Thought of the Day
There are no secrets to success
It is the result of preparation, hard work, and learning from failure
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
Bharatesha Alasandemajalu selected for Wikimedia Summit
ಭರತೇಶ ಅಲಸಂಡೆಮಜಲು ಆರ್ ಎಪ್ರಿಲ್ 19ರ್ದ್ 22 ಮುಟ್ಟ ಜರ್ಮನಿದ ಬರ್ಲಿನ್ಡ್ ನಡಪಿನ ವಿಕಿಮೀಡಿಯ ಸಮಿತ್ 2024ಗ್ ಆಯ್ಕೆ ಆತೆರ್.
Bharathesha Alasandemajalu has been chosen to represent the Tulu and Kannada languages at the Wikimedia Summit 2024, scheduled to take place in Berlin, Germany, from April 19 to 22.
A dedicated member of the Karavali Wikimedians User Group in Mangaluru, he will serve as an ambassador for these languages.
Joining over 150 multilingual individuals from more than 100 countries, Bharathesha will participate in various activities, including discussions on ratifying Wiki Moment 2030, attending User Group representative meetings, and addressing challenges related to regional languages. Born and raised in Alasandemajalu, Perlampady, Puttur Taluk, Bharatesha is the son of Bojappa Gowda A and Girija A B.
Currently employed at the Bank of Baroda, he has previously been associated with the Karnataka Arebhashe Samskriti mattu Sahitya Academy.
Notably, Bharathesha collaborated with the Wikimedia Foundation to create “Pursa Kattuna,” Tulu’s inaugural research documentary, which garnered recognition at international film festivals.
With expertise in Tulu and Kannada writing, he remains committed to making significant contributions to the preservation of language and culture through meticulous archiving efforts.
Mangalore: A case of falling ill after drinking tender coconut water: Officials visited the factory
ಕುಡ್ಲದ ಬೊಂಡದ ನೀರ್ ದ ಫ್ಯಾಕ್ಟರಿರ್ದ್ ಕನದಿನ ಬೊಂಡದ ನೀರ್ ಪರ್ದ್ ಕೆಲವೆರ್ ಅಸ್ವಸ್ಥ ಆತೆರ್ ಪಂದ್ ಸಾಮಾಜಿಕ ಜಾಲತಾಣಡ್ ಸುದ್ದಿ ಆತಿನ ಆಧಾರಡ್ ದ.ಕನ್ನಡ ಜಿಲ್ಲಾ ಆರೋಗ್ಯಾಧಿಕಾರಿ ಡಾ| ತಿಮ್ಮಯ್ಯ ಆರ್ ಫ್ಯಾಕ್ಟರಿಗ್ ಭೇಟಿ ಆದ್ ಪರಿಶೀಲನೆ ನಡಪಾಯೆರ್.
Mangalore: On the basis of a report circulating on social media that some people have fallen ill after consuming tender coconut water brought from tender coconut factory on the outskirts of the city, the Dakshina Kannada District Health Officer Dr. Thimmaiah visited the factory, collected samples, and sent them for testing. The report is awaited.
ಎಲ್ಲೆರ್ದ್ ಕಟೀಲ್ ಜಾತ್ರೆ
ಕಟೀಲ್: ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನಡ್ ಎ.12-20 ಮುಟ್ಟ ವರ್ಷಾವಧಿ ಉಚ್ಚಯ ನಡಪರೆ ಉಂಡು.
ಎ.12 ಕ್ಕ್ ಮಲ್ಲ ರಂಗಪೂಜೆ, ಅಂಕುರಾರೋಪಣ, ಎ.13 ಕ್ಕ್ ಕೊಡಿ ಏರಿಯೆರೆ ಉಂಡು. ಬಯ್ಯಗ್ ಯಕ್ಷಲಹರಿ ಕಿನ್ನಿಗೋಳಿ ಮೊಕ್ಲೆರ್ದ್ ತಾಳಮದ್ದಲೆ ಮೇಘನಾದ ಕಾಳಗ, ರಾತ್ರೆ ಉಚ್ಚಯ ಬಲಿ ನಡಪರೆ ಉಂಡು.
ಎ.14 ಕ್ಕ್ ಯುಗಾದಿ ದೀಪದ ಬಲಿ, ಬಯ್ಯಗ್ ಮಹಿಳಾ ಯಕ್ಷಕೂಟ ಕದ್ರಿ ಮೊಕ್ಲೆರ್ದ್ ತಾಳಮದ್ದಳೆ, ರಾತ್ರೆ ಉಚ್ಚಯ ಬಲಿ ನಡಪರೆ ಉಂಡು.
ಎ.15 ಕ್ಕ್ ಭ್ರಾಮರೀವನಟ್ಟ್ ಪ್ರತಿಷ್ಠಾ ವರ್ಧಂತಿ ಬಯ್ಯಗ್ ಸಾತ್ವಿಕ ತೇಜ ಕಲಾ ಕೇಂದ್ರ, ಒಡಿಯೂರು ಮೊಕ್ಲೆರ್ದ್ ಯಕ್ಷಗಾನ -ಸುದರ್ಶನ ವಿಜಯ, ರಾತ್ರೆ ಉಚ್ಚಯ ಬಲಿ, ಮೂಡು ಸವಾರಿ ನಡಪರೆ ಉಂಡು.
ಎ.16 ಕ್ಕ್ ದೀಪದ ಬಲಿ ಬಯ್ಯಗ್ ಕು| ಅನನ್ಯ ಎನ್.ಜಿ. ಬೆಂಗಳೂರು ಮೊಕ್ಲೆರ್ದ್ ಭರತನಾಟ್ಯ, ರಾತ್ರೆ ಉಚ್ಚಯ ಬಲಿ, ಕಲಾಶ್ರೀ ನೃತ್ಯ ಬಳಗ ಕದ್ರಿ, ಕುಡ್ಲ ಮೊಕ್ಲೆರ್ದ್ ಭರತನಾಟ್ಯ ನಡಪರೆ ಉಂಡು.
ಎ.17 ಕ್ಕ್ ಬಯ್ಯಗ್ ಸರ್ವೇಶ್ ದೇವಸ್ಥಳಿ, ಉಜಿರೆ ಮೊಕ್ಲೆರ್ದ್ ಶಾಸ್ತ್ರೀಯ ಸಂಗೀತ, ರಾತ್ರೆ ಉಚ್ಚಯ ಬಲಿ, ಬೊಳ್ಳಿ ತೇರ್ ಉಚ್ಚಯ, ಮಿಥುನ್ಶ್ಯಾಮ್, ವೈಷ್ಣವಿ ನಾಟ್ಯಶಾಲಾ ಟ್ರಸ್ಟ್, ಬೆಂಗಳೂರು ಮೊಕ್ಲೆರ್ದ್ ನೃತ್ಯ ನಡಪರೆ ಉಂಡು.
ಎ.18 ಕ್ಕ್ ಪಗೆಲ್ ಬ್ರಹ್ಮಸನ್ನಿಧಿಡ್ ಪರ್ವ ಬಯ್ಯಗ್ ಕುಮಾರಿ ಶೋಭಿತಾ ಭಟ್ ಬೊಕ್ಕ ಕುಮಾರಿ ಆಶ್ವೀಜಾ ಉಡುಪ ಮೊಕ್ಲೆರ್ದ್ ಕರ್ನಾಟಕ ಶಾಸ್ತ್ರೀಯ ಸಂಗೀತ, ರಾತ್ರೆ ಉಚ್ಚಯ ಬಲಿ, ಪಡು ಸವಾರಿ, ಕದ್ರಿ ನೃತ್ಯ ವಿದ್ಯಾನಿಲಯ, ಕದ್ರಿ, ಕುಡ್ಲ ಮೊಕ್ಲೆರ್ದ್ ನೃತ್ಯರೂಪಕ – ಗಣೇಶ ಜನನ ನಡಪರೆ ಉಂಡು.
ಎ.19 ಕ್ಕ್ ಪಗೆಲ್ ತೇರ್ ಉಚ್ಚಯ ಬೊಲ್ಪುಗು ಬಲಿ ಪಿದಾಡಿಯೆರೆ, ರಥಾರೋಹಣ, ರಥೋತ್ಸವ ರಾತ್ರೆ ಉಚ್ಚಯ ಬಲಿ, ಶಯನ, ದುರ್ಗಾಮಕ್ಕಳ ಮೇಳ ಕಟೀಲ್ ಮೊಕ್ಲೆರ್ದ್ ಯಕ್ಷಗಾನ – ವೀರ ಭಾರ್ಗವ ನಡಪರೆ ಉಂಡು.
ಎ.20 ಕ್ಕ್ ಕವಾಟೋದ್ಘಾಟನೆ, ಇಡೀ ರಾತ್ರಿ ಅವಭೃತೋತ್ಸವ (ಆರಾಟ) ಎಕ್ಕಾರು ಯಾತ್ರೆ, ಬ್ರಹ್ಮರಥೋತ್ಸವ, ತೂಟೆದಾರ, ಶಿಬರೂರು ಕೊಡಮಣಿತ್ತಾಯ ಭೇಟಿ, ಧ್ವಜಾವರೋಹಣ, ರಾತ್ರೆ ವಿಶ್ವಭಾರತಿ ನೃತ್ಯ ಶಾಲೆ, ಬೆಂಗಳೂರು ಮೊಕ್ಲೆರ್ದ್ ಭರತನಾಟ್ಯ, ವಿ| ರಶ್ಮಿ ಚಿದಾನಂದ ಮತ್ತು ವಿ| ಗೀತಾ ಸರಳಾಯ, ನೃತ್ಯಭಾರತಿ ಕದ್ರಿ ಮೊಕ್ಲೆರ್ದ್ ಭರತನಾಟ್ಯ ಪ್ರದರ್ಶನ, ಉತ್ಸವಾಂಗ ಸರಸ್ವತೀ ಸದನಡ್ ಪ್ರತಿ ದಿನ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.
ಪಣಂಬೂರು ಬೀಚ್ ಡ್ ಮತದಾನ ಜಾಗೃತಿ
ಲೋಕಸಭೆ ವೋಟುದ ಲೆಕ್ಕೊಡು ದಕ್ಷಿಣ ಕನ್ನಡ ಜಿಲ್ಲಾ ಸ್ವೀಪ್ ಸಮಿತಿ ಕುಡ್ಲದ ಪಣಂಬೂರು ಬೀಚ್ ಡ್ ಮತದಾನ ಜಾಗೃತಿ ಮೂಡಿಸಾದ್ಂಡ್.
ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಡಾ. ಆನಂದ್, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ರಿಷ್ಯಂತ್ ಸಿ.ಬಿ, ಮಹಾನಗರ ಪಾಲಿಕೆ ಆಯುಕ್ತೆರ್ ಆನಂದ್ ಬೊಕ್ಕ ಪ್ರೊಬೇಷನರಿ ಐಎಎಸ್ ಅಧಿಕಾರಿ ಮುಕುಲ್ ಜೈನ್ ಕಡಲ ಕಿನಾರೆಡ್ ಮತದಾನದ ಬೋರ್ಡ್ ಪತ್ತೊಂದು ಜಾಗೃತಿ ಮೂಡಿಸಾಯೆರ್.
ಅಂಚೆನೆ ಅಧಿಕಾರಿಲು, ಪಾರಾಸೈಲಿಂಗ್, ಜೆಟ್ ಸ್ಕೀ ರೈಡ್, ಪ್ಯಾರಾಸೈಲಿಂಗ್ ಡೀಪಿಂಗ್ ಬೋಟ್ ರೈಡ್, ಬನಾನಾ ರೈಡ್ ಲ ಮಲ್ತೆರ್.
ಪುರಾಲ್ ದ ದೇವಸ್ಥಾನಡ್ ಕಡೇ ಚೆಂಡ್, ಪಲ್ಲಕ್ಕಿ ಉಚ್ಚಯ
ವಿಶಿಷ್ಟ ಸಂಪ್ರದಾಯಲೆಗ್ ಪುದರ್ ಪಡೆಯಿನ ಪೊಳಲಿ ಶ್ರೀ ರಾಜರಾಜೇಶ್ವರಿ ದೇವಸ್ಥಾನಡ್ ವರ್ಷದ ಜಾತ್ರೆದ ಲೆಕ್ಕೊಡು ಎ.10 ಬುದಾರ ದೇವೆರೆಗ್ ಮಧ್ಯಾಹ್ನ ಮಹಾಪೂಜೆ, ಕಡೇತ್ತ ಚೆಂಡ್ ಉಚ್ಚಯ ಬೊಕ್ಕ ಆಳು ಪಲ್ಲಕ್ಕಿ ಉಚ್ಚಯ ನಡತ್ಂಡ್.
ಈ ಚೆಂಡ್ ಗೊಬ್ಬುಡು ಪ್ರತಿಯೊರಿಲ ತನ್ನ ತನ್ನ ಗ್ರಾಮನ್ ಪ್ರತಿನಿಧಿಸಾವೊನ ಲೇಸ್ ಡ್ ದೂರದ ಬೊಕ್ಕ ಕೈತಲ್ದ ಪ್ರದೇಶದ ಭಕ್ತೆರ್ ಉತ್ಸಾಹರ್ದ್ ಪಾಲ್ ಪಡೆದಿತ್ತೆರ್.
ಐನ್ ದಿನತ್ತ ಆಚರಣೆಡ್ ಕುಮಾರ ತೇರ್, ಪೂ ತೇರ್, ಸೂರ್ಯ ಮಂಡಲ, ಚಂದ್ರ ಮಂಡಲ, ಪಲ್ಲಕ್ಕಿ ಉಚ್ಚಯದಂಚಿನ ಬೇತೆ ಬೇತೆ ಲೇಸ್ ನ್ ಆಯೋಜನೆ ಮಲ್ತ್ ದಿತ್ತೆರ್.
ರೇಡಿಯೊ ಮಣಿಪಾಲ್ ಡ್ ವಿದ್ಯಾರ್ಥಿನಿ ಪ್ರಿಯಾ ಆರ್.ಎಲ್
ಮಣಿಪಾಲ: ರೇಡಿಯೊ ಮಣಿಪಾಲ್ 90.4 ಮೆಗಾಹರ್ಟ್ಝ್ ಸಮುದಾಯ ಬಾನುಲಿ ಕೇಂದ್ರಡ್ ಒಡಿಪುದ ಎಂಜಿ.ಎಂ ಕಾಲೇಜ್ ದ ವಿದ್ಯಾರ್ಥಿನಿ ಪ್ರಿಯಾ ಆರ್ ಎಲ್ ನೆನಪಿನಂಗಳದಲ್ಲಿ ರೇಡಿಯೊ ಪನ್ಪುನ ಇಸಯದ ಬಗೆಟ್ಟ್ ಪಾತೆರಿಯೆರ್.
ಈ ಲೇಸ್ ಎಪ್ರಿಲ್ 11 ಕ್ಕ್ ಬಯ್ಯಗ್ 6.30 ಕ್ಕ್ ಪ್ರಸಾರ ಆಂಡ್. ಎಪ್ರಿಲ್ 12 ಕ್ಕ್ ಮಧ್ಯಾಹ್ನ 2.30 ಕ್ಕ್ ಕುಡೊರ ಪ್ರಸಾರ ಆಪುಂಡು.
ಈ ಲೇಸ್ ನ್ ರೇಡಿಯೊಡ್ ಮಾತ್ರ ಅತ್ತಂದೆ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೊ ಮಣಿಪಾಲ್ ಆಪ್ ಡೌನ್ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.
ಕಳತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಬ್ರಹ್ಮಕಲಶ ಉಚ್ಚಯದ ಲೆಪ್ಪೋಲೆ ಬುಡುಗಡೆ
ಕಟಪಾಡಿ: ರುದ್ರದೇವೆರ್ ರೋಗ ನಿವಾರಕ, ಸುಖ ದಾಯಕೆ ಆತೆರ್, ಮೂಜಿ ಗ್ರಾಮದ ಭಕ್ತೆರ್ ಶುದ್ಧ ಮನಸ್ಸ್ ರ್ದ್ ಮಲ್ತೊಂದು ಇಪ್ಪುನ ಗ್ರಾಮಾಧಿಪತಿನ ಬ್ರಹ್ಮಕಲಶ ನಾಗಮಂಡಲ ಉಚ್ಚಯ ಸೇವೆ ನಿರ್ವಿಘ್ನವಾದ್ ನಡಪಡ್ ಪಂದ್ ಪರ್ಯಾಯ ಪುತ್ತಿಗೆ ಶ್ರೀಸುಗುಣೇಂದ್ರ ತೀರ್ಥ ಸ್ವಾಮೀಜಿ ಪಂಡೆರ್.
ಮೇರ್ ಒಡಿಪು ಶ್ರೀಕೃಷ್ಣ ಮಠಟ್ಟ್ ಕಳತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯದ ಲೆಪ್ಪೋಲೆನ್ ಬುಡುಗಡೆ ಮಲ್ತ್ ದ್ ಆಶೀರ್ವಚನ ಕೊರಿಯೆರ್.
ಈ ಪೊರ್ತುಡು ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಕೇಂಜ ಶ್ರೀಧರ ತಂತ್ರಿ, ಎಲ್ಲೂರು ದೇವಸ್ಥಾನದ ನಿಕಟಪೂರ್ವ ಅಧ್ಯಕ್ಷೆರ್ ಕರುಣಾಕರ ಶೆಟ್ಟಿ, ಶ್ರೀ ಮಠತ್ತ ದಿವಾನೆರ್ ನಾಗರಾಜ ಆಚಾರ್ಯ, ಸ್ವಾಮೀಜಿನ ಆಪ್ತ ಕಾರ್ಯದರ್ಶಿ ಕಳತ್ತೂರು ರತೀಶ ತಂತ್ರಿ, ಗೌರವಾಧ್ಯಕ್ಷೆರ್ ಕಳತ್ತೂರು ಕೇಶವ ತಂತ್ರಿ, ಅರ್ಚಕೆರ್ ಕಳತ್ತೂರು ಯಾದವ ತಂತ್ರಿ, ಪ್ರಕಾಶ ತಂತ್ರಿ, ವ್ಯವಸ್ಥಾಪನಾ ಸಮಿತಿದ ಸದಸ್ಯೆರ್ ಕೆ.ವಿಷ್ಣುಮೂರ್ತಿ ಸರಳಾಯ, ಪಾದೂರು ಮಮತಾ ತಂತ್ರಿ, ಶಾರದೇಶ್ವರೀ ಗುರ್ಮೆ, ಸಂತೋಷ್ ಶೆಟ್ಟಿ ತೆಂಕರಗುತ್ತು, ಮೋಹನ ತಂತ್ರಿ, ಕೇಂಜ ರಘುರಾಮ ತಂತ್ರಿ, ಕೇಂಜ ಭಾರ್ಗವ ತಂತ್ರಿ, ಕೇಂಜ ರಾಮ ತಂತ್ರಿ ಪಾಲ್ ಪಡೆದಿತ್ತೆರ್.
ಎ.1-23: ಕಡೇಶಿವಾಲಯ ಮಹತೋಭಾರ ಚಿಂತಾಮಣಿ ಶ್ರೀ ಲಕ್ಷ್ಮೀನರಸಿಂಹ ಸ್ವಾಮಿ ದೇವಸ್ಥಾನಡ್ ವರ್ಷಾವಧಿ ಜಾತ್ರೆ
ಕಡೇಶಿವಾಲಯ ಮಹತೋಭಾರ ಚಿಂತಾಮಣಿ ಶ್ರೀ ಲಕ್ಷ್ಮೀನರಸಿಂಹ ಸ್ವಾಮಿ ದೇವಸ್ಥಾನಡ್ ವರ್ಷಾವಧಿ ಜಾತ್ರೆ ಎ.1-23 ಮುಟ್ಟ ನಡಪರೆ ಉಂಡು.
ಎ.1 ಕ್ಕ್ ಬೊಲ್ಪುಗು ಕೈಲ್ ಕಡ್ತೆರ್. ಎ.9 ಕ್ಕ್ ಮಧ್ಯಾಹ್ನ ಮಹಾಪೂಜೆ, ಕೊಡಿ ಏರ್ಂಡ್, ರಾತ್ರೆ ಪ್ರತಿಷ್ಠೆ ಉಚ್ಚಯ ನಡತ್ಂಡ್. ಎ.10-12 ಮುಟ್ಟ ನಿತ್ಯಬಲಿ, ಮಹಾಪೂಜೆ ನಡಪರೆ ಉಂಡು.
ಎ.13 ಕ್ಕ್ ಸಂಕ್ರಾಂತಿ, ಮಧ್ಯಾಹ್ನ ಮಹಾಪೂಜೆ, ರಾತ್ರೆ ಉಚ್ಚಯ, ಎ.14 ಕ್ಕ್ ಬೊಲ್ಪುಗು ಉಚ್ಚಯ, ಮಧ್ಯಾಹ್ನ ಮಹಾಪೂಜೆ ರಾತ್ರೆ ಉಚ್ಚಯ, ಎ.15 ಕ್ಕ್ ಬೊಲ್ಪುಗು ಉಚ್ಚಯ ಮಧ್ಯಾಹ್ನ ಮಹಾಪೂಜೆ ರಾತ್ರೆ ಉಚ್ಚಯ ನಡಪರೆ ಉಂಡು.
ಎ.16 ಕ್ಕ್ ಬೊಲ್ಪುಗು ಉಚ್ಚಯ, ದರ್ಶನ ಬಲಿ, ಬಟ್ಟಲ್ ಕಾಣಿಕೆ, ಮಧ್ಯಾಹ್ನ ಮಹಾಪೂಜೆ ರಾತ್ರೆ ಉಚ್ಚಯ, ಬೀದಿ ಸವಾರಿ, ಕಟ್ಟೆಪೂಜೆ ನಡಪರೆ ಉಂಡು.
ಎ.17 ಕ್ಕ್ ಮಧ್ಯಾಹ್ನ ಮಹಾಪೂಜೆ ರಾತ್ರೆ ಉಚ್ಚಯ, ಕಟ್ಟೆಪೂಜೆ, ಎ.18 ಕ್ಕ್ ಮಧ್ಯಾಹ್ನ ಮಹಾಪೂಜೆ, ರಾತ್ರೆ ಚಂದ್ರಮಂಡಲ ಉಚ್ಚಯ, ಅನ್ನ ಪ್ರಸಾದ ಸೇವೆ, ಎ.19 ಕ್ಕ್ (ಏಕಾದಶಿ) ಉಚ್ಚಯ, ಬೀದಿ ಸವಾರಿ ನಡಪರೆ ಉಂಡು.
ಎ.20 ಕ್ಕ್ ಮಧ್ಯಾಹ್ನ ಪಲ್ಲಪೂಜೆ, ಮಹಾಪೂಜೆ ರಾತ್ರೆ ಮಲ್ಲ ತೇರ್ ಉಚ್ಚಯ, ಬೆಡಿಮರ್ದ್ ಪ್ರದರ್ಶನ, ಮಹಾಪೂಜೆ, ಕವಾಟ ಬಂಧನ, ಅನ್ನ ಪ್ರಸಾದ ಸೇವೆ ನಡಪರೆ ಉಂಡು.
ಎ.21 ಕ್ಕ್ ಬೊಲ್ಪುಗು ಕವಾಟೋದ್ಘಾಟನೆ, ತುಲಾಭಾರ ಸೇವೆ, ಮಧ್ಯಾಹ್ನ ಮಹಾಪೂಜೆ ಬಯ್ಯಗ್ ಉಚ್ಚಯ, ಕಟ್ಟೆಪೂಜೆ, ಅನ್ನ ಪ್ರಸಾದ ಸೇವೆ, ಅವಭೃತ ಸ್ನಾನ, ಕೊಡಿ ಜಾವೆರೆ ಉಂಡು.
ಎ.22 ಕ್ಕ್ ರಾತ್ರೆ ಮಹಾಪೂಜೆ, ಶ್ರೀ ನಾರಾಳ್ತಾಯ ಬೊಕ್ಕ ಬೇತೆ ದೈವೊಲೆನ ನೇಮ, ಅನ್ನ ಪ್ರಸಾದ ಸೇವೆ, ಎ.23 ಕ್ಕ್ ಮಧ್ಯಾಹ್ನ ಸಂಪ್ರೋಕ್ಷಣೆ, ಮಹಾಪೂಜೆ, ರಾತ್ರೆ ಮಂಗಳ, ಮಂತ್ರಾಕ್ಷತೆ ನಡಪರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆವೊಡು ಪಂದ್ ಬ್ರಹ್ಮಶ್ರೀ ಉಚ್ಚಿಲತ್ತಾಯ ನೀಲೇಶ್ವರ ಪದ್ಮನಾಭ ತಂತ್ರಿಲು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಸಿಎಂ ಸಿದ್ದರಾಮಯ್ಯ ವಿರುದ್ಧ ಅಪಪ್ರಚಾರ, ನಕಲಿ ಸುದ್ದಿನ್ ಪ್ರಚಾರ ಮಲ್ಪುನಕ್ಲೆನ ಮಿತ್ತ್ ಸೂಕ್ತ ಕಾನೂನು ಕ್ರಮ ದೆತೊನಿಯೆರೆ ದೂರು ಅರ್ಜಿ
ಸಾಮಾಜಿಕ ಜಾಲತಾಣದ ವಾಟ್ಸ್ಯಾಪ್ ಗ್ರೂಪ್ ಡ್ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೆರೆನ ಬಗ್ಗೆ ಅಪಪ್ರಚಾರ ಬೊಕ್ಕ ಅವಮಾನಕರ ನಕಲಿ ಸುದ್ದಿನ್ ಪ್ರಚಾರ ಮಲ್ತೊಂದು ಇಪ್ಪುನಕ್ಲೆನ ಮಿತ್ತ್ ಸೂಕ್ತ ಕಾನೂನು ಕ್ರಮ ದೆತೊನಿಯೆರೆ ಕುಕ್ಕೆಸುಬ್ರಹ್ಮಣ್ಯ ಕಾಂಗ್ರೆಸ್ ಪಕ್ಷದಕುಲು ಸುಬ್ರಹ್ಮಣ್ಯ ಠಾಣಾಧಿಕಾರಿಗ್ ದೂರು ಕೊರ್ತೆರ್.
ಶೈವಾಗಮ ಕ್ಷೇತ್ರ ಶ್ರೀ ಕುಕ್ಕೆ ಬೊಕ್ಕ ಗೌಡ ಸಮಿತಿ ಸುಬ್ರಹ್ಮಣ್ಯ ವಲಯ ಪನ್ಪುನ ರಡ್ಡ್ ವಾಟ್ಸ್ಯಾಪ್ ಗ್ರೂಪ್ ಡ್ ಮೆರೆನ ಬಗ್ಗೆ ನಕಲಿ ಸುದ್ದಿನ್ ದಿನಪತ್ರಿಕೆಡ್ ಪ್ರಕಟ ಆಯಿನ ರೀತಿ ಸಂಕಲನ ಮಲ್ತ್ ದ್ ಪ್ರಕಟ ಮಲ್ದೆರ್. ಈ ಸುದ್ದಿಲೆಡ್ ಹಿಂದು ಬೊಕ್ಕ ಮುಸ್ಲಿಂ ಧರ್ಮದ ಸಮುದಾಯದ ನಡುಟ್ಟ್ ದ್ವೇಷ ಸುರು ಆಪುನ ಮತೀಯ ಭಾವನೆನ್ ಕೊರ್ದ್ ಕೋಮುಗಲಭೆಗ್ ಪ್ರಚೋದನೆ ಕೊರ್ಪುನ ಉದ್ದೇಶಕಾರಿ ಹೇಳಿಕೆಲೆಡ್ ಸೃಷ್ಟಿ ಮಲ್ದೆರ್, ಉಂದು ನಕಲಿ ಆತ್ಂಡ್. ಅಂಚಾದ್ ಕಾನೂನುಬಾಹಿರ ಪ್ರಕಟಣೆ ಮಲ್ತಿನ ಕಿಡಿಗೇಡಿಲೆನ ಮಿತ್ತ್ ತನಿಖೆ ನಡಪಾದ್ ಸೂಕ್ತ ಕಾನೂನು ಕ್ರಮ ದೆತೊನಿಯೆರೆ ಕುಕ್ಕೆ ಸುಬ್ರಹ್ಮಣ್ಯ ಭಾರತ ರಾಷ್ಟ್ರೀಯ ಪಕ್ಷದ ಅಧ್ಯಕ್ಷೆರ್ ಬೊಕ್ಕ ಕಾರ್ಯದರ್ಶಿ ದೂರುದ ಅರ್ಜಿಡ್ ತೆರಿಪಾದೆರ್.