವಪ್ಪ ಪೂಜಾರಿ, ಬಿಜೆಪಿ ಹಿಂದುಳಿದ ವರ್ಗದ ಜಿಲ್ಲಾ ಕಾರ್ಯದರ್ಶಿಲು ಉದಯ ಕುಮಾರ್ ನಗ್ರಿ ಕಾಂಜಿಲ, ಶ್ರೀ ದುರ್ಗಾಪರಮೇಶ್ವರಿ ಭಕ್ತ ವೃಂದ ಸಜೀಪ ಮಾಗಣೆದ ಸ್ಥಾಪಕಾಧ್ಯಕ್ಷೆರ್ ನವೀನ್ ಸುವರ್ಣ ಮಿತ್ತಕಟ್ಟ, ಉದ್ಯಮಿ ಭುವನೇಶ್ ಪಚ್ಚಿನಡ್ಕ, ಅಮರ್ ಟ್ರೇಡರ್ಸ್ ಮಾಲಕೆರ್ ಸತೀಶ್ ಪೂಜಾರಿ ಬಿ.ಸಿ.ರೋಡ್, ಇಂಡಸ್ ಇಂಡ್ ಬ್ಯಾಂಕ್ ಮ್ಯಾನೇಜರ್ ಸುಜೀತ್ ಅಂಚನ್ ಕೊಡ್ಮಾಣ್, ಸುಭಾಷ್ ಧರ್ಮನಗರ, ಬಂಟ್ವಾಳ ಭಜರಂಗದಳತ್ತ ಗುರುರಾಜ್ ಬಂಟ್ವಾಳ, ಶ್ರೀ ಕ್ಷೇತ್ರ ಗೆಜ್ಜೆಗಿರಿ ಬಂಟ್ವಾಳ ತಾಲೂಕು ಸಮಿತಿದ ಪ್ರಧಾನ ಕಾರ್ಯದರ್ಶಿಲು ವಿಜಿತ್ ಕೋಟ್ಯಾನ್, ಬಂಟ್ವಾಳ ಕಾಂಗ್ರೆಸ್ ಕಾರ್ಮಿಕ ವಿಭಾಗದ ಅಧ್ಯಕ್ಷೆರ್ ಉಮೇಶ್ ಪೂಜಾರಿ ನೆಲ್ಲಿಗುಡ್ಡೆ, ಗುರುಬೆಳದಿಂಗಳು ಕಾರ್ಯದರ್ಶಿಲು ರಾಜೇಶ್ ಸುವರ್ಣ, ಪ್ರವೀಣ್ ಅಂಚನ್ ಅರ್ಕುಳ, ಉದ್ಯಮಿಲು ಸದಾನಂದ ಪೂಜಾರಿ ಬರಿಮಾರು, ನೋಟರಿ ವಕೀಲ ಪದ್ಮನಾಭ ಪೂಜಾರಿ ಅಳಿಕೆ, ಉದ್ಯಮಿ ರವಿ ಪೂಜಾರಿ ಕುಚ್ಚಿಗುಡ್ಡೆ, ಉದಯ ಪೂಜಾರಿ ಧರ್ಮ ಚಾವಡಿ, ಮೋಹನ್ ಮೆಲ್ಕಾರ್, ಸಜೀಪ ಮೂಡ ಬಿಜೆಪಿದ ಮುಖಂಡೆರ್ ಸುರೇಶ್ ಪೂಜಾರಿ ಸಾರ್ತಾವು, ಶ್ರೀಗುರು ಕ್ರೆಡಿಟ್ ಕೋ ಆಪರೇಟಿವ್ ಸೊಸೈಟಿ ಕಾರ್ಯನಿರ್ವಹಣಾಧಿಕಾರಿಲು ಪ್ರವೀಣ್ ಪೂಜಾರಿ ಬೀಡಿನಪಾಲು, ಉದ್ಯಮಿ ಕಿಶೋರ್ ಪೂಜಾರಿ ಕಟ್ಟೆಮಾರ್, ಸುಂದರ ಪೂಜಾರಿ ರಾಕ್ ಲೈನ್, ಶ್ರೀ ಗಿರೀಶ್ ಪೂಜಾರಿ ಪೆರ್ವ ಅಧ್ಯಕ್ಷೆರ್, ಬ್ರಹ್ಮಶ್ರೀ ನಾರಾಯಣ ಗುರು ಜ್ಞಾನಮಂದಿರ ಸಜೀಪ ಮೂಡ ಲೇಸ್ ಡ್ ಬಿನ್ನೆರಾದ್ ಇತ್ತೆರ್. ಈ ಪಂಥಗ್ ಜಾಗೆನ್ ಶ್ರೀ ಶ್ವೇತಾ ಗಣೇಶ್ ಶಿರ್ವ ಕೊರಿಯೆರ್.

ಅವಿನಾಶ್ ಪೂಜಾರಿ ಪೆರ್ವ ಬೊಕ್ಕ ಅಶೋಕ್ ಪೂಜಾರಿ ಪೆರ್ವ ಮುತಾಲಿಕೆದ ಬಿಲ್ಲವ ಅಟ್ಯಾಕರ್ಸ್ ಪೆರ್ವ, ಹೇಮಂತ್ ಪೂಜಾರಿ ಮುಳ್ಳಿಂಜ ಮುತಾಲಿಕೆದ ಬಿಲ್ಲವ ಫೈಟರ್ಸ್ ಮುಳ್ಳಿಂಜ, ರಂಜಿತ್ ಪೂಜಾರಿ ದೇರಾಜೆ ಮುತಾಲಿಕೆದ ಬಿಲ್ಲವ ವಾರಿಯರ್ಸ್ ಸಜೀಪ, ನಾಗರಾಜ್ ಪೂಜಾರಿ ಬೊಕ್ಕ ಪ್ರಶಾಂತ್ ಪೂಜಾರಿ ಕಾರಾಜೆ ಮುತಾಲಿಕೆದ ಬಿಲ್ಲವ ರಾಯಲ್ಸ್ ಕಾರಾಜೆ, ಶೇಖರ್ ಪೂಜಾರಿ, ಕಾರ್ತಿಕ್ ಪೂಜಾರಿ ಶಾರದಾನಗರ ಮುತಾಲಿಕೆದ ಬಿಲ್ಲವ ಕಿಂಗ್ಸ್ ಶಾರದಾನಗರ, ಕಿರಣ್ ಪೂಜಾರಿ, ಸಾಗರ್ ಪೂಜಾರಿ ಮಿತ್ತಮಜಲು ಮುತಾಲಿಕೆದ ಬಿಲ್ಲವ ಬುಲ್ಸ್ ಮಿತ್ತಮಜಲು, ಪುರುಷೋತ್ತಮ ಪೂಜಾರಿ ಮಿತ್ತಕಟ್ಟ, ಮನೋಹರ ಕರ್ಕೇರಾ ಶಾಂತಿನಗರ ಮುತಾಲಿಕೆದ ಬಿಲ್ಲವ ಸ್ಟ್ರೈಕರ್ಸ್, ಸುರೇಶ್ ಪೂಜಾರಿ ಮುತಾಲಿಕೆದ ಬಿಲ್ಲವ ರೈಡರ್ಸ್ ಕೊಲ್ಯ, ಭರತ್ ಅಂಚನ್, ರಾಧಾಕೃಷ್ಣ ಪೂಜಾರಿ ಕೋಟೆಕಣಿ ಮುತಾಲಿಕೆದ ಬಿಲ್ಲವ ಟೈಗರ್ಸ್ ಕಂಚಿಲ, ಪ್ರಶಾಂತ್ ಪೂಜಾರಿ ವಿಟ್ಲುಕೋಡಿ, ಪ್ರಶಾಂತ್ ಪೂಜಾರಿ ಕೊಟ್ಟಾರಿಪಾಲು ಮುತಾಲಿಕೆದ ಬಿಲ್ಲವ ಲಯನ್ಸ್ ಬೊಳ್ಳಾಯಿ ಅಂಚನೆ ಸಜೀಪದ ಬಿಲ್ಲವ ಕ್ರೀಡಾಪಟುಲೆನ 10 ಕೂಟದ ಲೀಗ್ ಮಾದರಿಡ್ ಸೆಣಸಾಟ ಮಲ್ತಿನ ಭರತ್ ಅಂಚನ್, ರಾಧಾಕೃಷ್ಣ ಪೂಜಾರಿ ಕೋಟೆಕಣಿ ಮುತಾಲಿಕೆದ ಬಿಲ್ಲವ ಟೈಗರ್ಸ್ ಕಂಚಿಲ ಬೊಕ್ಕ ಅಶೋಕ್ ಪೂಜಾರಿ, ಅವಿನಾಶ್ ಪೂಜಾರಿ ಪೆರ್ವ ಮುತಾಲಿಕೆದ ಬಿಲ್ಲವ ಅಟ್ಯಾಕರ್ಸ್ ಪೆರ್ವ ನಡುಟ್ಟ್ ಫೈನಲ್ ಪಂಥ ನಡತ್ತ್ ದ್, ಬಿಲ್ಲವ ಟೈಗರ್ಸ್ ಕಂಚಿಲ ಕೂಟ ಚಾಂಪಿಯನ್ ಆಯೆರ್.

ಏ.1-2: ಸುವರ್ಣ ಸಮಿತಿ ರಾಜ್ಯ ಪ್ರಶಸ್ತಿ ಪುರಸ್ಕೃತ ಯುವಕ ಮಂಡಲ (ರಿ.) ಕೃಷ್ಣಾಪುರ-ಕಾಟಿಪಳ್ಳದ ಸುವರ್ಣ ಮಹೋಚ್ಚಯ ಆಚರಣೆ ಕೃಷ್ಣಾಪುರ ಪರ್ಬ

ಕುಡ್ಲದ ಸುವರ್ಣ ಸಮಿತಿ ರಾಜ್ಯ ಪ್ರಶಸ್ತಿ ಪುರಸ್ಕೃತ ಯುವಕ ಮಂಡಲ (ರಿ.) ಕೃಷ್ಣಾಪುರ-ಕಾಟಿಪಳ್ಳ (1972-2022) ಸುವರ್ಣ ಮಹೋಚ್ಚಯ ಆಚರಣೆ ಕೃಷ್ಣಾಪುರ ಪರ್ಬ ಏ.1 ಬೊಕ್ಕ 2 ತಾರೀಕ್ ಗ್ ನಡಪರೆ ಉಂಡು.

ಏ.1 ಸುಕ್ರಾರ ಬಯ್ಯಗ್ 4 ಗಂಟೆಗ್ ಸಾಮೂಹಿಕ ಸತ್ಯನಾರಾಯಣ ಪೂಜೆ, 6 ಗಂಟೆಗ್ ಅಂಗನವಾಡಿ ಬೊಕ್ಕ ಯುವ ಪ್ರತಿಭೆಲೆಡ್ದ್ ನೃತ್ಯ ವೈವಿಧ್ಯ, ಅಂಚನೆ 7.30 ಗ್ ಸಭಾ ಕಾರ್ಯಕ್ರಮದ ಲೇಸ್ ನಡಪರೆ ಉಂಡು. ಸಭಾ ಕಾರ್ಯಕ್ರಮಡ್ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಶ್ರೀ ದೇವಿ ಕಿರಣ್ ಅಂಚನೆ ಯುವಕ ಮಂಡಲದ ಮಾಜಿ ಅಧ್ಯಕ್ಷೆರ್ ಬೊಕ್ಕ ಮಾಜಿ ಕಾರ್ಯದರ್ಶಿಲೆಗ್ ಗೌರವಾರ್ಪಣೆ ಮಲ್ಪರೆ ಉಂಡು. ರಾತ್ರಿ 9 ಗಂಟೆಗ್ ಭಾರತ ದರ್ಶನ ಅಂಚನೇ 11 ಗಂಟೆಗ್ ಶಿವದೂತೆ ಗುಳಿಗೆ ಪನ್ಪಿನ ವಿಭಿನ್ನ ಶೈಲಿದ ತುಳು ನಾಟಕ ನಡಪರೆ ಉಂಡು.

ಏ. 2 ಸನಿಯಾರ ಬಯ್ಯಗ್ 5 ಗಂಟೆಗ್ ಅಂಗನವಾಡಿ ಬೊಕ್ಕ ಯುವ ಪ್ರತಿಭೆಲೆಡ್ದ್ ನೃತ್ಯ ವೈವಿಧ್ಯ, ರಾತ್ರಿ 7 ಗಂಟೆಗ್ ಸಭಾ ಕಾರ್ಯಕ್ರಮ, 50 ಬಡ ಕುಟುಂಬದ ಪೊಂಜೋಕ್ಲೆಗ್ ಕರಿಮಣಿ ಭಾಗ್ಯ ಬೊಕ್ಕ ಚೆಕ್ ಕೊರ್ಪಿನ ಲೇಸ್, 9 ಗಂಟೆಗ್ ಅಮೋಘ ರಸಮಂಜರಿ ಕಾರ್ಯಕ್ರಮ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬಲೆ ಪಂದ್ ಸುವರ್ಣ ಸಂಭ್ರಮ ಸಮಿತಿದ ಗೌರವಾಧ್ಯಕ್ಷೆರ್ ಡಾ. ಭರತ್ ಶೆಟ್ಟಿ, ಕೆ.ಸಿ ನಾಗೇಂದ್ರ ಭಾರಧ್ವಾಜ್, ಅಧ್ಯಕ್ಷೆರ್ ಆಯಿನ ತಿಲಕ್ ರಾಜ್ ಕೃಷ್ಣಾಪುರ, ಕಾರ್ಯಾಧ್ಯಕ್ಷೆರ್ ಪ್ರಶಾಂತ್ ಮುಡ್ಯಾಕೊಡಿ, ಪ್ರಧಾನ ಕಾರ್ಯದರ್ಶಿಲು ಪಿ. ಸುಧಾಕರ್ ಕಾಮತ್ ಬಿನ್ನಾಪು ಮಲ್ತ್ ದೆರ್.

ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ದೇವಲ್ಯೊದ ಬ್ರಹ್ಮಕಲಶ ಉಚ್ಚಯಗ್ ಸೇಕ್ರೆಡ್ ಹಾರ್ಟ್ ಚರ್ಚ್ ಎರ್ಮಾಳ್ ವತಿರ್ದ್ ಪುದೆಕಾಣಿಕೆ ಅರ್ಪಣೆ

ಉಚ್ಚಿಲ : ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ದೇವಲ್ಯದ ಪುನರ್ ಪ್ರತಿಷ್ಠೆ, ರಥೋತ್ಸವ, ಬ್ರಹ್ಮಕಲಶ ಉಚ್ಚಯ,ನಾಗಮಂಡಲೋತ್ಸವ ಇಂಚಿನ ಧಾರ್ಮಿಕ ಲೇಸ್ ದ ಅನ್ನಸಂತರ್ಪಣೆಗ್ ಎರ್ಮಾಳು ಸೇಕ್ರೆಡ್ ಹಾರ್ಟ್ ಚರ್ಚ್ ವತಿರ್ದ್ ಪುದೆಕಾಣಿಕೆ ಅರ್ಪಣೆ ಮಲ್ತೆರ್ .

ಈ ಪೊರ್ತುಡು ಜೇಮ್ಸ್ ಡಿಸೋಜ, ವೆಲೇರಿಯನ್ ಡಿಸೋಜ, ಹಿಲರಿ ಡಿಸೋಜ, ವೆರೊನಿಕ ಬರ್ಬೋಜ, ಶಾರ್ಲೆಟ್ ಫುರ್ಟಾಡೋ, ವನಿತಾ ಡಿಸೋಜ, ಗ್ರೆಟ್ಟಾ ಡಿಸೋಜ, ಲೀನ ಡಿಸೋಜ, ರೀನಾ ಡಿಸೋಜ, ಅಲೈಸ್ ಡಿಸೋಜ ಪಾಲ್ ಪಡೆದಿತ್ತೆರ್ . ಈ ಪೊರ್ತುಡು ದೇವಸ್ಥಾನದ ಬ್ರಹ್ಮಕಲಶೋಚ್ಚಯ ಸಮಿತಿ ಅಧ್ಯಕ್ಷ ಬೊಕ್ಕ ಜೀರ್ಣೋದ್ಧಾರ ಸಮಿತಿ ಗೌರವಾಧ್ಯಕ್ಷ ನಾಡೋಜ ಡಾ|| ಜಿ ಶಂಕರ್, ದ.ಕ ಮೊಗವೀರ ಮಹಾಜನ ಸಂಘದ ಗುರ್ಕಾರ್ಲಾಯಿನ ಜಯ ಸಿ ಕೋಟ್ಯಾನ್, ಕ್ಷೇತ್ರಾಡಳಿತ ಸಮಿತಿ ಗುರ್ಕಾರ್ಲಾಯಿನ ಶ್ರೀ ವಾಸುದೇವ ಸಾಲ್ಯಾನ್, ಜೀರ್ಣೋದ್ಧಾರ ಸಮಿತಿದ ಕೋಶಾಧಿಕಾರಿ ವಿನಯ ಕರ್ಕೆರ ಪಾಲ್ ಪಡೆದಿತ್ತೆರ್.

ಕಟೀಲು ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯರ್ದ್ ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ದೇವಸ್ಥಾನಗ್ ಪುದೆಕಾಣಿಕೆ ಪ್ರಸಾದ

ಉಚ್ಚಿಲ : ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ದೇವಲ್ಯೊದ ಪುನರ್ ಪ್ರತಿಷ್ಠೆ, ರಥೋತ್ಸವ, ಬ್ರಹ್ಮಕಲಶ ಉಚ್ಚಯ , ನಾಗಮಂಡಲೋಚ್ಚಯದ ಧಾರ್ಮಿಕ ಲೇಸ್ ದ ಪರವಾದ್ ಎಪ್ರಿಲ್ 1ರ್ದ್ ಎಪ್ರಿಲ್ 15 ಮುಟ ಸುಮಾರ್ 2 ರ್ದ್ 3ಲಕ್ಷ ಭಕ್ತಾಧಿಲೆಗಾದ್ ನಡಪುನ ನಿತ್ಯ ಅನ್ನದಾಸೋಹಗ್ ಕಟೀಲು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯೊದ ವತಿರ್ದ್ ವೈಭವದ ಶೋಭಾಯಾತ್ರೆದೊಟ್ಟುಗು ಪ್ರಸಾದ ರೂಪದ ಪುದೆ ಕಾಣಿಕೆ ಕೊರಿಯೆರ್ .

ಪುದೆಕಾಣಿಕೆ ದ ಶೋಭಾಯಾತ್ರೆದೊಟ್ಟುಗು ಕಟೀಲು ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯೊದ ಅನುವಂಶಿಕ ಮೊಕ್ತೆಸೇರಾಯಿನ ಶ್ರೀ ವಾಸುದೇವ ಆಸ್ರಣ್ಣ, ಶ್ರೀ ಲಕ್ಷ್ಮೀನಾರಾಯಣ ಅಸ್ರಣ್ಣ, ಶ್ರೀಅನಂತ ಪದ್ಮನಾಭ ಅಸ್ರಣ್ಣ, ಕಮಲಾದೇವಿ ಪ್ರಸಾದ ಅಸ್ರಣ್ಣ, ಹರಿನಾರಾಯಣದಾಸ ಅಸ್ರಣ್ಣ, ಶ್ರೀಕರ ಅಸ್ರಣ್ಣ ಬೊಕ್ಕ ಶ್ರೀ ಹರಿಕೃಷ್ಣ ಪುನರೂರು, ಶ್ರೀ ಶ್ರೀಪತಿ ಆಚಾರ್ಯ ಮೂಡಬಿದ್ರೆ, ಶ್ರೀ ಭುವನಾಭಿರಾಮ ಉಡುಪ, ಶ್ರೀಮಧುಕರ ಅಮೀನ್ ಶಿಬರೂರು, ಶ್ರೀ ಸುಬಹ್ಮಣ್ಯ ಭಟ್ ಶಿಬರೂರು ಪಾಲ್ ಪಡೆದಿತ್ತೆರ್.

ಮೆಕ್ಲೆನ್ ಬ್ರಹ್ಮಕಲಶ ಉಚ್ಚಯದ ಸಮಿತಿ ಬೊಕ್ಕ ಜೀರ್ಣೋದ್ಧಾರ ಸಮಿತಿ ಗೌರವಾಧ್ಯಕ್ಷ ನಾಡೋಜ ಡಾ|| ಜಿ ಶಂಕರ್, ದ.ಕ ಮೊಗವೀರ ಮಹಾಜನ ಸಂಘದ ಗುರ್ಕಾರ್ಲಾಯಿನ ಜಯ ಸಿ ಕೋಟ್ಯಾನ್, ಕ್ಷೇತ್ರಾಡಳಿತ ಸಮಿತಿ ಗುರ್ಕಾರ್ಲಾಯಿನ ಶ್ರೀ ವಾಸುದೇವ ಸಾಲ್ಯಾನ್, ಜೀರ್ಣೋದ್ಧಾರ ಸಮಿತಿದ ಕೋಶಾಧಿಕಾರಿ ವಿನಯ ಕರ್ಕೆರ ಪಾಲ್ ಪಡೆದಿತ್ತೆರ್.

ಶ್ರೀ ಅರ್ಧನಾರೀಶ್ವರ ದೇವಲ್ಯ ಸಂಪಿಗೆದಡಿ : ಪುದೆಕಾಣಿಕೆ ಮೆರವಣಿಗೆ

ಪಾವೂರು : ಶ್ರೀ ಅರ್ಧನಾರಿಶ್ವರ ದೇವಲ್ಯ ಸಂಪಿಗೆದಡಿ ಶ್ರೀ ಅರ್ಧನಾರಿಶ್ವರ ದೇವೆಲ್ಯಡ್ ತಾರೀಖ್ 1/4/2022 ನೇ ಶುಕ್ರರರ್ದ್ 6/4/2022 ನೇ ಬುಧಾರ ಮುಟ ನಡಪುನ ಪ್ರತಿಷ್ಠೆ ಅಷ್ಟಬಂಧ ಲೇಪನ, ಬ್ರಹ್ಮ ಕಲಶಾಭಿಷೇಕ ಬೊಕ್ಕ ಉಚ್ಚಯದ ನೆಲೆಟ್ಟ್ ಶ್ರೀ ಅರ್ಧನಾರೀಶ್ವರ ದೇವೆರೆಗ್ ಪುದೆಕಾಣಿಕೆ ಶ್ರೀ ರಾಜ ರಾಜೇಶ್ವರಿ ದೇವಲ್ಯರ್ದ್ ಭವ್ಯ ಮೆರವಣಿಗೆದ ಮುಖೇನ ದೇವಲ್ಯಗ್ ಚೆಂಡೆ, ವಾದನೋದ ಗೌಜೆಡ್ ಬತ್ತ್oಡ್.

ದುಬೈಡ್ ತುಲುನಾಡ್ದ ಸಾಂಸ್ಕೃತಿಕ ಲೇಸ್

ಕುಡ್ಲ :ತುಳು ಪಾತೆರ್ಗ ತುಳು ಒರಿಪಾಗ ದುಬೈ ನೆತ್ತ 8ನೇ ವರ್ಷದ ಗೌಜಿ ಗಮ್ಮತ್ತ್ ತುಳುನಾಡ ಗೊಬ್ಬುಲೆದ ಲೇಸ್ ಲೇಸ್ ಕರಿನ ಐತಾರ ದುಬೈದ ಝಬೀಲ್ ಪಾರ್ಕ್ ಡ್ ಗೌಜಿಡ್ ನಡತುಂಡು. .

ತುಳುನಾಡ್ ದ ಸಂಪ್ರದಾಯದಲಕ ಪಾಲ್ ಪಡೆಯರೇ ಬತ್ತಿನ ತುಲು ಬಾಂಧವೆರೆನ್ ಬೆಲ್ಲ ನೀರ್ ಕೊರ್ಪಿನೆತ್ತ ಮುಖೇನ ಲೇಸ್ ಗ್ ಎದುಕೊಂಡೆರ್ . ಅನ್ವಿ ಜಗನಾಥ್ ಮೇರ್ ಪ್ರಾರ್ಥನೆ ದೊಟ್ಟುಗು ಸುರು ಮಲ್ತೆರ್ ದುಬೈದ ಖ್ಯಾತ ಉದ್ಯಮಿ ಬೊಕ್ಕ ಕೂಟದ ಗೌರವ ಮಾರ್ಗದರ್ಶಕೆರಾಯಿನ ಶ್ರಿಅಜ್ಮಲ್ ಸಯ್ಯಿದ್ ಬೊಕ್ಕ ಶ್ರೀಮತಿ ಅಸ್ಮಾತ್ ಅಜ್ಮಲ್ ದಂಪತಿಲು ಕಳಸೆಗ್ ಸೇರಾಯಿನ ಭತ್ತನ್ ಜಿಂಜಾವುನ ಮುಖೇನ ಲೇಸ್ ಉದಿಪನ ಮಲ್ತೆರ್.

ಲೇಸ್ಡ್ ಮಲ್ಲ ಬಿನ್ನೆರ್ ಆದ್ ಪ್ರಭಾಕರ್ ಶೆಟ್ಟಿ, ಸತೀಶ್ ಉಳ್ಳಾಲ್, ಶ್ರೀಮತಿ ಬೇಬಿ ಕೋಟ್ಯಾನ್, ನೋವೆಲ್ ಅಲ್ಮೇಡ, ಆನಂದ ಬೈಲೂರು ಬೊಕ್ಕ ಸಂದೀಪ್ ಕಾರ್ಲ ಪಾಲ್ ಪಡೆದಿತ್ತೆರ್.

ಕುಡ್ಲ : ಫಿಸಿಯೋಕಾನ್ 2022 ಅಂತರ್ರಾಷ್ಟ್ರೀಯ ಸಮ್ಮೇಳನ

ಕುಡ್ಲ : ಫಿಸಿಯೋಕಾನ್ 2022 ಅಂತರಾಷ್ಟ್ರೀಯ ಸಮ್ಮೇಳನ್ ಟಿಎಂ ಪೈ ಕನ್ವೆನ್ಷನ್ ಸೆಂಟ‌ರ್ ಡ್ ಮಾರ್ಚ್ 22ರ್ದ್ ಮಾರ್ಚ್ 27 ಮುಟ ಅಟ್ಟನೆ ಮಲ್ತ್ ಇತ್ತೆರ್.

 

ಸಮ್ಮೇಳನಡ್ ಒಟ್ಟು 5000 ಪ್ರತಿನಿಧಿಲು ಪಾಲ್ ಪಡೆದ್ ಇತ್ತೆರ್ . ಸಮ್ಮೇಳನ ಮಾರ್ಚ್ 22 ಕ್ಕ್ ನೆತ್ತೆರ್ ದಾನ ಶಿಬಿರ ದೊಟ್ಟುಗು ಚಾಲನೆ ಕೊರಿಯೆರ್.ಮಾರ್ಚ್ 23ಕ್ಕ್ ಜಿಲ್ಲಾ ವೆನ್ಲಾಕ್ ಆಸ್ಪತ್ರೆಡ್ ಫಲವಸ್ತು ಕೊರಿಯೆರ್ . ಮಾರ್ಚ್ 24ಕ್ಕ್ ಕುಡ್ಲ ಬೊಕ್ಕ ಬೇತೆ ಬೇತೆ ಜಾಗೆಡ್ ಸಮ್ಮೇಳನದ ಪೂರ್ವಭಾವಿ ಕಾರ್ಯಾಗಾರ ಮಲ್ತೆರ್.

Mangalore: ‘Physiocon’ 2022 international sammelan.

Mangalore: ‘ Physiocon’ 2022 international sammelan had been arranged from March 22nd to March 27th at TMA Pai Convection centre.

About 5000 representatives took part in the program and on March 22nd a massive blood donation camp was also organised.

On March 23rd fruits were distributed at government district Welock hospital.

 

 

ಒಡಿಪು ನಗರ ಸಭೆರ್ದ್ 3.4 ಕೋಟಿ ಪಣವುದ ಬಜೆಟ್ ಮಂಡನೆ

ಒಡಿಪು : ಒಡಿಪು ನಗರಸಭೆತ 2022-23ನೆ ಸಾಲ್ದ 3,04,78,000ರೂ. ಮಿಗತೆದ ಆಯವ್ಯಯ ಮುಂಗಡ ಪತ್ರನ್ ನಗರಸಭೆ ಅಧ್ಯಕ್ಷೆ ಸುಮಿತ್ರಾ ಆರ್.ನಾಯಕ್ ಬುಧಾರ ಮಂಡನೆ ಮಲ್ತೆರ್ .

ಈ ಸಲದ ಮುಂಗಡ ಪತ್ರಡ್ ಒಟ್ಟು ೧೫೫.೨೮ಕೋಟಿ ರೂ. ಆದಾಯ (ಆರಂಭದ ಶಿಲ್ಕು ೯೩.೩೬ಕೋಟಿ ರೂ.ಬೊಕ್ಕ ಒಟ್ಟು ಸ್ವೀಕೃತಿ ೬೪.೯೬ ಕೋಟಿ ರೂ.) ಅಂಚನೆ ೧೫೨.೨೩ಕೋಟಿ ರೂ. ಒಟ್ಟು ಪನವು ತೋಜಾದೆರ್.

3.4 crore rupees budget presented at Udupi town corporation.

Udupi : Udupi municipal council presented a surplus budget of 3,04,78,000 by the president of the corporation Sumitra T Nayak on Wednesday.

The revenue for the year was 155.28 crores; the opening balance was93.36 crore and total acceptence was 64.96 crore and revenue was 152.23 crore

 

You Missed